जुगनू की चमक- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

pnjab ke sinh raja ranajitasinh snsar se chal chuke the aur rajy ke ve pratishthit purush jinake dvara unaka uttam prabndh chal raha tha paraspar ke dvesh aur anaban ke karan mar mite the. raja ranajitasinh ka banaya hua sundar kintu khokhala bhavan ab nasht ho chuka tha. kunvar dilipasinh ab ingalaind men the aur rani chndrakunvari chunar ke durg men. rani chndrakunvari ne vinasht hote hue rajy ko bahut snbhalana chaha kintu shasan-pranali n janati thi aur kootaniti eershya ki ag bhadakane ke siva aur kya karati

rat ke barah baj chuke the. rani chndrakunvari apane nivas-bhavan ke oopar chhat par khadi gnga ki or dekh rahi thi aur sochati thi-laharen kyon is prakar svatntr hain unhonne kitane ganv aur nagar dubaye hain kitane jiv-jntu tatha dravy nigal gayi hain kintu phir bhi ve svatntr hain. koee unhen bnd nahin karata. isilie n ki ve bnd nahin rah sakatin ve garajengi bal khayengi-aur bandh ke oopar chadhakar use nasht kar dengi apane zor se use baha le jayengi.

yah sochate-vicharate rani gadi par let gayi. usaki ankhon ke samane poorvavastha ki smritiyan manohar svapn ki bhanti ane lagin. kabhi usaki bhaunh ki marod talavar se bhi adhik tivr thi aur usaki muskarahat vasnt ki sugndhit samir se bhi adhik pran-poshak kintu hay ab inaki shakti hinavastha ko pahunch gayi. roye to apane ko sunane ke lie hnse to apane ko bahalane ke lie. yadi bigade to kisi ka kya bigad sakati hai aur prasann ho to kisi ka kya bana sakati hai rani aur bandi men kitana antar hai rani ki ankhon se ansoo ki boonden jharane lagin jo kabhi vish se adhik prananashak aur amrit se adhik anamol thin vah isi bhanti akeli nirash kitani bar royi jab ki akash ke taron ke siva aur koee dekhanevala n tha.

isi prakar rote-rote rani ki ankhen lag gayin. usaka pyara kaleje ka tukada kunvar dilipasinh jisamen usake pran basate the udas mukh a kar khada ho gaya. jaise gay din bhar jngalon men rahane ke pashchath sndhya ko ghar ati hai aur apane bachhade ko dekhate hi prem aur umng se matavali hokar stanon men doodh bhare poonchh uthaye daudati hai usi bhanti chndrakunvari apane donon hath phailaye apane pyare kunvar ko chhati se lapatane ke lie daudi. parntu ankhen khul gayin aur jivan ki ashaon ki bhanti vah svapn vinasht ho gaya. rani ne gnga ki or dekha aur kaha-mujhe bhi apane sath leti chalo. isake bad rani turnt chhat se utari. kamare men ek lalaten jal rahi thi. usake ujale men usane ek maili sadi pahani gahane utar diye ratnon ke ek chhote-se baks ko aur ek tivr katar ko kamar men rakha. jis samay vah bahar nikali nairashyapoorn sahas ki moorti thi. sntari ne pukara-kaun

rani ne uttar diya-main hoon jhngi.

kahan jati hai

gngajal laoongi. surahi toot gayi hai rani ji pani mang rahi hain.

sntari kuchh samip a kar bola-chal main bhi tere sath chalata hoon jara ruk ja.

jhngi boli-mere sath mat ao. rani kothe par hain. dekh lengi.

sntari ko dhokha de kar chndrakunvari gupt dvar se hoti huee andhere men kanton se ulajhati chattanon se takarati gnga ke kinare par ja pahunchi.

rat adhi se adhik ja chuki thi. gnga ji men sntoshadayini shanti viraj rahi thi. tarngen taron ko god men liye so rahi thin. charon or sannata tha. rani nadi ke kinare-kinare chali jati thi aur mud-mud kar pichhe dekhati thi. ekaek ek dongi khoonte se bndhi huee dekh padi. rani ne use dhyan se dekha to mallah soya hua tha. use jagana kal ko jagana tha. vah turnt rassi khol kar nav par savar ho gayi. nav dhire-dhire dhar ke sahare chalane lagi shok aur andhakaramay svapn ki bhanti jo dhyan ki tarngon ke sath baha chala jata ho. nav ke hilane se mallah chaunk kar uth baitha. ankhen malate-malate usane samane dekha to patare par ek stri hath men dand liye baithi hai. ghabara kar poochha-tain kaun hai re nav kahan liye jati hai rani hns padi. bhay ke ant ko sahas kahate hain. boli-sach bataoon ya jhooth

mallah kuchh bhayabhit-sa ho kar bola-sach bataya jay.

rani boli-achchha to suno. main lahaur ki rani chandrakunvari hoon. isi kile men kaid thi. aj bhagi jati hoon. mujhe jaldi banaras pahuncha de. tujhe nihal kar doongi aur shararat karega to dekh katar se sir kat doongi. sabera hone se pahale mujhe banaras pahunchana chahie.

yah dhamaki kam kar gayi. mallah ne vinit bhav se apana kambal bichha diya aur teji se dand chalane laga. kinare ke vriksh aur oopar jagamagate hue tare sath-sath daudane lage.

2

pratahkal chunar ke durg men pratyek manushy achambhit aur vyakul tha. sntari chaukidar aur laundiyan sab sir niche kiye durg ke svami ke samane upasthit the. anveshan ho raha tha parantu kuchh pata n chalata tha.

udhar rani banaras pahunchi. parantu vahan pahale se hi pulis aur sena ka jal bichha hua tha. nagar ke nake band the. rani ka pata laganevale ke lie ek bahumooly paritoshik ki soochana di gayi thi.

bandigrih se nikal kar rani ko gyat ho gaya ki vah aur dridh karagar men hai. durg men pratyek manushy usaka agyakari tha. durg ka svami bhi use samman ki drishti se dekhata tha. kintu aj svatntr ho kar bhi usake onth band the. use sabhi sthanon men shatru dekh padate the. pnkharahit pakshi ko pinjare ke kone men hi sukh hai.

pulis ke aphasar pratyek ane-janevalon ko dhyan se dekhate the kintu us bhikharini ki or kisi ka dhyan nahin jata tha jo ek phati huee sadi pahane yatriyon ke pichhe-pichhe dhire-dhire sir jhukaye gnga ki or chali a rahi hai. n vah chaunkati hai n hichakati hai n ghabarati hai. is bhikharini ki nason men rani ka rakt hai.

yahan se bhikharini ne ayodhya ki rah li. vah din bhar vikat margon men chalati aur rat ko kisi sunasan sthan par let rahati thi. mukh pila pad gaya tha. pairon men chhale the. phool-sa badan kumhala gaya tha.

vah prayah ganvon men lahaur ki rani ke charache sunati. kabhi-kabhi pulis ke adami bhi use rani ki toh men dattachitt dekh padate. unhen dekhate hi bhikharini ke hriday men soyi huee rani jag uthati. vah ankhen utha kar unhen ghrina-drishti se dekhati aur shok tatha krodh se usaki ankhen jalane lagatin. ek din ayodhya ke samip pahunch kar rani ek vriksh ke niche baithi huee thi. usane kamar se katar nikal kar samane rakh di thi. vah soch rahi thi ki kahan jaoon meri yatr ka ant kahan hai kya is snsar men ab mere lie kahin thikana nahin hai vahan se thodi door par amon ka ek bahut bada bag tha. usamen bade-bade dere aur tamboo gade hue the. kee ek sntari chamakili vardiyan pahane tahal rahe the kee ghode bndhe hue the. rani ne is rajasi that-bat ko shok ki drishti se dekha. ek bar vah bhi kashmir gayi thi. usaka padav isase kahin badh gaya tha.

baithe-baithe sndhya ho gayi. rani ne vahin rat katane ka nishchay kiya ! itane men ek boodha manushy tahalata hua aya aur usake samip khada ho gaya. ainthi huee dadhi thi sharir men sati huee chapakan thi kamar men talavar latak rahi thi. is manushy ko dekhate hi rani ne turant katar utha kar kamar men khons li. sipahi ne use tivr drishti se dekh kar poochha-beti kahan se ati ho

rani ne kaha-bahut door se.

kahan jaogi

yah nahin kah sakati bahut door.

sipahi ne rani ki or phir dhyan se dekha aur kaha-jara apani katar dikhao. rani katar snbhal kar khadi ho gayi aur tivr svar se boli-mitr ho ya shatru thakur ne kaha-mitr. sipahi ke batachit karane ke dhng men aur chehare men kuchh aisi vilakshanata thi jisase rani ko vivash ho kar vishvas karana pada.

vah boli-vishvasaghat n karana. yah dekho.

thakur ne katar hath men li. usako ulat-pulat kar dekha aur bade namr bhav se use ankhon se lagaya. tab rani ke age vinit bhav se sir jhuka kar vah bola-maharani chandrakunvari

rani ne karun svar se kaha-nahin anath bhikharini. tum kaun ho

sipahi ne uttar diya-apaka ek sevak !

rani ne usaki or nirash drishti se dekha aur kaha-durbhagy ke siva is snsar men mera koee nahin.

sipahi ne kaha-maharani ji aisa n kahie. pnjab ke sinh ki maharani ke vachan par ab bhi saikadon sir jhuk sakate hain. desh men aise log vidyaman hain jinhonne apaka namak khaya hai aur use bhoole nahin hain.

rani-ab isaki ichchha nahin. keval ek shant-sthan chahati hoon jahan par ek kuti ke siva kuchh n ho.

sipahi-aisa sthan pahadon men hi mil sakata hai. himalay ki god men chalie vahin ap upadrav se bach sakati hain.

rani-(ashchary se) shatruon men jaoon nepal kab hamara mitr raha hai

sipahi-rana jngabahadur dridhapratigy rajapoot hain.

rani-kintu vahi jngabahadur to hai jo abhi-abhi hamare viruddh lard dalahauji ko sahayata dene par udyat tha

sipahi (kuchh lajjit-sa ho kar)-tab ap maharani chndrakunvari thin aj ap bhikharini hain. aishvary ke dveshi aur shatru charon or hote hain. log jalati huee ag ko pani se bujhate hain par rakh mathe par chadhayi jati hai. ap jara bhi soch-vichar n karen nepal men abhi dharm ka lop nahin hua hai. ap bhay-tyag karen aur chalen. dekhie vah apako kis bhanti sir aur ankhon par bithata hai.

rani ne rat isi vriksh ki chhaya men kati. sipahi bhi vahin soya. pratahkal vahan do tivragami ghode dekh pade. ek par sipahi savar tha aur doosare par ek atynt roopavan yuvak. yah rani chndrakunvari thi jo apane rakshasthan ki khoj men nepal jati thi. kuchh der pichhe rani ne poochha-yah padav kisaka hai sipahi ne kaha-rana jngabahadur ka. ve tirthayatr karane aye hain kintu hamase pahale pahunch jayenge.

rani-tumane unase mujhe yahin kyon n mila diya. unaka hardik bhav prakat ho jata.

sipahi-yahan unase milana asambhav tha. ap jasooson ki drishti se n bach sakatin.

us samay yatr karana pran ko arpan kar dena tha. donon yatriyon ko anek bar dakuon ka samana karana pada. us samay rani ki virata usaka yuddh-kaushal tatha phurti dekh kar boodha sipahi danton tale anguli dabata tha. kabhi unaki tarah talavar kam kar jati aur kabhi ghode ki tej chal.

yatr badi lambi thi. jeth ka mahina marg men hi samapt ho gaya. varsha ritu ayi. akash men megh-mala chhane lagi. sookhi nadiyan utara chalin. pahadi nale garajane lage. n nadiyon men nav n nalon par ghat kintu ghode sadhe hue the. svayn pani men utar jate aur doobate-utarate bahate bhnvar khate par pahunch jate. ek bar bichchhoo ne kachhue ki pith par nadi ki yatr ki thi. yah yatr usase kam bhayanak n thi.

kahin oonche-oonche sakhoo aur mahue ke jngal the aur kahin hare-bhare jamun ke van. unaki god men hathiyon aur hiranon ke jhund kilolen kar rahe the. dhan ki kyariyan pani se bhari huee thin. kisanon ki striyan dhan ropati thin aur suhavane git gati thin. kahin un manohari dhvaniyon ke bich men khet ki medon par chhate ki chhaya men baithe hue jamindaron ke kathor shabd sunayi dete the.

isi prakar yatr ke kasht sahate anekanek vichitr drishy dekhate donon yatri taraee par karake nepal ki bhoomi men pravisht hue.

3

pratahkal ka suhavana samay tha. nepal ke maharaj surendravikramasinh ka darabar saja hua. rajy ke pratishthit mntri apane-apane sthan par baithe hue the. nepal ne ek badi ladaee ke pashchath tibbat par vijay payi thi. is samay sndhi ki sharton par vivad chhida tha. koee yuddh-vyay ka ichchhuk tha koee rajy-vistar ka. koee-koee mahashay varshik kar par zor de rahe the. keval rana jngabahadur ke ane ki der thi. ve kee mahinon ke deshatan ke pashchath aj hi rat ko laute the aur yah prasng jo unhin ke agaman ki pratiksha kar raha tha ab mntri-sabha men upasthit kiya gaya tha. tibbat ke yatri asha aur bhay ki dasha men pradhanamntri ke mukh se antim nirnay sunane ko utsuk ho rahe the. niyat samay par chobadar ne rana ke agaman ki soochana di. darabar ke log unhen samman dene ke lie khade ho gaye. maharaj ko pranam karane ke pashchath ve apane susajjit asan par baith gaye. maharaj ne kaha-rana ji ap sndhi ke lie kaun prastav karana chahate the.

rana ne namr bhav se kaha-meri alp buddhi men to is samay kathorata ka vyavahar karana anuchit hai. shokakul shatru ke sath dayaluta ka acharan karana sarvada hamara uddeshy raha hai. kya is avasar par svarth ke moh men ham apane bahumooly uddeshy ko bhool jayenge ham aisi sndhi chahate hain jo hamare hriday ko ek kar de. yadi tibbat ka darabar hamen vyaparik suvidhaen pradan karane ko katibaddh ho to ham sndhi karane ke lie sarvatha udyat hain.

mntrimndal men vivad arambh hua. sabaki sammati is dayaluta ke anusar n thi kintu maharaj ne rana ka samarthan kiya. yadyapi adhikansh sadasyon ko shatru ke sath aisi narami pasnd n thi tathapi maharaj ke vipaksh men bolane ka kisi ko sahas n hua.

yatriyon ke chale jane ke pashchath rana jngabahadur ne khade ho kar kaha-sabha men upasthit sajjano aj nepal ke itihas men ek nayi ghatana hone vali hai jise main apaki jatiy nitimatta ki pariksha samajhata hoon isamen saphal hona apake hi karttavy par nirbhar hai. aj raj-sabha men ate samay mujhe yah avedanapatr mila hai jise main ap sajjanon ki seva men upasthit karata hoon. nivedak ne tulasidas ki yah chaupaee likh di hai-

apat-kal parakhiye chari.
dhiraj dharm mitr aru nari..

maharaj ne poochha-yah patr kisane bheja hai

ek bhikharini ne.

bhikharini kaun hai

maharani chndrakunvari.

kadabad khatri ne ashchary se poochha-jo hamari mitr angreji sarakar ke viruddh ho kar bhag ayi hain

rana jngabahadur ne lajjit ho kar kaha-ji han. yadyapi ham isi vichar ko doosare shabdon men prakat kar sakate hain.

kadabad khatri-angrejon se hamari mitrata hai aur mitr ke shatru ki sahayata karana mitrata ki niti ke viruddh hai.

janaral shamasher bahadur-aisi dasha men is bat ka bhay hai ki angreji sarakar se hamare sambandh toot n jayn.

rajakumar ranavirasinh-ham yah manate hain ki atithi-satkar hamara dharm hai kintu usi samay tak jab tak ki hamare mitron ko hamari or se shnka karane ka avasar n mile.

is prasng par yahan tak matabhed tatha vad-vivad hua ki ek shor-sa mach gaya aur kee pradhan yah kahate hue sunayi diye ki maharani ka is samay ana desh ke lie kadapi mngalakari nahin ho sakata.

tab rana jngabahadur uthe. unaka mukh lal ho gaya tha. unaka sadvichar krodh par adhikar jamane ke lie vyarth prayatn kar raha tha. ve bole-bhaiyo yadi is samay meri baten ap logon ko atynt kadi jan paden to mujhe kshama kijiega kyonki ab mujhamen adhik shravan karane ki shakti nahin hai. apani jatiy sahasahinata ka yah lajjajanak drishy ab mujhase nahin dekha jata. yadi nepal ke darabar men itana bhi sahas nahin ki vah atithi-satkar aur sahayata ki niti ko nibha sake to main is ghatana ke sambandh men sab prakar ka bhar apane oopar leta hoon. darabar apane ko is vishay men nirdosh samajhe aur isaki sarvasadharan men ghoshana kar de.

kadabad khatri garm ho kar bole-keval yah ghoshana desh ko bhay se rahit nahin kar sakati.

rana jngabahadur ne krodh se onth chaba liya kintu snbhal kar kaha-desh ka shasan-bhar apane oopar lenevalon ki aisi avasthaen anivary hain. ham un niyamon se jinhen palan karana hamara karttavy hai munh nahin mod sakate. apani sharan men aye huon ka hath pakadana-unaki raksha karana rajapooton ka dharm hai. hamare poorv-purush sada is niyam par-dharm par pran dene ko udyat rahate the. apane mane hue dharm ko todana ek svatntr jati ke lie lajjaspad hai. angrej hamare mitr hain aur atyant harsh ka vishay hai ki buddhishali mitr hain. maharani chndrakunvari ko apani drishti men rakhane se unaka uddeshy keval yah tha ki upadravi logon ke giroh ka koee kendr shesh n rahe. yadi unaka yah uddeshy bhng n ho to hamari or se shnka hone ka n unhen koee avasar hai aur n hamen unase lajjit hone ki koee avashyakata.

kadabad khatri-maharani chndrakunvari yahan kis prayojan se ayi hain

rana jngabahadur-keval ek shanti-priy sukh-sthan ki khoj men jahan unhen apani duravastha ki chinta se mukt hone ka avasar mile. vah aishvaryashali rani jo rngamahalon men sukh-vilas karati thi jise phoolon ki sej par bhi chain n milata tha aj saikadon kos se anek prakar ke kasht sahan karati nadi-nale pahad-jngal chhanati yahan keval ek rakshit sthan ki khoj men ayi hain. umadi huee nadiyon aur ubalate hue nale barasat ke din. in dukhon ko ap log janate hain aur yah sab usi ek rakshit sthan ke lie usi ek bhoomi ke tukade ki asha men. kintu ham aise sthanahin hain ki unaki yah abhilasha bhi poori nahin kar sakate. uchit to yah tha ki utani-si bhoomi ke badale ham apana hriday phaila dete. sochie kitane abhiman ki bat hai ki ek apada men phnsi huee rani apane duahkh ke dinon men jis desh ko yad karati hain yah vahi pavitr desh hai. maharani chndrakunvari ko hamare is abhayaprad sthan par-hamari sharanagaton ki raksha par poora bharosa tha aur vahi vishvas unhen yahan tak laya hai. isi asha par ki pashupatinath ki sharan men mujhe shanti milegi vah yahan tak ayi hain. apako adhikar hai chahe unaki asha poorn karen ya dhool men mila den. chahe rakshanata ke-sharanagaton ke sath sadacharan ke-niyamon ko nibha kar itihas ke prishthon par apana nam chhod jayn ya jatiyata tatha sadachar-sambandhi niyamon ko mita kar svayn apane ko patit samajhen. mujhe vishvas nahin hai ki yahan ek bhi manushy aisa nirabhiman hai ki jo is avasar par sharanagat-palan-dharm ko vistrit karake apana sir ooncha kar sake. ab main apake antim nipatare ki pratiksha karata hoon. kahie ap apani jati aur desh ka nam ujjval karenge ya sarvada ke lie apane mathe par apayash ka tika lagayenge

rajakumar ne umng se kaha-ham maharani ke charanon tale ankhen bichhayenge.

kaptan vikramasinh bole-ham rajapoot hain aur apane dharm ka nirvah karenge.

janaral vanavirasinh-ham unako aisi dhoom se layenge ki snsar chakit ho jayaga.

rana jngabahadur ne kaha-main apane mitr kadabad khatri ke mukh se usaka phaisala sunana chahata hoon.

kadabad khatri ek prabhavashali purush the aur mntrimndal men ve rana jngabahadur ke viruddh mndali ke pradhan the. ve lajja bhare shabdon men bole-yadyapi main maharani ke agaman ko bhayarahit nahin samajhata kintu is avasar par hamara dharm yahi hai ki ham maharani ko ashray den. dharm se munh modana kisi jati ke lie man ka karan nahin ho sakata.

kee dhvaniyon ne umng-bhare shabdon men is prasng ka samarthan kiya.

maharaja surendravikramasinh-is nipatare par badhaee deta hoon. tumane jati ka nam rakh liya. pashupati is uttam kary men tumhari sahayata karen.

sabha visarjit huee. durg se topen chhootane lagin. nagar bhar men khabar goonj uthi ki pnjab ki rani chandrakunvari ka shubhagaman hua hai. janaral ranavirasinh aur janaral ranadhirasinh bahadur 50 000 sena ke sath maharani ki agavani ke lie chale.

atithi-bhavan ki sajavat hone lagi. bazar anek bhanti ki uttam samagriyon se saj gaye.

aishvary ki pratishtha v samman sab kahin hota hai kintu kisi ne bhikharini ka aisa samman dekha hai senaen baind bajati aur pataka phaharati huee ek umadi nadi ki bhanti jati thin. sare nagar men anand hi anand tha. donon or sundar vastrabhooshanon se saje darshakon ka samooh khada tha. sena ke kamandar age-age ghodon par savar the. sabake age rana jngabahadur jatiy abhiman ke mad men lin apane suvarnakhachit haude men baithe hue the. yah udarata ka ek pavitr drishy tha. dharmashala ke dvar par yah juloos ruka. rana hathi se utare. maharani chndrakunvari kothari se bahar nikal ayin. rana ne jhuk kar vandana ki. rani unaki or ashchary se dekhane lagin. yah vahi unaka mitr boodha sipahi tha.

ankhen bhar ayin. muskarayin. khile hue phool par se os ki boonden tapakin. rani bolin-mere boodhe thakur meri nav par laganevale kis bhanti tumhara gun gaoon

rana ne sir jhuka kar kaha-apake charanaravind se hamare bhagy uday ho gaye.

4

nepal ki rajasabha ne pachchis hazar rupaye se maharani ke lie ek uttam bhavan banava diya aur unake lie das hazar rupaya masik niyat kar diya.

vah bhavan aj tak vartaman hai aur nepal ki sharanagatapriyata tatha pranapalan-tatparata ka smarak hai. pnjab ki rani ko log aj tak yad karate hain.

yah vah sidhi hai jisase jatiyan yash ke sunahale shikhar par pahunchati hain.

ye hi ghatanaen hain jinase jatiy itihas prakash aur mahattv ko prapt hota hai.

politikal rejident ne gavarnament ko riport ki. is bat ki shnka thi ki gavarnament aauph indiya aur nepal ke bich kuchh khinchav ho jay kintu gavarnament ko rana jngabahadur par poorn vishvas tha. aur jab nepal ki rajasabha ne vishvas aur sntosh dilaya ki maharani chndrakunvari ko kisi shatru bhav ka avasar n diya jayaga to bharat sarakar ko sntosh ho gaya. is ghatana ko bharatiy itihas ki andheri rat men jugunoo ki chamak kahana chahie.

tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah