पाप का अग्निकुंड- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

kunvar prithvisinh maharaj yashavntasinh ke putr the. roop gun aur vidya men prasiddh the. eeran mi. shyam adi deshon men paribhraman kar chuke the aur kee bhashaon ke pndit samajhe jate the. inaki ek bahin thi jisaka nam rajanndini tha. yah bhi jaisi suroopavati aur sarvagunasnpanna thi vaisi hi prasannavadana aur mridubhashini bhi thi. kadavi bat kah kar kisi ka ji dukhana use pasnd nahin tha. pap ko to vah apane pas bhi nahin phatakane deti thi. yahan tak ki kee bar maharaj yashavnt se bhi vad-vivad kar chuki thi aur jab kabhi unhen kisi bahane koee anuchit kam karate dekhati to use yathashakti rokane ki cheshta karati. isaka byah kunvar dharmasinh se hua tha. yah ek chhoti riyasat ka adhikari aur maharaj yashavntasinh ki sena ka uchch padadhikari tha. dharmasinh bada udar aur karmavir tha. ise honahar dekh kar maharaj ne rajanndini ko isake sath byah diya tha aur donon bade prem se apana vaivahik jivan bitate the. dharmasinh adhikatar jodhapur men hi rahata tha. prithvisinh usake gadhe mitr the. inamen jaisi mitrata thi vaisi bhaiyon men bhi nahin hoti. jis prakar in donon rajakumaron men mitrata thi usi prakar donon rajakumariyan bhi ek doosari par jan deti thin. prithvisinh ki stri durgakunvari bahut sushila aur chatur thi. nanad-bhavaj men anaban hona lok-riti hai par in donon men itana sneh tha ki ek ke bina doosari ko kabhi kal nahin padata tha. donon striyan snskrit se prem rakhati thin.

ek din donon rajakumariyan bag ki sair men magn thin ki ek dasi ne rajanndini ke hath men ek kagaz la kar rakh diya. rajanndini ne use khola to vah snskrit ka ek patr tha. use padh kar usane dasi se kaha ki unhen bhej de. thodi der men ek stri sir se pair tak chadar odhe ati dikhayi di. isaki umr 25 sal se adhik n thi par rng pila tha. ankhen badi aur onth sookhe. chal-dhal men komalata thi aur usake dil-daul ki gathan bahut manohar thi. anuman se jan padata tha ki samay ne isaki vah dasha kar rakhi hai. par ek samay vah bhi hoga jab yah badi sundar hogi. is stri ne a kar chaukhat choomi aur ashirvad de kar pharsh par baith gayi. rajanndini ne ise sir se pair tak bade dhyan se dekha aur poochha tumhara nam kya hai

usane uttar diya mujhe brajavilasini kahate hain.

kahan rahati ho

yahan se tin din ki rah par ek ganv vikramanagar hai vahan mera ghar hai.

snskrit kahan padhi hai

mere pita ji snskrit ke bade pndit the unhonne thodi-bahut padha di hai.

tumhara byah to ho gaya hai n

byah ka nam sunate hi brajavilasini ki ankhon se ansoo bahane lage. vah avaz samhal kar boli-isaka javab main phir kabhi doongi meri ramakahani badi duahkhamay hai. use sun kar apako duahkh hoga isalie is samay kshama kijie.

aj se brajavilasini vahin rahane lagi. snskrit-sahity men usaka bahut pravesh tha. vah rajakumariyon ko pratidin rochak kavita padh kar sunati thi. usake rng roop aur vidya ne dhire-dhire rajakumariyon ke man men usake prati prem aur pratishtha utpann kar di. yahan tak ki rajakumariyon aur brajavilasini ke bich badaee-chhotaee uth gayi aur ve saheliyon ki bhanti rahane lagin.

2

kee mahine bit gaye. kunvar prithvisinh aur dharmasinh donon maharaj ke sath afaganistan ki muhim par gaye hue the. yah virah ki ghadiyan meghadoot aur raghuvnsh ke padhane men katin. brajavilasini ko kalidas ke devata se bahut prem tha aur vah usake kavyon ki vyakhya uttamata se karati aur usamen aisi barikiyan nikalati ki donon rajakumariyan mugdh ho jatin.

ek din sndhya ka samay tha donon rajakumariyan phulavadi men sair karane gayin to dekha ki brajavilasini hari-hari ghas par leti huee hai aur usaki ankhon se ansoo bah rahe hain. rajakumariyon ke achchhe bartav aur snehapoorn batachit se usaki sundarata kuchh chamak gayi thi. inake sath ab vah bhi rajakumari jan padati thi par in sabhi baton ke rahate bhi vah bechari bahudha ekant men baith kar roya karati. usake dil par ek aisi chot thi ki vah use dam bhar bhi chain nahin lene deti thi. rajakumariyan us samay use roti dekh kar badi sahanubhooti ke sath usake pas baith gayin. rajanndini ne usaka sir apani jangh par rakh liya aur usake gulab-se galon ko thapathapakar kaha-sakhi tum apane dil ka hal hamen n bataogi kya ab bhi ham gair hain tumhara yon akele duahkh ki ag men jalana hamase nahin dekha jata.

brajavilasini avaz samhal kar boli-bahan main abhagini hoon. mera hal mat suno.

raj.-agar bura n mano to ek bat poochhoon.

braj.-kya kaho

raj.-vahi jo mainne pahale din poochha tha tumhara byah hua hai ki nahin

braj.-isaka javab main kya doon abhi nahin hua.

raj.-kya kisi ka prem-ban hriday men chubha hua hai

braj.-nahin bahan eeshvar janata hai.

raj.-to itani udas kyon rahati ho kya prem ka annd uthane ko ji chahata hai

braj.-nahin duahkh ke siva man men prem ko sthan hi nahin.

raj.-ham prem ka sthan paida kar dengi.

brajavilasini ishara samajh gayi aur boli-bahan in baton ki charcha n karo.

raj.-main ab tumhara byah rachaoongi. divan jayachnd ko tumane dekha hai

brajavilasini ankhon men ansoo bhar kar boli-rajakumari main vratadharini hoon aur apane vrat ko poora karana hi mere jivan ka uddeshy hai. pran ko nibhane ke lie main jiti hoon nahin to mainne aisi aphaten jheli hain ki jine ki ichchha ab nahin rahi. mere bap vikramanagar ke jagiradar the. mere siva unake koee sntan n thi. ve mujhe pranon se adhik pyar karate the. mere hi lie unhonne barason snskrit-sahity padha tha. yuddh-vidya men ve bade nipun the aur kee bar ladaiyon par gaye the.

ek din godhooli-bela men jab gayen jngal se laut rahi thin main apane dvar par khadi thi. itane men ek javan banki pagadi bandhe hathiyar sajaye jhoomata ata dikhayi diya. meri pyari mohini is samay jngal se lauti thi aur usaka bachcha idhar kilolen kar raha tha. snyogavash bachcha us naujavan se takara gaya. gay us adami par jhapati. rajapoot bada sahasi tha. usane shayad socha ki bhagata hoon to kalnk ka tika lagata hai turnt talavar myan se khinch li aur vah gay par jhapata. gay jhallayi huee to thi hi kuchh bhi n dari. meri ankhon ke samane us rajapoot ne us pyari gay ko jan se mar dala. dekhate-dekhate saikadon adami jama ho gaye aur usako tedhi-sidhi sunane lage. itane men pita ji bhi a gaye. ve sndhya karane gaye the. unhonne a kar dekha ki dvar par saikadon adamiyon ki bhid lagi hai gay tadap rahi hai aur usaka bachcha khada ro raha hai. pita ji ki ahat sunate hi gay karahane lagi aur unaki or usane kuchh aisi drishti se dekha ki unhen krodh a gaya. mere bad unhen vah gay hi pyari thi. ve lalakar kar bole-meri gay kisane mari hai naujavan lajja se sir jhukaye samane aya aur bola-mainne.

pitaji-tum kshatriy ho

rajapoot-han !

pitaji-to kisi kshatriy se hath milate

rajapoot ka chehara tamatama gaya. bola-koee kshatriy samane a jay. hajaron adami khade the par kisi ka sahas n hua ki us rajapoot ka samana kare. yah dekh kar pitaji ne talavar khinch li aur ve us par toot pade. usane bhi talavar nikal li aur donon adamiyon men talavaren chalane lagin. pita ji boodhe the sine par jakham gahara laga. gir pade. utha kar log ghar par laye. unaka chehara pila tha par unaki ankhon se chinagariyan nikal rahi thin. main roti huee unake samane ayi. mujhe dekhate hi unhonne sab adamiyon ko vahan se hat jane ka snket kiya. jab main aur pita ji akele rah gaye to ve bole-beti tum rajapootani ho

main-ji han.

pita ji-rajapoot bat ke dhani hote hain

main-ji han.

pita ji-is rajapoot ne meri gay ki jan li hai isaka badala tumhen lena hoga.

main-apaki agya ka palan karoongi.

pita ji-agar mera beta jita hota to main yah bojh tumhari gardan par n rakhata.

main-apaki jo kuchh agya hogi main sir-ankhon se poori karoongi.

pita ji-tum pratigya karati ho

main-ji han.

pita ji-is pratigya ko poora kar dikhaogi.

main-jahan tak mera vash chalega main nishchay yah pratigya poori karoongi.

pita ji-yah meri talavar lo. jab tak tum yah talavar us rajapoot ke kaleje men n bhonk do tab tak bhog-vilas n karana.

yah kahate-kahate pita ji ke pran nikal gaye. main usi din se talavar ko kapadon men chhipaye us naujavan rajapoot ki talash men ghoomane lagi. varshon bit gaye. main kabhi bastiyon men jati kabhi pahadon-jngalon ki khak chhanati par us naujavan ka kahin pata n milata. ek din main baithi huee apane phoote bhag par ro rahi thi ki vahi naujavan adami ata hua dikhaee diya. mujhe dekhakar usane poochha too kaun hai mainne kaha main dukhiya brahmani hoon ap mujh par daya kijie aur mujhe kuchh khane ko dijie. rajapoot ne kaha achchha mere sath a !

main uth khadi huee. vah adami besudh tha. mainne bijali ki tarah lapak kar kapadon men se talavar nikali aur usake sine men bhonk di. itane men kee adami ate dikhayi pade. main talavar chhodakar bhagi. tin varsh tak pahadon aur jngalon men chhipi rahi. bar-bar ji men aya ki kahin doob maroon par jan badi pyari hoti hai. n jane kya-kya musibaten aur kathinaiyan bhogani hain jinako bhogane ko abhi tak jiti hoon. ant men jab jngal men rahate-rahate ji ukata gaya to jodhapur chali ayi. yahan apaki dayaluta ki charcha suni. apaki seva men a pahunchi aur tab se apaki kripa se main aram se jivan bita rahi hoon. yahi meri ramakahani hai.

rajanndini ne lambi sans le kar kaha-duniya men kaise-kaise log bhare hue hain. khair tumhari talavar ne usaka kam to tamam kar diya

brajavilasini-kahan bahan ! vah bach gaya jakham ochha pada tha. usi shakl ke ek naujavan rajapoot ko mainne jngal men shikar khelate dekha tha. nahin maloom vah tha ya aur koee shakl bilakul milati thi.

3

kee mahine bit gaye. rajakumariyon ne jab se brajavilasini ki ramakahani suni hai usake sath ve aur bhi prem aur sahanubhooti ka bartav karane lagi hain. pahale bina snkoch kabhi-kabhi chhedachhad ho jati thi par ab donon haradam usaka dil bahalaya karati hain. ek din badal ghire hue the rajanndini ne kaha-aj biharilal ki satasee sunane ko ji chahata hai. varsharitu par usamen bahut achchhe dohe hain.

durgakunvari-badi anamol pustak hai. sakhi tumhari bagal men jo alamari rakhi hai usi men vah pustak hai jara nikalana. brajavilasini ne pustak utari aur usaka pahala prishth khola tha ki usake hath se pustak chhoot kar gir padi. usake pahale prishth par ek tasavir lagi huee thi. vah usi nirday yuvak ki tasavir thi jo usake bap ka hatyara tha. brajavilasini ki ankhen lal ho gayin. tyori par bal pad gaye. apani pratigya yad a gayi par usake sath hi yah vichar utpann hua ki is adami ka chitr yahan kaise aya aur isaka in rajakumariyon se kya sambandh hai kahin aisa n ho ki mujhe itana kritgy ho kar apani pratigya todani pade. rajanndini ne usaki soorat dekh kar kaha-sakhi kya bat hai yah krodh kyon brajavilasini ne savadhani se kaha-kuchh nahin n jane kyon chakkar a gaya tha.

aj se brajavilasini ke man men ek aur chinta utpann huee-kya mujhe rajakumariyon ka kritgy ho kar apana pran todana padega

poore solah mahine ke bad afaganistan se prithvisinh aur dharmasinh laute. badashah ki sena ko badi-badi kathinaiyon ka samana karana pada. barf adhikata se padane lagi. pahadon ke dar barf se dhak gaye. ane-jane ke raste bnd ho gaye. rasad ke saman kam milane lage. sipahi bhookhon marane lage. ab afaganon ne samay pa kar rat ko chhape marane shuroo kiye. akhir shahajade muhiuddin ko himmat har kar lautana pada.

donon rajakumar jyon-jyon jodhapur ke nikat pahunchate the utkntha se unake man umad ate the. itane dinon ke viyog ke bad phir bhent hogi. milane ki trishna badhati jati hai. rat-din mnzil katate chale ate hain n thakavat maloom hoti hai n mandagi. donon ghayal ho rahe hain par phir bhi milane ki khushi men jakhamon ki takaliph bhoole hue hain. prithvisinh durgakunvari ke lie ek afagani katar laye hain. dharmasinh ne rajanandini ke lie kashmir ka ek bahumooly shal joda mol liya hai. donon ke dil umng se bhare hue hain.

rajakumariyon ne jab suna ki donon vir vapas ate hain to ve phoole angon n samayin. shrringar kiya jane laga, mangen motiyon se bhari jane lagin unake chehare khushi se damakane lage. itane dinon ke bichhoh ke bad phir milap hoga khushi ankhon se ubali padati hai. ek-doosare ko chhedati hain aur khush ho kar gale milati hain.

agahan ka mahina tha baragad ki daliyon men moonge ke dane lage hue the. jodhapur ke kile se salamiyon ki ghanagaraj avajen ane lagin. sare nagar men dhoom mach gayi ki kunvar prithvisinh sakushal afaganistan se laut aye. donon rajakumariyan thali men arati ke saman liye daravaze par khadi thin. prithvisinh darabariyon ke mujare lete hue mahal men aye. durgakunvari ne arati utari aur donon ek-doosare ko dekh kar khush ho gaye. dharmasinh bhi prasannata se ainthate hue apane mahal men pahunche par bhitar pair rakhane n paye the ki chhink huee aur bayin ankh phadakane lagi. rajanandini arati ka thal le kar lapaki par usaka pair phisal gaya aur thal hath se chhoot kar gir pada. dharmasinh ka matha thanaka aur rajanandini ka chehara pila ho gaya. yah asagun kyon

brajavilasini ne donon rajakumaron ke ane ka samachar sun kar un donon ko dene ke lie do abhinandan-patr banava rakhe the. sabere jab kunvar prithvisinh sndhya adi nity-kriya se nipat kar baithe to vah unake samane ayi aur usane ek sundar kush ki chngeli men abhinandan-patr rakh diya. prithvisinh ne use prasannata se le liya. kavita yadyapi utani badhiya n thi par vah nayi aur virata se bhari huee thi. ve viraras ke premi the usako padh kar bahut khush hue aur unhonne motiyon ka har upahar diya.

brajavilasini yahan se chhutti pa kar kunvar dharmasinh ke pas pahunchi. ve baithe hue rajanandini ko ladaee ki ghatanaen suna rahe the par jyon hi brajavilasini ki ankh un par padi vah sann hokar pichhe hat gayi. usako dekh kar dharmasinh ke chehare ka bhi rng ud gaya honth sookh gaye aur hath-pair sanasanane lage. brajavilasini to ulate panv lauti par dharmasinh ne charapaee par let kar donon hathon se munh dhnk liya. rajanandini ne yah drishy dekha aur usaka phool-sa badan pasine se tar ho gaya. dharmasinh sare din palng par chupachap pade karavaten badalate rahe. unaka chehara aisa kumhala gaya jaise ve barason ke rogi hon. rajanandini unaki seva men lagi huee thi. din to yon kata rat ko kunvar sahab sndhya hi se thakavat ka bahana karake let gaye. rajanandini hairan thi ki majara kya hai. brajavilasini inhin ke khoon ki pyasi hai kya yah sambhav hai ki mera pyara mera mukut dharmasinh aisa kathor ho nahin nahin aisa nahin ho sakata. vah yadyapi chahati hai ki apane bhavon se unake man ka bojh halaka kare par nahin kar sakati. ant ko nind ne usako apani god men le liya.

rat bahut bit gayi hai. akash men andhera chha gaya hai. saras ki duahkh se bhari boli kabhi-kabhi sunayi de jati hai aur rah-rah kar kile ke sntariyon ki avaz kan men a padati hai. rajanndini ki ankh ekaek khuli to usane dharmasinh ko palng par n paya. chinta huee vah jhat uth kar brajavilasini ke kamare ki or chali aur daravaze par khadi ho kar bhitar ki or dekhane lagi. sndeh poora ho gaya. kya dekhati hai ki brajavilasini hath men tega liye khadi hai aur dharmasinh donon hath jode usake samane dinon ki tarah ghutane teke baithe hain. vah drishy dekhate hi rajanndini ka khoon sookh gaya aur usake sir men chakkar ane laga pair ladakhadane lage. jan padata tha ki giri jati hai. vah apane kamare men ayi aur munh dhnk kar let rahi par usaki ankhon se ansoo ki ek boond bhi n nikali.

doosare din prithvisinh bahut sabere hi kunvar dharmasinh ke pas gaye aur muskara kar bole-bhaiya mausam bada suhavana hai shikar khelane chalate ho

dharmasinh-han chalo.

donon rajakumaron ne ghode kasavaye aur jngal ki or chal diye. prithvisinh ka chehara khila hua tha jaise kamal ka phool. ek-ek ang se teji aur chusti tapaki padati thi par kunvar dharmasinh ka chehara maila ho gaya tha mano badan men jan hi nahin hai. prithvisinh ne unhen kee bar chheda par jab dekha ki ve bahut duahkhi hain to chup ho gaye. chalate-chalate donon adami jhil ke kinare pahunche. ekaek dharmasinh thithake aur bole-mainne aj rat ko ek dridh pratigya ki hai. yah kahate-kahate unaki ankhon men pani a gaya. prithvisinh ne ghabara kar poochha-kaisi pratigya

tumane brajavilasini ka hal suna hai mainne pratigya ki hai ki jis adami ne usake bap ko mara hai use bhi jahannum men pahuncha doon.

tumane sachamuch vir-pratigya ki hai.

han yadi main poori kar sakoon. tumhare vichar men aisa adami marane yogy hai ya nahin

aise nirdayi ki gardan gutthal chhuri se katani chahie.

beshak yahi mera bhi vichar hai. yadi main kisi karan yah kam n kar sakoon to tum meri pratigya poori kar doge

badi khushi se. use pahachanate ho n

han achchhi tarah.

to achchha hoga yah kam mujhako hi karane do tumhen shayad us par daya a jay.

bahut achchha par yah yad rakho ki vah adami bada bhagyashali hai ! kee bar maut ke munh se bach kar nikala hai. kya ashchary hai ki tumako bhi us par daya a jay. isalie tum pratigya karo ki use zaroor jahannum pahunchaoge.

main durga ki shapath kha kar kahata hoon ki us adami ko avashy maroonga.

bas to ham donon mil kar kary siddh kar lenge. tum apani pratigya par dridh rahoge n

kyon kya main sipahi nahin hoon ek bar jo pratigya ki samajh lo ki vah poori karoonga chahe isamen apani jan hi kyon n chali jay.

sab avasthaon men

han sab avasthaon men.

yadi vah tumhara koee bndhu ho to

prithvisinh ne dharmasinh ko vicharapoorvak dekh kar kaha-koee bndhu ho to

dharmasinh-han sambhav hai ki tumhara koee natedar ho.

prithvisinh-(josh men) koee ho yadi mera bhaee bhi ho to bhi jita chunava doon.

dharmasinh ghode se utar pade. unaka chehara utara hua tha aur onth kanp rahe the. unhonne kamar se tega khol kar zamin par rakh diya aur prithvisinh ko lalakar kar kaha-prithvisinh taiyar ho jao. vah dusht mil gaya. prithvisinh ne chaunk kar idhar-udhar dekha to dharmasinh ke sivay aur koee dikhayi n diya.

dharmasinh-tega khincho.

prithvisinh-mainne use nahin dekha.

dharmasinh-vah tumhare samane khada hai. vah dusht kukarmi dharmasinh hi hai.

prithvisinh-(ghabara kar) ain tum ! -main-

dharmasinh-rajapoot apani pratigya poori karo.

itana sunate hi prithvisinh ne bijali ki tarah apane kamar se tega khinch liya aur use dharmasinh ke sine men chubha diya. mooth tak tega chubh gaya. khoon ka favvara bah nikala. dharmasinh zamin par gir kar dhire se bole-prithvisinh main tumhara bahut kritgy hoon. tum sachche vir ho. tumane purush ka karttavy purush ki bhanti palan kiya.

prithvisinh yah sun kar zamin par baith gaye aur rone lage.

ab rajanndini sati hone ja rahi hai. usane solahon shrringar kiye hain aur mang motiyon se bharavayi hai. kalaee men sohag ka kngan hai pairon men mahavar lagayi hai aur lal chunari odhi hai. usake ang se sugndhi ud rahi hai kyonki aj vah sati hone jati hai.

rajanndini ka chehara soory ki bhanti prakashaman hai. usaki or dekhane se ankhon men chakachaundh lag jati hai. prem-mad se usaka roan-roan mast ho gaya hai usaki ankhon se alaukik prakash nikal raha hai. vah aj svarg ki devi jan padati hai. usaki chal badi madamati hai. vah apane pyare pati ka sir apani god men leti hai aur us chita men baith jati hai jo chndan khas adi se banayi gayi hai.

sare nagar ke log yah drishy dekhane ke lie umade chale ate hain. baje baj rahe hain phoolon ki vrishti ho rahi hai. sati chita par baith chuki thi ki itane men kunvar prithvisinh aye aur hath jodakar bole-maharani mera aparadh kshama karo.

sati ne uttar diya-kshama nahin ho sakata. tumane ek naujavan rajapoot ki jan li hai tum bhi javani men mare jaoge.

sati ke vachan kabhi jhoothe hue hain ekaek chita men ag lag gayi. jayajayakar ke shabd goonjane lage. sati ka mukh ag men yon chamakata tha jaise sabere ki lalaee men soory chamakata hai. thodi der men vahan rakh ke dher ke siva aur kuchh n raha.

is sati ke man men kaisa sat tha ! parason jab usane brajavilasini ko jhijhak kar dharmasinh ke samane jate dekha tha usi samay se usake dil men sndeh ho gaya tha. par jab rat ko usane dekha ki mera pati isi stri ke samane dukhiya ki tarah baitha hua hai tab vah sndeh nishchay ki sima tak pahunch gaya aur yahi nishchay apane sath sat leta aya tha. sabere jab dharmasinh uthe tab rajanndini ne kaha tha ki main brajavilasini ke shatru ka sir chahati hoon tumhen lana hoga. aur aisa hi hua. apane sati hone ke sab karan rajanndini ne jan-boojh kar paida kiye the kyonki usake man men sat tha. pap ki ag kaise tej hoti hai ek pap ne kitani janen lin rajavnsh ke do rajakumar aur do kumariyan dekhate-dekhate is agnikund men svaha ho gayin. sati ka vachan sach hua. sat hi saptah ke bhitar prithvisinh dilli men katl kiye gaye aur durgakumari sati ho gayi.

tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah