मुक्ति-मार्ग -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

sipahi ko apani lal pagadi par, sundari ko apane gahanon par aur vaidy ko apane samane baithe hue rogiyon par jo ghamnd hota hai, vahi kisan ko apane kheton ko laharate hue dekhakar hota hai. jhingur apane ookh ke kheton ko dekhata, to us par nasha-sa chha jata. tin bighe ookh thi. isake 600 ru. to anayas hi mil jayenge. aur jo kahin bhagavanh ne dadi tej kar di to phir kya poochhana ! donon bail buddhe ho gaye. abaki nayi goee batesar ke mele se le ayega. kahin do bighe khet aur mil gaye, to likha lega. rupaye ki kya chinta. baniye abhi se usaki khushamad karane lage the. aisa koee n tha jisase usane ganv men ladaee n ki ho. vah apane age kisi ko kuchh samajhata hi n tha.

ek din sndhya ke samay vah apane bete ko god men lie matar ki phaliyan tod raha tha. itane men use bhedon ka ek jhund apani taraph ata dikhayi diya. vah apane man men kahane laga- idhar se bhedon ke nikalane ka rasta n tha. kya khet ki mend par se bhedon ka jhund nahin ja sakata tha? bhedon ko idhar se lane ki kya zaroorat? ye khet ko kuchalengi, charengi. isaka dand kaun dega? maloom hota hai, buddhoo gaderiya hai. bacha ko ghamnd ho gaya hai; tabhi to kheton ke bich se bheden liye chala ata hai. jara isaki dhithaee to dekho. dekh raha hai ki main khada hoon, phir bhi bhedon ko lautata nahin. kaun mere sath kabhi riayat ki hai ki main isaki murauvat karoon? abhi ek bheda mol mangoon to panch hi rupaye sunavega. sari duniya men char rupaye ke kambal bikate hain, par yah panch rupaye se niche ki bat nahin karata.

itane men bheden khet ke pas a gayin. jhingur ne lalakarakar kaha- are, ye bhed kahan liye ate ho?

buddhoo namr bhav se bola- mahato, dand par se nikal jayengi. ghoomakar jaoonga to kos-bhar ka chakkar padega.

jhingur- to tumhara chakkar bachane ke lie main apane khet kyon kuchalavaoon? dand hi par se le jana hai, to aur kheton ke dand se kyon nahin le gaye? kya mujhe koee choohad-chamar samajh liya hai? ya dhan ka ghamnd ho gaya hai? lautao inako !

buddhoo- mahato, aj nikal jane do. phir kabhi idhar se aoon to jo saza chahe dena.

jhingur- kah diya ki lautao inhen ! agar ek bhed bhi med par ayi to samajh lo, tumhari khair nahin.

buddhoo- mahato, agar tumhari ek bel bhi kisi bhed ke pairon-tale a jay, to mujhe baithakar sau galiyan dena.

buddhoo baten to badi namrata se kar raha tha, kintu lautane men apani hethi samajhata tha. usane man men socha, isi tarah jara-jara dhamakiyon par bhedon ko lautane laga, to phir main bheden chara chuka. aj laut jaoon, to kal ko kahin nikalane ka rasta hi n milega. sabhi rob jamane lagenge.

buddhoo bhi podha adami tha. 12 kodi bheden thin. unhen kheton men bithane ke lie fi rat ath ane kodi mazadoori milati thi, isake uparant doodh bechata tha; oon ke kambal banata tha. sochane laga- itane garam ho rahe hain, mera kar hi kya lenge? kuchh inaka dabail to hoon nahin. bhedon ne jo hari-hari pattiyan dekhin, to adhir ho gayin. khet men ghus padin. buddhoo unhen dndon se mar-marakar khet ke kinare hatata tha aur ve idhar-udhar se nikalakar khet men ja padati thin. jhingur ne ag hokar kaha- tum mujhase hekadi jatane chale ho, tumhari sari hekadi nikal doonga !

buddhoo- tumhen dekhakar chaunkati hain. tum hat jao, to main sabako nikal le jaoon.

jhingur ne ladake ko to god se utar diya aur apana dnda snbhal kar bhedon par pil pada. dhobi bhi itani nirdayata se apane gadhe ko n pitata hoga. kisi bhed ki tang tooti, kisi ki kamar tooti. sabane ben-ben ka shor machana shuroo kiya. buddhoo chupachap khada apani sena ka vidhvns apani ankhon se dekhata raha. vah n bhedon ko hankata tha, n jhingur se kuchh kahata tha, bas khada tamasha dekhata raha. do minat men jhingur ne is sena ko apane amanushik parakram se mar bhagaya. mesh-dal ka snhar karake vijay-garv se bola- ab sidhe chale jao ! phir idhar se ane ka nam n lena.

buddhoo ne ahat bhedon ki or dekhate hue kaha- jhingur, tumane yah achchha kam nahin kiya. pachhataoge.

2

kele ko katana bhi itana asan nahin, jitana kisan se badala lena ! usaki sari kamaee kheton men rahati hai, ya khalihanon men. kitani hi daivik aur bhautik apadaon ke bad kahin anaj ghar men ata hai. aur jo kahin in apadaon ke sath vidroh ne bhi sndhi kar li to bechara kisan kahin ka nahin rahata. jhingur ne ghar akar doosaron se is sngram ka vrittant kaha, to log samajhane lage- jhingur, tumane bada anarth kiya. janakar anajan banate ho. buddhoo ko janate nahin, kitana jhagadaloo adami hai. ab bhi kuchh nahin bigada. jakar use mana lo. nahin to tumhare sath sare ganv par aphat a jayagi. jhingur ki samajh men bat ayi. pachhatane laga ki mainne kahan se-kahan use roka. agar bheden thoda-bahut char hi jatin, to kaun main ujada jata tha. vastav men ham kisanon ka kalyan dabe rahane men hi hai. eeshvar ko bhi hamara sir uthakar chalana achchha nahin lagata. ji to buddhoo ke ghar jane ko n chahata tha, kintu doosaron ke agrah se majaboor hokar chala. agahan ka mahina tha, kuhara pad raha tha, charon or andhakar chhaya hua tha. ganv se bahar nikala hi tha ki sahasa apane ookh ke khet ki or agni ki jvala dekhakar chaunk pada. chhati dhadakane lagi. khet men ag lagi huee thi. betahasha dauda. manata jata tha ki mere khet men n ho. par jyon-jyon samip pahunchata tha, yah ashamay bhram shant hota jata tha. vah anarth ho hi gaya, jisake nivaran ke lie vah ghar se chala tha. hatyare ne ag laga hi di, aur mere pichhe sare ganv ko chaupat kiya. use aisa jan padata tha ki vah khet aj bahut samip a gaya hai, mano bich ke parati kheton ka astitv hi nahin raha ! ant men jab vah khet par pahuncha, to ag prachnd roop dharan kar chuki thi. jhingur ne ‘hay-hay’ machana shuroo kiya. ganv ke log daud pade aur kheton se arahar ke paudhe ukhadakar ag ko pitane lage. agni-manav-sngram ka bhishan drishy upasthit ho gaya. ek pahar tak hahakar macha raha. kabhi ek prabal hota tha, kabhi doosara. agni-paksh ke yoddha mar-marakar ji uthate the aur dvigun shakti se, ranonmatt hokar shastrag-prahar karane lagate the. manav-paksh men jis yoddha ki kirti sabase ujjval thi, vah buddhoo tha. buddhoo kamar tak dhoti chadhaye, pran hatheli par liye, agnirashi men kood padata tha, aur shatruon ko parast karake, bal-bal bachakar, nikal ata tha. ant men manav-dal ki vijay huee; kintu aisi vijay jis par har bhi hnsati. ganv-bhar ki ookh jalakar bhasm ho gayi, aur ookh ke sath sari abhilashaen bhi bhasm ho gayin.

3

ag kisane lagayi yah khula hua bhed tha; par kisi ko kahane ka sahas n tha. koee saboot nahin. pramanahin tark ka mooly hi kya? jhingur ko ghar se nikalana mushkil ho gaya. jidhar jata, tane sunane padate. log pratyaksh kahate the- yah ag tumane lagavayi. tumhin ne hamara sarvanash kiya. tumhin mare ghamnd ke dharati par pair n rakhate the. ap-ke-ap gaye, apane sath ganv-bhar ko dubo diya. buddhoo ko n chhedate to aj kyon yah din dekhana padata? jhingur ko apani barabadi ka itana duahkh n tha, jitana in jali-kati baton ka? din-bhar ghar men baitha rahata. poos ka mahina aya. jahan sari rat kolhoo chala karate the, gud ki sugndh udati rahati thi, bhatthiyan jalati rahati thin aur log bhatthiyon ke samane baithe huqqa piya karate the, vahan sannata chhaya hua tha. thnd ke mare log sanjh hi se kivaden bnd karake pad rahate aur jhingur ko kosate. magh aur bhi kashtadayak tha. ookh keval dhanadata hi nahin, kisanon ka jivanadata bhi hai. usi ke sahare kisanon ka jada katata hai. garam ras pite hain, ookh ki pattiyan tapate hain, usake agode pashuon ko khilate hain. ganv ke sare kutte jo rat ko bhatthiyon ki rakh men soya karate the thnd se mar gaye. kitane hi janavar chare ke abhav se chal base. shit ka prakop hua aur sara ganv khansi-bukhar men grast ho gaya. aur yah sari vipatti jhingur ki karani thi- abhage, hatyare jhingur ki !

jhingur ne sochate-sochate nishchay kiya ki buddhoo ki dasha bhi apani hi si banaoonga. usake karan mera sarvanash ho gaya aur chain ki bnshi baja raha hai ! main bhi usaka sarvanash karoonga.

jis din is ghatak kalah ka bijaropan hua, usi din se buddhoo ne idhar ana chhod diya tha. jhingur ne usase rabt-jabt badhana shuroo kiya. vah buddhoo ko dikhana chahata tha ki tumhare oopar mujhe bilakul sandeh nahin hai. ek din kambal lene ke bahane gaya. phir doodh lene ke bahane gaya. buddhoo usaka khoob adar-satkar karata. chilam to adami dushman ko bhi pila deta hai, vah use bina doodh aur sharabat pilaye n ane deta. jhingur ajakal ek san lapetanevali kal men mazadoori karane jaya karata tha. bahudha kee-kee dinon ki mazadoori ikatthi milati thi. buddhoo hi ki tatparata se jhingur ka rojana kharch chalata tha. atev jhingur ne khoob rabt-jabt badha liya. ek din buddhoo ne poochha- kyon jhingur, agar apani ookh jalanevale ko pa jao, to kya karo? sach kahana.

jhingur ne gambhir bhav se kaha- main usase kahoon, bhaiya tumane jo kuchh kiya, bahut achchha kiya. mera ghamnd tod diya; mujhe adami bana diya.

booddhoo- main jo tumhari jagah hota, to bina usaka ghar jalaye n manata.

jhingur- char din ki jindagani men bair-birodh badhane se kya fayada hai? main to barabad hua hi, ab use barabad karake kya paoonga?

buddhoo- bas, yahi adami ka dharm hai. par bhaee krodh ke bas men hokar buddhi ulati ho jati hai.

4

phagun ka mahina tha. kisan ookh bone ke lie kheton ko taiyar kar rahe the. buddhoo ka bazar garam tha. bhedon ki loot machi huee thi. do-char adami nity dvar par khade khushamaden kiya karate. buddhoo kisi se sidhe munh bat n karata. bhed rakhane ki phis dooni kar di thi. agar koee etaraj karata to belag kahata- to bhaiya, bheden tumhare gale to nahin lagata hoon. ji n chahe, mat rakho. lekin mainne jo kah diya hai, usase ek kaudi bhi kam nahin ho sakati ! garaj thi, log is rukhaee par bhi use ghere hi rahate the, mano pnde kisi yatri ke pichhe hon.

lakshmi ka akar to bahut bada nahin, aur vah bhi samayanusar chhota-bada hota rahata hai. yahan tak ki kabhi vah apana virath akar samet kar use kagaz ke chnd aksharon men chhipa leti hai. kabhi-kabhi manushy ki jihva par ja baithati hai; akar ka lop ho jata hai. kintu unake rahane ko bahut sthan ki zaroorat hoti hai. vah ayi, aur ghar badhane laga. chhote ghar men unase nahin raha jata. buddhoo ka ghar bhi badhane laga. dvar par baramada dala gaya, do ki jagah chhah kothariyan banavayi gayin. yon kahie ki makan naye sire se banane laga. kisi kisan se lakadi mangi, kisi se khaparon ka anva lagane ke lie upale, kisi se bans aur kisi se saraknde. divar ki uthavayi deni padi. vah bhi nakad nahin; bhedon ke bachchon ke roop men. lakshmi ka yah pratap hai. sara kam begar men ho gaya. muft men achchha-khasa ghar taiyar ho gaya. grih-pravesh ke utsav ki taiyariyan hone lagin.

idhar jhingur din-bhar mazadoori karata, to kahin adha pet ann milata. buddhoo ke ghar knchan baras raha tha. jhingur jalata tha, to kya bura karata tha ! yah anyay kisase saha jayaga?

ek din vah tahalata hua chamaron ke tole ki taraph chala gaya. harihar ko pukara. harihar ne akar ‘ram-ram’ ki, aur chilam bhari. donon pine lage. yah chamaron ka mukhiya bada dusht adami tha. sab kisan isase thar-thar kanpate the.

jhingur ne chilam pite-pite kaha- ajakal phag-vag nahin hota kya? sunayi nahin deta.

harihar- phag kya ho, pet ke dhndhe se chhutti hi nahin milati. kaho, tumhari ajakal kaisi nibhati hai?

jhingur- kya nibhati hai. nakata jiya bure haval ! din-bhar kal men mazadoori karate hain, to choolha jalata hai. chandi to ajakal buddhoo ki hai. rakhane ko thaur nahin milata. naya ghar bana, bheden aur li hain ! ab grihaparabes ki dhoom hai. saton ganv men supari jayagi !

harihar- lachchhimi maiya ati hai, to adami ki ankhon men sil a jata hai. par usako dekho, dharati par pair nahin rakhata. bolata hai, to ainth hi kar bolata hai.

jhingur- kyon n ainthe, is ganv men kaun hai usaki takkar ka ! par yar, yah aniti to nahin dekhi jati. bhagavanh de, to sir jhukakar chalana chahie. yah nahin ki apane barabar kisi ko samajhe hi nahin. usaki ding sunata hoon, to badan men ag lag jati hai. kal ka bani aj ka seth. chala hai hamin se akadane. abhi kal lngoti lagaye kheton men kaue hnkaya karata tha, aj usaka asaman men diya jalata hai.

harihar- kaho, to kuchh utajog karoon?

jhingur- kya karoge ! isi dar se to vah gay-bhains nahin palata.

harihar- bheden to hain.

jhingur- kya, bagala mare pakhana hath.

harihar- phir tumhin socho.

jhingur- aisi jugut nikalo ki phir panapane n pave.

isake bad phus-phus karake baten hone lagin. vah ek rahasy hai ki bhalaiyon men jitana dvesh hota hai, buraiyon men utana hi prem. vidvanh vidvanh ko dekhakar, sadhu sadhu ko dekhakar aur kavi kavi ko dekhakar jalata hai. ek doosare ki soorat nahin dekhana chahata. par juari juari ko dekhakar, sharabi sharabi ko dekhakar, chor chor ko dekhakar sahanubhooti dikhata hai, sahayata karata hai. ek pnditaji agar andhere men thokar khakar gir paden, to doosare pnditaji unhen uthane ke badale do thokaren aur lagayenge ki vah phir uth hi n saken. par ek chor par aphat ayi dekh doosara chor usaki madad karata hai. buraee se sab ghrina karate hain, isalie buron men paraspar prem hota hai. bhalaee ki sara snsar prashnsa karata hai, isalie bhalon se virodh hota hai. chor ko marakar chor kya payega? ghrina. vidvanh ka apaman karake vidvanh kya payega? yash.

jhingur aur harihar ne salah kar li. shadyntr rachane ki vidhi sochi gayi. usaka svaroop, samay aur kram thik kiya gaya. jhingur chala, to akada jata tha. mar liya dushman ko, ab kahan jata hai !

doosare din jhingur kam par jane laga, to pahale buddhoo ke ghar pahuncha. buddhoo ne poochha- kyon, aj nahin gaye kya?

jhingur- ja to raha hoon. tumase yahi kahane aya tha ki meri bachhiya ko apani bhedon ke sath kyon nahin chara diya karate. bechari khoonte se bndhi-bndhi mari jati hai. n ghas, n chara, kya khilayen?

buddhoo- bhaiya, main gay-bhains nahin rakhata. chamaron ko janate ho, ek hi hatyare hote hain. isi harihar ne meri do guen mar dalin. n jane kya khila deta hai. tab se kan pakade ki ab gay-bhains n paloonga. lekin tumhari ek hi bachhiya hai, usaka koee kya karega. jab chaho, pahuncha do.

yah kahakar buddhoo apane grihotsav ka saman use dikhane lage. ghi, shakkar, maida, tarakari sab mnga rakha tha. keval satyanarayan ki katha ki der thi. jhingur ki ankhen khul gayin. aisi taiyari n usane svayn kabhi ki thi aur n kisi ko karate dekhi thi. mazadoori karake ghar lauta, to sabase pahala kam jo usane kiya vah apani bachhiya ko buddhoo ke ghar pahunchana tha. usi rat ko buddhoo ke yahan satyanarayan ki katha huee. brahmabhoj bhi kiya gaya. sari rat vipron ka agat-svagat karate gujari. bhedon ke jhund men jane ka avakash hi n mila. pratahkal bhojan karake utha hi tha (kyonki rat ka bhojan sabere mila) ki ek adami ne akar khabar di- buddhoo, tum yahan baithe ho, udhar bhedon men bachhiya mari padi hai ! bhale adami, usaki pagahiya bhi nahin kholi thi !

buddhoo ne suna, aur mano thokar lag gayi. jhingur bhi bhojan karake vahin baitha tha. bola- hay-hay, meri bachhiya ! chalo, jara dekhoon to. mainne to pagahiya nahin lagayi thi. use bhedon men pahunchakar apane ghar chala gaya. tumane yah pagahiya kab laga di?

buddhoo- bhagavanh jane jo mainne usaki pagahiya dekhi bhi ho. main to tab se bhedon men gaya hi nahin.

jhingur- jate n to pagahiya kaun laga deta? gaye hoge, yad n ati hogi.

ek brahman- mari to bhedon men hi n? duniya to yahi kahegi ki buddhoo ki asavadhani se usaki mrityu huee, pagahiya kisi ki ho.

harihar- mainne kal sanjh ko inhen bhedon men bachhiya ko bandhate dekha tha.

buddhoo- mujhe?

harihar- tum nahin lathi kndhe par rakhe bachhiya ko bandh rahe the?

buddhoo- bada sachcha hai too ! toone mujhe bachhiya ko bandhate dekha tha?

harihar- to mujh par kahe bigadate ho bhaee? tumane nahin bandhi, nahin sahi.

brahman- isaka nishchay karana hoga. gohatya ka prayashchitt karana padega. kuchh hnsi thattha hai.

jhingur- maharaj, kuchh jan-boojhakar to bandhi nahin.

brahman- isase kya hota hai? hatya isi tarah lagati hai; koee goo ko marane nahin jata.

jhingur- han, gooon ko kholana-bandhana hai to jokhim ka kam.

brahman- shastron men ise mahapap kaha hai. goo ki hatya brahman ki hatya se kam nahin.

jhingur- han, phir goo to thahari hi. isi se n inaka man hota hai. jo mata, so goo. lekin maharaj, chook ho gayi. kuchh aisa kijie ki thode men bechara nipat jay?

buddhoo khada sun raha tha ki anayas mere sir hatya madhi ja rahi hai. jhingur ki kootaniti bhi samajh raha tha. main lakh kahoon, mainne bachhiya nahin bandhi, manega kaun? log yahi kahenge ki prayashchitt se bachane ke lie aisa kah raha hai.

brahman devata ka bhi usaka prayashchitt karane men kalyan hota tha. bhala aise avasar par kab chookane vale the. phal yah hua ki buddhoo ko hatya lag gayi. brahman bhi usase jale hue the. kasar nikalane ki ghat mili. tin mas ka bhiksha dnd diya, phir sat tirthasthanon ki yatra; us par 500 vipron ka bhojan aur 5 guon ka dan. buddhoo ne suna, to badhiya baith gayi. rone laga, to dnd ghatakar do mas kar diya. isake siva koee riayat nahin ho saki. n kahin apil, n kahin phariyad ! bechare ko yah dnd svikar karana pada.

buddhoo ne bheden eeshvar ko saunpi. ladake chhote the. stri akeli kya-kya karati. garib jakar dvaron par khada hota aur munh chhipaye hue kahata- gay ki bachhi diya banavas. bhiksha to mil jati, kintu bhiksha ke sath do-char kathor apamanajanak shabd bhi sunane padate. din ko jo-kuchh pata, vahi sham ko kisi ped ke niche banakar kha leta aur vahin pad rahata. kasht ki to use parava n thi, bhedon ke sath din-bhar chalata hi tha, ped ke niche sota hi tha, bhojan bhi isase kuchh hi achchha milata tha par lajja thi bhiksha mangane ki. vishesh karake jab koee karkasha yah vyngy kar deti thi ki roti kamane ka achchha dhng nikala hai, to use hardik vedana hoti thi. par kare kya?

do mahine ke bad vah ghar lauta. bal badhe hue the. durbal itana, mano 60 varsh ka boodha ho. tirthayatra ke lie rupayon ka prabandh karana tha, gadariyon ko kaun mahajan karz de ! bhedon ka bharosa kya? kabhi-kabhi rog phailata hai, to rat bhar men dal-ka-dal saf ho jata hai. us par jeth ka mahina, jab bhedon se koee amadani hone ki asha nahin. ek teli raji bhi hua, to do rupaye byaj par. ath mahine men byaj mool ke barabar ho jayaga. yahan karz lene ki himmat n padi. idhar do mahinon men kitani hi bheden chori chali gayi thin. ladake charane le jate the. doosare ganv vale chupake se ek-do bheden kisi khet ya ghar men chhipa dete aur pichhe marakar kha jate. ladake bechare ek to pakad n sakate, aur jo dekh bhi lete to laden kyonkar. sara ganv ek ho jata. ek mahine men to bheden adhi bhi n rahengi. badi vikat samasya thi. vivash hokar buddhoo ne ek boochad ko bulaya aur sab bheden usake hath bech dalin. 500 ru. hath lage. usamen se 200 ru. lekar tirthayatra karane gaya. shesh rupaye brahmabhoj adi ke lie chhod gaya.

buddhoo ke jane par usake ghar men do bar sendh lagi. par yah kushal huee ki jagahat ho jane ke karan rupaye bach gaye.

5

savan ka mahina tha. charon or hariyali chhayi huee thi. jhingur ke bail n the. khet bataee par de diye the. buddhoo prayashchitt se nivritt ho gaya tha aur usake sath hi maya ke phande se bhi. n jhingur ke pas kuchh tha, n buddhoo ke pas. kaun kisase jalata aur kis lie jalata?

san ki kal band ho jane ke karan jhingur ab beladari ka kam karata tha. shahar men ek vishal dharmashala ban rahi thi. hajaron mazadoor kam karate the. jhingur bhi unhin men tha. sataven din mazadoori ke paise lekaraghar ata tha aur rat-bhar rahakar sabere phir chala jata tha.

buddhoo bhi mazadoori ki toh men yahin pahuncha. jamadar ne dekha durbal adami hai, kathin kam to isase ho n sakega, karigaron ko gara dene ke lie rakh liya. buddhoo sir par tasala rakhe gara lene gaya, to jhingur ko dekha. ‘ram-ram’ huee, jhingur ne gara bhar diya, buddhoo utha laya. din-bhar donon chupachap apana-apana kam karate rahe.

sndhya samay jhingur ne poochha- kuchh banaoge n?

buddhoo- nahin to khaoonga kya?

jhingur- main to ek joon chabaina kar leta hoon. is joon sattoo par kat deta hoon. kaun jhnjhat kare.

buddhoo- idhar-udhar lakadiyan padi huee hain bator lao. ata main ghar se leta aya hoon. ghar hi pisava liya tha. yahan to bada mahnga milata hai. isi patthar ki chattan par ata goondhe leta hoon. tum to mera banaya khaoge nahin, isalie tumhin rotiyan senko, main bana doonga.

jhingur- tava bhi to nahin hai?

buddhoo- tave bahut hain. yahi gare ka tasala manje leta hoon.

ag jali, ata goondha gaya. jhingur ne kachchi-pakki rotiyan banayin. buddhoo pani laya. donon ne lal mirch aur namak se rotiyan khayin. phir chilam bhari gayi. donon adami patthar ki silon par lete, aur chilam pine lage.

buddhoo ne kaha- tumhari ookh men ag mainne lagayi thi.

jhingur ne vinod ke bhav se kaha- janata hoon.

thodi der bad jhingur bola- bachhiya mainne hi bandhi thi aur harihar ne use kuchh khila diya tha.

buddhoo ne bhi vaise hi bhav se kaha- janata hoon.

phir donon so gaye.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah