निमंत्रण -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

pndit moteram shastri ne andar ja kar apane vishal udar par hath pherate hue yah pad pncham svar men gaya, ajagar kare n chakari, pnchhi kare n kam, das malooka kah gaye, sabake data ram ! sona ne praphullit ho kar poochha, ' koee mithi taji khabar hai kya ? ' shastri ji ne paintare badal kar kaha, ' mar liya aj. aisa tak kar mara ki charon khane chitt. sare ghar ka nevata ! sare ghar ka. vah badh-badhakar hath maroonga ki dekhane vale dng rah jaeenge. udar maharaj abhi se adhir ho rahe hain.' sona - ‘' kahin pahale ki bhanti ab ki bhi dhokha n ho. pakka-podha kar liya hai n ? ' moteram ne moonchhen ainthate hue kaha, ' aisa asagun munh se n nikalo. bade jap-tap ke bad yah shubh din aya hai. jo taiyariyan karani hon, kar lo.' sona - ‘vah to karoongi hi. kya itana bhi nahin janati ? janm bhar ghas thode hi khodati rahi hoon; magar hai ghar bhar ka n ? ' moteram - ‘ab aur kaise kahoon; poore ghar bhar ka hai. isaka arth samajh men n aya ho, to mujhase poochho. vidvanon ki bat samajhana sabaka kam nahin.' magar unaki bat sabhi samajh len, to unaki vidvatta ka mahattv hi kya rahe; batao, kya samajhin ? main is samay bahut hi saral bhasha men bol raha hoon; magar tum nahin samajh sakin. batao, vidvattaa kise kahate hain ? mahattv hi ka arth batao. ghar bhar ka nimntran dena kya dillagi hai ? han, aise avasar par vidvanh log rajaniti se kam lete hain aur usaka vahi ashay nikalate hain, jo apane anukool ho. muradapur ki rani sahab sat brahmanon ko ichchhapoorn bhojan karana chahati hain. kaun-kaun mahashay mere sath jaeenge, yah nirnay karana mera kam hai. alagooram shastri, beniram shastri, chhediram shastri, bhavaniram shastri, phekooram shastri, moteram shastri adi jab itane adami apane ghar hi men hain, tab bahar kaun brahmanon ko khojane jaee. sona - ‘aur satavan kaun hai ? ' mote.-’'buddhi daudao.' sona - ‘ek pattal ghar lete ana.' mote.-’phir vahi bat kahi, jisamen badanami ho. chhi: chhi: ! pattal ghar laoon. us pattal men vah svad kahan jo jajaman ke ghar par baith kar bhojan karane men hai. suno, sataven mahashay hain, pndit sonaram shastri.' sona - ‘chalo, dillagi karate ho. bhala, kaise jaoongi ? ' mote.-’aise hi kathin avasaron par to vidya ki avashyakata padati hai. vidvanh adami avasar ko apana sevak bana leta hai, moorkh apane bhagy ko rota hai. sonadevi aur sonaram shastri men kya antar hai, janati ho ? keval paridhan ka. paridhan ka arth samajhati ho ? paridhan 'pahanav' ko kahate hain. isi sadi ko meri tarah bandha lo, meri mirajee pahan lo, oopar se chadar odh lo. pagadi main bandha doonga. phir kaun pahachan sakata hai ? sona ne hnsakar kaha, 'mujhe to laj lagegi.' mote.-’tumhen karana hi kya hai ? baten to ham karenge.' sona ne man hi man anevale padarthon ka annd le kar kaha, 'bada maja hoga ! ' mote.-’bas, ab vilamb n karo. taiyari karo, chalo.' sona - ‘kitani phnki bana loon ?' mote.-’yah main nahin janata. bas, yahi adarsh samane rakho ki adhik se adhik labh ho. sahasa sonadevi ko ek bat yad a gayi. boli, achchha, in bichhuon ko kya karoongi ? ' moteram ne tyori chadha kar kaha, 'inhen uthakar rakh dena, aur kya karogi ? ' sona - ‘han ji, kyon nahin. utar kar rakh kyon n doongi ? mote.-’to kya tumhare bichhue pahane hi se main ji raha hoon ? jita hoon paushtik padarthon ke sevan se. tumhare bichhuon ke puny se nahin jita.' sona - ‘nahin bhaee, main bichhue n utaroongi.' moteram ne soch kar kaha, 'achchha, pahane chalo, koee hani nahin. govardhanadhari yah badha bhi har lenge. bas, panv men bahut-se kapade lapet lena. main kah doonga, in pndit ji ko philapanv ho gaya. kyon, kaisi soojhi ? ' pnditain ne patidev ko prashnsa-soochak netron se dekh kar kaha, 'janm bhar padha nahin hai ?' sndhya-samay pndit ji ne panchon putron ko bulaya aur upadesh dene lage, 'putro, koee kam karane ke pahale khoob soch-samajh lena chahie ki kaisa kya hoga. man lo, rani sahab ne tum logon ka pata-thikana poochhana arambh kiya, to tum log kya uttar doge ? yah to mahanh moorkhata hogi ki tum sab mera nam lo. socho, kitane kalnk aur lajja ki bat hogi ki mujh-jaisa vidvanh keval bhojan ke lie itana bada kuchakr rache. isalie tum sab thodi der ke lie bhool jao ki mere putr ho. koee mera nam n batalaye. snsar men namon ki kami nahin, koee achchha-sa nam chun kar bata dena. pita ka nam badal dene se koee gali nahin lagati. yah koee aparadh nahin.’ alagoo. - ’ap hi bata dijie.’ mote.-’achchhi bat hai, bahut achchhi bat hai. han, itane mahattv ka kam mujhe svayn karana chahie. achchha suno, alagooram ke pita ka nam hai pndit keshav pande, khoob yad kar lo. beniram ke pita ka nam pndit mngaroo ojha, khoob yad rakhana. chhediram ke pita hain pndit damadi tivari, bhoolana nahin. bhavani, tum gngoo pande batalana, khoob yad kar lo. ab rahe phekooram, tum beta batalana setooram pathak. ho gaye sab ! ho gaya sabaka namakaran ! achchha ab main pariksha loonga. hoshiyar rahana. bolo alagoo, tumhare pita ka kya nam hai ? ’ alagoo. - ’pndit keshav pande.’ 'beniram, tum batao.' 'damadi tivari.' chhedi. - ’yah to mere pita ka nam hai.’ beni.- ’ main to bhool gaya.’ mote.-’ bhool gaye ! pndit ke putr ho kar tum ek nam bhi nahin yad kar sakate. bade du:kh ki bat hai. mujhe panchon nam yad hain, tumhen ek nam bhi yad nahin ? suno, tumhare pita ka nam hai pndit mngaroo ojha. pndit ji ladakon ki pariksha le hi rahe the ki unake param mitr pndit chintamani ne dvar par avaz di. pndit moteram aise ghabaraye ki sir-pair ki sudhi n rahi. ladakon ko bhagana hi chahate the ki pndit chintamani andar chale aye. donon sajjanon men bachapan se gadhi maitri thi. donon bahudha sath-sath bhojan karane jaea karate the, aur yadi pndit moteram avval rahate, to pndit chintamani ke dvitiy pad men koee badhak n ho sakata tha; par aj moteram ji apane mitr ko sath nahin le jana chahate the. unako sath le jana, apane gharavalon men se kisi ek ko chhod dena tha aur itana mahanh atmatyag karane ke lie ve taiyar n the. chintamani ne yah samaroh dekha, to prasann ho kar bole, 'kyon bhaee, akele hi akele ! maloom hota hai, aj kahin gahara hath mara hai.' moteram ne munh lataka kar kaha, 'kaisi baten karate ho, mitr ! aisa to kabhi nahin hua ki mujhe koee avasar mila ho aur mainne tumhen soochana n di ho. kadachith kuchh samay hi badal gaya, ya kisi grah ka pher hai. koee jhooth ko bhi nahin bulata.' pndit chintamani ne avishvas ke bhav se kaha, 'koee n koee bat to mitr avashy hai, nahin to ye balak kyon jama hain ? ' mote.-’tumhari inhin baton par mujhe krodh ata hai. ladakon ki pariksha le raha hoon. brahman ke ladake hain, char akshar padhe bina inako kaun poochhega ? ' chintamani ko ab bhi vishvas n aya. unhonne socha, ladakon se hi is bat ka pata lag sakata hai. phekooram sabase chhota tha. usi se poochha, kya padh rahe ho beta ! hamen bhi sunao. moteram ne phekooram ko bolane ka avasar n diya. dare ki yah to sara bhnda phod dega. bole, abhi yah kya padhega. din bhar khelata hai. phekooram itana bada aparadh apane nanhe-se sir par kyon leta. bal-sulabh garv se bola, 'hamako to yad hai, pndit setooram pathak. ham yad bhi kar len, tisapar bhi kahate hain, haradam khelata hai ! ' yah kahate hue rona shuroo kiya. chintamani ne balak ko gale laga liya aur bole, 'nahin beta, tumane apana path suna diya hai. tum khoob padhate ho. yah setooram pathak kaun hai, beta ? moteram ne bigad kar kaha, 'tum bhi ladakon ki baton men ate ho. sun liya hoga kisi ka nam. (phekoo se) 'ja, bahar khel.' chintamani apane mitr ki ghabarahat dekh kar samajh gaye ki koee n koee rahasy avashy hai. bahut dimag ladane par bhi setooram pathak ka ashay unaki samajh men n aya. apane param mitr ki is kutilata par man men dukhit hokar bole, achchha, 'ap path padhaiye aur pariksha lijie. main jata hoon. tum itane svarthi ho, isaka mujhe guman tak n tha. aj tumhari mitrata ki pariksha ho gayi.' pndit chintamani bahar chale gaye. moteramaji ke pas unhen manane ke lie samay n tha. phir pariksha lene lage. sona ne kaha, 'mana lo, mana lo. roothe jate hain. phir pariksha lena. mote.-’jab koee kam padega, mana loonga. nimntran ki soochana pate hi inaka sara krodh shant ho jayaga ! han bhavani, tumhare pita ka kya nam hai, bolo.' bhavani. - 'gngoo pande.' mote.-’aur tumhare pita ka nam, phekoo ? ' phekoo, - 'bata to diya, us par kahate hain, padhata nahin ! ' mote.-’hamen bhi bata do.' phekoo, - 'setooram pathak to hai.' mote.-’bahut thik, hamara ladaka bada raja hai. aj tumhen apane sath baithayenge aur sabase achchha mal tumhin ko khilayenge.' sona - ‘hamen bhi koee nam bata do.' moteram ne rasikata se musakara kar kaha, 'tumhara nam hai pndit mohanasaroop sukul.' sonadevi ne laja kar sir jhuka diya. sonadevi to ladakon ko kapade pahanane lagin. udhar phekoo annd ki umng men ghar se bahar nikala. pndit chintamani rooth kar to chale the; par kutoohalavash abhi tak dvar par dubake khade the. in baton ki bhanak itani der men unake kanon men padi, usase yah to gyat ho gaya ki kahin nimntran hai; par kahan hai, kaun-kaun se log nimntrit hain, yah gyat n hua tha. itane men phekoo bahar nikala, to unhonne use god men utha liya aur bole, kahan nevata hai, beta ? apani jan men to unhonne bahut dhire se poochha tha; par n-jane kaise pndit moteram ke kan men bhanak pad gayi. turant bahar nikal aye. dekha, to chintamani ji phekoo ko god men liye kuchh poochh rahe hain. lapak kar ladake ka hath pakad liya aur chaha ki use apane mitr ki god se chhin len; magar chintamani ji ko abhi apane prashn ka uttar n mila tha. atev ve ladake ka hath chhuda kar use liye hue apane ghar ki or bhage. moteram bhi yah kahate hue unake pichhe daude , 'use kyon liye jate ho ? dhoort kahin ka, dusht ! chintamani, main kahe deta hoon, isaka natija achchha n hoga; phir kabhi kisi nimntran men n le jaoonga. bhala chahate ho, to use utar do.... ' magar chintamani ne ek n suni. bhagate hi chale gaye. unaki deh abhi snbhal ke bahar n huee thi; daud sakate the; magar moteram ji ko ek-ek pag age badhana dustar ho raha tha. bhainse ki bhanti hanphate the aur nana prakar ke visheshanon ka prayog karate dulaki chal se chale jate the. aur yadyapi pratikshan antar badhata jata tha; aur pichha n chhodate the. achchhi ghudadaud thi. nagar ke do mahatma daudate hue aise jan padate the, mano do gainde chidiyaghar se bhag aye hon. saikadon adami tamasha dekhane lage. kitane hi balak unake pichhe taliyan bajate hue daude. kadachith yah daud pndit chintamani ke ghar par hi samapt hoti; par pndit moteram dhoti ke dhili ho jane ke karan ulajh kar gir pade. chintamani ne pichhe phir kar yah drishy dekha, to ruk gaye aur phekooram se poochha , 'kyon beta, kahan nevata hai ? ' phekoo. - ‘- 'bata den, to hamen mithaee doge n ? ' chinta. - 'han, doonga; batao.' phekoo. - 'rani ke yahan.'- chinta. - kahan ki rani. phekoo. - yah main nahin janata. koee badi rani hai. nagar men kee badi-badi raniyan thin. pndit ji ne socha, sabhi raniyon ke dvar par chakkar lagaoonga. jahan bhoj hoga, vahan kuchh bhid-bhad hogi hi, pata chal jayaga. yah nishchay karake ve laut pade. sahanubhooti prakat karane men ab koee badha n thi. moteram ji ke pas aye, to dekha ki ve pade karah rahe hain. uthane ka nam nahin lete. ghabara kar poochha , 'gir kaise pade mitr, yahan kahin gadha bhi to nahin hai ! ' mote - 'tumase kya matalab ! tum ladake ko le jao, jo kuchh poochhana chaho, poochho.' chinta. - 'main yah kapat-vyavahar nahin karata. dillagi ki thi, tum bura man gaye. le uth to baith ram ka nam leke. main sach kahata hoon, mainne kuchh nahin poochha.' mote.- 'chal jhootha.' chinta. - 'janeoo hath men le kar kahata hoon.' mote - 'tumhari shapath ka vishvas nahin.' chinta. - 'tum mujhe itana dhoort samajhate ho ? ' mote - 'isase kahin adhik. tum gnga men doob kar shapath khao, to bhi mujhe vishvas n aye.' chinta. - 'doosara yah bat kahata, to moonchh ukhad leta.' mote - ' to phir a jao ! ' chinta. - 'pahale pnditain se poochh ao.' moteram yah bhasmak vyngy n sah sake. chat uth baithe aur pndit chintamani ka hath pakad liya. donon mitron men mall-yuddh hone laga. donon hanuman ji ki stuti kar rahe the aur itane zor se garaj-garajakar mano sinh dahad rahe hon. bas aisa jan padata tha, mano do pipe apas men takara rahe hon.' mote - ’mahabali vikram bajarngi.' chinta. -’bhoot-pishach nikat nahin ave.' mote - ’jay-jay-jay hanuman gosaeen.' chinta. -’prabhu, rakhie laj hamari.' mote - ’(bigadakar) yah hanuman-chalisa men nahin hai.' chinta. -’yah hamane svayn racha hai. kya tumhari tarah ki yah ratnt vidya hai ! jitana kaho, utana rach den.' mote - ’abe, ham rachane par a jaen to ek din men ek lakh stutiyan rach dalen; kintu itana avakash kise hai.' donon mahatma alag khade hokar apane-apane rachana-kaushal ki dingen mar rahe the. mall-yuddh shastrarth ka roop dharan karane laga, jo vidvanon ke lie uchit hai ! itane men kisi ne chintamani ke ghar ja kar kah diya ki pndit moteram aur chintamani ji men badi ladaee ho rahi hai. chintamani ji tin mahilaon ke svami the. kulin brahman the, poore bis bisve. us par vidvanh bhi uchchakoti ke, door-door tak yajamani thi. aise purushon ko sab adhikar hai. kanya ke sath-sath jab prachur dakshina bhi milati ho, tab kaise inakar kiya jae. in tinon mahilaon ka sare muhalle men atnk chhaya hua tha. pndit ji ne unake nam bahut hi rasile rakhe the. badi stri ko 'amirati', mnjhali ko 'gulabajamun' aur chhoti ko 'mohanabhog' kahate the; par muhalle valon ke lie tinon mahilaen trayatap se kam n thin. ghar men nity ansuon ki nadi bahati rahati , khoon ki nadi to pndit ji ne bhi kabhi nahin bahayi, adhik se adhik shabdon ki hi nadi bahayi thi; par majal n thi ki bahar ka adami kisi ko kuchh kah jae. snkat ke samay tinon ek ho jati thin. yah pndit ji ke niti-chatury ka suphal tha. jyon hi khabar mili ki pndit chintamani par snkat pada hua hai, tinon tridosh ki bhanti kupit ho kar ghar se nikalin aur unamen jo any donon-jaisi moti nahin thi, sabase pahale samarabhoomi men ja pahunchi. pndit moteram ji ne use ate dekha, to samajh gaye ki ab kushal nahin. apana hath chhuda kar bagatut bhage, pichhe phir kar bhi n dekha. chintamani ji ne bahut lalakara; par moteram ke qadam n ruke. chinta. -’aji, bhage kyon ? thaharo, kuchh maja to chakhate jao.' mote - ’main har gaya, bhaee, har gaya.' chinta. -’abhi, kuchh dakshina to lete jao.' moteram ne bhagate hue kaha , d'ya karo, bhaee, daya karo.' ath bajate-bajate pndit moteram ne snan aur pooja karake kaha , 'ab vilamb nahin karana chahie, phnki taiyar hai n ? sona - taphnki liye to kab se baithi hoon, tumhen to jaise kisi bat ki sudhi hi nahin rahati. rat ko kaun dekhata hai ki kitani der tak pooja karate ho.' mote - ’main tumase ek nahin, hazar bar kah chuka ki mere kamon men mat bola karo. tum nahin samajh sakatin ki mainne itana vilamb kyon kiya. tumhen eeshvar ne itani buddhi hi nahin di. jaldi jane se apaman hota hai. jaman samajhata hai, lobhi hai, bhukkhad hai. isalie chatur log vilamb kiya karate hain, jisamen yajaman samajhe ki pndit ji ko isaki sudhi hi nahin hai, bhool gaye honge. bulane ko adami bhejen. is prakar jane men jo man-mahattv hai, vah marabhukhon ki tarah jane men kya kabhi ho sakata hai ? main bulane ki pratiksha kar raha hoon. koee n koee ata hi hoga. lao thodi phnki. balakon ko khila di hai n ? ' sona - 'unhen to mainne sanjh hi ko khila di thi.' mote - ’koee soya to nahin ? ' sona - 'aj bhala kaun soyega ? sab bhookh-bhookh chilla rahe the, to mainne ek paise ka chabena mngava diya. sab ke sab oopar baithe kha rahe hain. sunate nahin ho, mar-pit ho rahi hai.' moteram ne dant pis kar kaha , 'ji chahata hai ki tumhari garadan pakad kar ainth doon. bhala, is bela chabena mngane ka kya kam tha? chabena kha lenge, to vahan kya tumhara sir khayenge ? chhi: chhi:! jara bhi buddhi nahin! ' sona ne aparadh svikar karate hue kaha , 'han, bhool to huee; par sab ke sab itana kolahal machaye hue the ki suna nahin jata tha.' mote - ’rote hi the n, rone deti. rone se unaka pet n bharata; balki aur bhookh khul jati.' sahasa ek adami ne bahar se avaz di , 'pndit ji, maharani bula rahi hain, aur logon ko le kar jaldi chalo.' pndit ji ne patni ki or garv se dekh kar kaha , 'dekha, ise nimntran kahate hain. ab taiyari karani chahie. bahar a kar pndit ji ne us adami se kaha , tum ek kshan aur n ate, to main katha sunane chala gaya hota. mujhe bilakul yad n thi. chalo, ham bahut shighr ate hain.' nau bajate-bajate pndit moteram bal-gopal sahit rani sahab ke dvar par ja pahunche. rani badi vishalakay evn tejasvini mahila thin. is samay ve karachobidar takiya lagaye takht par baithi huee thin. do adami hath bandhe pichhe khade the. bijali ka pnkha chal raha tha. pndit ji ko dekhate hi rani ne takht se uth kar charan-sparsh kiya aur is balak-mndal ko dekhakar muskarati huee bolin , 'in bachchon ko ap kahan se pakad laye ? ' mote - ’karata kya ? sara nagar chhan mara; kisi pndit ne ana svikar n kiya. koee kisi ke yahan nimntrit hai, koee kisi ke yahan. tab to main bahut chakaraya. ant men mainne unase kaha , 'achchha, ap nahin chalate to hari ichchha; lekin aisa kijie ki mujhe lajjit n hona pade. tab jabaradasti pratyek ke ghar se jo balak mila, use pakad lana pada. kyon phekooram, tumhare pita ji ka kya nam hai ? ' phekooram ne garv se kaha , 'pndit setooram pathak.' rani - 'balak to bada honahar hai.' aur balakon ko bhi utkntha ho rahi thi ki hamari bhi pariksha li jae; lekin jab pndit ji ne unase koee prashn n kiya aur udhar rani ne phekooram ki prashnsa kar di, tab to ve adhir ho uthe. bhavani bola , 'mere pita ka nam hai pndit gngoo pande.' chhedi bola , 'mere pita ka nam hai damadi tivari ! ' beniram ne kaha , 'mere pita ka nam hai pndit mngaroo ojha.' alagooram samajhadar tha. chupachap khada raha. rani ne usase poochha , 'tumhare pita ka kya nam hai, ji ? ' alagooram ko is vakt pita ka nirdisht nam yad n aya. n yahi soojha ki koee aur nam le le. hatabuddhi-sa khada raha. pndit moteram ne jab usaki or dant pis kar dekha, tab raha-saha havas bhi gayab ho gaya. phekooram ne kaha , 'ham bata den. bhaiya bhool gaye.' rani ne ashchary se poochha , kya apane pita ka nam bhool gaya ? yah to vichitr bat dekhi. moteram ne alagoo ke pas jakar kaha , 'k se hai.' alagooram bol utha , 'keshav pande.' rani - 'to ab tak kyon chup tha ? ' mote - ’kuchh ooncha sunata hai, sarakar.' rani - 'mainne saman to bahut-sa mngavaya hai. sab kharab hoga. ladake kya khayenge ! ' mote - ’sarakar inhen balak n samajhen. inamen jo sabase chhota hai, yah do pattal kha kar uthega.' jab samane pattalen pad gayin aur bhndari chandi ki thalon men ek se ek uttam padarth la-la kar parasane laga, tab pndit moteram ji ki ankhen khul gayin. unhen aye-din nimntran milate rahate the. par aise anupam padarth kabhi samane n aye the. ghi ki aisi sondhi sugandh unhen kabhi n mili thi. pratyek vastu se kevade aur gulab ki lapaten ud rahi thin. ghi tapak raha tha. pndit ji ne socha , aise padarthon se kabhi pet bhar sakata hai ! manon kha jaoon, phir bhi aur khane ko ji chahe. devatagan inase uttam aur kaun-se padarth khate honge ? inase uttam padarthon ki to kalpana bhi nahin ho sakati. pndit ji ko is vakt apane paramamitr pndit chintamani ki yad ayi. agar ve hote, to rng jam jata. unake bina rng phika rahega. yahan doosara kaun hai jisase lag-daaug karoon. ladake do-do pattalon men chen bol jaenge. sona kuchh sath degi; magar kab tab ! chintamani ke bina rng n gathega. ve mujhe lalakarenge, main unhen lalakaroonga. us umng men pattalon ki kaun ginati. hamari dekha-dekhi ladake bhi dat jaenge. oh, badi bhool ho gayi. yah khayal mujhe pahale n aya. rani sahab se kahoon, bura to n manengi. unh ! jo kuchh ho, ek bar zor to lagana hi chahie. turnt khade ho kar rani sahab se bole , 'sarakar ! agya ho, to kuchh kahoon. rani - 'kahie, kahie maharaj, kya kisi vastu ki kami hai ? ' mote - ’nahin sarakar, kisi bat ki nahin. aise uttam padarth to mainne kabhi dekhe bhi n the. sare nagar men apaki kirti phail jayagi. mere ek paramamitr pndit chintamani ji hain, agya ho to unhen bhi bula loon. bade vidvanh karmanishth brahman hain. unake jod ka is nagar men doosara nahin hai. main unhen nimntran dena bhool gaya. abhi sudhi ayi. ' rani - 'apaki ichchha ho, to bula lijie, magar ane-jane men der hogi aur bhojan paros diya gaya hai. ' mote - ’main abhi ata hoon, sarakar, daudata hua jaoonga. ' rani -tameri motar le lijie. ' jab pnditaji chalane ko taiyar hue, tab sona ne kaha, 'tumhen aj kya ho gaya hai,ji! use kyon bula rahe ho?' mote - ’koee sath denevala bhi to chahie ? ' sona -  'main kya tumase dab jati ? ' pndit ji ne muskara kar kaha , 'tum janatin nahin, ghar ki bat aur hai; dngal ki bat aur hai. purana khiladi maidan men ja kar jitana nam karega, utana naya pattha nahin kar sakata. vahan bal ka kam nahin, sahas ka kam hai. bas, yahan bhi vahi hal samajho. jhnde gad doonga. samajh lena. ' sona -  'kahin ladake so jaen to ? ' mote - ’aur bhookh khul jayagi. jaga to main loonga. ' sona-  'dekh lena, aj vah tumhen pachhad dega. usake pet men to shanichar hai. ' mote - ’buddhi ki sarvatra pradhanata rahati hai. yah n samajho ki bhojan karane ki koee vidya hi nahin. isaka bhi ek shastr hai, jise mathura ke shanicharannd maharaj ne racha hai. chatur adami thodi-si jagah men grihasthi ka sab saman rakh deta hai. anadi bahut-si jagah men bhi yahi sochata hai ki kaun vastu kahan rakhoon. gnvar adami pahale se hi habak-habak kar khane lagata hai aur chat ek lota pani pi kar aphar jata hai. chatur adami badi savadhani se khata hai, usako kaur niche utarane ke lie pani ki avashyakata nahin padati. der tak bhojan karate rahane se vah supachy bhi ho jata hai. chintamani mere samane kya thaharega. ' chintamani ji apane angan men udas baithe hue the. jis prani ko vah apana paramahitaishi samajhate the, jisake lie ve apane pran tak dene ko taiyar rahate the, usi ne aj unake sath bevaphaee ki. bevaphaee hi nahin ki, unhen utha kar de mara. pndit moteram ke ghar se to kuchh jata n tha. agar ve chintamani ji ko sath le jate, to kya rani sahab unhen dutkar detin ? svarth ke age kaun kisako poochhata hai ? un amooly padarthon ki kalpana karake chintamani ke munh se lar tapaki padati thi. ab samane pattar a gayi hogi ! ab thalon men amiratiyan liye bhndari ji aye honge ! oho. kitani sundar, komal, kurakuri, rasili amiratiyan hongi ! ab besan ke laddoo aye honge. oho, kitane sudaul, mevon se bhare hue, ghi se taratar laddoo honge, munh men rakhate hi ghul jate honge, jibh bhi n dulani padati hogi. aha ! ab mohanabhog aya hoga ! hay re durbhagy ! main yahan pada sad raha hoon aur vahan yah bahar ! bade nirdayi ho moteram - ‘tumase is nishthurata ki asha n thi. amiratidevi bolin , 'tum itana dil chhota kyon karate ho ? pitripaksh to a hi raha hai, aise-aise n jane kitane ayenge. ' chintamani -  'aj kisi abhage ka munh dekhakar utha tha. lao to patra, dekhoon, kaisa muhoort hai. ab nahin raha jata. sara nagar chhan daloonga, kahin to pata chalega, nasika to dahini chal rahi hai. ' ekaek motar ki avaz ayi. usake prakash se pndit ji ka sara ghar jagamaga utha. ve khidaki se jhankane lage, to moteram ko motar se utarate dekha. ek lambi sans lekar charapaee par gir pade. man men kaha ki dusht bhojan karake ab yahan mujhase bakhan karane aya hai. amiratidevi ne poochha , 'kaun hai dadhijar, itani rat ko jagavat hai ? ' mote - ’ham hain ham ! gali n do ! ' amirati-  'are dur munhajhaunse, tain kaun hai ! kahate hain, ham hain ham ! ko jane tain kaun hai ? ' mote - ’are hamari boli nahin pahachanati ho ? khoob pahachan lo. ham hain, tumhare devar. ' amirati - 'ai dur, tore munh men ka lage. tor lahas uthe. hamar devar banat hai, dadhijar. ' mote - ’are ham hain moteram shastri. kya itana bhi nahin pahachanati ? chintamani ghar men hain ? ' amirati ne kivad khol diya aur tiraskar-bhav se boli , 'are tum the, to nam kyon nahin batate the ? jab itani galiyan kha lin, to bol nikala. kya hai, kya ? ' mote - ’kuchh nahin; chintamani ji ko shubh-snvad dene aya hoon. rani sahab ne unhen yad kiya hai. ' amirati - 'bhojan ke bad bula kar kya karengi ? ' mote - ’abhi bhojan kahan hua hai ! mainne jab inaki vidya, karmanishtha, sadvichar ki prashnsa ki, tab mugdh ho gayin. mujhase kaha ki unhen motar par lao ! kya so gaye ? ' chintamani charapaee par pade-pade sun rahe the. ji men ata tha, chal kar moteram ke charanon par gir padoon. unake vishay men ab tak jitane kutsit vichar uthe the, sab lupt ho gaye. glani ka avirbhav hua. rone lage. 'are bhaee, ate ho ya sote hi rahoge !' , yah kahate hue moteram unake samane ja kar khade ho gaye. chinta. -’tab kyon n le gaye ? jab itani durdasha kar liye; tab aye. abhi tak pith men dard ho raha hai. ' mote - ’aji, vah tar-mal khilaoonga ki sara dard-vard bhag jayaga, tumhare yajamanon ko bhi aise padarth mayassar n hue honge ! aj tumhen bad kar pachhadoonga ? ' chinta. -’tum bechare mujhe kya pachhadoge. sare shahar men to koee aisa maee ka lal dikhayi nahin deta. hamen shanichar ka isht hai.  ' mote - ’aji, yahan barason tapasya ki hai. bhndare ka bhndara saf kar den aur ichchha jyon ki tyon bani rahe. bas, yahi samajh lo ki bhojan karake ham khade nahin rah sakate. chalana to doosari bat hai. gadi par lad kar ate hain.  ' chinta. -’to yah kaun badi bat hai. yahan to tikati par utha kar laye jate hain. aisi-aisi dakaren lete hain ki jan padata hai, bam-gola chhoot raha hai. ek bar khopiya pulis ne bam-gole ke sndeh men ghar ki talashi tak li . ' mote - ’jhooth bolate ho. koee is tarah nahin dakar sakata. ' chinta. -’achchha, to a kar sun lena. dar kar bhag n jao, to sahi. ' ek kshan men donon mitr motar par baithe aur motar chali. raste men pndit chintamani ko shnka huee ki kahin aisa n ho ki main pndit moteram ka pichhalaggoo samajha jaoon aur mera yathesht samman n ho. udhar pndit moteram ko bhi bhay hua ki kahin ye mahashay mere pratidvndvi n ban jaen aur rani sahab par apana rng jama len. donon apane-apane mnsoobe bandhane lage. jyon hi motar rani ke bhavan men pahunchi donon mahashay utare. ab moteram chahate the ki pahale main rani ke pas pahunch jaoon aur kah doon ki pndit ko le aya, aur chintamani chahate the ki pahale main rani ke pas pahunchoon aur apana rng jama doon. donon qadam badhane lage. chintamani halke hone ke karan jara age badh gaye, to pndit moteram daudane lage. chintamani bhi daud pade. ghudadaud-si hone lagi. maloom hota tha ki do gainde bhage ja rahe hain. ant men moteram ne hanphate hue kaha , 'rajasabha men daudate hue jana uchit nahin. ' chinta. -’to tum dhire-dhire ao n, daudane ko kaun kahata hai. ' mote - ’jara ruk jao, mere pair men kanta gad gaya hai. ' chinta. -’to nikal lo, tab tak main chalata hoon. ' mote - ’main n kahata, to rani tumhen poochhati bhi n ! ' moteram ne bahut bahane kiye, par chintamani ne ek n suna. bhavan men pahunche. rani sahab baithi kuchh likh rahi thin aur rah-rahakar dvar ki or tak leti thin ki sahasa pndit chintamani unake samane a khade hue aur yon stuti karane lage , 'he he yashode, too balakeshav, muraranama...' rani - ' kya matalab ? apana matalab kaho ? ' chinta. -’sarakar ko ashirvad deta hoon sarakar ne is das chintamani ko nimntrit karake kitana anugrasit (anugrihit) kiya hai, usaka bakhan sheshanag apani sahastr jihna dvara bhi nahin kar sakate. ' rani -  'tumhara hi nam chintamani hai ? ve kahan rah gaye , pndit moteram shastri ? ' chinta. -’pichhe a raha hai, sarakar. mere barabar a sakata hai, bhala ! mera to shishy hai. ' rani - ' achchha, to ve apake shishy hain ! ' chinta. -’main apane munh se apani badaee nahin karana chahata sarakar ! vidvanon ko namr hona chahie; par jo yatharth hai, vah to snsar janata hai. sarakar, main kisi se vad-vivad nahin karata; yah mera anushilan (abhisht) nahin. mere shishy bhi bahudha mere guru ban jate hain; par main kisi se kuchh nahin kahata. jo saty hai, vah sabhi janate hain. ' itane men pndit moteram bhi girate-padate hanphate hue a pahunche aur yah dekh kar ki chintamani bhadrata aur sabhyata ki moorti bane khade hain, ve devopam shanti ke sath khade ho gaye. rani -  'pndit chintamani bade sadhu prakriti evn vidvanh hain. ap unake shishy hain, phir bhi ve apako apana shishy nahin kahate hain.  ' mote - ’sarakar, main inaka dasanudas hoon. ' chinta. -’jagatarini, main inaka charan-raj hoon. ' mote - ’ripudalasnharini, main inake dvar ka kookar hoon. ' rani - ' ap donon sajjan poojy hain. ek se ek badhe hue. chalie, bhojan kijie. sonarani baithi pndit moteram ki rah dekh rahi thin. pati ki is mitr-bhakti par unhen bada krodh a raha tha. bade ladakon ke vishay men to koee chinta n thi, lekin chhote bachchon ke so jane ka bhay tha. unhen kisse-kahaniyan suna-suna kar bahala rahi thi ki bhndari ne akar kaha , maharaj chalo. donon pndit ji asan par baith gaye. phir kya tha, bachche kood-kood kar bhojanashala men ja pahunche. dekha, to donon pndit do viron ki bhanti amane-samane date baithe hain. donon apana-apana purusharth dikhane ke lie adhir ho rahe the. chinta. -’bhndari ji, tum parosane men bada vilamb karate ho ! kya bhitar ja kar sone lagate ho ? ' bhndari , 'chupaee mare baithe raho, jaun kuchh hoee, sab ay jaee. ghabadaye ka nahin hot. tumhare sivay aur koee jivaiya nahin baitha hai. ' mote - ’bhaiya, bhojan karane ke pahale kuchh der sugndh ka svad to lo. ' chinta. -’aji, sugndh gaya choolhe men, sugndh devata log lete hain. apane log to bhojan karate hain. ' mote - ’achchha batao, pahale kis chiz par hath pheroge ? ' chinta. -’main jata hoon bhitar se sab chizen ek sath liye ata hoon. ' mote - ’dhiraj dharo bhaiya, sab padarthon ko a jane do. thakur ji ka bhog to lag jae. ' chinta. -’to baithe kyon ho, tab tak bhog hi lagao. ek badha to mite. nahin to lao, main chatapat bhog laga doon. vyarth der karoge. ' itane men rani a gayin. chintamani savadhan ho gaye. ramayan ki chaupaiyon ka path karane lage , 'raha ek din avadh adhara. samujhat man du:kh bhayu apara॥ kaushalesh dasharath ke jaee. ham pitu bachan mani ban aye॥ ulati palati lnka kapi jari. kood pada tab sindhu majhari॥ jehi par ja kar saty sanehoo. so tehi mile n kachhu sndehoo॥ jamavnt ke vachan suhaye. suni hanuman hriday ati bhaye॥ pndit moteram ne dekha ki chintamani ka rng jamata jata hai to ve bhi apani vidvatta prakat karane ko vyakul ho gaye. bahut dimag ladaya, par koee shlok, koee mntra, koee kavita yad n ayi tab unhonne sidhe-sidhe ram-nam ka path arnbh kar diya , 'ram bhaj, ram bhaj, ram bhaj re man' , inhonne itane oonche svar se jap karana shuroo kiya ki chintamani ko bhi apana svar ooncha karana pada. moteram aur zor se garajane lage. itane men bhndari ne kaha , 'maharaj, ab bhog lagaiye. yah sun kar us pratispardha ka ant hua. bhog ki taiyari huee. bal-vrind sajag ho gaya. kisi ne ghnta liya, kisi ne ghadiyal, kisi ne shnkh, kisi ne karatal aur chintamani ne arati utha li. moteram man men ainth kar rah gaye. rani ke samip jane ka yah avasar unake hath se nikal gaya. par yah kise maloom tha ki vidhi-vam udhar kuchh aur hi kutil-krida kar raha hai. arati samapt ho gayi thi, bhojan shuroo hone ko hi tha ki ek kutta n-jane kidhar se a nikala. pndit chintamani ke hath se laddoo thal men gir pada. pndit moteram achakacha kar rah gaye. sarvanash ! chintamani ne moteram se ishare men kaha , 'ab kya kahate ho, mitr ? koee upay nikalo, yahan to kamar toot gayi. ' moteram ne lambi sans khinchakar kaha , 'ab kya ho sakata hai ? yah sasur aya kidhar se ? ' rani pas hi khadi thin, unhonne kaha , are, kutta kidhar se a gaya ? yah roj bndha rahata tha, aj kaise chhoot gaya ? ab to rasoee bhrasht ho gayi. ' chinta. -’sarakar, acharyon ne is vishay men... ' mote - ’koee harj nahin hai, sarakar, koee harj nahin hai ! ' sona-  ' bhagy phoot gaya. johat-johat adhi rat bit gayi, tab ee vipatta phat pari. ' chinta. -’sarakar svan ke mukh men amrit. '.. mote - ’to ab agya ho to chalen. ' rani - ‘'han aur kya. mujhe bada du:kh hai ki is kutte ne aj itana bada anarth kar dala. tum bade gustakh ho gaye, tami. bhndari, ye pattar utha kar mehatar ko de do. ' chinta. -’(sona se) 'chhati phati jati hai. ' sona ko balakon par daya ayi. bechare itani der devopam dhairy ke sath baithe the. bas chalata, to kutto ka gala ghont deti. boli , larakan ka to dosh nahin parat hai. inhen kahe nahin khavay det kooo. ' chinta. -’moteram mahadusht hai. isaki buddhi bhrasht ho gayi hai. ' sona -  'aise to bade vidvanh bane rahain. ab kahe nahin bolat banat. munh men dahi jam gaya, jibhai nahin khulat hai. ' chinta. -’saty kahata hoon, rani ko chakama de deta. us dusht ke mare sab khel bigad gaya. sari abhilashaen man men rah gayin. aise padarth ab kahan mil sakate hain ? sona - ‘sari manusee nikal gayi. ghar hi men garajai ke ser hain.' rani ne bhndari ko bula kar kaha , 'in chhote-chhote tinon bachchon ko khila do. ye bechare kyon bhookhon maren. kyon phekooram, mithaee khaoge ! ' phekoo. - ‘isilie to aye hain.  ' rani - ‘kitani mithaee khaoge ? ' phekoo. - bahut-si (hathon se bata kar) itani ! ' rani - ‘achchhi bat hai. jitani khaoge utani milegi; par jo bat main poochhoon, vah batani padegi. bataoge n? ' phekoo. - ‘han bataoonga, poochhie ! ' rani - ‘jhooth bole, to ek mithaee n milegi. samajh gaye. ' phekoo. - ‘mat dijiega. main jhooth boloonga hi nahin. ' rani - ‘apane pita ka nam batao. ' mote - ’balakon ko haradam sab baten smaran nahin rahatin. usane to ate hi ate bata diya tha. ' rani - ‘main phir poochhati hoon, isamen apaki kya hani hai ? ' chinta. -’nam poochhane men koee harj nahin. mote - ’tum chup raho chintamani, nahin to thik n hoga. mere krodh ko abhi tum nahin janate. daba baithoonga, to rote bhagoge.  ' rani - ‘ap to vyarth itana krodh kar rahe hain. bolo phekooram, chup kyon ho, phir mithaee n paoge. chinta. -’maharani ki itani daya-drishti tumhare oopar hain, bata do beta ! ' mote - ’chintamani ji, main dekh raha hoon, tumhare adin aye hain. vah nahin batata, tumhara sajha , aye vahan se bade khairakhvah ban ke. ' sona - ‘are han, larakan se ee sab pnvara se ka matalab. tumaka dharam pare mithaee dev, n dharam pare n dev. ee ka ki bap ka nam batao tab mithaee dev. ' phekooram ne dhire se koee nam liya. is par pndit ji ne use itane zor se daauta ki usaki adhi bat munh men hi rah gayi. rani - ‘kyon daautate ho, use bolane kyon nahin dete ? bolo beta ! ' mote - ’ap hamen apane dvar par bula kar hamara apaman kar rahi hain. ' chinta. -’isamen apaman ki to koee bat nahin hai, bhaee ! ' mote - ’ab ham is dvar par kabhi n ayenge. yahan satpurushon ka apaman kiya jata hai. ' alagoo , kahie to main chintamani ko ek patakan doon. mote - ’nahin beta, dushton ko paramatma svayn dnd deta hai. chalo, yahan se chalen. ab bhool kar yahan n ayenge. khilana n pilana, dvar par bula kar brahmanon ka apaman karana. tabhi to desh men ag lagi huee hai. ' chinta. -’moteram , ‘maharani ke samane tumhen itani katu baten n karani chahie. ' mote - ’bas chup hi rahana, nahin to sara krodh tumhare hi sir jayaga. mata-pita ka pata nahin, brahman banane chale hain. tumhen kaun kahata hai brahman ? ' chinta. -’jo kuchh man chahe, kah lo. chandrama par thookane se thook apane hi munh par padata hai. jab tum dharm ka ek lakshan nahin janate, tab tumase kya baten karoon ? brahman ko dhairy rakhana chahie. ' mote - ’pet ke gulam ho. thakurasohati kar rahe ho ki ekadh pattal mil jae. yahan maryada ka palan karate hain ! chinta -  ' kah to diya bhaee ki tum bade, main chhota, ab aur kya kahoon. tum saty kahate hoge, main brahman nahin shoodr hoon. ' rani - ‘aisa n kahie chintamani ji. ' 'isaka badala n liya to kahana ! ' yah kahate hue pndit moteram balak-vrind ke sath bahar chale aye aur bhagy ko kosate hue ghar ko chale. bar-bar pachhata rahe the ki dusht chintamani ko kyon bula laya. sona ne kaha, 'bhnda phootat-phootat bach gaya. phekua nanv batay deta. kahe re, apane bap ker nanv batay dete! ' phekoo. - ‘aur kya. ve to sach-sach poochhati thin ! ' mote - ’chintamani ne rng jama liya, ab annd se bhojan karega. ' sona - ‘tumhar eko vidya kam n ayi. oon taun bazi mar laiga. ' mote - ’main to janata hoon, rani ne jan-boojh kar kutte ko bula liya.  ' sona - ‘main to okara munh dekhat tad gayi ki hamaka pahachan gayi. ' idhar to ye log pachhatate chale jate the, udhar chintamani ki panchon anguli ghi men thin. asan mare bhojan kar rahe the. rani apane hathon se mithaiyan paros rahi thin; varttalap bhi hota jata tha. rani - ‘bada dhoortt hai ? main balakon ko dekhate hi samajh gayi. apani stri ko bhesh badal kar late use lajja n ayi.‘ chinta. -’mujhe kos rahe honge ! ' rani - ‘mujhase udane chala tha. mainne bhi kaha tha , bacha, tumako aisi shiksha doongi ki umr bhar yad karoge. tami ko bula liya.' chinta. -’sarakar ki buddhi dhany hai ! '

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah