कज़ाकी -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

meri bal-smritiyon men 'kajaki' ek n mitane vala vyakti hai. aj chalis sal gujar gaye; kajaki ki moorti abhi tak ankhon ke samane nach rahi hai. main un dinon apane pita ke sath ajamagadh ki ek tahasil men tha. kajaki jati ka pasi tha, bada hi hnsamukh, bada hi sahasi, bada hi jindadil. vah roj sham ko dak ka thaila lekar ata, rat-bhar rahata aur sabere dak lekar chala jata. sham ko phir udhar se dak lekar a jata. main din bhar ek udvign dasha men usaki rah dekha karata. jyon hi char bajate, vyakul ho kar, sadak par a kar, khada ho jata, aur thodi der men kajaki kndho par ballam rakhe, usaki jhunjhuni bajata, door se daudata hua ata dikhalayi deta. vah sanvale rng ka gathila, lamba javan tha. sharir sanche men aisa dhala hua ki chatur moortikar bhi usamen koee dosh n nikal sakata. usaki chhoti-chhoti moonchhen, usake sudaul chehare par bahut hi achchhi maloom hoti thin. mujhe dekh kar vah aur tej daudane lagata, usaki jhunjhuni aur teji se bajane lagati, aur mere hriday men aur zor se khushi ki dhadakan hone lagati. harshatirek men main bhi daud padata aur ek kshan men kajaki ka kndha mera sinhasan ban jata. vah sthan meri abhilashaon ka svarg tha. svarg ke nivasiyon ko bhi shayad vah andolit annd n milata hoga jo mujhe kajaki ke vishal kndhon par milata tha. snsar meri ankhon men tuchchh ho jata aur jab kajaki mujhe kndho par liye hue daudane lagata, tab to aisa maloom hota, mano main hava ke ghode par uda ja raha hoon. kajaki dakakhane men pahunchata, to pasine se tar rahata; lekin aram karane ki adat n thi. thaila rakhate hi vah ham logon ko le kar kisi maidan men nikal jata, kabhi hamare sath khelata, kabhi birahe ga kar sunata aur kabhi kahaniyan sunata. use chori aur dake, mar-pit, bhoot-pret ki saikadon kahaniyan yad thin. main ye kahaniyan sunakar vismayapoorn annd men magn ho jata; usaki kahaniyon ke chor aur dakoo sachche yoddha hote the, jo amiron ko loot kar din-dukhi praniyon ka palan karate the. mujhe un par ghrina ke badale shrriddha hoti thi. ek din kajaki ko dak ka thaila le kar ane men der ho gayi. sooryast ho gaya aur vah dikhalayi n diya. main khoya hua-sa sadak par door tak ankhen phad-phad kar dekhata tha; par vah parichit rekha n dikhalayi padati thi. kan laga kar sunata tha; 'jhun-jhun' ki vah amodamay dhavani n sunayi deti thi. prakash ke sath meri asha bhi malin hoti jati thi. udhar se kisi ko ate dekhata, to poochhata , kajaki ata hai ? par ya to koee sunata hi n tha, ya keval sir hila deta tha. sahasa 'jhun-jhun' ki avaz kanon men ayi. mujhe andhere  men charon or bhoot hi dikhalayi dete the , yahan tak ki mata ji ke kamare men tak par rakhi huee mithaee bhi andhera ho jane ke bad, mere lie tyajy ho jati thi; lekin vah avaz sunate hi main usaki taraph zor se dauda. han, vah kajaki hi tha. use dekhate hi meri vikalata krodh men badal gayi. main use marane laga, phir rooth karake alag khada ho gaya. kajaki ne hns kar kaha —maroge, to main ek chiz laya hoon, vah n doonga. mainne sahas karake kaha —jao, mat dena, main loonga hi nahin. kajaki , abhi dikha doon, to daud kar god men utha loge. mainne pighal kar kaha —achchha, dikha do. kajaki , to a kar mere kndho par baith jao bhag chaloon. aj bahut der ho gayi hai. baboo ji bigad rahe honge. mainne akad kar kaha —pahile dikha. meri vijay huee. agar kajaki ko der ka dar n hota aur vah ek minat bhi aur ruk sakata, to shayad pansa palat jata. usane koee chiz dikhalayi, jise vah ek hath se chhati se chipataye hue tha; lamba munh tha, aur do ankhen chamak rahi thin. mainne use daud kar kajaki ki god se le liya. yah hiran ka bachcha tha. ah ! meri us khushi ka kaun anuman karega ? tab se kathin parikshaen pas kin, achchha pad bhi paya, rayabahadur bhi hua; par vah khushi phir n hasil huee. main use god men liye, usake komal sparsh ka annd uthata ghar ki or dauda. kajaki ko ane men kyon itani der huee isaka khayal hi n raha. mainne poochha—yah kahan mila, kajaki ? kajaki , bhaiya, yahan se thodi door par ek chhota-sa jngal hai. usamen bahut-se hiran hain. mera bahut ji chahata tha ki koee bachcha mil jae, to tumhen doon. aj yah bachcha hiranon ke jhund ke sath dikhalayi diya. main jhund ki or dauda, to sab ke sab bhage. yah bachcha bhi bhaga; lekin mainne pichha n chhoda. aur hiran to bahut door nikal gaye, yahi pichhe rah gaya. mainne ise pakad liya. isi se itani der huee. yon baten karate ham donon dakakhane pahunche. baboo ji ne mujhe n dekha, hiran ke bachche ko bhi n dekha, kajaki hi par unaki nigah padi. bigad kar bole —  aj itani der kahan lagayi ? ab thaila le kar aya hai, use lekar kya karoon ? dak to chali gayi. bata, toone itani der kahan lagayi ? kajaki ke munh se avaz n nikali. baboo ji ne kaha —tujhe shayad ab naukari nahin karani hai. nich hai n, pet bhara to mota ho gaya ! jab bhookhon marane lagega, to ankhen khulengi. kajaki chupachap khada raha. baboo ji ka krodh aur badha. bole —  achchha, thaila rakh de aur apane ghar ki rah le. sooar, ab dak le ke aya hai. tera kya bigadega, jahan chahega, majoori kar lega. mathe to mere jayagi, javab to mujhase talab hoga. kajaki ne ruanse ho kar kaha —sarakar, ab kabhi der n hogi. baboo ji , aj kyon der ki, isaka javab de ? kajaki ke pas isaka koee javab n tha. ashchary to yah tha ki meri bhi jaban bnd ho gayi. baboo ji bade gussevar the. unhen kam karana padata tha, isi se bat-bat par jhunjhala padate the. main to unake samane kabhi jata hi n tha. vah bhi mujhe kabhi pyar n karate the. ghar men keval do bar ghnte-ghnte bhar ke lie bhojan karane ate the, baki sare din daftar men likha karate the. unhonne bar-bar ek sahakari ke lie aphasaron se vinay ki thi; par isaka kuchh asar n hua tha. yahan tak ki tatil ke din bhi baboo ji daftar hi men rahate the. keval mata ji unaka krodh shant karana janati thin; par vah daftar men kaise atin. bechara kajaki usi vakt mere dekhate-dekhate nikal diya gaya. usaka ballam, chaparas aur safa chhin liya gaya aur use dakakhane se nikal jane ka nadiri hukm suna diya. ah ! us vakt mera aisa ji chahata tha ki mere pas sone ki lnka hoti, to kajaki ko de deta aur baboo ji ko dikha deta ki apake nikal dene se kajaki ka bal bhi banka nahin hua. kisi yoddha ko apani talavar par jitana ghamnd hota hai, utana hi ghamnd kajaki ko apani chaparas par tha. jab vah chaparas kholane laga, to usake hath kanp rahe the aur ankhon se ansoo bah rahe the.

aur is sare upadrav ki jad vah komal vastu thi, jo meri god men munh chhipaye aise chain se baithi huee thi, mano mata ki god men ho. jab kajaki chala to main dhire-dhire usake pichhe-pichhe chala. mere ghar ke dvar par a kar kajaki ne kaha —bhaiya, ab ghar jao; sanjh ho gayi. main chupachap khada apane ansuon ke veg ko sari shakti se daba raha tha. kajaki phir bola —  bhaiya, main kahin bahar thode hi chala jaoonga. phir aoonga aur tumhen kndho par baitha kar kudaoonga. baboo ji ne naukari le li hai, to kya itana bhi n karane denge ! tumako chhod kar main kahin n jaoonga, bhaiya ! jakar amman se kah do, kajaki jata hai. usaka kaha-suna maph karen. main dauda hua ghar gaya, lekin amman ji ko kuchh kahane ke badale bilakh-bilakh kar rone laga. amman ji rasoee ke bahar nikal kar poochhane lagin , kya hua beta ? kisane mara ! baboo ji ne kuchh kaha hai ? achchha, rah to jao, aj ghar ate hain, to poochhati hoon. jab dekho, mere ladake ko mara karate hain. chup raho beta, ab tum unake pas kabhi mat jana.

mainne badi mushkil se avaz snbhal kar kaha —kajaki... amman ne samajha, kajaki ne mara hai; bolin , achchha, ane do kajaki ko, dekho, khade-khade nikalava deti hoon. harakara ho kar mere raja beta ko mare ! aj hi to safa, ballam, sab chhinavaye leti hoon. vah ! mainne jaldi se kaha —nahin, kajaki ne nahin mara. baboo ji ne use nikal diya hai; usaka safa, ballam chhin liya , chaparas bhi le li. amman , yah tumhare baboo ji ne bahut bura kiya. vah bechara apane kam men itana chaukas rahata hai. phir use kyon nikala ? mainne kaha —aj use der ho gayi thi. yah kah kar mainne hiran ke bachche ko god se utar diya. ghar men usake bhag jane ka bhay n tha. ab tak amman ji ki nigah bhi us par n padi thi. use phudakate dekh kar vah sahasa chaunk padin aur lapak kar mera hath pakad liya ki kahin yah bhaynkar jiv mujhe kat n khay ! main kahan to phoot-phoot kar ro raha tha aur kahan amman ki ghabarahat dekh kar khilakhila kar hns pada. amman , are, yah to hiran ka bachcha hai ! kahan mila ? mainne hiran ke bachche ka sara itihas aur usaka bhishan parinam adi se ant tak kah sunaya , amman, yah itana tej bhagata tha ki koee doosara hota, to pakad hi n sakata. sanh-sanh, hava ki tarah udata chala jata tha. kajaki panch-chh: ghnte tak isake pichhe daudata raha. tab kahin ja kar bachcha mile. amman ji, kajaki ki tarah koee duniya bhar men nahin daud sakata, isi se to der ho gayi. isalie baboo ji ne bechare ko nikal diya , chaparas, safa, ballam, sab chhin liya. ab bechara kya karega ? bhookhon mar jayaga. amman ne poochha—kahan hai kajaki, jara use bula to lao. mainne kaha —bahar to khada hai. kahata tha, amman ji se mera kaha-suna maph karava dena. ab tak amman ji mere vrittant ko dillagi samajh rahi thin. shayad vah samajhati thin ki baboo ji ne kajaki ko daauta hoga; lekin mera antim vaky sunakar snshay hua ki sachamuch to kajaki barakhast nahin kar diya gaya. bahar a kar 'kajaki ! kajaki' pukarane lagin, par kajaki ka kahin pata n tha. mainne bar-bar pukara; lekin kajaki vahan n tha. khana to mainne kha liya , bachche shok men khana nahin chhodate, khas kar jab rabadi bhi samane ho; magar badi rat tak pade-pade sochata raha , mere pas rupaye hote, to ek lakh rupaye kajaki ko de deta aur kahata , baboo ji se kabhi mat bolana. bechara bhookhon mar jayaga ! dekhoon, kal ata hai ki nahin. ab kya karega a kar ? magar ane ko to kah gaya hai. main kal use apane sath khana khilaoonga.yahi havaee kile banate-banate mujhe nind a gayi. doosare din main din bhar apane hiran ke bachche ki seva-satkar men vyast raha.

pahale usaka namakaran snskar hua. 'munnoo' nam rakha gaya. phir mainne usaka apane sab hamajoliyon aur sahapathiyon se parichay karaya. din hi bhar men vah mujhase itana hil gaya ki mere pichhe-pichhe daudane laga. itani hi der men mainne use apane jivan men ek mahattvapoorn sthan de diya. apane bhavishy men bananevale vishal bhavan men usake lie alag kamara banane ka bhi nishchay kar liya; charapaee, sair karane ki phitan adi ki bhi ayojana kar li.

lekin sndhya hote hi main sab kuchh chhod-chhad kar sadak par ja khada hua aur kajaki ki bat johane laga. janata tha ki kajaki nikal diya gaya hai, ab use yahan ane ki koee zaroorat nahin rahi. phir n-jane mujhe kyon yah asha ho rahi thi ki vah a raha hai. ekaek mujhe khayal aya ki kajaki bhookhon mar raha hoga. main turnt ghar aya. amman diya-batti kar rahi thin. mainne chupake se ek tokari men ata nikala; ata hathon men lapete, tokari se girate ate ki ek lakir banata hua bhaga. ja kar sadak par khada hua hi tha ki kajaki samane se ata dikhalayi diya. usake pas ballam bhi tha, kamar men chaparas bhi thi, sir par safa bhi bndha hua tha. ballam men dak ka thaila bhi bndha hua tha. main daud kar usaki kamar se chipat gaya aur vismit ho kar bola —  tumhen chaparas aur ballam kahan se mil gaya, kajaki ? kajaki ne mujhe utha kar kndho par baithalate hue kaha —vah chaparas kis kam ki thi, bhaiya ? vah to gulami ki chaparas thi, yah purani khushi ki chaparas hai. pahale sarakar ka naukar tha, ab tumhara naukar hoon. yah kahate-kahate usaki nigah tokari par padi, jo vahin rakhi thi.  bola —  yah ata kaisa hai, bhaiya ? mainne sakuchate hue kaha —tumhare hi lie to laya hoon. tum bhookhe hoge, aj kya khaya hoga ? kajaki ki ankhen to main n dekh saka, usake kndho par baitha hua tha; han, usaki avaz se maloom hua ki usaka gala bhar aya hai. bola —  bhaiya, kya rookhi hi rotiyan khaoonga ? dal, namak, ghi , aur to kuchh nahin hai. main apani bhool par bahut lajjit hua. sach to hai, bechara rookhi rotiyan kaise khayaga ? lekin namak, dal, ghi kaise laoon ? ab to amman chauke men hongi. ata le kar to kisi tarah bhag aya tha (abhi tak mujhe n maloom tha ki meri chori pakad li gayi; ate ki lakir ne surag de diya hai). ab ye tin-tin chizen kaise laoonga ? amman se mangoonga, to kabhi n dengi. ek-ek paise ke lie to ghanton rulati hain, itani sari chizen kyon dene lagin ? ekaek mujhe ek bat yad ayi. mainne apani kitabon ke baston men kee ane paise rakh chhode the. mujhe paise jama karake rakhane men bada anand ata tha. maloom nahin ab vah adat kyon badal gayi. ab bhi vahi halat hoti to shayad itana phakemast n rahata. baboo ji mujhe pyar to kabhi n karate the; par paise khoob dete the, shayad apane kam men vyast rahane ke karan, mujhase pind chhudane ke lie isi nuskhe ko sabase asan samajhate the. inakar karane men mere rone aur machalane ka bhay tha. is badha ko vah door hi se tal dete the. amman ji ka svabhav isase thik pratikool tha. unhen mere rone aur machalane se kisi kam men badha padane ka bhay n tha. adami lete-lete din bhar rona sun sakata hai; hisab lagate hue zor ki avaz se dhyan bnt jata hai. amman mujhe pyar to bahut karati thin, par paise ka nam sunate hi unaki tyoriyan badal jati thin. mere pas kitaben n thin. han, ek basta tha, jisamen dakakhane ke do-char pharm tah karake pustak roop men rakhe hue the. mainne socha , dal, namak aur ghi ke lie kya utane paise kafi n honge ? meri to mutthi men nahin ate. yah nishchay karake mainne kaha —achchha, mujhe utar do, to main dal aur namak la doon, magar roj aya karoge n ? kajaki , bhaiya, khane ko doge, to kyon n aoonga. mainne kaha —main roj khane ko doonga. kajaki bola —  to main roj aoonga. main niche utara aur daud kar sari poonji utha laya. kajaki ko roj bulane ke lie us vakt mere pas kohanoor hira bhi hota, to usako bhent karane men mujhe pasopesh n hota. kajaki ne vismit ho kar poochha—ye paise kahan paye, bhaiya ? mainne garv se kaha —mere hi to hain. kajaki , tumhari amman ji tumako marengi, kahengi , kajaki ne phusala kar mngava liye honge. bhaiya, in paison ki mithaee le lena aur matake men rakh dena. main bhookhon nahin marata. mere do hath hain. main bhala bhookhon mar sakata hoon ? mainne bahut kaha ki paise mere hain, lekin kajaki ne n lie. usane badi der tak idhar-udhar ki sair karayi, git sunaye aur mujhe ghar pahuncha kar chala gaya. mere dvar par ate ki tokari bhi rakh di. mainne ghar men qadam rakha hi tha ki amman ji ne daaut kar kaha —kyon re chor, too ata kahan le gaya tha ? ab chori karana sikhata hai ? bata, kisako ata de aya, nahin to teri khal udhed kar rakh doongi. meri nani mar gayi. amman krodh men sinhani ho jati thin. sitapita kar bola —  kisi ko to nahin diya. amman , toone ata nahin nikala ? dekh kitana ata sare angan men bikhara pada hai ? main chup khada tha. vah kitana hi dhamakati thin, chumakarati thin, par meri jaban n khulati thi. anevali vipatti ke bhay se pran sookh rahe the. yahan tak ki yah bhi kahane ki himmat n padati thi ki bigadati kyon ho, ata to dvar par rakha hua hai, aur n utha kar late hi banata tha, mano kriya-shakti hi lupt ho gayi ho, mano pairon men hilane ki samarthy hi nahin. sahasa kajaki ne pukara , bahoo ji, ata dvar par rakha hua hai. bhaiya mujhe dene ko le gaye the.

yah sunate hi amman dvar ki or chali gayin. kajaki se vah parada n karati thin. unhonne kajaki se koee bat ki ya nahin, yah to main nahin janata; lekin amman ji khali tokari liye hue ghar men ayin. phir kothari men jakar sndook se kuchh nikala aur dvar ki or gayin. mainne dekha ki unaki mutthi bnd thi. ab mujhase vahan khade n raha gaya. amman ji ke pichhe-pichhe main bhi gaya. amman ne dvar par kee bar pukara; magar kajaki chala gaya tha. mainne badi adhirata se kaha —main ja kar khoj laoon, amman ji ? amman ji ne kivaden bnd karate hue kaha —tum andhere  men kahan jaoge, abhi to yahin khada tha. mainne kaha ki yahin rahana; main ati hoon. tab tak n-jane kahan khisak gaya. bada snkochi hai ! ata to leta hi n tha. mainne jabaradasti usake angochhe men bandh diya. mujhe to bechare par badi daya ati hai. n-jane bechare ke ghar men kuchh khane ko hai ki nahin. rupaye layi thi ki de doongi; par n-jane kahan chala gaya. ab to mujhe bhi sahas hua. mainne apani chori ki poori katha kah dali. bachchon ke sath samajhadar bachche ban kar man-bap un par jitana asar dal sakate hain, jitani shiksha de sakate hain, utane boodhe ban kar nahin. amman ji ne kaha —tumane mujhase poochh kyon n liya ? kya main kajaki ko thoda-sa ata n deti ? mainne isaka uttar n diya. dil men kaha —is vakt tumhen kajaki par daya a gayi hai, jo chahe de dalo; lekin main mangata, to marane daudatin. han, yah soch kar chitt prasann hua ki ab kajaki bhookhon n marega. amman ji use roj khane ko dengi aur vah roj mujhe kndho par bitha kar sair karayega. doosare din main din bhar munnoo ke sath khelata raha. sham ko sadak par ja kar khada ho gaya. magar andhera ho gaya aur kajaki ka kahin pata nahin. diye jal gaye, raste men sannata chha gaya; par kajaki n aya ! main rota hua ghar aya. amman ji ne poochha—kyon rote ho, beta ? kya kajaki nahin aya ? main aur zor se rone laga. amman ji ne mujhe chhati se laga liya. mujhe aisa maloom hua ki unaka bhi knth gadgad ho gaya hai. unhonne kaha —beta, chup ho jao, main kal kisi harakare ko bhej kar kajaki ko bulavaoongi. main rote hi rote so gaya. sabere jyon hi ankhen khulin, mainne amman ji se kaha —kajaki ko bulava do. amman ne kaha —adami gaya hai, beta ! kajaki ata hoga. khush ho kar khelane laga. mujhe maloom tha ki amman ji jo bat kahati hain, use poora zaroor karati hain. unhonne sabere hi ek harakare ko bhej diya tha. das baje jab main munnoo ko liye hue ghar aya, to maloom hua ki kajaki apane ghar par nahin mila. vah rat ko bhi ghar n gaya tha. usaki stri ro rahi thi ki n-jane kahan chale gaye. use bhay tha ki vah kahin bhag gaya hai. balakon ka hriday kitana komal hota hai, isaka anuman doosara nahin kar sakata. unamen apane bhavon ko vyakt karane ke lie shabd nahin hote. unhen yah bhi gyat nahin hota ki kaun-si bat unhen vikal kar rahi hai, kaun-sa kanta unake hriday men khatak raha hai, kyon bar-bar unhen rona ata hai, kyon ve man mare baithe rahate hain, kyon khelane men ji nahin lagata ? meri bhi yahi dasha thi. kabhi ghar men ata, kabhi bahar jata, kabhi sadak par ja pahunchata. ankhen kajaki ko dhoondh rahi thin. vah kahan chala gaya ? kahin bhag to nahin gaya ? tisare pahar ko main khoya hua-sa sadak par khada tha. sahasa mainne kajaki ko ek gali men dekha. han, vah kajaki hi tha. main usaki or chillata hua dauda; par gali men usaka pata n tha, n-jane kidhar gayab ho gaya.

mainne gali ke is sire se us sire tak dekha; magar kahin kajaki ki gndha tak n mili.ghar ja kar mainne amman ji se yah bat kahi. mujhe aisa jan pada ki vah yah bat sun kar bahut chintit ho gayin.isake bad do-tin din tak kajaki n dikhalayi diya. main bhi ab use kuchh-kuchh bhoolane laga. bachche pahale jitana prem karate hain, bad ko utane hi nishthur bhi ho jate hain. jis khilaune par pran dete hain, usi ko do-char din ke bad patak kar phod bhi dalate hain. das-barah din aur bit gaye. dopahar ka samay tha. baboo ji khana kha rahe the. main munnoo ke pairon men pinas ki paijaniyan bandh raha tha. ek aurat ghoonghat nikale hue ayi aur angan men khadi ho gayi. usake kapade phate hue aur maile the, par gori, sundar stri thi. usane mujhase poochha—bhaiya, bahoo ji kahan hai ? mainne usake pas ja kar usaka munh dekhate hue kaha —tum kaun ho, kya bechati ho ? aurat , kuchh bechati nahin hoon, tumhare lie ye kamalagatte layi hoon. bhaiya, tumhen to kamalagatte bahut achchhe lagate hain n ? mainne usake hathon se latakati huee potali ko utsuk netron se dekh kar poochha—kahan se layi ho ? dekhen. aurat , tumhare harakare ne bheja hai, bhaiya ! mainne uchhal kar poochha—kajaki ne ? aurat ne sir hila kar 'han' kaha aur potali kholane lagi. itane men amman ji bhi rasoee se nikal ayin. usane amman ke pairon ka sparsh kiya. amman ne poochha—too kajaki ki gharavali hai ? aurat ne sir jhuka liya. amman , ajakal kajaki kya karata hai. aurat ne ro kar kaha —bahoo ji, jis din se apake pas se ata le kar gaye hain, usi din se bimar pade hain. bas, bhaiya-bhaiya kiya karate hain. bhaiya hi men unaka man basa rahata hai. chaunk-chaunk kar 'bhaiya ! bhaiya !' kahate hue dvar ki or daudate hain. n jane unhen kya ho gaya hai, bahoo ji ! ek din mujhase kuchh kaha n suna, ghar se chal diye aur ek gali men chhip kar bhaiya ko dekhate rahe. jab bhaiya ne unhen dekh liya, to bhage. tumhare pas ate hue lajate hain. mainne kaha —han-han, mainne us din tumase jo kaha tha amman ji ! amman , ghar men kuchh khane-pine ko hai ? aurat , han bahoo ji, tumhare asiravad se khane-pine ka du:kh nahin hai. aj sabere uthe aur talab ki or chale gaye. bahut kahati rahi, bahar mat jao, hava lag jayagi. magar n mane ! mare kamazori ke pair kanpane lagate hain, magar talab men ghus kar ye kamalagatte tod laye. tab mujhase kaha —le ja, bhaiya ko de a. unhen kamalagatte bahut achchhe lagate hain. kushal-chhem poochhati ana. mainne potali se kamalagatte nikal liye the aur maje se chakh raha tha. amman ne bahut ankhen dikhayin, magar yahan itani sabr kahan ! amman ne kaha —kah dena sab kushal hai. mainne kaha —yah bhi kah dena ki bhaiya ne bulaya hai. n jaoge to phir tumase kabhi n bolenge, han ! baboo ji khana kha kar nikal aye the. tauliye se hath-munh ponchhate hue bole —  aur yah bhi kah dena ki sahab ne tumako bahal kar diya hai. jaldi jao, nahin to koee doosara adami rakh liya jayaga. aurat ne apana kapada uthaya aur chali gayi. amman ne bahut pukara, par vah n ruki. shayad amman ji use sidha dena chahati thin. amman ne poochha—sachamuch bahal ho gaya ? baboo ji , aur kya jhoothe hi bula raha hoon. mainne to panchaven hi din bahali ki riport ki thi.

amman , yah tumane achchha kiya. baboo ji , usaki bimari ki yahi dava hai. prat:kal main utha, to kya dekhata hoon ki kajaki lathi tekata hua chala a raha hai. vah bahut dubala ho gaya tha, maloom hota tha, boodha ho gaya hai. hara-bhara ped sookh kar thoontha ho gaya tha. main usaki or dauda aur usaki kamar se chimat gaya. kajaki ne mere gal choome aur mujhe utha kar kandho par baithalane ki cheshta karane laga; par main n uth saka. tab vah janavaron ki bhanti bhoomi par hathon aur ghutanon ke bal khada ho gaya aur main usaki pith par savar ho kar dakakhane ki or chala. main us vakt phoola n samata tha aur shayad kajaki mujhase bhi zyada khush tha.baboo ji ne kaha —kajaki, tum bahal ho gaye. ab kabhi der n karana.  kajaki rota hua pita ji ke pairon par gir pada; magar shayad mere bhagy men donon sukh bhogana n likha tha , munnoo mila, to kajaki chhoota; kajaki aya to munnoo hath se gaya aur aisa gaya ki aj tak usake jane ka du:kh hai. munnoo meri hi thali men khata tha. jab tak main khane n baithoon, vah bhi kuchh n khata tha. use bhat se bahut hi ruchi thi; lekin jab tak khoob ghi n pada ho, use sntosh n hota tha. vah mere hi sath sota tha aur mere hi sath uthata bhi tha. saphaee to use itani pasnd thi ki mal-mootra tyag karane ke lie ghar se bahar maidan men nikal jata tha. kutton se use chidh thi, kutton ko ghar men n ghusane deta. kutte ko dekhate hi thali se uth jata aur use daud kar ghar se bahar nikal deta tha. kajaki ko dakakhane men chhod kar jab main khana khane gaya, to munnoo bhi a baitha. abhi do-char hi kaur khaye the ki ek bada-sa jhabara kutta angan men dikhayi diya. munnoo use dekhate hi dauda. doosare ghar men ja kar kutta chooha ho jata hai. jhabara kutta use ate dekh kar bhaga. munnoo ko ab laut ana chahie tha; magar vah kutta usake lie yamaraj ka doot tha. munnoo ko use ghar se nikal kar bhi sntosh n hua. vah use ghar ke bahar maidan men bhi daudane laga. munnoo ko shayad khayal n raha ki yahan meri amaladari nahin hai. vah us kshetra men pahunch gaya tha, jahan jhabare ka bhi utana hi adhikar tha, jitana munnoo ka. munnoo kutton ko bhagate-bhagate kadachith apane bahubal par ghamnd karane laga tha. vah yah n samajhata tha ki ghar men usaki pith par ghar ke svami ka bhay kam kiya karata hai. jhabare ne is maidan men ate hi ulat kar munnoo ki garadan daba di. bechare munnoo ke munh se avaz tak n nikali. jab padosiyon ne shor machaya, to main dauda. dekha, to munnoo mara pada hai aur jhabare ka kahin pata nahin.

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah