गुल्ली-डंडा -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

hamare angreji dost manen ya n manen main to yahi kahoonga ki gulli-dnda sab khelon ka raja hai. ab bhi kabhi ladakon ko gulli-dnda khelate dekhata hoon, to ji lot-pot ho jata hai ki inake sath jakar khelane lagoon. n lan ki zaroorat, n kort ki, n net ki, n thapi ki. maje se kisi ped se ek tahani kat li, gulli bana li, aur do adami bhi a jae, to khel shuroo ho gaya.

vilayati khelon men sabase bada aib hai ki usake saman mahnge hote hain. jab tak kam-se-kam ek saikada n kharch kijie, khiladiyon men shumar hi nahin ho pata. yahan gulli-dnda hai ki bana harr-phitakari ke chokha rng deta hai; par ham angareji chijon ke pichhe aise divane ho rahe hain ki apani sabhi chijon se aruchi ho gee. skoolon men harek ladake se tin-char rupaye salana keval khelane ki phis li jati hai. kisi ko yah nahin soojhata ki bharatiy khel khilaen, jo bina dam-kaudi ke khele jate hain. angareji khel unake lie hain, jinake pas dhan hai. garib ladakon ke sir kyon yah vyasan madhate ho? thik hai, gulli se ankh phoot jane ka bhay rahata hai, to kya kriket se sir phoot jane, tilli phat jane, tang toot jane ka bhay nahin rahata! agar hamare mathe men gulli ka dag aj tak bana hua hai, to hamare kee dost aise bhi hain, jo thapi ko baisakhi se badal baithe. yah apani-apani ruchi hai. mujhe gulli hi sab khelon se achchhi lagati hai aur bachapan ki mithi smritiyon men gulli hi sabase mithi hai.

vah prat:kal ghar se nikal jana, vah ped par chadhakar tahaniyan katana aur gulli-dnde banana, vah utsah, vah khiladiyon ke jamaghate, vah padana aur padana, vah ladaee-jhagade, vah saral svabhav, jisase chhooth-achhoot, amir-garib ka bilkul bhed n rahata tha, jisamen amirana chochalon ki, pradarshan ki, abhiman ki gunjaish hi n thi, yah usi vakt bhoolega jab .... jab .... gharavale bigad rahe hain, pitaji chauke par baithe veg se rotiyon par apana krodh utar rahe hain, amman ki daud keval dvar tak hai, lekin unaki vichar-dhara men mera andhakaramay bhavishy tooti huee nauka ki tarah dagamaga raha hai; aur main hoon ki padane men mast hoon, n nahane ki sudhi hai, n khane ki. gulli hai to jara-si, par usamen duniya-bhar ki mithaiyon ki mithas aur tamashon ka annd bhara hua hai.

mere hamajoliyon men ek ladaka gaya nam ka tha. mujhase do-tin sal bada hoga. dubala, bndaron ki-si lambi-lambi, patali-patali ungaliyan, bndaron ki-si chapalata, vahi jhallahat. gulli kaisi hi ho, par is tarah lapakata tha, jaise chhipakali kidon par lapakati hai. maloom nahin, usake man-bap the ya nahin, kahan rahata tha, kya khata tha; par tha hamare gulli-klab ka chaimpiyan. jisaki taraph vah a jae, usaki jit nishchit thi. ham sab use door se ate dekh, usaka daudakar svagat karate the aur apana goiyan bana lete the.

ek din main aur gaya do hi khel rahe the. vah pada raha tha. main pad raha tha, magar kuchh vichitr bat hai ki padane men ham din-bhar mast rah sakate hai; padana ek minat ka bhi akharata hai. mainne gala chhudane ke lie sab chalen chalin, jo aise avasar par shastr-vihit n hone par bhi kshamy hain, lekin gaya apana danv lie bagair mera pind n chhodata tha.

main ghar ki or bhaga. anunay-vinay ka koee asar n hua tha.

gaya ne mujhe daudakar pakad liya aur dnda tanakar bola-mera danv dekar jao. padaya to bade bahadur banake, padane ke ber kyon bhage jate ho.

‘tum din-bhar padao to main din-bhar padata rahoon?’

‘han, tumhen din-bhar padana padega.‘

‘n khane jaoon, n pine jaoon?’

‘han! mera danv diye bina kahin nahin ja sakate.‘

‘main tumhara gulam hoon?’

‘han, mere gulam ho.’

‘main ghar jata hoon, dekhoon mera kya kar lete ho!’

‘ghar kaise jaoge; koee dillagi hai. danv diya hai, danv lenge.‘

‘achchha, kal mainne amarood khilaya tha. vah lauta do.

‘vah to pet men chala gaya.‘

‘nikalo pet se. tumane kyon khaya mera amarood?’

‘amarood tumane diya, tab mainne khaya. main tumase mangane n gaya tha.‘

‘jab tak mera amarood n doge, main danv n doonga.‘

main samajhata tha, nyay meri or hai. akhir mainne kisi svarth se hi use amarood khilaya hoga. kaun ni:svarth kisi ke sath salook karata hai. bhiksha tak to svarth ke lie dete hain. jab gaya ne amarood khaya, to phir use mujhase danv lene ka kya adhikar hai? rishvat dekar to log khoon pacha jate hain, yah mera amarood yon hi hajam kar jaega? amarood paise ke panchavale the, jo gaya ke bap ko bhi nasib n honge. yah sarasar anyay tha.

gaya ne mujhe apani or khinchate hue kaha-mera danv dekar jao, amarood-samarood main nahin janata.

mujhe nyay ka bal tha. vah anyay par data hua tha. main hath chhudakar bhagana chahata tha. vah mujhe jane n deta! mainne use gali di, usane usase kadi gali di, aur gali-hi nahin, ek chanta jama diya. mainne use dant kat liya. usane meri pith par dnda jama diya. main rone laga! gaya mere is astr ka mukabala n kar saka. mainne turant ansoo ponchh dale, dnde ki chot bhool gaya aur hnsata hua ghar ja pahuncha! main thanedar ka ladaka ek nich jat ke launde ke hathon pit gaya, yah mujhe us samay bhi apamanajanak maloom ha; lekin ghar men kisi se shikayat n ki.

2

unhin dinon pitaji ka vahan se tabadala ho gaya. nee duniya dekhane ki khushi men aisa phoola ki apane hamajoliyon se bichhud jane ka bilakul du:kh n hua. pitaji du:khi the. vah badi amadani ki jagah thi. ammanji bhi du:khi thin yahan sab chiz sasti thin, aur muhalle ki striyon se gharav-sa ho gaya tha, lekin main sare khushi ke phoola n samata tha. ladakon men jit uda raha tha, vahan aise ghar thode hi hote hain. aise-aise oonche ghar hain ki asaman se baten karate hain. vahan ke angareji skool men koee mastar ladakon ko pite, to use jehal ho jae. mere mitron ki phaili huee ankhen aur chakit mudra batala rahi thi ki mujhase unaki nigah men kitani spardgha ho rahi thi! mano kah rahe the-too bhagavan ho bhaee, jao. hamen to isi oojad gram men jina bhi hai aur marana bhi.

bis sal gujar ge. mainne injiniyari pas ki aur usi zile ka daura karata hua usi kasbe men pahuncha aur dakabngale men thahara. us sthan ko dekhate hi itani madhur bal-smritiyan hriday men jag uthin ki mainne chhadi uthaee aur kasbe ki sair karane nikala. ankhen kisi pyase pathik ki bhanti bachapan ke un krida-sthalon ko dekhane ke lie vyakul ho rahi thin; par us parichit nam ke siva vahan aur kuchh parichit n tha. jahan khndahar tha, vahan pakke makan khade the. jahan baragad ka purana ped tha, vahan ab ek sundar bagicha tha. sthan ki kaya palat ho gee thi. agar usake nam aur sthiti ka gyan n hota, to main use pahachan bhi n sakata. bachapan ki snchit aur amar smritiyan banhen khole apane un purane mitron se gale milane ko adhir ho rahi thin; magar vah duniya badal gee thi. aisa ji hota tha ki us dharati se lipatakar rooon aur kahoon, tum mujhe bhool gee! main to ab bhi tumhara vahi roop dekhana chahata hoon.

sahasa ek khuli jagah men mainne do-tin ladakon ko gulli-dnda khelate dekha. ek kshan ke lie main apane ko bilkul bhool gaya. bhool gaya ki main ek ooncha aphasar hoon, sahabi thath men, raub aur adhikar ke avaran men.

jakar ek ladake se poochha-kyon bete, yahan koee gaya nam ka adami rahata hai?

ek ladake ne gulli-dnda sametakar sahame hue svar men kaha-kaun gaya? gaya chamar?

mainne yon hi kaha-han-han vahi. gaya nam ka koee adami hai to? shayad vahi ho.

‘han, hai to.‘

‘jara use bula sakate ho?’

ladaka daudata hua gaya aur ek kshan men ek panch hath ke kale dev ko sath lie ata dikhaee diya. main door se hi pahachan gaya. usaki or lapakana chahata tha ki usake gale lipat jaoon, par kuchh sochakar rah gaya. bola-kaho gaya, mujhe pahachanate ho?

gaya ne jhukakar salam kiya-han malik, bhala pahachanoonga kyon nahin! ap maje men ho?

‘bahut maje men. tum apani kaho.‘

‘dipti sahab ka saees hoon.‘

‘matee, mohan, durga sab kahan hain? kuchh khabar hai?

‘matee to mar gaya, durga aur mohan donon dakiya ho ge hain. ap?’

‘main to zile ka injiniyar hoon.‘

‘sarakar to pahale hi bade jahin the?

‘ab kabhi gulli-dnda khelate ho?’

gaya ne meri or prashn-bhari aaunkhon se dekha-ab gulli-dnda kya kheloonga sarakar, ab to dhndhe se chhutti nahin milati.

‘ao, aj ham-tum khelen. tum padana, ham padenge. tumhara ek danv hamare oopar hai. vah aj le lo.‘

gaya badi mushkil se raji hua. vah thahara take ka mazadoor, main ek bada aphasar. hamara aur usaka kya jod? bechara jhenp raha tha. lekin mujhe bhi kuchh kam jhenp n thi; isalie nahin ki main gaya ke sath khelane ja raha tha, balki isalie ki log is khel ko ajooba samajhakar isaka tamasha bana lenge aur achchhi-khasi bhid lag jaegi. us bhid men vah annd kahan rahega, par khele bagair to raha nahin jata. akhir nishchay hua ki donon jane basti se bahut door khelenge aur bachapan ki us mithaee ko khoob ras le-lekar khaऍnge. main gaya ko lekar dakabngale par aya aur motar men baithakar donon maidan ki or chale. sath men ek kulhadi le li. main gnbhir bhav dharan kie hue tha, lekin gaya ise abhi tak majak hi samajh raha tha. phir bhi usake mukh par utsukata ya annd ka koee chihn n tha. shayad vah ham donon men jo antar ho gaya tha, yahi sochane men magan tha.

mainne poochha-tumhen kabhi hamari yad ati thi gaya? sach kahana.

gaya jhenpata hua bola-main apako yad karata hajoor, kis layaq hoon. bhag men apake sath kuchh din khelana bada tha; nahin meri kya ginati?

mainne kuchh udas hokar kaha-lekin mujhe to barabar, tumhari yad ati thi. tumhara vah dnda, jo tumane tanakar jamaya tha, yad hai n?

gaya ne pachhatate hue kaha-vah ladakapan tha sarakar, usaki yad n dilao.

‘vah! vah mere bal-jivan ki sabase rasili yad hai. tumhare us dnde men jo ras tha, vah to ab n adar-samman men pata hoon, n dhan men.‘

itani der men ham basti se koee tin mil nikal aye. charon taraph sannata hai. pashchim or koson tak bhimatal phaila hua hai, jahan akar ham kisi samay kamal pushp tod le jate the aur usake jhoomak banakar kanon men dal lete the. jeth ki sndhya kesar men doobi chali a rahi hai. main lapakakar ek ped par chadh gaya aur ek tahani kat laya. chatapat gulli-dnda ban gaya.

khel shuroo ho gaya. mainne guchchi men gulli rakhakar uchhali. gulli gaya ke samane se nikal gee. usane hath lapakaya, jaise machhali pakad raha ho. gulli usake pichhe jakar giri. yah vahi gaya hai, jisake hathon men gulli jaise ap hi akar baith jati thi. vah dahine-baen kahin ho, gulli usaki hatheli men hi pahunchati thi. jaise gulliyon par vashikaran dal deta ho. nayi gulli, purani gulli, chhoti gulli, badi gulli, nokadar gulli, sapat gulli sabhi usase mil jati thi. jaise usake hathon men koee chumbak ho, gulliyon ko khinch leta ho; lekin aj gulli ko usase vah prem nahin raha. phir to mainne padana shuroo kiya. main tarah-tarah ki dhandhaliyan kar raha tha. abhyas ki kasar beeemani se poori kar raha tha. huch jane par bhi dnda khele jata tha. halanki shastr ke anusar gaya ki bari ani chahie thi. gulli par ochhi chot padati aur vah jara door par gir padati, to main jhapatakar use khud utha leta aur dobara tand lagata. gaya yah sari be-kayadagiyan dekh raha tha; par kuchh n bolata tha, jaise use vah sab kayade-kanoon bhool ge. usaka nishana kitana achook tha. gulli usake hath se nikalakar tan se dnde se akar lagati thi. usake hath se chhootakar usaka kam tha dnde se takara jana, lekin aj vah gulli dnde men lagati hi nahin! kabhi dahine jati hai, kabhi baen, kabhi age, kabhi pichhe.

adh ghnte padane ke bad ek gulli dnde men a lagi. mainne dhandhali ki-gulli dnde men nahin lagi. bilkul pas se gee; lekin lagi nahin.

gaya ne kisi prakar ka asntosh prakat nahin kiya.

‘n lagi hogi.‘

‘dnde men lagati to kya main beeemani karata?’

‘nahin bhaiya, tum bhala beeemani karoge?’

bachapan men majal tha ki main aisa ghapala karake jita bachata! yahi gaya gardan par chadh baithata, lekin aj main use kitani asani se dhokha die chala jata tha. gadha hai! sari baten bhool gaya.

sahasa gulli phir dnde se lagi aur itani zor se lagi, jaise bandook chhooti ho. is praman ke samane ab kisi tarah ki dhandhali karane ka sahas mujhe is vakt bhi n ho saka, lekin kyon n ek bar sabako jhooth batane ki cheshta karoon? mera haraj ki kya hai. man gaya to vah-vah, nahin do-char hath padana hi to padega. andhera ka bahana karake jaldi se chhuda loonga. phir kaun danv dene ata hai.

gaya ne vijay ke ullas men kaha-lag gee, lag gee. tan se boli.

mainne anajan banane ki cheshta karake kaha-tumane lagate dekha? mainne to nahin dekha.

‘tan se boli hai sarakar!’

‘aur jo kisi eent se takara gee ho?

mere mukh se yah vaky us samay kaise nikala, isaka mujhe khud ashchary hai. is saty ko jhuthalana vaisa hi tha, jaise din ko rat batana. ham donon ne gulli ko dnde men zor se lagate dekha tha; lekin gaya ne mera kathan svikar kar liya.

‘han, kisi eent men hi lagi hogi. dnde men lagati to itani avaz n ati.‘

mainne phir padana shuroo kar diya; lekin itani pratyaksh dhandhali kar lene ke bad gaya ki saralata par mujhe daya ane lagi; isilie jab tisari bar gulli dnde men lagi, to mainne badi udarata se danv dena tay kar liya.

gaya ne kaha-ab to andhera ho gaya hai bhaiya, kal par rakho.

mainne socha, kal bahut-sa samay hoga, yah n jane kitani der padae, isalie isi vakt muamala saf kar lena achchha hoga.

‘nahin, nahin. abhi bahut ujala hai. tum apana danv le lo.‘

‘gulli soojhegi nahin.‘

‘kuchh paravah nahin.‘

gaya ne padana shuroo kiya; par use ab bilakul abhyas n tha. usane do bar tand lagane ka irada kiya; par donon hi bar huch gaya. ek minit se kam men vah danv kho baitha. mainne apani hriday ki vishalata ka parichay diya.

‘ek danv aur khel lo. tum to pahale hi hath men huch ge.‘

‘nahin bhaiya, ab andhera ho gaya.‘

‘tumhara abhyas chhoot gaya. kabhi khelate nahin?’

‘khelane ka samay kahan milata hai bhaiya!’

ham donon motar par ja baithe aur chirag jalate-jalate padav par pahunch ge. gaya chalate-chalate bola-kal yahan gulli-dnda hoga. sabhi purane khiladi khelenge. tum bhi aoge? jab tumhen phurasat ho, tabhi khiladiyon ko bulaoon.

mainne sham ka samay diya aur doosare din maich dekhane gaya. koee das-das adamiyon ki mndali thi. kee mere ladakapan ke sathi nikale! adhikansh yuvak the, jinhen main pahachan n saka. khel shuroo hua. main motar par baitha-baitha tamasha dekhane laga. aj gaya ka khel, usaka naipuny dekhakar main chakit ho gaya. tand lagata, to gulli asaman se baten karati. kal ki-si vah jhijhak, vah hichakichahat, vah bedili aj n thi. ladakapan men jo bat thi, aj usane praudhata prapt kar li thi. kahin kal isane mujhe is tarah padaya hota, to main zaroor rone lagata. usake dnde ki chot khakar gulli do sau gaj ki khabar lati thi.

padane valon men ek yuvak ne kuchh dhandhali ki. usane apane vichar men gulli lapak li thi. gaya ka kahana tha-gulli zamin me lagakar uchhali thi. is par donon men tal thokane ki naubat aee hai. yuvak dab gaya. gaya ka tamatamaya hua chehara dekhakar dar gaya. agar vah dab n jata, to zaroor mar-pit ho jati.

main khel men n tha; par doosaron ke is khel men mujhe vahi ladakapan ka anand a raha tha, jab ham sab kuchh bhoolakar khel men mast ho jate the. ab mujhe maloom hua ki kal gaya ne mere sath khela nahin, keval khelane ka bahana kiya. usane mujhe daya ka patr samajha. mainne dhandhali ki, beeemani ki, par use jara bhi krodh n aya. isalie ki vah khel n raha tha, mujhe khela raha tha, mera man rakh raha tha. vah mujhe padakar mera kachoomar nahin nikalana chahata tha. main ab aphasar hoon. yah aphasari mere aur usake bich men divar ban gee hai. main ab usaka lihaz pa sakata hoon, adab pa sakata hoon, sahachary nahin pa sakata. ladakapan tha, tab main usaka samakaksh tha. yah pad pakar ab main keval usaki daya yogy hoon. vah mujhe apana jod nahin samajhata. vah bada ho gaya hai, main chhota ho gaya hoon.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah