सच्चाई का उपहार -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

tahasili madarasa baranv ke prathamadhyapak munshi bhavanisahay ko bagavani ka kuchh vyasan tha. kyariyon men bhanti-bhanti ke phool aur pattiyan laga rakhi thin. daravajon par lataen chadha di thin. isase madarase ki shobha adhik ho gee thi. vah midil kaksha ke ladakon se bhi apane bagiche ke sinchane aur saf karane men madad liya karate the. adhikansh ladake is kam ko ruchi poorvak karate. isase unaka manornjan hota tha kintu daraje men char-panch ladake jamindaron ke the. unamen aisi durjanata thi ki yah manornjak kary bhi unhen begar pratit hota. unhonne balyakal se alasy men jivan vyatit kiya tha. amiri ka jhootha abhiman dil men bhara hua tha. vah hath se koee kam karana ninda ki bat samajhate the. unhen is bagiche se ghrina thi. jab unake kam karane ki bari ati, to koee-n-koee bahana karake ud jate. itana hi nahin, doosare ladakon ko bahakate aur kahate, vah ! padhen pharasi, bechen tel ! yadi khurapi-kudal hi karana hai, to madarase men kitabon se sir marane ki kya zaroorat ? yahan padhane ate hain, kuchh majoori karane nahin ate. munshiji is avgya ke lie unhen kabhi-kabhi dnd de dete the. isase unaka dvesh aur bhi badhata tha. ant men yahan tak naubat pahunchi ki ek din un ladakon ne salah karake us pushpavatika ko vidhvns karane ka nishchay kiya.

das baje madarasa lagata tha, kintu us din vah ath baje hi a gaye aur bagiche men ghusakar use ujadane lage. kahin paudhe ukhad phenke kahin kyariyon ko raund dala, pani ki niliyan tod dalin, kyariyon ki meden khod dali. mare bhay ke chhati dhadak rahi thi ki kahin koee dekhata n ho. lekin ek chhoti si phulavadi ke ujadate kitani der lagati hai ? das minat men hara-bhara bag nasht ho gaya. tab yah ladake shighrata se nikale, lekin daravaze tak ae the ki unhen apane sahapathi ki soorat dikhaee di. yah ek-dubala-patala, daridr aur chatur ladaka tha. usaka nam bajabahadur tha. bada gambhir, shant ladaka tha. oodham parti ke ladake usase jalate the. use dekhate hi unaka rakt sookh gaya. vishvas ho gaya ki isane zaroor dekh liya. yah munshiji se kahe bina n rahega. bure phnse. aj kushal nahin hai. yah rakshas is samay yahan kya karane aya tha ? apas men ishare hue ki mila lena chahie. jagatasinh unaka mukhiya tha. age badhakar bola—aj itane sabere kaise a ge ? hamane to aj tumalogon ke gale ki phansi chhuda di. lala bahut dik kiya karate the, yah karo, vah karo. magar yar dekho, kahin munshiji se jad mat dena, nahin to lene ke dene pad jaynge.

jayaram ne kaha—kah kya denge, apane hi to hain. hamane jo kuchh kiya hai, vah sabake lie kiya hai, keval apani hi bhalaee ke lie nahin. chalo yar, tumhen bazar ki sair kara den, munh mitha kara den.

bajabahadur ne kaha—nahin, mujhe aj ghar par path yad karane ka avakash nahin mila. yahin baithakar padhoonga.

jagatasinh—achchha, munshiji se kahoge to n ?

bajabahadur—main svayn kuchh n kahoonga, lekin unhonne mujhase poochha to ?

jagatasinh—kah dena, mujhe nahin maloom.

bajabahadur—yah jhooth mujhase n bola jaega.

jayaram—agar tumane chugali khayi aur hamare oopar mar padi, to ham tumhen pite bina n chhodenge.

bajabahadur—hamane kah diya ki chugali n khaynge lekin munshiji ne poochha, to jhooth bhi n bolenge.

jayaram—to ham tumhari haddiyan bhi tod denge.

bajabahadur—isaka tumhen adhikar hai.

das baje jab madarasa laga aur munshi bhavanisahay ne bag ki yah durdasha dekhi to krodh se ag ho ge. bag ujadane ka itana khed n tha, jitana ladakon ki shararat ka. yadi kisi sand ne yah dushkrity kiya hota, to vah keval hath malakar rah jate. kintu ladakon ke is atyachar ko sahan n kar sake. jyon hi ladake daraje men baith ge, vah tevar badale hue ae aur poochha—yah bag kisane ujada hai ?

kamare men sannata chha gaya. aparadhiyon ke cheharon par havaiyan udane lagin. midil kaksha ke 25 vidyarthiyon men koee aisa n tha, jo is ghatana ko n janata ho kintu kisi men yah sahas n tha ki uthakar saph-saph kah de. sabake-sab sir jhukae maun dharan kie baithe the.

munshiji ka krodh aur bhi prachnd hua. chillakar bole—mujhe vishvas hai ki yah tumhin logon men se kisi ki shararat hai. jise maloom ho, spasht kah de, nahin to main ek sire se pitana shuroo karoonga, phir koee yah n kahe ki ham niraparadh mare ge.

ek ladaka bhi n bola. vahi sannata ! munshiji—deviprasad, tum janate ho ?

devi—ji nahin, mujhe kuchh nahin maloom.

‘shivadatt, tum janate ho ?’

‘ji nahin, mujhe kuchh nahin maloom.’

‘bajabahadur, tum kabhi jhooth nahin bolate, tumhen maloom hai ?’

bajabahadur khada ho gaya, usake mukh-mndal par viratv ka prakash tha. netron men sahas jhalak raha tha. bola-ji han !

munshiji ne kaha—shabash!

aparadhiyon ne bajabahadur ki or raktavarn ankhon se dekha aur man men kaha—achchha !

bhavanisahay bade dhairyavan manushy the. yathashakti ladakon ko yatana nahin dete the, kintu aisi dushtata ka dnd dene men vah lesh-matr bhi daya n dikhate the. chhadi mngakar panchon aparadhiyon ko das-das chhadiyan lagayin, sare din bench par khada rakha aur chal-chalan ke rajistar men unake nam ke samane kale chihn bana die.

bajabahadur se shararat parti vale ladake yon hi jala karate the, aj usaki sachaee ke karan usake khoon ke pyase ho ge. yntrana men sahanubhooti paida karane ki shakti hoti hai. is samay daraje ke adhikansh ladake aparadhiyon ke mitr ho rahe the. unamen shadyntr racha jane laga ki aj bajabahadur ki khabar li jay. aisa maro ki phir madarase men munh n dikhae. yah hamare ghar ka bhedi hai.

dagabaj ! bada sachche ki dum bana hai ! aj is sachaee ka hal maloom ho jayaga. bechare bajabahadur ko is gupt lila ki jara bhi khabar n thi. vidrohiyon ne use andhakar men rakhane ka poora yatn kiya tha.

chhutti hone ke bad bajabahadur ghar ki taraph chala. raste men ek amarood ka bag tha. vahan jagatasinh aur jayaram kee ladakon ke sath khade the. bajabahadur chaunka, samajh gaya ki yah log mujhe chhedane par utaroo hain. kintu bachane ka koee upay n tha. kuchh hichakata hua age badha. jagat sinh bola—ao lala ! bahut rah dikhayi! ao, sachaee ka inam lete jao.

bajabahadur—raste se hat jao, mujhe jane do.

jayaram—jara sachaee ka maja to chakhate jaie.

bajabahadur—mainne tumase kah diya ki jab mera nam lekar poochhenge to main kah doonga.

jayaram—hamane bhi to kah diya tha ki tumhen is kam ka inam diye bina n chhodenge.

yah kahate hi vah bajabahadur ki taraph ghoonsa tanakar badha. jagat sinh ne usake donon hath pakadane chahe. jayaram ka chhota bhaee shivaram amarood ki ek tahani lekar jhapata. shesh ladake charon taraph khade hokar tamasha dekhane lage yah ‘rijarv’ sena thi, jo avashyakata padane par mitr-dal ki sahayata ke lie taiyar thi. bajabahadur durbal ladaka tha. usaki marammat karane ko vah tin mazaboot ladake kafi the. sab log yahi samajh rahe the ki kshan-bhar men yah tinon use gira lenge. bajabahadur ne dekha ki shatruon ne shastr-prahar karana shuroo kar diya, to usane kanakhiyon se idhar-udhar dekha. tab teji se jhapatakar shivaram ke hath se amarood ki tahani chhin li aur do qadam pichhe hatakar tahani tane hue bola—tum mujhe sachaee ka inam ya, saza denevale kaun hote ho ?

donon or se danv pench honne lage. bajabahadur tha to kamazor, par atynt chapal aur satark tha, us par saty ka vishvas hriday ko aur bhi balavan banae hue tha. saty chahe sir kata de, lekin qadam pichhe nahin hatata. kee minat tak bajabahadur uchhal-uchhalakar var karata aur hatata raha. lekin amarood ki tahani kahan tak tham sakati. jara der men usaki dhajjiyan ud geen. jab tak usake hath men vah hari talavar rahi koee usake nikat ane ki himmat n karata tha. nihattha hone par bhi vah thokaro aur ghoonson se jabav deta raha. magar ant men adhik snkhya ne vijay payi. bajabahadur ki pasali men jayaram ka ek ghoonsa aisa pada ki vah bedam hokar gir pada. ankhen pathara geen aur moorchchha-si a gee. shatruon ne yah dasha dekhi, to unake hathon ke tote ud ge. samajhe, isaki jan nikal gee. betahasha bhage.

koee das minat ke pichhe bajabahadur sachet hua. kaleje par chot lag gee thi. ghav ochha pada tha, jis par bhi khade hone ki shakti n thi. sahas karake utha aur lngadata hua ghar ki or chala.

udhar yah vijayidal bhagate-bhagate jayaram ke makan par pahuncha. raste hi men sara dal titar-bitar ho gaya. koee idhar se nikal bhaga, koee udhar se, kathin samasya a padi thi. jayaram ke ghar tak keval tin sudridh ladake pahunche.v han pahunchakar unaki jan men jan ayi.

jayaram—kahin mar n gaya ho, mera ghoonsa khoob baith gaya tha.

jagatasinh tumhen pasali men nahin marana chahie tha. agar tilli phat gee hogi to n bachega !

jayaram— yar, mainne jan ke thode hi mara tha. snyog hi tha. ab batao, kya kiya jae ?

jagatasinh— karana kya hai, chupachap baithe raho.

jayaram— kahin main akela to n phasoonga ?

jagatasinh— akele kaun phnsega, sabake sab sath chalenge.

jayaram— agar bajabahadur mara nahin hai, to uthakar sidhe munshiji ke pas jaega!

jagatasinh— aur munshiji kal ham logon ki khal avashy udhedenge.

jayaram— isalie mera salah hai ki kal se madarase jao hi nahin. nam kata ke doosari jagah chale chalen, nahin to bimari ka bahana karake baithe rahen. mahine-do-mahine ke bad jab mamala thnda pad jaega, to dekha jaega.

shivaram— aur jo pariksha hone vali hai ?

jayaram— o ho ! isaka to khayal hi n tha. ek hi mahina to aur rah gaya hai.

jagatasinh tumhen abaki zaroor vajipha milata.

jayaram— han, mainne bahut parishram kiya tha. to phir ?

jagatasinh— kuchh nahin, taraqqi to ho hi jaegi. vajiphe se hath dhona padega. jayaram— bajabahadur ke hath lag jaega.

jagatasinh— bahut achchha hoga, bechare ne mar bhi to khayi hai.

doosare din madarasa laga. jagatasinh, jayaram aur shivaram tinon gayab the. valimuhammad pair men patti bandh aye the, lekin bhay ke mare bura hal tha. kal ke darshakagan bhi tharathara rahe the ki kahin ham log gehoon ke sath ghun ki tarah n pis jayn. bajabahadur niyamanusar apane kam men laga hua tha. aisa maloom hota tha ki mano use kal ki baten yad hi nahin hai. kisi se unaki charcha n ki. han, aj vah apane svabhav ke pratikool kuchh prasannachitt dekh padata tha. visheshatah kal ke yoddhaon se vah adhik hila-mila hua tha. vah chahata tha ki yah log meri or se niahshnk ho jayn. rat-bhar ki vivechana ke pashchath usane yahi nishchay kiya tha aur aj jab sndhya samay vah ghar chala, to use apani udarata ka phal mil chuka tha. usake shatru lajjit the aur usaki prashnsa karate the.

magar yah tinon aparadhi doosare din bhi n aye, tisare din bhi unaka koee pata n tha. vah ghar se madarase ko chalate, lekin dehat ki taraph nikal jate. vahan din-bhar kisi vriksh ke niche baithe rahate, athava gulli-dnde khelate. sham ko ghar chale ate.

unhonne yah pata laga liya tha ki samar ke any sabhi yoddhagan madarase ate hain aur munshiji unase kuchh nahin bolate, kintu chitt se shnka door n hoti thi. bajabahadur ne zaroor kaha hoga. ham logon ke jane ki der hai. gaye aur bebhav ki padi. yahi sochakar madarase ane ka sahas n kar sakate the.

chauthe din pratahkal tinon aparadhi baithe soch rahe the ki aj kidhar chalana chahie. itane men bajabahadur ata hua dikhaee diya. in logon ko ashchary to hua, parantu use apane dvar par ate dekhakar kuchh asha bndh gee. yah log abhi bolane bhi n pae the ki bajabahadur ne kaha—kyon mi. tum log madarase kyon nahin ate ? tinadin se gairahajiri ho rahi hai.

jagatasinh— madarase kya jayn, jan bhari padi hai ? munshi ji ek haddi bhi to n chhodenge.

bajabahadur— kyon, valimuhammad, durga, sabhi to jate hain. munshi ji ne kisi se bhi kuchh kaha ?

jayaram— tumane un logon ko chhod diya hoga, lekin hamen bhala tum kyon chhodane lage ? tumane ek-ek ki tin-tin jadi hogi.

bajabahadur— aj madarase chalakar isaki pariksha hi kar lo.

jagatasinh— yah jhanse rahane dijie. hamen pitavane ki chal hai.

bajabahadur— to main kahin bhaga to nahin jata ? us din sachaee ki saza di thi, aj jhooth ka inam dena.

jayaram— sach kahate ho, tumane shikayat nahin ki ?

bajabahadur— shikayat ki kaun bat thi. tumane mujhe mara, mainne tumhen mara. agar tumhara ghoonsa n padata, to main tum logon ko ranakshetr se bhagakar dam leta. apas ke jhagadon ki shikayat karana meri adat nahin hai.

jagatasinh— chaloon to yar, lekin vishvas nahin ata, tum hamen jhanse de rahe ho, kachoomar nikalava loge.

bajabahadur— tum janate ho, jhooth bolane ki meri ban nahin hai.

yah shabd bajabahadur ne aisi vishvasotpadak riti se kahe ki un logon ka bhram door ho gaya. bajabahadur ke chale jane ke pashchath tinon der tak usaki baton ki vivechana karate rahe. ant men yahi nishchay hua ki aj chalana chahie.

thik das baje tinon mitr madarase pahunch gaye, kintu chitt men ashnkit the. chehare ka rng uda hua tha.

munshiji kamare men aye. ladakon ne khade hokar unaka svagat kiya, unhonne tinon ki or tivr drishti se dekhakar keval itana kaha—tum log tin din se gair hajir ho. dekho, daraje men jo imtahani saval hue hain, unhen nakal kar lo.

phir padhane men magn ho ge.

jab pani pine ke lie ladakon ko adh ghnte ka avakash mila, to tinon mitr aur unake sahayogi jama hokar baten karane lage.

jayaram— ham to jan par khelakar madarase se aye the, magar bajabahadur hai bat ka dhani.

valimuhammad— mujhe to aisa maloom hota hai, vah adami nahin, devata hai. yah ankhon-dekhi bat n hoti, to mujhe kabhi is par vishvas n ata.

jagatasinh— bhalamanasi isi ko kahate hain. hamase badi bhool huee ki usake sath aisa anyay kiya.

durga— chalo, usase kshama mangen.

jayaram— han, tumhen khoob soojhi. aj hi.

jab madarasa bnd hua, to daraje ke sab ladake milakar bajabahadur ke pas gaye. jagatasinh unaka neta banakar bola—bhaee sahab, ham sabake-sab tumhare aparadhi hain. tumhare sath ham logon ne jo atyachar kiya hai, us par ham hriday se lajjit hain. hamara aparadh kshama karo. tum sajjanata ki moorti ho ! ham log ujadd, gnvar aur moorkh hain, hamen ab kshama pradan karo.

bajabahadur ki ankhon men ansoo aye, bola—main pahale bhi tum logon ko apana bhaee samajhata tha aur ab bhi vahi samajhata hoon. bhaiyon ke jhagade men kshama kaisi ?

sabake-sab usase gale mile. isaki charcha sare madarase men phail gee. sara madarasa bajahabahadur ki pooja karane laga. vah apane madarase ka mukhiya, neta aur siramaur ban gaya.

pahale use sachaee ka dnd mila; abaki sachaee ka upahar mila.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah