घर जमाई -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

haridhan jeth ki dupahari men ookh men pani dekar aya aur bahar baitha raha. ghar men se dhuan uthata najar ata tha. chhan-chhan ki avaz bhi a rahi thi. usake donon sale usake bad aye aur ghar men chale ge. donon salon ke ladake bhi aye aur usi tarah andar dakhil ho gaye; par haridhan andar n ja saka. idhar ek mahine se usake sath yahan jo bartav ho raha tha aur visheshakar kal use jaisi phatakar sunani padi thi, vah usake panv men bediyan-si dale hue tha. kal usaki sas hi ne to kaha, tha, mera ji tumase bhar gaya, main tumhari zindagi-bhar ka thika liye baithi hoon kya ? aur sabase badhakar apani stri ki nishthurata ne usake hriday ke tukade-tukade kar diye the. vah baithi yah phatakar sunati rahi; par ek bar to usake munh se n nikala, amman, tum kyon inaka apaman kar rahi ho ! baithi gat-gat sunati rahi. shayad meri durgati par khush ho rahi thi. is ghar men vah kaise jay ? kya phir vahi galiyan khane, vahi phatakar sunane ke lie ? aur aj is ghar men jivan ke das sal gujar jane par yah hal ho raha hai. main kisi se kam kam karata hoon ? donon sale mithi nind so rahate hain aur main bailon ko sani-pani deta hoon; chhanti katata hoon. vahan sab log pal-pal par chilam pite hain, main ankhen band kiye apane kam men laga rahata hoon. sndhya samay gharavale gane-bajane chale jate hain, main ghadi rat tak gay-bhainse duhata rahata hoon. usaka yah puraskar mil raha hai ki koee khane ko bhi nahin poochhata. ulte galiyan milati hain.

usaki stri ghar men se dol lekar nikali aur boli- jara ise kuen se khinch lo. ek boond pani nahin hai.

haridhan ne dol liya aur kuen se pani bhar laya. use zor ki bhookh lagi huee thi, samajha ab khane ko bulane avegi; magar stri dol lekar andar gayi to vahin ki ho rahi. haridhan thaka-manda kshudha se vyakul pada-pada so gaya.

sahasa usaki stri gumani ne akar use jagaya.

haridhan ne pade-pade kaha- kya hai ? kya pada bhi n rahane degi ya aur pani chahie.

gumani katu svar men boli- gurrate kya ho, khane ko to bulane ayi hoon.

haridhan ne dekha, usake donon sale aur bade sale ke donon ladake bhojan kiye chale a rahe the. usaki deh men ag lag gayi. meri ab yah naubat pahunch gayi ki in logon ke sath baithakar kha bhi nahin sakata. ye log malik hain. main inaki joothi thali chatane vala hoon. main inaka kutta hoon, jise khane ke bad ek tukada roti dal di jati hai. yahi ghar hai jahan aj se das sal pahale usaka kitana adar-satkar hota tha. sale gulam bane rahate the. sas munh johati rahati thi. stri pooja karati thi. tab usake pas rupaye the, jayadad thi. ab vah daridr hai, usaki sari jayadad ko inhin logon ne kooda kar diya. ab use rotiyon ke bhi lale hain. usake ji men ek jvala-si uthi ki isi vakt andar jakar sas ko aur salon ko bhigo- bhigokar lagaye; par jabt karake rah gaya. pade-pade bola- mujhe bhookh nahin hai. aj n khaoonga.

gumani ne kaha- n khaoge meri bala se, han nahin to ! khaoge, tumhare hi pet men jayaga, kuchh mere pet men thode hi chala jayaga.

haridhan ka krodh ansoo ban gaya. yah meri stri hai, jisake lie mainne apana sarvasv mitti men mila diya. mujhe ulloo banakar yah sab ab nikal dena chahate hain. vah ab kahan jay ! kya kare !

usaki sas akar boli- chalakar kha kyon nahin lete ji, roothate kis par ho ? yahan tumhare nakhare sahane ka kisi men boota nahin hai. jo dete ho vah mat dena aur kya karoge. tumase beti byahi hai, kuchh tumhari zindagi ka thika nahin likha hai.

haridhan ne marmahat hokar kaha- han amman, meri bhool thi ki main yahi samajh raha tha. ab mere pas kya hai ki tum meri zindagi ka thika logi. jab mere pas bhi dhan tha tab sab kuchh ata tha. ab daridr hoon, tum kyon bat poochhogi.

boodhi sas bhi munh phulakar bhitar chali gayi.

2

bachchon ke lie bap ek falatoo-si chiz - ek vilas ki vastu hai, jaise ghode ke lie chane ya babuon ke lie mohanabhog. man roti-dal hai. mohanabhog umr-bhar n mile to kisaka nukasan hai; magar ek din roti-dal ke darshan n hon, to phir dekhie, kya hal hota hai. pita ke darshan kabhi-kabhi sham-sabere ho jate hain, vah bachche ko uchhalata hai, dularata hai, kabhi god men lekar ya ungali pakadakar sair karane le jata hai aur bas, yahi usake kartavy ki iti hai. vah parades chala jay, bachche ko paravah nahin hoti; lekin man to bachche ka sarvasv hai. balak ek minit ke lie bhi usaka viyog nahin sah sakata. pita koee ho, use paravah nahin, keval ek uchhalane-koodanevala adami hona chahie; lekin mata to apani hi honi chahie, solahon ane apani; vahi roop, vahi rng, vahi pyar, vahi sab kuchh. vah agar nahin hai to balak ke jivan ka srot mano sookh jata hai, phir vah shiv ka nandi hai, jis par phool ya jal chadhana lajimi nahin, akhtiyari hai. haridhan ki mata ka aj das sal hue dehant ho gaya tha; us vakt usaka vivah ho chuka tha. vah solah sal ka kumar tha. par man ke marate hi use maloom hua, main kitana nissahay hoon. jaise us par usaka koee adhikar hi n raha ho. bahanon ke vivah ho chuke the. bhaee koee doosara n tha. bechara akele ghar men jate bhi darata tha. man ke lie rota tha; par man ki parachhaeen se darata tha. jis kothari men usane deh-tyag kiya tha, udhar vah ankhen tak n uthata. ghar men ek bua thi, vah haridhan ka bahut dular karati. haridhan ko ab doodh zyada milata, kam bhi kam karana padata. bua bar-bar poochhati- beta ! kuchh khaoge ? bap bhi ab use zyada pyar karata, usake lie alag ek gay mngava di, kabhi-kabhi use kuchh paise de deta ki jaise chahe kharch kare. par in marahamon se vah ghav n poora hota tha; jisane usaki atma ko ahat kar diya tha. yah dular aur pyar use bar-bar man ki yad dilata. man ki ghudakiyon men jo maja tha; vah kya is dular men tha ? man se mangakar, ladakar, thunakakar, roothakar lene men jo anand tha, vah kya is bhikshadan men tha ? pahale vah svasth tha, mangakar khata, lad-ladakar khata, ab vah bimar tha, achchhe-se-achchhe padarth use diye jate the; par bhookh n thi.

sal-bhar tak vah is dasha men raha. phir duniya badal gayi. ek nayi stri jise log usaki mata kahate the, usake ghar men ayi aur dekhate-dekhate ek kali ghata ki tarah usake snkuchit bhoomndal par chha gayi- sari hariyali, sare prakash par andhakar ka parada pad gaya. haridhan ne is nakali man se bat tak n ki, kabhi usake pas gaya tak nahin. ek din ghar se nikala aur sasural chala aya.

bap ne bar-bar bulaya; par unake jite-ji vah phir us ghar men n gaya. jis din usake pita ke dehant ki soochana mili, use ek prakar ka eershyamay harsh hua. usaki ankhon se ansoo ki ek boond bhi n ayi.

is naye snsar men akar haridhan ko ek bar phir matri-sneh ka anand mila. usaki sas ne rishi-varadan ki bhanti usake shoony jivan ko vibhootiyon se paripoorn kar diya. marubhoomi men hariyali utpann ho gayi. saliyon ki chuhal men, sas ke sneh men, salon ke vakh-vilas men aur stri ke prem men usake jivan ki sari akankshaen poori ho gayin. sas kahati- beta, tum is ghar ko apana hi samajho, tumhin meri ankhon ke tare ho. vah usase apane ladakon ki, bahuon ki shikayat karati. vah dil men samajhata tha, sasaji mujhe apane beton se bhi zyada chahati hain. bap ke marate hi vah ghar gaya aur apane hisse ki jayadad ko kooda karake, rupayon ki thaili lie hue a gaya. ab usaka doona adar-satkar hone laga. usane apani sari snpatti sas ke charanon par arpan karake apane jivan ko sarthak kar diya. ab tak use kabhi-kabhi ghar ki yad a jati thi. ab bhoolakar bhi usaki yad n ati, mano vah usake jivan ka koee bhishan kand tha, jise bhool jana hi usake lie achchha tha. vah sabase pahale uthata, sabase zyada kam karata, usaka manoyog, usaka parishram dekhakar ganv ke log danton tale ungali dabate the. usake sasur ka bhag bakhanate, jise aisa damad mil gaya; lekin jyon-jyon din gujarate gaye, usaka man-samman ghatata gaya. pahale devata, phir ghar ka adami, ant men ghar ka das ho gaya. rotiyon men bhi badha pad gayi. apaman hone laga. agar ghar ke log bhookhon marate aur sath hi use bhi marana padata, to use jara bhi shikayat n hoti. lekin jab dekhata, aur log moonchhon par tav de rahe hain, keval main hi doodh ki makkhi bana diya gaya hoon, to usake ant:stal se ek lambi, thndi ah nikal ati. abhi usaki umr pachchis hi sal ki to thi. itani umr is ghar men kaise gujaregi ? aur to aur, usaki stri ne bhi ankhen pher lin. yah us vipatti ka sabase kroor drishy tha.

3

haridhan to udhar bhookha -pyasa,chinta-dah men jal raha tha, idhar ghar men sas ji aur donon salon men baten ho rahi thin. gumani bhi han-men-han milati jati thi.

bade sale ne kaha- ham logon ki barabari karate hain. yah nahin samajhate ki kisi ne unaki zindagi bhar ka bida thode hi liya hai. das sal ho gaye. itane dinon men kya do-tin hazar n hadap gaye honge ?

chhote sale bole- majoor ho to adami ghudake bhi, dante bhi, ab inase koee kya kahe. n jane inase kabhi pind chhootega bhi ya nahin. apane dil men samajhate honge, mainne do hazar rupaye nahin diye hain ? yah nahin samajhate ki unake do hazar kab ke ud chuke. sava ser to ek joon ko chahie.

sas ne gnbhir bhav se kaha- badi bhari khorak hai !

gumani mata ke sir se joon nikal rahi thi. sulagate hue hriday se boli- nikamme adami ko khane ke siva aur kam hi kya rahata hai ?

bade- khane ki koee bat nahin hai. jisaki jitani bhookh ho utana khay, lekin kuchh paida bhi to karana chahie. yah nahin samajhate ki pahunee men kisi ke din kate hain !

chhote- main to ek din kah doonga, ab apani rah lijie, apaka karaja nahin khaya hai.

gumani gharavalon ki aisi-aisi baten sunakar apane pati se dvesh karane lagi thi. agar vah bahar se char paise lata, to is ghar men usaka kitana man-samman hota, vah bhi rani banakar rahati. n jane kyon, kahin bahar jakar kamate usaki nani marati hai. gumani ki manovrittiyan abhi tak bilakul balapan ki-si thin. usaka apana koee ghar n tha. usi ghar ka hit-ahit usake lie bhi pradhan tha. vah bhi unhin shabdon men vichar karati, is samasya ko unhin ankhon se dekhati jaise usake gharavale dekhate the. sach to, do hazar rupaye men kya kisi ko mol le lenge ? das sal men do hazar hote hi kya hain. do sau hi to sal bhar ke hue. kya do adami sal bhar men do sau bhi n khayenge. phir kapade-latte, doodh-ghi, sabhi kuchh to hai. das sal ho gaye, ek pital ka chhalla nahin bana. ghar se nikalate to jaise inake pran nikalate hain. janate hain jaise pahale pooja hoti thi vaise hi janam-bhar hoti rahegi. yah nahin sochate ki pahale aur bat thi, ab aur bat hai. bahoo to pahale sasural jati hai to usaka kitana mahatam hota hai. usake doli se utarate hi baje bajate hain, ganv-muhalle ki auraten usaka munh dekhane ati hain aur rupaye deti hain. mahinon use ghar bhar se achchha khane ko milata hai, achchha pahanane ko, koee kam nahin liya jata; lekin chh: mahinon ke bad koee usaki bat bhi nahin poochhata, vah ghar-bhar ki laundi ho jati hai. unake ghar men meri bhi to vahi gati hoti. phir kahe ka rona. jo yah kaho ki main to kam karata hoon, to tumhari bhool hai, majoor ki aur bat hai. use adami dantata bhi hai, marata bhi hai, jab chahata hai, rakhata hai, jab chahata hai, nikal deta hai. kasakar kam leta hai. yah nahin ki jab ji men aya, kuchh kam kiya, jab ji men aya, padakar so rahe.

4

haridhan abhi pada andar-hi-andar sulag raha tha, ki donon sale bahar aye aur bade sahab bole- bhaiya, utho tisara pahar dhal gaya, kab tak sote rahoge ? sara khet pada hua hai.

haridhan chat uth baitha aur tivr svar men bola- kya tum logon ne mujhe ulloo samajh liya hai.

donon sale hakka-bakka ho gaye. jis adami ne kabhi jaban nahin kholi, hamesha gulamon ki tarah hath bandh hajir raha, vah aj ekaek itana atmabhimani ho jay, yah unako chaunka dene ke lie kafi tha. kuchh javab n soojha.

haridhan ne dekha, in donon ke qadam ukhad gaye hain, to ek dhakka aur dene ki prabal ichchha ko n rok saka. usi dhng se bola- meri bhi ankhen hain. andha nahin hoon, n bahara hi hoon. chhati phadakar kam karoon aur us par bhi kutta samajha jaoon; aise gadhe aur kahin honge !

ab bade sale bhi garm pade- tumhen kisi ne yahan badhn to nahin rakkha hai.

abaki haridhan lajavab hua. koee bat n soojhi.

bade ne phir usi dhng se kaha- agar tum yah chaho ki janm-bhar pahune bane raho aur tumhara vaisa hi adar-satkar hota rahe, to yah hamare vash ki bat nahin hai.

haridhan ne ankhen nikalakar kaha- kya main tum logon se kam kam karata hoon ?

bade - yah kaun kahata hai ?

haridhan- to tumhare ghar ki niti hai ki jo sabase zyada kam kare vahi bhookhon mara jay ?

bade- tum khud khane nahin gaye. kya koee tumhare munh men kaur dal deta ?

haridhan ne oth chabakar kaha- main khud khane nahin gaya kahate tumhen laj nahin ati ?

'nahin ayi thi bahan tumhen bulane ?'

chhote sale ne kaha- amman bhi to ayi thin. tumane kah diya, mujhe bhookh nahin hai, to kya karatin.

sas bhitar se lapaki chali a rahi thi. yah bat sunakar boli- kitana kahakar har gayi, koee uthe n to main kya karoon ?

haridhan ne vish, khoon aur ag se bhare hue svar men kaha- main tumhare ladakon ka jhootha khane ke lie hoon ? main kutta hoon ki tum log khakar mere samane rookhi roti ka tukada phenk do ?

budhiya ne ainthakar kaha- to kya tum ladakon ki barabari karoge ?

haridhan parast ho gaya. budhiya ne ek hi vakh-prahar men usaka kam tamam kar diya. usaki tani huee bhaven dhili pad gayin, ankhon ki ag bujh gayi, phadakate hue nathune shant ho gaye. kisi ahat manushy ki bhanti vah zamin par gir pada. 'kya tum mere ladakon ki barabari karoge ?' yah vaky ek lnbe bhale ki tarah usake hriday men chubhata chala jata tha, n hriday ka ant tha, n us bhale ka !

5

sare ghar ne khaya; par haridhan n utha. sas ne manaya, saliyon ne manaya, sasur ne manaya, donon sale manakar thak gaye. haridhan n utha; vahin dvar par ek tat par pada tha. use uthakar sabase alag kuen par le gaya aur jagath par bichhakar pada raha.

rat bhig chuki thi. annt prakash men ujjval tare balakon ki bhanti krida kar rahe the. koee nachata tha, koee uchhalata tha, koee hnsata tha, koee ankhe bhinchakar phir khol deta, koee sahasi balak sapat bharakar ek pal men us vistrit kshetr ko par kar leta tha aur n jane kahan chhip jata tha. haridhan ko apana bachapan yad aya, jab vah bhi isi tarah krida karata tha. usaki bal-smritiyan unhin chamakile taron ki bhanti prajvalit ho gayi. vah apana chhota – sa ghar, vah am ke bag, jahan vah keriyan chuna karata tha, vah maidan jahan vah kabaddi khela karata tha, sab use yad ane lage. phir apani snehamayi mata ki saday moorti usake samane khadi ho gayi. un ankhon men kitani karuna thi, kitani daya thi. use aisa jan pada mano mata ankhon men ansoo bhare, use chhati se laga lene ke lie hath phailaye usaki or chali a rahi hai. vah us madhur bhavana men apane ko bhool gaya. aisa jan pada mano mata ne use chhati se laga liya hai aur usake sir par hath pher rahi hai. vah rone laga, phoot-phootakar rone laga. usi atm-sammohit dasha men usake munh se yah shabd nikala, amma, tumane mujhe itana bhula diya. dekho, tumhare pyare lal ki kya dasha ho rahi hai ? koee use pani ko bhi nahin poochhata. kya jahan tum ho, vahan mere lie jagah nahin hai ?

sahasa gumani ne akar pukara- kya so gaye tum, nauj kisi ko aisi rakshasi nind aye. chalakar kha kyon nahin lete ? kab tak koee tumhare lie baitha rahe ?

haridhan us kalpana-jagath se kroor pratyaksh men a gaya. vahi kuen ki jagath thi, vahi phata hua tat aur gumani samane khadi kah rahi thi, kab tak koee tumhare lie baitha rahe !

haridhan uth baitha aur mano talavar myan se nikalakar bola- bhala tumhen meri sudh to ayi. mainne to kah diya tha, mujhe bhookh nahin hai.

gumani- to kai din n khaoge ?

'ab is ghar ka pani bhi n pioonga, tujhe mere sath chalana hai ya nahin ?'

dridh snkalp se bhare hue in shabdon ko sunakar gumani saham uthi. boli- kahan ja rahe ho.

haridhan ne mano nashe men kaha- tujhe isase kya matalab ? mere sath chalegi ya nahin ? phir pichhe se n kahana, mujhase kaha nahin.

gumani apatti ke bhav se boli- tum batate kyon nahin, kahan ja rahe ho ?

'too mere sath chalegi ya nahin ?'

'jab tak tum bata n doge, main nahin jaoongi.'

'to maloom ho gaya, too nahin jana chahati. mujhe itana hi poochhana tha, nahin ab tak main adhi door nikal gaya hota.'

yah kahakar vah utha aur apane ghar ki or chala. gumani pukarati rahi, 'sun lo', 'sun lo'; par usane pichhe phir kar bhi n dekha.

6

tis mil ki mnzil haridhan ne panch ghnton men tay ki. jab vah apane ganv ki amaraiyon ke samane pahuncha, to usaki matri-bhavana usha ki sunahari god men khel rahi thi. un vrikshon ko dekhakar usaka vihval hriday nachane laga. mndir ka vah sunahara kalash dekhakar vah is tarah dauda mano ek chhalang men usake oopar ja pahunchega. vah veg men dauda ja raha tha mano usaki mata god phailaye use bula rahi ho. jab vah amon ke bag men pahuncha, jahan daliyon par baithakar vah hathi ki savari ka anand pata tha, jahan ki kachchi beron aur lisodon men ek svargiy svad tha, to vah baith gaya aur bhoomi par sir jhuka kar rone laga, mano apani mata ko apani vipatti-katha suna raha ho. vahan ki vayu men, vahan ke prakash men, mano usaki virat roopini mata vyapt ho rahi thi, vahan ki angul-angul bhoomi mata ke pad-chihnon se pavitr thi, mata ke sneh men doobe hue shabd abhi tak mano akash men goonj rahe the. is vayu aur is akash men n jane kaun-si snjivani thi jisane usake shorkatt hriday ko balotsah se bhar diya. vah ek ped par chadh gaya aur adhar se am tod-todakar khane laga. sas ke vah kathor shabd, stri ka vah nishthur aghat, vah sara apaman vah bhool gaya. usake panv phool gaye the, talavon men jalan ho rahi thi; par is anand men use kisi bat ka dhyan n tha.

sahasa rakhavale ne pukara- vah kaun oopar chadha hua hai re ? utar abhi nahin to aisa patthar khinchakar maroonga ki vahin thnde ho jaoge.

usane kee galiyan bhi din. is phatakar aur in galiyon men is samay haridhan ko alaukik annd mil raha tha. vah daliyon men chhip gaya, kee am kat-katakar niche giraye, aur zor se thattha marakar hnsa. aisi ullas se bhari huee hnsi usane bahut din se n hnsi thi.

rakhavale ko vah hnsi parichit-si maloom huee. magar haridhan yahan kahan ? vah to sasural ki rotiyan tod raha hai. kaisa hnsoda tha, kitana chibilla ! n jane bechare ka kya hal hua ? ped ki dal se talab men kood padata tha. ab ganv men aisa kaun hai ?

dantakar bola- vahan baithe-baithe hnsoge, to akar sari hnsi nikal doonga, nahin sidhe se utar ao.

vah galiyan dene ja raha tha ki ek guthali akar usake sir par lagi. sir sahalata hua bola- yah kaun saitan hai ? nahin manata, thahar to, main akar teri khabar leta hoon.

usane apani lakadi niche rakh di aur bndaron ki tarah chatapat oopar chadh gaya. dekha to haridhan baitha musakira raha hai. chakit hokar bola- are haridhan ! tum yahan kab aye ? is ped par kab se baithe ho ?

donon bachapan sakha vahin gale mile.

'yahan kab aye ? chalo, ghar chalo bhale adami, kya vahan am bhi mayassar n hote the ?'

haridhan ne muskirakar kaha- mngaroo, in amon men jo svad hai, vah aur kahin ke amon men nahin hai. ganv ka kya rng-dhng hai ?

mngaroo- sab chainachan hai bhaiya ! tumane to jaise nata hi tod liya. is tarah koee apana ganv-ghar chhod deta hai ? jab se tumhare dada mare sari girasti chaupat ho gayi. do chhote-chhote ladake hain, unake kiye kya hota hai ?

haridhan- mujhe ab us girasti se kya vasta hai bhaee ? main to apana le-de chuka. majoori to milegi n ? tumhari gaiya main hi chara diya karoonga; mujhe khane ko de dena.

mngaroo ne avishvas ke bhav se kaha- are bhaiya kaisi bat karate ho, tumhare lie jan tak hajir hai. kya sasural men ab n rahoge ? koee chinta nahin. pahale to tumhara ghar hi hai. use snbhalo. chhote-chhote bachche hain, unako palo. tum nayi amman se nahak darate the. badi sidhi hai bechari. bas, apani man hi samajho, tumhen pakar to nihal ho jayagi. achchha, gharavali ko bhi to laoge ?

haridhan- usaka ab munh n dekhoonga. mere lie vah mar gayi.

mngaroo- to doosari sagaee ho jayagi. abaki aisi mehariya la doonga ki usake pair dho-dhokar pioge; lekin kahin pahali bhi a gayi to ?

haridhan- vah n ayegi.

7

haridhan apane ghar pahuncha to donon bhaee, 'bhaiya aye ! bhaiya aye !' kahakar bhitar daude aur man ko khabar di.

us ghar men qadam rakhate hi haridhan ko aisi shant mahima ka anubhav hua mano vah apani man ki god men baitha hua hai. itane dinon thokaren khane se usaka hriday komal ho gaya tha. jahan pahale abhiman tha, agrah tha, hekadi thi, vahan ab nirasha thi, parajay thi aur yachana thi. bimari ka zor kam ho chala tha; ab us par mamooli dava bhi asar kar sakati thi, kile ki divaren chhid chuki thin, ab usamen ghus jana asahy n tha. vahi ghar jisase vah ek din virakt ho gaya tha, ab god phailaye use ashray dene ko taiyar tha. haridhan ka niravalnban man yah ashray pakar mano tript ho gaya.

sham ko vimata ne kaha- beta, tum ghar a gaye, hamare dhanabhag. ab in bachchon ko palo; man ka nata n sahi, bap ka nata to hai hi. mujhe ek roti de dena, khakar ek kone men padi rahoongi. tumhari amman se mera bahan ka nata hai. us nate se bhi to tum mere ladake hote ho ?

haridhan ki matri-vihval ankhon ko vimata ke roop men apani mata ke darshan hue. ghar ke ek-ek kone men matri-smritiyon ki chhata chandani ki bhanti chhitaki huee thi, vimata ka praudh mukhamandal bhi usi chhata se rnjit tha.

doosare din haridhan phir kndhe par hal rakhakar khet ko chala. usake mukh par ullas tha aur ankhon men garv. vah ab kisi ka ashrit nahin; ashrayadata tha; kisi ke dvar ka bhikshuk nahin, ghar ka rakshak tha.

ek din usane suna, gumani ne doosara ghar kar liya. man se bola- tumane suna kaki ! gumani ne ghar kar liya.

kaki ne kaha- ghar kya kar legi, thattha hai ? biradari men aisa andher ? pnchayat nahin, adalat to hai ?

haridhan ne kaha- nahin kaki, bahut achchha hua. la, mahabiraji ko ladadoo chadha aoon. main to dar raha tha, kahin mere gale n a pade. bhagavan ne meri sun li. main vahan se yahi thanakar chala tha, ab usaka munh n dekhoonga.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah