वज्रपात -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

dilli ki galiyan dilli-nivasiyon ke rudhir se plavit ho rahi hain. nadirashah ki sena ne sare nagar men atnk jama rakha hai. jo koee samane a jata hai, use unaki talavar se ghat utarana padata hai. nadirashah ka prachnd krodh kisi bhanti shant hi nahin hota. rakt ki varsha bhi usake kop ki ag ko bujha nahin sakati.

nadirashah darabare-am men takht par baitha hua hai. usaki ankhon se jaise jvalaen nikal rahi hain. dillivalon ki itani himmat ki usake sipahiyon ka apaman karen ! un kapurushon ki yah majal. vah kaphir to usaki sena ki ek lalakar par ranakshetr se nikal bhage the ! nagar-nivasiyon ka arttanad sun-sunakar svayn sena ke dil kanp jate hain; magar nadirashah ki krodhagni shant nahin hoti. yahan tak ki usaka senapati bhi usake sammukh jane ka sahas nahin kar sakata. vir purush dayalu hote hain. asahayon par, durbalon par, striyon par unhen krodh nahin ata. in par krodh karana ve apani shan ke khilaf samajhate hain; kintu nishthur nadirashah ki virata dayashoony thi.

dilli ka badashah sir jhukaye nadirashah ke pas baitha hua tha. haramasara men vilas karane vala badashah nadirashah ki avinayapoorn baten sun raha tha; par majal n thi ki jaban khol sake. use apani hi jan ke lale pade hue the, pidit praja ki raksha kaun kare ? vah sochata tha, mere munh se kuchh nikale aur vah mujhi ko dant baithate the !

ant men jab sena ki paishachik kroorata parakashtha ko pahunch gayi, to muhammadashah ke vajir se n raha gaya. vah kavita ka marmgy tha, khud bhi kavi tha. jan parakhel kar nadirashah ke samane pahuncha aur yah sher padha-

kase n mand ki digar v tege naj kushi;

magar ki zinda kuni khalkara v baz kushi.

arthath teri nigahon ki talavar se koee nahin bacha. ab yahi upay hai ki murdon ko phir jilakar katl kar.

sher ne dil par chot kiya. patthar men bhi surakh hote hain; pahadon men bhi hariyali hoti hai; pashan hridayon men bhi ras hota hai. is sher ne patthar ko pighala diya. nadirashah ne senapati ko bulakar katleam bnd karane ka hukm diya. ekadam talavaren myan men chali gayin. katilon ke uthe hue hath uthe hi rah gaye. jo sipahi jahan tha; vahin but ban gaya.

sham ho gayi thi. nadirashah shahi bag men sair kar raha tha. bar-bar vahi sher padhata aur jhoomata-

kase n mand ki digar v tege naj kushi;

magar ki zinda kuni khalkara v baz kushi.

2

dilli ka khazana lut raha hai. shahi mahal par pahara hai. koee andar se bahar ya bahar se andar a-ja nahin sakata. begamen bhi apane mahalon se bahar bag men nikalane ki himmat nahin kar sakatin. mahaj khazane par hi aphat nahin ayi huee hai, sone-chandi ke baratanon, beshakimat tasaviron aur araish ki any samagriyon par bhi hath saf kiya ja raha hai. nadirashah takht par baitha hua hire aur javaharat ke dheron ko gaur se dekh raha hai; par vah chiz najar nahin ati, jisake lie muddat se usaka chitt lalayit ho raha tha. usane mugaleajam nam ke hire ki prashnsa, usaki karamaton ki characha suni thi- usako dharan karane vala manushy dirghajivi hota hai, koee rog usake nikat nahin ata, us ratn men putradayini shakti hai, ityadi. dilli par akraman karane ke jahan aur anek karan the, vahan is ratn ko prapt karana bhi ek karan tha. sone-chandi ke dheron aur bahumooly ratnon ki chamak-damak se usaki ankhen bhale hi chaundhiya jayn, par hriday ullasit n hota tha. use to mugaleajam ki dhun thi aur mugaleajam ka vahan kahin pata n tha. vah krodh se unmatt hokar shahi mntriyon ki or dekhata aur apane aphasaron ko jhidakiyan deta tha. par apana abhipray khol kar n kah sakata tha. kisi ki samajh men n ata tha ki vah itana atur kyon ho raha hai. yah to khushi se phoole n samane ka avasar hai. atul sampatti samane padi huee hai, snkhya men itani samarthy nahin ki usaki ganana kar sake ! snsar ka koee bhi mahipati is vipul dhan ka ek ansh bhi pakar apane ko bhagyashali samajhata; parntu yah purush jisane is dhanarashi ka shatansh bhi pahale kabhi ankhon se n dekha hoga, jisaki umr bheden charane men hi gujari, kyon itana udasin hai ? akhir jab rat huee, badashah ka khazana khali ho gaya aur us ratn ke darshan n hue, to nadirashah ki krodhagni phir bhadak uthi. usane badashah ke mntri ko- usi mntri ko, jisaki kavy-marmgyta ne praja ke pran bachaye the- ekant men bulaya aur kaha- mera gussa tum dekh chuke ho ! agar phir use nahin dekhana chahate to lajim hai ki mere sath kamil saphaee ka baratav karo. varana dobara yah shola bhadaka, to dilli ki khairiyat nahin.

vajir- jahanpanah, gulamon se to koee khata sarajad nahin huee. khazane ki sab kunjiyan janabeali ke sipahasalar ke havalekar di gayi hain.

nadir- tumane mere sath daga ki hai.

vajir- (tyori chadhakar) apake hath men talavar hai aur ham kamazor hain, jo chahe pharamaven; par iljam ke tasalim karane men mujhe ujr hai.

nadir- kya usake saboot ki zaroorat hai ?

vajir- ji han, kyonki daga ki saza katl hai aur koee bila sabab apane katl par rajamnd n hoga.

nadir- isaka saboot mere pas hai, halanki nadir ne kabhi kisi ko saboot nahin diya. vah apani maraji ka badashah hai aur kisi ko saboot dena apani shan ke khilaf samajhata hai. par yahan jati muamila hai. tumane mugalajame hira kyon chhipa diya ?

vajir ke chehare ka rng ud gaya. vah sochane laga- yah hira badashah ko jan se bhi zyada ajij hai. vah ise ek kshan bhi apane pas se juda nahin karate. unase kyonkar kahoon ? unhen kitana sadama hoga ! mulk gaya, khazana gaya, ijjat gayi. badashahi ki yahi ek nishani unake pas rah gayi hai. unase kaise kahoon ? mumakin hai vah gusse men akar ise kahin phenk den, ya tudava dalen. insan ki adat hai ki vah apani chiz dushman ko dene ki apeksha use nasht kar dena achchha samajhata hai. badashah badashah hain, mulk n sahi, adhikar n sahi, sena n sahi; par zindagi bhar ki svechchhacharita ek din men nahin mit sakati. yadi nadir ko hira n mila, to vah n-jane dilli par kya sitam dhaye. ah ! usaki kalpana hi se romanch ho jata hai. khuda n kare, dilli ko phir yah din dekhana pade.

sahasa nadir ne poochha- main tumhare javab ka muntajir hoon kya yah tumhari daga ka kafi saboot nahin hai ?

vajir- jahanpanah, vah hira badashah salamat ko jan se zyada ajij hai. vah hamesha apane pas rakhate hain.

nadir- jhooth mat bolo, hira badashah ke lie hai, badashah hire ke lie nahin. badashah ko hira jan se zyada ajij hai- ka matalab sirph itana hai ki vah badashah ko bahut ajij hai, aur yah koee vajah nahin ki main us hire ko unase n loon. agar badashah yon n denge, to main janata hoon ki mujhe kya karana hoga. tum jakar is muamile men najukafahami se kam lo, jo tumane kal dikhaee thi. ah, kitana la-javab sher tha-

kase n mand ki digar v tege naj kushi;

magar ki zinda kuni khalkara v baz kushi.

3

mntri sochata hua chala ki yah samasya kyonkar hal karoon ? badashah ke divanakhane men pahuncha to dekha, badashah usi hire ko hath men liye chinta men magn baithe hue hain.

badashah ko is vakt isi hire ki fikr thi. lute hue pathik ki bhanti vah apani vah lakadi hath se n dena chahata tha. vah janata tha ki nadir ko is hire ki khabar hai. vah yah bhi janata tha ki khazane men ise n pa kar usake krodh ki sima n rahegi. lekin sabakuchh janate hue bhi, vah hire ko hath se n jane dena chahata tha. ant ko usane nishchay kiya, main ise n doonga, chahe meri jan hi par kyon n ban jay. rogi ki is antim sans ko n nikalane doonga. hay kahan chhipaoon ? itana bada makan hai ki usamen ek nagar sama sakata hai, par is nanhi-si chiz ke lie kahin jagah nahin, jaise kisi abhage ko itani badi duniya men bhi kahin panah nahin milati. kisi surakshit sthan men n rakhakar kyon n ise kisi aisi jagah rakh doon, jahan kisi ka khayal hi n pahunche. kaun anuman kar sakata hai ki mainne hire ko apani surahi men rakha hoga ? achchha, hukke ki pharshi men kyon n dal doon ? pharishton ko bhi khabar n hogi.

yah nishchay karake usane hire ko pharshi men dal diya. par turnt hi shnka huee ki aise bahumooly ratn ko is jagah rakhana uchit nahin. kaun jane, jalim ko meri yah gudagudi hi pasnd a jay. usane turnt gudagudi ka pani tashtari men undel diya aur hire ko nikal liya. pani ki durgandh udi par itani himmat n padati thi ki khidamatagar ko bulakar pani phinkava de. bhay hota tha, kahin vah tad n jay.

vah isi duvidha men pada hua tha ki mntri ne akar bndagi ki. badashah ko us par poora vishvas tha; kintu use apani kshudrata par itani lajja ayi ki vah is rahasy ko us par bhi prakat n kar saka. gumashum hokar usaki or takane laga.

mntri ne bat chhedi- aj khazane men hira n mila, to nadir bahut jhallaya. kahane laga, tumane mere sath daga ki hai; main shahar lutava doonga, katleam kara doonga, sare shahar ko khak siyah kar daloonga. mainne kaha, janabeali ko akhtiyar hai, jo chahe karen. par hamane khazane ki sab kunjiyan apake sipahasalar ko de di hain. vah kuchh saph-saph to kahata n tha, bas kanayon men baten kar raha tha aur bhoole gidad ki tarah idhar-udhar baukhalaya phirata tha ki kise paye, aur noch khaye.

muhammadashah- mujhe to usake samane baithate hue aisa khauph maloom hota hai, goya kisi sher ka samana ho. jalim ki ankhen kitani tundr aur gajabanak hai. adami kya hai, shaitan hai. khair, main bhi udhedabun men pada hua hoon phir ise kyonkar chhipaoon. saltanat jay gam nahin; par is hire ko main us vakt tak n doonga, jab tak koee garadan par savar hokar ise chhin n le.

vajir- khuda n kare ki huzoor ke dushmanon ko yah jillat uthani pade. main ek tarakib batalaoon. huzoor ise apane amame (pagadi) men rakh len. vahan tak usake pharishton ka bhi khayal n pahunchega.

muhammadashah- (uchhalakar) vallah, tumane khoob socha; vakee tumhen khoob soojhi. hajarat idhar-udhar tatolane ke bad apana-sa munh lekar rah jaynge. mere amame ko kaun dekhega? isi se to mainne tumhen lukaman ka khitab diya hai. bas, yahi tay raha. kahin tum jara der pahale a jate, to mujhe itana darde-sar n uthana padata.

4

doosare hi din donon badashahon men sulah ho gayi. vajir nadirashah ke kadamon par gir pada aur arj ki- ab is doobati huee kishti ko ap hi par laga sakate hain; varana isaka allah hi vali hai ! hinduon ne sir uthana shuroo kar diya hai; marahathe, rajapoot, sikh sabhi apani-apani takaton ko mukammil kar rahe hain. jis din unamen mel-milap hua usi din yah nav bhnvar men pad jayagi, aur do-char chakkar khakar hamesha ke lie niche baith jayagi.

nadirashah ko eeran se chale arasa ho gaya tha. vahan se rojana bagiyon ki bagavat ki khabaren a rahi thin. nadirashah jald vahan laut jana chahata tha. is samay use dilli men apani saltanat qayam karane ka avakash n tha. sulah par raji ho gaya. sndhi-patr par donon badashahon ne hastakshar kar diye.

donon badashahon ne ek hi sath namaz padhi, ek hi dastarakhvan par khana khaya, ek hi huqqa piya, aur ek-doosare se gale milakar apane-apane sthan ko chale.

muhammadashah khush tha. rajy bach jane ki utani khushi n thi, jitani hire ke bach jane ki.

magar nadirashah hira n pakar bhi duahkhi n tha. sabase hns-hnsakar baten karata tha, mano shil aur vinay ka sakshath avatar ho.

5

pratahkal; dilli men naubaten baj rahi hain. khushi ki mahaphilen sajaee ja rahi hain. tin din pahale yahan rakt ki nadi bahi thi. aj annd ki laharen uth rahi hain. aj nadirashah dilli se rukhsat ho raha hai.

asharphiyon se lade hue oonton ki katar shahi mahal ke samane ravana hone ko taiyar khadi hai. bahumooly vastuen gadiyon men ladi huee hain. donon taraph ki faujen gale mil rahi hain. abhi kal donon paksh ek-doosare ke khoon ke pyase the. aj bhaee-bhaee ho rahe hain.

nadirashah takht par baitha hua hai. muhammadashah bhi usi takht par usaki bagal men baithe hue hain. yahan bhi paraspar prem ka vyavahar hai. nadirashah ne muskarakar kaha- khuda kare, yah sulah hamesha qayam rahe aur logon ke dilon se in khooni dinon ki yad mit jay.

muhammadashah- meri taraph se aisi koee bat n hogi jo sulah ko khatare men dale. main khuda se yah dosti qayam rakhane ke lie hamesha duakarata rahoonga.

nadirashah- sulah ki jitani sharten thin, sab poori ho chukin. sirph ek bat baki hai ! mere yahan dastoor hai ki sulah ke vakt amame badal diye jate hain. isake bagair sulah ki karravaee poori nahin hoti. aie, ham log bhi apane-apane amame badal len. lijie, yah mera amama hajir hai.

yah kah kar nadir ne apana amama utarakar muhammadashah ki taraph badhaya. badashah ke hathon ke tote ud gaye. samajh gaya, mujhase daga ki gayi, donon taraph ke shoor-samnt samane khade the. n kuchh kahate banata tha n sunate. bachane ka koee upay n tha aur n koee upay soch nikalane ka avasar hi. koee javab n soojha. inakar ki gunjaish n thi. man masosakar rah gaya. chupake se amama sir se utara, aur nadirashah ki taraph badha diya. hath kanp rahe the, ankhon men krodh aur vishad ke ansoo bhare hue the. mukh par halaki-si muskarahat jhalak rahi thi- vah muskarahat, jo ashrupat se bhi kahin adhik karun aur vyatha-poorn hoti hai. kadachith apane pran nikalakar dene men bhi use isase adhik pida n hoti.

6

nadirashah pahadon aur nadiyon ko langhata hua eeran ko chala ja raha tha. 77 oonton aur itani hi bailagadiyon ki katar dekh-dekhakar usaka hriday banson uchhal raha tha. vah bar-bar khuda ko dhanyavad deta tha, jisaki asim kripa ne aj usaki kirti ko ujjval banaya tha. ab vah keval eeran hi ka badashah nahin, hindustan jaise vistrit pradesh ka bhi svami tha. par sabase zyada khushi use mugaleajam hira pane ki thi, jise bar-bar dekhakar bhi usaki ankhen tript n hoti thin. sochata tha, jis samay main darabar men yah ratn dharan karake aoonga sabaki ankhen jhapak jayengi, log ashchary se chakit rah jayenge.

usaki sena ann-jal ke kathin kasht bhog rahi thi. sarahadon ki vidrohi senaen pichhe se usako dik kar rahi thin. nity das-bis adami mar jate ya mare jate the, par nadirashah ko thaharane ki phurasat n thi. vah bhaga-bhaga chala ja raha tha.

eeran ki sthiti badi bhaynkar thi. shahajada khud vidroh shant karane ke lie gaya hua tha; par vidroh din-din ugr roop dharan karata jata tha. shahi sena kee yuddhon men parast ho chuki thi. har ghadi yahi bhay hota tha ki kahin vah svayn shatruon ke bich ghir n jay.

par vah re pratap ! shatruon ne jyohi suna ki nadirashah eeran a pahuncha, tyohi unake hausale past ho gaye. usaka sinhanad sunate hi unake hath-panv phool gaye. idhar nadirashah ne teharan men pravesh kiya udhar vidrohiyon ne shahajade se sulah ki prarthana ki, sharan men a gaye. nadirashah ne yah shubh samachar suna, to use nishchay ho gaya ki sab usi hire ki karamat hai. yah usi ka chamatkar hai, jisane shatruon ka sir jhuka diya, hari huee bazi jita di.

shahajada vijayi hokar ghar lauta, to praja ne bade samaroh se usaka svagat aur abhivadan kiya. sara teharan dipavali ki jyoti se jagamaga utha. mngalagan ki dhvani se sab gali aur kooche goonj uthe.

darabar sajaya gaya. shayaron ne kaside sunaye. nadirashah ne garv se uth kar shahajade ke taj ko mugaleajam hire se alnkrit kar diya. charon or maharaba ! maharaba ! ki avajen bulnd hueen. shahajade ke mukh ki kanti hire ke prakash se dooni chamak uthi. pitrisneh se hriday pulakit ho utha. nadir- vah nadir, jisane dilli men khoon ki nadi bahayi thi- putr-prem se phoola n samata tha. usaki ankhon se garv aur hardik ullas ke ansoo bah rahe the.

7

sahasa bndook ki avaz ayi- dhany ! dhany ! darabar hil utha. logon ke kaleje dhadak uthe. hay ! vajrapat ho gaya ! hay re durbhagy ! bndook ki avaje kanon men goonj hi rahi thi ki shahajada kate hue ped ki tarah gir pada. sath hi vah ratnajatit mukut bhi nadirashah ke pairon ke pas a gira.

nadirashah ne unmatt ki bhanti hath uthakar kaha- katilon ko pakado ! sath hi shok se vihval hokar vah shahajade ke pranahin sharir par gir pada. jivan ki sari abhilashaon ka ant ho gaya.

log katilon ki taraph daude. phir dhany-dhany ki avaz ayi aur donon katil gir pade. unhonne atmahatya kar li. donon vidrohipaksh ke neta the.

hay re manushy ka manorath, teri bhitti kitani asthir hai ! baloo par ki divar to varsha men girati hai. par teri divar bina pani-boond ke dhah jati hai. andhi men dipak ka kuchh bharosa kiya ja sakata hai, par tera nahin. teri asthirata ke age balakon ka gharaunda achal parvat hai, veshya ka prem sati ki pratigya ki bhanti atal !

nadirashah ko logon ne lash par se uthaya. usaka karun krndan hridayon ko hilaye deta tha. sabhi ki ankhon se ansoo bah rahe the. honahar kitana prabal, kitana nishthur, kitana nirday aur kitana nirmam hai !

nadirashah ne hire ko zamin se utha liya. ek bar use vishadapoorn netron se dekha. phir mukut ko shahajade ke sir par rakh diya aur vajir se kaha- yah hira isi lash ke sath daphan hoga.

rat ka samay tha. teharan men matam chhaya hua tha. kahin dipak ya agni ka prakash n tha. n kisi ne diya jalaya, aur n bhojan banaya. aphimachiyon ki chilamen bhi aj thndi ho rahi thin. magar qabristan men mashalen roshan thin- shahajade ki antim kriya ho rahi thi.

jab phatiha khatam hua, nadirashah ne apane hathon se mukut ko lash ke sath qabr men rakh diya. raj aur sngatarash hajir the. usi vakt qabr par eent-patthar aur choone ka majar banane laga.

nadir ek mahine tak ek kshan ke lie bhi vahan se n hata. vahin sota, vahin se rajy karata. usake dil men yah bat baith gayi thi ki mera ahit isi hire ke karan hua. yahi mere sarvanash aur achanak vajrapat ka karan hai.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah