शाप- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

main barlin nagar ka nivasi hoon. mere poojy pita bhautik vigyan ke suvikhyat gyata the. bhaugolik anveshan ka shauq mujhe bhi balyavastha hi se tha. unake svargavas ke bad mujhe yah dhun savar huee ki paidal prithvi ke samast desh-deshantaron ki sair karoon. main vipul dhan ka svami tha. ve sab rupaye ek baink men jama kar diye aur usase shart kar li ki mujhe yathasamay rupaye bhejata rahe is kary se nivritt ho kar mainne saphar ka saman poora kiya. avashyak vaigyanik yntr sath liye aur eeshvar ka nam le kar chal khada hua. us samay yah kalpana mere hriday men gudagudi paida kar rahi thi ki main vah pahala prani hoon jise yah bat soojhi hai ki pairon se prithvi ko nape. any yatriyon ne rel jahaz aur motarakar ki sharan li hai. main pahala hi vah vir-atma hoon jo apane pairon ke boote par prakriti ke virath upavan ki sair ke lie udyat hua hai. agar mere sahas aur utsah ne yah kashtasadhy yatr poori kar li to bhadrasnsar mujhe samman aur gaurav ke masanad par baithavega aur annt kal tak meri kirti ke rag alape jayenge. us samay mera mastishk inhin vicharon se bhara hua tha. aur eeshvar ko dhanyavad deta hoon ki saharshon kathinaiyon ka samana karane par bhi dhairy ne mera sath n chhoda aur utsah ek kshan ke lie bhi nirutsah n hua.

main varshon aise sthanon men raha hoon jahan nirjanata ke atirikt koee doosara sathi n tha. varshon aise sthanon men raha hoon jahan ki prithvi aur akash him ki shilaen thin. main bhaynkar jntuon ke pahaloo men soya hoon. pakshiyon ke ghonsalon men raten kati hain kintu ye sari balaen kat gayin aur vah samay ab door nahin hai ki sahity aur vigyan-snsar mere charanon par shish navayen.

mainne is yatr men bade-bade adbhut drishy dekhe aur kitani hi jatiyon ke ahar-vyavahar rahan-sahan ka avalokan kiya. mera yatr-vrittant vichar anubhav aur nirikshan ka ek amooly ratn hoga. mainne aisi-aisi ashcharyajanak ghatanaen ankhon se dekhi hain jo aliph-laila ki kathaon se kam manornjak n hongi. parntu vah ghatana jo mainne gyanasarovar ke tat par dekhi usaka udaharan mushkil se milega main use kabhi n bhooloonga. yadi mere is tamam parishram ka upahar yahi ek rahasy hota to bhi main use paryapt samajhata. main yah bata dena avashyak samajhata hoon ki main mithyavadi nahin aur n siddhiyon tatha vibhootiyon par mera vishvas hai. main us vidvanh ka bhakt hoon jisaka adhar tark aur nyay par hai. yadi koee doosara prani yahi ghatana mujhase bayan karata to mujhe us par vishvas karane men bahut snkoch hota kintu main jo kuchh bayan kar raha hoon vah saty ghatana hai. yadi mere is ashvasan par bhi koee us par avishvas kare to usaki manasik durbalata aur vicharon ki snkirnata hai.

yatr ka satavan varsh tha aur jyeshth ka mahina. main himalay ke daman men gyanasarovar ke tat par hari-hari ghas par leta hua tha ritu atynt suhavani thi. gyanasarovar ke svachchh nirmal jal men akash aur parvat shreni ka pratibimb jalapakshiyon ka pani par tairana shubhr himashreni ka soory ke prakash se chamakana adi drishy aise manohar the ki main atmollas se vihval ho gaya. mainne svitajaralaind aur amerika ke bahuprashnsit drishy dekhe hain par unamen yah shantiprad shobha kahan ! manav buddhi ne unake prakritik saundary ko apani kritrimata se kalnkit kar diya hai. main tallin ho kar is svargiy annd ka upabhog kar raha tha ki sahasa meri drishti ek sinh par ja padi jo mndagati se qadam badhata hua meri or a raha tha. use dekhate hi mera khoon sookh gaya hosh ud gaye. aisa vrihadakar bhaynkar jntu meri najar se n gujara tha. vahan gyan-sarovar ke atirikt koee aisa sthan nahin tha jahan bhag kar apani jan bachata. main tairane men kushal hoon par main aisa bhayabhit ho gaya ki apane sthan se hil n saka. mere ang-pratyng mere kaboo se bahar the. samajh gaya ki meri zindagi yahin tak thi. is sher ke pnje se bachane ki koee asha n thi. akasmath mujhe smaran hua ki meri jeb men ek pistaul goliyon se bhari huee rakhi hai jo mainne atmaraksha ke lie chalate samay sath le li thi aur ab tak pranapan se isaki raksha karata aya tha. ashchary hai ki itani der tak meri smriti kahan soee rahi. mainne turnt hi pistaul nikali aur nikat tha ki sher par var karoon ki mere kanon men yah shabd sunayi die musaphir eeshvar ke lie var n karana anyatha mujhe duahkh hoga. sinharaj se tujhe hani n pahunchegi.

mainne chakit hokar pichhe ki or dekha to ek yuvati ramani ati huee dikhayi di. usake hath men ek sone ka lota tha aur doosare men ek tashtari. mainne jarmani ki hooren aur kohakaph ki pariyan dekhi hain par himachal parvat ki yah apsara mainne ek hi bar dekhi aur usaka chitr aj tak hriday-pat par khincha hua hai. mujhe smaran nahin ki raphail ya korejiyo ne bhi kabhi aisa chitr khincha ho. baindaik aur remabrand ke akriti-chitron ne bhi aisi manohar chhavi nahin dekhi. pistaul mere hath se gir padi. koee doosari shakti is samay mujhe apani bhayavah paristhiti se nishchint n kar sakati thi.

main us sundari ki or dekh hi raha tha ki vah sinh ke pas ayi. sinh use dekhate hi khada ho gaya aur meri or sashnk netron se dekh kar megh ki bhanti garja. ramani ne ek roomal nikal kar usaka munh ponchha aur phir lote se doodh undel kar usake samane rakh diya. sinh doodh pine laga. mere vismay ki ab koee sima n thi. chakit tha ki yah koee tilism hai ya jadoo. vyavahar-lok men hoon athava vichar-lok men. sota hoon ya jagata. mainne bahudha sarakason men palatoo sher dekhe hain kintu unhen kaboo men rakhane ke lie kin-kin raksha-vidhanon se kam liya jata hai ! usake pratikool yah mansahari pashu us ramani ke sammukh is bhanti leta hua hai mano vah sinh ki yoni men koee mrig-shavak hai. man men prashn hua sundari men kaun-si chamatkarik shakti hai jisane sinh ko is bhanti vashibhoot kar liya kya pashu bhi apane hriday men komal aur rasik bhav chhipaye rakhate hain kahate hain ki mahuar ka alap kale nag ko bhi mast kar deta hai. jab dhvani men yah siddhi hai to saundary ki shakti ka anuman kaun kar sakata hai. roop-lality snsar ka sabase amooly ratn hai prakriti ke rachana-naipuny ka sarvashreshth ansh hai.

jab sinh doodh pi chuka to sundari ne roomal se usaka munh ponchha aur usaka sir apane jangh par rakh kar use thapakiyan dene lagi. sinh poonchh hilata tha aur sundari ki arunavarn hatheliyon ko chatata tha. thodi der ke bad donon ek gupha men antarhit ho gaye. mujhe bhi dhun savar huee ki kisi prakar is tilism ko kholoon is rahasy ka udghatan karoon. jab donon adrishy ho gaye to main bhi utha aur dabe panv us gupha ke dvar tak ja pahuncha. bhay se mere sharir ki boti-boti kanp rahi thi magar is rahasyapat ko kholane ki utsukata bhay ko dabaye hue thi. mainne gupha ke bhitar jhanka to kya dekhata hoon ki prithvi par jari ka pharsh bichha hua hai aur karachobi gavatakiye lage hue hain. sinh masanad par garv se baitha hua hai. sone-chandi ke patr sundar chitr phoolon ke gamale sabhi apane-apane sthan par saje hue hain vah gupha rajabhavan ko bhi lajjit kar rahi hai.

dvar par meri parachhaeen dekh kar vah sundari bahar nikal ayi aur mujhase kaha yatri too kaun hai aur idhar kyonkar a nikala

kitani manohar dhvani thi. mainne abaki bar samip se dekha to sundari ka mukh kumhalaya hua tha. usake netron se nirasha jhalak rahi thi usake svar men bhi karuna aur vyatha ki khatak thi. mainne uttar diya devi main yoorop ka nivasi hoon yahan deshatan karane aya hoon. mera param saubhagy hai ki ap se sambhashan karane ka gaurav prapt hua. sundari ke gulab se onthon par madhur musakan ki jhalak dikhayi di usamen kuchh kutil hasy ka bhi ansh tha. kadachith yah mere is asvabhavik vaky-pranali ka dyotak tha. too videsh se yahan aya hai. atithy-satkar hamara karttavy hai. main aj tujhe nimntran deti hoon svikar kar.

mainne avasar dekh kar uttar diya apaki yah kripa mere lie gaurav ki bat hai par is rahasy ne meri bhookh-pyas bnd kar di hai. kya main asha karoon ki ap is par kuchh prakash dalengi

sundari ne thndi sans le kar kaha meri ramakahani vipatti ki ek badi katha hai tujhe sun kar duahkh hoga. kintu mainne jab bahut agrah kiya to usane mujhe pharsh par baithane ka snket kiya aur apana vrittant sunane lagiah

main kashmir desh ki rahanevali rajakanya hoon. mera vivah ek rajapoot yoddha se hua tha. unaka nam nrisinhadev tha. ham donon bade annd se jivan vyatit karate the. snsar ka sarvottam padarth roop hai doosara svasthy aur tisara dhan. paramatma ne hamako ye tinon hi padarth prachur pariman men pradan kiye the. khed hai ki main unase mulakat nahin kar sakati. aisa sahasi aisa sundar aisa vidvanh purush sare kashmir men n tha. main unaki aradhana karati thi. unaka mere oopar apar sneh tha. kee varshon tak hamara jivan ek jalashrot ki bhanti vriksh-punjon aur hare-bhare maidanon men pravahit hota raha.

mere pados men ek mndir tha. pujari ek pndit shridhar the. ham donon pratahkal tatha sndhya samay us mandir men upasana ke lie jate. mere svami krishn ke bhakt the. mndir ek suramy sagar ke tat par bana hua tha. vahan ka parishkrit mnd samir chitt ko pulakit kar deta tha. isalie ham upasana ke pashchath bhi vahan ghnton vayu-sevan karate rahate the. shridhar bade vidvan vedon ke gyata shastron ke jananevale the. krishn par unaki bhi avichal bhakti thi. samast kashmir men unake pandity ki charcha thi. vah bade snyami sntoshi atmgyani purush the. unake netron se shanti ki jyotirekhaen nikalati huee maloom hoti thin. sadaiv paropakar men magn rahate the. unaki vani ne kabhi kisi ka hriday nahin dukhaya. unaka hriday nity paravedana se pidit rahata tha.

pndit shridhar mere patidev se lagabhag das varsh bade the par unaki dharmapatni vidyadhari meri samavayaska thin. ham donon saheliyan thin. vidyadhari atynt gnbhir shant prakriti ki stri thin. yadyapi rng-roop men vahi rani thin par vah apani avastha se sntusht thin. apane pati ko vah devatuly samajhati thin.

shravan ka mahina tha. akash par kale-kale badal mndara rahe the mano kajal ke parvat ude ja rahe hain. jharanon se doodh ki dharen nikal rahi thin aur charon or hariyali chhaee huee thi. nanhi-nanhi phuharen pad rahi thin mano svarg se amrit ki boonden tapak rahi hain. jal ki boonden phoolon aur pattiyon ke gale men chamak rahi thin. chitt ko abhilashaon se ubharanevala shama chhaya hua tha. yah vah samay hai jab ramaniyon ko videshagami priyatam ki yad rulane lagati hai jab hriday kisi se alingan karane ke lie vyagr ho jata hai jab sooni sej dekh kar kaleje men hook-si uthati hai. isi ritu men virah ki mari viyoginiyan apani bimari ka bahana karati hain jisamen unaka pati unhen dekhane ave. isi ritu men mali ki kanya dhani sadi pahan kar kyariyon men ithalati huee champa aur bele ke phoolon se anchal bharati hai kyonki har aur gajaron ki mang bahut badh jati hai. main aur vidyadhari oopar chhat par baithi huee varsharitu ki bahar dekh rahi thin aur kalidas ka ritusnhar padhati thin ki itane men mere pati ne a kar kaha aj ka suhavana din hai. jhoola jhoolane men bada annd ayega. savan men jhoola jhoolane ka prastav kyonkar radd kiya ja sakata tha. in dinon pratyek ramani ka chitt ap hi ap jhoola jhoolane ke lie vikal ho jata hai. jab van ke vriksh jhoola jhoolate hon jab sari prakriti andolit ho rahi ho to ramani ka komal hriday kyon n chnchal ho jay ! vidyadhari bhi raji ho gayi. resham ki doriyan qadam ki dal par pad gayin chndan ka patara rakh diya gaya aur main vidyadhari ke sath jhoola jhoolane chali. jis prakar gyanasarovar pavitr jal se paripoorn ho raha hai usi bhanti hamare hriday pavitr annd se paripoorn the. kintu shok ! vah kadachith mere saubhagyachndr ki antim jhalak thi. main jhoole ke pas pahunch kar patare par ja baithi kintu komalangi vidyadhari oopar n a saki. vah kee bar uchaki parntu patare tak n a saki. tab mere patidev ne sahara dene ke lie usaki banh pakad li ! us samay unake netron men ek vichitr trishna ki jhalak thi aur mukh par ek vichitr aturata. vah dhime men malhar ga rahe the kintu vidyadhari jab patare par ayi to usaka mukh doobate hue soory ki bhanti lal ho raha tha netr arunavarn ho rahe the. usane patidev ki or krodhonmatt ho kar kaha:

toone kam ke vash ho kar mere sharir men hath lagaya hai. main apane pativrat ke bal se tujhe shap deti hoon ki too isi kshan pashu ho ja.

yah kahate hi vidyadhari ne apane gale se rudraksh ki mala nikal kar mere patidev ke oopar phenk diya aur tatkshan hi patare ke samip mere patidev ke sthan par ek vishal sinh dikhalayi diya.

ai musaphir apane priy patidevata ki yah gati dekh kar mera rakt sookh gaya aur kaleje par bijali-si a giri. main vidyadhari ke pairon se lipat gayi aur phoot-phoot kar rone lagi. us samay apani ankhon se dekh kar anubhav hua ki pativrat ki mahima kitani prabal hai. aisi ghatanaen mainne puranon men padhi thin parntu mujhe vishvas n tha ki vartaman kal men jabaki stri-purush ke sambandh men svarth ki matr dinondin adhik hoti jati hai pativrat dharm men yah prabhav hoga parntu yah nahin kah sakati ki vidyadhari ke vichar kahan tak thik the. mere pati vidyadhari ko sadaiv bahin kah kar snbodhit karate the. vah atynt svaroopavanh the aur roopavanh purush ki stri ka jivan bahut sukhamay nahin hota par mujhe un par snshay karane ka avasar kabhi nahin mila. vah strivrat dharm ka vaise hi palan karate the jaise sati apane dharm ka. unaki drishti men kucheshta n thi aur vichar atynt ujjval aur pavitr the. yahan tak ki kalidas ki shrringaramay kavita bhi unhen priy n thi magar kam ke marmabhedi banon se kaun bacha hai ! jis kam ne shiv brahma jaise tapasviyon ki tapasya bhng kar di jis kam ne narad aur vishvamitr jaise rishiyon ke mathe par kalnk ka tika laga diya vah kam sab kuchh kar sakata hai. sambhav hai ki surapan ne uddipak ritu ke sath mil kar unake chitt ko vichalit kar diya ho. mera guman to yah hai ki yah vidyadhari ki keval bhranti thi. jo kuchh bhi ho usane shap de diya. us samay mere man men bhi uttejana huee ki jis shakti ka vidyadhari ko garv hai kya vah shakti mujhamen nahin hai kya main pativrata nahin hoon kintu ha ! mainne kitana hi chaha ki shap ke shabd munh se nikaloon par meri jaban bnd ho gayi. akhnd vishvas jo vidyadhari ko apane pativrat par tha mujhe n tha vivashata ne mere pratikar ke aveg ko shant kar diya. mainne badi dinata ke sath kaha-bahin tumane yah kya kiya

vidyadhari ne nirday ho kar kaha-mainne kuchh nahin kiya. yah usake karmon ka phal hai.

main-tumhen chhod kar aur kisaki sharan jaoon kya tum itani daya n karogi

vidyadhari-mere kiye ab kuchh nahin ho sakata.

main-devi tum pativratadharini ho tumhare vaky ki mahima apar hai. tumhara krodh yadi manushy se pashu bana sakata hai to kya tumhari daya pashu se manushy n bana sakegi

vidyadhari-prayashchitt karo. isake atirikt uddhar ka aur koee upay nahin.

ai musaphir main rajapoot ki kanya hoon. mainne vidyadhari se adhik anunay-vinay nahin ki. usaka hriday daya ka agar tha. yadi main usake charanon par shish rakh deti to kadachith use mujh par daya a jati kintu rajapoot ki kanya itana apaman nahin sah sakati. vah ghrina ke ghav sah sakati hai krodh ki agni sah sakati hai par daya ka bojh usase nahin uthaya jata. mainne patare se utar kar patidev ke charanon par sir jhukaya aur unhen sath liye hue apane makan chali ayi.

kee mahine gujar gaye. main patidev ki seva-sushrusha men tan-man se vyast rahati. yadyapi unaki jihva vanivihin ho gayi thi par unaki akriti se spasht prakat hota tha ki vah apane karm se lajjit the. yadyapi unaka roopantar ho gaya tha par unhen mans se atynt ghrina thi. meri pashushala men saikadon gayen-bhainsen thin kintu sherasinh ne kabhi kisi ki or ankh utha kar bhi n dekha. main unhen donon vela doodh pilati aur sndhya samay unhen sath lekar pahadiyon ki sair karati. mere man men n jane kyon dhairy aur sahas ka itana snchar ho gaya tha ki mujhe apani dasha asahy n jan padati thi. mujhe nishchay tha ki shighr hi is vipatti ka ant bhi hoga.

inhin dinon haridvar men gnga-snan ka mela laga. mere nagar se yatriyon ka ek samooh haridvar chala. main bhi unake sath ho li. din-dukhi janon ko dan dene ke lie rupayon aur asharphiyon ki thailiyan sath le lin. main prayashchitt karane ja rahi thi isalie paidal hi yatr karane ka nishchay kar liya. lagabhag ek mahine men haridvar ja pahunchi. yahan bharatavarsh ke pratyek prant se asnkhy yatri aye hue the. sannyasiyon aur tapasviyon ki snkhya grihasthon se kuchh hi kam hogi. dharmashalaon men rahane ka sthan n milata tha. gngatat par parvaton ki god men maidanon ke vakshahsthal par jahan dekhie adami hi adami najar ate the. door se vah chhote-chhote khilaune ki bhanti dikhayi dete the. milon tak adamiyon ka pharsh-sa bichha hua tha. bhajan aur kirtan ki dhvani nity kanon men ati rahati thi. hriday men asim shuddhi gnga ki laharon ki bhanti laharen marati thi. vahan ka jal vayu akash sab shuddh the.

mujhe haridvar aye tin din vyatit hue the. prabhat ka samay tha. main gnga men khadi snan kar rahi thi. sahasa meri drishti oopar ki or uthi to mainne kisi adami ko pul ki or jhankate dekha. akasmath us manushy ka panv oopar uth gaya aur saikadon hi gaj ki oonchaee se gnga men gir pada. saharshon akhen yah drishy dekh rahi thi par kisi ka sahas n hua ki us abhage manushy ki jan bachaye. bharatavarsh ke atirikt aisa samavedanashoony aur kaun desh hoga aur yah vah desh hai jahan paramarth manushy ka karttavy bataya gaya hai. log baithe hue apnguon ki bhanti tamasha dekh rahe the. sabhi hatabuddhi- se ho rahe the. dhara prabal veg se pravahit thi aur jal barf se bhi adhik shital. mainne dekha ki vah dhara ke sath bahata chala jata tha. yah hriday-vidarak drishy mujhase n dekha gaya. main tairane men abhyast thi. mainne eeshvar ka nam liya aur man ko dridh karake dhara ke sath tairane lagi. jyon-jyon main age badhati thi vah manushy mujhase door hota jata tha. yahan tak mere sare ang thnd se shoony ho gaye.

mainne kee bar chattanon ko pakad kar dam liya kee bar pattharon se takarayi. mere hath hi n uthate the. sara sharir barf ka dhancha-sa bana hua tha. mere ang gatihin ho gaye ki main dhara ke sath bahane lagi aur mujhe vishvas ho gaya ki gngamata ke udar hi men meri jal-samadhi hogi. akasmath mainne us purush ki lash ko ek chattan par rukate dekha. mera hausala bndh gaya. sharir men ek vichitr sphoorti ka anubhav hua. main zor laga kar pranapan se us chattan par ja pahunchi aur usaka hath pakad kar khincha. mera kaleja dhak se ho gaya. yah shridhar pndit the.

ai musaphir mainne yah kam pranon ko hatheli par rakh kar poora kiya. jis samay main pndit shridhar ki ardhamrit deh liye tat par ayi to saharshon manushyon ki jayadhvani se akash goonj utha. kitane hi manushyon ne charanon par sir jhukaye. abhi log shridhar ko hosh men lane ke upay kar hi rahe the ki vidyadhari mere samane a kar khadi ho gayi. usaka mukh prabhat ke chndr ki bhanti kantihin ho raha tha honth sookhe hue bal bikhare hue. ankhon se ansuon ki jhadi lagi huee thi. vah zor se hanph rahi thi daud kar mere pairon se chimat gayi kintu dil khol kar nahin nirmal bhav se nahin. ek ki ankhen garv se bhari huee thin aur doosare ki glani se jhuki huee. vidyadhari ke munh se bat n nikalati thi. keval itana boli- bahin eeshvar tumako is satkary ka phal den.

ai musaphir yah shubhakamana vidyadhari ke antahsthal se nikali thi. main usake munh se yah ashirvad sun kar phooli n samayi. mujhe vishvas ho gaya ki abaki bar jab main apane makan par pahunchoongi to patidev muskarate hue mujhase gale milane ke lie dvar par ayenge. is vichar se mere hriday men gudagudi-si hone lagi. main shighr hi svadesh ko chal padi. utkntha mere qadam badhaye jati thi. main din men bhi chalati aur rat ko bhi chalati magar pair thakana hi n janate the. yah asha ki vah mohini moorti dvar par mera svagat karane ke lie khadi hogi mere pairon men par-se lagaye hue thi. ek mahine ki mnzil mainne ek saptah men tay ki. par shok ! jab makan ke pas pahunchi to us ghar ko dekh kar dil baith gaya aur himmat n padi ki andar qadam rakhoon. main chaukhat par baith kar der tak vilap karati rahi. n kisi naukar ka pata n kahin pale hue pashu hi dikhayi dete the. dvar par dhool ud rahi thi. jan padata tha ki pakshi ghonsale se ud gaya hai kaleje par patthar ki sil rakh kar bhitar gayi to kya dekhati hoon ki mera pyara sinh angan men moti-moti jnjiron se bndha hua hai. itana durbal ho gaya hai ki usake koolhon ki haddiyan dikhayi de rahi hain. oopar-niche jidhar dekhati thi ujad-sa maloom hota tha. mujhe dekhate hi sherasinh ne poonchh hilayi aur sahasa unaki ankhen dipak ki bhanti chamak uthin. main daudakar unake gale se lipat gayi samajh gayi ki naukaron ne daga ki. ghar ki samagriyon ka kahin pata n tha. sone-chandi ke bahumooly patr pharsh adi sab gayab the. hay ! hatyare mere abhooshanon ka sndook bhi utha le gaye. is apaharan ne musibat ka pyala bhar diya. shayad pahale unhonne sherasinh ko jakad kar bandh diya hoga phir khoob dil khol kar noch-khasot ki hogi. kaisi vidambana thi ki dharm lootane gayi thi aur dhan luta baithi. daridrata ne pahali bar apana bhaynkar roop dikhaya.

ai musaphir is prakar lut jane ke bad vah sthan ankhon men kante ki tarah khatakane laga. yahi vah sthan tha jahan hamane annd ke din kate the. inhin kyariyon men hamane mrigon ki bhanti kilol kiye the. pratyek vastu se koee n koee smriti sambandhit thi. un dinon ki yad karake ankhon se rakt ke ansoo bahane lagate the. basnt ki ritu thi baur ki mahak se vayu sugndhit ho rahi thi. mahue ke vrikshon ke niche pariyon ke shayan karane ke lie motiyon ki shayya bichhi huee thi karaunde aur ninboo ke phalon ki sugndh se chitt prasann ho jata tha. mainne apani janm-bhoomi ko sadaiv ke lie tyag diya. meri ankhon se ansuon ki ek boond bhi n giri. jis janm-bhoomi ki yad yavajjivan hriday ko vyathit karati rahati hai usase mainne yon munh mod liya mano koee bndi karagar se mukt ho jay. ek saptah tak main charon or bhraman karake apane bhavi nivasasthan ka nishchay karati rahi. ant men sindhu nadi ke kinare ek nirjan sthan mujhe pasnd aya. yahan ek prachin mndir tha. shayad kisi samay vahan devataon ka vas tha par is samay vah bilakul ujad tha. devataon ne kal ko vijay kiya ho par samay chakr ko nahin. shanaiah-shanaiah mujhe is sthan se prem ho gaya aur vah sthan pathikon ke lie dharmashala ban gaya.

mujhe yahan rahate tin varsh vyatit ho chuke the. varsha ritu men ek din sndhya ke samay mujhe mndir ke samane se ek purush ghode par savar jata dikhayi diya. mndir se prayah do sau gaj ki doori par ek ramanik sagar tha usake kinare kachanar vrikshon ke jhuramut the. vah savar us jhuramut men ja kar adrishy ho gaya. andhakar badhata jata tha. ek kshan ke bad mujhe us or kisi manushy ka chitkar sunayi diya phir bndookon ke shabd sunayi diye aur unaki dhvani se pahad goonj utha.

ai musaphir yah drishy dekh kar mujhe kisi bhishan ghatana ka sndeh hua. main turnt uth khadi huee. ek katar hath men li aur us sagar ki or chal di.

ab moosaladhar varsha hone lagi thi mano aj ke bad phir kabhi n barasega. rah-rah kar garjan ki aisi bhaynkar dhvani uthati thi mano sare pahad apas men takara gaye hon. bijali ki chamak aisi tivr thi mano snsaravyapi prakash simat kar ek ho gaya ho. andhakar ka yah hal tha mano saharshon amavasya ki raten gale mil rahi hon. main kamar tak pani men chalati dil ko samhale hue age badhati jati thi. ant men sagar ke samip a pahunchi. bijali ki chamak ne dipak ka kam kiya. sagar ke kinare ek badi-si gupha thi. is samay us gupha men se prakash-jyoti bahar ati huee dikhayi deti thi. mainne bhitar ki or jhanka to kya dekhati hoon ki ek bada alav jal raha hai. usake charon or bahut-se adami khade hue hain aur ek stri agney netron se ghoor-ghoor kar kah rahi hai main apane pati ke sath use bhi jala kar bhasm kar doongi. mere kutoohal ki koee sima n rahi. mainne sans bnd kar li aur hatabuddhi ki bhanti yah kautuk dekhane lagi. us stri ke samane ek rakt se lipati huee lash padi thi aur lash ke samip hi ek manushy rassiyon se bndha hua sir jhukaye baitha tha. mainne anuman kiya ki yah vahi ashvarohi pathik hai jis par in dakuon ne aghat kiya tha. yah shav dakoo saradar ka hai aur yah stri dakoo ki patni hai. usake sir ke bal bikhare hue the aur ankhon se angare nikal rahe the. hamare chitrakaron ne krodh ko purush kalpit kiya hai. mere vichar men stri ka krodh isase kahin ghatak kahin vidhvnsakari hota hai. krodhonmatt ho kar vah komalangi sundari jvalashikhar ban jati hai.

us stri ne dant pis kar kaha main apane pati ke sath ise bhi jala kar bhasm kar doongi. yah kah kar usane us rassiyon se bndhe hue purush ko ghasita aur dahakati huee chita men dal diya. ah ! kitana bhaynkar kitana romanchakari drishy tha. stri hi apani dvesh ki agni shant karane men itani pishachini ho sakati hai. mera rakt khaulane laga. ab ek kshan bhi vilamb karane ka avasar n tha. mainne katar khinch li dakoo chaunk kar titar-bitar ho gaye samajhe mere sath aur log bhi honge. main bedhadak chita men ghus gayi aur kshanamatr men us abhage purush ko agni ke mukh se nikal layi. abhi keval usake vastr hi jale the. jaise sarp apana shikar chhin jane se phuphakarata hua lapakata hai usi prakar garajati huee lapaten mere pichhe daudin. aisa pratit hota tha ki agni bhi usake rakt ki pyasi ho rahi thi.

itane men dakoo samhal gaye aur ahat saradar ki patni pishachini ki bhanti munh khole mujh par jhapati. samip tha ki ye hatyare meri botiyan kar den ki itane men gupha ke dvar par meghagarjan ki-si dhvani sunayi di aur sherasinh raudr roop dharan kiye hue bhitar pahunche. unaka bhaynkar roop dekhate hi dakoo apani-apani jan le kar bhage. keval dakoo saradar ki patni stambhit-si apane sthan par khadi rahi. ekaek usane pati ka shav uthaya aur use le kar chita men baith gayi. dekhate-dekhate usaka bhaynkar roop agni-jvala men vilin ho gaya. ab mainne us bndhe hue manushy ki or dekha to mera hriday uchhal pada. yah pndit shridhar the. mujhe dekhate hi sir jhuka liya aur rone lage. main unake samachar poochh hi rahi thi ki usi gupha ke ek kone se kisi ke karahane ka shabd sunayi diya. ja kar dekha to ek sundar yuvak rakt se lathapath pada tha. mainne use dekhate hi pahachan liya. usaka purushavesh use chhipa n saka. yah vidyadhari thi. mardon ke vastr us par khoob sajate the. vah lajja aur glani ki moorti bani huee thi. vah pairon par gir padi par munh se kuchh n boli.

us gupha men pal bhar bhi thaharana atynt shnkaprad tha. n jane kab dakoo phir sashastr ho kar a jayn. udhar chitagni bhi shant hone lagi aur us sati ki bhi bhishan kaya atynt tej roop dharan karake hamare netron ke samane tandav krida karane lagi. main badi chinta men padi ki in donon praniyon ko kaise vahan se nikaloon. donon hi rakt se choor the. sherasinh ne mera asamnjas tad liya. roopantar ho jane ke bad unaki buddhi badi tivr ho gayi thi. unhonne mujhe snket kiya ki donon ko hamari pith par bitha do. pahale to main unaka ashay n samajhi par jab unhonne snket ko bar-bar duharaya to main samajh gayi. goongon ke gharavale hi goongon ki baten khoob samajhate hain. mainne pndit shridhar ko god men utha kar sherasinh ki pith par bitha diya. usake pichhe vidyadhari ko bhi bithaya. nanha balak bhaloo ki pith par baith kar jitana darata hai usase kahin zyada yah donon prani bhayabhit ho rahe the. chitagni ke kshin prakash men unake bhayavikrit mukh dekh kar karun vinod hota tha. astu main in donon praniyon ko sath le kar gupha se nikali aur phir usi timir-sagar ko par karake mndir a pahunchi.

mainne ek saptah tak unaka yahan yathashakti seva-satkar kiya. jab ve bhali-bhanti svasth ho gaye to mainne unhen vida kiya. ye stri-purush kee adamiyon ke sath tedhi ja rahe the yahan ke raja pndit shridhar ke shishy hain. pndit shridhar ka ghoda age tha. vidyadhari ka abhyas n hone ke karan pichhe thi unake donon rakshak bhi unake sath the. jab dakuon ne pndit shridhar ko ghera aur pndit ne pistaul se dakoo saradar ko giraya to kolahal sun kar vidyadhari ne ghoda badhaya. donon rakshak to jan le kar bhage vidyadhari ko dakuon ne purush samajh kar ghayal kar diya aur tab donon praniyon ko bandh kar gupha men dal diya. shesh baten mainne apani ankhon dekhin. yadyapi yahan se bida hote samay vidyadhari ka rom-rom mujhe ashirvad de raha tha. par han ! abhi prayashchitt poora n hua tha. itana atm-samarpan karake bhi main saphal manorath n huee thi.

ai musaphir us prant men ab mera rahana kathin ho gaya. dakoo bndooken lie hue sherasinh ki talash men ghoomane lage. vivash ho kar ek din main vahan se chal khadi huee aur durgam parvaton ko par karati huee yahan a nikali. yah sthan mujhe aisa pasnd aya ki mainne is gupha ko apana ghar bana liya hai. aj poore tin varsh gujare jab mainne pahale-pahal gyanasarovar ke darshan kiye. us samay bhi yahi ritu thi. main gyanasarovar men pani bharane gayi huee thi sahasa kya dekhati hoon ki ek yuvak mushki ghode par savar ratnajatit abhooshan pahane hath men chamakata hua bhala liye chala ata hai. sherasinh ko dekh kar vah thithaka aur bhala samhal kar un par var kar baitha. sherasinh ko bhi krodh aya. unake garajan ki aisi gaganabhedi dhvani uthi ki gyanasarovar ka jal andolit ho gaya aur turnt ghode se khinch kar usaki chhati par pnje rakh diye. main ghada chhod kar daudi. yuvak ka pranant hone vala hi tha ki mainne sherasinh ke gale men hath dal diye aur unaka sir sahala kar krodh shant kiya. mainne unaka aisa bhaynkar roop kabhi nahin dekha tha. mujhe svayn unake pas jate hue dar lagata tha par mere mridu vachanon ne ant men unhen vashibhool kar liya vah alag khade ho gaye. yuvak ki chhati men gahara ghav laga tha. use mainne isi gupha men la kar rakha aur usaki maraham-patti karane lagi. ek din main kuchh avashyak vastuen lene ke lie us kasbe men gayi jisake mndir ke kalash yahan se dikhayi de rahe hain magar vahan sab dukanen bnd thin. bazaron men khak ud rahi thi. charon or siyapa chhaya hua tha. main bahut der tak idhar-udhar ghoomati rahi kisi manushy ki soorat bhi n dikhayi deti thi ki usase vahan ka sab samachar poochhoon. aisa vidit hota tha mano yah adrishy jivon ki basti hai. soch hi rahi thi ki vapas chaloon ki ghodon ke tapon ki dhvani kanon men ayi aur ek kshan men ek stri sir se pair tak kale vastr dharan kiye ek kale ghode par savar ati huee dikhayi di. usake pichhe kee savar aur pyade kali vardiyan pahane a rahe the. akasmath us savar stri ki drishti mujh par padi. usane ghode ko ed lagayi aur mere nikat akar karkash svar men boli too kaun hai mainne nirbhik bhav se uttar diya main gyanasarovar ke tat par rahati hoon. yahan bazar men kuchh samagriyan lene ayi thi kintu shahar men kisi ka pata nahin. us stri ne pichhe ki or dekh kar kuchh snket kiya aur do savaron ne age badh kar mujhe pakad liya aur meri banhon men rassiyan dal din. meri samajh men n ata tha ki mujhe kis aparadh ka dnd diya ja raha hai. bahut poochhane par bhi kisi ne mere prashnon ka uttar n diya. han anuman se yah prakat hua ki yah stri yahan ki rani hai. mujhe apane vishay men to koee chinta n thi par chinta thi sherasinh ki vah akele ghabara rahe honge. bhojan ka samay a pahuncha kaun khilavega. kis vipatti men phnsi. nahin maloom vidhata ab meri kya durgati karenge. mujh abhagin ko is dasha men bhi shanti nahin. inhin malin vicharon men magn main savaron ke sath adh ghnte tak chalati rahi ki samane ek oonchi pahadi par ek vishal bhavan dikhayi diya. oopar chadhane ke lie patthar kat kar chaude jine banaye gaye the. ham log oopar chadhe. vahan saikadon hi adami dikhayi diye kintu sab-ke-sab kale vastr dharan kie hue the. main jis kamare men la kar rakhi gayi vahan ek kushasan ke atirikt sajavat ka aur saman n tha. main zamin par baith kar apane nasib ko rone lagi. jo koee yahan ata tha mujh par karun drishtipat karake chupachap chala jata tha. thodi der men rani sahab a kar usi kushasan par baith gayin. yadyapi unaki avastha pachas varsh se adhik thi parantu mukh par adbhut kanti thi. mainne apane sthan se uth kar unaka samman kiya aur hath bandh kar apani kismat ka phaisala sunane ke lie khadi ho gayi.

ai musaphir rani mahodaya ke tevar dekh kar pahale to mere pran sookh gaye kintu jis prakar chndan jaisi kathor vastu men manohar sugndhi chhipi hoti hai usi prakar unaki karkashata aur kathorata ke niche mom ke sadrish hriday chhipa hua tha. unaka pyara putr thode hi din pahale yuvavastha hi men daga de gaya tha. usi ke shok men sara shahar matam mana raha tha. mere pakade jane ka karan yah tha ki mainne kale vastr kyon n dharan kiye the. yah vrittant sun kar main samajh gayi ki jis rajakumar ka shok manaya ja raha hai vah vahi yuvak hai jo meri gupha men pada hua hai. mainne unase poochha rajakumar mushki ghode par to savar nahin the

rani-han-han mushki ghoda tha. use mainne unake lie arab desh se mngava diya tha. kya toone unhen dekha hai

main-han dekha hai.

rani ne poochha-kab

main-jis din vah sher ka shikar khelane gaye the.

rani-kya tere samane hi sher ne un par chot ki thi

main-han meri ankhon ke samane.

rani utsuk ho kar khadi ho gayi aur bade din bhav se boli-too unaki lash ka pata laga sakati hai

main-aisa n kahie vah amar hon. vah do saptahon se mere yahan mehaman hain.

rani harshamay ashchary se boli-mera ranadhir jivit hai

main-han ab unamen chalane-phirane ki shakti a gayi hai.

rani mere pairon par gir padi.

tisare din arjun nagar ki kuchh aur hi shobha thi. vayu annd ke madhur svar men goonjati thi dookanon ne phoolon ka har pahana tha bazaron men annd ke utsav manaye ja rahe the. shok ke kale vastron ki jagah kesar ka suhavana rng badhaee de raha tha. idhar soory ne usha-sagar se sir nikala. udhar salamiyan dagana arambh hueen. age-age main ek sabja ghode par savar a rahi thi aur pichhe rajakumar ka hathi sunahare jhoolon se saza chala ata tha. striyan atariyon par mngal ke git gati thin aur pushpon ki vrishti karati thin. rajabhavan ke dvar par rani motiyon se anchal-bhare khadi thi jyon hi rajakumar hathi se utare vah unhen god men lene ke lie daudi aur chhati se laga liya.

ai musaphir anndotsav samapt hone par jab main vida hone lagi to rani mahoday ne sajal nayan ho kar kaha:

beti toone mere sath jo upakar kiya hai usaka phal tujhe bhagavanh denge. toone mere rajavnsh ka uddhar kar diya nahin to koee pitaron ko jal denevala bhi n rahata. main tujhe kuchh bidaee dena chahati hoon vah tujhe svikar karani padegi. agar ranadhir mera putr hai to too meri putri hai. toone hi ranadhir ko pranadan diya hai toone hi is rajy ka punaruddhar kiya hai. isalie is maya-bndhan se tera gala nahin chhootega. main arjun nagar ka prant upaharasvaroop teri bhent karati hoon.

rani ki yah asim udarata dekh kar main dng rah gayi. kaliyug men bhi koee aisa dani ho sakata hai isaki mujhe asha n thi. yadyapi mujhe dhan-bhog ki lalasa n thi par keval is vichar se ki kadachith yah sampatti mujhe apane bhaiyon ki seva karane ki samarthy de mainne ek jagiradar ki zimmedariyan apane sir lin. tab se do varsh vyatit ho chuke hain par bhog-vilas ne mere man ko ek kshan ke lie bhi chnchal nahin kiya. main kabhi palng par nahin soyi. rookhi-sookhi vastuon ke atirikt aur kuchh nahin khaya. pati-viyog ki dasha men stri tapasvini ho jati hai usaki vasanaon ka ant ho jata hai mere pas kee vishal bhavan hain kee ramanik vatikaen hain vishay-vasana ki aisi koee samagri nahin hai jo prachur matr men upasthit n ho par mere lie vah sab tyajy hain. bhavan soone pade hain aur vatikaon men khojane se bhi hariyali n milegi. mainne unaki or kabhi ankh utha kar bhi nahin dekha. apane pranadhar ke charanon se lage hue mujhe any kisi vastu ki ichchha nahin hai. main nityaprati arjun nagar jati hoon aur riyasat ke avashyak kam-kaj karake laut ati hoon. naukar-chakaron ko kadi agya de di gayi hai ki meri shanti men badhak n hon. riyasat ki sampoorn ay paropakar men vyay hoti hai. main usaki kaudi bhi apane kharch men nahin lati. apako avakash ho to ap meri riyasat ka prabndh dekh kar bahut prasann honge. mainne in do varshon men bis bade-bade talab banava diye hain aur chalis goshalaen banava di hain. mera vichar hai ki apani riyasat men naharon ka aisa jal bichha doon jaise sharir men nadiyon ka. mainne ek sau kushal vaidy niyukt kar diye hain jo gramon men vicharan karen aur rog ki nivritti karen. mera koee aisa gram nahin hai jahan meri or se saphaee ka prabndh n ho. chhote-chhote ganvon men apako lalatenen jalati huee milengi. din ka prakash eeshvar deta hai rat ke prakash ki vyavastha karana raja ka karttavy hai. mainne sara prabndh pndit shridhar ke hathon men de diya hai. sabase pratham kary jo mainn kiya vah yah tha ki unhen dhoondh nikaloon aur yah bhar unake sir rakh doon. is vichar se nahin ki unaka samman karana mera abhisht tha balki meri drishti men koee any purush aisa karttavyaparayan aisa niahsprih aisa sachcharitr n tha. mujhe poorn vishvas hai ki vah yavajjivan riyasat ki bagador apane hath men rakhenge. vidyadhari bhi unake sath hai. vahi shanti aur sntosh ki moorti vahi dharm aur vrat ki devi. usaka pativrat ab bhi gyanasarovar ki bhanti apar aur athah hai. yadyapi usaka saundary-soory ab madhyahn par nahin hai par ab bhi vah ranivas ki rani jan padati hai. chintaon ne usake mukh par shikan dal diye hain. ham donon kabhi-kabhi mil jati hain. kintu batachit ki naubat nahin ati. usaki ankhen jhuk jati hain. mujhe dekhate hi usake oopar ghadon pani pad jata hai aur usake mathe ke jalabindu dikhaee dene lagate hain. main apase saty kahati hoon ki mujhe vidyadhari se koee shikayat nahin hai. usake prati mere man men dinondin shraddha aur bhakti badhati jati hai. main use dekhati hoon to mujhe prabal utkntha hoti hai ki usake pairon par padoon. pativrata stri ke darshan bade saubhagy se milate hain. par keval is bhay se ki kadachith vah ise meri khushamad samajhe ruk jati hoon. ab meri eeshvar se yahi prarthana hai ki apane svami ke charanon men padi rahoon aur jab is snsar se prasthan karane ka samay aye to mera mastak unake charanon par ho. aur antim jo shabd mere munh se nikalen vah yahi ki eeshvar doosare janm men bhi inaki cheri banana.

pathak us sundari ka jivan-vrittant sun kar mujhe jitana kutoohal hua vah akathaniy hai. khed hai ki jis jati men aisi pratibhashalini deviyan utpann hon us par pashchaty ke kalpanahin vishvasahin purush ungaliyan uthayen samast yoorop men ek aisi sundari n hogi jisase isaki tulana ki ja sake. hamane stri-purush ke sambandh ko sansarik sambandh samajh rakha hai. usaka adhyatmik roop hamare vichar se koson door hai. yahi karan hai ki hamare desh men shatabdiyon ki unnati ke pashchath bhi pativrat ka aisa ujjval aur alaukik udaharan nahin mil sakata. aur durbhagy se hamari sabhyata ne aisa marg grahan kiya hai ki kadachith door bhavishy men aisi deviyon ke janm lene ki sambhavana nahin hai. jarmani ko yadi apani sena par phrans ko apani vilasita par aur ingalaind ko apane vanijy par garv hai to bharatavarsh ko apane pativrat ka ghamnd hai. kya yooropanivasiyon ke lie yah lajja ki bat nahin hai ki homar aur varjil dainte aur gete sheksapiyar aur hyoogo jaise uchchakoti ke kavi ek bhi sita ya savitri ki rachana n kar sake. vastav men yooropiy samaj aise adarshon se vnchit hai !

mainne doosare din gyanasarovar se badi anichchha ke sath vida mangi aur yoorop ko chala. mere lautane ka samachar poorv hi prakashit ho chuka tha. jab mera jahaz haimpabarg ke bndaragah men pahuncha to saharshon nar-nari saikadon vidvanh aur rajakarmachari mera abhivadan karane ke lie khade the. mujhe dekhate hi taliyan bajane lagin roomal aur top hava men uchhalane lage aur vahan se mere ghar tak jis samaroh se juloos nikala us par kisi rashtrapati ko bhi garv ho sakata hai. sndhya samay mujhe kaisar ki mej par bhojan karane ka saubhagy prapt hua. kee dinon tak abhinndan-patron ka tanta laga raha aur mahinon klab aur yoonivarsiti ki pharamaishon se dam marane ka avakash n mila. yatravrittant desh ke prayah sabhi patron men chhapa. any deshon se bhi badhaee ke tar aur patr mile. phrans aur roos adi deshon ki kitani hi sabhaon ne mujhe vyakhyan dene ke lie nimntrit kiya. ek-ek vaktrita ke lie mujhe kee-kee hazar paund diye jate the. kee vidyalayon ne mujhe upadhiyan din. jar ne apana atograph bhej kar sammanit kiya kintu in adar-samman ki andhiyon se mere chitt ko shanti n milati thi aur gyanasarovar ka suramy tat aur vah gahari gupha aur vah mridubhashini ramani sadaiv ankhon ke samane phirati rahati. usake madhur shabd kanon men goonja karate. main thiyetaron men jata aur spen aur jarjiya ki sundariyon ko dekhata kintu himalay ki apsara mere dhyan se n utarati. kabhi-kabhi kalpana men mujhe vah devi akash se utarati huee maloom hoti tab chitt chnchal ho jata aur vikal utkntha hoti ki kisi tarah par laga kar gyanasarovar ke tat pahunch jaoon. akhir ek roj mainne saphar ka saman durust kiya aur usi miti ke thik ek hazar dinon ke bad jab ki mainne pahali bar gyanasarovar ke tat par qadam rakha tha main phir vahan ja pahuncha.

prabhat ka samay tha. giriraj sunahara mukut pahane khade the. mnd samir ke anandamay jhonkon se gyanasarovar ka nirmal prakash se pratibimbit jal is prakar lahara raha tha mano aganit apsaraen abhooshanon se jagamagati huee nrity kar rahi hon. laharon ke sath shatadal yon jhakore lete the jaise koee balak hindole men jhool raha ho. phoolon ke bich men shvet hns tairate hue aise maloom hote the mano lalima se chhaye hue akash par taragan chamak rahe hon. mainne utsuk netron se is gupha ki or dekha to vahan ek vishal rajaprasad asaman se kndha milaye khada tha. ek or ramanik upavan tha doosari or ek gaganachumbi mndir. mujhe yah kayapalat dekh kar ashchary hua. mukhy dvar par ja kar dekha to do chobadar oode makhamal ki vardiyan pahane jari ke patte bandhe khade the. mainne unase poochha kyon bhaee yah kisaka mahal hai

chobadar-arjun nagar ki maharani ka.

main-kya abhi hal hi men bana hai

chobadar-han ! tum kaun ho

main-ek paradesi yatri hoon. kya tum maharani ko meri soochana de doge

chobadar-tumhara kya nam hai aur kahan se ate ho

main-unase keval itana kah dena ki yoorop se ek yatri aya hai aur apake darshan karana chahata hai.

chobadar bhitar chala gaya aur ek kshan ke bad a kar bola mere sath ao

main usake sath ho liya. pahale ek lambi dalan mili jisamen bhanti-bhanti ke pakshi pinjaron men baithe chahak rahe the. isake bad ek vistrit barahadari men pahuncha jo sampoornatah pashan ki bani huee thi. mainne aisi sundar gulakari tajamahal ke atirikt aur kahin nahin dekhi. pharsh ki pachchikari ko dekh kar us par panv dharate snkoch hota tha. divaron par nipun chitrakaron ki rachanaen shobhayaman thin. barahadari ke doosare sire par ek chabootara tha jis par moti kalinen bichhi huee thin. main pharsh par baith gaya. itane men ek lambe qad ka roopavanh purush andar ata hua dikhayi diya. usake mukh par pratibha ki jyoti jhalak rahi thi aur ankhon se garv tapaka padata tha. usaki kali aur bhale ki nok ke sadrish tani huee moonchhen usake bhaunre ki tarah kale ghungharale bal usaki akriti ki kathorata ko namr kar dete the. vinayapoorn virata ka isase sundar chitr nahin khinch sakata tha. usane meri or dekh kar muskarate hue kaha ap mujhe pahachanate hain main adab se khada ho kar bola mujhe apase parichay ka saubhagy nahin prapt hua. vah kalin par baith gaya aur bola main sherasinh hoon. main avakh rah gaya. sherasinh ne phir kaha kya ap prasann nahin hain ki apane mujhe pistaul ka lakshy nahin banaya main tab pashu tha ab manushy hoon. mainne kaha apako hriday se dhanyavad deta hoon. yadi agya ho to main apase ek prashn karana chahata hoon.

sherasinh ne muskara kar kaha-main samajh gaya poochhie.

main-jab ap samajh hi gaye to main poochhoon kyon

sherasinh-sambhav hai mera anuman thik n ho.

main-mujhe bhay hai ki us prashn se apako duahkh n ho.

sherasinh-kam se kam apako mujhase aisi shnka n karani chahie.

main-vidyadhari ke bhram men kuchh sar tha

sherasinh ne sir jhuka kar der men uttar diya-ji han tha. jis vakt mainne usaki kalaee pakadi thi us samay avesh se mera ek-ek ang kanp raha tha. main vidyadhari ke us anugrah ko maranaparynt n bhooloonga. magar itana prayashchitt karane par bhi mujhe apani glani se nivritti n huee. snsar ki koee vastu sthir nahin kintu pap ki kalima amar aur amit hai. yash aur kirti kalantar men mit jati hai kintu pap ka dhabba nahin mitata. mera vichar hai ki eeshvar bhi dag ko nahin mita sakata. koee tapasya koee dnd koee prayashchitt is kalima ko nahin dho sakata. patitoddhar ki kathaen aur tauba ya kanpheshan karake pap se mukt ho jane ki baten yah sab snsar-lipsi pakhndi dharmavalambiyon ki kalpanaen hain.

ham donon yahi baten kar rahe the ki rani priynvada samane a kar khadi ho gayin. mujhe aj anubhav hua jo bahut dinon se pustakon men padha karata tha ki saundary men prakash hota hai. aj isaki satyata mainne apani ankhon se dekhi. mainne jab unhen pahale dekha tha to nishchay kiya tha ki yah eeshvariy kalanaipuny ki parakashtha hai parntu ab jab mainne unhen dobara dekha to gyat hua ki vah is asal ki nakal thi. priynvada ne muskara kar kaha- musaphir tujhe svadesh men bhi kabhi ham logon ki yad ayi thi agar main chitrakar hota to usake madhu hasy ko chitrit karake prachin guniyon ko chakit kar deta. usake munh se yah prashn sunane ke lie taiyar n tha. yadi isi bhanti main usaka uttar deta to shayad vah meri dhrishtata hoti aur sherasinh ke tevar badal jate. main yah bhi n sah saka ki mere jivan ka sabase sukhad bhag vahi tha jo gyanasarovar ke tat par vyatit hua tha kintu mujhe itana sahas bhi n hua. mainne dabi jaban se kaha kya main manushy nahin hoon.

tin din bit gaye. in tin dinon men khoob maloom ho gaya ki poorv ko atithyasevi kyon kahate hain. yoorop ka koee doosara manushy jo yahan ki sabhyata se parichit n ho in satkaron se oob jata. kintu mujhe in deshon ke rahan-sahan ka bahut anubhav ho chuka hai aur main isaka adar karata hoon.

chauthe din meri vinay par rani priynvada ne apani shesh katha sunani shuroo ki-

ai musaphir mainne tujhase kaha tha ki apani riyasat ka shasan-bhar mainne shridhar par rakh diya tha aur jitani yogyata aur dooradarshita se unhonne is kam ko samhala hai usaki prashnsa nahin ho sakati. aisa bahut kam hua hai ki ek vidvanh pndit jisaka sara jivan pathan-pathan men vyatit hua ho ek riyasat ka bojh samhale kintu raja virabal ki bhanti pn. shridhar bhi sab kuchh kar sakate hain. mainne pariksharth unhen yah kam saunpa tha. anubhav ne siddh kar diya ki vah is kary ke sarvatha yogy hain. aisa jan padata hai ki kul-parampara ne unhen is kam ke lie abhyast kar diya. jis samay unhonne isaka kam apane hath men liya yah riyasat ek oojad gram ke sadrish thi. ab vah dhanadhanyapoorn ek nagar hai. shasan ka koee aisa vibhag nahin jis par unaki sookshm drishti n pahunchi ho.

thode hi dinon men log unake shil-svabhav par mugdh ho gaye aur raja ranadhirasinh bhi un par kripa-drishti rakhane lage. pndit ji pahale shahar se bahar ek thakuradvare men rahate the. kintu jab raja sahab se mel-jol badha to unake agrah se vivash ho kar rajamahal men chale aye. yahan tak paraspar maitri aur ghanishthata badhi ki man-pratishtha ka vichar jata raha. raja sahab pndit ji se snskrit bhi padhate the aur unake samay ka adhikansh bhag pndit ji ke makan par hi katata tha kintu shok ! yah vidyaprem ya shuddh mitrabhav ka akarshan n tha. yah saundary ka akarshan tha. yadi us samay mujhe leshamatr bhi sndeh hota ki ranadhirasinh ki yah ghanishthata kuchh aur hi pahaloo liye hue hai to usaka ant itana khedajanak n hota jitana ki hua. unaki drishti vidyadhari par us samay padi jab vah thakuradvare men rahati thi aur yah sari kuyojanaen usi ki karamat thin. raja sahab svabhavatah bade hi sachcharitr aur snyami purush hain kintu jis roop ne mere pati jaise devapurush ka eeman diga diya vah sab kuchh kar sakata hai.

bholi-bhali vidyadhari manovikaron ki is kutil niti se bekhabar thi. jis prakar chhalangen marata hua hiran vyadh ki phailayi huee hari-hari ghas se prasann ho kar us or badhata hai aur yah nahin samajhata ki pratyek pag mujhe sarvanash ki or liye jata hai usi bhanti vidyadhari ko usaka chnchal man andhakar ki or khinche lie jata tha. vah raja sahab ke lie apane hathon se bide laga kar bhejati pooja ke lie chndan ragadati. rani ji se bhi usaka bahanapa ho gaya. vah ek kshan ke lie bhi use apane pas se n jane detin. donon sath-sath bag ki sair karatin sath-sath jhoola jhoolatin sath-sath chaupad khelatin. yah unaka shrringar karati aur vah unaki mang-choti snvarati mano vidyadhari ne rani ke hriday men vah sthan prapt kar liya jo kisi samay mujhe prapt tha. lekin vah garib kya janati thi ki jab main bag ki ravishon men vicharati hoon to kuvasana mere talave ke niche ankhen bichhati hai jab main jhoola jhoolati hoon to vah ad men baithi huee annd se jhoomati hai. is ek saral hriday abala stri ke lie charon or se chakravyooh racha ja raha tha.

is prakar ek varsh vyatit ho gaya raja sahab ka rabt-jabt dinondin badhata jata tha. pndit ji ko unase vah sneh ho gaya jo guru ji ko apane ek honahar shishy se hota hai. mainne jab dekha ki athon pahar ka yah sahavas pndit ji ke kam men vighn dalata hai to ek din mainne unase kaha-yadi apako koee apatti n ho to doorasth dehaton ka daura arambh kar den aur is bat ka anusndhan karen ki dehaton men krishakon ke lie baink kholane men hamen praja se kitani sahanubhooti aur kitani sahayata ki asha karani chahie. pndit ji ke man ki bat nahin janati par pratyaksh men unhonne koee apatti nahin ki. doosare hi din pratahkal chale gaye. kintu ashchary hai ki vidyadhari unake sath n gayi. ab tak pndit ji jahan kahin jate the vidyadhari parachhaeen ki bhanti unake sath rahati thi. asuvidha ya kasht ka vichar bhi usake man men n ata tha. pndit ji kitana hi samajhayen kitana hi darayen par vah unaka sath n chhodati thi par abaki bar kasht ke vichar ne use kartavy ke marg se vimukh kar diya. pahale usaka pativrat ek vriksh tha jo usake prem ki kyari men akela khada tha kintu ab usi kyari men maitri ka ghas-pat nikal aya tha jinaka poshan bhi usi bhojan par avalambit tha.

ai musaphir chhah mahine gujar gaye aur pndit shridhar vapas n aye. pahadon ki chotiyon par chhaya hua him ghul-ghul kar nadiyon men bahane laga unaki god men phir rng-birng ke phool lahalahane lage. chndrama ki kiranen phir phoolon ki mahak soonghane lagin. sabhi parvaton ke pakshi apani varshik yatr samapt kar phir svadesh a pahunche kintu pndit ji riyasat ke kamon men aise ulajhe ki mere nirntar agrah karane par bhi arjun nagar n aye. vidyadhari ki or se vah itane udasin kyon hue samajh men nahin ata tha. unhen to usaka viyog ek kshan ke lie bhi asahy tha. kintu isase adhik ashchary ki bat yah thi ki vidyadhari ne bhi agrahapoorn patron ke likhane ke atirikt unake pas jane ka kasht n uthaya. vah apane patron men likhati- svami ji main bahut vyakul hoon yahan mera ji jara bhi nahin lagata. ek din ek-ek varsh ke saman vyatit hota hai. n din ko chain n rat ko nind. kya ap mujhe bhool gaye mujhase kaun-sa aparadh hua kya apako mujh par daya bhi nahin ati main apake viyog men ro-ro kar mari jati hoon. nity svapn dekhati hoon ki ap a rahe hain par yah svapn sachcha nahin hota. usake patr aise hi premamay shabdon se bhare hote the aur isamen bhi koee sndeh nahin ki jo kuchh vah likhati thi vah bhi aksharashah saty tha magar itani vyakulata itani chinta aur itani udvignata par bhi usake man men kabhi yah prashn n utha ki kyon n main hi unake pas chali chaloon.

bahut hi suhavani ritu thi. gyanasarovar men yauvan-kal ki abhilashaon ki bhanti kamal ke phool khile hue the. raja ranajitasinh ki pachisavin jaynti ka shubh-muhoort aya. sare nagar men anndotsav ki taiyariyan hone lagin. grihaniyan kore-kore dipak pani men bhigone lagin ki vah adhik tel n sokh jayn. chaitr ki poornima thi kintu dipak ki jagamagahat ne jyotsana ko mat kar diya tha. mainne raja sahab ke lie isphahan se ek ratn-jatit talavar mnga rakhi thi. darabar ke any jagiradaron aur adhikariyon ne bhi bhanti-bhanti ke upahar mnga rakhe the. mainne vidyadhari ke ghar ja kar dekha to vah ek pushpahar goonth rahi thi. main adh ghnte tak usake sammukh khadi rahi kintu vah apane kam men itani vyast thi ki use meri ahat bhi n mili. tab mainne dhire se pukara bahan vidyadhari ne chaunk kar sir uthaya aur badi shighrata se vah har phool ki dali men chhipa diya aur lajjit ho kar boli-kya tum der se khadi ho mainne uttar diya-adh ghnte se adhik hua.

vidyadhari ke chehare ka rng ud gaya ankhen jhuk gayin kuchh hichakichayi kuchh ghabarayi apane aparadhi hriday ko in shabdon se shant kiya- yah har mainne thakur ji ke lie goontha hai. is samay vidyadhari ki ghabarahat ka bhed main kuchh n samajhi. thakur ji ke lie har goonthana kya koee lajja ki bat hai phir jab vah har meri najaron se chhipa diya gaya to usaka zikr hi kya ham donon ne kitani hi bar sath baith kar har goonthe the. koee nipun malin bhi hamase achchhe har n goonth sakati thi magar isamen sharm kya doosare din yah rahasy meri samajh men a gaya. vah har raja ranadhirasinh ko upahar men dene ke lie banaya gaya tha.

yah bahut sundar vastu thi. vidyadhari ne apana sara chatury usake banane men kharch kiya tha. kadachith yah sabase uttam vastu thi jo raja sahab ko bhent kar sakati thi. vah brahmani thi. raja sahab ki gurumata thi. usake hathon se yah upahar bahut hi shobha deta tha kintu yah bat usane mujhase chhipayi kyon

mujhe us din rat bhar nind n ayi. usake is rahasy-bhav ne use meri najaron se gira diya. ek bar ankh jhapaki to mainne use svapn men dekha mano vah ek sundar pushp hai kintu usaki bas mit gayi ho. vah mujhase gale milane ke lie badhi kintu main hat gayi aur boli ki toone mujhase yah bat chhipayi kyon

ai musaphir raja ranadhirasinh ki udarata ne praja ko malamal kar diya. reeson aur amiron ne khilaten payin. kisi ko ghoda mila kisi ko jagir mili. mujhe unhonne shribhagavadgita ki ek prati ek makhamali baste men rakh di. vidyadhari ko ek bahumooly jadaoo kngan mila. us kngan men anamol hire jade hue the. dehali ke nipun svarnakaron ne isake banane men apani kala ka chamatkar dikhaya tha. vidyadhari ko ab tak abhooshanon se itana prem n tha ab tak sadagi hi usaka abhooshan aur pavitrata hi usaka shrringar thi par is kngan par vah lot-pot ho gayi.

ashadh ka mahina aya. ghataen gaganamndal men mndarane lagin. pndit shridhar ko ghar ki sudh ayi. patr likha ki main a raha hoon. vidyadhari ne makan khoob saf karaya aur svayn apana banav-shrringar kiya. usake vastron se chndan ki mahak ud rahi thi. usane kngan ko sndookache se nikala aur sochane lagi ki ise pahanoon ya n pahanoon usake man ne nishchay kiya ki n pahanoongi. sndook bnd karake rakh diya.

sahasa laundi ne a kar soochana di ki pndit ji a gaye. yah sunate hi vidyadhari lapak kar uthi kintu pati ke darshanon ki utsukata use dvar ki or nahin le gayi. usane badi phurti se sndookacha khola kngan nikal kar pahana aur apani soorat aine men dekhane lagi.

idhar pndit ji prem ki utkntha se qadam badhate dalan se angan aur angan se vidyadhari ke kamare men a pahunche. vidyadhari ne a kar unake charanon ko apane sir se sparsh kiya. pndit ji usaka yah shrringar dekh kar dng rah gaye. ekaek unaki drishti us kngan par padi. raja ranadhirasinh ki sngat ne unhen ratnon ka parakhi bana diya tha. dhyan se dekha to ek-ek nagina ek-ek hazar ka tha. chakit ho kar bole yah kngan kahan mila

vidyadhari ne javab pahale hi soch rakha tha. rani priynvada ne diya hai. yah jivan men pahala avasar tha ki vidyadhari ne apane patidev se kapat kiya. jab hriday shuddh n ho to mukh se saty kyonkar nikale ! yah kngan nahin varanh ek vishaila nag tha.

ek saptah gujar gaya. vidyadhari ke chitt ki shanti aur prasannata lupt ho gayi thi. yah shabd ki rani priynvada ne diya hai pratikshan usake kanon men goonja karate. vah apane ko dhikkarati ki mainne apane pranadhar se kyon kapat kiya. bahudha roya karati. ek din usane socha ki kyon n chal kar pati se sara vrittant suna doon. kya vah mujhe kshama n karenge yah soch kar uthi kintu pati ke sammukh jate hi usaki jaban bnd ho gayi. vah apane kamare men ayi aur phoot-phoot kar rone lagi. kngan pahan kar use bahut annd hua tha. isi kngan ne use hnsaya tha ab vahi rula raha hai.

vidyadhari ne rani ke sath bagon men sair karana chhod diya chaupad aur shatarnj usake nam ko roya karate. yah sare din apane kamare men padi roya karati aur sochati ki kya karoon. kale vastr par kala dag chhip jata hai kintu ujjval vastr par kalima ki ek boond bhi jhalakane lagati hai. vah sochati isi kngan ne mera sukh har liya hai yahi kngan mujhe rakt ke ansoo rula raha hai. sarp jitana sundar hota hai utana hi vishakt bhi hota hai. yah sundar kngan vishadhar nag hai main usaka sir kuchal daloongi. yah nishchay karake usane ek din apane kamare men koyale ka alav jalaya charon taraph ke kivad bnd kar diye aur us kngan ko jisane usake jivan ko snkatamay bana rakha tha sndookache se nikal kar ag men dal diya. ek din vah tha ki kngan use pranon se bhi pyara tha use makhamali sndookache men rakhati thi aj use itani nirdayata se ag men jala rahi hai.

vidyadhari alav ke samane baithi huee thi itane men pndit shridhar ne dvar khatakhataya. vidyadhari ko kato to lohoo nahin. usane uth kar dvar khol diya aur sir jhuka kar khadi ho gayi. pndit ji ne bade ashchary se kamare men nigah daudayi par rahasy kuchh samajh men n aya. bole ki kivad band karake kya ho raha hai vidyadhari ne uttar n diya. tab pndit ji ne chhadi utha li aur alav kureda to kngan nikal aya. usaka snpoornatah roopantar ho gaya tha. n vah chamak thi n vah rng n vah akar. ghabara kar bole vidyadhari tumhari buddhi kahan hai

vidya.-bhrasht ho gayi hai.

pndit-is kngan ne tumhara kya bigada tha

vidya.-isane mere hriday men ag laga rakhi hai.

pndit-aisi amooly vastu mitti men mil gayi.

vidya.-isane usase bhi amooly vastu ka apaharan kiya hai.

pndit-tumhara sir to nahin phir gaya hai

vidya.-shayad apaka anuman saty hai.

pndit ji ne vidyadhari ki or chubhanevali nigahon se dekha. vidyadhari ki ankhen niche ko jhuk gayin. vah unase ankhen n mila saki. bhay hua ki kahin yah tivr drishti mere hriday men n chubh jay. pndit ji kathor svar men bole-vidyadhari tumhen spasht kahana hoga. vidyadhari se ab n ruka gaya vah rone lagi aur pndit ji ke sammukh dharati par gir padi.

vidyadhari ko jab sudh ayi to pndit ji ka vahan pata n tha. ghabarayi huee bahar ke divanakhane men ayi magar yahan bhi unhen n paya. naukaron se poochha to maloom hua ki ghode par savar ho kar gyanasarovar ki or gaye hain. yah sun kar vidyadhari ko kuchh dhadhas hua. vah dvar par khadi ho kar unaki rah dekhati rahi. dopahar hua soory sir par aya sndhya huee chidiyan basera lene lagin phir rat ayi gagan men taragan jagamagane lage kintu vidyadhari divar ki bhanti khadi pati ka intazar karati rahi. rat bhig gayi vanajntuon ke bhayanak shabd kanon men ane lage sannata chha gaya. sahasa use ghode ke tapon ki dhvani sunayi di. usaka hriday phadakane laga. anndonmatt ho kar dvar ke bahar nikal ayi kintu ghode par savar n tha. vidyadhari ko ab vishvas ho gaya ki ab patidev ke darshan n honge. ya to unhonne sannyas le liya ya atmaghat kar liya. usake knth se vairagy aur vishad men doobi huee thndi sans nikali. vahin bhoomi par baith gayi aur sari rat khoon ke ansoo bahati rahi. jab usha ki nidra bhng huee aur pakshi anndagan karane lage tab vah dukhiya uthi aur andar jakar let rahi.

jis prakar soory ka tav jal ko sokh leta hai usi bhanti shok ke tav ne vidyadhari ka rakt jala diya. mukh se thndi sans nikalati thi ankhon se garm ansoo bahate the. bhojan se aruchi ho gayi aur jivan se ghrina. isi avastha men ek din raja ranadhirasinh samavedana-bhav se usake pas aye. unhen dekhate hi vidyadhari ki ankhen raktavarn ho gayin krodh se onth kanpane lage jhallayi huee nagin ki bhanti phuphakar kar uthi aur raja ke sammukh a kar karkash svar men boli papi yah ag teri hi lagayi huee hai. yadi mujhamen ab bhi kuchh saty hai to tujhe is dushtata ke kaduve phal milenge. ye tir ke-se shabd raja ke hriday men chubh gaye. munh se ek shabd bhi n nikala. kal se n daranevala rajapoot ek stri ki agney drishti se kanp utha.

ek varsh bit gaya himalay par manohar hariyali chhayi phoolon ne parvat ki god men krida karani shuroo ki. yah ritu biti jal-thal ne barf ki suphed chadar odhi jalapakshiyon ki malaen maidanon ki or udati huee dikhaee dene lagin. yah mausam bhi gujara. nadi-nalon men doodh ki dharen bahane lagin chndrama ki svachchh nirmal jyoti gyanasarovar men thirakane lagi parntu pndit shridhar ki kuchh toh n lagi. vidyadhari ne rajabhavan tyag diya aur ek purane nirjan mndir men tapasviniyon ki bhanti kalakshep karane lagi. us dukhiya ki dasha kitani karunajanak thi. use dekh kar meri ankhen bhar ati thin. vah meri pyari sakhi thi. usaki sngat men mere jivan ke kee varsh anand se vyatit hue the. usaka yah apar duahkh dekh kar main apana duahkh bhool gayi. ek din vah tha ki usane apane pativrat ke bal par manushy ko pashu ke roop men parinat kar diya tha aur aj yah din hai ki usaka pati bhi use tyag raha hai. kisi stri ke hriday par isase adhik lajjajanak isase adhik pranaghatak aghat nahin lag sakata. usaki tapasya ne mere hriday men use phir usi samman ke pad par bitha diya. usake satitv par phir meri shraddha ho gayi kintu usase kuchh poochhate santvana dete mujhe snkoch hota tha. main darati thi ki kahin vidyadhari yah n samajhe ki main usase badala le rahi hoon. kee mahinon ke bad jab vidyadhari ne apane hriday ka bojha halaka karane ke lie svayn mujhase yah vrittant kaha to mujhe gyan hua ki yah sab kante raja ranadhirasinh ke boye hue the. unhin ki prerana se rani ji ne pndit ji ke sath jane se roka. usake svabhav ne jo kuchh rng badala vah rani ji hi ki kusngati ka phal tha. unhin ki dekha-dekhi use banav-shrringar ki chat padi unhin ke mana karane se usane kngan ka bhed pndit ji se chhipaya. aisi ghatanaen striyon ke jivan men nity hoti rahati hain aur unhen jara bhi shnka nahin hoti. vidyadhari ka pativrat adarsh tha. isalie yah vichalata usake hriday men chubhane lagi. main yah nahin kahati ki vidyadhari karttavyapath se vichalit nahin huee chahe kisi ke bahakane se chahe apane bholepan se usane karttavy ka sidha rasta chhod diya parantu pap-kalpana usake dil se koson door thi.

ai musaphir mainne pndit shridhar ka pata lagana shuroo kiya. main unaki manovritti se parichit thi. vah shriramachndr ke bhakt the. kaushalapuri ki pavitr bhoomi aur sarayoo nadi ke ramanik tat unake jivan ke sukhasvapn the. mujhe khayal aya ki sambhav hai unhonne ayodhya ki rah li ho. kahin mere prayatn se unaki khoj mil jati aur main unhen la kar vidyadhari ke gale se mila deti to mera jivan saphal ho jata. is virahini ne bahut duahkh jhele hain. kya ab bhi devataon ko us par daya n ayegi ek din mainne sherasinh se kaha aur panch vishvast manushy ke sath ayodhya ko chali. pahadon se niche utarate hi rel mil gayi. usane hamari yatr sulabh kar di. bisaven din main ayodhya pahunch gayi aur dharmashale men thahari. phir sarayoo men snan karake shriramachndr ke darshan ko chali. mandir ke angan men pahunchi hi thi ki pndit shridhar ki saumy moorti dikhayi di. vah ek kushasan par baithe hue ramayan ka path kar rahe the aur sahò nar-nari baithe hue unaki amritavani ka anand utha rahe the.

pndit ji ki drishti mujh par jyon hi padi vah asan se uthakar mere pas aye aur bade prem se mera svagat kiya. do-dhaee ghnte tak unhonne mujhe us mndir ki sair karayi. mndir ki chhat par se sara nagar shatarnj ki bisat ki bhanti mere pairon ke niche phaila hua dikhayi deta tha. mndagamini vayu sarayoo ki tarngon ko dhire-dhire thapakiyan de rahi thi. aisa jan padata tha mano snehamayi mata ne is nagar ko apani god men liya ho. yahan se jab apane dere ko chali tab pndit ji bhi mere sath aye. jab vah itaminan se baithe to mainne kaha-apane to ham logon se nata hi tod liya.

pndit ji ne dukhit hokar kaha-vidhata ki yahi ichchha thi. mera kya vash tha. ab to shriramachndr ki sharan a gaya hoon aur shesh jivan unhin ki seva men bhent hoga.

main-ap to shriramachndr ki sharan men a gaye hain us abala vidyadhari ko kisaki sharan men chhod diya hai

pndit-apake mukh se ye shabd shobha nahin dete.

mainne uttar diya-vidyadhari ko meri sipharish ki avashyakata nahin hai. agar apane usake pativrat par sndeh kiya hai to apase aisa bhishan pap hua hai jisaka prayashchitt ap bar-bar janm le kar bhi nahin kar sakate. apaki yah bhakti is adharm ka nivaran nahin kar sakati. ap kya janate hain ki apake viyog men us dukhiya ka jivan kaise kat raha hai.

kintu pndit ji ne aisa munh bana liya mano is vishay men vah antim shabd kah chuke. kintu main itani asani se unaka pichha kyon chhodane lagi. mainne sari katha adyopant sunayi. aur ranadhirasinh ki kapataniti ka rahasy khol diya tab pndit ji ki ankhen khulin. main vani men kushal nahin hoon kintu us samay saty aur nyay ke paksh ne mere shabdon ko bahut hi prabhavashali bana diya tha. aisa jan padata tha mano meri jihva par sarasvati virajaman hon. ab vah baten yad ati hain to mujhe svayn ashchary hota hai. akhir vijay mere hi sath rahi. pndit ji mere sath chalane par udyat ho gaye.

yahan akar mainne sherasinh ko yahin chhoda aur pndit ji ke sath arjunanagar ko chali. ham donon apane vicharon men magn the. pndit ji ki gardan sharm se jhuki huee thi kyonki ab unaki haisiyat roothanevalon ki bhanti nahin balki mananevalon ki tarah thi.

aj pranay ke sookhe hue dhan men phir pani padega prem ki sookhi huee nadi phir umadegi !

jab ham vidyadhari ke dvar par pahunche to din chadh aya tha. pndit ji bahar hi ruk gaye the. mainne bhitar jakar dekha to vidyadhari pooja par thi. kintu yah kisi devata ki pooja n thi. devata ke sthan par pndit ji ki khadaoon rakhi huee thi. pativrat ka yah alaukik drishy dekh kar mera hriday pulakit ho gaya. mainne daud kar vidyadhari ke charanon par sir jhuka diya. usaka sharir sookh kar kanta ho gaya tha aur shok ne kamar jhuka di thi.

vidyadhari ne mujhe utha kar chhati se laga liya aur boli-bahan mujhe lajjit n karo. khoob ayin bahut dinon se ji tumhen dekhane ko taras raha tha.

mainne uttar diya-jara ayodhya chali gayi thi. jab ham donon apane desh men thin to tab main kahin jati to vidyadhari ke lie koee n koee upahar avashy lati. use vah bat yad a gayi. sajal-nayan ho kar boli-mere lie bhi kuchh layin

main-ek bahut achchhi vastu layi hoon.

vidya.-kya hai dekhoon

main-pahale boojh jao.

vidya.-suhag ki pitari hogi

main-nahin usase achchhi.

vidya.-thakur ji ki moorti

main-nahin usase bhi achchhi.

vidya.-mere pranadhar ka koee samachar

main-usase bhi achchhi.

vidyadhari prabal avesh se vyakul ho kar uthi ki dvar par jakar pati ka svagat kare kintu nirbalata ne man ki abhilasha n nikalane di. tin bar snbhali aur tin bar giri tab mainne usaka sir apani god men rakh liya aur anchal se hava karane lagi. usaka hriday bade veg se dhadak raha tha aur patidarshan ka anand ankhon se ansoo ban kar nikalata tha.

jab jara chit savadhan hua to usane kaha-unhen bula lo unaka darshan mujhe ramaban ho jayaga. aisa hi hua. jyon hi pndit ji andar aye vidyadhari uth kar unake pairon se lipat gayi. devi ne bahut dinon ke bad pati ke darshan paye hain. ashrudhara se unake pair pakhar rahi hai.

mainne vahan thaharana uchit n samajha. in donon praniyon ke hriday men kitani hi baten a rahi hongi donon kya-kya kahana aur kya-kya sunana chahate honge is vichar se main uth khadi huee aur boli-bahan ab main jati hoon sham ko phir aoongi. vidyadhari ne meri or ankhen uthayin. putaliyon ke sthan par hriday rakha hua tha. donon ankhen akash ki or utha kar boli-eeshvar tumhen is yash ka phal den.

ai musaphir mainne do bar pndit shridhar ko maut ke munh se bachaya tha kintu aj ka-sa annd kabhi n prapt hua tha.

jab main gyanasarovar par pahunchi to dopahar ho ayi thi. vidyadhari ki shubhakamana mujhase pahale hi pahunch chuki thi. mainne dekha ki koee purush gupha se nikal kar gyanasarovar ki or chala jata hai. mujhe ashchary hua ki is samay yahan kaun aya. lekin jab samip a gaya to mere hriday men aisi tarngen uthane lagin mano chhati se bahar nikal padega. yah mere praneshvar mere patidev the. main charanon par girana hi chahati thi ki unaka kar-pash mere gale men pad gaya.

poore das varshon ke bad aj mujhe yah shubh din dekhana nasib hua. mujhe us samay aisa jan padata tha ki gyanasarovar ke kamal mere hi lie khile hain giriraj ne mere hi lie phool ki shayya di hai hava mere hi lie jhoomati huee a rahi hai.

das varshon ke bad mera ujada hua ghar basa gaye hue din laute. mere annd ka anuman kaun kar sakata hai.

mere pati ne premakaruna bhari ankhon se dekh kar kaha priynvada !


tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah