विध्वंस -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

jila banaras men bira nam ka ek ganv hai. vahan ek vidhava vriddha, sntanahin, gondin rahati thi, jisaka bhunagi nam tha. usake pas ek dhur bhi zamin n thi aur n rahane ka ghar hi tha. usake jivan ka sahara keval ek bhad tha. ganv ke log prayah ek bela chabaina ya sattoo par nirvah karate hi hain, isalie bhunagi ke bhad par nity bhid lagi rahati thi. vah jo kuchh bhunaee pati vahi bhoon ya pis kar kha leti aur bhad hi ki jhonpadi ke ek kone men pad rahati. vah pratahkal uthati aur charon or se bhad jhonkane ke lie sookhi pattiyan bator lati. bhad ke pas hi, pattiyon ka ek bada dher laga rahata tha. dopahar ke bad usaka bhad jalata tha. lekin jab ekadashi ya poornamasi ke din prathanusar bhad n jalata, ya ganv ke zamindar pndit udayabhan pande ke dane bhoonane padate, us din use bhookhe hi so rahana padata tha. pndit ji usase begar men dane hi n bhunavate the, use unake ghar ka pani bhi bharana padata tha. aur kabhi-kabhi is hetu se bhi bhad band rahata tha. vah pndit ji ke ganv men rahati thi, isalie unhen usase sabhi prakar ki begar lene ka adhikar tha. use anyay nahin kaha ja sakata. anyay keval itana tha ki begar sookhi lete the. unaki dharana yah thi ki jab khane hi ko diya gaya to begar kaisi. kisan ko adhikar hai ki bailon ko din bhar jotane ke bad sham ko khoonte se bhookha bandh de. yadi vah aisa nahin karata to yah usaki dayaluta nahin hai, keval apani hit chinta hai. pndit ji ko usaki chinta n thi kyonki ek to bhunagi do-ek din bhookhi rahane se mar nahin sakati thi aur yadi daivayog se mar bhi jati to usaki jagah doosara gond badi asani se basaya ja sakata tha. pndit ji ki yahi kya kam kripa thi ki vah bhunagi ko apane ganv men basaye hue the.

chait ka mahina tha aur snkranti ka parv. aj ke din naye ann ka sattoo khaya aur dan diya jata hai. gharon men ag nahin jalati. bhunagi ka bhad aj bade joron par tha. usake samane ek mela-sa laga hua tha. sans lene ka bhi avakash n tha. gahakon ki jaldabaji par kabhi-kabhi jhunjhala padati thi, ki itane men zamindar sahab ke yahan se do bade-bade tokare anaj se bhare hue a pahunche aur hukm hua ki abhi bhoon de. bhunagi donon tokare dekh kar saham uthi. abhi dopahar tha par sooryast ke pahale itana anaj bhunana asnbhav tha. ghadi-do-ghadi aur mil jate to ek athavare ke khane bhar ko anaj hath ata. daiv se itana bhi n dekha gaya, in yamadooton ko bhej diya. ab pahar rat tak sentament men bhad men jalana padega; ek nairashy bhav se donon tokare le liye.

chaparasi ne dant kar kaha- der n lage, nahin to tum janogi.

bhunagi- yahin baithe raho, jab bhun jay to le kar jana. kisi doosare ke dane chhuoon to hath kat lena.

chaparasi- baithane ki hamen chhutti nahin hai, lekin tisare pahar tak dana bhun jay.

chaparasi to yah takid karake chalate bane aur bhunagi anaj bhoonane lagi. lekin man bhar anaj bhoonana koee hnsi to thi nahin, us par bich-bich men bhunaee band karake bhad bhi jhonkana padata tha. atev tisara pahar ho gaya aur adha kam bhi n hua. use bhay hua ki zamindar ke adami ate honge. ate hi galiyan denge, marenge. usane aur veg se hath chalana shuroo kiya. raste ki or takati aur baloo nand men chhodati jati thi. yahan tak ki baloo thndi ho gayi, sevade nikalane lage. usaki samajh men n ata tha, kya kare. n bhoonate banata tha n chhodate banata tha. sochane lagi kaisi vipatti hai. pndit ji kaun meri rotiyan chala dete hain, kaun mere ansoo ponchh dete hain. apana rakt jalati hoon tab kahin dana milata hai. lekin jab dekho khopadi par savar rahate hain, isalie n ki unaki char angul dharati se mera nistar ho raha hai. kya itani-si zamin ka itana mol hai ? aise kitane hi tukade ganv men bekam pade hain, kitani bakhariyan ujad padi huee hain. vahan to kesar nahin upajati phir mujhi par kyon yah athon pahar dhauns rahati hai. koee bat huee aur yah dhamaki mili ki bhad khod kar phenk doonga, ujad doonga, mere sir par bhi koee hota to kya bauchharen sahani padatin.

vah inhin kutsit vicharon men padi huee thi ki donon chaparasiyon ne akar karkash svar men kaha- kyon ri, dane bhun gaye.

bhunagi ne nidar ho kar kaha- bhoon to rahi hoon. dekhate nahin ho.

chaparasi- sara din bit gaya aur tumase itana anaj n bhoona gaya ? yah too dana bhoon rahi hai ki use chaupat kar rahi hai. yah to bilakul sevade hain, inaka sattoo kaise banega. hamara satyanash kar diya. dekh to aj maharaj teri kya gati karate hain.

parinam yah hua ki usi rat ko bhad khod dala gaya aur vah abhagini vidhava niravalamb ho gayi.

bhunagi ko ab rotiyon ka koee sahara n raha. ganvavalon ko bhi bhad ke vidhvns ho jane se bahut kasht hone laga. kitane hi gharon men dopahar ko dana hi n mayassar hota. logon ne ja kar pndit ji se kaha ki budhiya ko bhad jalane ki agya de dijie, lekin pndit ji ne kuchh dhyan n diya. vah apana rob n ghata sakate the. budhiya se usake kuchh shubhachintakon ne anurodh kiya ki ja kar kisi doosare ganv men kyon nahin bas jati. lekin usaka hriday is prastav ko svikar n karata. is ganv men usane apane adin ke pachas varsh kate the. yahan ke ek-ek ped-patte se use prem ho gaya tha ! jivan ke sukh-duahkh isi ganv men bhoge the. ab antim samay vah ise kaise tyag de ! yah kalpana hi use snkatamay jan padati thi. doosare ganv ke sukh se yahan ka duahkh bhi pyara tha.

is prakar ek poora mahina gujar gaya. pratahkal tha. pndit udayabhan apane do-tin chaparasiyon ko liye lagan vasool karane ja rahe the. karindon par unhen vishvas n tha. najarane men, dand-bandh men, rasoom men vah kisi any vyakti ko sharik n karate the. budhiya ke bhad ki or taka to badan men ag-si lag gayi. usaka punaruddhar ho raha tha. budhiya bade veg se us par mitti ke londe rakh rahi thi. kadachith usane kuchh rat rahate hi kam men hath laga diya tha aur sooryoday se pahale hi use samapt kar dena chahati thi. use leshamatr bhi shnka n thi ki main zamindar ke viruddh koee kam kar rahi hoon. krodh itana chirajivi ho sakata hai isaka samadhan bhi usake man men n tha. ek pratibhashali purush kisi din abala se itana kina rakh sakata hai use usaka dhyan bhi n tha. vah svabhavatah manav-charitr ko isase kahin ooncha samajhati thi. lekin ha ! hatabhagini ! toone dhoop men hi bal saphed kiye.

sahasa udayabhan ne garaj kar kaha- kisake hukm se ?

bhunagi ne hakabaka kar dekha to samane zamindar mahoday khade hain.

udayabhan ne phir poochha- kisake hukm se bana rahi hai ?

bhunagi darate hue boli- sab log kahane lage bana lo, to bana rahi hoon.

udayabhan- main abhi ise phir khudava daloonga. yah kah unhonne bhad men ek thokar mari. gili mitti sab kuchh liye diye baith gayi. doosari thokar nand par chalayi lekin budhiya samane a gayi aur thokar usaki kamar par padi. ab use krodh aya. kamar sahalate hue boli- maharaj, tumhen adami ka dar nahin hai to bhagavanh ka dar to hona chahie. mujhe is tarah ujad kar kya paoge ? kya is char angul dharati men sona nikal ayega ? main tumhare hi bhale ki kahati hoon, din ki hay mat lo. mera roan dukhi mat karo.

udayabhan- ab to yahan phir bhad n banayegi.

bhunagi- bhad n banaoongi to khaoongi kya ?

udayabhan- tere pet ka hamane theka nahin liya hai.

bhunagi- tahal to tumhari karati hoon khane kahan jaoon ?

udayabhan- ganv men rahogi to tahal karani padegi.

bhunagi- tahal to tabhi karoongi jab bhad banaoongi. ganv men rahane ke nate tahal nahin kar sakati.

udayabhan- to chhod kar nikal ja.

bhunagi- kyon chhod kar nikal jaoon. barah sal khet jotane se asami kashtakar ho jata hai. main to is jhonpade men boodhi ho gayi. mere sas-sasur aur unake bap-dade isi jhonpade men rahe. ab ise yamaraj ko chhod kar aur koee mujhase nahin le sakata.

udayabhan- achchha to ab qanoon bhi bagharane lagi. hath-pair padati to chahe main rahane bhi deta, lekin ab tujhe nikal kar tabhi dam loonga. (chaparasiyon se) abhi ja kar usake pattiyon ke dher men ag laga do, dekhen kaise bhad banata hai.

ek kshan men hahakar mach gaya. jvala-shikhar akash se baten karane laga. usaki lapaten kisi unmatt ki bhanti idhar-udhar daudane lagin. sare ganv ke log us agni-parvat ke charon or jama ho gaye. bhunagi apane bhad ke pas udasin bhav men khadi yah lnkadahan dekhati rahi. akasmath vah veg se a kar usi agni-kund men kood padi. log charon taraph se daude, lekin kisi ki himmat n padi ki ag ke munh men jay. kshanamatr men usaka sookha hua sharir agni men samavisht ho gaya.

usi dam pavan bhi veg se chalane laga. oordhvagami lapaten poorv disha ki or daudane lagin. bhad ke samip hi kisanon ki kee jhonpadiyan thin, vah sab unmatt jvalaon ka gras ban gayin. is bhanti protsahit hokar lapaten aur age badhin. samane pndit udayabhan ki bakhar thi, us par jhapatin. ab ganv men halachal padi. ag bujhane ki taiyariyan hone lagin. lekin pani ke chhinton ne ag par tel ka kam kiya. jvalaen aur bhadakin aur pndit ji ke vishal bhavan ko daboch baithin. dekhate hi dekhate vah bhavan us nauka ki bhanti jo unmatt tarngon ke bich men jhakore kha rahi ho, agni-sagar men vilin ho gaya aur vah krndan-dhvani jo usake bhasmavashesh men prasphutit hone lagi, bhunagi ke shokamay vilap se bhi adhik karunakari thi.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah