वैर का अंत -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

rameshvararay apane bade bhaee ke shav ko khat se niche utarate hue bhaee se bole-tumhare pas kuchh rupaye hon to lao, dah-kriya ki fikr karen, main bilakul khali hath hoon.

chhote bhaee ka nam vishveshvararay tha. vah ek zamindar ke karinda the, amadani achchhi thi. bole, adhe rupaye mujhase le lo. adhe tum nikalo.

rameshvar-mere pas rupaye nahin hain.

vishveshvar-to phir inake hisse ka khet rehan rakh do.

rame.-to jao, koee mahajan thik karo. der n lage. vishveshvararay ne apane ek mitr se kuchh rupaye udhar liye, us vakt ka kam chala. pichhe phir kuchh rupaye liye, khet ki likha-padhi kar di. kul panch bighe zamin thi. 300 ru. mile. ganv ke logon ka anuman hai ki kriya-karm men mushkil se 100 ru. uthe honge. par vishveshvararay ne shodshi ke din 301 ru. ka lekha bhaee ke samane rakh diya. rameshvararay ne chakit ho kar poochha-sab rupaye uth gaye ?

vishve.-kya main itana nich hoon ki karani ke rupaye bhi kuchh utha rakhoonga ? kisako yah dhan pachega ?

rame.-nahin, main tumhen beeeman nahin banata, khali poochhata tha.

vishve.-kuchh shak ho to jis baniye se chizen li gayi hain, usase poochh lo.

2

sal bhar ke bad ek din vishveshvararay ne bhaee se kaha-rupaye hon to lao, khet chhuda len.

rame.-mere pas rupaye kahan se aye. ghar ka hal tumase chhipa thode hi hai.

vishve.-to main sab rupaye dekar zamin chhodaye leta hoon. jab tumhare pas rupaye hon, adha de kar apani adhi zamin mujhase le lena.

rame.-achchhi bat hai, chhuda lo.

30 sal gujar gaye. vishveshvararay zamin ko bhogate rahe, use khad gobar se khoob sajaya.

unhonne nishchay kar liya tha ki yah zamin n chhodoonga. mera to is par mauroosi hak ho gaya. adalat se bhi koee nahin le sakata. rameshvararay ne kee bar yatn kiya ki rupaye de kar apana hissa le len; par tis sal men ve kabhi 150 ru. jama n kar sake.

magar rameshvararay ka ladaka jageshvar kuchh snbhal gaya. vah gadi ladane ka kam karane laga tha aur is kam men use achchha napha bhi hota tha. use apane hisse ki rat-din chinta rahati thi. ant men usane rat-din shram karake yathesht dhan bator liya aur ek din chacha se bola-kaka, apane rupaye le lijie. main apana nam chadhava loon.

vishve.-apane bap ke tumhin chatur bete nahin ho. itane dinon tak kan n hilaye, jab mainne zamin sona bana liya tab hissa bantane chale ho ? tumase mangane to nahin gaya tha.

jage.-to ab zamin n milegi ?

rame.-bhaee ka hak mar kar koee sukhi nahin rahata.

vishve.-jamin hamari hai. bhaee ki nahin.

jage.-to ap sidhe n dijiega ?

vishve.-n sidhe doonga, n tedhe se doonga. adalat karo.

jage.-adalat karane ki mujhe samarthy nahin hai; par itana kahe deta hoon ki zamin chahe mujhe n mile; par apake pas n rahegi.

vishve.-yah dhamaki ja kar kisi aur ko do.

jage.-phir yah n kahiyega ki bhaee ho kar vairi ho gaya.

vishve.-ek hazar ganth men rakh kar tab jo kuchh ji men aye, karana.

jage.-main garib adami hazar rupaye kahan se laoonga; par kabhi-kabhi bhagavanh dinon par dayalu ho jate hain.

vishve.-main is dar se bil nahin khod raha hoon.

rameshvararay to chup hi raha par jageshvar itana kshamashil n tha. vakil se batachit ki. vah ab adhi nahin; poori zamin par dant lagae hue tha.

mrit siddheshvararay ke ek ladaki tapeshvari thi. apane jivan-kal men ve usaka vivah kar chuke the. use kuchh maloom hi n tha ki bap ne kya chhoda aur kisane liya. kriya-karm achchhi tarah ho gaya; vah isi men khush thi. shodshi men ayi thi. phir sasural chali gayi. 30 varsh ho gaye, n kisi ne bulaya, n vah maike ayi. sasural ki dasha bhi achchhi n thi. pati ka dehant ho chuka tha. ladake bhi alp vetan par naukar the. jageshvar ne apani phoophi ko ubharana shuroo kiya. vah usi ko muddee banana chahata tha.

tapeshvari ne kaha-beta, mujhe bhagavanh ne jo diya hai, usi men magan hoon. mujhe jagah-jamin n chahie. mere pas adalat karane ko dhan nahin hai.

jage.-rupaye main lagaoonga, tum khali dava kar do.

tapeshvari-bhaiya tumhen khada kar kisi kam ka n rakhenge.

jage.-yah nahin dekha jata ki ve jayadad le kar majen udaven aur ham munh taken. main adalat ka kharch de doonga. is zamin ke pichhe bik jaoonga par unaka gala n chhodoo़़nga.

tapeshvari-agar zamin mil bhi gayi to tum apane rupayon ke evaj men le loge, mere hath kya lagega ? main bhaee se kyon buri banoon ?

jage.-jamin ap le lijiega, main keval chacha sahab ka ghamnd todana chahata hoon.

tapeshvari-achchha, jao, meri taraph se dava kar do.

jageshvar ne socha, jab chacha sahab ki mutthi se zamin nikal ayegi tab main das-panch rupaye sal par inase le loonga. inhen abhi kaudi nahin milati. jo kuchh milega, usi ko bahut samajhengi. doosare din dava kar diya. munsiph ke ijalas men mukadama pesh hua. vishveshvararay ne siddh kiya ki tapeshvari siddheshvar ki kanya hi nahin hai.

ganv ke adamiyon par vishveshvararay ka dabav tha. sab log usase rupaye-paise udhar le jate the. mamale-mukadame men unase salah lete. sabane adalat men bayan kiya ki ham logon ne kabhi tapeshvari ko nahin dekha. siddheshvar ke koee ladaki hi n thi. jageshvar ne bade-bade vakilon se pairavi karayi, bahut dhan kharch kiya, lekin munsiph ne usake viruddh phaisala sunaya. bechara hatash ho gaya. vishveshvar ki adalat men sabase jan-pahachan thi. jageshvar ko jis kam ke lie mutthiyon rupaye kharch karane padate the, vah vishveshvar murauvat men kara leta.

jageshvar ne apil karane ka nishchay kiya. rupaye n the, gadi-bail bech dale. apil huee. mahinon mukadama chala. bechara subah se sham tak kachahari ke amalon aur vakilon ki khushamad kiya karata, rupaye bhi uth gaye, mahajanon se rin liya. bare abaki usaki digri ho gayi. panch sau ka bojh sir par ho gaya tha, par ab jit ne ansoo ponchh diye.

vishveshvar ne haeekort men apil ki. jageshvar ko ab kahin se rupaye n mile. vivash hokar apane hisse ki zamin rehan rakhi. phir ghar bechane ki naubat ayi. yahan tak ki striyon ke gahane bhi bik gaye. ant men haeekort se bhi usaki jit ho gayi. anndotsav men bachi-khuchi poonji bhi nikal gayi. ek hazar par pani phir gaya. han, sntosh yahi tha ki ye panchon bighe mil gaye. tapeshvari kya itani nirday ho jayagi ki thali mere samane se khinch legi.

lekin kheton par apana nam chadhate hi tapeshvari ki niyat badali. usane ek din ganv men akar poochh-tachh ki to maloom hua ki panchon bighe 100 ru. men uth sakate hain. lagan keval 25 ru. tha, 75 ru. sal ka napha tha. is rakam ne use vichalit kar diya. usane asamiyon ko bula kar unake sath bndobast kar diya. jageshvararay hath malata rah gaya. akhir usase n raha gaya. bola-phoophiji, apane zamin to doosaron ko de di, ab main kahan jaoon.

tapeshvari-beta, pahale apane ghar men diya jala kar tab masjid men jalate hain. itani jagah mil gayi, to maike se nata ho gaya, nahin to kaun poochhata.

jage.-main to ujad gaya !

tapeshvari-jis lagan par aur log le rahe hain, usamen do-char rupaye kam karake tumhin kyon nahin le lete?

tapeshvari to do-char din men vida ho gayi. rameshvararay par vajrapat-sa ho gaya. budhape men mazadoori karani padi. man-maryada se hath dhoya. rotiyon ke lale pad gaye. bap-bete donon pratahkal se sndhya tak mazadoori karate, tab kahin ag jalati. donon men bahudha takarar ho jati. rameshvar sara aparadh bete ke sir rakhata. jageshvar kahata, apane mujhe roka hota to main kyon is vipatti men phnsata. udhar vishveshvararay ne mahajanon ko ukasa diya. sal bhi n gujarane paya tha ki bechare niradhar ho gaye.-jamin nikal gayi, ghar nilam ho gaya, das-bis ped the, ve bhi nilam ho gaye. chaube ji doobe n bane, daridr ho gaye. is par vishveshvararay ke tane aur bhi gajab dhate. yah vipatti ka sabase nokadar kanta tha. atnk ka sabase nirday aghat tha.

do sal tak is duahkhi parivar ne jitani musibaten jhelin, yah unhin ka dil janata hai. kabhi petabhar bhojan n mila. han, itani an thi ki niyat nahin badali. daridrata ne sab kuchh kiya, par atma ka patan n kar saki. kul-maryada men atmaraksha ki badi shakti hoti hai.

ek din sndhya samay donon adami baithe ag tap rahe the ki sahasa ek adami ne akar kaha-thakur chalo, vishveshvararay tumhen bulate hain.

rameshvar ne udasin bhav se kaha-mujhe kyon bulayenge ? main unaka kaun hota hoon? kya koee aur upadrav khada karana chahate hain ?

itane men doosara adami dauda hua akar bola-thakur, jaldi chalo, vishveshvararay ki dasha achchhi nahin hai.

vishveshvararay ko idhar kee dinon se khansi-bukhar ki shikayat thi, lekin shatruon ke vishay men hamen kisi anisht ki shnka nahin hoti. rameshvar aur jageshvar kabhi kushal-samachar poochhane bhi n gaye. kahate, unhen kya hua hai. amiron ko dhan ka rog hota hai. jab aram karane ko ji chaha; palng par let rahe, doodh men saboodana ubal kar mishri mila kar khaya aur phir uth baithe. vishveshvararay ki dasha achchhi nahin hai, yah sun kar bhi donon jagah se n hile. rameshvar ne kaha-dasha ko kya hua hai. aram se pade baten to kar rahe hain.

jage.-kisi vaidy-hakim ko bulane bhejana chahate honge. shayad bukhar tej ho gaya hai.

rame.-yahan kise itani phurasat hai. sara ganv to unaka hitoo hai, jise chahen bhej den.

jage.-harj hi kya hai. jara ja kar sun aoon ?

rame.-ja kar thode upale bator lao, choolha jale, phir jana. thakurasohati karani ati to aj yah dasha n hoti.

jageshvar ne tokari uthayi aur har ki taraph chala ki itane men vishveshvararay ke ghar se rone ki avazen ane lagin. usane tokari phenk di aur dauda hua chacha ke ghar men ja pahuncha. dekha to unhen log charapaee se niche utar rahe the. jageshvar ko aisa jan pada, mere munh men kalikh lagi huee hai. vah angan se dalan men chala aya aur divar men munh chhipa kar rone laga. yuvavastha aveshamay hoti hai. krodh se ag ho jati hai to karuna se pani bhi ho jati hai.

3

vishveshvararay ki tin betiyan thin. unake vivah ho chuke the. tin putr the, ve abhi chhote the. sabase bade ki umr 10 varsh se adhik n thi. mata ji jivit thin. khanevale to char the, kamanevala koee n tha. dehat men jisake ghar men donon joon choolha jale, vah dhani samajha jata hai. usake dhan ke anuman men bhi atyukti se kam liya jata hai. logon ka vichar tha ki vishveshvararay ne hajaron rupaye jama kar liye hain; par vahan vastav men kuchh n tha. amadani par sabaki nigah rahati hai, kharch ko koee nahin dekhata. unhonne ladakiyon ke vivah khoob dil khol kar kiye the. bhojan-vastr men, mehamanon aur natedaron ke adar-satkar men unaki sari amadani gayab ho jati thi. agar ganv men apana rob jamane ke lie dau-char sau rupayon ka len-den kar liya tha, to kee mahajanon ka karz bhi tha. yahan tak ki chhoti ladaki ke vivah men apani zamin giron rakh di thi.

sal bhar tak to vidhava ne jyon-tyon karake bachchon ka bharan-poshan kiya. gahane bech kar kam chalati rahi; par jab yah adhar bhi n raha tab kasht hone laga. nishchay kiya ki tinon ladakon ko tinon kanyaon ke pas bhej doon. rahi apani jan, usaki kya chinta. tisare din bhi pav bhar ata mil jayega to din kat jayenge. ladakiyon ne pahale to bhaiyon ko prem se rakha; kintu tin mahine se zyada koee n rakh saki. unake gharavale chidhate the aur anathon ko marate the. lachar ho mata ne ladakon ko bula liya.

chhote-chhote ladake din-din bhar bhookhe rah jate. kisi ko kuchh khate dekhate to ghar men ja kar man se mangate. phir man se mangana chhod diya. khanevalon hi ke samane ja kar, khade ho jate aur kshudhit netron se dekhate. koee to mutthi bhar chabena nikal kar de deta; par prayah log dutkar dete the.

jadon ke din the. kheton men matar ki phaliyan lagi huee thin. ek din tinon ladake khet men ghus kar matar ukhadane lage. kisan ne dekh liya; dayavan adami tha. khud ek bojha matar ukhad kar vishveshvaray ke ghar par laya aur thakurain se bola-kaki, ladakon ko dant do, kisi ke khet men n jaya karen. jageshvararay usi samay apane dvar par baitha chilam pi raha tha, kisan ko matar late dekha-tinon balak pillon ki bhanti pichhe-pichhe daude chale ate the. usaki ankhen sajal ho gayin. ghar men ja kar pita se bola-chachi ke pas ab kuchh nahin raha, ladake bhookhon mar rahe hain.

rame.-tum triya-charitr nahin janate. yah sab dikhava hai. janm bhar ki kamaee kahan ud gayi ?

jage.-apana kaboo chalate hue koee ladakon ko bhookhon nahin mar sakata.

rame.-tum kya jano. badi chatur aurat hai.

jage.-log hamin logon ko hnsate honge.

rame.-hnsi ki laj hai to ja kar chhanh kar lo, khilao-pilao. hai dam ?

jage.-n bhar-pet khaynge, adhe hi pet sahi. badanami to n hogi ? chacha se ladaee thi. ladakon ne hamara kya bigada hai.

rame.- vah chudail to abhi jiti hai n ?

jageshvar chala aya. usake man men kee bar yah bat ayi thi ki chachi ko kuchh sahayata diya karoon, par unaki jali-kati baton se darata tha. aj se usane ek naya dhng nikala hai. ladakon ko khelate dekhata to bula leta, kuchh khane ko de deta. majooron ko dopahar ki chhutti milati hai. ab vah avakash ke samay kam karake majoori ke paise kuchh zyada pa jata. ghar chalate samay khane ki koee n koee chiz leta ata aur apane gharavalon ki ankh bacha kar un anathon ko de deta. dhire-dhire ladake usase itane hil-mil gaye ki use dekhate hi ‘bhaiya-bhaiya’ kah kar daudate, din bhar usaki rah dekha karate. pahale mata darati thi ki kahin mere ladakon ko bahala kar ye mahashay purani adavat to nahin nikalana chahate hain. vah ladakon ko jageshvar ke pas jane aur usase kuchh le kar khane se rokati, par ladake shatru aur mitr ko boodhon se zyada pahachanate hain. ladake man ke mana karane ki parava n karate, yahan tak ki shanaiah-shanaiah mata ko bhi jageshvar ki sahridayata par vishvas a gaya.

ek din rameshvar ne bete se kaha- tumhare pas rupaye badh gaye hain, to char paise jama kyon nahin karate. lutate kyon ho ?

jage.-main to ek-ek kaudi ki kiphayat karata hoon ?

rame.-jinhen apana samajh rahe ho, ve ek din tumhare shatru honge.

jage.-adami ka dharm bhi to koee chiz hai. purane vair par ek parivar ki bhent nahin kar sakata. mera bigadata hi kya hai, yahi n roj ghnte-do-ghnte aur mehanat karani padati hai.

rameshvar ne munh pher liya. jageshvar ghar men gaya to usaki stri ne kaha-apane man ki hi karate ho, chahe koee kitana hi samajhaye. pahale ghar men adami diya jalata hai.

jage.-lekin yah to uchit nahin ki apane ghar men diya ki jagah momabattiyan jalaye aur masjid ko andhera hi chhod de.

stri-main tumhare sath kya padi, mano kuen men gir padi. kaun sukh dete ho ? gahane utar liye, ab sans bhi nahin lete.

jage.-mujhe tumhare gahane se bhaiyon ki jan zyada pyari hai.

stri ne munh pher liya aur boli-vairi ki sntan kabhi apani nahin hoti.

jageshvar ne bahar jate hue uttar diya-vair ka ant vairi ke jivan ke sath ho jata hai.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah