सद्गति -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

dukhi chamar dvar par jhadoo laga raha tha aur usaki patni jhuriya, ghar ko gobar se lip rahi thi. donon apane-apane kam se phursat pa chuke the, to chamarin ne kaha, ‘to jake pndit baba se kah ao n. aisa n ho kahin chale jayn.‘

dukhi –‘ han jata hoon, lekin yah to soch, baithenge kis chiz par ?’

jhuriya –‘ qahin se khatiya n mil jayagi ? thakurane se mang lana.‘

dukhi –‘ too to kabhi-kabhi aisi bat kah deti hai ki deh jal jati hai. thakuranevale mujhe khatiya denge ! ag tak to ghar se nikalati nahin, khatiya denge ! kaithane men jakar ek lota pani mangoon to n mile. bhala khatiya kaun dega ! hamare upale, senthe, bhoosa, lakadi thode hi hain ki jo chahe utha le jayn. le apani khatoli dhokar rakh de. garami ke to din hain. unake ate-ate sookh jayagi.‘

jhuriya –‘vah hamari khatoli par baithenge nahin. dekhate nahin kitane nem-dharam se rahate hain.‘

dukhi ne jara chintit hokar kaha, ‘han, yah bat to hai. mahue ke patte todakar ek pattal bana loon to thik ho jay. pattal men bade-bade adami khate hain. vah pavittar hai. la to dnda, patte tod loon.‘

jhuriya –‘pattal main bana loongi, tum jao. lekin han, unhen sidha bhi to dena hoga. apani thali men rakh doon ?’

dukhi –‘qahin aisa gajab n karana, nahin to sidha bhi jay aur thali bhi phoote ! baba thali uthakar patak denge. unako badi jaldi virodh chadh ata hai. kirodh men pnditain tak ko chhodate nahin, ladake ko aisa pita ki aj

tak toota hath liye phirata hai. pattal men sidha bhi dena, han. muda too chhoona mat.‘

jhoori –‘ gond ki ladaki ko lekar sah ki dookan se sab chizen le ana. sidha bharapoor ho. ser bhar ata, adha ser chaval, pav bhar dal, adha pav ghi, non, haldi aur pattal men ek kinare char ane paise rakh dena. gond

ki ladaki n mile to bhurjin ke hath-pair jodakar le jana. too kuchh mat chhoona, nahin gajab ho jayaga.‘


in baton ki takid karake dukhi ne lakadi uthaee aur ghas ka ek bada-sa gattha lekar pnditaji se arj karane chala. khali hath babaji ki seva men kaise jata. najarane ke lie usake pas ghas ke sivay aur kya

tha. use khali dekhakar to baba door hi se dutkarate. pn. ghasiram eeshvar ke param bhakt the. nind khulate hi eeshopasan men lag jate. munh-hath dhote ath bajate, tab asali pooja shuroo hoti, jisaka pahala bhag bhng ki taiyari thi. usake bad adha ghante tak chandan ragadate, phir aine ke samane ek tinake se mathe par tilak lagate. chandan ki do rekhaon ke bich men lal rori ki bindi hoti thi. phir chhati par, bahon par chandan ki

gol-gol mudrikaen banate. phir thakuraji ki moorti nikalakar use nahalate, chandan lagate, phool chadhate, arati karate, ghnti bajate. das bajate-bajate vah poojan se uthate aur bhng chhanakar bahar ate. tab tak do-char jajaman dvar par a jate ! eeshopasan ka tatkal phal mil jata. vahi unaki kheti thi. aj vah poojan-grih se nikale, to dekha dukhi chamar ghas ka ek gattha liye baitha hai. dukhi unhen dekhate hi uth khada hua aur unhen sashtang dndavath karake hath bandhakar khada ho gaya. yah tejasvi moorti dekhakar usaka hriday

shrriddha se paripoorn ho gaya ! kitani divy moorti thi. chhota-sa gol-matol adami, chikana sir, phoole gal, brahmatej se pradipt ankhen. rori aur chndan devataon ki pratibha pradan kar rahi thi. dukhi ko dekhakar shrimukh se bole – ‘aj kaise chala re dukhiya ?’

dukhi –‘ne sir jhukakar kaha, bitiya ki sagaee kar raha hoon maharaj. kuchh sait-sagun vicharana hai. kab marji hogi ?’

ghasi –‘aj mujhe chhutti nahin. han sanjh tak a jaoonga.‘

dukhi –‘nahin maharaj, jaldi marji ho jay. sab saman thik kar aya hoon. yah ghas kahan rakh doon ?

ghasi –‘is gay ke samane dal de aur jara jhadoo lekar dvar to saf kar de. yah baithak bhi kee din se lipi nahin gee. use bhi gobar se lip de. tab tak main bhojan kar loon. phir jara aram karake chaloonga. han, yah lakadi bhi chir dena. khalihan men char khanchi bhoosa pada hai. use bhi utha lana aur bhusauli men rakh dena.‘

dukhi phauran hukm ki tamil karane laga. dvar par jhadoo lagaee, baithak ko gobar se lipa. tab barah baj gaye. pnditaji bhojan karane chale gaye. dukhi ne subah se kuchh nahin khaya tha. use bhi zor ki bhookh lagi; par vahan

khane ko kya dhara tha. ghar yahan se mil bhar tha. vahan khane chala jay, to pnditaji bigad jayn. bechare ne bhookh dabaee aur lakadi phadane laga. lakadi ki moti-si ganth thi; jis par pahale kitane hi bhakton ne apana zor ajama liya tha. vah usi dam-kham ke sath lohe se loha lene ke lie taiyar thi. dukhi ghas chhilakar bazar le jata tha. lakadi chirane ka use abhyas n tha. ghas usake khurape ke samane sir jhuka deti thi. yahan kas-kasakar kulhadi ka bharapoor hath lagata; par us ganth par nishan tak n padata tha. kulhadi uchat jati. pasine men tar tha, hanphata tha, thakakar baith jata tha, phir uthata tha. hath uthaye n uthate the, panv kanp rahe the, kamar n sidhi hoti thi, ankhon tale andhera ho raha tha, sir men chakkar a rahe the, titaliyan ud rahi thin, phir bhi apana kam kiye jata tha. agar ek chilam tambakoo pine ko mil jati, to shayad kuchh takat ati.

usane socha, yahan chilam aur tambakoo kahan milegi. bahmanon ka poora hai. bahman log ham nich jaton ki tarah tambakoo thode hi pite hain. sahasa use yad aya ki ganv men ek gond bhi rahata hai. usake yahan zaroor chilam-tamakhoo hogi. turat usake ghar dauda. khair mehanat suphal huee. usane tamakhoo bhi di aur chilam bhi di; par ag vahan n thi. dukhi ne kaha, ag ki chinta n karo bhaee. main jata hoon, pnditaji ke ghar se ag mang loonga. vahan to abhi rasoee ban rahi thi. yah kahata hua vah donon chizen lekar chala aya aur pnditaji ke ghar men barauthe ke dvar par khada hokar bola, ‘malik, rachike ag mil jay, to chilam pi len.‘

pnditaji bhojan kar rahe the. pnditain ne poochha, ‘yah kaun adami ag mang raha hai ?’

pndit –‘are vahi sasura dukhiya chamar hai. kaha, hai thodi-si lakadi chir de. ag to hai, de do.‘

pnditain ne bhaven chadhakar kaha, ‘tumhen to jaise pothi-patro ke pher men dharam-karam kisi bat ki sudhi hi nahin rahi. chamar ho, dhobi ho, pasi ho, munh uthaye ghar men chala aye. hindoo ka ghar n hua, koee saray huee. kah do dadhijar se chala jay, nahin to is luathe se munh jhulas doongi. ag mangane chale hain.‘

pnditaji ne unhen samajhakar kaha, ‘bhitar a gaya, to kya hua. tumhari koee chiz to nahin chhuee. dharati pavitr hai. jara-si ag de kyon nahin deti, kam to hamara hi kar raha hai. koee loniya yahi lakadi phadata, to

kam-se-kam char ane leta.‘

pnditain ne garajakar kaha, ‘vah ghar men aya kyon !’

pndit ne harakar kaha, ‘sasure ka abhag tha aur kya !’

pnditain--‘achchha, is bakhat to ag diye deti hoon, lekin phir jo is tarah ghar men ayega, to usaka munh hi jala doongi.‘

dukhi ke kanon men in baton ki bhanak pad rahi thi. pachhata raha tha, nahak aya. sach to kahati hain. pndit ke ghar men chamar kaise chala aye. bade pavittar hote hain yah log, tabhi to snsar poojata hai, tabhi to itana man

hai. bhar-chamar thode hi hain. isi ganv men boodha ho gaya; magar mujhe itani akal bhi n aee. isalie jab pnditain ag lekar nikalin, to vah mano svarg ka varadan pa gaya. donon hath jodakar zamin par matha tekata hua bola, ‘padain mata, mujhase badi bhool huee ki ghar men chala aya. chamar ki akal hi to thahari. itane moorakh n hote, to lat kyon khate.‘

pnditain chimate se pakadakar ag laee thin. panch hath ki doori se ghoonghat ki ad se dukhi ki taraph ag phenki. ag ki badi-si chinagari dukhi ke sir par pad gayi. jaldi se pichhe hatakar sir ke jhote dene laga. usane man men kaha, yah ek pavittar bahman ke ghar ko apavittar karane ka phal hai. bhagavan ne kitani jaldi phal de diya. isi se to snsar pnditon se darata hai. aur sabake rupaye mare jate hain bahman ke rupaye bhala koee mar to le ! ghar bhar ka satyanash ho jay, panv gal-galakar girane lage. bahar akar usane chilam pi aur phir kulhadi lekar jut gaya. khat-khat ki avajen ane lagin. us par ag pad gee, to pnditain ko us par kuchh daya a gee. pnditaji bhojan karake uthe, to bolin –‘is chamarava ko bhi kuchh khane ko de do, bechara kab se kam kar raha hai. bhookha hoga.‘

pnditaji ne is prastav ko vyavaharik kshetr se door samajhakar poochha, ‘rotiyan hain ?’

pnditain –‘do-char bach jayngi.‘

pndit –‘do-char rotiyon men kya hoga ? chamar hai, kam se kam ser bhar chadha jayaga.‘

pnditain kanon par hath rakhakar bolin, ‘are bap re ! ser bhar ! to phir rahane do.‘

pnditaji ne ab sher banakar kaha, ‘quchh bhoosi-chokar ho to ate men milakar do tho litta thonk do. sale ka pet bhar jayaga. patali rotiyon se in nichon ka pet nahin bharata. inhen to juar ka litta chahie.‘

pnditain ne kaha, ‘ab jane bhi do, dhoop men kaun mare.‘


dukhi ne chilam pikar phir kulhadi snbhali. dam lene se jara hathon men takat a gee thi. koee adha ghante tak phir kulhadi chalata raha. phir bedam hokar vahin sir pakad ke baith gaya. itane men vahi gond a gaya. bola, ‘kyon jan dete ho boodhe dada, tumhare phade yah ganth n phategi. nahak halakan hote ho.‘

dukhi ne mathe ka pasina ponchhakar kaha, ‘abhi gadi bhar bhoosa dhona hai bhaee !’

gond –‘quchh khane ko mila ki kam hi karana janate hain. jake mangate kyon nahin ?’

dukhi –‘qaisi bat karate ho chikhuri, bahman ki roti hamako pachegi !’

gond –‘pachane ko pach jayagi, pahale mile to. moonchhon par tav dekar bhojan kiya aur aram se soye, tumhen lakadi phadane ka hukm laga diya. zamindar bhi kuchh khane ko deta hai. hakim bhi begar leta hai, to thodi bahut majoori deta hai. yah unase bhi badh gaye, us par dharmatma banate hain.‘

dukhi –‘dhire-dhire bolo bhaee, kahin sun len to aphat a jay.‘

yah kahakar dukhi phir snbhal pada aur kulhadi ki chot marane laga. chikhuri ko us par daya aee. akar kulhadi usake hath se chhin li aur koee adha ghnte khoob kas-kasakar kulhadi chalaee; par ganth men ek darar bhi n padi. tab usane kulhadi phenk di aur yah kahakar chala gaya tumhare phade yah n phategi, jan bhale nikal jay.‘

dukhi sochane laga, baba ne yah ganth kahan rakh chhodi thi ki phade nahin phatati. kahin darar tak to nahin padati. main kab tak ise chirata rahoonga. abhi ghar par sau kam pade hain. kar-parojan ka ghar hai, ek-n-ek chiz ghati hi rahati hai; par inhen isaki kya chinta. chaloon jab tak bhoosa hi utha laoon. kah doonga, baba, aj to lakadi nahin phati, kal akar phad doonga. usane jhauva uthaya aur bhoosa dhone laga. khalihan yahan se do pharalang se kam n tha. agar jhauva khoob bhar-bhar kar lata to kam jald khatm ho jata; phi r jhauve ko uthata kaun. akele bhara hua jhauva usase n uth sakata tha. isalie thoda-thoda lata tha. char baje kahin bhoosa khatm hua. pnditaji ki nind bhi khuli. munh-hath dhoya, pan khaya aur bahar nikale. dekha, to dukhi jhauva sir par rakhe so raha hai. zor se bole –‘are, dukhiya too so raha hai ? lakadi to abhi jyon ki tyon padi huee hai. itani der too karata kya

raha ? mutthi bhar bhoosa dhone men snjha kar di ! us par so raha hai. utha le kulhadi aur lakadi phad dal. tujhase jara-si lakadi nahin phatati. phir sait bhi vaisi hi nikalegi, mujhe dosh mat dena ! isi se kaha, hai ki nich ke ghar men khane ko hua aur usaki ankh badali.‘

dukhi ne phir kulhadi uthaee. jo baten pahale se soch rakhi thin, vah sab bhool geen. pet pith men dhaausa jata tha, aj sabere jalapan tak n kiya tha. avakash hi n mila. uthana hi pahad maloom hota tha. ji dooba jata tha, par dil ko samajhakar utha. pndit hain, kahin sait thik n vicharen, to phir satyanash hi ho jay. jabhi to snsar men itana man hai. sait hi ka to sab khel hai. jise chahe bigad den. pnditaji ganth ke pas akar

khade ho gaye aur badhava dene lage han, mar kasake, aur mar qasake mar abe zor se mar tere hath men to jaise dam hi nahin hai laga kasake, khada sochane kya lagata hai han bas phata hi chahati hai ! de usi darar men ! dukhi apane hosh men n tha. n-jane kaun-si guptashakti usake hathon ko chala rahi thi. vah thakan, bhookh, kamazori sab mano bhag gee. use apane bahubal par svayn ashchary ho raha tha. ek-ek chot vajr ki tarah padati thi. adha ghante tak vah isi unmad ki dasha men hath chalata raha, yahan tak ki lakadi bich se phat gee aur dukhi ke hath se kulhadi chhootakar gir padi. isake sath vah bhi chakkar khakar gir pada. bhookha, pyasa, thaka hua sharir javab de gaya.

pnditaji ne pukara, ‘uthake do-char hath aur laga de. patali-patali chailiyan ho jayn. dukhi n utha. pnditaji ne ab use dik karana uchit n samajha. bhitar jakar booti chhani, shauch gaye, snan kiya aur pnditaee bana pahanakar bahar nikale ! dukhi abhi tak vahin pada hua tha. zor se pukara –‘are kya pade hi rahoge dukhi, chalo tumhare hi ghar chal raha hoon. sab saman thik-thik hai n ? dukhi phir bhi n utha.‘

ab pnditaji ko kuchh shnka huee. pas jakar dekha, to dukhi akada pada hua tha. badahavas hokar bhage aur pnditain se bole, ‘dukhiya to jaise mar gaya.‘

pnditain hakabakakar bolin—‘vah to abhi lakadi chir raha tha n ?’

pndit –‘han lakadi chirate-chirate mar gaya. ab kya hoga ?’

pnditain ne shant hokar kaha, ‘hoga kya, chamaraune men kahala bhejo murda utha le jayn.‘


ek kshan men ganv bhar men khabar ho gee. poore men brahmanon ki hi basti thi. keval ek ghar gond ka tha. logon ne idhar ka rasta chhod diya. kuen ka rasta udhar hi se tha, pani kaise bhara jay ! chamar ki lash ke pas se hokar pani bharane kaun jay. ek budhiya ne panditaji se kaha, ab murda phenkavate kyon nahin ? koee ganv men pani piyega ya nahin. idhar gond ne chamaraune men jakar sabase kah diya khabaradar, murda uthane mat jana. abhi pulis ki tahakikat hogi. dillagi hai ki ek garib ki jan le li. pnditaji honge, to apane ghar ke honge. lash uthaoge to tum bhi pakad jaoge. isake bad hi pnditaji pahunche; par chamaraune ka koee adami lash utha lane ko taiyar n hua, han dukhi ki stri aur kanya donon hay-hay karati vahan chalin aur pnditaji ke dvar par akar sir pit-pitakar rone lagin. unake sath das-panch aur chamarinen thin. koee roti thi, koee samajhati thi, par chamar ek bhi n tha. panditaji ne chamaron ko bahut dhamakaya, samajhaya, minnat ki; par chamaron ke dil par pulis ka rob chhaya hua tha, ek bhi n minaka. akhir nirash hokar laut aye.

adhi rat tak rona-pitana jari raha. devataon ka sona mushkil ho gaya. par lash uthane koee chamar n aya aur brahman chamar ki lash kaise uthate ! bhala aisa kisi shastr-puran men likha hai ? kahin koee dikha de. pnditain ne jhunjhalakar kaha, ‘in dainon ne to khopadi chat dali. sabhon ka gala bhi nahin pakata. pndit ne kaha, rone do chudailon ko, kab tak royengi. jita tha, to koee bat n poochhata tha. mar gaya, to kolahal machane ke lie sab ki sab a pahunchin.‘

pnditain –‘chamar ka rona manahoos hai.‘

pndit –‘han, bahut manahoos.‘

pnditain –‘abhi se durgandh uthane lagi.‘

pndit –‘chamar tha sasura ki nahin. sadh-asadh kisi ka vichar hai in sabon ko.‘

pnditain –‘in sabon ko ghin bhi nahin lagati.‘

pndit—‘ bhrasht hain sab.‘

rat to kisi tarah kati; magar sabere bhi koee chamar n aya. chamarinen bhi ro-pitakar chali geen. durgandh kuchh-kuchh phailane lagi. pnditaji ne ek rassi nikali. usaka phanda banakar murade ke pair men dala aur phande ko khinchakar kas diya. abhi kuchh-kuchh dhundhalaka tha. pnditaji ne rassi pakadakar lash ko ghasitana shuroo kiya aur ganv ke bahar ghasit le gaye. vahan se akar turant snan kiya, durgapath padha aur ghar men gngajal chhidaka.

udhar dukhi ki lash ko khet men gidad aur giddh, kutte aur kaue noch rahe the. yahi jivan-paryant ki bhakti, seva aur nishtha ka puraskar tha.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah