लेखक- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

prat:kal mahashay pravin ne bis dapha ubali huee chay ka pyala taiyar kiya aur bina shakkar aur doodh ke pi gaye. yahi unaka nashta tha. mahinon se mithi, doodhiya chay n mili thi. doodh aur shakkar unake lie jivan ke avashyak padarthon men n the. ghar men gaye zaroor, ki patni ko jagakar paise mangen; par use phate-maile lihaf men nidra-magn dekhakar jagane ki ichchha n huee. socha, shayad mare sardi ke bechari ko rat bhar nind n ayi hogi, is vakt jakar ankh lagi hai. kachchi nind jaga dena uchit n tha. chupake se chale aye.

chay pikar unhonne kalam-davat snbhali aur kitab likhane men tallin ho gaye, jo unake vichar men is shatabdi ki sabase badi rachana hogi, jisaka prakashan unhen gumanam se nikalakar khyati aur samriddhi ke svarg par pahuncha dega.

adh ghante bad patni ankhen malati huee akar boli-kya tum chay pi chuke?

pravin ne sahasy mukh se kaha-han, pi chuka. bahut achchhi bani thi.

‘par doodh aur shakkar kahan se laye?’

‘doodh aur shakkar to kee din se nahin milata. mujhe ajakal sada chay zyada svadisht lagati hai. doodh aur shakkar milane se usaka svad bigad jata hai. daktaron ki bhi yahi ray hai ki chay hamesha sada pini chahie. yorop men to doodh ka bilakul rivaj nahin hai. yah to hamare yahan ke madhur-priy reeson ki eejad hai.’

‘jane tumhen phiki chay kaise achchhi lagati hai! mujhe jaga kyon n liya? paise to rakhe the.’

mahashay pravin phir likhane lage. javani hi men unhen yah rog lag gaya tha, aur aj bis sal se vah use pale hue the. is rog men deh ghul gayi, svasthy ghul gaye, aur chalis ki avastha men budhape ne a ghera; par yah rog asadhy tha. sooryoday se adhi rat tak yah sahity ka upasak antarjagath men dooba hua, samast snsar se munh mode, hriday ke pushp aur naivedy chadhata rahata tha. par bharat men sarasvati ki upasana lakshmi ki abhakti hai. man to ek hi tha. donon deviyon ko ek sath kaise prasann karata, donon ke varadan ka patr kyonkar banata? aur lakshmi ki yah akripa keval dhanabhav ke roop men n prakat hoti thi. usaki sabase nirday krida yah thi ki patron ke sampadak aur pustakon ke prakashak udarata-poorvak sahayata ka dan bhi n dete the. kadachith sari duniya ne usake viruddh koee shadyantr-sa rach dala tha. yahan tak ki is nirantar abhav ne usake atm-vishvas ko jaise kuchal diya tha. kadachith ab use yah gyat hone laga tha, ki usaki rachanaon men koee sar, koee pratibha nahin hai, aur yah bhavana atyant hriday-vidarak thi. yah durlabh manav-jivan yon hi nasht ho gaya! yah taskin bhi nahin ki snsar ne chahe usaka samman n kiya ho, par usaki jivanakriti itani tuchchh nahin. jivan ki avashyakataen ghatate-ghatate sannyas ki sima ko bhi par kar chuki thin. agar koee santosh tha, to usaki jivan-sahachari tyag aur tap men unase bhi do qadam age thi. sumitra is dasha men bhi prasann thi. pravinaji ko duniya se shikayat ho, par sumitra jaise gend men bhari huee vayu ki bhanti unhen bahar ki thokaren se bachati rahati thi. apane bhagy ka rona to door ki bat thi, is devi ne kabhi mathe par bal bhi n ane diya.

sumitra ne chay ka pyala sametate hue kaha-to jakar ghanta-adh-ghanta kahin ghoom phir kyon nahin ate? jab maloom ho gaya ki pran dekar kam karane se bhi koee natija nahin, to vyarth kyon sir khapate ho?

pravin ne bina mastak uthaye, kagaz par kalam chalate hue kaha-likhane men kam-se-kam yah santosh to hota hai ki kuchh kar raha hoon. sair karane men to mujhe aisa jan padata ki samay ka nash kar raha hoon.

‘yah itane padhe-likhe adami nity-prati hava khane jate hain, to apane samay ka nash karate hain?’

‘magar inamen adhikansh vahi log hain, jinake sair karane se unaki amadani men bilkul kami nahin hoti. adhikansh to sarakari naukar hain, jinako masik vetan milata hai, ya to aise peshon ke log hain, jinaka log adar karate hain. main to mil ka majoor hoon. tumane kisi majoor ko hava khate dekha hai? jinhen bhojan ki kami nahin, unhin ko hava khane ki bhi zaroorat hai. jinako rotiyon ke lale hain, ve hava khane nahin jate. phir svasthy aur jivan-vriddhi ki zaroorat un logon ko hai jinake jivan men anand aur svad hai. mere lie to jivan bhar hai. is bhar ko sir par kuchh din aur banaye rahane ki abhilasha mujhe nahin hai.

sumitra nirasha men doobe huye shabd sunakar ankhon men ansoo bhare andar chali gayi. usaka dil kahata tha, is tapasvi ki kirti-kaumudi ek din avashy phailegi. chahe lakshmi ki akripa bani rahe. kintu pravin mahoday ab nirasha ki us sima tak pahunch chuke the, jahan se pratikool disha men uday hone vali ashamay usha ki lali bhi nahin dikhaee deti thi.

2

ek rees ke yahan koee utsav hai. usane mahashay pravin ko bhi nimantrit kiya hai. aj unaka man anand ke ghode par baitha hua nach raha hai. sare din vah isi kalpana men magn rahe. raja sahab kin shabdon men unaka svagat karenge aur vah kin shabdon men unako dhanyavad denge, kin prasngon par vartalap hoga, aur vahan kin mahanubhavon se unaka parichay hoga, sare din vah inhin kalpanaon ka anand uthate rahe. is avasar ke lie unhonne ek kavita bhi rachi, jisamen unhonne jivan ki ek udyan se tulana ki thi. apani sari dharanaon ki unhonne aj upeksha kar di, kyonki reeson ke manobhavon ko vah aghat n pahuncha sakate the.

dopahar hi se unhonne taiyariyan shuroo kin. hajamat banayi, sabun se nahaya, sir men tel dala. mushkil kapadon ki thi. muddat gujari, jab unhonne ek achakan banavaee thi. usaki dasha bhi unhin ki dasha jaisi jirn ho chuki thi. jaisa jara-si sardi ya garmi se unhen jukam ya siradard ho jata tha, usi tarah vah achakan bhi najuk-mizaj thi. use nikala aur jhad-ponchhakar rakha.

sumitra ne kaha-tumane vyarth hi yah nimantran svikar kiya. likh dete, meri tabiyat achchhi nahin hai. in phatehalon jana to aur bhi bura hai.

pravin ne darshanik gambhirata se kaha-jinhen eeshvar ne hriday aur parakh di hai, ve adamiyon ki poshak nahin dekhate-unake gun aur charitr dekhate hain. akhir kuchh bat to hai ki raja sahab ne mujhe nimantrit kiya. main koee ohadedar nahin, zamindar nahin, jagiradar nahin, thekedar nahin, keval ek sadharan lekhak hoon. lekhak ka mooly usaki rachanaen hoti hain. is etabar se mujhe kisi bhi lekhak se lajjit hone ka karan nahin hai.

sumitra unaki saralata par daya karake boli-tum kalpanaon ke snsar men rahate-rahate pratyaksh snsar se alag ho gaye ho. main kahati hoon, raja sahab ke yahan logon ki nigah sabase zyada kapadon par hi padegi. saralata zaroor achchhi chiz hai, par isaka arth yah to nahin ki adami phoohad ban jae.

pravin ko is kathan men kuchh sar jan pada. vidvajjanon ki bhanti unhen bhi apani bhoolon ko svikar karane men kuchh vilamb n hota tha. bole-main samajhata hoon, dipak jal jane ke bad jaoon.

‘main to kahati hoon, jao hi kyon?

‘ab tumhen kaise samajhaoon, pratyek prani ke man men adar aur samman ki ek kshudha hoti hai. tum poochhogi, yah kshudha kyon hoti hai? isalie ki yah hamare atmavishvas ki ek mnzil hai. ham us mahanh satta ke sookshmansh hain, jo samast brahmand men vyapt hain. ansh men poorn ke gunon ka hona lajimi hai. isalie kirti aur samman, atmonnati aur gyan ki or hamari svabhavik ruchi hai. main is lalasa ko bura nahin samajhata.’

sumitra ne gala chhudane ke lie kaha-achchha bhaee, jao. main tumase bahas nahin karati, lekin kal ke lie koee vyavastha karate ana; kyonki mere pas keval ek ana aur rah gaya hai. jinase udhar mil sakata tha, unase le chuki aur jisase liya use dene ki naubat nahin ayi. mujhe to aur ab koee upay nahin soojhata.

pravin ne ek kshan ke bad kaha-do patrikaon se mere lekhon ke rupaye ane vale hain. shayad kal tak a jayn. aur agar kal upavas hi karana pade to kya chinta? hamara dharm hai kam karana. ham kam karate hain aur tan-man se karate hain. agar is par bhi hamen phaka karana pade, to mera dosh nahin. mar hi to jaoonga. hamare jaise lakhon adami roj marate hain. snsar ka kam jyon-ka-tyon chalata rahata hai. phir isaka kya gam ki ham bhookhon mar jaenge? maut darane ki vastu nahin. main to kabirapanthiyon ka kayal hoon, jo arthi ko gate-bajate le jate hain. main isase nahin darata. tumhin kaho, main jo kuchh karata hoon, isase adhik aur kuchh meri shakti ke bahar hai ya nahin. sari duniya mithi nind soti hoti hai or main qalam liye baitha rahata hoon. leag hnsi-dillagi, amod-pramod karate rahate hain, mere lie vah sab haram hai. yahan tak ki mahinon se hnsane ki naubat nahin ayi. holi ke din bhi mainne tatil nahin manaee. bimar bhi hota hoon, to likhane ki fikr sir par savar rahati hai. socho, tum bimar thin, aur main vaidy ke yahan jane ke lie samay n pata tha. agar duniya nahin qadar karati, n kare. isamen duniya ka hi nukasan hai. meri koee hani nahin! dipak ka kam hai jalana. usaka prakash phailata hai ya usake samane koee ot hai, use isase prayojan nahin.

mera bhi aisa kaun mitr, parichit ya sambandhi hai, jisaka main abhari nahin? yahan tak ki ab ghar se nikalate sharm ati hai. santosh itana hi hai ki log mujhe badaniyat nahin samajhate. ve meri kuchh adhik madad n kar saken, par unhen mujhase sahanubhooti avashy hai. meri khushi ke lie itana hi kafi hai ki aj vah avasar to aya ki ek rees ne mera samman kiya.

phir sahasa un par ek nasha-sa chha gaya. garv se bole-nahin, main ab rat ko n jaoonga. meri garibi ab rusavaee ki had tak pahunch chuki hai. us par parada dalana vyarth hai. main isi vakt jaoonga. jise rees aur raje amantrit karen, vah koee aisa-vaisa adami nahin ho sakata. raja sahab sadharan rees nahin hain. vah is nagar ke hi nahin, bharat ke vikhyat reeson men hain. agar ab bhi mujhe koee nicha samajhe, to vah khud nicha hai.

3

sandhya ka samay hai. pravinaji apani phati-purani achakan aur sade hue joote aur bedhngi-si topi pahane ghar se nikale. khamakhvah bangadoo uchakke-se maloom hote the. diladaul aur chehare-muhare ke adami hote, to is thath men bhi ek shan hoti. sthoolata svayn rob dalane vali vastu hai. par sahity-seva aur sthoolata men virodh hai. agar koee sahity-sevi mota-taja, dabal adami hai, to samajh lo, usamen madhury nahin, loch nahin, hriday nahin. dipak ka kam hai, lajana. dipak vahi labalab bhara hoga, jo jala n ho. phir bhi ap akade jate hain. ek-ek ang se garv tapak raha hai.

yon ghar se nikalakar vah dookanadaron se ankhen churate, galiyon se nikal jate the. par aj vah garadan uthaye, unake samane se ja rahe hain. aj vah unake takajon ka dandanshikan javab dene ko taiyar the. par sandhya ka samay hai, harek dookan par grahak baithe hue hain. koee unaki taraph nahin dekhata. jis rakam ko vah apani hinavastha men durvichar samajhate the, vah dookanadaron ki nigah men itani jokhim n thin, ki ek jane-pahachane adami ko sa-bazar tokate, visheshakar jab vah aj kisi se milane jate hue maloom hote the.

pravin ne ek bar sare-bazar ka chakkar lagaya, par ji n bhara tab doosara chakkar lagaya, par vah bhi nishphal. tab vah khud hafij samad ki dookan par jakar khade ho gaye. hafijaji bisate ka karobar karate the. bahut din hue pravin is dookan se ek chhatari le gaye the aur abhi tak dam n chuka sake the. pravin ko dekhakar bole-mahashayaji, abhi tak chhatari ke dam nahin mile. aise sau-pachas grahak mil jaen, to divala hi ho jae. ab to bahut din hue.

pravin ki bachhen khil geen. dili murad poori huee. bole-main bhoola nahin hoon hafijaji, in dinon kam itana zyada tha ki ghar se nikalana mushkil tha. rupaye to nahin hath ate, par apaki dua se qadarashinason ki kami nahin. do-char adami ghere hi rahate hain. is vaqt bhi raja sahab-aji vahi jo nukkad vale bngale men rahate hain-unhin ke yahan ja raha hoon. davat hai. roj aisa koee-n-koee mauqa ata hi rahata hai.

hafij samad prabhavit hokar bola-achchha! aj raja sahab ke yahan tashariph le ja rahe hain. thik hai, ap jaise baqamalon ki qadar rees hi kar sakate hain, aur kaun karega? subhanallah! ap is jamane men yakata hain. agar koee mauqa hath a jay, to garibon ko n bhool jaiega. raja sahab ki agar idhar nigah ho jay, to phir kya poochhana! ek poora bisata to unhin ke lie chahie. dhaee-tin lakh salana ki amadani hai.

pravin ko dhaee-tin lakh kuchh tuchchh jan pade. jabani jamakharch hai, to das-bis lakh kahane se kya hani? bole-dhaee-tin lakh! ap to unhen galiyan dete hain. unaki amadani das lakh se kam nahin. ek sahab ka andaj to bis lakh ka hai. ilaka hai, makanat hain, dookanen hain, thika hai, amanati rupaye hain aur phir sabase badi sarakar bahadur ki nigah hai.

hafij ne badi namrata se kaha-yah dookan ap ki hai janab, bas itani hi araj hai. are muradi, jara do paise ke achchhe-se pan bana la apake lie. aie do minat baithie. koee chiz pasand ho to dikhaoon. apase to ghar ka vasta hai.

pravin ne pan khate hue kaha-is vakt to muaf rakhie. vahan der hogi. phir kabhi hazir hoonga.

yahan se uthakar vah ek kapade vale ki dookan ke samane ruke. manoharadas nam tha. inhen khade dekhakar ankhen uthayin. bechara inake nam ko ro baitha tha. samajh liya, shayad is shahar men hain hi nahin. samajha rupaye dene aye hain. bole-bhaee pravinaji, apane to bahut dinon darshan hi nahin diye. rukka kee bar bheja, magar pyade ko apake ghar ka pata hi n mila. munimaji, jara dekho to apake nam kya hai.

pravin ke pran takajon se sookh jate the; par aj vah is tarah khade the, manon unhonne kavach dharan kar liya hai, jis par kisi astr ka aghat nahin ho sakata. bole-jara in raja sahab ke yahan se laut aoon, to nishchit hokar baithoon. is samay jaldi men hoon. raja sahab par maneaharadas ke kee hazar rupaye ate the. phir bhi unaka daman n chhodata tha. ek ke tin vasool karata. usane pravinaji ko oonchi shreni men rakha jinaka pesha reeson ko lootana hai. bola-‘pan to khate jaie mahashay!’ raja sahab ek din ke hain. ham to barahon mas ke hain, bhaee sahab! kuchh kapade darakar hon to le jaie. ab to holi a rahi hai. mauqa ho, to jara raja sahab ke khajanachi se kahiega purana hisab bahut din se pada hua hai, ab to safaee ho jae! ham sab aisa kaun-sa nafa lete hain ki do-do sal hisab hi n ho?

pravin ne kaha-is samay to pan-van rahane do bhaee? der ho jaegi. jab unhen mujhase milane ka itana shauq hai aur mera itana samman karate hain, to apana bhi dharm hai ki unako mere karan kasht n ho. ham to gunagrahak chahate hain, daulat ke bhookhe nahin. koee apana samman kare, to usaki gulami karen. agar kisi ko riyasat ka ghamand ho, to hamen usaki paravah nahin.

4

pravinaji raja sahab ke vishal bhavan ke samane pahunche, to diye jal chuke the. amiron aur reeson ki motaren khadi thin. varadi-posh daraban dvar par khade the. ek sajjan mehamanon ka svagat kar rahe the. pravinaji ko dekhakar vah jara jhijhake. phir unhen sir se panv tak dekhakar bole-apake pas naved hai?

pravin ki jeb men naved tha. par is bhedabhav par unhen krodh a gaya. unhin se kyon naved manga jay? auron se bhi kyon n poochha jay? bole-ji nahin, mere pas naved nahin hai. agar ap any mahashayon se mangate hon; to main bhi dikha sakata hoon. varana main is bhed ko apane lie apaman ki bat samajhata hoon. ap raja sahab se kah dijie, ‘pravinaji aye the aur dvar se laut gaye.’

‘nahin-nahin, mahashay andar chalie. mujhe apase parichay n tha. beadabi maph kijie. ap hi aise mahanubhavon se to mahaphil ki shobha hai. eeshvar ne apako vah vani pradan ki hai, ki kya kahana.’

is vyakti ne pravin ko kabhi n dekha tha. lekin jo kuchh usane kaha, vah harek sahity-sevi ke vishay men kah sakate hain, aur hamen vishvas hai ki koee sahity-sevi is dad ki upeksha nahin kar sakata.

pravin andar pahunche to dekha, barahadari ke samane vistrit aur susajjit prangan men bijali ke kumakume apana prakash phaila rahe hain. madhy men ek hauz hai, hauz men sngamaramar ki pari, pari ke sir par phauvara, phauvare ki phuharen rngin kumakumon se rnjit hokar aisi maloom hoti thin, mano indr-dhanush pighalakar oopar se baras raha hai. hauz ke charon or mejen lagi huee thin. mejon par suphed mej-posh, oopar sundar guladaste.

pravin ko dekhate hi raja sahab ne svagat kiya-aie, aie! abaki ‘hns’ men apaka lekh dekhakar dil phadaq utha. main to chakit ho gaya. maloom hi n tha, ki is nagar men ap-jaise ratn bhi chhipe hue hain.

phir upasthit sajjanon se unaka parichay dene lage-apane mahashay pravin ka nam to suna hoga. vah ap hi hain. kya madhury hai, kya oj hai, kya bhav hai, kya bhasha hai, kya soojh hai, kya chamatkar hai, kya pravah hai ki vah! vah! meri to atma jaise nrity karane lagati hai.

ek sajjan ne, jo angareji soot men the, pravin ko aisi nigah se dekha mano vah chidiy़a-ghar ke koee jiv hon aur bole-apane angreji ke kaviyon ka bhi adhyayan kiya hai-bayaran, sheli, kits adi.

pravin ne rukhaee se javab diya-ji han, thoda-bahut dekha to hai.

‘ap in mahakaviyon men se kisi ki rachanaon ka anuvad kar den, to aj hindi-bhasha ki amar seva karen.’

pravin apane ko bayaran, sheli adi se jau-bhar bhi kam n samajhate the. vah angreji ke kavi the. unaki bhasha, shaili, vishay-vynjana sabhi angrej ki ruchi ke anukool tha. unaka anuvad karana vah apane lie gaurav ki bat n samajhate the, usi tarah jaise ve unaki rachanaon ka anuvad karana apane lie gaurav ki vastu n samajhate. bole-hamare yahan atm-darshan ka abhi itana abhav nahin hai, ki ham videshi kaviyon se bhiksha mangen. mera vichar hai ki kam-se-kam is vishay men bharat ab bhi pashchim ko kuchh sikha sakata hai.

yah anargal bat thi. angreji ke bhakt mahashay ne pravin ko pagal samajha.

raja sahab ne pravin ko aisi ankhon se dekha, jo kah rahi thin-jara mauka-mahal dekhakar baten karo! aur bole-angreji sahity ka kya poochhana! kavita men to vah apana jod nahin rakhata.

angreji ke bhakt mahashay ne pravin ko sagarv netron se dekha-hamare kaviyon ne abhi tak kavita ka arth hi nahin samajha, abhi tak viyog aur nakh-shikh ko kavita ka adhar banaye hue hain.

pravin ne eent ka javab patthar se diya-mera vichar hai ki apane vartaman kaviyon ka adhyayan nahin kiya, ya kiya to utari ankhon se.

raja sahab ne ab pravin ki jaban band kar dene ka nishchay kiya-ap mistar paranjape hain, pravin ji! apake lekh angreji patron men chhapate hain aur bade adar ki drishti se dekhe jate hain.

usaka ashay yah tha, ki ab ap n bahakie.

pravin samajh gaye. paranjape ke samane unhen nicha dekhana pada. videshi vesh-bhoosha aur bhasha ka yah bhakt jati-drohi hokar bhi itana samman paye, yah unake lie asahy tha. par kya karate?

usi bhesh ke ek-doosare sajjan aye. raja sahab ne tapak se unaka abhivadan kiya-aie daktar chaddha! kaise mizaj hain?

daktar sahab ne raja sahab se hath milaya aur phir pravin ki or jigyasa-bhari ankhon se dekhakar poochha-apaki tarif?

raja sahab ne pravin ka parichay diya-ap mahashay pravin hain. ap bhasha ke achchhe kavi aur lekhak hain.

daktar sahab ne ek khas andaj se kaha-achchha! ap kavi hain! aur bina kuchh poochhe age badh gaye.

phir usi bhesh men ek aur mahashay padhare. yah nami bairistar the. raja sahab ne unase bhi pravin ka parichay karaya. unhonne bhi usi andaj men kaha-achchha! ap kavi hain? aur age badh gaye. yahi abhinay kee bar hua. aur har bar pravin ko yahi dad mili-‘achchha! ap kavi hain?’

yah vaky har bar pravin ke hriday par ek naya aghat pahunchata tha. usake niche jo bhav tha use pravin khoob samajhate the. usaka sidha-sada ashay yah tha ki tum apane khayali-pulav pakate ho, pakao! yahan tumhara kya prayojan? tumhara itana sahas ki tum is sabhy-samaj men bedhadaq ao.

pravin man-hi-man apane oopar jhunjhala rahe the. nimantran pakar unhonne apane ko dhany mana tha, par yahan akar unaka jitana apaman ho raha tha, usake dekhate to vah santosh ki kutiya svarg thi. unhonne apane man ko dhikkara-tum jaise samman ke lobhiyon ka yah dand hai. ab to ankhen khulin, tum kitane samman ke patr ho! tum is svarthamay snsar men kisi ke kam nahin a sakate. vakil-bairistar tumhara samman kyon karen? tum unake muvakkil nahin ho sakate, n unhen tumhare dvara koee mukadama pane ki asha hai. daktar ya hakim tumhara samman kyon karen? unhen tumhare ghar bina phis ane ki ichchha nahin. tum likhane ke lie bane ho, likhe jao. bas, aur snsar men tumhara koee prayojan nahin.

sahasa logon men halachal pad gayi. aj ke pradhan atithi ka agaman hua. yah mahashay haeekort ke jaj niyukt hue the. isi upalakshy men yah jalasa ho raha tha. raja sahab ne lapakakar jald hath milaya aur akar pravinaji se bole-ap apani kavita to likh hi laye honge?

pravin ne kaha-mainne koee kavita nahin likhi.

‘sach! tab to apane gajab hi kar diya. are bhale adami, abase koee chiz likh dalo. do-hi char pnktiyan ho jaen. bas! aise avasar par ek kavita ka padha jana lazimi hai.’

‘main itani jaldi koee chiz nahin likh sakata.’

‘mainne vyarth hi itane adamiyon se apaka parichay karaya?’

‘bilkul vyarth.’

‘are bhaee jan, kisi prachin kavi ki hi koee chiz suna dijie. yahan kaun janata hai.’

‘ji nahin, kshama kijiega. main bhat nahin hoon, n kathak hoon.’

yah kahate hue pravinaji turant vahan se chal diye. ghar pahunche to unaka chehara khila hua tha.

sumitra ne prasann hokar poochha-itani jaldi kaise a gaye?

‘meri vahan koee zaroorat n thi.’

‘chalo, chehara khila hua hai khoob samman hua hoga.’

‘han samman to, jaisi asha n thi vaisa hua.’

‘khush bahut ho.’

isi se ki aj mujhe hamesha ke lie sabak mil gaya. main dipak hoon aur jalane ke lie bana hoon. aj main is tatv ko bhool gaya tha. eeshvar ne mujhe zyada bahakane n diya. meri yah kutiya hi mere lie svarg hai. main aj yah tatv pa gaya ki sahity-seva poori tapasya hai.

tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah