ममता -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

baboo ramarakshadas dilli ke ek aishvaryashali khatri the, bahut hi thath-bat se rahanevale. bade-bade amir unake yahan nity ate-ate the. ve ayen huon ka adar-satkar aise achchhe dhng se karate the ki is bat ki dhoom sare muhalle men thi. nity unake daravaze par kisi n kisi bahane se isht-mitr ekatr ho jate, tenis khelate, tash udata, haramoniyam ke madhur svaron se ji bahalate, chay-pani se hriday praphullit karate, adhik aur kya chahie? jati ki aisi amooly seva koee chhoti bat nahin hai. nichi jatiyon ke sudhar ke liye dilli men ek sosayati thi. baboo sahab usake sekretari the, aur is kary ko asadharan utsah se poorn karate the. jab unaka boodha kahar bimar hua aur krishchiyan mishan ke daktaron ne usaki sushrusha ki, jab usaki vidhava stri ne nirvah ki koee asha n dekh kar krishchiyan-samaj ka ashray liya, tab in donon avasaron par baboo sahab ne shok ke rejalyooshans pas kiye. snsar janata hai ki sekretari ka kam sabhaऍn karana aur rejalyooshan banana hai. isase adhik vah kuchh nahin kar sakata.

mistar ramaraksha ka jatiy utsah yahi tak simabaddh n tha. ve samajik kuprathaon tatha andh-vishvas ke prabal shatru the. holi ke dinon men jab ki muhalle men chamar aur kahar sharab se matavale hokar phag gate aur daph bajate hue nikalate, to unhen, bada shok hota. jati ki is moorkhata par unaki ankhon men ansoo bhar ate aur ve prat: is kuriti ka nivaran apane hntar se kiya karate. unake hntar men jati-hitaishita ki umng unaki vaktrita se bhi adhik thi. yah unhin ke prashnsaniy prayatn the, jinhonne mukhy holi ke din dilli men halachal macha di, phag gane ke aparadh men hajaron adami pulis ke pnje men a gaye. saikadon gharon men mukhy holi ke din muharram ka-sa shok phail gaya. idhar unake daravaze par hajaron purush-striyaaun apana dukhada ro rahi thin. udhar baboo sahab ke hitaishi mitragan apane udarashil mitr ke sadvyavahar ki prashnsa karate. baboo sahab din-bhar men itane rng badalate the ki us par ‘peris’ ki pariyon ko bhi eershya ho sakati thi. kee bainkon men unake hisse the. kee dukanen thin; kintu baboo sahab ko itana avakash n tha ki unaki kuchh dekhabhal karate. atithi-satkar ek pavitr dharm hai. ye sachchi deshahitaishita ki umng se kaha karate the—atithi-satkar adikal se bharatavarsh ke nivasiyon ka ek pradhan aur sarahaniy gun hai. abhyagaton ka adar- samman karanen men ham advitiy hain. ham isase snsar men manushy kahalane yogy hain. ham sab kuchh kho baithe hain, kintu jis din hamamen yah gun shesh n rahega; vah din hindoo-jati ke lie lajja, apaman aur mrityu ka din hoga.

mistar ramaraksha jatiy avashyakataon se bhi beparavah n the. ve samajik aur rajanitik karyo men poornarupen yog dete the. yahan tak ki prativarsh do, balki kabhi-kabhi tin vaktritaऍn avashy taiyar kar lete. bhashanon ki bhasha atynt upayukt, ojasvi aur sarvang sundar hoti thi. upasthit jan aur ishtamitr unake ek-ek shabd par prashnsasoochak shabdon ki dhvani prakat karate, taliyaaun bajate, yahan tak ki baboo sahab ko vyakhyan ka kram sthir rakhana kathin ho jata. vyakhyan samapt hone par unake mitr unhen god men utha lete aur ashcharyachakit hokar kahate—teri bhasha men jadoo hai! saransh yah ki baboo sahab ke yah jatiy prem aur udyog keval banavati, sahayata-shoony tath phaishanebil tha. yadi unhonne kisi sadudyog men bhag liya tha, to vah sammilit kutumb ka virodh tha. apane pita ke pashchath ve apani vidhava maaun se alag ho ge the. is jatiy seva men unaki stri vishesh sahayak thi. vidhava maaun apane bete aur bahoo ke sath nahin rah sakati thi. isase bahoo ki savadhinata men vighn padane se man durbal aur mastishk shaktihin ho jata hai. bahoo ko jalana aur kudhana sas ki adat hai. isalie baboo ramaraksha apani maaun se alag ho gaye the. isamen sndeh nahin ki unhonne matri-rin ka vichar karake das hazar rupaye apani maaun ke nam jama kar diye the, ki usake byaj se unaka nirvah hota rahe; kintu bete ke is uttam acharan par maaun ka dil aisa toota ki vah dilli chhodakar ayodhya ja rahin. tab se vahin rahati hain. baboo sahab kabhi-kabhi misej ramaraksha se chhipakar usase milane ayodhya jaea karate the, kintu vah dilli ane ka kabhi nam n letin. han, yadi kushal-kshem ki chitthi pahunchane men kuchh der ho jati, to vivash hokar samachar poochh deti thin.

2

usi muhalle men ek seth giradhari lal rahate the. unaka lakhon ka len-den tha. ve hire aur ratnon ka vyapar karate the. baboo ramaraksha ke door ke nate men sadhoo hote the. purane dhng ke adami the—prat:kal yamuna-snan karanevale tatha gay ko apane hathon se jhadane-ponchhanevale! unase mistar ramaraksha ka svabhav n milata tha; parantu jab kabhi rupayon ki avashyakata hoti, to ve seth giradhari lal ke yahan se bekhatake mnga liya karate the. apas ka mamala tha, keval char angul ke patr par rupaya mil jata tha, n koee dastavej, n stamp, n sakshiyon ki avashyakata. motarakar ke lie das hazar ki avashyakata huee, vah vahan se aya. ghudadaud ke lie ek astreliyan ghoda dedh hazar men liya gaya. usake lie bhi rupaya seth ji ke yahan se aya. dhire-dhire koee bis hazar ka mamala ho gaya. seth ji saral hriday ke adami the. samajhate the ki usake pas dukanen hain, bainkon men rupaya hai. jab ji chahega, rupaya vasool kar lenge; kintu jab do-tin varsh vyatit ho gaye aur seth ji takajon ki apeksha mistar ramaraksha ki maaung hi ka adhiky raha to giradhari lal ko sandeh hua. vah ek din ramaraksha ke makan par aye aur sabhy-bhav se bole—bhaee sahab, mujhe ek hundi ka rupaya dena hai, yadi ap mera hisab kar den to bahut achchha ho. yah kah kar hisab ke kagajat aur unake patr dikhalayen. mistar ramaraksha kisi gardan-parti men sammilit hone ke lie taiyar the. bole—is samay kshama kijie; phir dekh loonga, jaldi kya hai?

giradhari lal ko baboo sahab ki rukhaee par krodh a gaya, ve rusht hokar bole—apako jaldi nahin hai, mujhe to hai! do sau rupaye masik ki meri hani ho rahi hai! mistar ke asntosh prakat karate hue ghadi dekhi. parti ka samay bahut qarib tha. ve bahut vinit bhav se bole—bhaee sahab, main badi jaldi men hoon. is samay mere oopar kripa kijie. main kal svayn upasthit hoonga.

seth ji ek mananiy aur dhan-sampann adami the. ve ramaraksha ke kuruchipoorn vyavahar par jal ge. main inaka mahajan hoon—inase dhan men, man men, aishvary men, badha hua, chahoon to aison ko naukar rakh loon, inake daravazen par aoon aur adar-satkar ki jagah ulate aisa rukha bartav? vah hath baaundhe mere samane n khada rahe; kintu kya main pan, ilayachi, itr adi se bhi samman karane ke yogy nahin? ve tinak kar bole—achchha, to kal hisab saf ho jae.

ramaraksha ne akad kar uttar diya—ho jayaga.

ramaraksha ke gauravashal hriday par seth ji ke is bartav ke prabhav ka kuchh khed-janak asar n hua. is kath ke kunde ne aj meri pratishtha dhool men mila di. vah mera apaman kar gaya. achchha, tum bhi isi dilli men rahate ho aur ham bhi yahi hain. nidan donon men gaaunth pad gayi. baboo sahab ki tabiyat aisi giri aur hriday men aisi chinta utpann huee ki parti men ane ka dhyan jata raha, ve der tak isi ulajhan men pade rahe. phir soot utar diya aur sevak se bole—ja, munim ji ko bula la. munim ji aye, unaka hisab dekha gaya, phir bainkon ka ekaunt dekha; kintu jyon-jyon is ghati men utarate gaye, tyon-tyon andhera badhata gaya. bahut kuchh tatola, kuchh hath n aya. ant men nirash hokar ve aram-kursi par pad ge aur unhonne ek thndi saauns le li. dukanon ka mal bika; kintu rupaya bakaya men pada hua tha. kee grahakon ki dukanen toot gayi. aur un par jo nakad rupaya bakaya tha, vah doob gaya. kalakatte ke adhatiyon se jo mal mngaya tha, rupaye chukane ki tithi sir par a pahunchi aur yahan rupaya vasool n hua. dukanon ka yah hal, bainkon ka isase bhi bura. rat-bhar ve inhin chintaon men karavaten badalate rahe. ab kya karana chahie? giradhari lal sajjan purush hain. yadi sara hal use suna doon, to avashy man jayaga, kintu yah kashtaprad kary hoga kaise? jyon-jyon prat:kal samip ata tha, tyon-tyon unaka dil baitha jata tha. kachche vidyarthi ki jo dasha pariksha ke sannikat ane par hoti hai, yahi hal is samay ramaraksha ka tha. ve palng se n uthe. munh-hath bhi n dhoya, khane ko kaun kahe. itana janate the ki du:kh padane par koee kisi ka sathi nahin hota. isalie ek apatti se bachane ke lie kee apattiyon ka bojha n uthana pade, is khayal se mitron ko in mamalon ki khabar tak n di. jab dopahar ho gaya aur unaki dasha jyon ki tyon rahi, to unaka chhota ladaka bulane aya. usane bap ka hath pakad kar kaha—lala ji, aj dane kyon nahin talate?

ramaraksha—bhookh nahin hai.

‘kya kaya hai?’

‘man ki mithaee.’

‘aur kya kaya hai?’

‘mar.’

‘kisane mara hai?’

‘giradharilal ne.’

ladaka rota hua ghar men gaya aur is mar ki chot se der tak rota raha. ant men tashtari men rakhi huee doodh ki malaee ne usaki chot par maraham ka kam kiya.

3

rogi ko jab jine ki asha nahin rahati, to aushadhi chhod deta hai. mistar ramaraksha jab is gutthi ko n sulajha sake, to chadar tan li aur munh lapet kar so rahe. sham ko ekaek uth kar seth ji ke yahan pahunche aur kuchh asavadhani se bole—mahashay, main apaka hisab nahin kar sakata.

seth ji ghabara kar bole—kyon?

ramaraksha—isalie ki main is samay daridr-nihng hoon. mere pas ek kaudi bhi nahin hai. ap ka rupaya jaise chahen vasool kar len.

seth—yah ap kaisi baten kahate hain?

ramaraksha—bahut sachchi.

seth—dukanen nahin hain?

ramaraksha—dukanen ap muft lo jaie.

seth—baink ke hisse?

ramaraksha—vah kab ke ud gaye.

seth—jab yah hal tha, to apako uchit nahin tha ki mere gale par chhuri pherate?

ramaraksha—(abhiman) main apake yahan upadesh sunane ke lie nahin aya hoon.

yah kah kar mistar ramaraksha vahan se chal die. seth ji ne turant nalish kar di. bis hazar mool, paaunch hazar byaj. digari ho gayi. makan nilam par chadha. pandrah hazar ki jayadad paaunch hazar men nikal gayi. das hazar ki motar char hazar men biki. sari sampatti ud jane par kul mila kar solah hazar se adhik ramak n khadi ho saki. sari grihasthi nasht ho gayi, tab bhi das hazar ke rini rah gaye. man-badaee, dhan-daulat sabhi mitti men mil gaye. bahut tej daudane vala manushy pray: munh ke bal gir padata hai.

4

is ghatana ke kuchh dinon pashchath dilli myunisipailiti ke membaron ka chunav arambh hua. is pad ke abhilashi votaron ki sajaऍn karane lage. dalalon ke bhagy uday hue. sammatiyaaun motiyon ki tol bikane lagin. ummidavar membaron ke sahayak apane-apane muvakkil ke gun gan karane lage. charon or chahal-pahal mach gayi. ek vakil mahashay ne bhari sabha men muvakkil sahab ke vishay men kaha—

‘main jis bujarug ka pairokar hoon, vah koee mamooli adami nahin hai. yah vah shakhs hai, jisane pharajnd akabar ki shadi men pachis hazar rupaya sirph raks v sarur men sarph kar diya tha.’

upasthit janon men prashnsa ki uchch dhvani huee

ek doosare mahashay ne apane muhalle ke votaron ke sammukh muvakkil ki prashnsa yon ki—

“main yah nahin kah sakata ki ap seth giradharilal ko apana membar banaie. ap apana bhala- bura svayn samajhate hain, aur yah bhi nahin ki seth ji mere dvara apani prashnsa ke bhookhen hon. mera nivedan keval yahi hai ki ap jise membar banayen, pahale usake gun-doshon ka bhali bhaaunti parichay le len. dilli men keval ek manushy hai, jo gat varsho se apaki seva kar raha hai. keval ek adami hai, jisane pani pahunchane aur svachchhata-prabndhon men hardik dharm-bhav se sahayata di hai. keval ek purush hai, jisako shriman vayasaray ke darabar men kursi par baithane ka adhikar prapt hai, aur ap sab mahashay use janate bhi hain.”

upasthit janon ne taliyaaun bajayin.

seth giradharilal ke muhalle men unake ek prativadi the. nam tha munshi phaijularahaman khaaun. bade zamindar aur prasiddh vakil the. baboo ramaraksha ne apani dridhata, sahas, buddhimatta aur mridu bhashan se munshi ji sahab ki seva karani arambh ki. seth ji ko parast karane ka yah apoorv avasar hath aya. ve rat aur din isi dhun men lage rahate. unaki mithi aur rochak baton ka prabhav upasthit janon par bahut achchha padata. ek bar apane asadharan shraddha-umng men a kar kaha—main dnke ki chot par kahata hoon ki munshi phaijul rahaman se adhik yogy adami apako dilli men n mil sakega. yah vah adami hai, jisaki gajalon par kavijanon men ‘vah-vah’ mach jati hai. aise shreshth adami ki sahayata karana main apana jatiy aur samajik dharm samajhata hoon. atynt shok ka vishay hai ki bahut-se log is jatiy aur pavitr kam ko vyaktigat labh ka sadhan banate hain; dhan aur vastu hai, shriman vayasaray ke darabar men pratishthit hona aur vastu, kintu samajik seva tatha jatiy chakari aur hi chiz hai. vah manushy, jisaka jivan byaj-prapti, beeemani, kathorata tatha nirdayata aur sukh- vilas men vyatit hota ho, is seva ke yogy kadapi nahin hai.

5

seth giradharilal is anyoktipoorn bhashan ka hal sun kar krodh se ag ho ge. main beeeman hoon! byaj ka dhan khanevala hoon! vishayi hoon! kushal huee, jo tumane mera nam nahin liya; kintu ab bhi tum mere hath men ho. main ab bhi tumhen jis tarah chahoon, nacha sakata hoon. khushamadiyon ne ag par tel dala. idhar ramaraksha apane kam men tatpar rahe. yahan tak ki ‘voting-de’ a pahuncha. mistar ramaraksha ko udyog men bahut kuchh saphalata prapt huee thi. aj ve bahut prasann the. aj giradharilal ko nicha dikhaoonga, aj usako jan padega ki dhan snsar ke sabhi padartho ko ikattha nahin kar sakata. jis samay phaijularahaman ke vot adhik nikalenge aur main taliyaaun bajaoonga, us samay giradharilal ka chehara dekhane yogy hoga, munh ka rng badal jayaga, havaiyaaun udane lagegi, ankhen n mila sakega. shayad, phir mujhe munh n dikha sake. inhin vicharon men magn ramaraksha sham ko taunahal men pahunche. upasthit janon ne badi umng ke sath unaka svagat kiya. thodi der ke bad ‘voting’ arambh hua. membari milane ki asha rakhanevale mahanubhav apane-apane bhagy ka antim phal sunane ke lie atur ho rahe the. chhah baje cheyaramain ne phaisala sunaya. seth ji ki har ho gayi. phaijularahaman ne maidan mar liya. ramaraksha ne harsh ke aveg men topi hava men uchhal di aur svayn bhi kee bar uchhal pade. muhallevalon ko achambha hua. chaaudani chauk se seth ji ko hatana meru ko sthan se ukhadana tha. seth ji ke chehare se ramaraksha ko jitani ashaऍn thin, ve sab poori ho gayin. unaka rng phika pad gaya tha. khed aur lajja ki moorti bane hue the. ek vakil sahab ne unase sahanubhooti prakat karate hue kaha—seth ji, mujhe apaki har ka bahut bada shok hai. main janata ki khushi ke badale rnj hoga, to kabhi yahan n ata. main to keval apake khyal se yahan aya tha. seth ji ne bahut rokana chaha, parntu ankhon men ansoo dabadaba hi gaye. ve ni:sprih banane ka vyarth prayatn karake bole—vakil sahab, mujhe isaki kuchh chinta nahin, kaun riyasat nikal gayi? vyarth ulajhan, chinta tatha jhnjhat rahati thi, chalo, achchha hua. gala chhoota. apane kam men haraj hota tha. saty kahata hoon, mujhe to hriday se prasannata hi huee. yah kam to bekam valon ke lie hai, ghar n baithe rahe, yahi begar ki. meri moorkhata thi ki main itane dinon tak ankhen bnd kiye baitha raha. parntu seth ji ki mukhakriti ne in vicharon ka praman n diya. mukhamndal hriday ka darpan hai, isaka nishchay alabatta ho gaya.

kintu baboo ramaraksha bahut der tak is anand ka maja n lootane paye aur n seth ji ko badala lene ke lie bahut der tak pratiksha karani padi. sabha visarjit hote hi jab baboo ramaraksha saphalata ki umng men ainthaten, monchh par tav dete aur charon or garv ki drishti dalate hue bahar aye, to divani ki tin sipahiyon ne age badh kar unhen giraphtari ka varnt dikha diya. abaki baboo ramaraksha ke chehare ka rng utar jane ki, aur seth ji ke is manovanchhit drishy se anand uthane ki bari thi. giradharilal ne anand ki umng men taliyaaun to n bajayin, parntu muskara kar munh pher liya. rng men bhng pad gaya.

aj is vishay ke upalakshy men munshi phaijularahaman ne pahale hi se ek bade samaroh ke sath gardan parti ki taiyariyaaun ki thin. mistar ramaraksha isake prabndhakartta the. aj ki ‘aphtar dinar’ spich unhonne bade parishram se taiyar ki thi; kintu is varnt ne sari kamanaon ka satyanash kar diya. yon to baboo sahab ke mitron men aisa koee bhi n tha, jo das hazar rupaye jamanat de deta; ada kar dene ka to zikr hi kaya; kintu kadachit aisa hota bhi to seth ji apane ko bhagyahin samajhate. das hazar rupaye aur myunispailiti ki pratishthit membari khokar inhen is samay yah harsh hua tha.

mistar ramaraksha ke ghar par jyonhi yah khabar pahunchi, kuharam mach gaya. unaki stri pachhad kha kar prithvi par gir padi. jab kuchh hosh men ayi to rone lagi. aur rone se chhutti mili to usane giradharilal ko kosana arambh kiya. devi-devata manane lagi. unhen rishvaten dene par taiyar huee ki ye giradharilal ko kisi prakar nigal jaen. is bade bhari kam men vah gnga aur yamuna se sahayata maaung rahi thi, pleg aur visoochika ki khushamaden kar rahi thi ki ye donon mil kar us giradharilal ko hadap le jaen! kintu giradhari ka koee dosh nahin. dosh tumhara hai. bahut achchha hua! tum isi pooja ke devata the. kya ab davaten n khilaoge? mainne tumhen kitana samajhaya, royi, ruthi, bigadi; kintu tumane ek n suni. giradharilal ne bahut achchha kiya. tumhen shiksha to mil gayi; kintu tumhara bhi dosh nahin. yah sab ag mainne hi lagayi. makhamali sliparon ke bina mere paaunv hi nahin uthate the. bina jadaoo kadon ke mujhe nind n ati thi. sejagadi mere hi lie mngavayi thi. angareji padhane ke lie mem sahab ko mainne hi rakha. ye sab kaaunte mainne hi boye hain.

misej ramaraksha bahut der tak inhin vicharon men doobi rahi. jab rat bhar karavaten badalane ke bad vah sabere uthi, to usake vichar charon or se thokar kha kar keval ek kendr par jam gaye. giradharilal bada badamash aur ghamndi hai. mera sab kuchh le kar bhi use sntosh nahin hua. itana bhi is nirdayi kasaee se n dekha gaya. bhinn-bhinn prakar ke vicharon ne mil kar ek rup dharan kiya aur krodhagni ko dahala kar prabal kar diya. jvalamukhi shishe men jab soory ki kiranen ek hoti hain, tab agni prakat ho jati hain. stri ke hriday men rah-rah kar krodh ki ek asadharan lahar utpann hoti thi. bachche ne mithaee ke lie hath kiya; us par baras padin; mahari ne chauka- baratan karake choolhen men ag jala di, usake pichhe pad gayi—main to apane du:khon ko ro rahi hoon, is chudail ko rotiyon ki dhun savar hai. nidan nau baje usase n raha gaya. usane yah patr likh kar apane hriday ki jvala thndi ki—

‘seth ji, tumhen ab apane dhan ke ghamnd ne andha kar diya hai, kintu kisi ka ghamnd isi tarah sada nahin rah sakata. kabhi n kabhi sir avashy nicha hota hai. afasos ki kal sham ko, jab tumane mere pyare pati ko pakadavaya hai, main vahan maujood n thi; nahin to apana aur tumhara rakt ek kar deti. tum dhan ke mad men bhoole hue ho. main usi dam tumhara nasha utar deti! ek stri ke hathon apamanit ho kar tum phir kisi ko munh dikhane layaq n rahate. achchha, isaka badala tumhen kisi n kisi tarah jarur mil jayaga. mera kaleja us din thnda hoga, jab tum nirvnsh ho jaoge aur tumhare kul ka nam mit jayaga.

seth ji par yah phatakar padi to ve krodh se ag ho gaye. yadyapi kshudr hriday manushy n the, parntu krodh ke aveg men saujany ka chihn bhi shesh nahin rahata. yah dhyan n raha ki yah ek du:khini ki krndan-dhvani hai, ek satayi huee stri ki manasik durbalata ka vichar hai. usaki dhan-hinata aur vivashata par unhen tanik bhi daya n ayi. mare hue ko marane ka upay sochane lage.

6

isake tisare din seth giradharilal pooja ke asan par baithe hue the, mahara ne akar kaha—sarakar, koee stri ap se milane ayi hai. seth ji ne poochha—kaun stri hai? mahara ne kaha—sarakar, mujhe kya maloom? lekin hai koee bhalemanus! reshami sadi pahane hue hath men sone ke kade hain. pairon men tat ke slipar hain. bade ghar ki stri jan padati hain.

yon sadharanat: seth ji pooja ke samay kisi se nahin milate the. chahe kaisa hi avashyak kam kyon n ho, eeshvaropasana men samajik badhaon ko ghusane nahin dete the. kintu aisi dasha men jab ki kisi bade ghar ki stri milane ke lie aye, to thodi der ke lie pooja men vilamb karana nindaniy nahin kaha ja sakata, aisa vichar karake ve naukar se bole—unhen bula laon

jab vah stri ayi to seth ji svagat ke lie uth kar khade ho gaye. tatpashchath atynt komal vachanon ke karunik shabdon se bole—mata, kahan se ana hua? aur jab yah uttar mila ki vah ayodhya se ayi hai, to apane use phir se dndavat kiya aur chini tatha mishri se bhi adhik madhur aur navanit se bhi adhik chikane shabdon men kaha—achchha, ap shri ayodhya ji se a rahi hain? us nagari ka kya kahana! devataon ki puri hain. bade bhagy the ki apake darshan hue. yahan apaka agaman kaise hua? stri ne uttar diya—ghar to mera yahin hai. seth ji ka mukh punah madhurata ka chitr bana. ve bole—achchha, to makan apaka isi shahar men hai? to apane maya-jnjal ko tyag diya? yah to main pahale hi samajh gaya tha. aisi pavitr atmaऍn snsar men bahut thodi hain. aisi deviyon ke darshan durlabh hote hain. apane mujhe darshan diya, badi kripa ki. main is yogy nahin, jo ap-jaisi vidushiyon ki kuchh seva kar sakoon? kintu jo kam mere yogy ho—jo kuchh mere kie ho sakata ho—use karane ke lie main sab bhaaunti se taiyar hoon. yahan seth-sahookaron ne mujhe bahut badanam kar rakha hai, main sabaki ankhon men khatakata hoon. usaka karan siva isake aur kuchh nahin ki jahan ve log labh ka dhyan rakhate hain, vahan main bhalaee par rakhata hoon. yadi koee badi avastha ka vriddh manushy mujhase kuchh kahane-sunane ke lie ata hai, to vishvas manon, mujhase usaka vachan tala nahin jata. kuchh budhape ka vichar; kuchh usake dil toot jane ka dar; kuchh yah khyal ki kahin yah vishvasaghatiyon ke phnde men n phns jae, mujhe usaki ichchhaon ki poorti ke lie vivash kar deta hai. mera yah siddhant hai ki achchhi jayadad aur kam byaj. kintu is prakar baten apake samane karana vyarth hai. ap se to ghar ka mamala hai. mere yogy jo kuchh kam ho, usake lie main sir ankhon se taiyar hoon.

vriddh stri—mera kam ap hi se ho sakata hai.

seth ji—(prasann ho kar) bahut achchha; agya do.

stri—main apake samane bhikharin ban kar ayi hoon. apako chhodakar koee mera saval poora nahin kar sakata.

seth ji—kahie, kahie.

stri—ap ramaraksha ko chhod dijie.

seth ji ke mukh ka rng utar gaya. sare havaee kile jo abhi-abhi taiyar hue the, gir pade. ve bole—usane meri bahut hani ki hai. usaka ghamnd tod daloonga, tab chhodoonga.

stri—to kya kuchh mere budhape ka, mere hath phailane ka, kuchh apani badaee ka vichar n karoge? beta, mamata buri hoti hai. snsar se nata toot jae; dhan jae; dharm jae, kintu ladake ka sneh hriday se nahin jata. sntosh sab kuchh kar sakata hai. kintu bete ka prem maaun ke hriday se nahin nikal sakata. is par hakim ka, raja ka, yahan tak ki eeshvar ka bhi bas nahin hai. tum mujh par taras khao. mere ladake ki jan chhod do, tumhen bada yash milega. main jab tak jioongi, tumhen ashirvad deti rahoongi.

seth ji ka hriday kuchh pasija. patthar ki tah men pani rahata hai; kintu tatkal hi unhen mises ramaraksha ke patr ka dhyan a gaya. ve bole—mujhe ramaraksha se koee utani shatruta nahin thi, yadi unhonne mujhe n chheda hota, to main n bolata. apake kahane se main ab bhi unaka aparadh kshama kar sakata hoon! parantu usaki bibi sahaba ne jo patr mere pas bheja hai, use dekhakar sharir men ag lag jati hai. dikhaun apako! ramaraksha ki maaun ne patr le kar padha to unaki ankhon men ansoo bhar aye. ve bolin—beta, us stri ne mujhe bahut du:kh diya hai. usane mujhe desh se nikal diya. usaka mizaj aur jaban usake vash men nahin; kintu is samay usane jo garv dikhaya hai; usaka tumhen khyal nahin karana chahie. tum ise bhula do. tumhara desh-desh men nam hai. yah neki tumhare nak ko aur bhi phaila degi. main tumase pran karati hoon ki sara samachar ramaraksha se likhava kar kisi achchhe samachar- patr men chhapava doongi. ramaraksha mera kahana nahin talega. tumhare is upakar ko vah kabhi n bhoolega. jis samay ye samachar snvadapatron men chhapenge, us samay hajaron manushyon ko tumhare darshan ki abhilasha hogi. sarakar men tumhari badaee hogi aur main sachche hriday se kahati hoon ki shighr hi tumhen koee n koee padavi mil jayagi. ramaraksha ki angarejon se bahut mitrata hai, ve usaki bat kabhi n talenge.

seth ji ke hriday men gudagudi paida ho gayi. yadi is vyavahar men vah pavitr aur mananiy sthan prapt ho jae—jisake lie hajaron kharch kiye, hajaron daliyaaun din, hajaron anunay-vinay kin, hajaron khushamaden kin, khanasamon ki jhidakiyaaun sahin, bngalon ke chakkar lagaye—to is saphalata ke lie aise kee hazar main kharch kar sakata hoon. ni:sndeh mujhe is kam men ramaraksha se bahut kuchh sahayata mil sakati hai; kintu in vicharon ko prakat karane se kya labh? unhonne kaha—mata, mujhe nam-namood ki bahut chah nahin hain. badon ne kaha hai—neki kar dariyan men dal. mujhe to apaki bat ka khyal hai. padavi mile to lene se inakar nahin; n mile to trishna nahin, parntu yah to bataie ki mere rupayon ka kya prabndh hoga? apako maloom hoga ki mere das hazar rupaye ate hain.

ramaraksha ki maaun ne kaha—tumhare rupaye ki jamanat men karati hoon. yah dekhon, bngal-baink ki pas buk hai. usamen mera das hazar rupaya jama hai. us rupaye se tum ramaraksha ko koee vyavasay kara do. tum us dukan ke malik rahoge, ramaraksha ko usaka mainejar bana dena. jab tak tumhare kahe par chale, nibhana; nahin to dookan tumhari hai. mujhe usamen se kuchh nahin chahie. meri khoj-khabar lenevala eeshvar hai. ramaraksha achchhi tarah rahe, isase adhik mujhe aur n chahie. yah kahakar pas-buk seth ji ko de di. maaun ke is athah prem ne seth ji ko vihval kar diya. pani ubal pada, aur patthar ke niche dhnk gaya. aise pavitr drishy dekhane ke lie jivan men kam avasar milate hain. seth ji ke hriday men paropakar ki ek lahar-si uthi; unaki ankhen dabadaba ayin. jis prakar pani ke bahav se kabhi-kabhi baaundh toot jata hai; usi prakar paropakar ki is umng ne svarth aur maya ke baaundh ko tod diya. ve pas-buk vriddh stri ko vapas dekar bole—mata, yah apani kitab lo. mujhe ab adhik lajjit n karo. yah dekho, ramaraksha ka nam bahi se uda deta hoon. mujhe kuchh nahin chahie, mainne apana sab kuchh pa liya. aj tumhara ramaraksha tum ko mil jayaga.

is ghatana ke do varsh uparant taunahal men phir ek bada jalasa hua. baind baj raha tha, jhndiyaaun aur dhvajaऍn vayu-mndal men lahara rahi thin. nagar ke sabhi mananiy purush upasthit the. laindo, phitan aur motaron se sara hata bhara hua tha. ekaek mushti ghodon ki ek phitan ne hate men pravesh kiya. seth giradharilal bahumooly vastron se saje hue usamen se utare. unake sath ek phaishanebul navayuvak angreji soot pahane muskarata hua utara. ye mistar ramaraksha the. ve ab seth ji ki ek khas dukan ka mainejar hain. keval mainejar hi nahin, kintu unhen mainnejing propraitar samajhana chahie. dilli- darabar men seth ji ko rabahadur ka pad mila hai. aj distrikt maijistret niyamanusar isaki ghoshana karenge aur soochit karenge ki nagar ke mananiy purushon ki or se seth ji ko dhanyavad dene ke lie baithak huee hai. seth ji ki or se dhanyavad ka vaktavy ramaraksha karenge. jil logon ne unaki vaktritaऍn suni hain, ve bahut utsukata se us avasar ki pratiksha kar rahe hain.

baithak samapt hone par seth ji ramaraksha ke sath apane bhavan par pahunche, to maloom hua ki aj vahi vriddha unase phir milane ayi hai. seth ji daudakar ramaraksha ki maaun ke charanon se lipat gaye. unaka hriday is samay nadi ki bhaaunti umada hua tha.

‘ramaraksha aind phredas’ namak chini banane ka karakhana bahut unnati par hain. ramaraksha ab bhi usi that-bat se jivan vyatit kar rahe hain; kintu partiyaaun kam dete hain aur din-bhar men tin se adhik soot nahin badalate. ve ab us patr ko, jo unaki stri ne seth ji ko likha tha, snsar ki ek bahut amooly vastu samajhate hain aur misej ramaraksha ko bhi ab seth ji ke nam ko mitane ki adhik chah nahin hai. kyonki abhi hal men jab ladaka paida hua tha, misej ramaraksha ne apana suvarn- knkan dhay ko upahar diya tha manon mithaee baaunti thi.

yah sab ho gaya; kintu vah bat, jo ab honi chahie thi, n huee. ramaraksha ki maaun ab bhi ayodhya men rahati hain aur apani putravadhoo ki soorat nahin dekhana chahatin.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah