दफ्तरी -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

raphakat husen mere daftar ka daftari tha. 10 ru. masik vetan pata tha. do-tin rupaye bahar ke phutakar kam se mil jate the. yahi usaki jivika thi, par vah apani dasha par sntusht tha. usaki antarik avastha to gyat nahin, par vah sadaiv saph-suthare kapade pahanata aur prasannachitt rahata. karz is shreni ke munashyon ka abhooshan hai. raphakat par isaka jadoo n chalata tha. usaki baton men kritrim shishtachar ki jhalak bhi n hoti. belag aur khari kahata tha. amalon men jo buraiyan dekhata, saf kah deta. isi saphagoee ke karan log usaka samman haisiyat se zyada karate the. use pashuon se vishesh prem tha. ek ghodi, ek gay, kee bakariyan, ek billi aur ek kutta aur kuchh murgiyan pal rakhi thin. in pashuon par jan deta tha. bakariyon ke lie pattiyan tod lata, ghodi ke lie ghas chhil lata. yadyapi use aye din maveshikhane ke darshan karane padate the, aur bahudha log usake pashu-prem ki hnsi udate the, par vah kisi ki n sunata tha aur usaka yah niahsvarth prem tha. kisi ne use murgiyon ke ande bechate nahin dekha. usaki bakariyon ke bachche kabhi boochad ki chhuri ke niche nahin gaye aur usaki ghodi ne kabhi lagam ka munh nahin dekha. gay ka doodh kutta pita tha. bakari ka doodh billi ke hisse men ata tha. jo kuchh bacha rahata, vah ap pita tha.

saubhagy se usaki patni bhi sadhvi thi. yadyapi usaka ghar bahut chhota tha, par kisi ne dvar par usaki avaz nahin suni. kisi ne use dvar par jhankate nahin dekha. vah gahane-kapadon ke tagadon se pati ki nind haram n karati thi. daftari usaki pooja karata tha. vah gay ka gobar uthati, ghodon ko ghas dalati, billi ko apane sath bitha kar khilati, yahan tak ki kutte ko nahalane se bhi use ghrina n hoti thi.

barasat thi, nadiyon men badh ayi huee thi. daftar ke karmachari machhaliyon ka shikar khelane chale. shamat ka mara raphakat bhi unake sath ho liya. din bhar log shikar khela kiye, sham ko moosaladhar pani barasane laga. karmachariyon ne to ek ganv men rat kati, daftari ghar chala, par andheri rat rah bhool gaya aur sari rat bhatakata phira. pratahkal ghar pahuncha to abhi andhera hi tha, lekin donon dvar-pat khule hue the. usaka kutta poonchh dabaye karun-svar se karahata hua akar, usake pairon par lot gaya. dvar khule dekh kar daftari ka kaleja sann-se ho gaya. ghar men qadam rakhe to bilakul sannata tha. do-tin bar stri ko pukara, kintu koee uttar n mila. ghar bhany-bhany kar raha tha. usane donon kothariyon men ja kar dekha. jab vahan bhi usaka pata n mila to pashushala men gaya. bhitar jate hue agyat bhay ho raha tha jo kisi andhere khoh men jate hue hota hai. usaki stri vahin bhoomi par chit padi huee thi. munh par makkhiyan baithi huee thin, honth nile pad gaye the, ankhen pathara gayi thin. lakshanon se anuman hota tha ki sanp ne das liya hai.

doosare din raphakat aya to use pahachanana mushkil tha. maloom hota tha, barason ka rogi hai. bilakul khoya hua, gum-sum baitha raha mano kisi doosari duniya men hai. sndhya hote hi vah utha aur stri ki qabr par ja kar baith gaya. andhera ho gaya. tin-char ghadi rat bit gayi, par dipak ke timatimate hue prakash men usi qabr par nairashy aur duahkh ki moorti bana baitha raha, mano mrityu ki rah dekh raha ho. maloom nahin, kab ghar aya. ab yahi usaka nity ka niyam ho gaya. pratahkal uth kar majar par jata, jhadoo lagata, phoolon ke har chadhata, loban jalata aur nau baje tak quran ka path karata, sndhya samay phir yahi kram shuroo hota. ab yahi usake jivan ka niyamit karm tha. ab vah antarjagat men basata tha. bahy jagath se usane munh mod liya tha. shok ne virakt kar diya tha.

kee mahine tak yahi hal raha. karmachariyon ko daftari se sahanubhooti ho gayi thi. usake kam kar lete, use kasht n dete. usaki patni-bhakti par logon ko vismay hota tha.

lekin manushy sarvada pranalok men nahin rah sakata. vahan ka jalavayu usake anukool nahin. vahan vah roopamay, rasamay, bhavanaen kahan ? virag men vah chintamay ullas kahan ? vah ashamay annd kahan ? daftari ko adhi rat tak dhyan men doobe rahane ke bad choolha jalana padata, pratahkal pashuon ki dekhabhal karani padati. yah bojha usake lie asahy tha. avastha ne bhavukata par vijay payi. marubhoomi ke pyase pathik ki bhanti daftari phir dampaty-sukh jal òot ki or dauda. vah phir jivan ka yahi sukhad abhinay dekhana chahata tha. patni ki smriti dampaty-sukh ke roop men vilin hone lagi. yahan tak ki chhah mahine men us sthiti ka chihn bhi shesh n raha.

is muhalle ke doosare sire par bade sahab ka ek aradali rahata tha. usake yahan se vivah ki batachit hone lagi, miyan raphakat phoole n samaye. aradali sahab ka samman muhalle men kisi vakil se kam n tha. unaki amadani par anek kalpanaen ki jati thin. sadharan bolachal men kaha jata tha, ‘jo kuchh mil jay vah thoda hai.’ vah svayn kaha karate the ki takabi ke dinon men mujhe jeb ki jagah thaili rakhani padati thi. daftari ne samajha bhagy uday hua. is tarah toote, jaise bachche khilaune par tootate hain. ek hi saptah men sara vidhan poora ho gaya aur navavadhoo ghar men a gayi. jo manushy kabhi ek saptah pahale snsar se virakt, jivan se nirash baitha ho, use munh par sehara dale ghode par savar navakusum ki bhanti vikasit dekhana manav-prakriti ki ek vilakshan vivechana thi.

kintu ek hi athavare men navavadhoo ke jauhar khulane lage. vidhata ne use roopendriy se vnchit rakha tha. par usaki kasar poori karane ke lie ati tikshn vakendriy pradan ki thi. isaka saboot usaki vah vakpatuta thi jo ab bahudha padosiyon ko vinodit aur daftari ko apamanit kiya karati thi. usane ath din tak daftari ke charitr ka tatvik drishti se adhyayan kiya aur tab ek din usase boli-tum vichitr jiv ho. adami pashu palata hai apane aram ke lie, n ki jnjal ke lie. yah kya ki gay ka doodh kutte piyen, bakariyon ka doodh billi chat kar jay. aj se sab doodh ghar men laya karo.

daftari niruttar ho gaya. doosare din ghodi ka ratib bnd ho gaya. vah chane ab bhad men bhunane aur namak-mirch se khaye jane lage. pratahkal taje doodh ka nashta hota, aye din tasmee banati. bade ghar ki beti, pan bina kyonkar rahati ? ghi, masale ka bhi kharch badha. pahale hi mahine men daftari ko vidit ho gaya ki meri amadani gujar ke lie kafi nahin hai. usaki dasha us manushy ki-si thi, jo shakkar ke dhokhe men kunain phank gaya ho.

daftari bada dharmaparayan manushy tha. do-tin mahine tak yah visham vedana sahata raha. par usaki soorat usaki avastha ko shabdon se adhik vyakt kar deti thi. vah daftari jo abhav men bhi sntosh ka annd uthata tha, ab chinta ki sajiv moorti tha. kapade maile, sir ke bal bikhare hue, chehare par udasi chhayi huee, aharnish hay-hay kiya karata tha. usaki gay ab haddiyon ka dhancha thi, ghodi ka jagah se hilana kathin tha, billi padosiyon ke chhinkon par uchakati aur kutta ghooron par haddiyan nochata phirata tha. par ab bhi vah himmat ka dhani in purane mitron ko alag n karata tha. sabase badi vipatti patni ki vah vakprachurata thi jisake samane kabhi usaka dhairy, usaki karmanishtha, usaki utsahashilata prasthan kar jati aur apani andheri kothari ke ek kone men baith kar khoob phoot-phoot kar rota. sntosh ke anand ko durlabh pa kar raphakat ka pidit hriday uchchhrinkhalata ki or pravritt hua. atmabhiman jo sntosh ka prasad hai, usake chitt se lupt ho gaya. usane phakemasti ka path grahan kiya. ab usake pas pani rakhane ke lie koee baratan n tha. vah us kuen se pani khinch kar usi dam pi jana chahata tha jisase vah zamin par bah n jay. vetan pa kar ab vah mahine bhar ka saman jutata, thnde pani aur rookhi rotiyon se ab use taskin n hoti, bazar se biskut lata, malaee ke donon aur kalami amon ki or lapakata. das rupaye ki bhugat hi kya ? ek saptah men sab rupaye ud jate, tab jildabndiyon ki peshagi par hath badhata, phir do-ek upavas hota, ant men udhar mangane lagata. shanaiah-shanaiah yah dasha ho gayi ki vetan denadaron hi ke hathon men chala jata aur mahine ke pahale hi din karz lena shuroo karata. vah pahale doosaron ko mitavyayita ka upadesh diya karata tha, ab log use samajhate, par vah laparavahi se kahata sahab, aj milata hai khate hain kal ka khuda malik hai; milega khayenge nahin pad kar so rahenge. usaki avastha ab us rogi-si ho gayi jo arogy labh se nirash ho kar pathyapathy ka vichar tyag de, jisamen mrityu ke ane tak vah bhojy-padarthon se bhali-bhanti tript ho jay.

lekin abhi tak usane ghodi aur gay n bechi, yahan tak ki ek din donon maveshikhane men dakhil ho gayin. bakariyan bhi trishna vyaghr ke pnje men phns gayin. polav aur jarade ke chaske ne nanabaee ka rini bana diya tha. jab use maloom ho gaya ki nagad rupaye vasool n honge to ek din sabhi bakariyan hank le gaya. daftari munh takata rah gaya. billi ne bhi svamibhakti se munh moda. gay aur bakariyon ke jane ke bad ab use doodh ke bartanon ko chatane ki bhi asha n rahi, jo usake sneh-bndhan ka antim sootr tha. han, kutta purane sadvyavaharon ki yad karake abhi tak atmiyata ka palan karata jata tha, kintu usaki sajivata vida ho gayi thi. yah vah kutta n tha jisake samane dvar par kisi aparichit manushy ya kutte ka nikal jana asambhav tha. vah ab bhi bhoonkata tha, lekin lete-lete aur prayah chhati men sir chhipaye hue, mano apani vartaman sthiti par ro raha ho. ya to usamen ab uthane ki shakti hi n thi, ya vah chirakalin kripaon ke lie itana kirtigan paryapt samajhata tha.

sndhya ka samay tha. main dvar par baitha hua patr padh raha tha ki akasmath daftari ko ate dekha. kadachith koee kisan samman pane vale chaparasi se bhi itana bhayabhit n hoga, bal-vrind tika lagane vale se bhi itana n darate honge. main avyavasthit ho kar utha aur chaha ki andar ja kar dvar bnd kar loon ki itane men daftari lapak kar samane a pahuncha. ab kaise bhagata ? kursi par baith gaya, par nak-bhaun chadhaye hue. daftari kisalie a raha tha isamen mujhe leshamatr bhi shnka n thi. rinechchhuon ki hriday-cheshta unaki mukhakriti par, unake achar-vyavahar par ujjval rngon se ankit hoti hai. vah ek vishesh namrata, snkochamay paravashata hoti hai jise ek bar dekh kar phir nahin bhulaya ja sakata.

daftari ne ate hi bina kisi prastavana ke abhipray kah sunaya jo mujhe pahale hi gyat ho chuka tha.

mainne rukhaee se uttar diya mere pas rupaye nahin hain.

daftari ne salam kiya aur ulte panv lauta. usake chehare par aisi dinata aur bekasi chhayi thi ki mujhe us par daya a gayi. usaka is bhanti bina kuchh kahe-sune lautana kitana sarapoorn tha ! isamen lajja thi, sntosh tha, pachhatava tha. usake munh se ek shabd bhi n nikala, lekin usaka chehara kah raha tha, mujhe vishvas tha ki ap yahi uttar denge ! isamen mujhe jara bhi sndeh n tha. lekin yah janate hue bhi main yahan tak aya, maloom nahin kyon ? meri samajh men svayn nahin ata. kadachith apaki dayashilata, apaki vatsalata mujhe yahan tak layi. ab jata hoon, vah munh hi nahin raha ki apani kuchh katha sunaoon.

mainne daftari ko avaz di jara suno to, kya kam hai ?

daftari ko kuchh ummed huee. bola apase kya arj karoon, do din se upavas ho raha hai.

mainne badi namrata se samajhaya is tarah karz le kar kai din tumhara kam chalega. tum samajhadar adami ho, janate ho ki ajakal sabhi ko apani fikr savar rahati hai. kisi ke pas falatoo rupaye nahin rahate aur yadi hon bhi to vah rin de kar rar kyon lene laga. tum apani dasha sudharate kyon nahin.

daftari ne virakt bhav se kaha-yah sab dinon ka pher hai. aur kya kahoon. jo chiz mahine bhar ke lie lata hoon, vah ek din men ud jati hai, main gharavali ke chatorepan se lachar hoon. agar ek din doodh n mile to mahanamath macha de, bazar se mithaiyan n laoon to ghar men rahana mushkil ho jay, ek din gosht n pake to meri botiyan noch khay. khanadan ka sharif hoon. yah beijjati nahin sahi jati ki khane ke pichhe stri se jhagada-takarar karoon. jo kuchh kahati hai sir ke bal poora karata hoon. ab khuda se yahi dua hai ki mujhe is duniya se utha le. isake sivay mujhe doosari koee soorat nahin najar ati, sab kuchh karake har gaya.

mainne sndook se 5 ru. nikale aur use de kar bola yah lo, yah tumhare purusharth ka inam hai. main nahin janata tha ki tumhara hriday itana udar, itana virarasapoorn hai.

grihadah men jalanevale vir, ranakshetr ke viron se kam mahattvashali nahin hote.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah