कायर -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

yuvak ka nam keshav tha, yuvati ka prema. donon ek hi kalej ke aur ek hi klas ke vidyarthi the. keshav naye vicharon ka yuvak tha, jat-pant ke bandhanon ka virodhi. prema purane snskaron ki kayal thi, purani maryadaon aur prathaon men poora vishvas rakhanevali; lekin phir bhi donon men gadha prem ho gaya tha. aur yah bat sare kalej men mashahoor thi. keshav brahman hokar bhi vaishy kanya prema se vivah karake apana jivan sarthak karana chahata tha. use apane mata-pita ki paravah n thi. kul-maryada ka vichar bhi use svang-sa lagata tha. usake lie saty koee vastu thi, to prem thi; kintu prema ke lie mata-pita aur kul-parivar ke adesh ke viruddh ek qadam badhana bhi asambhav tha.

sandhya ka samay hai. viktoriya-park ke ek nirjan sthan men donon amane-samane hariyali par baithe hue hain. sair karane vale ek-ek karake vida ho gaye; kintu ye donon abhi vahin baithe hue hain. unamen ek aisa prasng chhida hua hai, jo kisi tarah samapt nahin hota.

keshav ne jhunjhalakar kaha—isaka yah arth hai ki tumhen meri paravah nahin hai?

prema ne usako shant karane ki cheshta karake kaha—tum mere sath anyay kar rahe ho, keshav! lekin main is vishay ko mata-pita ke samane kaise chhedoon, yah meri samajh men nahin ata. ve log purani roodhiy़on ke bhakt hain. meri taraph se koee aisi bat sunakar man men jo-jo shnkaen hongi, unaki tum kalpana kar sakate ho?

keshav ne ugr bhav se poochha—to tum bhi unhin purani roodhiyon ki gulam ho?

prema ne apani badi-badi ankhon men mridu-sneh bharakar kaha—nahin, main unaki gulam nahin hoon, lekin mata-pita ki ichchha mere lie aur sab chijon se adhik many hai.

‘tumhara vyaktitv kuchh nahin hai?’

‘aisa hi samajh lo.’

‘main to samajhata tha ki ye dhakosale moorkhon ke lie hi hain; lekin ab maloom hua ki tum-jaisi vidushiyan bhi unaki pooja karati hain. jab main tumhare lie snsar ko chhodऩe ko taiyar hoon to tumase bhi yahi asha karata hoon.’

prema ne man men socha, mera apani deh par kya adhikar hai. jin mata-pita ne apane rakt se meri srishti ki hai, aur apane sneh se use pala hai, unaki maraji ke khilaf koee kam karane ka use koee hak nahin.

usane dinata ke sath keshav se kaha—kya prem stri aur purush ke roop hi men rah sakata hai, maitri ke roop men nahin? main to atma ka bandhan samajhati hoon.

keshav ne kathor bhav se kaha—in darshanik vicharon se tum mujhe pagal kar dogi, prema! bas, itana hi samajh lo main nirash hokar zinda nahin rah sakata. main pratyakshavadi hoon, aur kalpanaon ke snsar men pratyaksh ka anand uthana mere lie asambhav hai.

yah kahakar usane prema ka hath pakadaqar apani or khinchane ki cheshta ki. prema ne jhatake se hath chhuda liya aur boli—nahin keshav, main kah chuki hoon ki main svatantr nahin hoon. tum mujhase vah chiz n mango, jis par mera koee adhikar nahin hai.

keshav ko agar prema ne kathor shabd kahe hote to bhi use itana du:kh n hua hota. ek kshan tak vah man mare baitha raha, phir uthakar nirasha bhare svar men bola—‘jaisi tumhari ichchha! ahista-ahista kadam-sa uthata hua vahan se chala gaya. prema ab bhi vahin baithi ansoo bahati rahi.

2

rat ko bhojan karake prema jab apani man ke sath leti, to usaki ankhon men nind n thi. keshav ne use ek aisi bat kah di thi, jo chnchal pani men padऩe vali chhaya ki tarah usake dil par chhayi huee thi. pratikshan usaka roop badalata tha. vah use sthir n kar sakati thi. mata se is vishay men kuchh kahe to kaise? lajja munh band kar deti thi. usane socha, agar keshav ke sath mera vivah n hua to us samay mera kya katrtavy hoga. agar keshav ne kuchh uddandata kar dali to mere lie snsar men phir kya rah jayaga; lekin mera bas hi kya hai. in bhanti-bhanti ke vicharon men ek bat jo usake man men nishchit huee, vah yah thi ki keshav ke siva vah aur kisi se vivah n karegi.

usaki mata ne poochha—kya tujhe ab tak nind n ayi? mainne tujhase kitani bar kaha ki thoda-bahut ghar ka kam-kaj kiya kar; lekin tujhe kitabon se hi phurasat nahin milati. char din men too paraye ghar jayagi, kaun jane kaisa ghar mile. agar kuchh kam karane ki adat n rahi, to kaise nibah hoga?

prema ne bholepan se kaha—main paraye ghar jaoongi hi kyon?

mata ne muskarakar kaha—ladakiyon ke lie yahi to sabase badi vipatti hai, beti! man-bap ki god men palakar jyon hi sayani huee, doosaron ki ho jati hai. agar achchhe prani mile, to jivan aram se kat gaya, nahin ro-rokar din katana pada. sab kuchh bhagy ke adhin hai. apani biradari men to mujhe koee ghar nahin bhata. kahin ladakiyon ka adar nahin; lekin karana to biradari men hi padega. n jane yah jat-pant ka bandhan kab tootega?

prema darate-darate boli—kahin-kahin to biradari ke bahar bhi vivah hone lage hain!

usane kahane ko kah diya; lekin usaka hriday kanp raha tha ki mata ji kuchh bhanp n jayn.

mata ne vismay ke sath poochha—kya hinduon men aisa hua hai!

phir usane ap-hi-ap us prashn ka javab bhi diya—aur do-char jagah aisa ho bhi gaya, to usase kya hota hai?

prema ne isaka kuchh javab n diya, bhay hua ki mata kahin usaka ashay samajh n jayn. usaka bhavishy ek andheri khaee ki tarah usake samane munh khole khada tha, manon use nigal jayaga.

use n jane kab nind a gayi.

3

prat:kal prema sokar uthi, to usake man men ek vichitr sahas ka uday ho gaya tha. sabhi mahattvapoorn phaisale ham akasmik roop se kar liya karate hain, mano koee daivi-shakti hamen unaki or khinch le jati hai; vahi halat prema ki thi. kal tak vah mata-pita ke nirnay ko many samajhati thi, par snkat ko samane dekhakar usamen us vayu ki himmat paida ho gayi thi, jisake samane koee parvat a gaya ho. vahi mand vayu prabal veg se parvat ke mastak par chadh jati hai aur use kuchalati huee doosari taraph ja pahunchati hai. prema man men soch rahi thi—mano, yah deh mata-pita ki hai; kintu atma to meri hai. meri atma ko jo kuchh bhugatana padega, vah isi deh se to bhugatana padega. ab vah is vishay men snkoch karana anuchit hi nahin, ghatak samajh rahi thi. apane jivan ko kyon ek jhoothe samman par balidan kare? usane socha vivah ka adhar agar prem n ho, to vah deh ka vikray hai. atm-samarpan kyon bina prem ke bhi ho sakata hai? is kalpana hi se ki n jane kis aparichit yuvak se usaka vivah ho jayaga, usaka hriday vidroh kar utha.

vah abhi nashta karake kuchh padhऩe ja rahi thi ki usake pita ne pyar se pukara—main kal tumhare prinsipal ke pas gaya tha, ve tumhari badi tariph kar rahe the.

prema ne saral bhav se kaha—ap to yon hi kaha karate hain.

‘nahin, sach.’

yah kahate hue unhonne apani mej ki daraj kholi, aur makhamali chaukhaton men jadi huee ek tasvir nikalakar use dikhate hue bole—yah ladaqa ayi0si0es0 ke imtahan men pratham aya hai. isaka nam to tumane suna hoga?

boodhe pita ne aisi bhoomika bandh di thi ki man unaka ashay n samajh saki lekin prema bhanp gayi! unaka man tir ki bhanti lakshy par ja pahuncha. usane bina tasvir ki or dekhe hi kaha—nahin, mainne to usaka nam nahin suna.

pita ne banavati ashchary se kaha—kya! tumane usaka nam hi nahin suna? aj ke dainik patr men usaka chitr aur jivan-vrittant chhapa hai.

prema ne rukhaee se javab diya—hoga, magar main to us pariksha ka koee mahattv nahin samajhati. main to samajhati hoon, jo log is pariksha men baithate hain ve palle sir ke svarthi hote hain. akhir unaka uddeshy isake siva aur kya hota hai ki apane garib, nirdhan, dalit bhaiyon par shasan karen aur khoob dhan snchay karen. yah to jivan ka koee ooncha uddeshy nahin hai.

is apatti men jalan thi, anyay tha; nirdayata thi. pita ji ne samajha tha, prema yah bakhan sunakar lattoo ho jayagi. yah javab sunakar tikhe svar men bole—too to aisi baten kar rahi hai jaise tere lie dhan aur adhikar ka koee mooly hi nahin.

prema ne dhithaee se kaha—han, main to isaka mooly nahin samajhati. main to adami men tyag dekhati hoon. main aise yuvakon ko janati hoon, jinhen yah pad jabaradasti bhi diya jae, to svikar n karenge.

pita ne upahas ke dhng se kaha—yah to aj mainne nee bat suni. main to dekhata hoon ki chhoti-chhoti naukariyon ke lie log mare-mare phirate hain. main jara us ladaqe ki soorat dekhana chahata hoon, jisamen itana tyag ho. main to usaki pooja karoonga.

shayad kisi doosare avasar par ye shabd sunakar prema lajja se sir jhuka leti; par is samay usaki dasha us sipahi ki si thi, jisake pichhe gahari khaee ho. age badhऩe ke siva usake lie aur koee marg n tha. apane avesh ko snyam se dabati huee, ankhon men vidroh bhare, vah apane kamare men gayi, aur keshav ke kee chitron men se vah ek chitr chunakar layi, jo usaki nigah men sabase kharab tha, aur pita ke samane rakh diya. boodhe pita ji ne chitr ko upeksha ke bhav se dekhana chaha; lekin pahali drishti hi men usane unhen akarshit kar liya. ooncha qad tha aur durbal hone par bhi usaka gathan, svasthy aur snyam ka parichay de raha tha. mukh par pratibha ka tej n tha; par vicharashilata ka kuchh aisa pratibimb tha, jo usake man men vishvas paida karata tha.

unhonne us chitr ki or dekhate hue poochha—yah kisaka chitr hai?

prema ne snkoch se sir jhukakar kaha—yah mere hi klas men padhate hain.

‘apani hi biradari ka hai?’

prema ki mukhamudra dhoomil ho gayi. isi prashn ke uttar par usaki kismat ka phaisala ho jayaga. usake man men pachhatava hua ki vyarth main is chitr ko yahan layi. usamen ek kshan ke lie jo dridhata ayi thi, vah is paine prashn ke samane katar ho uthi. dabi huee avaz men boli—‘ji nahin, vah brahman hain.’ aur yah kahane ke sath hi kshubdh hokar kamare se nikal gayi manon yahan ki vayu men usaka gala ghuta ja raha ho aur divar ki ad men hokar rone lagi.

lala ji ko to pahale aisa krodh aya ki prema ko bulakar saph-saph kah den ki yah asambhav hai. ve usi gusse men daravaze tak aye, lekin prema ko rote dekhakar namr ho gaye. is yuvak ke prati prema ke man men kya bhav the, yah unase chhipa n raha. ve stri-shiksha ke poore samarthak the; lekin isake sath hi kul-maryada ki raksha bhi karana chahate the. apani hi jati ke suyogy var ke lie apana sarvasv arpan kar sakate the; lekin us kshetr ke bahar kulin se kulin aur yogy se yogy var ki kalpana bhi unake lie asahy thi. isase bada apaman ve soch hi n sakate the.

unhonne kathor svar men kaha—aj se kalej jana band kar do, agar shiksha kul-maryada ko dubona hi sikhati hai, to ku-shiksha hai.

prema ne katar kanth se kaha—pariksha to samip a gayi hai.

lala ji ne dridhata se kaha—ane do.

aur phir apane kamare men jakar vicharon men doob gaye.

4

chh: mahine gujar gaye.

lala ji ne ghar men akar patni ko ekant men bulaya aur bole—jahan tak mujhe maloom hai, keshav bahut hi sushil aur pratibhashali yuvak hai. main to samajhata hoon prema is shok men ghul-ghulakar pran de degi. tumane bhi samajhaya, mainne bhi samajhaya, doosaron ne bhi samajhaya; par us par koee asar hi nahin hota. aisi dasha men hamare lie aur kya upay hai.

unaki patni ne chintit bhav se kaha—kar to doge; lekin rahoge kahan? n jane kahan se yah kulachchhani meri kokh men ayi?

lala ji ne bhaven sikodaqar tiraskar ke sath kaha—yah to hazar dapha sun chuka; lekin kul-maryada ke nam ko kahan tak roen. chidiy़a ka par kholakar yah asha karana ki vah tumhare angan men hi phudakati rahegi bhram hai. mainne is par par thande dil se vichar kiya hai aur is natije par pahuncha hoon ki hamen is apaddharm ko svikar kar lena hi chahie. kul-maryada ke nam par main prema ki hatya nahin kar sakata. duniya hnsati ho, hnse; magar vah jamana bahut jald anevala hai, jab ye sabhi bandhan toot jaenge. aj bhi saikadon vivah jat-pant ke bandhanon ko todaqar ho chuke hain. agar vivah ka uddeshy stri aur purush ka sukhamay jivan hai, to ham prema ki upeksha nahin kar sakate hain.

vriddha ne kshubdh hokar kaha—jab tumhari yahi ichchha hai, to mujhase kya poochhate hain? lekin main kahe deti hoon, ki main is vivah ke najadik n jaoongi, n kabhi is chhokari ka munh dekhoongi, samajh loongi, jaise aur sab ladaqe mar gaye vaise yah bhi mar gayi.

‘to phir akhir tum kya karane ko kahati ho?’

‘kyon nahin us ladaqe se vivah kar dete, usamen kya buraee hai? vah do sal men sivil saravis pas karake a jayaga. keshav ke pas kya rakha hai, bahut hoga kisi daftar men klark ho jayaga.’

‘aur agar prema pran-hatya kar le, to?’

‘to kar le, tum to use aur shah dete ho? jab use hamari paravah nahin hai, to ham usake lie apane nam ko kyon kalnkit karen? pran-hatya karana koee khel nahin hai. yah sab dhamaki hai. man ghoda hai, jab tak use lagam n do, pu_e par hath bhi n rakhane dega. jab usake man ka yah hal hai, to kaun kahe, keshav ke sath hi zindagi bhar nibah karegi. jis tarah aj usase prem hai, usi tarah kal doosare se ho sakata hai. to kya patte par apana mans bikavana chahate ho?

lalaji ne stri ko prashn-soochak drishti se dekhakar kaha—aur agar vah kal khud jakar keshav se vivah kar le, to tum kya kar logi? phir tumhari kitani ijjat rah jayagi. vah chahe snkoch-vash, ya ham logon ke lihaz se yon hi baithi rahe; par yadi zid par kamar bandh le, ham-tum kuchh nahin kar sakate.

is samasya ka aisa bhishan ant bhi ho sakata hai, yah is vriddha ke dhyan men bhi n aya tha. yah prashn bam ke gole ki tarah usake mastak par gira. ek kshan tak vah avakhï baithi rah gayi, manon is aghat ne usaki buddhi ki dhajjiyan uda di hon. phir parabhoot hokar boli—tumhen anokhi hi kalpanaen soojhati hain. mainne to aj tak kabhi bhi nahin suna ki kisi kulin kanya ne apani ichchha se vivah kiya hai.

‘tumane n suna ho; lekin mainne suna hai, aur dekha hai aur aisa hona bahut sambhav hai.’

‘jis din aisa hoga; us din tum mujhe jiti n dekhoge.’

‘main yah nahin kahata ki aisa hoga hi; lekin hona sambhav hai.’

‘to jab aisa hona hai, to isase to yahi achchha hai ki hamin isaka prabandh karen. jab nak hi kat rahi hai, to tej chhuri se kyon n kate. kal keshav ko bulakar dekho, kya kahata hai.’

5

keshav ke pita sarakari penshanar the, mizaj ke chidachide aur kripan. dharm ke adambaron men hi unake chitt ko shanti milati thi. kalpana-shakti ka abhav tha. kisi ke manobhavon ka samman n kar sakate the. ve ab bhi us snsar men rahate the, jisamen unhonne apane bachapan aur javani ke din kate the. navayug ki badhati huee lahar ko ve sarvanash kahate the, aur kam-se-kam apane ghar ko donon hathon aur donon pairon ka zor lagakar usase bachae rakhana chahate the; isalie jab ek din prema ke pita usake pas pahunche aur keshav se prema ke vivah ka prastav kiya, to boodhe pandit ji apane ap men n rah sake. dhundhali ankhen phadaqar bole—ap bhng to nahin kha gaye hain? is tarah ka sambandh aur chahe jo kuchh ho, vivah nahin hai. maloom hota hai, apako bhi naye jamane ki hava lag gayi.

boodhe baboo ji ne namrata se kaha—main khud aisa sambandh nahin pasand karata. is vishay men mere bhi vahi vichar hain, jo apake; par bat aisi a padi hai ki mujhe vivash hokar apaki seva men ana pada. ajakal ke ladaqe aur ladakiyan kitane svechchhachari ho gaye hain, yah to ap janate hi hain. ham boodhe logon ke lie ab apane siddhanton ki raksha karana kathin ho gaya hai. mujhe bhay hai ki kahin ye donon nirash hokar apani jan par n khel jayn.

boodhe pandit ji zamin par panv patakate hue garaj uthe—ap kya kahate hain, sahab! apako sharam nahin ati? ham brahman hain aur brahmanon men bhi kulin. brahman kitane hi patit ho gaye hon, itane maryada-shoony nahin hue hain ki baniye-bakkalon ki ladaqi se vivah karate phiren! jis din kulin brahmanon men ladakiyan n rahengi, us din yah samasya upasthit ho sakati hai. main kahata hoon, apako mujhase yah bat kahane ka sahas kaise hua?

boodhe baboo ji jitana hi dabate the, utana hi pandit ji bigadate the. yahan tak ki lala ji apana apaman zyada n sah sake, aur apani takadir ko kosate hue chale gaye.

usi vakt keshav kalej se aya. pandit ji ne turant use bulakar kathor kanth se kaha—mainne suna hai, tumane kisi baniye ki ladaqi se apana vivah kar liya hai. yah khabar kahan tak sahi hai?

keshav ne anajan banakar poochha—apase kisane kaha?

‘kisi ne kaha. main poochhata hoon, yah bat thik hai, ya nahin? agar thik hai, aur tumane apani maryada ko dubana nishchay kar liya hai, to tumhare lie hamare ghar men koee sthan nahin. tumhen meri kamaee ka ek dhela bhi nahin milata. mere pas jo kuchh hai, vah meri apani kamaee hai, mujhe akhtiyar hai ki main use jise chahoon, de doon. tum yah aniti karake mere ghar men qadam nahin rakh sakate.’

keshav pita ke svabhav se parichit tha. prema se use prem tha. vah gupt roop se prema se vivah kar lena chahata tha! bap hamesha to baithe n rahenge. mata ke sneh par use vishvas tha. us prem ki tarng men vah sare kashton ko jhelane ke lie taiyar maloom hota tha; lekin jaise koee kayar sipahi bandook ke samane jakar himmat kho baithata hai aur qadam pichhe hata leta hai, vahi dasha keshav ki huee. vah sadharan yuvakon ki tarah siddhanton ke lie bade-bade tark kar sakata tha, jaban se unamen apani bhakti ki dohaee de sakata tha; lekin isake lie yatanaen jhelane ki samathry usamen n thin. agar vah apani zid par ada aur pita ne bhi apani tek rakhi, to usaka kahan thikana lagega? usaka jivan hi nasht ho jayaga.

usane dabi jaban se kaha—jisane apase yah kaha hai, bilkul jhooth kaha hai.

pandit ji ne tivr netron se dekhakar kaha—to yah khabar bilakul galat hai?

‘ji han, bilakul galat.’

‘to tum aj hi isi vakt us baniye ko khat likh do aur yad rakho ki agar is tarah ki charcha phir kabhi uthi, to tumhara sabase bada shatru hooonga. bas, jao.

keshav aur kuchh n kah saka. vah yahan se chala, to aisa maloom hota tha ki pairon men dam nahin hai.

6

doosare din prema ne keshav ke nam yah patr likha—


‘priy keshav!’

tumhare poojy pitaji ne lala ji ke sath jo ashisht aur apamanajanak vyavahar kiya hai, usaka hal sunakar mere man men badi shnka utpann ho rahi hai. shayad unhonne tumhen bhi dant-phatakar batayi hogi, aisi dasha men main tumhara nishchay sunane ke lie vikal ho rahi hoon. tumhare sath har tarah ka kasht jhelane ko taiyar hoon. mujhe tumhare pitaji ki sampatti ka moh nahin hai, main to keval tumhara prem chahati hoon aur usi men prasann hoon. aj sham ko yahin akar bhojan karo. dada aur man donon tumase milane ke lie bahut ichchhuk hain. main vah svapn dekhane men magn hoon jab ham donon us sootr men bndh jaynge, jo tootana nahin janata. jo badi-se-badi apatti men bhi atoot rahata hai.

tumhari—

prema!

sandhya ho gayi aur is patr ka koee javab n aya. usaki mata bar-bar poochhati thi—keshav aye nahin? boodhe lala bhi dvar ki or ankh lagaye baithe the. yahan tak ki rat ke nau baj gaye, par n to keshav hi aye, n unaka patr.

prema ke man men bhanti-bhanti ke snkalp-vikalp uth rahe the, kadachit unhen patr likhane ka avakash n mila hoga, ya aj ane ki phurasat n mili hogi, kal avashy a jaenge. keshav ne pahale usake pas jo prem-patr likhe the, un sabako usane phir padha. unake ek-ek shabd se kitana anurag tapak raha tha, unamen kitana kampan tha, kitani vikalata, kitani tivr akanksha! phir use keshav ke ve vaky yad ae; jo usane saikadon hi bar kahe the. kitani bar vah usake samane roya tha. itane pramanon ke hote hue nirasha ke lie kahan sthan tha, magar phir bhi sari rat usaka man jaise sooli par tnga raha.

prat:kal keshav ka javab aya. prema ne kanpate hue hathon se patr lekar padha. patr hath se gir gaya. aisa jan pada, mano usaki deh ka rakt sthir ho gaya ho. likha tha—

‘main bade snkat men hoon, ki tumhen kya javab doon! mainne idhar is samasya par khoob thande dil se vichar kiya hai aur is natije par pahuncha hoon ki vartaman dashaon men mere lie pita ki agya ki upeksha karana du:sah hai. mujhe kayar n samajhana. main svarthi bhi nahin hoon, lekin mere samane jo badhaen hain un par vijay pane ki shakti mujhamen nahin hai. purani baton ko bhool jao. us samay mainne in badhaon ki kalpana n ki thi!’

prema ne ek lambi, gahari, jalati huee sans khinchi aur us khat ko phadaqar phenk diya. usaki ankhon se ashrudhar bahane lagi. jis keshav ko usane apane ant:karan se var liya tha, vah itana nishthur ho jayaga, isaki usako ratti bhar bhi asha n thi. aisa maloom pada, mano, ab tak vah koee sunahala svapn dekh rahi thi; par ankh khulane par vah sab kuchh adrishy ho gaya. jivan men jab asha hi lupt ho gayi, to ab andhakar ke siva aur kya raha! apane hriday ki sari sampatti lagakar usane ek nav ladavayi thi, vah nav jalamagn ho gayi. ab doosari nav kaun vahan se ladavaye; agar vah nav tooti hai to usake sath vah bhi doob jayagi.

mata ne poochha—kya keshav ka patr hai?

prema ne bhoomi ki or takate hue kaha—han, unaki tabiyat achchhi nahin hai—isake siva vah aur kya kahe? keshav ki nishthurata aur bevaphaee ka samachar kahakar lajjit hone ka sahas usamen n tha.

din bhar vah ghar ke kam-dhandhon men lagi rahi, mano use koee chinta hi nahin hai. rat ko usane sabako bhojan karaya, khud bhi bhojan kiya aur badi der haramoniyam par gati rahi.

magar sabera hua, to usake kamare men usaki lash padi huee thi. prabhat ki sunahari kiranen usake pile mukh ko jivan ki abha pradan kar rahi thin.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah