लोकमत का सम्मान -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

bechoo dhobi ko apane ganv aur ghar se utana hi prem tha, jitana pratyek manushy ko hota hai. use rookhi-sookhi aur adhe pet khakar bhi apana ganv samagr snsar se pyara tha. yadi use vriddha kisan striyon ki galiyan khani padati thin to bahuon se ‘bechoo dada’ kahakar pukare jane ka gaurav bhi prapt hota tha. anand aur shok ke pratyek avasar par usaka bulava hota tha, visheshatah vivahon men to usaki upasthiti var aur vadhoo se kam avashyak n thi. usaki stri ghar men pooji jati thi, dvar par bechoo ka svagat hota tha. vah peshavaj pahane kamar men ghntiyan bandhe sajindon ko sath liye ek hath mridng aur doosara apane kan par rakh kar jab tatkalarachit birahe aur bol kahane lagata to atmasamman se usaki ankhen unmatt ho jati thin. han, dhele par kapade dhokar bhi vah apani dasha se sntusht rah sakata tha, kintu zamindar ke naukaron ki kroorata aur atyachar kabhi-kabhi itane asahy ho jate the ki usaka ji ganv chhodakar bhag jane ko chahane lagata tha. ganv men karinda sahab ke atirikt panch-chhah chaparasi the. unake sahavasiyon ki snkhya kam n thi. bechoo ko in sajjanon ke kapade muft dhone padate the. usake pas istari n thi. unake kapadon par istari karane ke lie use doosare-doosare ganv ke dhobiyon ki chirauri karani padati thi. agar kabhi bina istari kiye hi kapade le jata to usaki shamat a jati thi. mar padati, ghnton chaupal ke samane khada rahana padata, galiyon ki vah bauchhar padati ki sunanevale kanon par hath rakh lete, udhar se gujaranevali striyan lajja se sir jhuka letin.

jeth ka mahina tha. asapas ki tal-talaiya sab sookh gayi thin. bechoo ko pahar rat rahate door ke ek tal par jana padata tha. yahan bhi dhobiyon ki osari bndhi huee thi. bechoo ki osari panchaven din padati thi. pahar rat rahe ladi lad kar le jata. magar jeth ki dhoop men 9-10 baje ke bad khada n ho sakata. adhi ladi bhi n dhul pati, bina dhule kapade samet kar ghar chala ata. ganv ke saral jajaman usaki vipatti katha sun kar shant ho jate the; n koee galiyan deta, n marane daudata. jeth ki dhoop men unhen bhi pur chalana aur khet godana padata tha. apane pairon men bivay phati thi, usaki pir janate the. parantu karinda mahashay ko prasann karana itana sahaj n tha. unake adami nity bechoo ke sir par savar rahate the. vah badi gambhirata se kahate-‘too ek-ek athavare tak kapade nahin lata, kya yah bhi koee jade ke din hain, ajakal pasine se doosare din kapade maile ho jate hain; kapadon se boo ane lagati hai aur tujhe kuchh bhi paravah nahin rahati.’ bechoo hath-pair jodakar kisi tarah unhen manata rahata tha, yahan tak ki ek bar use baten karate 9 din ho gaye aur kapade taiyar n ho sake. dhul to gaye the, par istari n huee thi. ant men vivash hokar bechoo dasaven din kapade lekar chaupal pahuncha. mare dar ke pair age n uthate the. karinda sahab use dekhate hi krodh se lal ho gaye. bole-kyon be paji, tujhe ganv men rahana hai ki nahin?

bechoo ne kapadon ki gathari takht par rakh di aur bola-kya karoon sarakar, kahin bhi pani nahin hai aur n mere istari hi hai.

karinda-pani tere pas nahin hai aur sari duniya men hai. ab tera ilaj isake sivay aur kuchh nahin hai ki ganv se nikal doon. shaitan, daee se pet chhipata hai, pani nahin, istari nahin.

bechoo-malik, ganv apaka hai, chahe rahane den, chahe nikal den, lekin yah kalnk n lagayen, itani umir ap hi logon ki khidamat karate ho gayi, par chahe kitani hi bhool-chook huee ho, kabhi niyat bad nahin huee. agar ganv men koee kah de ki mainne kabhi gahakon ke sath aisi chal chali hai to usaki tang ki rah nikal jaoon. yah dastoor shahar ke dhobiyon ka hai.

nirnkushata ka tark se virodh hai. karinda sahab ne kuchh aur apashabd kahe. bechoo ne bhi nyay aur daya ki duhaee di. phal yah hua ki use ath din haldi aur gud pina pada. naven din usane sab gahakon ke kapade jaise-taise dho diye, apana boriya-bndhana snbhala aur bina kisi se kuchh kahe-sune rat ko patane ki rah li. apane purane gahakon se vida hone ke lie jitane dhairy ki zaroorat thi, usase vah vnchit tha.

2

bechoo shahar men aya to aisa jan pada ki mere lie pahale se hi jagah khali thi. use keval ek kothari kiraye par leni padi aur kam chal nikala. pahale to vah kiraya sunakar chakaraya. dehat men to use mahine men itani dhulaee bhi n milati thi. par jab dhulaee ki dar maloom huee to kiraye ki akhar mit gayi. ek hi mahine men gahakon ki snkhya usaki ganana-shakti se adhik ho gayi. yahan pani ki kami n thi. vah vade ka pakka tha. abhi nagarik jivan ke kusnskaron se mukt tha. kabhi-kabhi usaki ek din ki mazadoori dehat ki varshik ay se badh jati thi.

lekin tin hi char mahine men use shahar ki hava lagane lagi. pahale nariyal pita tha, ab ek gudagudi laya. nnge panv joote se veshtit ho gaye aur mote anaj se pachan-kriya men vighn padane laga. pahale kabhi-kabhi tij-tyauhar ke din sharab pi liya karata tha, ab thakan mitane ke lie nity usaka sevan hone laga. stri ko abhooshanon ki chat padi. aur dhobinen ban-thanakar nikalati hain, main kisase kam hoon. ladake khonche par lattoo hue, halave aur moongaphali ki avaz sunakar adhir ho jate. udhar makan ke malik ne kiraya badha diya; bhoosa aur khali bhi motiyon ke mol bikati thi. ladi ke donon bailon ka pet bharane men ek khasi rakam nikal jati thi. atev pahale kee mahinon men jo bachat ho jati thi, vah ab gayab ho gayi. kabhi-kabhi kharch ka palada bhari ho jata; lekin kiphayat karane ki koee vidhi samajh men n ati thi. nidan stri ne bechoo ki nazar bachakar gahakon ke kapade pachhaee dene shuroo kiye. bechoo ko yah bat maloom huee to bigad kar bola-agar mainne phir yah shikayat suni to mujhase bura koee n hoga. isi ilajam par to mainne bap-dade ka ganv chhod diya. yahan se bhi nikalana chahati hai kya?

stri ne uttar diya-tumhin se to ek din bhi daroo ke bina nahin raha jata. main kya paise la kar lutati hoon. jo kharch lage vah dete jao. mujhe isase kuchh mithaee thode hi milati hai. par shanaiah-shanaiah naitik gyan ne avashyakata ke samane sir jhukana shuroo kiya. ek bar use kee din tak jvar aya. stri use doli par bithakar vaidy ji ke yahan le gayi. vaidy ji ne nuskha likh diya. ghar men paise n the. bechoo stri ko katar netron se dekhakar bola-to kya hoga? dava mngani hi hai?

stri-jo kaho vah karoon.

bechoo-kisi se udhar n milega?

stri-sabase to udhar le chuki. muhalle men rah chalana mushkil hai. ab kisase loon. akele jitana kam ho sakata hai, karati hoon. ab chhati phad ke mar thodi hi jaoongi? kuchh paise oopar se mil jate the, lekin tumane usaki manahi kar di hai. to mera kya bas hai? do din se bail bhookhe khade hain. do rupaye hon to inaka pet bhare.

bechoo-achchha, jo tere ji men aye kar, kisi tarah kam to chala. mujhe maloom ho gaya ki shahar men achchhi niyatavale adami ka nirvah nahin ho sakata.

us din se yahan any dhobiyon ki niti ka vyavahar hone laga.

3

bechoo ke pados men ek vakil ke muharrir munshi dataram raha karate the. bechoo kabhi-kabhi avakash ke samay unake pas ja baithata. pados ki bat thi, dhulaee ka koee hisab-kitab n tha. munshi ji bechoo ki khatir karate, apani chilam utar kar usaki taraph badha dete, kabhi ghar men koee achchhi chiz pakati to bechoo ke ladakon ke lie bhejava dete. han, isaka vichar rakhate the ki in satkaron ka mooly dhulaee ke paise se badhane n paye.

garmiyon ke din the, baraton ki dhoom thi. munshi ji ko ek barat men sharik hona tha. gudagudi ke lie pechavan banavaya, rogani chilam laye, salemashahi joote kharide, apane vakil sahab ke ghar se ek kalin mngani laye, apane mitr se sone ki angoothi aur batan liye. in samagriyon ke ekatrit karane men zyada kathinaee n padi, kintu kapade mngani lete hue sharm ati thi. barat ke yogy kapade banavane ki gunjaish n thi. tanajeb ke kurate, reshami achakan, nainasukh ka chunnatadar payajama, banarasi safa banavana asan n tha. khasi rakam lagati thi. reshami kinare ki dhotiyan aur kashi silk ki chadar kharidani bhi kathin samasya thi. kee dinon tak bechare isi chinta men pade rahe. ant men bechoo ke sivay aur koee is chinta ka nivaran karane vala n dikhaee diya. sndhya samay jab bechoo unake pas akar baitha to badi namrata se bole-‘‘bechoo, ek barat men jana tha aur sab saman to mainne jama kar liye hain, magar kapade banavane men jhnjhat hai. rupayon ki to koee chinta nahin, tumhari daya se hath kabhi khali nahin rahata. pesha bhi aisa hai ki jo kuchh mil jay vah thoda hai, ek n ek ankh ka andha ganth ka poora nity phnsa hi rahata hai, par janate ho ajakal lagn ki teji hai, darajiyon ko sir uthane ki phurasat nahin, dooni silaee lete hain tis par bhi mahinon daudate hain. agar tumhare yahan mere layaq kapade hon to do-tin din ke lie de do, kisi tarah sir se yah bala tale. nevata de dene men kisi ka kya kharch hota hai, bahut kiya to patr chhapava liye, lekin log yah nahin sochate ki baratiyon ko kitani taiyariyan karani padati hain, kya-kya kathinaiyan padati hain. agar biradari men yah rivaj ho jata ki jo mahashay nimntran bhejen, vahi usake lie sab saman bhi jutaen to log itani beparavahi se nevate n diya karen. to bolo-itani madad karoge n?

bechoo ne murauvat men pad kar kaha-munshi ji, apake lie kisi bat se inakar thode hi hai. lekin bat yah hai ki ajakal lagn ki teji se sabhi grahak apane-apane kapadon ki jaldi macha rahe hain, din men do-tin ber adami bhejate hain. aisa n ho, idhar apako kapade de doon, udhar koee jaldi machane lage.

munshiji-aji, do-tin din ke lie talana kaun bada kam hai. tum chaho to haphton tal sakate ho, abhi bhatthi nahin di, abhi istari nahin huee, ghat bnd hai. tumhare pas bahanon ki kya kami hai. pados men rah kar meri khatir se itana bhi n karoge?

bechoo-nahin munshi ji, apake lie jan hajir hai. chalie kapade pasnd kar lijie, to main un par aur ek ber istari karake thik kar doon. yahi n hoga, gahakon ki ghudakiyan khani padengi. do-char grahak toot hi jaynge to kaun gam hai.

4

munshi dataram that se barat men pahunche. yahan unake banarasi saphe, reshami achakan aur reshami chadar ne aisa rng jamaya ki log samajhane lage, yah koee bade rees hain. bechoo bhi unake sath ho liya tha. munshi ji usaki badi khatir kar rahe the. use ek botal sharab dila di, bhojan karane gaye to ek pattal usake vaste bhi lete aye. bechoo ke badale use chaudhari kah kar pukarate the. yah sara that-bat usi ki badaulat to tha.

adhi rat gujar chuki thi. mahaphil uth gayi thi. log sone ki taiyariyan kar rahe the. bechoo munshi ji ki charapaee ke pas ek chadara odhe pada tha. munshi ji ne kapade utare aur badi savadhani se alagani par lataka diye. huqqa taiyar tha. letakar pine lage ki akasmath sajindon men se ek ataee a kar samane khada ho gaya aur bola-kahie hajarat yah achakan aur safa apane kahan paya?

munshi ji ne usaki or sashnk netron se dekhakar kaha-isaka kya matalab?

ataee-isaka matalab yah hai, yah donon chizen meri hain.

munshiji ne dussahasapoorn bhav se kaha-kya tumhare khayal men reshami achakan aur safa tumhare sivay aur kisi ke pas ho hi nahin sakata.

ataee-ho kyon nahin sakata. allah ne jise diya hai, vah pahanata hai. ek se ek pade hue hain. main kis ginati men hoon. lekin yah donno chizen meri hain. agar aisi achakan shahar men kisi ke pas nikal aye to jo jaribana kahie doon. mainne isaki silaee das rupaye diye hain. aisa koee karigar hi shahar men nahin. aisi tarash karata hai ki hath choom len. saphe par bhi mera nishan bana hua hai. laie dikha doon. main apase mahaj itana poochhata chahata hoon ki apane yah chizen kahan payin.

munshi ji samajh gaye ki ab adhik tark-vitark ka sthan nahin hai. kahin bat badh jay to beijjati ho. kootaniti se kam n chalega. namrata se bole-bhaee, yah n poochho, yahan in baton ke kahane ka mauqa nahin. hamari aur tumhari ijjat ek hai. bas, itana hi samajh lo ki isi tarah duniya ka kam chalata hai. agar aise kapade banavane baithata to is vakt saikadon ke mathe jati. yahan to kisi tarah naved men sharik hona tha. tumhare kapade kharab n honge, isaka jimma mera. main inaki ehatiyat apane kapadon se bhi zyada karata hoon.

ataee-kapade ki mujhe phikar nahin, apaki dua se allah ne bahut diya hai. reeson ko khuda salamat rakhe, unaki badaulat panchon ungaliyan ghi men hain. n main apako badanam karana chahata hoon. apaki jootiyon ka gulam hoon. main sirph itana janana chahata tha ki kapade yah apane kisase paye. mainne bechoo dhobi ko dhone ke lie diye the. aisa to nahin hua ki koee chor bechoo ke ghar se uda laya ho, ya kisi dhobi ne bechoo ke ghar se chura kar apako de diye hon, kyonki bechoo ne apane hath se apako haragij kapade n diye honge. vah aisa chhichhorapan nahin karata. main khud usase is tarah ka muamala karana chahata tha, hathon par rupaye rakh deta tha, par usane kabhi parava n ki. sahab, rupaye utha kar phenk diye aur aisi dant batayi ki mere hosh ud gaye. idhar ka hal main nahin janata, kyonki ab main usase kabhi aisi batachit hi nahin karata. par mujhe yakin nahin ata ki vah itana badaniyat ho gaya hoga. isalie apase bar-bar poochhata hoon ki apane vah kapade kahan paye?

munshi ji-bechoo ki nisbat tumhara jo khayal hai, vah bilakul thik hai. vah aisa hi begaraj adami hai, lekin bhaee pados ka bhi to kuchh hak hota hai. mere pados men rahata hai, athon pahar ka sath hai. idhar se bhi kuchh n kuchh salook hota hi rahata hai. meri zaroorat dekhi, pasij gaya. bas aur koee bat nahin.

ataee ne bechoo ki niahsprihata ke vishay men badi atishayokti se kam liya tha. n usane bechoo ke hath par rupaye rakhe the aur n bechoo ne kabhi use dant batayi thi. par is atishayokti ka prabhav bechoo par usase kahin zyada pada jitana keval bat ko yatharth kah dene se pad sakata tha. bechoo nind men n soya tha. ataee ki ek-ek bat usane suni thi. use aisa jan padata tha ki meri atma kisi gahari nind se jag rahi hai. duniya mujhe kitana eemanadar, kitana sachcha, kitana nishkapat samajhati hai aur main kitana beeeman, kitana dagabaj hoon. isi jhoothe ilajam par mainne vah ganv chhoda jahan bap-dadon se rahata aya tha. lekin yahan akar daroo-sharab, ghi-chini ke pichhe tabah ho gaya.

bechoo yahan se lauta to doosara hi manushy ho gaya tha ya yon kahie ki vah phir apani khoyi huee atma ko pa gaya tha.

5

chhah mahine bit gaye. sndhya ka samay tha. bechoo ke ladake malakhan ke byah ki batachit karane ke lie mehaman log aye hue the. bechoo stri se kuchh salah karane ke lie ghar men aya to vah boli-daroo kahan se ayegi? tumhare pas kuchh hai?

bechoo-mere pas jo kuchh tha, vah tumhen pahale hi nahin de diya tha?

stri-usase to main chaval, dal, ghi, yah sab saman layi. sat adamiyon ka khana banaya hai. sab uth gaye.

bechoo-to phir main kya karoon?

stri-bina daroo lie vah log bhala khane uthenge? kitani namoosi hogi.

bechoo-namoosi ho chahe badanami ho, daroo lana mere bas ki bat nahin. yahi n hoga, byah n thik hoga, n sahi.

stri-vah dushala dhulane ke lie nahin aya hai? n ho kisi baniye ke yahan giravi rakh kar char-panch rupaye le ao, do-tin din men chhuda lena, kisi tarah marajad to nibhani chahie? sab kahenge, nam bade darasan thode. daroo tak n de saka.

bechoo-kaisi bat karati hai. yah dushala mera hai?

stri-kisi ka ho, is bakhat kam nikal lo. kaun kisi se kahane jata hai.

bechoo-n, yah mujhase n hoga, chahe daroo mile ya n mile.

yah kah kar bahar chala aya. dobara bhitar gaya to dekha stri zamin se khod kar kuchh nikal rahi hai. use dekhate hi gaddhe ko anchal se chhipa liya.

bechoo muskarata hua bahar chala aya.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah