तेंतर -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

akhir vahi hua jisaki ashnka thi; jisaki chinta men ghar ke sabhi log visheshatah prasoota padi huee thi. tin putron ke pashchath kanya ka janm hua. mata saur men sookh gayi, pita bahar angan men sookh gaye, aur pita ki vriddha mata saur dvar par sookh gayin. anarth, mahaanarth ! bhagavanh hi kushal karen to ho ? yah putri nahin rakshasi hai. is abhagini ko isi ghar men ana tha ! ana hi tha to kuchh din pahale kyon n ayi. bhagavanh sataven shatru ke ghar bhi tentar ka janm n den.

pita ka nam tha pndit damodaradatt, shikshit adami the. shiksha-vibhag hi men naukar bhi the; magar is snskar ko kaise mita dete, jo parampara se hriday men jama hua tha, ki tisare bete ki pith par hone vali kanya abhagini hoti hai, ya pita ko leti ya mata ko, ya apane ko. unaki vriddha mata lagi navajat kanya ko pani pi-pikar kosane, kalamunhi hai, kalamunhi ! n-jane kya karane ayi hai yahan. kisi banjh ke ghar jati to usake din phir jate !

damodaradatt dil men to ghabaraye hue the, par mata ko samajhane lage- amman, tentar-vetar kuchh nahin, bhagavanh ki jo ichchha hoti hai, vahi hota hai. eeshvar chahenge to sab kushal hi hoga; ganevaliyon ko bula lo, nahin log kahenge, tin bete hue to kaise phooli phirati thin, ek beti ho gayi to ghar men kuharam mach gaya.

mata- are beta, tum kya jano in baton ko, mere sir to bit chuki hai, pran nahon men samaya hua hai. tentar hi ke janm se tumhare dada ka dehant hua. tabhi se tentar ka nam sunate hi mera kaleja kanp uthata hai.

damodar- is kasht ke nivaran ka bhi koee upay hoga ?

mata- upay batane ko to bahut hai, pnditaji se poochho to koee-n-koee upay bata denge; par isase kuchh hota nahin. mainne kaun-se anushthan nahin kiye, par pnditaji ki to mutthiyan garam hueen, yahan jo sir par padana tha, vah pad hi gaya. ab take ke pndit rah gaye hain, jajaman mare ya jiye unaki bala se, unaki dakshina milani chahie. (dhire se) ladaki dubali-patali bhi nahin hai. tinon ladakon se hrisht-pusht hai. badi-badi ankhen hain, patale-patale lal-lal onth hain, jaise gulab ki patti. gora-chitta rng hai, lambi-si nak. kalamunhi nahalate samay royi bhi nahin, tukur-tukur takati rahi, yah sab lachchhan kuchh achchhe thode hi hain.

damodaradatt ke tinon ladake sanvale the, kuchh vishesh roopavan bhi n the. ladaki ke roop ka bakhan sunakar unaka chitt kuchh prasann hua. bole- amman ji, tum bhagavanh ka nam lekar ganevaliyon ko bula bhejo, gana-bajana hone do. bhagy men jo kuchh hai, vah to hoga hi.

mata- ji to hulasata nahin, karoon kya ?

damodar- gana n hone se kasht ka nivaran to hoga nahin, ki ho jayaga ? agar itane saste jan chhoote to n karao gana.

mata- bulaye leti hoon beta, jo kuchh hona tha vah to ho gaya.

itane men daee ne saur men se pukarakar kaha- bahooji kahati hain gana-vana karane ka kam nahin hai.

mata- bhala unase kaho chup baithi rahen, bahar nikalakar manamani karengi, barah hi din hain, bahut din nahin hain; bahut itarati phirati thin- yah n karoongi, vah n karoongi, devi kya hai, devata kya hai, maradon ki baten sunakar vahi rat lagane lagati thin, to ab chupake se baithatin kyon nahin. memen to tentar ko ashubh nahin manatin, aur sab baton men memon ki barabar karati hain to is bat men bhi karen.

yah kahakar mataji ne nain ko bheja ki jakar ganevaliyon ko bula la, pados men bhi kahati jana.

sabera hote hi bada ladaka sokar utha aur ankhen malata hua ja kar dadi se poochhane laga- badi amman, kal amman ko kya hua ?

mata- ladaki to huee hai.

balak khushi se uchhalakar bola- o-ho-ho, paijaniyan pahan-pahanakar chhunachhun chalegi, jara mujhe dikha do dadiji !

mata- are kya saur men jayaga, pagal ho gaya hai kya ?

ladake ki utsukata n mani. saur ke dvar par jakar khada ho gaya aur bola- amman, jara bachchi ko mujhe dikha do.

daee ne kaha- bachchi abhi soti hai.

balak- jara dikha do, god men lekar.

daee ne kanya use dikha di to vahan se daudata hua apane chhote bhaiyon ke pas pahuncha aur unhen jaga-jagakar khushakhabari sunayi.

ek bola- nanhin-si hogi.

bada- bilakul nanhin-si ! bas jaisi badi gudiya ! aisi gori hai ki kya kisi sahab ki ladaki hogi. yah ladaki main loonga.

sabase chhota bola- amako bi dika do.

tinon milakar ladaki ko dekhane aye aur vahan se bagalen bajate uchhalate-koodate bahar aye.

bada- dekha kaisi hai !

mnjhala- kaise ankhen bnd kiye padi thi.

chhota- ise hamen to dena.

bada- khoob dvar par barat ayegi, hathi, ghode, baje, atashabaji.

mnjhala aur chhota aise magn ho rahe the mano vah manohar drishy ankhon ke samane hai, unake saral netr- manollas se chamak rahe the.

mnjhala bola- phulavariyan bhi hongi.

chhota- am bi pool lenge !

2

chhatthi bhi huee, barahi bhi huee, gana-bajana, khana-khilana, dena-dilana sabakuchh hua; par rasm poori karane ke lie, dil se nahin, khushi se nahin. ladaki din-din durbal aur asvasth hoti jati thi. man use donon vakt aphim khila deti aur balika din aur rat nashe men behosh padi rahati. jara bhi nasha utarata to bhookh se vikal hokar rone lagati ! man kuchh oopari doodh pilakar aphim khila deti. ashchary ki bat to yah thi ki abaki usaki chhati men doodh hi nahin utara. yon bhi use doodh der se utarata tha; par ladakon ki ber use nana prakar ki doodhavarddhak aushadhiyan khilayi jatin, bar-bar shishu ko chhati se lagaya jata, yahan tak ki doodh utar hi ata tha; par abaki yah ayojanaen n ki gayin. phool-si bachchi kumhalati jati thi. man to kabhi usaki or takati bhi n thi. han, nain kabhi chutakiyan bajakar chumakarati to shishu ke mukh par aisi dayaniy, aisi karun vedana ankit dikhayi deti ki vah ankhen ponchhati huee chali jati thi. bahoo se kuchh kahane-sunane ka sahas n padata. bada ladaka siddhoo bar-bar kahata- amman, bachchi ko do bahar se khela laoon. par man use jhidak deti thi.

tin-char mahine ho gaye. damodaradatt rat ko pani pine uthe to dekha ki balika jag rahi hai. samane takh par mithe tel ka dipak jal raha tha, ladaki takataki bandhe usi dipak ki or dekhati thi, aur apana angootha choosane men magn thi. chubh-chubh ki avaz a rahi thi. usaka mukh murajhaya hua tha, par vah n roti thi n hath-pair phenkati thi, bas angootha pine men aisi magn thi mano usamen sudha-ras bhara hua hai. vah mata ke stanon ki or munh bhi nahin pherati thi, mano usaka un par koee adhikar nahin, usake lie vahan koee asha nahin. baboo sahab ko us par daya ayi. is bechari ka mere ghar janm lene men kya dosh hai ? mujh par ya isaki mata par jo kuchh bhi pade, usamen isaka kya aparadh ? ham kitani nirdayata kar rahe hain ki kuchh kalpit anisht ke karan usaka itana tiraskar kar rahe hain. mana ki kuchh amngal ho bhi jay to kya usake bhay se isake pran le lie jayenge ? agar aparadhi hai to mera prarabdh hai. is nanhe-se bachche ke prati hamari kathorata kya eeshvar ko achchhi lagati hogi ? unhonne use god men utha liya aur usaka mukh choomane lage. ladaki ko kadachith pahali bar sachche sneh ka gyan hua. vah hath-pair uchhalakar ‘goo-goon’ karane lagi aur dipak ki or hath phailane lagi. use jivan-jyoti-si mil gayi.

pratahkal damodaradatt ne ladaki ko god men utha liya aur bahar laye. stri ne bar-bar kaha- use padi rahane do, aisi kaun-si badi sundar hai, abhagin rat-din to pran khati rahati hai, mar bhi nahin jati ki jan chhoot jay; kintu damodaradatt ne n mana. use bahar laye aur apane bachchon ke sath baithakar khelane lage. unake makan ke samane thodi-si zamin padi huee thi. pados ke kisi adami ki ek bakari usamen akar chara karati thi. is samay bhi vah char rahi thi. baboo sahab ne bade ladake se kaha- siddhoo, jara us bakari ko pakado, to ise doodh pilayen, shayad bhookhi hai bechari. dekho, tumhari nanhi-si bahan hai n ? ise roj hava men khelaya karo.

siddhoo ko dillagi hath ayi. usaka chhota bhaee bhi dauda. donon ne gherakar bakari ko pakada aur usaka kan pakade hue samane laye. pita ne shishu ka munh bakari ke than men laga diya. ladaki chubalane lagi aur ek kshan men doodh ki dhar usake munh men jane lagi, mano timatimate dipak men tel pad jay. ladaki ka munh khil utha. aj shayad pahali bar usaki kshudha tript huee thi. vah pita ki god men humak-humakakar khelane lagi. ladakon ne bhi use khoob nachaya-kudaya.

us din se siddhoo ko manornjan ka ek naya vishay mil gaya. balakon ko bachchon se bahut prem hota hai. agar kisi ghonsale men chidiya ka bachcha dekh payen to bar-bar vahan jayenge. dekhenge ki mata bachche ko kaise dana chugati hai. bachcha kaise chonch kholata hai, kaise dana lete samay paron ko phadaphadakar chen-chen karata hai. apas men bade gambhir bhav se usaki characha karenge, apane any sathiyon ko le jakar use dikhayenge. siddhoo tak men laga rahata, jyon hi mata bhojan banane ya snan karane jati turnt bachchi ko lekar ata aur bakari ko pakadakar usake than men shishu ka munh laga deta, kabhi din men do-do tin-tin bar pilata. bakari ko bhoosi-chokar khilakar aisa paracha liya ki vah svayn chokar ke lobh se chali ati aur doodh dekar chali jati. is bhanti koee ek mahina gujar gaya, ladaki hrisht-pusht ho gayi, mukh purush ke saman vikasit ho gaya. ankhen jag uthin, shishukal ki saral abha man ko harane lagi.

mata use dekh-dekhakar chakit hoti thi. kisi se kuchh kah to n sakati; par dil men use ashnka hoti ki ab vah marane ko nahin, hamin logon ke sir jayegi. kadachith eeshvar isaki raksha kar rahe hain, jabhi to din-din nikharati ati hai, nahin ab tak eeshvar ke ghar pahunch gayi hoti.

3

magar dadi mata se kahin zyada chintit thi. use bhram hone laga ki vah bachchi ko khoob doodh pila rahi hai, sanp ko pal rahi hai. shishu ki or ankh utha kar bhi n dekhati. yahan tak ki ek din kah baithi- ladaki ka bada chhoh karati ho ? han bhaee, man ho ki nahin, tum n chho karogi to karega kaun ?

‘ammanji, eeshvar janate hain jo main ise doodh pilati hooon ?’

‘are to main mana thode hi karati hoon, mujhe kya garaj padi hai ki muft men apane oopar pap loon, kuchh mere sir to jayagi nahin.’

‘ab apako vishvas hi n aye to koee kya kare ?’

‘mujhe pagal samajhati ho, vah hava pi-pikar aisi ho rahi hai ?’

‘bhagavanh jane amman, mujhe to ap acharaj hota hai.’

bahoo ne bahut nirdoshita jatayi; kintu vriddha sas ko vishvas n aya. usane samajha, yah meri shnka ko nirmool samajhati hai, mano mujhe is bachchi se koee bair hai. usake man men yah bhav ankurit hone laga ki ise kuchh ho jay tab yah samajhe ki main jhooth nahin kahati thi. vah jin praniyon ko apane pranon se bhi priy samajhati thi, unhin logon ki amngal kamana karane lagi, keval isalie ki meri shnkaen saty ho jayn. vah yah to nahin chahati thi ki koee mar jay; par itana avashy chahati thi ki kisi bahane se main cheta doon ki dekha, tumane mera kaha n mana, yah usi ka phal hai. udhar sas ki or se jyon-jyon yah dvesh-bhav prakat hota tha, bahoo ka kanya ke prati sneh badhata tha. eeshvar se manati rahati thi ki kisi bhanti ek sal kushal se kat jata to inase poochhati. kuchh ladaki ka bhola-bhala chehara, kuchh apane pati ka prem-vatsaly dekhakar bhi use protsahan milata tha. vichitr dasha ho rahi thi, n dil kholakar pyar hi kar sakati thi, n sampoorn riti se nirday hote hi banata tha. n hnsate banata tha n rote.

is bhanti do mahine gujar gaye aur koee anisht n hua. tab to vriddha sas ke pet men choohe daudane lage. bahoo ko do-char din jvar bhi nahin a jata ki meri shnka ki maryada rah jay, putr bhi kisi din pairagadi par se nahin gir padata, n bahoo ke maike hi se kisi ke svargavas ki sunavani ati hai. ek din damodaradatt ne khule taur par kah bhi diya ki amman, yah sab dhakosala hai, tentar ladakiyan kya duniya men hotin nahin, to sab-ke-sab man-bap mar hi jate hain ? ant men usane apani shnkaon ko yatharth siddh karane ki ek tarakib soch nikali. ek din damodaradatt skool se aye to dekha ki ammanji khat par achet padi huee hain, stri angithi men ag rakhe unaki chhati senk rahi hai aur kothari ke dvar aur khidakiyan bnd hain. ghabarakar kaha- amman ji, kya dasha hai ?

stri- dopahar hi se kaleje men ek shool uth raha hai, bechari bahut tadap rahi hain.

damodar- main jakar daauktar sahab ko bula laoon n ! der karane se shayad rog badh jay. ammanji, ammanji, kaisi tabiyat hai ?

mata ne ankhen kholin aur karahate hue boli- beta, tum a gaye ? ab n boochngi, hay bhagavanh, ab n bachoongi. jaise koee kaleje men barachhi chubha raha ho. aisi pida kabhi n huee thi. itani umr bit gayi, aisi pida nahin huee.

stri- yah kalamunhi chhokari n jane kis manahoos ghadi men paida huee.

sas- beta, sab bhagavanh karate hain, yah bechari kya jane ! dekho main mar jaoon to use kasht mat dena. achchha hua, mere sir ayi. kisi ke sir to jati hi, mere hi sir sahi. hay bhagavanh, ab n bachoongi.

damodar- jakar daauktar bula laoon ? abhi lauta ata hoon.

mataji ko keval apani bat ki maryada nibhani thi, rupaye n kharch karane the, boli- nahin beta, daauktar ke pas jakar kya karoge ? are, vah koee eeshvar hai. daauktar amrit pila dega ? das-bis vah bhi le jayega ! daauktar-vaidy se kuchh n hoga. beta, tum kapade utaro, mere pas baithakar bhagavat padho. ab n bachoongi, hay ram !

damodar- tentar buri chiz hai, main samajhata tha ki dhakosala hi dhakosala hai.

stri- isi se main use kabhi munh nahin lagati thi.

mata- beta, bachchon ko aram se rakhana, bhagavanh tum logon ko sukhi rakhe. achchha hua mere hi sir gayi, tum logon ke samane mera paralok ho jayaga. kahin kisi doosare ke sir jati to kya hota ram ! bhagavanh ne meri vinati sun li. hay ! hay !!

damodaradatt ko nishchay ho gaya ki ab amman n bachengi. bada duahkh hua. unake man ki bat hoti to vah man ke badale tentar ko n svikar karate. jis janani ne janm diya, nana prakar ke kasht jhelakar unaka palan-poshan kiya, akal vaidhavy ko prapt hokar bhi unaki shiksha ka prabndh kiya, usake samane ek dudhamunhi bachchi ka kya mooly tha, jisake hath ka ek gilas pani bhi vah n janate the. shokatur ho kapade utare aur man ke sirahane baith kar bhagavat ki katha sunane lage.

rat ko bahoo bhojan banane chali to sas se boli- ammanji, tumhare lie thoda-sa saboodana chhod doon ?

mata ne vyngy karake kaha- beti, ann bina n maro, bhala saboodana mujhase khaya jayaga; jao, thodi pooriyan chhan lo. pade-pade jo kuchh ichchha hogi, kha loongi, kachauriyan bhi bana lena. marati hoon to bhojan ko taras-taras kyon maroon. thodi malaee bhi mngava lena, chauk ki ho. phir thode khane aoongi beti. thode-se kele mngava lena, kaleje ke dard men kele khane se aram hota hai.

bhojan ke samay pida shant ho gayi; lekin adh ghnte ke bad phir zor se hone lagi. adhi rat ke samay kahin jakar unaki ankh lagi. ek saptah tak unaki yahi dasha rahi, din-bhar padi karaha karatin, bas bhojan ke samay jara vedana kam ho jati. damodaradatt sirahane baithe pnkha jhalate aur matriviyog ke agat shok se rote. ghar ki mahari ne mahalle-bhar men yah khabar phaila di, padosinen dekhane ayin to sara ilajam balika ke sir gaya.

ek ne kaha- yah to kaho badi kushal huee ki budhiya ke sir gayi; nahin to tentar man-bap do men se ek ko lekar tabhi shant hoti hai. daiv n kare ki kisi ke ghar tentar ka janm ho.

doosari boli- mere to tentar ka nam sunate hi royen khade ho jate hain. bhagavanh banjh rakhe par tentar n de.

ek saptah ke bad vriddha ka kasht nivaran hua, marane men koee kasar n thi, vah to kaho purukhaon ka puny-pratap tha. brahmanon ko go-dan diya gaya. durga-path hua, tab kahin jake snkat kata.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah