स्त्री और पुरुष -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

vipin baboo ke lie stri hi snsar ki sundar vastu thi. vah kavi the aur unaki kavita ke lie striyon ke roop aur yauvan ki prashnsa hi sabase chittakarshak vishay tha. unaki drishti men stri jagath men vyapt komalata, madhury aur alnkaron ki sajiv pratima thi. jaban par stri ka nam ate hi unaki ankhen jagamaga uthati thin, kan khade ho jate the, mano kisi rasik ne gan ki avaz sun li ho. jab se hosh snbhala, tabhi se unhonne us sundari ki kalpana karani shuroo ki jo unake hriday ki rani hogi; usamen oosha ki praphullata hogi, pushp ki komalata, kundan ki chamak, basnt ki chhavi, koyal ki dani- vah kavi-varnit sabhi upamaon se vibhooshit hogi. vah us kalpit moorti ke upasak the, kavitaon men usaka gun gate, mitron se usaki charcha karate, nity usi ke khayal men mast rahate the. vah din bhi samip a gaya tha, jab unaki ashaen hare-hare pattao se laharayengi, unaki muraden poori hongi. kalej ki antim pariksha samapt ho gayi thi aur vivah ke sndeshe ane lage the.

2 vivah tay ho gaya. vipin baboo ne kanya ko dekhane ka bahut agrah kiya, lekin jab unake mamoon ne vishvas dilaya ki ladaki bahut hi roopavati hai, mainne use apani ankhon se dekha hai, tab vah raji ho gaye. dhoomadham se barat nikali aur vivah ka moorhoot aya. vadhoo abhooshanon se saji huee mndap men ayi to vipin ko usake hath-panv najar aye. kitani sundar ungaliyan thin, mano dip-shikhaen hon, angon ki shobha kitani manoharini thi. vipin phoole n samaye. doosare din vadhoo vida huee to vah usake darshanon ke lie itane adhir hue ki jyon hi raste men kaharon ne palaki rakhakar munh-hath dhona shuroo kiya, ap chupake se vadhoo ke pas ja pahunche. vah ghoonghat hataye, palaki se sir nikale bahar jhank rahi thi. vipin ki nigah us par pad gayi. ghrina, krodh aur nirasha ki ek lahar-si un par daud gayi. yah vah param sundari ramani n thi jisaki unhonne kalpana ki thi, jisaki vah barason se kalpana kar rahe the- yah ek chaude munh, chipati nak, aur phoole hue galon vali kuroopa stri thi. rng gora tha, par usamen lali ke badale saphedi thi; aur phir rng kaisa hi sundar ho, roop ki kami nahin poori kar sakata. vipin ka sara utsah thnda pad gaya- ha! ise mere hi gale padana tha. kya isake lie samast snsar men aur koee n milata tha? unhen apane mamoon par krodh aya jinhonne vadhoo ki tariphon ke pul bandh diye the. agar is vakt vah mil jate to vipin unaki aisi khabar leta ki vah bhi yad karate. jab kaharon ne phir palakiyan uthayin to vipin man men sochane laga, is stri ke sath kaise main boloonga, kaise isake sath jivan katoonga. isaki or to takane hi se ghrina hoti hai. aisi kuroopa striyan bhi snsar men hain, isaka mujhe ab tak pata n tha. kya munh eeshvar ne banaya hai, kya ankhen hain! main aur sare aibon ki or se ankhen bnd kar leta, lekin vah chauda-sa munh! bhagavanh! kya tumhen mujhi par yah vajrapat karana tha.

3 vipin ko apana jivan narak-sa jan padata tha. vah apane mamoon se lada. sasur ko lamba kharra likhakar phatakara, man-bap se hujjat ki aur jab isase shanti n huee to kahin bhag jane ki bat sochane laga. asha par use daya avashy ati thi. vah apane ko samajhata ki isamen us bechari ka kya dosh hai, usane jabaradasti to mujhase vivah kiya nahin. lekin yah daya aur yah vichar us ghrina ko n jit sakata tha jo asha ko dekhate hi usake rom-rom men vyapt ho jati thi. asha apane achchhe-se-achchhe kapade pahanati; tarah-tarah se bal snvarati, ghnton aine ke samane khadi hokar apana shrringar karati, lekin vipin ko yah shuturagamaza-se maloom hote. vah dil se chahati thi ki unhen prasann karoon, unaki seva ke lie avasar khoja karati thi; lekin vipin usase bhaga-bhaga phirata tha. agar kabhi bhent ho bhi jati to kuchh aisi jali-kati baten karane lagata ki asha roti huee vahan se chali jati.

sabase buri bat yah thi ki usaka charitr bhrasht hone laga. vah yah bhool jane ki cheshta karane laga ki mera vivah ho gaya hai. kee-kee dinon tak asha ko usake darshan bhi n hote. vah usake kahakahe ki avajen bahar se ati huee sunati, jharokhe se dekhati ki vah doston ke gale men hath dale sair karane ja rahe hain aur tadapakar rah jati.

ek din khana khate samay usane kaha- ab to apake darshan hi nahin hote. kya mere karan ghar chhod dijiega kya?

vipin ne munh pherakar kaha- ghar hi par to rahata hoon. ajakal jara naukari ki talash hai isalie daud-dhoop zyada karani padati hai.

asha kisi daktar se meri soorat kyon nahin banava dete? sunati hoon, ajakal soorat bananevale daktar paida hue hain.

vipin- kyon nahak chidhati ho, yahan tumhen kisane bulaya tha?

asha- akhir is marj ki dava kaun karega?

vipin- is marj ki dava nahin hai. jo kam eeshvar se n karate bana use adami kya bana sakata hai?

asha- yah to tumhin socho ki eeshvar ki bhool ke lie mujhe dnd de rahe ho. snsar men kaun aisa adami hai jise achchhi soorat buri lagati ho, lekin tumane kisi mard ko keval roopahin hone ke karan kvanra rahate dekha hai, roopahin ladakiyan bhi man-bap ke ghar nahin baithi rahatin. kisi-n-kisi tarah unaka nirvah ho hi jata hai; usaka pati un par pran n deta ho, lekin doodh ki makkhi nahin samajhata.

vipin ne jhunjhalakar kaha- kyon nahak sir khati ho, main tumase bahas to nahin kar raha hoon. dil par jabr nahin kiya ja sakata aur n dalilon ka us par koee asar pad sakata hai. main tumhen kuchh kahata to nahin hoon, phir tum kyon mujhase hujjat karati ho?

asha yah jhidaki sunakar chali gayi. use maloom ho gaya ki inhonne meri or se sada ke lie hriday kathor kar liya hai.

4 vipin to roj sair-sapate karate, kabhi-kabhi rat gayab rahate. idhar asha chinta aur nairashy se ghulate-ghulate bimar pad gayi. lekin vipin bhoolakar bhi use dekhane n ata, seva karana to door raha. itana hi nahin, vah dil men manata tha ki vah mar jati to gala chhootata, abaki khoob dekh-bhalakar apani pasnd ka vivah karata.

ab vah aur bhi khul khela. pahale asha se kuchh dabata tha, kam-se-kam use yah dhadaka laga rahata tha ki koee meri chal-dhal par nigah rakhanevala bhi hai. ab vah dhadaka chhoot gaya. kuvasanaon men aisa lipt ho gaya ki maradane kamare men hi jamaghat hone lage. lekin vishay-bhog men dhan hi ka sarvanash nahin hota, isase kahin adhik budhdi aur bal ka sarvanash hota hai. vipin ka chehara pila padane laga, deh bhi kshin hone lagi, pasaliyon ki hadidyan nikal ayin, ankhon ke ird-gird gadhe pad gaye. ab vah pahale se kahin zyada shauq karata, nity tel lagata, bal banavata, kapade badalata, kintu mukh par kanti n thi, rng-rogan se kya ho sakata?

ek din asha baramade men charapaee par leti huee thi. idhar haphton se usane vipin ko n dekha tha. unhen dekhane ki ichchha huee. use bhay tha ki vah n ayenge, phir bhi vah man ko n rok saki. vipin ko bula bheja. vipin ko bhi us par kuchh daya a gayi. akar samane khade ho gaye. asha ne unake munh ki or dekha to chaunk padi. vah itane durbal ho gaye the ki pahachanana mushkil tha. boli- kya, tum bhi bimar ho kya? tum to mujhase bhi zyada ghul gaye ho.

vipin- unh, zindagi men rakha hi kya hai jisake lie jine ki fikr karoon!

asha- jine ki fikr n karane se koee itana dubala nahin ho jata. tum apani koee dava kyon nahin karate?

yah kahakar usane vipin ka dahina hath pakadakar apani charapaee par baitha liya. vipin ne bhi hath chhudane ki cheshta n ki. unake svabhav men is samay ek vichitr namrata thi, jo asha ne kabhi n dekhi thi. baton se bhi nirasha tapakati thi. akkhadapan tha, krodh ki gndh bhi n thi. asha ko aisa maloom hua ki unaki ankhon men ansoo bhare hue hain. vipin charapaee par baithate hue bole- meri dava ab maut karegi. main tumhen jalane ke lie nahin kahata. eeshvar janata hai, main tumhen chot nahin pahunchana chahata. main ab zyada dinon tak n jioonga. mujhe kisi bhaynkar rog ke lakshan dikhaee de rahe hain. daktaron ne bhi yahi kaha hai. mujhe isaka khed hai ki mere hathon tumhen kasht pahuncha par kshama karana. kabhi-kabhi baithe-baithe mera dil doob jata hai, moorchha-si a jati hai.

yah kahate-kahate ekaek vah kanp uthe. sari deh men sanasani-si daud gayi. moorchhit hokar charapaee par gir pade aur hath-pair patakane lage. munh se phichakur nikalane laga. sari deh pasine se tar ho gayi.

asha ka sara rog hava ho gaya. vah mahinon se bistar n chhod saki thi. par is samay usake shithil angon men vichitr sphoorti daud gayi. usane teji se uthakar vipin ko achchhi tarah leta diya aur unake mukh par pani ke chhinte dene lagi. mahari bhi daudi ayi aur pnkha jhalane lagi. bahar khabar huee, mitron ne daudakar daktar ko bulaya. bahut yatn karane par bhi vipin ne ankhen n kholin. sndhya hote-hote unaka munh tedha ho gaya aur bayan ang shoony pad gaya. hilana to door raha, munh se bat nikalana bhi mushkil ho gaya. yah moorchchha n thi, falij tha.

5 falij ke bhaynkar rog men rogi ki seva karana asan kam nahin. us par asha mahinon se bimar thi. lekin is rog ke samane vah apana rog bhool gayi. 15 dinon tak vipin ki halat bahut najuk rahi. asha din-ke-din aur rat-ki-rat unake pas baithi rahati. unake lie pathy banana, unhen god men snbhal kar dava pilana, unake jara-jara se ishare ko samajhana usi jaisi dhairyashila stri ka kam tha. apana sir dard se phata karata, jvar se deh tapa karati, par isaki use jara bhi parava n thi.

15 dinon ke bad vipin ki halat kuchh snbhali. unaka dahina pair to lunj pad gaya tha, par totali bhasha men kuchh bolane lage the. sabase buri gat unake sundar mukh ki huee thi. vah itana tedha ho gaya tha ki jaise koee rabar ke khilaune ko khinchakar badha de. baitari ki madad se jara der ke lie baith ya khade to ho jate the; lekin chalane-phirane ki takat n thi. ek din lete-lete unhen kya jane kya khayal aya. aeena uthakar apana munh dekhane lage. aisa kuroop adami unhonne kabhi n dekha tha. ahista se bole- asha, eeshvar ne mujhe garoor ki saza de di. vastav men yah usi buraee ka badala hai, jo mainne tumhare sath ki. ab tum agar mera munh dekhakar ghrina se munh pher lo to mujhe tumase jara bhi shikayat n hogi. main chahata hoon ki tum mujhase us durvavyovahar ka badala lo, jo mainne tumhare sath kiye hain.

asha ne pati ki or komal bhav-se dekhakar kaha- main to apakoab bhi usi nigah se dekhati hoon. mujhe to apamen koee antar nahin dikhaee deta.

vipin- vah, bndar ka-sa munh ho gaya hai, tum kahati ho koee antar hi nahin. main to ab kabhi bahar n nikaloonga. eeshvar ne mujhe sachamuch dnd diya.

6 bahut yatn kiye gaye par vipin ka munh n sidha hua. mukh ka bayan bhag itana tedha ho gaya tha ki chehara dekhakar dar maloom hota tha. han, pairon men itani shakti a gayi ki ab vah chalane-phirane lage.

asha ne pati ki bimari men devi ki manauti ki thi. aj usi pooja ka utsav tha. muhalle ki striyan banav-singar kiye jama thin. gana-bajana ho raha tha.

ek saheli ne poochha- kyon asha, ab to tumhen unaka munh jara bhi achchha n lagata hoga.

asha ne gnbhir hokar kaha- mujhe to pahale se kahin achchha maloom hota hai.

'chalo, baten banati ho.'

'nahin bahan, sach kahati hoon; roop ke badale mujhe unaki atma mil gayi jo roop se kahin badhakar hai.'

vipin kamare men baithe hue the. kee mitr jama the. tash ho raha tha.

kamare men ek khidaki thi jo angan men khulati thi. is vakt vah bnd thi. ek mitr ne chupake se use khol diya, aur shishe se jhankakar vipin se kaha- aj to tumhare yahan pariyon ka achchha jamaghat hai.

vipin- bnd kar do.

'aji, jara dekho to kaisi-kaisi soorate hain! tumhen in sabon men kaun sabase achchhi maloom hoti hai?'

vipin ne udati huee najaron se dekh kaha- mujhe to vahi sabase achchhi maloom hoti hai jo thal men phool rakh rahi hai.

'vah ri apaki nigah! kya soorat ke sath tumhari nigah bhi bigad gayi? mujhe to vah sabase badasoorat maloom hoti hai.'

'isalie ki tum usaki soorat dekhate ho aur main usaki atma dekhata hoon.'

'achchha, yahi misez vipin hain?'

'ji han, yah vahi devi hai.'

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah