मनोवृत्ति -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

ek sundar yuvati, prat:kal, gandhi-park men billaur ke bench par gahari nind men soyi payi jay, yah chaunka denevali bat hai. sundariyan parkon men hava khane ati hain, hnsati hain, daudati hain, phool-paudhon se khelati hain, kisi ka idhar dhyan nahin jata; lekin koee yuvati ravish ke kinare vale bench par bekhabar soye, yah bilakul gair mamooli bat hai, apani or bal-poorvak akarshit karane vali. ravish par kitane adami chahalakadami kar rahe hain, boodhe bhi, javan bhi, sabhi ek kshan ke lie vahan thithak jate hain, ek najar vah drishy dekhate hain aur tab chale jate hain. yuvakavrind rahasyabhav se musakirate hue, vriddhajan chinta-bhav se sir hilate hue aur yuvatiyan lajja se ankhen niche kiye hue.

2

basnt aur hashim nikar aur baniyan pahane nnge panv daud rahe hain. bade din ki chhuttiyon men olinpiyan res hone vala hai, donon usi ki taiyari kar rahe hain. donon is sthal par pahunchakar ruk jate hain aur dabi ankho se yuvati ko dekhakar apas men khayal daudane lagate hain.

basnt ne kaha- ise aur kahin sone ki jagah hi nahin mili.

hashim ne javab diya- koee veshya hai.

'lekin veshyaen bhi to is tarah besharmi nahin karatin.'

'veshya agar besharm n ho to veshya nahin.'

'bahut-si aisi baten hain, jinamen kulavadhoo aur veshya donon ek vyavahar karati hain. koee veshya mamooli taur par sadak par sona nahin chahati.'

'roop-chhavi dikhane ka naya art hai.'

'art ka sabase sundar roop chhipav hai, dikhav nahin. veshya is rahasy ko khoob samajhati hai.'

'usaka chhipav keval akarshan badhane ke lie hai.'

'ho sakata hai; magar keval yahan so jana yah pramanit nahin karata ki yah veshya hai. isaki mang men sendur hai.'

'veshyaen avasar padane par saubhagyashali ban jati hain. rat-bhar pyale ke daur chale honge. kam-kridaen huee hongi. avasad ke karan, thndak pakar so gayi hogi.'

'mujhe to kulavadhoo-si lagati hai ?'

'kulavadhoo park men sone ayegi ?'

'ho sakata hai, ghar se roothakar ayi ho ?'

'chalakar poochh hi kyon n len.'

'nire ahamak ho ! bagair parichay ke ap kisi ko jaga kaise sakate hain ?'

'aji chalakar parichay kar lenge. ulate aur ehasan jatayenge.'

'aur jo kahin jhidak de ?'

'jhidakane ki koee bat bhi ho. usase saujany aur sadayata men doobi huee baten karenge. koee yuvati aisi baten sunakar chidh nahin sakati. aji, gat-yauvanaen tak to ras-bhari baten sunakar phool hi uthati hain. yah to navayauvana hai. mainne roop aur yauvan ka aisa sundar snyog nahin dekha tha.'

'mere hriday par to yah roop ab jivan-parynt ke lie ankit ho gaya ! shayad kabhi n bhool sakoon.'

'main to phir yahi kahata hoon ki koee veshya hai.'

'roop ki devi veshya bhi ho, upasy hai.'

'yahin khade-khade kaviyon ki-si baten karoge, jara vahan chalate kyon nahin. tum keval khade rahana, pash to main daloonga.'

'koee kulavadhoo hai.'

'kulavadhoo park men akar soye, to isaka isake siva koee arth nahin ki vah akarshit karana chahati hai, aur yah veshya manovritti hai.'

'ajakal ki yuvatiyan bhi to pharvard hone lagi hain.'

'pharvard yuvatiyan yuvakon se ankhen nahin churatin.'

'han, lekin hai kulavadhoo, kulavadhoo se kisi tarah ki batachit karana main behoodagi samajhata hoon.'

'to chalo phir daud lagaven.'

'lekin dil men to vah moorti daud rahi hai.'

'to ao baithen. jab vah uthakar jane lage; to usake pichhe chalen. main kahata hoon veshya hai.'

'aur main kahata hoon, kulavadhoo hai.'

'to das-das ki bazi rahi.'

3

do vriddh purush dhire-dhire zamin ki or takate a rahe hain, mano khoyi javani dhoondh rahe hon. ek ki kamar jhuki, bal kale, sharir sthool; doosare ke bal pake hue, par kamar sidhi, ikahara sharir. donon ke dant toote; par nakali dant lagaye, donon ki ankho par ainak. mote mahashay vakil hain, chharahare mahoday daktar.

vakil - dekha, yah bisavin sadi ki karamat !

daktar- ji han dekha, hindustan duniya se alag to nahin hai.

'lekin ap ise shishtata to nahin kah sakate ?'

'shishtata ki duhaee dene ka ab samay nahin.'

'hai kisi bhale ghar ki ladaki.'

'veshya hai sahab, ap itana bhi nahin samajhate.'

'veshya itani phoohad nahin hoti.'

'aur bhale ghar ki ladakiyan phoohad hoti hain ?'

'nayi azadi hai, naya nasha hai.'

'ham logon ki to buri-bhali kat gayi. jinake sir ayegi, vah jhelenge.'

'afasos, javani rukhsat ho gayi.'

'zindagi jahannum se badatar ho jayegi.'

'magar ankh to nahin rukhsat ho gayi; vah dil to nahin rukhsat ho gaya.'

'bas ankh se dekha karo, dil jalaya karo.'

'mera to phir javan hone ko ji chahata hai. sach poochho to ajakal ke jivan men hi zindagi ki bahar hai. hamare vakton men to kahin koee soorat hi najar n ati thi. aj to jidhar jao, husn-hi-husn ke jalave.'

'suna, yuvatiyon ko duniya men jis chiz se sabase zyada napharat hai, vah boodhe mard hain.'

'main isaka kayal nahin. purush ka jauhar usaki javani nahin, usaka shaktisnpann hona hai. kitane hi boodhe javanon se zyada kadiyal hote hain. mujhe to aye din isake tajarabe hote hain. main hi apane ko kisi javan se kam nahin samajhata.'

'yahi sab sahi hai; par boodhon ka dil kamazor ho jata hai. agar yah bat n hoti to is ramani ko is tarah dekhakar ham log yon n chale jate. main to ankho bhar dekh bhi n saka. dar lag raha tha ki kahin usaki ankhen khul jayen aur vah mujhe takate dekh le to dil men kya samajhe.'

'khush hoti ki boodhe par bhi usaka jadoo chal gaya.'

'aji rahane bhi do.'

'ap kuchh dinon 'okasa' ka sevan kijie.'

'chndroday khakar dekh chuka. sab lootane ki bate hain.'

'mnki glaind lagava lijie n ?'

'ap is yuvati se meri baten pakki kara den. main taiyar hoon.'

'han, yah mera jimma, magar bhaee hamara hissa bhi rahega.'

'arthath ?'

'arthath yah ki kabhi-kabhi main apake ghar akar apani ankhen thndi kar liya karoonga.'

'agar ap is irade se ayen to main apaka dushman ho jaoon.'

'o ho, ap to mnki glaind ka nam sunate hi javan ho gaye.'

'main to samajhata hoon, yah bhi daktaron ne lootane ka ek lataka nikala hai. sach !'

'are sahab, is ramani ke sparsh men javani hai, ap hain kis pher men ! usake ek-ek ang men, ek-ek chitavan men, ek-ek musakan men, ek-ek vilas men javani bhari huee hai. n sau mnki glaind n ek ramani ka bahu-pash.'

'achchha qadam badhaiye, muvakkil akar baithe honge.'

'yah soorat yad rahegi.'

'phir apane yad dila di.'

'vah is tarah soyi hai, isalie ki log usake roop ko, usake ang-vinyas ko, usake bikhare hue keshon ko, usaki khuli huee gardan ko dekhen aur apani chhati piten. is tarah chale jana, usake sath anyay hai. vah bula rahi hai, aur ap bhage ja rahe hain.'

'ham jis tarah dil se prem kar sakate hain, javan kabhi kar sakata hai ?'

'bilakul thik ! mujhe to aisi auraton se sabika pad chuka hai, jo rasik boodhon ko khoja karati hain. javan to chhichhore, uchchhrinkhal, asthir aur garvile hote hain. ve prem ke badale men kuchh chahate hain. yahan ni:svarth bhav se atm-samarpan karate hain.'

'apaki baton se dil men gudagudi ho gayi.'

'magar ek bat yad rakhie, kahin usaka javan premi mil gaya to ?'

'to mila kare, yahan aison se nahin darate.'

'apaki shadi ki kuchh batachit thi to ?'

'han thi, magar apane hi ladake jab dushmani par kamar bandhen, to kya ho ! mera bada ladaka yashavnt to mujhe bndook dikhane laga. yah jamane ki khoobi hai.'

aktoobar ki dhoop tej ho chali thi. donon mitr nikal gaye.

4

do deviyan ek vriddha, doosari navayauvana park ke phatak par motar se utarin aur park men hava khane ayin. unaki nigah bhi us nind ki mati yuvati par padi.

vriddha ne kaha- badi besharm hai !

navayauvana ne tiraskar-bhav se usaki or dekhakar kaha- that to bhale ghar ki deviyon ke hain !

'bas that hi dekh lo. isi se mard kahate hain striyon ko azadi n milani chahie.'

'mujhe to koee veshya maloom hoti hai.'

'veshya hi sahi, par use itani besharmi karake stri-samaj ko lajjit karane ka kya adhikar hai ?'

'kaise maje se so rahi hai, mano apane ghar men hai.'

'behayaee hai. main parada nahin chahati, purushon ki gulami nahin chahati; lekin auraton men jo gauravashilata aur salajjata hai, use nahin chhodana chahati. main kisi yuvati ko sadak par sigaret pite dekhati hoon, to mere badan men ag lag jati hai, usi tarah adhi chhati ka jnphar bhi mujhe nahin sohata. kya apane dharm ki laj chhod dene se hi sabit hoga ki ham bahut pharvard hain ? purush apani chhati ya pith khole to nahin ghoomate ?'

'isi bat par baeeji, jab main apako ade hathon leti hoon, to ap bigadane lagati hain. purush svadhin hai, vah dil men samajhata hai ki main svadhin hoon. vah svadhinata ka svang nahin bharata. stri apane dil men samajhati hai ki vah svadhin nahin hai, isalie vah apani svadhinata ka dhong karati hai. jo balavanh hain, ve akadate nahin. jo durbal hain, vahi akad dikhate hain. kya ap unhen apane ansoo ponchhane ke lie itana adhikar bhi nahin dena chahatin ?'

'main to kahati hoon, stri apane ko chhipakar purush ko jitana nacha sakati hai, apane ko kholakar nahin nacha sakati.'

'stri hi purush ke akarshan ki fikr kyon kare ? purush kyon stri se parda nahin karata ?'

'ab munh n khulavao minoo ! is chhokari ko jagakar kah do jakar ghar par soye. itane adami a-ja rahe hain aur nirlajj tang phailaye padi hai. yahan ise nind kaise a gayi ?'

'rat kitani garmi thi baeeji ! thndak pakar bechari ki ankh lag gayi hai.'

'rat-bhar yahin rahi hai, kuchh-kuchh badati hoon ?'

minoo yuvati ke pas jakar usaka hath pakadakar hilati hai, yahan kyon so rahi ho deviji, itana din chadh aya, uthakar ghar jao.

yuvati ankhen khol deti hai, oho, itana din chadh aya ? kya main so gayi thi ? mere sir men chakkar a jaya karata hai. mainne samajha shayad hava se kuchh labh ho. yahan ayi; par aisa chakkar aya ki main is bench par baith gayi, phir mujhe kuchh hosh n raha. ab bhi main khadi nahin ho sakati. maloom hota hai, main gir padoongi. bahut dava ki; par koee fayada nahin hota. ap daktar shyamanath ko janati hongi, vah mere sasur hain.

yuvati ne ashchary se kaha- achchha ! vah to abhi idhar hi se gaye hain.

'sach ! lekin mujhe pahachan kaise sakate hain ? abhi mera gauna nahin hua hai.'

'to kya ap unake ladake vasntalal ki dharmapatni hain ?'

yuvati ne sharm se sir jhukakar svikar kiya. minoo ne hnsakar kaha- vasntalal to abhi idhar se gaye hain ? mera unase yunivarsiti ka parichay hai.

'achchha ! lekin mujhe unhonne dekha kahan hai ?'

'to main daudakar daktar ko khabar de doon.'

'ji nahin, main thodi der men bilakul achchhi ho jaoongi.'

'vasntalal bhi vah khada hai, use bula doon.'

'ji nahin, kisi ko n bulaie.'

'to chalo, apane motar par tumhen tumhare ghar pahuncha doon.'

'apaki badi kripa hogi.'

'kis muhalle men ?'

'begamagnj, mi. jayaramadas ke ghar.'

'main aj hi mi. vasntalal se kahoongi.'

'main kya janati thi ki vah is park men ate hain.'

'magar koee adami to sath le liya hota ?'

'kisalie ? koee zaroorat n thi.'

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah