धिक्कार (1) -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

dhyan denupanyas samrat munshi premachand ne 'dhikkar' namak shirshak se do kahaniyan likhin hai, doosari padhane ke klik karen dhikkar (2)
anath aur vidhava mani ke liye jivan men ab rone ke siva doosara avalnb n tha. vah panch varsh ki thi, jab pita ka dehant ho gaya. mata ne kisi tarah usaka palan kiya. solah varsh ki avastha men muhalle valon ki madad se usaka vivah bhi ho gaya par sal ke andar hi mata aur ‍pati donon vida ho gaye. is vipatti men use upane chacha vnshidhar ke siva aur koee najar n aya, jo use ashray deta. vnshidhar ne ab tak jo vyavahar kiya tha, usase yah asha n ho sakati thi ki vahan vah shanti ke sath rah sakegi par vah sab kuchh sahane aur sab kuchh karane ko taiyar thi. vah gali, jhidaki, marapit sab sah legi, koee us par sndeh to n karega, us par mithya lanchhan to n lagega, shohadon aur luchchon se to usaki raksha hogi . vnshidhar ko kul maryada ki kuchh chinta huee. mani ki yachana ko asvikar n kar sake.

lekin do char mahine men hi mani ko maloom ho gaya ki is ghar men bahut dinon tak usaka nibah n hoga. vah ghar ka sara kam karati, isharon par nachati, sabako khush rakhane ki koshish karati par n jane kyon chacha aur chachi donon usase jalate rahate. usake ate hi mahari alag kar di gayi. nahalane-dhulane ke liye ek launda tha use bhi javab de diya gaya par mani se itana ubar hone par bhi chacha aur chachi n jane kyo usase munh phulaye rahate. kabhi chacha ghudakiyan jamate, kabhi chachi kosati, yahan tak ki usaki chacheri bahan lalita bhi bat-bat par use galiyan deti. ghar-bhar men keval usake chachere bhaee gokul hi ko usase sahanubhooti thi. usi ki baton men kuchh sneh ka parichay milata tha . vah upani mata ka svabhav janata tha. agar vah use samajhane ki cheshta karata, ya khullamakhulla mani ka paksh leta, to mani ko ek ghadi ghar men rahana kathin ho jata, isaliye usaki sahanubhooti mani hi ko dilasa dene tak rah jati thi. vah kahata- bahan, mujhe kahin naukar ho jane do, ‍phir tumhare kashton ka ant ho jayaga. tab dekhoonga, kaun tumhen tirachhi ankhon se dekhata hai. jab tak padhata hoon, tabhi tak tumhare bure din hain. mani ye sneh men doobi huee bat sunakar pulakit ho jati aur usaka roan-roan gokul ko ashirvad dene lagata.

2

aj lalita ka vivah hai. sabere se hi mehamanon ka ana shuroo ho gaya hai. gahanon ki jhanakar se ghar goonj raha hai. mani bhi mehamanon ko dekh-dekhakar khush ho rahi hai. usaki deh par koee abhooshan nahin hai aur n use sundar kapade hi diye gaye hain, phir bhi usaka mukh prasann hai.

adhi rat ho gayi thi. vivah ka muhoort nikat a gaya tha. janavase se chadhave ki chizen ayin . sabhi auraten utsuk ho-hokar un chijon ko dekhane lagin. lalita ko abhooshan pahinaye jane lage. mani ke hriday men badi ichchha huee ki jakar vadhoo ko dekhe. abhi kal jo balika thi, use aj vadhoo vesh men dekhane ki ichchha n rok saki. vah muskarati huee kamare men ghusi. sahasa usaki chachi ne jhidakakar kaha- tujhe yahan kisane bulaya tha, nikal ja yahan se.

mani ne badi-badi yatanaen sahi thin, par aj ki vah jhidaki usake hriday men ban ki tarah chubh gayi . usaka man use dhikkarane laga. ‘tere chhichhorepan ka yahi puraskar hai. yahan suhaginon ke bich men tere ane ki kya zaroorat thi.’ vah khisiyaee huee kamare se nikali aur ekant men baithakar rone ke liye oopar jane lagi. sahasa jine par usaki indranath se muthabhed ho gayi. indranath gokul ka sahapathi aur param mitr tha. vah bhi nyaute men aya hua tha. is vakt gokul ko khojane ke liye oopar aya tha. mani ko vah do-bar dekh chuka tha aur yah bhi janata tha ki yahan usake sath bada durvyavahar kiya jata hai. chachi ki baton ki bhanak usake kan men bhi pad gayi thi. mani ko oopar jate dekhakar vah usake chitt ka bhav samajh gaya aur use santvana dene ke liye oopar aya, magar daravaza bhitar se bnd tha. usane kivad ki darar se bhitar jhanka. mani mej ke pas khadi ro rahi thi.

usane dhire se kaha- mani, dvar khol do.

mani usaki avaj sunakar kone men chhip gayi aur gnbhir svar men boli- kya kam hai?

indranath ne gadh‍gadh‍ svar men kaha- tumhare pairon padata hoon mani, khol do.

yah sneh men dooba hua hua vinay mani ke liye abhootapoorv tha . is nirday snsar men koee usase aise vinati bhi kar sakata hai, isaki usane svaph‍n men bhi kalpana n ki thi. mani ne kanpate hue hathon se dvar khol diya. indranath jhapatakar kamare men ghusa, dekha ki chhat se pnkhe ke kade se ek rassi latak rahi hai. usaka hriday kanp utha. usane turnt jeb se chakoo nikalakar rassi kat di aur bola- kya karane ja rahi thi mani? janati ho, is aparadh ka kya‍ dnd hai?

mani ne gardan jhukakar kaha- is dnd se koee aur dnd kathor ho sakata hai? jisaki soorat se logon ko ghrina hai, use marane ke liye bhi agar kathor dnd diya jay, to main yahi kahoongi ki eeshvar ke darabar men nyay ka nam bhi nahin hai. tum meri dasha ka anubhav nahin kar sakate. indranath ki ankhen sajal ho gayin. mani ki baton men kitana kathor saty bhara hua tha . bola- sada ye din nahin rahenge mani. agar tum yah samajh rahi ho ki snsar men tumhara koee nahin hai, to yah tumhara bhram hai. snsar men kam-se-kam ek manushy aisa hai, jise tumhare pran apane pranon se bhi pyanre hain.

sahasa gokul ata hua dikhaee diya. mani kamare se nikal gayi. indranath ke shabdon ne usake man men ek toofan-sa utha diya. usaka kya ashay hai, yah usaki samajh men n aya. ‍phir bhi aj use apana jivan sarthak maloom ho raha tha . usake andhakaramay jivan men ek prakash ka uday ho gaya.

3

indranath ko vahan baithe aur mani ko kamare se jate dekhakar gokul ko kuchh khatak gaya. usaki tyoriyan badal gayin. kathor svar men bola- tum yahan kab aye?

indranath ne avichalit bhav se kaha- tumhin ko khojata hua yahan aya tha. tum yahan n mile to niche lauta ja raha tha, agar chala gaya hota to is vakt tumhen yah kamara bnd milata aur pnkhe ke kade men ek lash latakati huee najar ati.

gokul ne samajha, yah apane aparadh ke chhipane ke liye koee bahana nikal raha hai. ti‍vr knth se bola- tum yah vishvasaghat karoge, mujhe aisi asha n thi.

indranath ka chehara lal ho gaya. vah avesh men khada ho gaya aur bola- n mujhe yah asha thi ki tum mujh par itana bada lanchhan rakh doge. mujhe n maloom tha ki tum mujhe itana nich aur kutil samajhate ho. mani tumhare liye tiraskar ki vastu ho, mere liye vah shraddha ki vastu hai aur rahegi. mujhe tumhare samane apani saphaee dene ki zaroorat nahin hai, lekin mani mere liye usase kahin pavitr hai, jitani tum samajhate ho. main nahin chahata tha ki is vakt ‍tumase ye baten kahoon. isake liye aur anookool pari‍‍sthitiyon ki rah dekh raha tha, lekin muamala a padane par kahana hi pad raha hai. main yah to janata tha ki mani ka tumhare ghar men koee adar nahin, lekin tum log use itana nich aur tyajy samajhate ho, yah aj tumhari mataji ki baten sunakar maloom hua. keval itani-si bat ke liye vah chadhave ke gahane dekhane chali gayi thi, tumhahri mata ne use is buri tarah jhidaka, jaise koee kutte ko bhi n jhidakega. tum kahoge, isamen main kya karoon, main kar hi kya sakata hoon. jis ghar men ek anath stri par itana atyachar ho, us ghar ka pani pina bhi haram hai. agar tumane apani mata ko pahale hi din samajha diya hota, to aj yah naubat n ati. tum is iljam se nahin bach sakate. tumhare ghar men aj utsav hai, main tumhare mata-pita se kuchh batachit nahin kar sakata, lekin tumase kahane men snkoch nahin hai ki mani ko ko main apani jivan sahachari banakar apane ko dhany samajhoonga. mainne samajha tha, apana koee thikana karake tab yah prastav karoonga par mujhe bhay hai ki aur vilnb karane men shayad mani se hath dhona pade, isaliye tumhen aur tumhare ghar valon ko chinta se mukt karane ke liye main aj hi yah prastav kiye deta hoon.

gokul ke hriday men indranath ke prati aisi shraddha kabhi n huee thi. us par aisa sndeh karake vah bahut hi l‍‍‍jjit hua. usane yah anubhav bhi kiya ki mata ke bhay se main mani ke vishay men tatasth rahakar kayarata ka doshi hua hoon. yah keval kayarata thi aur kuchh nahin. kuchh jhenpata hua bola- agar amman ne mani ko is bat par jhidaka to vah unaki moorkhata hai. main unase avasar milate hi poochhoonga.

indranath- ab poochhane-pachhane ka samay nikal gaya. main chahata hoon ki tum mani se is vishay men salah karake mujhe batala do. main nahin chahata ki ab vah yahan kshan-bhar bhi rahe. mujhe aj maloom hua ki vah garvini prakriti ki stri hai aur sach poochho to main usake svabhav par mugdh ho gaya hoon. aisi stri atyachar nahin sah sakati.

gokul ne darate-darate kaha- lekin tumhen maloom hai, vah vidhava hai?

jab ham kisi ke hathon apana asadharan hit hote dekhate hain, to ham apani sari buraiyan usake samane kholakar rakh dete hain. ham use dikhana chahate hain ki ham apaki is kripa ke sarvatha yogy nahin hain.

indranath ne muskarakar kaha- janata hoon, sun chuka hoon aur isiliye tumhare babooji se kuchh kahane ka mujhe ab tak sahas nahin hua. lekin n janata to bhi isaka mere nishchay par koee asar n padata. mani vidhava hi nahin, achhoot ho, usase bhi gayi-biti agar kuchh ho sakati hai, vah bhi ho, phir bhi mere liye vah ramani-ratn, hai. ham chhote-chhote kamon ke liye tajurbekar adami khojate hain, jisake sath hamen jivan-yatra karani hai, usamen tajurbe ka hona aib samajhate hain. main nyay ka gala ghotanevalon men nahin hoon. vipatti se badhakar tajurba sikhane vala koee vidyalay aj tak nahin khula. jisane is vidyalay men digri le li, usake hathon men ham nishchint hokar jivan ki bagador de sakate hain. kisi ramani ka vidhava hona meri ankhon men dosh nahin, gun hai.

gokul ne poochha- lekin tumhare ghar ke log?

indranath ne prasann hokar kaha- main apane gharavalon ko itana moorkh nahin samajhata ki is vishay men apatti karen; lekin ve apatti karen bhi to main apani kismat apane hath men hi rakhana pasnd karata hoon. mere badon ko mujhapar anekon adhikar hain. bahut-si baton men main unaki ichchha ko qanoon samajhata hoon, lekin jis bat ko main apani atma ke vikas ke liye shubh samajhata hoon, usamen main kisi se dabana nahin chahata. main is garv ka annd uthana chahata hoon ki main svayn apane jivan ka nirmata hoon.

gokul ne kuchh shnkit hokar kaha- aur agar mani n mnjoor kare?

indranath ko yah shnka bilkul nirmool jan padi. bole- tum is samay bachchon ki-si bat kar rahe ho gokul. yah mani huee bat hai ki mani asani se mnjoor n karegi. vah is ghar men thokaren khayegi, jhidakiyan sahegi, galiyan sunegi, par isi ghar men rahegi. yugon ke snskaron ko ‍mita dena asan nahin hai, lekin hamen usako raji karana padega. usake man se snchit snskaron ko nikalana padega. main vidhavaon ke punarvivah ke paksh men nahin hoon. mera khayal hai ki pativrat ka alaukik adarsh snsar ka amooly ratn hai aur hamen bahut soch-samajhakar us par aghat karana chahie; lekin mani ke vishay men yah bat nahin uthati. prem aur bhakti nam se nahin, vyakti se hoti hai. jis purush ki usane soorat bhi nahin dekhi, usase use prem nahin ho sakata. keval rasm ki bat hai. is adnbar ki, is dikhave ki, hamen paravah nahin karani chahie. dekho, shayad koee tumhen ‍bula raha hai. main bhi ja raha hoon. do-tin din men ‍phir miloonga, magar aisa n ho ki tum snkoch men padakar sochate-vicharate rah jao aur din nikalate chale jayn.

gokul ne usake gale men hath dalakar kaha- main parason khud hi aoonga.

4

barat ‍vida ho gayi thi. mehaman bhi rukhasat ho gaye the. rat ke nau baj gaye ‍the. vivah ke bad ki nind mashahoor hai. ghar ke sabhi log saresham se so rahe the. koee charapaee par, koee takht par, koee zamin par, jise jahan jagah mil gayi, vahin so raha tha. keval mani ghar ki dekhabhal kar rahi thi aur oopar gokul apane kamare men baitha hua samachar padh raha tha.

sahasa gokul ne pukara- mani, ek glas thnda pani to lana, pyas lagi hai.

mani pani lekar oopar gayi aur mej par pani rakhakar lautana hi chahati thi ki gokul ne kaha- jara thaharo mani, tumase kuchh kahana hai.

mani ne kaha- abhi phurasat nahin hai bhaee, sara ghar so raha hai . kahin koee ghus aye to lota-thali bhi n bache.

gokul ne kaha- ghus ane do, main tumhari jagah hota, to choron se milakar chori karava deta. mujhe isi vakt indranath se milana hai. mainne usase aj milane ka vachan diya hai- dekho snkoch mat karana, jo bat poochh raha hoon, usaka jald uttar dena. der hogi to vah ghabarayega. indranath ko tumase prem hai, yah tum janati ho n?

mani ne munh pherakar kaha- yahi bat kahane ke liye mujhe bulaya tha? main kuchh nahin janati.

gokul- khair, yah vah jane aur tum jano. vah tumase vivah karana chahata hai. vaidik riti se vivah hoga. tumhen svikar hai?

mani ki gardan sharm se jhuk gayi. vah kuchh javab n de saki .

gokul ne ‍‍phir kaha- dada aur amman se yah bat nahin kahi gayi, isaka karan tum janati hi ho . vah tumhen ghudakiyan de-dekar jala-jalakar chahe mar dalen, par vivah karane ki sammati kabhi nahin denge. isase unaki nak kat jayegi, isaliye ab isaka nirnay tumhare hi oopar hai. main to samajhata hoon, tumhen svikar kar lena chahie. indranath tumase prem karata hi hai, yon bhi nishkalnk charitr ka adami aur bala ka diler hai . bhay to use chhoo hi nahin gaya. tumhen sukhi dekhakar mujhe sachcha annd hoga.

mani ke hriday men ek veg uth raha tha, magar munh se avaj n nikali.

gokul ne abaki khijhakar kaha- dekho mani, yah chup rahane ka samay nahin hai. kya sochati ho?

mani ne kanpate svar men kaha- han.

gokul ke hriday ka bojh halka ho gaya. muskarane laga. mani sharm ke mare vahan se bhag gayi.

5

sham ko gokul ne apani man se kaha- amman, indranath ke ghar aj koee utsav hai. usaki mata akeli ghabada rahi thi ki kaise sab kam hoga, mainne kaha, main mani ko kal bhej doonga. tumha‍ri agya ho, to mani ka pahuncha doon. kal-parason tak chali ayegi.

mani usi vakt vahan a gayi, gokul ne usaki or kanakhiyon se taka. mani lajja‍ se gad gayi . bhagane ka rasta n mila.

man ne kaha- mujhase kya poochhate ho, vah jay, to le jao.

gokul ne mani se kaha- kapade pahanakar taiyar ho jao, tumhen indranath ke ghar chalana hai.

mani ne apatti ki- mera ji achchha nahin hai, main n jaoongi.

gokul ki man ne kaha- chali kyon nahin jati, kyar vahan koee pahad khodana hai?

mani ek saphed sadi pahanakar tange par baithi, to usaka hriday kanp raha tha aur bar-bar ankhon men ansoo bhar ate the. usaka hriday baitha jata tha, manon nadi men dubane ja rahi ho.

tanga kuchh door nikal gaya to usane gokul se kaha- bhaiya, mera ji n jane kaisa ho raha hai. ghar chalo, tumhare pair padati hoon.

gokul ne kaha- too pagal hai. vahan sab log teri rah dekh rahe hain aur too kahati hai laut chalo.

mani- mera man kahata hai, koee anisht hone vala hai.

gokul- aur mera man kahata hai too rani banane ja rahi hai.

mani- das-panch din thahar kyon nahin jate? kah dena, mani bimar hai.

gokul- pagalon ki-si baten n karo.

mani- log kitana hnsenge.

gokul- main shubh kary men kisi ki hnsi ki paravah nahin karata.

mani- amman tumhen ghar men ghusane n dengi. mere karan tumhen bhi jhidakiyan milengi.

gokul- isaki koee paravah nahin hai. unaki to yah adat hi hai.

tanga pahunch gaya. indranath ki mata vicharashil mahila thin. unhonne akar vadhoo ko utara aur bhitar le gayin.

6

gokul vahan se ghar chala to gyarah baj rahe the. ek or to shubh kary ke poora karane ka annd tha, doosari or bhay tha ki kal mani n jayagi, to logon ko kya javab doonga. usane nishchay kiya, chalakar saph-saph kah doon. chhipana vyarth hai . aj nahin kal, kal nahin parason to sab-kuchh kahana hi padega. aj hi kyon n kah doon.

yah nishchay karake vah ghar men dakhil hua.

mata ne kivad kholate hue kaha- itani rat tak kya karane lage? use bhi kyon n lete aye? kal savere chauka-bartan kaun karega?

gokul ne sir jhukakar kaha- vah to ab shayad lautakar n aye amman, usake vahin rahane ka prabndh ho gaya hai.

mata ne ankhen phadakar kaha -kya bakata hai, bhala vah vahan kaise rahegi?

gokul- indranath se usaka vivah ho gaya hai.

mata mano akash se gir padi. unhen kuchh sudh n rahi ki mere munh se kya nikal raha hai, kulangar, bhadava, haramajada, n jane kya -kya kaha . yahan tak ki gokul ka dhairy charamasima ka ullnghan kar gaya . usaka munh lal ho gaya, tyoriyan chadh gayi, bola- amman, bas karo. ab mujhamen isase jh‍yada sunane ki samarthy nahin hai. agar mainne koee anuchit karm kiya hota, to apaki jootiyan khakar bhi sir n uthata, magar mainne koee anuchit karm nahin kiya. mainne vahi kiya jo aisi dasha men mera kartavy tha aur jo har ek bhale adami ko karana chahie. tum moorkha ho, tumhen nahin maloom ki samay ki kya pragati hai. isiliye ab tak mainne dhairy ke sath tumhari galiyan suni. tumane, aur mujhe du:kh ke sath kahana padata hai ki pitaji ne bhi, mani ke jivan ko narakiy bana rakha tha. tumane use aisi-aisi tadanaen di, jo koee apane shatru ko bhi n dega. isiliye n ki vah tumhari ashrit thi? isiliye n ki vah anathini thi? ab vah tumhari galiyan khane n avegi. jis din tumhare ghar vivah ka utsav ho raha tha, tumhare hi ek kathor vaky se ahat hokar vah atmahatya karane ja rahi thi. indranath us samay oopar n pahunch jate to aj ham, tum, sara ghar havalat men baitha hota.

mata ne ankhen matakakar kaha- aha ! kitane sapoot bete ho tum, ki sare ghar ko snkat se bacha liya. kyon n ho ! abhi bahan ki bari hai. kuchh din men mujhe le jakar kisi ke gale men bandh ana. ‍phir tumhari chandi ho jayagi. yah rozagar sabase achchha hai. padh likhakar kya karoge?

gokul marm-vedana se tilamila utha. vyathit knth se bola- eeshvar n kare ki koee balak tum jaisi mata ke garbh se janm le. tumhara munh dekhana bhi pap hai.

yah kahata hua vah ghar se nikal pada aur unmatton ki tarah ek taraph chal khada hua. zor ke jhonke chal rahe the, par use aisa maloom ho raha tha ki sans lene ‍ke liye hava nahin hai.

7

ek saptah bit gaya par gokul ka kahin pata nahin. indranath ko bnbee men ek jagah mil gayi thi. vah vahan chala gaya tha. vahan rahane ka prabndh karake vah apani mata ko tar dega aur tab sas aur bahoo vahan chali jayngi. vnshidhar ko pahale sndeh hua ki gokul indranath ke ghar chhipa hoga, par jab vahan pata n chala to unhonne sare shahar men khoj-poochh shuroo ki. jitane milane vale, mitr, sne‍hi, snbndhi the, sabhi ke ghar gaye, par sab jagah se saf javab ‍paya. din-bhar daud-dhoop kar sham ko ghar ate, to stri ko ade hathon lete- aur koso ladake ko, pani pi-pikar koso. n jane tumhen kabhi bu‍ddhi ayegi bhi ya nahin . gayi thi chudail, jane deti. ek bojh sir se tala. ek mahari rakh lo, kam chal jayaga. jab vah n thi, to ghar kya bhookhon marata tha? vidhavaon ke punarvivah charon or to ho rahe hain, yah koee anahoni bat nahin hai. hamare bas ki bat hoti, to vidhava-vivah ke pakshapatiyon ko desh se nikal dete, shap dekar jala dete, lekin yah hamare bas ki bat nahin. phir tumase itana bhi n ho saka ki mujhase to poochh letin. main jo uchit samajhata, karata. kya tumane samajha tha, main daftar se lautakar aoonga hi nahin, vahin meri antyeshti ho jayagi. bas, ladake par toot padin. ab roo, khoob dil kholakar.

sndhya ho gayi thi. vnshidhar stri ko phatakaren sunakar dvar par udveg ki dasha men tahal rahe the. rah-rahakar mani par krodh ata tha. isi rakshasi ke karan mere ghar ka sarvanash hua. n jane kis buri sait men ayi ki ghar ko mitakar chhoda. vah n ayi hoti, to aj kyon yah bure din ‍dekhane padate. ‍kitana honahar, kitana pratibhashali ladaka tha. n jane kahan gaya?

ekaek ek budhiya unake samip ayi aur boli- baboo sahab, yah khat layi hoon. le lijie.

vnshidhar ne lapakakar budhiya ke hath se patr le liya, unaki chhati asha se dhak-dhak karane lagi. gokul ne shayad yah patr likha hoga. andhere men kuchh n sujha. poochha- kahan se ayi hai?

budhiya ne kaha- vah jo baboo husanegnj men rahate hain, jo bnbee men naukar hain, unhin ki bahoo ne bheja hai.

vnshidhar ne kamare men jakar lainp jalaya aur patr padhane lage. mani ka khat tha. likha tha-

‘poojy chachaji, abhagini mani ka pranam svikar kijie.

mujhe yah sunakar atynt du:kh hua ki gokul bhaiya kahin chale gaye aur ab tak unaka pata nahin hai. main hi isaka karan hoon. yah kalnk mere hi mukh par lagana tha vah bhi lag gaya. mere karan apako itana shok hua, isaka mujhe bahut du:kh hai, magar bhaiya avenge avashy, isaka mujhe vishva‍s hai. main isi nau baje vali gadi se bnbee ja rahi hoon . mujhase jo kuchh aparadh hua hai, use kshama kijiega aur chachi se mera pranam kahiega. meri eeshvar se yahi prarthana hai ki shighr hi gokul bhaiya sakushal ghar laut aven. eeshvar ki ichchha huee to bhaiya ke vivah men apake charanon ke darshan karoongi.’

vnshidhar ne patr ko phadakar purje-purje kar dala. ghadi men dekha to ath baj rahe the. turnt kapade pahane, sadak par akar ekka kiya aur steshan chale.

8

bnbee mel pletapharm par khadi thi. musa‍phiron men bhagadad machi huee thi. khomache valon ki chikh-pukar se kan men padi avaj n sunaee deti thi. gadi chhootane men thodi hi der thi. mani aur usaki sas ek janane kamare men ‍baithi huee thin. mani sajal netron se samane tak rahi thi. atit chahe duahkhad hi kyon n ho, usaki smritiyan madhur hoti hain. mani aj bure dinon ko smaran karake du:khi ho rahi thi. gokul se ab n jane kab bhent hogi. chachaji a jate to unake darshan kar leti. kabhi-kabhi bigadate the to kya, usake bhale hi ke liye to dantate the. vah avenge nahin. ab to gadi chhootane men thodi hi der hai. kaise aven, samaj men halachal n mach jayagi. bhagavan ki ichchha hogi, to abaki jab yahan aoongi, to zaroor unake darshan karoongi.

ekaek usane lala vnshidhar ko ate dekha. vah gadi se nikalakar bahar khadi ho gayi aur chachaji ki or badhi. charanon par girana chahati thi ki vah pichhe hat gaye aur ankhen nikalakar bole- mujhe mat chhoo, door rah, abhagini kahin ki. munh men kalikh lagakar mujhe patr likhati hai. tujhe maut bhi nahin ati. toone mere kul ka sarvanash kar diya. aj tak gokul ka pata nahin hai. tere karan vah ghar se nikala aur too abhi tak meri chhati par moong dalane ko baithi hai. tere liye kya gnga men pani nahin hai? main tujhe aisi kulata, aisi harajaee samajhata, to pahale din hi tera gala ghont deta. ab mujhe apani bhakti dikhalane chali hai. tere jaisi papishthaon ka marana hi achchha hai, prithvi ka bojh kam ho jayaga.

pletapharm par saikadon adamiyon ki bhid lag gayi thi aur vnshidhar nirlajj bhav se galiyon ki bauchhar kar rahe the. kisi ki samajh men n ata tha, kya majara hai, par man se sab lala ko ‍dhikkar rahe ‍the.

mani pashan-moorti ke saman khadi thi, mano vahin jam gayi ho. usaka sara abhiman choor-choor ho gaya. aisa ji chahata tha, dharati phat jay aur main sama jaoon, koee vajr girakar usake jivan- adham jivan- ka ant kar de. itane adamiyon ke samane usaka pani utar gaya. usaki ankhon se pani ki ek boond bhi n nikali, hriday men ansoo n the. usaki jagah ek davanal-sa dahak raha tha, jo mano veg se mastishk ki or badhata chala jata tha. snsar men kaun jivan itana adham hoga !

sas ne pukara- bahoo, andar a jao.

9

gadi chali to mata ne kaha- aisa besharm adami nahin dekha. mujhe to aisa krodh a raha tha ki usaka munh noch loon.

mani ne sir oopar n uthaya.

mata ‍phir boli- n jane in sadiyalon ‍ko buddhi kab ayegi, ab to marane ke din bhi a gaye. poochho, tera ladaka bhag gaya to ham kya karen; agar aise papi n hote to yah vajr hi kyon girata.

mani ne phir bhi munh n khola. shayad use kuchh sunaee hi n diya tha. shayad use apane astitv ka gyan bhi n tha. vah takataki lagaye khidaki ki or tak rahi thi. us andhakar men use jane kya soojh raha tha .

kanapur aya. mata ne poochha- beti, kuchh khaogi? thodi-si mithaee kha lo; das kab ke baj gaye.

mani ne kaha- abhi to bhookh nahin hai amman, phir kha loongi.

mataji soee. mani bhi leti; par chacha ki vah soorat ankhon ke samane khadi thi aur unaki baten kanon men goonj rahi thin- ah ! main itani nich hoon, aisi patit, ki mere mar jane se prithvi ka bhar halka ho jayaga? kya kaha tha, too apane man-bap ki beti hai to phir munh mat dikhana. n dikhaoongi, jis munh par aisi kalima lagi huee hai, use kisi ko dikhane ki ichchha bhi nahin hai.

gadi andhakar ko chirati chali ja rahi thi. mani ne apana trnk khola aur apane abhooshan nikalakar usamen rakh diye. ‍phir indranath ka chitr nikalakar use der tak dekhati rahi . usaki ankhon men garv ki ek jhalak-si dikhaee di. usane tasavir rakh di aur ap-hi-ap boli- nahin-nahin, main tumhare jivan ko kalnkit nahin kar sakati. tum devatuly ho, tumane mujh par daya ki hai. main apane poorv snskaron ka prayashchit kar rahi thi. tumane mujhe uthakar hriday se laga liya; lekin main tumhen kalnkit n karoongi. tumhen mujhase prem hai. tum mere liye anadar, apaman, ninda sab sah loge; par main tumhare jivan ka bhar n ‍banoongi.

gadi andhakar ko chirati chali ja rahi thi. mani akash ki or itani der tak dekhati rahi ki sare tare adrishy ho gaye aur us andhakar men use apani mata ka svaroop dikhaee diya-aisa ujjval, aisa pratyaksh ki usane chaunkakar ankhen bnd kar lin.

10

n jane kitani rat gujar chuki thi. daravaza khulane ki ahat se mata ji ki ankhen khul gayin. gadi teji se chalati ja rahi thi; magar bahoo ka pata n tha. vah ankhen malakar uth baithin aur pukara- bahoo ! bahoo ! koee javab n mila.

unaka hriday dhak-dhak karane laga. oopar ke barth par najar dali, peshabakhane men dekha, benchon ke niche dekha, bahoo kahin n thi. tab vah dvar par akar khadi ho gayi. bahoo ka kya hua, yah dvar kisane khola? koee gadi men to nahin aya. unaka ji ghabarane laga. unhonne kivad bnd kar diya aur jor-jor se rone lagin . kisase poochhen? dakagadi ab n jane kitani der men rookegi. kahati thi, bahoo maradani gadi men baithen. par mera kahana n mana. kahane lagi, amman ji, apako sone ki takaliph hogi. yahi aram de gayi?

sahasa use khatare ki jnjir yad aee. usane jor-jor se kee bar jnjir khinchi. kee minat ke bad gadi rooki. gard aya. pados ke kamare se do-char adami aur bhi aye. phir logon ne sara kamara talash kiya. niche takhte ko dhyan se dekha. rakt ka koee chihn n tha. asabab ki janch ki. bistar, sndook, sndukachi, baratan sab maujood the. tale bhi sab bnd the. koee chiz gayab n thi. agar bahar se koee adami ata, to chalati gadi se jata kahan? ek stri ko lekar gadi se kood jana asnbhav tha. sab log in lakshanon se isi natije par pahunche ki mani dvar kholakar bahar jhankane lagi hogi aur muthiya hath se chhoot jane ke karan gir padi hogi. gard bhala adami tha. usane niche utarakar ek mil tak sadak ke donon taraph talash kiya. mani ka koee nishan n mila. rat ko isase zyada aur kya kiya ja sakata tha? mataji ko kuchh log agrahapoorvak ek maradane dibbe men le gaye. yah nishchay hua ki mataji agale steshan par utar paden aur sabere idhar-udhar door tak dekh-bhal ki jay. vipatti men ham paramukhapekshi ho jate hain. mataji kabhi isaka munh dekhati, kabhi usaka. unaki yachana se bhari huee ankhen mano sabase kah rahi thin- koee meri bachchi ko khoj kyon nahin lata?hay, abhi to bechari ki chundari bhi nahin maili huee. kaise-kaise sadhon aur aramanon se bhari pati ke pas ja rahi thi. koee us dusht vnshidhar se jakar kahata kyon ‍nahin- le teri manobhilasha poori ho gayi- jo too chahata tha, vah poora ho gaya. kya ab bhi teri chhati nahin judati .

vuddha baithi ro rahi thi aur gadi andhakar ko chirati chali jati thi .

11

ravivar ka din tha. sndhya samay indranath do-tin mitron ke sath apane ghar ki chhat par baitha hua tha. apas men has-parihas ho raha tha. mani ka agaman is parihas ka vishay tha.

ek mitr bole- kyon indr, tumane to vaivahik jivan ka kuchh anubhav kiya hai, hamen kya salah dete ho? banayen kahin ghosala, ya yon hi daliyon par baithe-baithe din katen? patr-patrikaon ko dekhakar to yahi maloom hota hai ki vaivahik jivan aur narak men kuchh thoda hi-sa antar hai .

indranath ne muskarakar kaha- yah to takadir ka khel hai, bhaee, solahon ana takadir ka. agar ek dasha men vaivahik jivan narakatuly hai, to doosari dasha men svarg se kam nahin .

doosare mitr bole- itani azadi to bhala kya rahegi?

indranath- itani kya, isaka shatansh bhi n rahegi. agar tum roj sinema dekhakar barah baje lautana chahate ho, nau baje sokar uthana chahate ho aur daftar se char baje lautakar tash khelana chahate ho, to tumhen vivah karane se koee sukh n hoga. aur jo har mahine soot banavate ho, tab shayad sal-bhar men bhi n banava sako.

‘shrimatiji, to aj rat ki gadi se a rahi hain?’

‘han, mel se. mere sath chalakar unhen risiv karoge n?’

‘yah bhi poochhane ki bat hai ! ab ghar kaun jata hai, magar kal davat khilani padegi.‘

sahasa tar ke chaparasi ne akar indranath ke hath men tar ka liphapha rakh diya.

indranath ka chehara khil utha. jhat tar kholakar padhane laga. ek bar padhate hi usaka hriday dhak ho gaya, sans rook gayi, sir ghoomane laga. ankhon ki roshani lupt ho gayi, jaise vishv par kala parada pad gaya ho. usane tar ko mitron ke samane phenk diya or donon hathon se munh dhanpakar phoot-phootakar rone laga. donon mitron ne ghabadakar tar utha liya aur use padhate hi hatabuddhi-se ho divar ki or takane lage. kya soch rahe the aur kya ho gaya !

tar men likha tha- mani gadi se kood padi. usaki lash lalapur se tin mil par payi gayi. main lalapur men hoon, turnt ao.

ek mitr ne kaha- kisi shatru ne jhoothi khabar n bhej di ho?

doosare mitr bole- han, kabhi-kabhi log aisi shararaten karate hain.

indranath ne shoony netron se unaki or dekha, par munh se kuchh bole nahin.

kee minat tinon adami nirvakh nispnd baithe rahe. ekaek indranath khade ho gaye aur bole- main is gadi se jaoonga.

bnbee se nau baje rat ko gadi chhootati thi. donon mitron ne chatapat bistar adi bandhakar taiyar kar diya. ek ne bistar uthaya, doosare ne trnk. indranath ne chatapat kapade pahane aur steshan chale. nirasha age thi, asha roti huee pichhe.

12

ek saptah gujar gaya tha. lala vnshidhar daftar se akar dvar par baithe hi the ki indranath ne akar pranam kiya. vnshidhar use dekhakar chaunk pade, usake anapekshit agaman par nahin, usaki vikrit dasha par, mano vitarag shok samane khada ho, mano koee hriday se nikali huee ah moortimanh ho gayi ho.

vnshidhar ne poochha- tum to bnbee chale gaye the n?

indranath ne javab diya- ji han, aj hi aya hoon.

vnshidhar ne tikhe svar men kaha- gokul ko to tum le bite !

indranath ne apani angoothi ki or takate hue kaha- vah mere ghar par hain.

vnshidhar ke udas mukh par harsh ka prakash daud gaya. bole- to yahan kyon nahin aye? tumase kahan usaki bhent huee? kya bnbee chala gaya tha?

‘ji nahin, kal main gadi se utara to steshan par mil gaye.‘

‘to jakar liva lao n, jo kiya achchha kiya.‘

yah kahate hue vah ghar men daude. ek kshan men gokul ki mata ne use andar bulaya.

vah andar gaya to mata ne use sir se panv tak dekha- tum bimar the kya bhaiya? chehara kyon itana utara hai?

gokul ki mata ne pani ka lota rakhakar kaha- hath-munh dho dalo beta, gokul hai to achchhi tarah? kahan raha itane din ! tab se saikadon mannaten man dalin. aya kyon nahin?

indranath ne hath-munh dhote hue kaha- mainne to kaha tha, chalo, lekin dar ke mare nahin ate.

‘aur tha kahan itane din?’

‘kahate the, dehaton men ghoomata raha.‘

‘to kya tum akele bnbee se aye ho?’

‘ji nahin, amman bhi ayi hain.’

gokul ki mata ne kuchh sakuchakar poochha- mani to achchhi tarah hai?

indranath ne hnsakar kaha- ji han, ab vah bade sukh se hain. snsar ke bndhanon se chhoot gayin.

mata ne avishvas karake kaha- chal, natakhat kahin ka ! bechari ko kos raha hai, magar itani jaldi bnbee se laut kyon aye?

indranath ne muskarate hue kaha- kya karata ! mataji ka tar bnbee men mila ki mani ne gadi se koodakar pran de diye. vah lalapur men padi huee thi, dauda hua aya. vahin dah-kriya ki. aj ghar chala aya. ab mera aparadh kshama kijie.

vah aur kuchh n kah saka. ansuon ke veg ne gala bnd kar diya. jeb se ek patr nikalakar mata ke samane rakhata hua bola- usake sndook men yahi patr mila hai.

gokul ki mata kee minat tak marmahat-si baithi zamin ki or takati rahi ! shok aur usase adhik pashchatap ne sir ko daba rakha tha. phir patr uthakar padhane lagi-

‘svami’

jab yah patr apake hathon men pahunchega, tab tak main is snsar se vida ho jaoongi. main badi abhagin hoon. mere liye snsar men sthan nahin hai. apako bhi mere karan klesh aur ninda hi milegi. maine sochakar dekha aur yahi nishchay kiya ki mere liye marana hi achchha hai. mujh par apane jo daya ki thi, usake liye apako kya pratidan karoon? jivan men mainne kabhi kisi vastu ki ichchha nahin ki, parntu mujhe du:kh hai ki apake charanon par sir rakhakar n mar saki. meri antim yachana hai ki mere liye ap shok n kijiega. eeshvar apako sada sukhi rakhe.‘

mataji ne patr rakh diya aur ankhon se ansoo bahane lage. baramade men vnshidhar nispnd khade the aur jaise mani lajjanat unake samane khadi thi.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah