पूस की रात -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

halkoo ne akar stri se kaha- sahana aya hai, lao, jo rupaye rakhe hain, use de doon, kisi tarah gala to chhoote .

munni jhadoo laga rahi thi. pichhe phirakar boli- tin hi to rupaye hain, de doge to kammal kahan se avega ? magh-poos ki rat har men kaise kategi ? usase kah do, phasal par de denge. abhi nahin .

halkoo ek kshan anishchit dasha men khada raha . poos sir par a gaya, kammal ke bina har men rat ko vah kisi tarah nahin ja sakata. magar sahana manega nahin, ghudakiyan jamavega, galiyan dega. bala se jadon men marenge, bala to sir se tal jaegi . yah sochata hua vah apana bhari- bharakam dil lie hue (jo usake nam ko jhooth siddh karata tha ) stri ke samip a gaya aur khushamad karake bola- la de de, gala to chhoote. kammal ke lie koee doosara upay sochoonga.

munni usake pas se door hat gayi aur ankhen tarerati huee boli- kar chuke doosara upay ! jara sunoon to kaun-sa upay karoge ? koee khairat de dega kammal ? n jane kitani baki hai, jon kisi tarah chukane hi nahin ati . main kahati hoon, tum kyon nahin kheti chhod dete ? mar-mar kam karo, upaj ho to baki de do, chalo chhutti huee . baki chukane ke lie hi to hamara janam hua hai . pet ke lie majoori karo . aisi kheti se baj aye . main rupaye n doongi, n doongi .

halkoo udas hokar bola- to kya gali khaoon ?

munni ne tadapakar kaha- gali kyon dega, kya usaka raj hai ?

magar yah kahane ke sath hi usaki tani huee bhauhen dhili pad gayin . halkoo ke us vaky men jo kathor saty tha, vah mano ek bhishan jntu ki bhanti use ghoor raha tha .

usane jakar ale par se rupaye nikale aur lakar halkoo ke hath par rakh diye. phir boli- tum chhod do abaki se kheti . majoori men sukh se ek roti to khane ko milegi . kisi ki dhauns to n rahegi . achchhi kheti hai ! majoori karake lao, vah bhi usi men jhonk do, us par dhauns .

halkoo ne rupaye liye aur is tarah bahar chala mano apana hriday nikalakar dene ja raha ho . usane majoori se ek-ek paisa kat-kapatakar tin rupaye kammal ke lie jama kiye the . vah aj nikale ja rahe the . ek-ek pag ke sath usaka mastak apani dinata ke bhar se daba ja raha tha .

2

poos ki andheri rat ! akash par tare bhi thithurate hue maloom hote the. halkoo apane khet ke kinare ookh ke paton ki ek chhatari ke niche bans ke khatole par apani purani gadhe ki chadar odhe pada kanp raha tha . khat ke niche usaka sngi kutta jabara pet me munh dale sardi se koon-koon kar raha tha . do men se ek ko bhi nind n ati thi .

halkoo ne ghutaniyon kon garadan men chipakate hue kaha- kyon jabara, jada lagata hai? kahata to tha, ghar men pual par let rah, to yahan kya lene aye the ? ab khao thnd, main kya karoon ? janate the, mai yahan haluva-poori khane a raha hoon, daude-daude age-age chale aye . ab roo nani ke nam ko .

jabara ne pade-pade dum hilayi aur apani koon-koon ko dirgh banata hua ek bar jamhaee lekar chup ho gaya. usaki shvan-budhdi ne shayad tad liya, svami ko meri koon-koon se nind nahin a rahi hai.

halkoo ne hath nikalakar jabara ki thndi pith sahalate hue kaha- kal se mat ana mere sath, nahin to thnde ho jaoge . yah rand pachhua n jane kahan se baraph lie a rahi hai . uthoon, phir ek chilam bharoon . kisi tarah rat to kate ! ath chilam to pi chuka . yah kheti ka maja hai ! aur ek-ek bhagavan aise pade hain, jinake pas jada jay to garami se ghabadakar bhage. mote-mote gadde, lihaph- kammal . majal hai, jade ka gujar ho jay . takadir ki khoobi ! majoori ham karen, maja doosare looten !

halkoo utha, gaddhe men se jara-si ag nikalakar chilam bhari . jabara bhi uth baitha .

halkoo ne chilam pite hue kaha- piyega chilam, jada to kya jata hai, jara man badal jata hai.

jabara ne usake munh ki or prem se chhalakati huee ankhon se dekha .

halkoo- aj aur jada kha le . kal se main yahan pual bichha doonga . usi men ghusakar baithana, tab jada n lagega .

jabara ne apane pnje usaki ghutaniyon par rakh diye aur usake munh ke pas apana munh le gaya . halkoo ko usaki garm sans lagi .

chilam pikar halkoo phir leta aur nishchay karake leta ki chahe kuchh ho abaki so jaoonga, par ek hi kshan men usake hriday men kampan hone laga . kabhi is karavat letata, kabhi us karavat, par jada kisi pishach ki bhanti usaki chhati ko dabaye hue tha .

jab kisi tarah n raha gaya to usane jabara ko dhire se uthaya aur usak sir ko thapathapakar use apani god men sula liya . kutte ki deh se jane kaisi durgndh a rahi thi, par vah use apani god me chipataye hue aise sukh ka anubhav kar raha tha, jo idhar mahinon se use n mila tha . jabara shayad yah samajh raha tha ki svarg yahin hai, aur halkoo ki pavitr atma men to us kutte ke prati ghrina ki gndh tak n thi . apane kisi abhinn mitr ya bhaee ko bhi vah itani hi tatparata se gale lagata . vah apani dinata se ahat n tha, jisane aj use is dasha ko pahuncha diya . nahin, is anokhi maitri ne jaise usaki atma ke sab dva r khol diye the aur unaka ek-ek anu prakash se chamak raha tha .

sahasa jabara ne kisi janavar ki ahat payi . is vishesh atmiyata ne usame ek nayi sphoorti paida kar di thi, jo hava ke thnden jhokon ko tuchchh samajhati thi . vah jhapatakar utha aur chhapari se bahar akar bhoonkane laga . halkoo ne use kee bar chumakarakar bulaya, par vah usake pas n aya . har men charon taraph daud-daudakar bhoonkata raha. ek kshan ke lie a bhi jata, to turnt hi phir daudata . kartavy usake hriday men araman ki bhanti hi uchhal raha tha .

3

ek ghnta aur gujar gaya. rat ne shit ko hava se dhadhakana shuroo kiya. halkoo uth baitha aur donon ghutanon ko chhati se milakar sir ko usamen chhipa liya, phir bhi thnd kam n huee | aisa jan padata tha, sara rakt jam gaya hai, dhamaniyon me rakt ki jagah him bah raha hai. usane jhukakar akash ki or dekha, abhi kitani rat baki hai ! saptarshi abhi akash men adhe bhi nahin chadhe . oopar a jaynge tab kahin sabera hoga . abhi pahar se oopar rat hai .

halkoo ke khet se koee ek goli ke tappe par amon ka ek bag tha . patajhad shuroo ho gayi thi . bag men pattiyon ko dher laga hua tha . halkoo ne socha, chalakar pattiyan batoroon aur unhen jalakar khoob tapoon . rat ko koee mujhe pattiyan batorate dekh to samajhe koee bhoot hai . kaun jane, koee janavar hi chhipa baitha ho, magar ab to baithe nahin raha jata .

usane pas ke arahar ke khet men jakar kee paudhe ukhad lie aur unaka ek jhadoo banakar hath men sulagata hua upala liye bagiche ki taraph chala . jabara ne use ate dekha to pas aya aur dum hilane laga .

halkoo ne kaha- ab to nahin raha jata jabaroo . chalo bagiche men pattiyan batorakar tapen . tanthe ho jayenge, to phir akar soyengen . abhi to bahut rat hai.

jabara ne koon-koon karake sahamati prakat ki aur age-age bagiche ki or chala.

bagiche men khoob andhera chhaya hua tha aur andhakar men nirday pavan pattiyon ko kuchalata hua chala jata tha . vrikshon se os ki boonde tap-tap niche tapak rahi thin .

ekaek ek jhonka mehndi ke phoolon ki khooshaboo lie hue aya .

halkoo ne kaha- kaisi achchhi mahak aee jabaroo ! tumhari nak men bhi to sugndh a rahi hai ?

jabara ko kahin zamin par ek hadadi padi mil gayi thi . use chinchod raha tha .

halkoo ne ag zamin par rakh di aur pattiyan batorane laga . jara der men pattiyon ka dher lag gaya. hath thithure jate the . nnge panv gale jate the . aur vah pattiyon ka pahad khada kar raha tha . isi alav men vah thnd ko jalakar bhasm kar dega .

thodi der men alav jal utha . usaki lau oopar vale vriksh ki pattiyon ko chhoo-chhookar bhagane lagi . us asthir prakash men bagiche ke vishal vriksh aise maloom hote the, mano us athah andhakar ko apane siron par snbhale hue hon andhakar ke us annt sagar me yah prakash ek nauka ke saman hilata, machalata hua jan padata tha .

halkoo alav ke samane baitha ag tap raha tha . ek kshan men usane dohar utakar bagal men daba li, donon panv phaila die, manon thnd ko lalakar raha ho, tere ji men jo aye so kar . thnd ki asim shakti par vijay pakar vah vijay-garv ko hriday men chhipa n sakata tha .

usane jabara se kaha- kyon jabbar, ab thnd nahin lag rahi hai ?

jabbar ne koon-koon karake mano kaha- ab kya thnd lagati hi rahegi ?

‘pahale se yah upay n soojha, nahin itani thnd kyon khate .’

jabbar ne poonchh hilayi .

’achchha ao, is alav ko koodakar par karen . dekhen, kaun nikal jata hai. agar jal ge bachcha,

to main dava n karoonga .’

jabbar ne us agnirashi ki or katar netron se dekha !

munni se kal n kah dena, nahin to ladaee karegi .

yah kahata hua vah uchhala aur us alav ke oopar se saf nikal gaya . pairon men jara lapat lagi, par vah koee bat n thi . jabara ag ke gird ghoomakar usake pas a khada hua .

halkoo ne kaha- chalo-chalo isaki sahi nahin ! oopar se koodakar ao . vah phir kooda aur alav ke is par a gaya .

4

pattiyan jal chuki thin . bagiche men phir andhera chha gaya tha . rakh ke niche kuchh-kuchh ag baki thi, jo hava ka jhonka a jane par jara jag uthati thi, par ek kshan men phir ankhen bnd kar leti thi !

halkoo ne phir chadar odh li aur garm rakh ke pas baitha hua ek git gunagunane laga . usake badan men garmi a gayi thi, par jyon-jyon shit badhati jati thi, use alasy dabaye leta tha .

jabara zor se bhoonkakar khet ki or bhaga . halkoo ko aisa maloom hua ki janavaron ka ek jhund khet men aya hai. shayad nilagayon ka jhund tha . unake koodane-daudane ki avajen saf kan men a rahi thi . phir aisa maloom hua ki khet men char rahin hain. unake chabane ki avaz char-char sunaee dene lagi.

usane dil men kaha- nahin, jabara ke hote koee janavar khet men nahin a sakata. noch hi dale. mujhe bhram ho raha hai. kahan! ab to kuchh nahin sunaee deta. mujhe bhi kaisa dhokha hua!

usane zor se avaz lagayi- jabara, jabara.

jabara bhoonkata raha. usake pas n aya.

phir khet ke chare jane ki ahat mili. ab vah apane ko dhokha n de saka. use apani jagah se hilana zahar lag raha tha. kaisa dndaya hua tha. is jade-pale men khet men jana, janavaron ke pichhe daudana asahy jan pada. vah apani jagah se n hila.

usane zor se avaz lagayi- liho-liho !liho! !

jabara phir bhoonk utha . janavar khet char rahe the . phasal taiyar hai . kaisi achchhi kheti thi, par ye dusht janavar usaka sarvanash kiye dalate hain.

halkoo pakka irada karake utha aur do-tin qadam chala, par ekaek hava ka aisa thnda, chubhane vala, bichchhoo ke dnk ka-sa jhonka laga ki vah phir bujhate hue alav ke pas a baitha aur rakh ko kuredakar apani thndi deh ko garmane laga .

jabara apana gala phad dalata tha, nilagayen khet ka saphaya kie dalati thin aur halkoo garm rakh ke pas shant baitha hua tha . akarmanyata ne rassiyon ki bhanti use charon taraph se jakad rakha tha.

usi rakh ke pas garm zamin par vah chadar odh kar so gaya .

sabere jab usaki nind khuli, tab charon taraph dhoop phail gayi thi aur munni kah rahi thi- kya aj sote hi rahoge ? tum yahan akar ram ge aur udhar sara khet chaupat ho gaya .

halkoo ne uthakar kaha- kya too khet se hokar a rahi hai ?

munni boli- han, sare khet ka satyanash ho gaya . bhala, aisa bhi koee sota hai. tumhare yahan madaiya dalane se kya hua ?

halkoo ne bahana kiya- main marate-marate bacha, tujhe apane khet ki padi hai. pet men aisa darad hua ki mai hi janata hoon !

donon phir khet ke dand par aye . dekha, sara khet raunda pada hua hai aur jabara madaiya ke niche chit leta hai, mano pran hi n hon .

donon khet ki dasha dekh rahe the . munni ke mukh par udasi chhayi thi, par halkoo prasann tha .

munni ne chintit hokar kaha- ab majoori karake malagujari bharani padegi.

halkoo ne prasann mukh se kaha- rat ko thnd men yahan sona to n padega.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah