विस्मृति -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

chitrakoot ke sannikat dhanagadh namak ek ganv hai. kuchh din hue vahan shanasinh aur gumanasinh do bhaee rahate the. ye jati ke thakur (kshatriy) the. yuddhasthal men virata ke karan unake poorvajon ko bhoomi ka ek bhag muaphi prapt hua tha. kheti karate the, bhainsen pal rakhi thin, ghi bechate the, mattha khate the aur prasannatapoorvak samay vyatit karate the. unaki ek bahin thi, jisaka nam dooji tha. yatha nam tatha gun. donon bhaee parishrami aur atynt sahasi the. bahin atynt komal, sukumari, sir par ghada rakh kar chalati to usaki kamar bal khati thi; kintu tinon abhi tak kunvare the. prakatatah unhen vivah ki chinta n thi. bade bhaee shanasinh sochate, chhote bhaee ke rahate hue ab main apana vivah kaise karoon. chhote bhaee gumanasinh lajjavash apani abhilasha prakat n karate the ki bade bhaee se pahale main apana byah kar loon ? ve logon se kaha karate the ki-‘bhaee, ham bade annd men hain, anndapoorn bhojan kar mithi nind sote hain. kaun yah jhnjhat sir par le ?’ kintu lagn ke dinon men koee naee ya brahman ganv men var dhoondhane a jata to usaki seva-satkar men yah koee bat n utha rakhate the. purane chaval nikale jate, palatoo bakare devi ko bhent hote, aur doodh ki nadiyan bahane lagati thin. yahan tak ki kabhi-kabhi usaka bhratri-sneh pratidvndvita evn dvesh-bhav ke roop men parinat ho jata tha. in dinon men inaki udarata umng par a jati thi, aur isamen labh uthane valon ki bhi kami n thi. kitane hi naee aur brahman byah ke asaty samachar le kar unake yahan ate, aur do-char din poodi-kachaudi kha kuchh vidaee le kar varaksha (phaladan) bhejane ka vada karake apane ghar ki rah lete. kintu doosare lagn tak vah apana darshan tak n dete the. kisi n kisi karan bhaiyon ka yah parishram nishphal ho jata tha. ab kuchh asha thi, to dooji se. bhaiyon ne yah nishchay kar liya tha ki isaka vivah vahin par kiya jaye jahan se ek bahoo prapt ho sake.

isi bich men ganv ka boodha karinda paralok sidhara. usaki jagah par ek navayuvak lalanasinh niyukt hua jo angarezi ki shiksha paya hua shaukin, rngin aur rasila adami tha. do-char hi dinon men usane panaghaton, talabon aur jharokhon ki dekhabhal bhali-bhanti kar li. ant men usaki rasabhari drishti dooji par padi. usaki sukumarata aur roopalavany par mugdh ho gaya. bhaiyon se prem aur paraspar mel-jol paida kiya. kuchh vivah-sambandhi batachit chhed di. yahan tak ki hukka-pani bhi sath-sath hone laga. sayn-pratah inake ghar par aya karata. bhaiyon ne bhi usake adar-samman ki samagriyan jama kin. panadan mol laye, kalin kharidi. vah daravaze par ata to dooji turnt pan ke bide banakar bhejati. bade bhaee kalin bichha dete aur chhote bhaee tashtari men mithaiyan rakh late. ek din shriman ne kaha-bhaiya shanasinh, eeshvar ki kripa huee to ab ki lagn men bhabhiji a jayengi. mainne sab baten thik kar li hain.

shanasinh ki bachhen khil gayin. anugrahapoorn drishti se dekh kar kaha-main ab is avastha men kya karoonga. han, gumanasinh ki batachit kahin thik ho jati, to pap kat jata.

gumanasinh ne tad ka pnkha utha liya aur jhalate hue bole-vah bhaiya ! kaisi bat kahate ho ?

lalanasinh ne akadakar shanasinh ki or dekhate hue kaha-bhaee sahab, kya kahate ho, abaki lagn men donon bhabhiyan chhamachham karati huee ghar men aven to bat ! main aisa kachcha mamala nahin rakhata. tum to abhi se buddhon ki bhanti baten karane lage. tumhari avastha yadyapi pachas se bhi adhik ho gayi, par dekhane men chalis varsh se bhi kam maloom hoti hai. ab donon vivah honge, bich khet honge. yah to batao, vastrabhooshan ka samuchit prabndh hai n ?

shanasinh ne unake jooton ko sidha karate hue kaha-bhaee sahab ! ap ki yadi aisi kripa-drishti hai, to sab kuchh ho jayega. akhir itane din kama-kama kar kya kiya hai.

gumanasinh ghar men gaye, huqqa taja kiya, tambakoo men do-tin boond itra ke dale, chilam bhari, dooji se kaha, ki sharabat ghol de aur huqqa la kar lalanasinh ke samane rakh diya.

lalanasinh ne do-char dam lagaye aur bole-naee do-char din men ane vala hai. aisa ghar chuna hai ki chitt prasann ho jaye, ek vidhava hai. do kanyayen, ek se ek snudar. vidhava do-ek varsh men snsar ko tyag degi aur tum ek sampoorn ganv men do ane ke hissedar ban jaoge. ganv vale jo abhi hnsi karate hain, pichhe jal-jal marenge. han, bhay itana hi hai ki koee budhiya ke kan n bhar de ki sara bana-banaya khel bigad jaye.

shanasinh ke chehare par havaiyan udane lagin. gumanasinh ki mukhakanti malin ho gayi. kuchh der bad shanasinh bole-ab to apaki hi asha hai, apaki jaisi ray ho, kiya jay.

jab koee purush hamare sath akaran mitrata ka vyavahar karane lage to hamako sochana chahie ki isamen usaka koee svarth to nahin chhipa hai. yadi ham apane sidhepan se is bhram men pad jayn ki koee manushy hamako keval anugrihit karane ke lie hamari sahayata karane par tatpar hai to hamen dhokha khana padega. kintu apane svarth ki dhun men ye moti-moti baten bhi hamari nigahon se chhip jati hain aur chhal apane rnge hue bhesh men akar hamako sarvada ke lie paraspar vyavahar ka upadesh deta hai. shanasinh aur gumanasinh ne vichar se kuchh bhi kam n liya aur lalanasinh ke phnde nityaprati gadhe hote gaye. mitrata ne yahan tak panv pasare ki bhaiyon ki anupasthiti men bhi vah bedhadak ghar men ghus jate aur angan men khade ho kar chhoti bahan se pan-huqqa mangate. dooji unhen dekhate hi ati prasannata se pan banati. phir ankhen milatin, ek premakanksha se bechain, doosari lajjavash sakuchi huee. phir muskarahat ki jhalak honthon par ati. chitavanon ki shitalata kaliyon ko khila deti. hriday netron dvara baten kar lete.

is prakar premalipsa badhati gayi. us netralingan men, jo manobhavon ka bahyaroop tha, udvignata aur vikalata ki dasha utpann huee. vah dooji, jise kabhi manihare aur bisati ki ruchikar dhvani bhi chaukhat se bahar n nikal sakati thi, ab ek prem-vihvalata ki dasha men pratiksha ki moorti bani huee ghnton daravaze par khadi rahati. un dohe aur giton men, jinhen vah kabhi vinodarth gaya karati thi, ab use vishesh anurag aur virah-vedana ka anubhav hota. tatpary yah ki prem ka rng gadha ho gaya.

shanaiah-shanaiah ganv men charcha hone lagi. ghas aur kas svayn ugate hain. ukhadane se bhi nahin jate. achchhe paudhe badi dekh-rekh se ugate hain. isi prakar bure samachar svayn phailate hain, chhipane se bhi nahin chhipate. panaghaton aur talabon ke kinare is vishay par kanaphoosi hone lagi. ganv ki baniyain, jo apani tarajoo par hridayon ko tolati thi aur gvalin jo jal men prem ka rng dekar doodh ka dam leti thi aur tambolin jo pan ke bidon se dilon par rng jamati thi, baith kar dooji ki lolupata aur nirlajjata ka rag alapane lagin. bechari dooji ko ghar se nikalana durlabh ho gaya. sakhi-saheliyan evn badi-boodhiyan sabhi usako tane maratin. sakhi-saheliyan hnsi se chhedatin aur vriddha striyan hriday- vidarak vyngyon se.

marrdon tak baten phailin. thakuron ka ganv tha. unaki krodhagni bhadaki. apas men sammati huee ki lalanasinh ko is dushtata ka dnd dena uchit hai. donon bhaiyon ko bulaya aur bole-bhaiya, kya apani maryada ka nash karake vivah karoge ?

donon bhaee chaunk pade. unhen vivah ki umng men yah sudhi hi nahin thi ki ghar men kya ho raha hai. shanasinh ne kaha-tumhari bat meri samajh men nahin ayi. saph-saph kyon nahin kahate.

ek thakur ne javab diya-saph-saph kya kahalate ho. is shohade lalanasinh ka apane yahan ana-jana bnd kar do, tum to apani ankhon par patti bandhe hi ho, par usaki jan ki kushal nahin. hamane abhi tak isilie tarah diya hai ki kadachith tumhari ankhen khulen, kintu gyat hota hai ki tumhare oopar usane murde ka bhasm dal diya hai. byah kya apani abaroo bech kar karoge ? tum log khet men rahate ho aur ham log apani ankhon se dekhate hain ki vah shohada apana banav-snvar kiye ata hai aur tumhare ghar men ghnton ghusa rahata hai. tum use apana bhaee samajhate ho to samajha karo, ham to aise bhaee ka gala kat len jo vishvasaghat kare.

bhaiyon ke netrapat khule. dooji ke jvar ke sambandh men jo jvar ka sndeh tha, vah prem ka jvar nikala. rudhir men ubal aya. netron men chinagariyan udin. tevar badale. donon bhaiyon ne ek doosare ki or krodhamay drishti se dekha. manogat bhav jihva tak n a sake. apane ghar aye; kintu dar par panv rakha hi tha ki lalanasinh se muthabhed ho gayi.

lalanasinh ne hns kar kaha-vah bhaiya ! vah ! ham tumhari khoj men bar-bar ate hain, kintu tumhare darshan tak nahin milate. mainne samajha, akhir ratri men to kuchh kam n hoga. kintu dekhata hoon, apako is samay bhi chhutti nahin hai.

shanasinh ne hriday ke bhitar krodhagni ko daba kar kaha-han, is samay vastav men chhutti nahin hai.

lalanasinh-akhir kya kam hai ? main bhi sunoon.

shanasinh-bahut bada kam hai, apase chhipa n rahega.

lalanasinh-kuchh vastrabhooshan ka bhi prabndh kar rahe ho ? ab lagn sir par a gaya hai.

shanasinh-ab bada lagn sir par a pahuncha hai, pahale isaka prabndh karana hai.

lalanasinh-kya kisi se than gayi ?

shanasinh-bhali-bhanti.

lalanasinh-kisase ?

shanasinh-is samay jaiye, pratahkal batalaoonga.

2

dooji bhi lalanasinh ke sath daravaze ki chaukhat tak ayi thi. bhaiyon ki ahat pate hi thithak gayi aur yah baten sunin. usaka matha thanaka ki aj yah kya mamala hai. lalanasinh ka kuchh adar-satkar nahin hua. n hukka, n pan. kya bhaiyon ke kanon men kuchh bhanak to nahin padi. kisi ne kuchh laga to nahin diya. yadi aisa hua to kushal nahin.

isi udhedabun men padi thi ki bhaiyon ne bhojan parosane ki agya di. jab vah bhojan karane baithe to dooji ne apani nirdoshita aur pavitrata prakat karane ke lie evn apane bhaiyon ke dil ka bhed lene ke lie kuchh kahana chaha. triya-charitr men abhi nipun n thi. boli-bhaiya, lalanasinh se kah do, ghar men n aya karen. ap ghar men rahie to koee bat nahin, kintu kabhi-kabhi ap nahin rahate to mujhe atynt lajja ati hai. aj hi vah apako poochhate hue chale aye, ab main unase kya kahoon. apako nahin dekha to laut gaye !

shanasinh ne bahin ki taraph tane-bhare netron se dekh kar kaha-ab vah ghar men n ayenge.

gumanasinh bole-ham isi samay ja kar unhne samajha denge.

bhaiyon ne bhojan kar liya. dooji ko punah kuchh kahane ka sahas n hua. use unake tevar aj kuchh badale hue maloom hote the. bhojanoparant donon bhaee dipak le kar bhndare ki kothari men gaye. anavashyak bartan, purane saman, purukhon ke samay ke astr-shastr adi isi kothari men rakhe the. ganv men jab koee bakara devi ji ko bhent diya jata to yah kothari khulati thi. aj to koee aisi bat nahin hai. itani rat gaye yah kothari kyon kholi jati hai ? dooji ko kisi bhavi durghatana ka sndeh hua. vah dabe panv daravaze par gayi to dekhati kya hai ki gumanasinh ek bhujali liye patthar par ragad raha hai. usaka kaleja dhakh-dhakh karane laga aur panv tharrane lage. vah ulte panv lautana chahati thi ki shanasinh ki avaz sunayi di-‘‘isi samay ek ghadi men chalana thik hai. pahali nind badi gahari hoti hai. bedhadak sota hoga.’’ gumanasinh bole-‘‘achchhi bat hai, dekho, bhujali ki dhar. ek hath men kam tamam ho jayega.’’

dooji ko aisa gyat hua mano kisi ne pahad par se dhakel diya. sari baten usaki samajh men a gayin. vah bhay ki dasha men ghar se nikali aur lalanasinh ke chaupal ki or chali. kintu vah andheri rat prem ki ghati thi aur vah rasta prem ka kathin marg. vah is sunasan andheri rat men chaukanne netron se idhar-udhar dekhati, vihvalata ki dasha men shighratapoorvak chali jati thi. kintu hay nirasha ! ek-ek pal use prem-bhavan se door liye jata tha. us andheri bhayanak ratri men bhatakati, n jane vah kahan chali jati thi, kisase poochhe. lajjavash kisi se kuchh n poochh sakati thi. kahin choodiyon ka jhanajhanana bhed n khol de. kya in abhage abhooshanon ko aj hi jhanajhanana hai ? ant men ek vriksh ke tale vah baith gayi. sab choodiyan choor-choor kar din, abhooshan utar kar anchal men bandh liye. kintu hay ! yah choodiyan suhag ki choodiyan thin aur yah gahane suhag ke gahane the jo ek bar utar kar phir n pahane gaye.

usi vriksh ke niche payasvini nadi patthar ke tukadon se takarati huee bahati thi. yahan naukaon ka nirvah dustar tha. dooji baithi huee sochati, kya mere jivan ki nadi men prem ki nauka duahkh ki shilaon se takkar kha kar doob jayegi !

3

pratahkal gramavasiyon ne ashcharyapoorvak suna ki thakur lalanasinh ki kisi ne hatya kar dali. sare ganv ke stri-purush, vriddh-yuva sahastron ki snkhya men chaupal ke samane jama ho gaye. striyan panaghaton ko jati huee ruk gayin. kisan hal-bail liye jyon ke tyon khade rah gaye. kisi ki samajh men n ata tha ki yah hatya kisane ki. kaisa milanasar, hnsamukh, sajjan manushy tha ! unaka kaun aisa shatru tha. bechare ne kisi par ijafa lagan ya bedakhali ki nalish tak nahin ki. kisi ko do bat tak nahin kahi. donon bhaiyon ke netron se ansoo ki dhara bahati thi. unaka ghar ujad gaya. sari ashaon par tusharapat ho gaya. gumanasinh ne rokar kaha-ham tin bhaee the, ab do hi rah gaye. hamase to dant-kati roti thi. sath uthana, hnsi-dillagi, bhojan-chhajan ek ho gaya tha. hatyare se itana bhi nahin dekha gaya. hay ! ab hamako kaun sahara dega ?

shanasinh ne ansoo ponchhate hue kaha-ham donon bhaee kapas nirane ja rahe the. lalanasinh se kee din se bhent nahin huee thi. soche ki idhar se hote chalen, kintu pichhavade ate hi sendh dikhayi padi. hathon ke tote ud gaye. daravaze par jakar dekha to chaukidar-sipahi sab so rahe hain. unhen jaga kar lalanasinh ke kivad khatakhatane lage. parntu bahut bal karane par bhi kivad andar se n khule to snedh ke raste se jhanka. ah ? kaleje men tir lag gaya ! snsar andhera dikhayi diya. pyare lalanasinh ka sir dhad se alag tha. rakt ki nadi bah rahi thi. shok ! bhaiya sada ke lie bichhud gaye.

madhyahn kal tak isi prakar vilap hota raha. daravaze par mela laga hua tha. door-door se log is durghatana ka samachar pakar ikatthe hote jate the. sndhya hote-hote halake ke daroga sahab bhi chaukidar aur sipahiyon ka ek jhund liye a pahunche. kadhahi chadh gayi. poodiyan chhanane lagin. daroga ji ne janch karani shuroo ki. ghatanasthal dekha. chaukidaron ka bayan hua. donon bhaiyon ke bayan likhe. as-pas ke pasi aur chamar pakade gaye aur un par mar padane lagi. lalanasinh ki lash lekar thane par gaye. hatyare ka pata n chala. doosare din inspektar-pulis ka agaman hua. unhonne bhi ganv ka chakkar lagaya, chamaron aur pasiyon ki marammat huee. halua-mohan, gosht-poodi ke svad lekar saynkal ko unhonne bhi apani rah li. kuchh pasiyon par jo ki kee bar dake-chori men pakade ja chuke the, sndeh hua. unaka chalan kiya. majistret ne gavahi pusht pakar aparadhiyon ko seshan supurd kiya aur mukadame ki peshi hone lagi.

madhyahn ka samay tha. akash par megh chhaye hue the. kuchh boonden bhi pad rahi thin. seshan jaj kunvar vinayakrishn baghel ke ijalas men mukadama pesh tha. kunvar sahab bade soch-vichar men the ki kya karoon. abhiyukton ke viruddh sakshi nirbal thi. kintu sarakari vakil, jo ek prasiddh nitigy the, najiron par najir pesh karate jate the ki achanak dooji shvet sadi pahane, ghoonghat nikale hue nirbhay nyayalay men a pahunchi aur hath jod kar boli-shrimanh ! main shanasinh aur gumanasinh ki bahan hoon. is mamale men jo kuchh janati hoon vah mujhase bhi sun liya jaye, isake bad sarakar jo phaisala chahen karen.

kunvar sahab ne ashchary se dooji ki taraph drishti pheri. shanasinh aur gumanasinh ke sharir men kato to rakt nahin. vakilon ne ashchary ki drishti se usaki or dekhana shuroo kiya. dooji ke chehare par dridhata jhalak rahi thi. bhay ka leshamatr n tha. nadi andhi ke pashchath sthir dasha men thi. usane usi pravah men kahana prarambh kiya-thakur lalanasinh ki hatya karane vale mere donon bhaee hain.

kunvar sahab ke netron ke samane se parda hat gaya. sari kachahari dng ho gayi aur sab takataki bandhe dooji ki taraph dekhane lage.

dooji boli-yah vah bhujali hai, jo lalanasinh ki gardan par pheri gayi hai. abhi isaka khoon taja hai. mainne apani ankhon se bhaiyon ko ise patthar par ragadate dekha, unaki baten sunin. main usi samay ghar se bahar nikali ki lalanasinh ko savadhan kar doon; kintu mera bhagy khota tha; chaupal ka pata n laga. mere donon bhaee samane khade hain. vah mard hain, mere samane asaty kadapi n kahenge. inase poochh liya jay. aur sach poochhie to yah chhuri mainne chalayi hai. mere bhaiyon ka aparadh nahin hai. yah sab mere bhagy ka khel hai. yah sab mere karan hua aur nyay ki talavar meri hi gardan par padani chahie. main hi aparadhini hoon aur hath jod kar kahati hoon ki is bhujali se meri gardan kat li jay.

4

nyayalay men ek stri ka ana bazar men bhanamati ka ana hai. ab tak abhiyog niras aur aruchikar tha. dooji ke agaman ne usamen pran dal diye. nyayalay men ek bhid lag gayi. muvakkil aur vakil, amale aur dukanadar, asavadhani ki dasha men idhar-udhar daudate hue chale ate the. pratyek purush usako dekhane ka ichchhuk tha. sahastron netr usake mukhade ki taraph dekhate the aur vah jan-samooh men shanti ki moorti bani huee nishchal khadi thi.

is ghatana ki pratyek purush apani-apani samajh ke anusar alochana karata tha. vriddhajan kahate the-behaya hai, aisi ladaki ka sir kat lena chahie. bhaiyon ne vahi kiya, jo mardon ka kam tha. is nirlajj ko to dekho ki apana parada dhankane ke badale usaka dnka baja rahi hai aur bhaiyon ko bhi duboye deti hai. ankhon ka pani gir gaya hai. aisi n hoti to yah din hi kyon ata ?

magar navayuvakon, svatntrata par jan nyochhavar kar denevale vakilon aur amalon men usake sahas aur nirbhayata ki prashnsa ho rahi thi. unaki samajh men jab yahan tak naubat a gayi thi to bhaiyon ka dharm tha ki donon ka byah kar dete.

kee vriddh vakilon ki apane navayuvak mitron se kuchh chhedachhad ho gayi. ek phaishanebul bairistar sahab ne hns kar kaha-mitr, aur to jo kuchh hai so hai, yah stri sahastron men ek hai, rani maloom hoti hai. sarvasadharan ne inaka samarthan kiya. kunvar vinayakrishn is samay kachahari se uthe the. bairistar sahab ki bat suni aur ghrina se munh pher liya. vah soch rahe the ki jis stri ke krodh men itani jvala hai, kya usaka prem bhi isi prakar jvalapoorn hoga.

5

doosare din phir das baje mukadama pesh hua. kamare men til rakhane ki bhi jagah n thi. dooji kathaghare ke pas sir jhukaye khadi thi. donon bhaee kee kanstebalon ke bich men chupachap khade the. kunvar vinayakrishn ne unhen snbodhit karake uchch svar se kaha-thakur shanasinh, gumanasinh ! tumhari bahin ne tumhare sambandh men adalat men jo kuchh bayan kiya hai, usaka tumhare pas kya uttar hai ?

shanasinh ne garvapoorn bhav se uttar diya-bahin ne jo kuchh bayan kiya hai vah sab saty hai. hamane apana aparadh isalie chhupaya tha ki ham badanami, beijjati se darate the. kintu ab jab hamari badanami jo kuchh honi thi, ho chuki to hamako apani saphaee dene ki koee avashyakata nahin. aise jivan se ab mrityu hi uttam hai. lalanasinh se hamari hardik mitrata thi. apas men koee vibhed n tha. ham use apana bhaee samajhate the, kintu usane hamako dhokha diya. usane hamare kul men kalnk laga diya aur hamane usaka badala liya. usane chikani-chupadi baton dvara hamari ijjat leni chahi. kintu ham apane kul ki maryada itani sasti nahin bech sakate the. striyan hi kul-maryada ki snpatti hoti hain. mard usake rakshak hote hain. jab is snpatti par kapat ka hath uthe to mardon ka dharm hai ki raksha karen. is poonji ko adalat ka qanoon, paramatma ka bhay ya sadvichar nahin bacha sakata. hamako isake lie nyayalay se jo dnd prapt ho, vah shirodhary hai.

jaj ne shanasinh ki bat suni. kachahari men sannata chha gaya aur sannate ki dasha men unhonne apana phaisala sunaya. donon bhaiyon ko hatya ke aparadh men 14 varsh kalepani ka dnd mila.

saynkal ho gaya tha. donon bhaee kanstebalon ke bich men kachahari se bahar nikale. hathon men hathakadiyan thin, panvon men bediyan. hriday apaman se snkuchit aur sir lajja ke bojh se jhuke hue the. maloom hota tha mano sari prithvi ham par hns rahi hai.

dooji prithvi par baithi huee thi ki usane kaidiyon ke ane ki ahat suni aur uth khadi huee. bhaiyon ne bhi usaki or dekha . parntu hay ! unhen aisa gyat hua ki yah bhi hamare oopar hns rahi hai. ghrina se netr pher liye. dooji ne bhi unhen dekha; kintu krodh aur ghrina se nahin, keval ek udasin bhav se. jin bhaiyon ki god men kheli aur jinake kndhon par chadh kar balyavastha vyatit ki, jin bhaiyon par sabakuchh nyochhavar karati thi, aj vahi donon bhaee kalepani ko ja rahe hain jahan se koee laut kar nahin ata aur usake rakt men tanik bhi gati nahin hoti ! rudhir bhi dvesh se jal ki bhanti jam jata hai. soory ki kiranen vrikshon ki daliyon se milin, phir jadon ko choomati huee chal din. unake lie andhakar god phailaye hue tha. kya is abhagini stri ke lie bhi snsar men koee aisa ashray nahin tha.

akash ki lalima nilavaran ho gayi. taron ke knval khile. vayu ke lie pushp-shayya bichh gayi. os ke lie hari makhamal ka pharsh bichh gaya, kintu abhagini dooji usi vriksh ke niche shithil baithi thi. usake lie snsar men koee sthan n tha. ab tak jise vah apana ghar samajhati thi, usake daravaze usake lie bnd the. vahan kya munh le kar jati ? nadi ko apane udgam se chal kar athah samudr ke atirikt anyatra kahin thikana nahin hai.

dooji usi tarah nirasha ke samudr men nimagn ho rahi thi, ki ek vriddh stri usake samane a kar khadi ho gayi. dooji chaunk kar uth baithi. vriddh stri ne usaki or ashcharyanvit ho kar kaha-itani rat bit gayi, abhi tak tum yahin baithi ho ?

dooji ne chamakate hue taron ki or dekh kar kaha-kahan jaoon ? in shabdon men kaisa hriday-vidarak ashay chhipa hua tha ! kahan jay ? snsar men usake lie apaman ki gali ke siva aur koee sthan nahin tha.

budhiya ne premamay svar men kaha-beti, bhagy men jo kuchh likha hai, vah to ho kar hi rahega, kintu tum kab tak yahan baithi rahogi ? main din brahmani hoon. chalo mere ghar raho; jo kuchh bhiksha-bhavan mange milega, usi men ham donon nirvah kar lengi. n jane poorvajanm men hamase-tumase kya sambandh tha. jab se tumhari dasha suni hai, bechain hoon. sare shahar men aj ghar-ghar tumhari charcha ho rahi hai. koee kuchh kahata hai, koee kuchh. bas ab utho, yahan sannate men pade rahana achchha nahin. samay bura hai. mera ghar yahan se thodi hi door par hai. narayan ka diya bahut kuchh hai. main bhi akeli se dukeli ho jaoongi. bhagavanh kisi n kisi prakar din kat hi denge.

ek ghane, sunasan, bhayanak van men bhataka hua manushy jidhar pagadndiyon ka chihn pata hai, usi marg ko pakad leta hai. vah soch-vichar nahin karata ki marg mujhe kahan le jayega. dooji is boodhiya ke sath chali. itani hi prasannata se vah kuen men bhi kood padati. vayu men udanevali chidiya dane par giri. kya in danon ke niche jal bichha hua tha ?

6

dooji ko boodhi kailasi ke sath rahate hue ek mas bit gaya. kailasi dekhane men din, kintu man ki dhani thi. usake pas sntosh roopi dhan tha jo kisi ke samane hath nahin phailata. rivan ke maharaja ke yahan se kuchh sahayata milati thi. yahi usake jivan ka avalamb tha. vah sarvada dooji ko dhadhas deti rahati thi. gyat hota tha ki yah donon man-beti hain. ek or se poorn sahanubhooti aur dhadhas, doosari or se sachchi sevakaee aur vishvas.

kailasi kuchh hindi janati thi. dooji ko ramayan aur sita-charitr sunati. dooji in kathaon ko bade prem se sunati. ujjval vastr par rng bhali-bhanti chadhata hai. jis din usane sita-vanavas ki katha suni, vah sare din roti rahi. soyi to sita ki moorti usake samane khadi thi. usake sharir par ujjval sadi thi, ankhon aur ansoo ki ot men pyar chhipa hua tha. dooji hath phailaye hue ladakon ki bhanti unaki taraph daudi. mata, mujhako bhi sath leti chalo. main van men tumhari seva karoongi. tumhare lie pushp-shayya bichhaoongi, tumako kamal ke thalon men phalon ka bhojan karaoongi. tum vahan akeli ek buddhe sadhu ke sath kaise rahogi ? main tumhare chitt ko prasann rakhoongi. jis samay ham aur tum van men kisi sagar ke kinare ghane vrikshon ki chhaya men baithengi us samay main vayu ki dhimi-dhimi laharon ke sath gaoongi.

sita ne usako tiraskar se dekh kar kaha-too kalnkini hai, main tujhe sparsh nahin kar sakati. tapasya ki anch men apane ko pavitr kar.

dooji ki ankhen khul gayin. usane nishchay kiya, main is kalnk ko mitaoongi.

akash ke niche samudr men taragan pani ke bulabulon ki bhanti mitate jate the. dooji ne un jhilamilate hue taron ko dekha. main bhi unhin taron ki tarah sabake netron men chhip jaoongi. unhin bulabulon ki bhanti mit jaoongi.

vilasiyon ki rat huee. snyogi jage. chakkiyon ne apane suhavane rag chhede. kailasi snan karane chali. tab dooji uthi aur jngal ki or chal di. chidiya pnkh-hin hone par bhi sunahare pinjade men n rah saki.

prakash ki dhundhali-si jhalak men kitani asha, kitana bal, kitana ashvasan hai, yah us manushy se poochho jise andhere ne ek ghane van men gher liya hai. prakash ki vah prabha usake ladakhadate hue pairon ko shighragami bana deti hai, usake shithil sharir men jan dal deti hai. jahan ek-ek pag rakhana dustar tha, vahan is jivan-prakash ko dekhate hue yah milon aur koson tak prem ki umngon se uchhalata hua chala jata hai.

parntu dooji ke lie asha ki yah prabha kahan thi ? vah bhookhi-pyasi, unmad ki dasha men chali jati thi.

shahar pichhe chhoota. bag aur khet aye. kheton men hariyali thi, vatikaon men vasant ki chhata. maidan aur parvat mile. maidanon se bansuri ki surili tanen ati thin. parvaton ke shikhar moron ki jhanakar se goonj rahe the.

din chadhane laga. soory usaki or ata hua dikhaee pada. kuchh kal tak usake sath raha. kadachith roothe ko manata tha. punah apani rah chala gaya. vasnt ritu ki shital, mnd, sugandhit vayu chalane lagi; kheton ne kuhare ki chadaren odh lin. rat ho gayi aur dooji ek parvat ke kinare jhadiyon se ulajhati, chattanon se takarati chali jati thi, mano kisi jhil ki mnd-mnd laharon men kinare par uge hue jhaoo ke paudhon ka saya tharathara raha ho. is prakar agyat ki khoj men akeli nirbhay vah girati-padati chali jati thi. yahan tak ki bhookh-pyas aur adhik shram ke karan usaki shaktiyon ne javab de diya. vah ek shila par baith gayi aur bhayabhit drishti se idhar-udhar dekhane lagi. dahine-bayen ghor andhakar tha. uchch parvatashikhaon par tare jagamaga rahe the. samane ek tila marg roke khada tha aur samip hi kisi jaladhara se dabi huee sayn-sayn ki avaz sunayi deti thi.

7

dooji thak kar choor ho gayi thi; par use nind n ayi. sardi se kaleja kanp raha tha. vayu ke nirdayi jhonke leshamatr bhi chain n lene dete the. kabhi-kabhi ek kshan ke lie ankhen jhapak jatin aur phir chaunk padati. ratri jyon-tyon vyatit huee. sabera hua. chattan se kuchh door ek ghana pakar ka vriksh tha, jisaki jaden sookhe pattharon se chimat kar yon ras khinchati thin jaise koee mahajan din asamiyon ko bandh kar unase byaj ke rupaye vasool karata hai. is vriksh ke samane kee chhoti-chhoti chattanon ne mil kar ek kothari ki akriti bana rakhi thi. dahini or lagabhag do sau gaj ki doori par niche ki or payasvini nadi chattanon aur pashan-shilaon se ulajhati, ghoomati-ghamati bah rahi thi, jaise koee dridhapratigy manushy badhaon ka dhyan n kar apane isht-sadhan ke marg par badhata chala jata hai. nadi ke kinare sadhu-prakriti vakule chupachap maunavrat dharan kiye hue baithe the. sntoshi jal-pakshi pani men tair rahe the. lobhi titihariyan nadi par mndarati thin aur rah-rah kar machhaliyon ki khoj men tootati thin. khiladi maine niahshnk apane paron ko khujala-khujala snan kar rahe the. aur chatur kauve jhund-ke-jhund bhojan-sambandhi prashn ko hal kar rahe the. ek vriksh ke niche moron ki sabha susajjit thi aur vrikshon ki shakhaon par kabootar anand kar rahe the. ek doosare vriksh par mahashay kag evn shrimanh pn. nilaknth ji ghor shastrarth men pravritt the. mahashay kag ne chhedane ke lie pndit ji ke nivasasthan ki or drishti dali thi. is par pndit ji itane krodhit hue ki mahashay kag ke pichhe pad gaye. mahashay kag apani svabhavik buddhimatta ko kam men la kar sahaj hi men bhag khade hue. shrimanh pndit ji bura-bhala kahate hue kag ke pichhe pade. kisi bhanti mahashay ji ki sarvgyta ne unaki jan bachayi.

thodi der men jngali nilagayon ka ek jhund aya. kisi ne pani piya, kisi ne soongh kar chhod diya. do-char yuvavastha ke matavale hiran apas men sing milane lage. phir ek kala hiran abhiman-bhare netron se dekhata aind-aind kar pag uthata kuchh mriganayaniyon ko sath liye nadi ke kinare aya. bachche thodi door par khelate hue chale ate the. kuchh aur hat kar ek vriksh ke niche bandaron ne apane dere dal rakhe the. bachche krida karate the. purushon men chhedachhad ho rahi thi. ramaniyan sanand baithi huee ek-doosari ke balon se juen nikalati thin aur unhen apane munh men rakhati jati thin. dooji ek chattan par arddhanidra ki dasha men baithi huee yah drishy dekh rahi thi. gham ke karan nidra a gayi. netrapat band ho gaye.

8

prakriti ki is rngabhoomi men dooji ne apane chaudah varsh vyatit kiye. vah pratidin pratahkal isi nadi ke kinare shilaon par baithi yahi drishy dekhati aur laharon ki karunik dhvani sunati. usi nadi ki bhanti usake man men laharen uthatin, jo kabhi dhairy aur sahas ke kinaron par chadh kar netron dvara bah nikalatin. use maloom hota ki van ke vriksh tatha jiv-jantu sab meri or vyngyapoorn netron se dekh rahe hain. nadi bhi use dekh kar krodh se munh men phen bhar leti. jab yahan baithe-baithe usaka ji oob jata to vah parvat par chadh jati aur door tak dekhati. parvaton ke bich men kahin-kahin mitti ke gharaundon ki bhanti chhote-chhote makan dikhayi dete, kahin lahalahati huee hariyali. sara drishy ek navin vatika ki bhanti manoram tha. usake dil men ek tivr ichchha hoti ki ud kar un chotiyon par ja pahunchoon. nadi ke kinare ya pakar ki ghani chhaya men baithi huee ghnton socha karati. bachapan ke ve din yad a jate jab vah saheliyon ke gale men banhen dal kar mahue chunane jaya karati thi. phir gudiyon ke byah ka smaran ho jata. punah apani pyari matribhoomi ki panaghat ankhon men phir jati. aj bhi vahan vahi bhid hogi, vahi hasy, chahal-pahal. punah apana ghar dhyan men ata aur vah gay smaran ati jo ki usako dekh kar hunkarati huee apane prem ka parichay deti thi. munnoo smaran ho ata, jo usake pichhe-pichhe chhalangen marata hua kheton men jaya karata, jo bartan dhote samay bar-bar bartanon men munh dalata. tab lalanasinh netron ke samane a khade ho jate the. honthon par vahi muskarahat, netr men vahi chnchalata. tab vah uth khadi hoti aur apana man doosari or le jane ki cheshta karati.

din gujarate the, kintu bahut dhire-dhire. vasnt aya. selam ki lalima evn kachanar ki oodi pushpamala apani yauvan-chhata dikhalane lagi. makoy ke phal mahake. garami ka prarambh hua; pratahkal samir ke jhonke, dopahar ki loo, jalati huee lapat. daliyan phoolon se ladin. phir vah samay aya ki jab n din ko sukh tha aur n rat ko nind. din tadapata tha, rat jalati thi. nadiyan badhikon ke hridayon ki bhanti sookh gayin. van ke pashu madhyahn ki dhoop men pyas ke karan jihva nikale pani ki khoj men idhar-udhar daudate phirate the. jis prakar dvesh se bhare hue dil tanik-tanik-si baton par jal uthate hain usi prakar garmi se jalate hue van-vriksh kabhi-kabhi vayu ke jhonkon se paraspar ragad kha kar jal uthate hain. jvala oonchi uthati thi, mano agnidev ne taraganon par dhava mara hai. van men ek bhagadad-si pad jati. phir andhi aur toofan ke din aye. vayu ki devi garajati huee ati. prithvi aur akash tharra uthate, soory chhip jata, parvat bhi kanp uthate. punah varsha ritu ka janm hua. varsha ki jhadi lagi. van laharaye, nadiyon ne punah-punah apane surile rag chhede. parvaton ke kaleje thnde hue. maidan men hariyali chhayi. saras ki dhvani parvaton men goonjane lagi. ashadh mas men balyavastha ka alhadapan tha. shravan men yuvavastha ke pag badhe, phuharen padane lagin. bhadon kamaee ke din the, jisane jhilon ke kosh bhar diye. parvaton ko dhanadhy kar diya. ant men budhapa aya. kas ke ujjval bal laharane lage. jada a pahuncha.

9

is prakar ritu parivartan hua. din aur mahine gujare. varsh aye aur gaye; kintu dooji ne vindhyachal ke us kinare ko n chhoda. garmiyon ke bhayanak din aur varsha ki bhayavani raten sab usi sthan par kat din. kya bhojan karati thi, kya pahanati thi; isaki charcha vyarth hai. man par chahe jo bite kintu bhookh aur ritu snbndhi kasht ka nivaran karana hi padata hai. prakriti ki thal saji huee thi. kabhi banaberi aur shariphon ke pakavan the, kabhi tendoo, kabhi makoy aur kabhi ram ka nam. vastron ke lie chitrakoot ke mele men sal men keval ek bar jati, moron ke par, hiranon ke sing, van aushadhiyan mahnge damon men bikatin. kapada bhi aya, bartan bhi aye. yahan tak ki dipak jaisi vilas-vastu bhi ekatr ho gayi. ek chhoti-si grihasthi jam gayi.

dooji ne nirasha ki dasha men snsar se vimukh hokar jivan vyatit karana jitana sahaj samajha tha, usase kahin kathin maloom hua. atmanurag men nimagn vairagi to van men rah sakata hai, parntu ek stri jisaki avastha hnsane-khelane men vyatit huee ho, bina kisi nauka ke sahare virat sagar ko kis prakar par karane men samarth ho sakati hai ? do varsh ke pashchath dooji ko ek-ek din vahan varsh-sa pratit hone laga. kalakshep karana dustar ho gaya. ghar ki sudhi ek kshan bhi vismrit n hoti. kabhi-kabhi vah itani vyagr hoti ki kshanamatr ke lie apaman ka bhi bhay n rahata. vah dridh vichar karake un pahadiyon ke bich shighrata se pag badhati, ghar ki or chalati, mano koee aparadhi karagar se bhaga ja raha ho. kintu pahadiyon ki sima se bahar ate hi usake pag svayn ruk jate. vah age n badh sakati. tab vah thndi sans bhar kar ek shila par baith jati aur phoot-phoot kar roti. phir vah bhayanak ratri aur vahi saghan kunj, vahi nadi ki bhayavani garaj aur shrigalon ki vahi vikaral dhvani !

‘‘jyon-jyon bhijai kamari, tyon-tyon bhari hoy’’ bhagy ko dhikkarate-dhikkarate usane lalanasinh ko dhikkarana arambh kiya. ekatnvas ne usamen alochana aur vivechana ki shakti paida kar di. main kyon is van men munh chhipaye duahkh ke din vyatit kar rahi hoon ? yah usi nirdayi lalanasinh ki lagayi ag hai. kaise sukh se rahati thi. isi ne akar mere jhonpade men ag laga di. main abodh aur anajan thi. usane jan-boojh kar mera jivan bhrasht kar dala. mujhe apane amod ka keval ek khilauna banaya tha. yadi use mujhase prem hota to kya vah mujhase vivah n kar leta ? vah bhi to chndel thakur tha. hay ! main kaisi agyan thi. apane pairon men ap kulhadi mari. is prakar man se baten karate-karate lalanasinh ki moorti usake netron ke sammukh a jati to vah ghrina se munh pher leti. vah muskarahat jo usaka man har liya karati thi, vah premamay mridubhashan jo usaki nason men sanasanahat paida kar deti thi, vah kridamay hav-bhav jin par matavali ho jati thi, ab use ek doosare hi roop men drishtigochar hote. unamen ab prem ki jhalak n thi. ab vah kapat-prem aur kam-trishna ke gadhe rng men rnge hue dikhayi dete the. vah prem ka kachcha gharaunda, jisamen vah gudiya ban baithi thi, vayu ke jhonke men snbhala; kintu jal ke prabal pravah men n snbhal saka. ab vah abhagi gudiya nirdayi chattan par patak di gayi hai ki ro-rokar jivan ke din kate. un gudiyon ki bhanti jo gote-patte aur abhooshanon se saji huee, makhamali pitare men bhog-vilas karane ke pashchath nadi aur talab men baha di jati hain, doobane ke lie tarngon men thapede khane ke lie.

lalanasinh ki taraph se phirate hi dooji ka man ek adhirata ke sath bhaiyon ki or muda. main apane sath un becharon ko vyarth le doobi. mere sir par us ghadi n jane kaun-sa bhoot savar tha. un becharon ne to jo kuchh kiya; meri hi maryada rakhane ke lie kiya. main to unmatt ho rahi thi. samajhane-bujhane se kya kam chalata ! aur samajhana-bujhana to striyon ka kam hai. mardon ka samajhana to usi dhng ka hona chahie, aur hota hi hai. nahin maloom, un becharon par kya biti ! kya main unhen phir kabhi dekhoongi ? yah vicharate-vicharate bhaiyon ki vah moorti usake netron men phir jati, jo usane antim bar dekhi thi, ab vah us desh ko ja rahe the, jahan se laut kar phir ana mano mrityu ke mukh se nikal ana hai-vah raktavarn netr, vah abhiman se bhari huee chal, vah phire hue netr jo ek bar usaki or uth gaye the. ah ! unamen krodh ya dvesh n tha, keval kshama thi. vah mujh par krodh kya karate ! phir adalat ke ijalas ka chitr netron ke samane khinch jata. bhaiyon ke vah tevar, unaki vah ankhen, jo kshanamatr ke lie krodhagni se phail gayi thin, phir unaki pyar ki baten, unaka prem smaran ata . punah ve din yad ate jab vah unaki god men khelati thi, jab vah unaki ungali pakad kar kheton ko jaya karati thi. hay ! kya vah din bhi ayenge ki main unako punah dekhoongi.

ek din vah tha ki dooji apane bhaiyon ke rakt ki pyasi thi; nidan ek din aya ki vah payasvini nadi ke tat par knkadiyon dvara dinon ki ganana karati thi. ek kripan jis savadhani se rupayon ko gin-gin kar ikattha karata hai, usi savadhani se dooji in knkadiyon ko gin-gin kar ikattha karati thi. nity sndhyakal vah is dher men patthar ka ek tukada aur rakh deti to use kshan-matr ke lie manasik sukh prapt hota. in knkadiyon ka dher ab usaka jivan-dhan tha. din men anek bar in tukadon ko dekhati aur ginati. asahay pakshi patthar ke dheron se asha ke khonte banata tha.

yadi kisi ko chinta aur shok ki moorti dekhani ho to vah payasvini nadi ke tat par pratidin saynkal dekh padati hai. doobe hue soory ki kiranon ki bhanti usaka mukhamndal pila hai. vah apane duahkhamay vicharon men doobi huee, tarngon ki or drishti lagaye baithi rahati hai. yah tarngen itani shighrata se kahan ja rahi hain ? mujhe bhi apane sath kyon nahin le jatin ? kya mere lie vahan bhi sthan nahin hai ? kadachith shok krandan men yah bhi meri sngini hain. tarngon ki or dekhate-dekhate use aisa gyat hota hai ki mano vah sthir ho gayin aur main shighrata se bahi ja rahi hoon. tab vah chaunk padati hai aur andheri shilaon ke bich marg khojati huee phir apane shok-sthal par a jati hai.

isi prakar dooji ne apane duahkh ke din vyatit kiye. tis-tis dhelon ke barah dher ban gaye; tab usane unhen ek sthan par ikattha kar diya. vah asha ka mndir usi hardik anurag se banata raha jo kisi bhakt ko apane ishtadev ke sath hota hai. ratri ke barah ghnte bit gaye. poorv ki or pratahkal ka prakash dikhayi dene laga. milap ka samay nikat aya. ichchha-roopi agni ki lapat badhi. dooji un dheron ko bar-bar ginati, mahinon ke dinon ki ganana karati. kadachith ek din bhi kam ho jay. hay ! ajakal usake man ki vah dasha thi jo pratahkal soory ke sunahare prakash men halakoren lenevale sagar ki hoti hai, jisamen vayu ki tarngon se muskarata hua kamal jhoolata hai.

10

aj dooji in parvaton aur vanon se vida hoti hai. vah din bhi a pahuncha jisaki rah dekhate-dekhate ek poora yug bit gaya. aj chaudah varsh ke pashchath usaki pyasi palaken nadi men lahara rahi hain. baragad ki jataen nagin ban gayi hain.

us sunasan van se usaka chitt kitana duahkhit tha. kintu aj usase prithakh hote hue dooji ke netr bhar-bhar ate hain. jis pakar ki chhaya men usane duahkh ke din bitaye, jis gupha men usane ro-ro kar raten katin, use chhodate aj shok ho raha hai. yah duahkh ke sathi hain.

soory ki kiranen dooji ki ashaon ki bhanti kuhare ki ghataon ko hatati chali ati thin. usane apane duahkh ke mitron ko ab poorn netron se dekha. punah dheron ke pas gayi, jo usake chaudah varsh ki tapasya ke smarak chihn the. unhen ek-ek kar chooma, mano vah devi ji ke chabootare hain, tab vah roti huee chali jaise ladakiyan sasural ko chalati hain.

sndhya samay usane shahar men pravesh kiya aur pata lagate hue kailasi ke ghar ayi. ghar soona pada tha. tab vah vinayakrishn baghel ka ghar poochhate-poochhate unake bngale par ayi. kunvar mahashay tahal kar aye hi the ki use khadi dekha. pas aye. usake mukh par ghoonghat tha. dooji ne kaha-maharaj, main ek anath dukhiya hoon.

kunvar sahab ne ashchary se poochha-tum dooji ho ! tum itane dinon tak kahan rahin.

kunvar sahab ke prem-bhav ne ghoonghat aur badha diya. inhen mera nam smaran hai, yah soch kar dooji ka kaleja dhadakane laga. lajja se sir niche jhuk gaya. lajati huee boli-jisaka koee hitoo nahin hai usaka van ke siva anyatra kahan thikana hai. main bhi vanon men rahi. payasvini nadi ke kinare ek gupha men padi rahi.

kunvar sahab vismit ho gaye. chaudah varsh aur nadi ke kinare gupha men. kya koee snnyasi isase adhik tyag kar sakata hai. vah ashchary se kuchh n bol sake.

dooji unhen chupachap dekh kar boli-main kailasi ke ghar se sidhe parvat men chali gayi aur vahin itane din vyatit kiye. chaudah varsh poore ho gaye. jin bhaiyon ki garadan par chhuri chalayi unake chhootane ke din ab aye hain. narayan unhen ab kushalapoorvak laven. main chahati hoon ki unake darshan karoon aur unaki or se mere dil men jo ichchhaen hain poorn ho jayn.

kunvar sahab bole-tumhara hisab bahut thik hai. mere pas aj kalakatte se sarakari patr aya hai ki donon bhaee chaudah tarikh ko kalakatta pahunchenge, unake sambandhiyon ko soochana di jay. yahan kadachith do-tin din men a jayenge. main soch hi raha tha ki soochana kise doon.

dooji ne vinayapoorvak kaha-mera ji chahata hai ki ve jahaz par se utaren to main unake pairon par matha navaoon, usake pashchath mujhe snsar men koee abhilasha n rahegi. isi lalasa ne mujhe itane dinon tak jilaya hai. nahin to main apake sammukh kadapi n khadi hoti.

kunvar vinayakrishn gambhir svabhav ke manushy the. dooji ke antarik rahasy unake chitt par ek gahara prabhav dalate jate the. jab sari adalat dooji par hnsati thi tab unhen usake sath sahanubhooti thi aur aj isake vrittant sun kar ve is gramin stri ke bhakt ho gaye. bole-yadi tumhari yahi ichchha hai to main svayn tumhen kalakatta pahuncha doonga. tumane unase milane ki jo riti sochi hai usase uttam dhyan men nahin a sakati; parntu tum khadi ho aur main baitha hoon, yah achchha nahin lagata dooji, main banavat nahin karata; jisamen itana tyag aur snkalp ho vah yadi purush hai to devata hai, stri hai to devi hai. jab mainne tumhen pahale dekha usi samay mainne samajh liya tha ki tum sadharan stri nahin ho. jab tum kailasi ke ghar se chali gayin to sab log kahate the ki tum jan par khel gayin. parntu mera man kahata tha ki tum jivit ho. netron se prithakh ho kar bhi tum mere dhyan se bahar n ho sakin. mainne varshon tumhari khoj ki, magar tum aisi khoh men ja chhipi thin ki tumhara kuchh pata n chala.

in baton men kitana anurag tha ! dooji ko romanch ho gaya. hriday balliyon uchhalane laga. us samay usaka man chahata tha ki inake pairon par sir rakh doon. kailasi ne ek bar jo bat usase kahi thi, vah bat use is samay smaran ayi. usane bholepan se poochha-kya ap hi ke kahane se kailasi ne mujhe apane ghar men rakh liya tha ?

kunvar sahab lajjit ho kar bole-main isaka uttar kuchh n doonga.

rat ko jab dooji ek brahmani ke ghar men narm bichhavan par leti huee thi to usake man ki vah dasha ho rahi thi jo ashvin mas ke akash ki hoti hai. ek or chndr prakash, doosari or ghani ghata aur tisari or jhilamilate hue tare.

11

pratahkal ka samay tha. gnga namak stimar bngal ki khadi men abhiman se gardan uthaye, samudr ki laharon ko pairon se kuchalata hugali ke bndaragah ki or chala ata tha. dedh sahò se adhik adami usaki god men the. adhikatar vyapari the. kuchh vaigyanik tattvon ke anuragi, kuchh bhraman karane vale aur kuchh aise hindustani mazadoor jinako apani matribhoomi akarshit kar rahi thi. usi men donon bhaee shanasinh aur gumanasinh ek kone men baithe nirasha ki drishti se kinare ki or dekh rahe the. donon haddiyon ke do dhanche the, unhen pahachanana kathin tha.

jahaz ghat par pahuncha. yatriyon ke mitr aur parichit jan kinare par svagat karane ke lie adhir ho rahe the. jahaz par se utarate hi prem ki badh a gayi. mitragan paraspar hath milate the. unake netr premashru se paripoorn the. yah donon bhaee shanaiah-shanaiah jahaz se utare. mano kisi ne dhakel kar utar diya. unake lie jahaz ke takhte aur matribhoomi men koee antar n tha. ve aye nahin, balki laye gaye. chirakal ke kasht aur shok ne jivan ka gyan bhi shesh n chhoda tha. sahas leshamatr bhi n tha. ichchhaon ka ant ho chuka tha. vah tat par khade vismit drishti se samane dekhate the. kahan jayn ? unake lie is snsar-kshetr men koee sthan n dikhayi deta tha.

tab dooji us bhid men se nikal kar ati dikhayi di. usane bhaiyon ko khade dekha. tab jis bhanti jal khal ki or girata hai, usi prakar adhirata ki umng men roti huee vah unake charanon men chipat gayi. dahine hath men shanasinh ke charan the, bayen hath men gumanasinh ke, aur netron se ashrudharaen pravahit thin; mano do sookhe vrikshon ki jadon men ek murajhayi bel chimati huee hai ya do snnyasi maya aur moh ki bedi men bndhe khade hain. bhaiyon ke netron se bhi ansoo bahane lage. unake mukhamndal badalon men se nikalane vale taron ki bhanti prakashit ho gaye. vah donon prithvi par baith gaye aur tinon bhaee-bahan paraspar gale mil kar bilakh-bilakh roye. vah gahari khadi jo bhaiyon aur bahan ke bich men thi, ashrudharaon se paripoorn ho gayi. aj chaudah varsh ke pashchath bhaee aur bahan men milap hua aur vah ghav jisane mans ko mans se, rakt ko rakt se, vilag kar diya tha, paripoorn ho gaya aur vah us maraham ka kam tha jisase adhik labhakari aur koee maraham nahin hota, jo man ke mail ko saf karata hai, jo duahkh ko bhulanevala aur hriday ki dah ko shant karane vala hai, jo vyng vishaile ghavon ko bhar deta hai. yah kal ka maraham hai.

donno bhaee ghar ko laute. pattidaron ke svapn bhng ho gaye. hit-mitr ikatthe hue. brahmabhoj ka din nishchit hua. poodiyan pakane lagin, ghi ki sarvashreshth brahmanon ke lie, tel ki pasi-chamaron ke lie. kalepani ka pap is ghi ke sath bhasm ho gaya.

dooji bhi kalakatte se bhaiyon ke sath chali; prayag tak ayi. kunvar vinayakrishn bhi unake sath the. bhaiyon se kunvar sahab ne dooji ke sambandh men kuchh baten kin; unaki bhanak dooji ke kanon men padi. prayag men donon bhaee-bahan ruk gaye ki triveni men snan karate chalen. kunvar vinayakrishn apane dhyan men sab thik karake man prasann karane vali ashaon ka svapn dekhate hue chale gaye, kintu phir vahan se dooji ka pata n chala. maloom nahin kya huee, kahan chali gayi. kadachith gnga ji ne use apani god men lekar sada ke duahkh se mukt kar diya. bhaee bahut roye-pite kintu kya karate. jis sthan par dooji ne apane vanavas ke chaudah varsh vyatit kiye the vahan donon bhaee prativarsh jate hain aur un pattharon ke dheron se chimat-chimat kar rote hain.

kunvar sahab ne bhi penshan le li. ab chitrakoot men rahate hain. darshanik vicharon ke purush the, jis prem ki khoj thi vah n mila. ek bar kuchh asha dikhayi di thi, jo chaudah varsh ek vichar ke roop men sthit rahi. ekaek asha ki dhundhali jhalak bhi ek bar jhilamilate hue dipak ki bhanti hns kar sada ke lie adrishy ho gayi.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah