गृहदाह- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

satyaprakash ke janmotsav men lala devaprakash ne bahut rupaye kharch kiye the. usaka vidyarambh-snskar bhi khoob dhoom-dham se kiya gaya. usake hava khane ko ek chhoti-si gadi thi. sham ko naukar use tahalane le jata tha. ek naukar use pathashala pahunchane jata. din bhar vahin baitha rahata aur use sath lekar ghar ata. kitana sushil honahar balak tha ! gora mukhada badi-badi ankhen ooncha mastak patale-patale lal adhar bhare hue panv. use dekh kar sahasa munh se nikal padata tha-bhagavanh ise zila den pratapi manushy hoga. usaki bal-buddhi ki prakharata par logon ko ashchary hota tha. nity usake mukhachndr par hnsi khelati rahati thi. kisi ne use hath karate ya rote nahin dekha.

varsha ke din the. devaprakash patni ko le kar gngasnan karane gaye. nadi khoob chadhi huee thi mano anath ki ankhen hon. unaki patni nirmala jal men baith kar jal krida karane lagi. kabhi age jati kabhi pichhe jati kabhi dubaki marati kabhi anjuliyon se chhinte udati. devaprakash ne kaha-achchha ab nikalo saradi ho jayagi. nirmala ne kaha-kaho main chhati tak pani men chali jaoon

devaprakash-aur jo kahin pair phisal jay

nirmala-pair kya phisalega !

yah kah kar vah chhati tak pani men chali gayi. pati ne kaha-achchha ab age pair n rakhana kintu nirmala ke sir par maut khel rahi thi. yah jal krida nahin mrityu-krida thi. usane ek pag aur age badhaya aur phisal gayi. munh se ek chikh nikali donon hath sahare ke lie oopar uthe aur phir jalamagn ho gaye. ek pal men pyasi nadi use pi gayi. devaprakash khade tauliya se deh ponchh rahe the. turnt pani men koode sath ka kahar bhi kooda. do mallah bhi kood pade. sabane dubakiyan marin tatola par nirmala ka pata n chala. tab dongi mngavayi gayi. mallah ne bar-bar gote mare par lash hath n ayi. devaprakash shok men doobe hue ghar aye. satyaprakash kisi upahar ki asha se dauda. pita ne god men utha liya aur bade yatn karane par bhi apani sisaki ko n rok sake. satyaprakash ne poochha-amman kahan hai

dev.-beta gnga ne unhen nevata khane ke lie rok liya.

satyaprakash ne unake mukh ki or jigyasabhav se dekha aur ashay samajh gaya. amman-amman kah kar rone laga.

2

matrihin balak snsar ka sabase karunajanak prani hai. din se din praniyon ko bhi eeshvar ka adhar hota hai jo unake hriday ko sahalata rahata hai. matrihin balak is adhar se vnchit hota hai. mata hi usake jivan ka ekamatr adhar hoti hai. mata ke bina vah pnkhahin pakshi hai.

satyaprakash ka ekant se prem ho gaya. akela baitha rahata. vrikshon men use kuchh-kuchh sahanubhooti ka agyat anubhav hota tha jo ghar ke praniyon se use n milati thi. mata ka prem tha to sabhi prem karate the mata ka prem uth gaya to sabhi nishthur ho gaye. pita ki ankhon men bhi vah prem-jyoti n rahi. daridr ko kaun bhiksha deta hai.

chhah mahine bit gaye. sahasa ek din use maloom hua meri nayi mata anevali hain. dauda pita ke pas gaya aur poochha-kya meri nayi mata ayengi.

pita ne kaha-han beta ve a kar tumhen pyar karengi.

saty.-kya meri hi man svarg se a jayengi

dev.-han vahi mata a jayagi.

saty.-mujhe usi tarah pyar karengi

devaprakash isaka kya uttar dete magar satyaprakash us din se prasann-man rahane laga. amman ayengi ! mujhe god men le kar pyar karengi ! ab main unhen kabhi dik n karoonga kabhi zid n karoonga unhen achchhi kahaniyan sunaya karoonga.

vivah ke din aye. ghar men taiyariyan hone lagin. satyaprakash khushi se phoola n samata. meri nayi amman ayengi. barat men vah bhi gaya. naye-naye kapade mile. palaki par baitha. nani ne andar bulaya aur use god men le kar ek asharaphi di. vahin use nayi mata ke darshan hue. nani ne nayi mata se kaha-beti kaisa sundar balak hai ! ise pyar karana.

satyaprakash ne nayi mata ko dekha aur mugdh ho gaya. bachche bhi roop ke upasak hote hain. ek lavanyamayi moorti abhooshan se ladi samane khadi thi. usane donon hathon se usaka anchal pakad kar kaha-amman !

kitana aruchikar shabd tha kitana lajjayukt kitana apriy ! vah lalana jo devapriya nam se sambodhit hoti thi yah uttaradayitv tyag aur kshama ka sambodhan n sah saki. abhi vah prem aur vilas ka sukh-svapn dekh rahi thi-yauvanakal ki madamay vayutarngon men andolit ho rahi thi. is shabd ne usake svapn ko bhng kar diya. kuchh rusht hokar boli-mujhe amman mat kaho.

satyaprakash ne vismit netron se dekha. usaka balasvapn bhi bhng ho gaya. ankhen dabadaba gayin. nani ne kaha-beti dekho ladake ka dil chhota ho gaya. vah kya jane kya kahana chahie. amman kah diya to tumhen kaun-si chot lag gayi

devapriya ne kaha-mujhe amman n kahe.

saut ka putr vimata ki ankhon men kyon itana khatakata hai isaka nirnay aj tak kisi manobhav ke pndit ne nahin kiya. ham kis ginati men hain. devapriya jab tak garbhini n huee vah satyaprakash se kabhi-kabhi baten karati kahaniyan sunatin kintu garbhini hote hi usaka vyavahar kathor ho gaya aur prasavakal jyon-jyon nikat ata tha usaki kathorata badhati hi jati thi. jis din usaki god men ek chand-se bachche ka agaman hua satyaprakash khoob uchhala-kooda aur sauragrih men dauda hua bachche ko dekhane laga. bachcha devapriya ki god men so raha tha. satyaprakash ne badi utsukata se bachche ko vimata ki god se uthana chaha ki sahasa devapriya ne sarosh svar men kaha-khabaradar ise mat chhoona nahin to kan pakad kar ukhad loongi !

balak ulte panv laut aya aur kothe ki chhat par ja kar khoob roya. kitana sundar bachcha hai ! main use god men le kar baithata to kaisa maja ata ! main use girata thode hi phir inhonne kyon mujhe jhidak diya bhola balak kya janata tha ki is jhidaki ka karan mata ki savadhani nahin kuchh aur hi hai.

ek din shishu so raha tha. usaka nam gyanaprakash rakha gaya tha. devapriya snanagar men thi. satyaprakash chupake se aya aur bachche ka odhana hata kar use anuragamay netron se dekhane laga. usaka ji kitana chaha ki use god men le kar pyar karoon par dar ke mare usane use uthaya nahin keval usake kapolon ko choomane laga. itane men devapriya nikal ayi. satyaprakash ko bachche ko choomate dekh kar ag ho gayi. door hi se danta hat ja vahan se !

satyaprakash mata ko dinanetron se dekhata hua bahar nikal aya !

sndhya samay usake pita ne poochha-tum lalla ko kyon rulaya karate ho

saty.-main to use kabhi nahin rulata. amman khilane ko nahin detin.

dev.-jhooth bolate ho. aj tumane bachche ko chutaki kati.

saty.-ji nahin main to usaki muchchhiyan le raha tha.

dev.-jhooth bolata hai !

saty.-main jhooth nahin bolata.

devaprakash ko krodh a gaya. ladake ko do-tin tamache lagaye. pahali bar yah tadana mili aur niraparadh ! isane usake jivan ki kayapalat kar di.

3

us din se satyaprakash ke svabhav men ek vichitr parivartan dikhayi dene laga. vah ghar men bahut kam ata. pita ate to unase munh chhipata phirata. koee khana khane ko bulane ata to choron ki bhanti dubaka hua ja kar kha leta n kuchh mangata n kuchh bolata. pahale atynt kushagrabuddhi tha. usaki saphaee salike aur phurati par log mugdh ho jate the. ab vah padhane se ji churata maile-kuchaile kapade pahine rahata. ghar men koee prem karane vala n tha. bazar ke ladakon ke sath gali-gali ghoomata kanakauve lootata galiyan bakana bhi sikh gaya. sharir bhi durbal ho gaya. chehare ki kanti gayab ho gayi. devaprakash ko ab aye-din usaki shararaton ke ulahane milane lage aur satyaprakash nity ghudakiyan aur tamache khane laga yahan tak ki agar vah ghar men kisi kam se chala jata to sab log dur-dur karake daudate. gyanaprakash ko padhane ke lie mastar ata tha. devaprakash use roj sair karane sath le jate. hnsamukh ladaka tha. devapriya use satyaprakash ke sath se bhi bachati rahati thi. donon ladakon men kitana antar tha ! ek saf suthara sundar kapade pahine shil aur vinay ka putala sach bolanevala. dekhanevalon ke munh se anayas hi dua nikal ati thi. doosara maila natakhat choron ki tarah munh chhipaye hue munhaphat bat-bat par galiyan bakanevala. ek hara-bhara paudha tha prem se plavit sneh se sinchit doosara sookha hua tedha pallavahin navavriksh tha jisaki jadon ko ek muddat se pani nahin nasib hua. ek ko dekh kar pita ki chhati thndi hoti thi doosare ko dekh kar deh men ag lag jati thi.

ashchary yah tha ki satyaprakash ko apane chhote bhaee se leshamatr bhi eershya n thi. agar usake hriday men koee komal bhav shesh rah gaya tha to vah apane bhaee ke prati sneh tha. us marubhoomi men yahi ek hariyali thi. eershya samyabhav ki dyotak hai. satyaprakash apane bhaee ko apane se kahin ooncha kahin bhagyashali samajhata tha. usamen eershya ka bhav hi lop ho gaya tha.

ghrina se ghrina utpann hoti hai. prem se prem. gyan bhi bade bhaee ko chahata tha. kabhi-kabhi usaka paksh le kar apani man se vad-vivad kar kahata bhaiya ki achakan phat gayi hai ap nayi achakan kyon nahin banava detin man uttar deti-usake lie vahi achakan achchhi hai. abhi kya kabhi to vah nnga phirega. gyanaprakash bahut chahata tha ki apane jeb-kharch se bacha kar kuchh apane bhaee ko de par satyaprakash kabhi ise svikar n karata tha. vastav men jitani der vah chhote bhaee ke sath rahata utani der use ek shantimay anand ka anubhav hota. thodi der ke lie vah sadbhavon ke samrajy men vicharane lagata. usake mukh se koee bhaddi aur apriy bat n nikalati. ek kshan ke lie usaki soyi huee atma jag uthati.

ek bar kee din tak satyaprakash madarase n gaya. pita ne poochha-tum ajakal padhane kyon nahin jate kya soch rakha hai ki mainne tumhari zindagi bhar ka theka le rakha hai.

saty.-mere oopar jurmane aur phis ke kee rupaye ho gaye hain. jata hoon to daraje se nikal diya jata hoon.

dev.-phis kyon baki hai tum to mahine-mahine le liya karate ho n

saty.-aye-din chande laga karate hain phis ke rupaye chande men de diye.

dev.-aur jurmana kyon hua

saty.-phis n dene ke karan.

dev.-tumane chanda kyon diya !

saty.-gyanoo ne chanda diya to mainne bhi diya.

dev.-tum gyanoo se jalate ho

saty.-main gyanoo se kyon jalane laga. yahan ham aur vah do hain bahar ham aur vah ek samajhe jate hain. main yah nahin kahana chahata ki mere kuchh nahin hai.

dev.-kyon yah kahate sharm ati hai

saty.-ji han apaki badanami hogi.

dev.-achchha to ap meri manaraksha karate hain. yah kyon nahin kahate ki padhana ab mujhe mnjoor nahin hai. mere pas itana rupaya nahin ki tumhen ek-ek klas men tin-tin sal padhaoon aur oopar se tumhare kharch ke lie bhi pratimas kuchh doon. gyanababoo tumase kitana chhota hai lekin tumase ek hi darja niche hai. tum is sal zaroor hi phel hooge aur vah zaroor hi pas ho kar agale sal tumhare sath ho jayaga. tab to tumhare munh men kalikh lagegi

saty.-vidya mere bhagy hi men nahin hai.

dev.-tumhare bhagy men kya hai

saty.-bhikh mangana.

dev.-to phir bhikh mango. mere ghar se nikal jao.

devapriya bhi a gayi. boli-sharamata to nahin aur baton ka javab deta hai !

saty.-jinake bhagy men bhikh mangana hota hai vahi bachapan men anath ho jate hain.

devapriya-ye jali-kati baten ab mujhase n sahi jayengi. main khoon ka ghoont pi-pi kar rah jati hoon.

devaprakash-behaya hai. kal se isaka nam katava doonga. bhikh mangani hai to bhikh hi mange.

4

doosare din satyaprakash ne ghar se nikalane ki taiyari kar di. usaki umr ab 16 sal ki ho gayi thi. itani baten sunane ke bad ab use us ghar men rahana asahy ho gaya. jab hath-panv n the kishoravastha ki asamarthata thi tab tak avahelana niradar nishthurata bhartsana sab kuchh sah kar ghar men rahata tha. ab hath-panv ho gaye the us bndhan men kyon rahata. atmabhiman asha ki bhanti bahut chirnjivi hota hai.

garmi ke din the. dopahar ka samay. ghar ke sab prani so rahe the. satyaprakash ne apani dhoti bagal men dabayi chhota-sa beg hath men liya aur chahata tha ki chupake se baithak se nikal jay ki gyanoo a gaya aur use kahin jane ko taiyar dekh kar bola-kahan jate ho bhaiya

saty.-jata hoon kahin naukari karoonga.

gyanoo.-main ja kar amman se kahe deta hoon.

saty.-to phir main tumase chhipakar chala jaoonga.

gyanoo.-kyon chale jaoge tumhen meri jara bhi muhabbat nahin

satyaprakash ne bhaee ko gale laga kar kaha-tumhen chhod kar jane ko ji to nahin chahata lekin jahan koee poochhane vala nahin hai vahan pade rahana behayaee hai. kahin das-panch ki naukari kar loonga aur pet palata rahoonga. aur kis layaq hoon

gyanoo.-tumase amman kyon itana chidhati hain mujhe tumase milane ko mana kiya karati hain

saty.-mere nasib khote hain aur kya.

gyanoo.-tum likhane-padhane men ji nahin lagate

saty.-lagata hi nahin kaise lagaoon jab koee parava nahin karata to main bhi sochata hoon-unh yahi n hoga thokar khaoonga. bala se !

gyanoo.-mujhe bhool to n jaoge main tumhare pas khat likha karoonga mujhe bhi ek bar apane yahan bulana.

saty.-tumhare skool ke pate se chitthi likhoonga.

gyanoo.-(rote-rote) mujhe n jane kyon tumhari badi muhabbat lagati hai !

saty.-main tumhen sadaiv yad rakhoonga.

yah kah kar usane phir bhaee ko gale lagaya aur ghar se nikal pada. pas ek kaudi bhi n thi aur vah kalakatte ja raha tha.

5

satyaprakash kalakatte kyonkar pahuncha isaka vrittant likhana vyarth hai. yuvakon men dussahas ki matr adhik hoti hai. ve hava men kile bana sakate hain dharati par nav chala sakate hain. kathinaiyon ki unhen kuchh parava nahin hoti. apane oopar asim vishvas hota hai. kalakatte pahunchana aisa kasht-sadhy n tha. satyaprakash chatur yuvak tha. pahile hi usane nishchay kar liya tha ki kalakatte men kya karoonga kahan rahoonga. usake beg men likhane ki samagri maujood thi. bade shahar men jivika ka prashn kathin bhi hai aur saral bhi hai. saral hai unake lie jo hath se kam kar sakate hain kathin hai unake lie jo kalam se kam karate hain. satyaprakash mazadoori karana nich kam samajhata tha. usane ek dharmashala men asabab rakha. bad men shahar ke mukhy sthanon ka nirikshan karake ek dakaghar ke samane likhane ka saman lekar baith gaya aur apadh mazadooron ki chitthiyan maniardar adi likhane ka vyavasay karane laga. pahale kee din to usako itane paise bhi n mile ki bhar-pet bhojan karata lekin dhire-dhire amadani badhane lagi. vah mazadooron se itane vinay ke sath baten karata aur unake samachar itane vistar se likhata ki bas ve patr ko sun kar bahut prasann hote. ashikshit log ek hi bat ko do-do tin-tin bar likhate hain. unaki dasha thik rogiyon ki-si hoti hai jo vaidy se apani vyatha aur vedana ka vrittant kahate nahin thakate. satyaprakash sootr ko vyakhya ka roop de kar mazadooron ko mugdh kar deta tha. ek sntusht ho kar jata to apane kee any bhaiyon ko khoj lata. ek hi mahine men use 1 ru. roj milane laga. usane dharmashala se nikal kar shahar se bahar 5 ru. mahine par ek chhoti-si kothari le li. ek joon khata. bartan apane hathon se dhota. zamin par sota. use apane nirvasan par jara bhi khed aur duahkh n tha. ghar ke logon ki kabhi yad n ati. vah apani dasha par sntusht tha. keval gyanaprakash ki premayukt baten n bhoolatin. andhakar men yahi ek prakash tha. bidaee ka antim drishy ankhon ke samane phira karata. jivika se nishchint ho kar usane gyanaprakash ko ek patr likha. uttar aya to usake annd ki sima n rahi. gyanoo mujhe yad karake rota hai mere pas ana chahata hai svasthy bhi achchha nahin hai. pyase ko pani se jo tripti hoti hai vahi tripti is patr se satyaprakash ko huee. main akela nahin hoon koee mujhe bhi chahata hai-mujhe bhi yad karata hai.

usi din se satyaprakash ko yah chinta huee ki gyan ke lie koee upahar bhejoon. yuvakon ko mitr bahut jald mil jate hain. satyaprakash ko bhi kee yuvakon se mitrata ho gayi thi. unake sath kee bar sinema dekhane gaya. kee bar booti-bhng sharab-kabab ki bhi thahari. aeena tel knghi ka shauq bhi paida hua jo kuchh pata uda deta. bade veg se naitik patan aur sharirik vinash ki or dauda chala jata tha. is prem-patr ne usake pair pakad liye. upahar ke prayas ne in durvyasanon ko tirohit karana shuroo kiya. sinema ka chasaka chhoota mitron ko hile-havale karake talane laga. bhojan bhi rookha-sookha karane laga. dhan-snchay ki chinta ne sari ichchhaon ko parast kar diya. usane nishchay kiya ki achchhi-si ghadi bhejoon. usaka dam kam se kam 40 ru. hoga. agar tin mahine tak ek kaudi ka bhi apavyay n karoon to ghadi mil sakati hai. gyanoo ghadi dekh kar kaisa khush hoga ! amman aur baboo ji bhi dekhenge. unhen maloom ho jayaga ki main bhookhon nahin mar raha hoon. kiphayat ki dhun men vah bahudha diya-batti bhi n karata. bade sabere kam karane chala jata aur sare din do-char paise ki mithaee kha kar kam karata rahata. usake grahakon ki snkhya din-dooni hoti jati thi. chitthi-patri ke atirikt ab usane tar likhane ka bhi abhyas kar liya tha. do hi mahine men usake pas 50 ru. ekatr ho gaye aur jab ghadi ke sath sunahari chen ka parasal bana kar gyanoo ke nam bhej diya to usaka chitt itana utsahit tha mano kisi nissntan purush ke balak hua ho.

6

ghar kitani komal pavitr manohar smritiyon ko jagrit kar deta hai ! yah prem ka nivas-sthan hai. prem ne bahut tapasya karake yah varadan paya hai.

kishoravastha men ghar mata-pita bhaee-bahan sakhi-saheli ke prem ki yad dilata hai praudhavastha men grihini aur bal-bachchon ke prem ki. yahi vah lahar hai jo manav-jivan matr ko sthir rakhata hai use samudr ki vegavati laharon men bahane aur chattanon se takarane se bachata hai. yahi vah mndap hai jo jivan ko samast vighn-badhaon se surakshit rakhata hai.

satyaprakash ka ghar kahan tha vah kaun-si shakti thi jo kalakatte ke virat pralobhanon se usaki raksha karati thi -mata ka prem pita ka sneh bal-bachchon ki chinta -nahin unaka rakshak uddharak usaka paritoshik keval gyanaprakash ka sneh tha. usi ke nimitt vah ek-ek paise ki kiphayat karata tha usi ke lie vah kathin parishram karata tha aur dhanoparjan ke naye-naye upay sochata tha. use gyanaprakash ke patron se maloom hua tha ki in dinon devaprakash ki arthik sthiti achchhi nahin hai. ve ek ghar banava rahe hain jisamen vyay anuman se adhik ho jane ke karan rin lena pada hai isalie ab gyanaprakash ko padhane ke lie ghar par mastar nahin ata. tab se satyaprakash pratimah gyanoo ke pas kuchh n kuchh avashy bhej deta tha. vah ab keval patralekhak n tha likhane ke saman ki ek chhoti-dookan bhi usane khol li thi. isase achchhi amadani ho jati thi. is tarah panch varsh bit gaye. rasik mitron ne jab dekha ki ab yah hatthe nahin chadhata to usake pas ana-jana chhod diya.

7

sndhya ka samay tha. devaprakash apane makan men baithe devapriya se gyanaprakash ke vivah ke sambandh men baten kar rahe the. gyanoo ab 17 varsh ka sundar yuvak tha. balavivah ke virodhi hone par bhi devaprakash ab is shubhamuhoort ko n tal sakate the. visheshatah jab koee mahashay 50 000 ru. dayaj dene ko prastut hon.

devaprakash-main to taiyar hoon lekin tumhara ladaka bhi to taiyar ho !

devapriya-tum batachit pakki kar lo vah taiyar ho hi jayaga. sabhi ladake pahale nahin karate hain.

dev.-gyanoo ka inakar keval snkoch ka inakar nahin hai vah siddhant ka inakar hai. vah saph-saph kah raha hai ki jab tak bhaiya ka vivah n hoga main apana vivah karane par raji nahin hoon.

devapriya-usaki kaun chalave vahan koee rakhaili rakh li hogi vivah kyon karega vahan koee dekhane jata hai

dev.-(jhunjhala kar) rakhaili rakh li hoti to tumhare ladake ko 40 ru. mahine n bhejata aur n ve chizen hi deta jo pahale mahine se ab tak barabar deta chala ata hai. n jane kyon tumhara man usaki or se itana maila ho gaya hai ! chahe vah jan nikal kar bhi de de lekin tum n pasijogi. devapriya naraz ho kar chali gayi. devaprakash usase yahi kahalana chahate the ki pahile satyaprakash ka vivah karana uchit hai kintu vah kabhi is prasng ko ane hi n deti thi. svayn devaprakash ki yah hardik ichchha thi ki pahile bade ladake ka vivah karen par unhonne bhi aj tak satyaprakash ko koee patr n likha tha. devapriya ke chale jane ke bad unhonne aj pahali bar satyrapakash ko patr likha. pahile itane dinon tak chupachap rahane ke lie kshama mangi tab use ek bar ghar ane ka premagrah kiya. likha ab main kuchh hi dinon ka mehaman hoon. meri abhilasha hai ki tumhara aur tumhare chhote bhaee ka vivah dekh loon. mujhe bahut duahkh hoga yadi tum meri vinay svikar n karoge. gyanaprakash ke asamnjas ki bat bhi likhi ant men is bat par zor diya ki kisi aur vichar se nahin to gyanoo ke prem ke nate hi tumhen is bndhan men padana hoga.

satyaprakash ko yah patr mila to use bahut khed hua. mere bhratrisneh ka yah parinam hoga mujhe n maloom tha. isake sath hi use yah eershyamay annd hua ki amman aur dada ko ab to kuchh manasik pida hogi. meri unhen kya chinta thi main to mar bhi jaoon to bhi unaki ankhon men ansoo n ayen. 7 varsh ho gaye kabhi bhool kar bhi patr n likha ki mara hai ya jita hai. ab kuchh chetavani milegi. gyanaprakash ant men vivah karane par raji to ho jayaga lekin sahaj men nahin. kuchh n ho to mujhe to ek bar apane inakar ke karan likhane ka avasar mila. gyanoo ko mujhase prem hai lekin usake karan main parivarik anyay ka doshi n banoonga. hamara parivarik jivan sampoornatah anyayamay hai. yah kumati aur vaimanasy kroorata aur nrishnsata ka bijaropan karata hai. isi maya men phns kar manushy apani sntan ka shatru ho jata hai. n main ankhon dekh kar yah makkhi n nigaloonga. main gyanoo ko samajhaoonga avashy. mere pas jo kuchh jama hai vah sab usake vivah ke nimitt arpan bhi kar doonga. bas isase zyada main aur kuchh nahin kar sakata. agar gyanoo bhi avivahit rahe to snsar kaun soona ho jayaga aise pita ka putr kya vnshaparampara ka palan n karega kya usake jivan men phir vahi abhinay n duharaya jayaga jisane mera sarvanash kar diya

doosare din satyaprakash ne 500 ru. pita ke pas bheje aur patr ka uttar likha ki mera ahobhagy jo apane mujhe yad kiya. gyanoo ka vivah nishchit ho gaya isaki badhaee ! in rupayon se navavadhoo ke lie koee abhooshan banava dijiega. rahi mere vivah ki bat. mainne apani ankhon se jo kuchh dekha hai aur mere sir par jo kuchh bita hai us par dhyan dete hue yadi main kutumbapash men phnsoo to mujhase bada ulloo snsar men n hoga. mujhe asha hai ap mujhe kshama karenge. vivah ki charcha hi se mere hriday ko aghat pahunchata hai.

doosara patr gyanaprakash ko likha ki mata-pita ki agya ko shirodhary karo. main apadh moorkh buddhihin adami hoon mujhe vivah karane ka koee adhikar nahin hai. main tumhare vivah ke shubhotsav men sammilit n ho sakoonga lekin mere lie isase badh kar annd aur sntosh ka koee vishay nahin ho sakata.

8

devaprakash yah padh kar avakh rah gaye. phir agrah karane ka sahas n hua. devapriya ne nak sikod kar kaha-yah launda dekhane ko sidha hai hai zahar ka bujhaya hua ! kaisa sau kos se baitha hua barachhiyon se chhed raha hai.

kintu gyanaprakash ne yah patr padha to use marmaghat pahuncha. dada aur amman ke anyay ne hi unhen yah bhishan vrat dharan karane par badhy kiya hai. inhin ne unhen nirvasit kiya hai aur shayad sada ke lie. n jane amman ko unase kyon itani jalan huee. mujhe to ab yad ata hai ki kishoravastha hi se ve bade agyakari vinayashil aur gambhir the. amman ki baton ka unhen javab dete nahin suna. main achchhe se achchha khata tha phir bhi unake tivar maile n hue halanki unhen jalana chahie tha. aisi dasha men agar unhen garhasthy-jivan se ghrina ho gayi to ashchary hi kya phir main hi kyon is vipatti men phasoon kaun jane mujhe bhi aisi hi paristhiti ka samana karana pade. bhaiya ne bahut soch-samajh kar yah dharana ki hai.

sndhya samay jab usake mata-pita baithe hue isi samasya par vichar kar rahe the gyanaprakash ne a kar kaha-main kal bhaiya se milane jaoonga.

devapriya-kya kalakatte jaoge

gyan.-ji han.

devapriya-unhin ko kyon nahin bulate

gyan.-unhen kaun munh le kar bulaoon ap logon ne pahile hi mere munh men kalikh laga di hai. aisa dev-purush ap logon ke karan videsh men thokar kha raha hai aur main itana nirlajj ho jaoon ki...

devapriya-achchha chup rah nahin byah karana hai n kar jale par lon mat chhidak ! mata-pita ka dharm hai isalie kahati hoon nahin to yahan thenge ki parava nahin hai. too chahe byah kar chahe kvanra rah par meri ankhon se door ho ja.

gyan.-kya meri soorat se bhi ghrina ho gayi

devapriya-jab too hamare kahane hi men nahin to jahan chahe rah. ham bhi samajh lenge ki bhagavanh ne ladaka hi nahin diya.

dev.-kyon vyarth men aise katuvachan bolati ho

gyan.-agar ap logon ki yahi ichchha hai to yahi hoga. devaprakash ne dekha ki bat ka batngad hua chahata hai gyanaprakash ko ishare se tal diya aur patni ke krodh ko shant karane ki cheshta karane lage. magar devapriya phoot-phoot kar ro rahi thi aur bar-bar kahati thi main isaki soorat nahin dekhoongi. ant men devaprakash ne chidh kar kaha-to tumhin ne to katuvachan kah kar use uttejit kar diya.

devapriya-yah sab vish usi chandal ne boya hai jo yahan se sat samudr par baitha mujhe mitti men milane ka upay kar raha hai. mere bete ko mujhase chhinane ke lie usane yah prem ka svang bhara hai. main usaki nas-nas pahichanati hoon. usaka yah mntr meri jan le kar chhodega nahin to mera gyanoo jisane kabhi meri bat ka javab nahin diya yon mujhe n jalata !

dev.-are to kya vah vivah hi n karega ! abhi gusse men anap- shanap bak gaya hai. jara shant ho jayaga to main samajha kar raji kar doonga.

devapriya-mere hath se nikal gaya.

devapriya ki ashnka saty nikali. devaprakash ne bete ko bahut samajhaya. kaha-tumhari mata is shok se mar jayagi kintu kuchh asar n hua. usane ek bar nahin karake han n ki. nidan pita bhi nirash ho kar baith rahe.

tin sal tak prativarsh vivah ke dinon men yah prashn uthata raha par gyanaprakash apani pratigya par atal raha. mata ka rona-dhona nishphal hua. han usane mata ki ek bat man li-vah bhaee se milane kalakatta n gaya.

tin sal men ghar men bada parivartan ho gaya. devapriya ki tinon kanyaon ka vivah ho gaya. ab ghar men usake siva koee stri n thi. soona ghar use phade khata tha. jab vah nairashy aur krodh se pagal ho jati to satyaprakash ko khoob ji bhar kar kosati ! magar donon bhaiyon men prem-patravyavahar barabar hota rahata tha.

devaprakash ke svabhav men ek vichitr udasinata prakat hone lagi. unhonne penshan le li thi aur prayah dharmagrnthon ka adhyayan kiya karate the. gyanaprakash ne bhi achary ki upadhi prapt kar li thi aur ek vidyalay men adhyapak ho gaye the. devapriya ab snsar men akeli thi.

devapriya apane putr ko grihasthi ki or khinchane ke lie nity tone-totake kiya karati. biradari men kaun-si kanya sundari hai gunavati hai sushikshita hai-usaka bakhan kiya karati par gyanaprakash ko in baton ke sunane ki bhi phurasat n thi.

mohalle ke aur gharon men nity hi vivah hote rahate the. bahuen ati thin unaki god men bachche khelane lagate the ghar gulazar ho jata tha. kahin bidaee hoti thi kahin badhaiyan ati thin kahin gana-bajana hota tha kahin baje bajate the. yah chahal-pahal dekh kar devapriya ka chitt chnchal ho jata. use maloom hota main hi snsar men sabase abhagini hoon. mere hi bhagy men yah sukh bhogana nahin bada hai. bhagavanh aisa bhi koee din ayega ki main apani bahoo ka mukhachndr dekhoongi usake balakon ko god men khilaoongi. vah bhi koee din hoga ki mere ghar men bhi anandotsav ke madhur gan ki tanen uthengi ! rat-din ye hi baten sochate-sochate devapriya ki dasha unmadini ki-si ho gayi. ap hi ap satyaprakash ko kosane lagati. vahi mere pranon ka ghatak hai. tallinata unmad ka pradhan gun hai. tallinata atynt rachanashil hoti hai. vah akash men devataon ke viman udane lagati hai. agar bhojan men namak tej ho gaya to yah shatru ne koee roda rakh diya hoga. devapriya ko ab kabhi-kabhi dhokha ho jata ki satyaprakash ghar men gaya hai vah mujhe marana chahata hai gyanaprakash ko vish khilaye deta hai. ek din usane satyaprakash ke nam ek patr likha aur use jitana kosate bana utana kosa. too mere pranon ka vairi hai mere kul ka ghatak hai hatyara hai. vah kaun din ayega ki teri mitti uthegi. toone mere ladake par vashikaran-mntr chala diya hai. doosare din phir aisa hi ek patr likha. yahan tak ki yah usaka nity ka karm ho gaya. jab tak ek chitthi men satyaprakash ko galiyan n de leti use chain hi n ata tha. in patron ko vah kaharin ke hath dakaghar bhijava diya karati thi.

9

gyanaprakash ka adhyapak hona satyaprakash ke lie ghatak ho gaya. paradesh men use yahi sntosh tha ki main snsar men niradhar nahin hoon. ab yah avalamb bhi jata raha. gyanaprakash ne zor de kar likha ab ap mere hetu koee kasht n uthayen. mujhe apani gujar karane ke lie kafi se zyada milane laga hai.

yadyapi satyaprakash ki dookan khoob chalati thi lekin kalakatte-jaise shahar men ek chhote-se dookanadar ka jivan bahut sukhi nahin hota. 660-70 ru. ki masik amadani hoti hi kya hai ab tak jo kuchh bachata tha vah vastav men bachat n thi balki tyag tha. ek vakt rookha-sookha kha kar ek tng ardr kothari men rah kar 25-30 ru. bach rahate the. ab donon vakt bhojan karane laga. kapade bhi jara saf pahinane laga. magar thode hi dinon men usake kharch men aushadhiyon ki ek mad badh gayi aur phir vahi pahile ki-si dasha ho gayi. barason tak shuddh vayu prakash aur pushtikar bhojan se vnchit rah kar achchhe se achchha svasthy bhi nasht ho sakata hai. satyaprakash ko bhi aruchi mndagni adi rogon ne a ghera. kabhi-kabhi jvar bhi a jata. yuvavastha men atmavishvas hota hai kisi avalamb ki parava nahin hoti. vayovriddhi doosaron ka munh takati hai ashray dhoondhati hai. satyaprakash pahile sota to ek hi karavat men sabera ho jata. kabhi bazar se pooriyan le kar kha leta kabhi mithaiyon par tal deta. par ab rat ko achchhi tarah nind n ati bazari bhojan se ghrina hoti rat ko ghar ata to thak kar choor-choor ho jata tha. us vakt choolha jalana bhojan pakana bahut akharata. kabhi-kabhi vah apane akelepan par rota. rat ko jab kisi tarah nind n ati to usaka man kisi se baten karane ko lalayit hone lagata. par vahan nishandhakar ke siva aur kaun tha divalon ke kan chahe hon munh nahin hota. idhar gyanaprakash ke patr bhi ab kam ate the aur ve bhi rookhe. unamen ab hriday ke saral udgaron ka lesh bhi n hota. satyaprakash ab bhi vaise hi bhavamay patr likhata tha par ek adhyapak ke lie bhavukata kab shobha deti hai. shanaiah-shanaiah satyaprakash ko bhram hone laga ki gyanaprakash bhi mujhase nishthurata karane laga nahin to kya mere pas do-char din ke lie ana asambhav tha mere lie to ghar ka dvar bnd hai par use kaun-si badha hai us garib ko kya maloom ki yahan gyanaprakash ne mata se kalakatte n jane ki kasam kha li hai. is bhram ne use aur bhi hatash kar diya.

shaharon men manushy bahut hote hain par manushyata birale hi men hoti hai. satyaprakash us bahusnkhyak sthan men bhi akela tha. usake man men ab ek nayi akanksha ankurit huee. kyon n ghar laut chaloon kisi sngini ke prem men kyon n sharan loon vah sukh aur shanti aur kahan mil sakati hai. mere jivan ke nirashandhakar ko aur kaun jyoti alokit kar sakati hai vah is avesh ko apani sampoorn vicharashakti se rokata jis bhanti kisi balak ko ghar men rakhi huee mithaiyon ki yad bar-bar khel se ghar khinch lati hai usi tarah usaka chitt bhi bar-bar unhin madhur chintaon men magn ho jata tha. vah sochata-mujhe vidhata ne sab sukh se vnchit kar diya hai nahin to meri dasha aisi hin kyon hoti mujhe eeshvar ne buddhi n di thi kya kya main shram se ji churata tha agar balapan men hi mere utsah aur abhiruchi par tushar n pad gaya hota meri buddhi-shaktiyon ka gala n ghont diya gaya hota to main aj adami hota. pet palane ke lie is videsh men n pada rahata. nahin main apane oopar yah atyachar n karoonga.

10

mahinon tak satyaprakash ke man aur buddhi men yah sngram hota raha. ek din vah dookan se a kar choolha jalane ja raha tha ki dakiye ne pukara. gyanaprakash ke siva usake pas aur kisi ke patr n ate the. aj hi usaka patr a chuka tha. yah doosara patr kyon kisi anisht ki ashnka huee. patr le kar padhane laga. ek kshan men patr usake hath se chhoot kar gir pada aur vah sir tham kar baith gaya ki zamin par n gir pade. yah devapriya ki vishayukt lekhani se nikala hua zahar ka pyala tha jisane ek pal men sngyahin kar diya. usaki sari marmantak vyatha-krodh nairashy kritaghnata glani-keval ek thndi sans men samapt ho gayi.

vah ja kar charapaee par leta raha. manasik vyatha ag se pani ho gayi. ha ! sara jivan nasht ho gaya ! main gyanaprakash ka shatru hoon. main itane dinon se keval usake jivan ko mitti men milane ke lie hi prem ka svang bhar raha hoon. bhagavanh ! isake tumhin sakshi ho !

doosare din phir devapriya ka patr pahuncha. satyaprakash ne use le kar phad dala padhane ki himmat n padi.

ek hi din pichhe tisara patr pahuncha. usaka bhi vahi ant hua. phir vah ek nity ka karm ho gaya. patr ata aur phad diya jata. kintu devapriya ka abhipray bina padhe hi poora ho jata tha-satyaprakash ke marmasthan par ek chot aur pad jati thi.

ek mahine ki bhishan hardik vedana ke bad satyaprakash ko jivan se ghrina ho gayi. usane dookan bnd kar di bahar ana-jana chhod diya. sare din khat par pada rahata. ve din yad ate jab mata puchakar kar god men bitha leti aur kahati beta ! pita bhi sndhya samay daftar se akar god men utha lete aur kahate bhaiya ! mata ki sajiv moorti usake samane a khadi hoti thik vaisi hi jab vah gnga-snan karane gayi thi. usaki pyar-bhari baten kanon men ane lagatin. phir vah drishy samane a jata jab usane navavadhoo mata ko amman kahakar pukara tha. tab usake kathor shabd yad a jate usake krodh se bhare hue vikaral netr ankhon ke samane a jate. use ab apana sisak-sisak kar rona yad a jata. phir sauragrih ka drishy samane ata. usane kitane prem se bachche ko god men lena chaha tha ! tab mata ke vajr ke-se shabd kanon men goonjane lagate. hay ! usi vajr ne mera sarvanash kar diya ! phir aisi kitani hi ghatanaen yad atin. ab bina kisi aparadh ke man dant batati. pita ka nirday nishthur vyavahar yad ane lagata. unaka bat-bat par tiuriyan badalana mata ke mithyapavadon par vishvas karana-hay ! mera sara jivan nasht ho gaya ! tab vah karavat badal leta aur phir vahi drishy ankhon men phirane lagate. phir karavat badalata aur chilla kar kahata-is jivan ka ant kyon nahin ho jata.

is bhanti pade-pade use kee din ho gaye. sndhya ho gayi thi ki sahasa use dvar par kisi ke pukarane ki avaz sunayi padi. usane kan lagakar suna aur chaunk pada. kisi parichit manushy ki avaz thi. dauda dvar par aya to dekha gyanaprakash khada hai. kitana roopavan purush tha ! vah usake gale se lipat gaya. gyanaprakash ne usake pairon ko sparsh kiya. donon bhaee ghar men aye. andhakar chhaya hua tha. ghar ki yah dasha dekh kar gyanaprakash jo ab tak apane knth ke aveg ko roke hue tha ro pada. satyaprakash ne lalaten jalayi. ghar kya tha bhoot ka dera tha. satyaprakash ne jaldi se ek kurata gale men dal liya. gyanaprakash bhaee ka jarjar sharir pila mukh bujhi huee ankhen dekhata tha aur rota tha.

satyaprakash ne kaha-main ajakal bimar hoon.

gyanaprakash-vah to dekh hi raha hoon.

saty.-tumane apane ane ki soochana bhi n di makan ka pata kaise chala

gyan.-soochana to di thi apako patr n mila hoga.

saty.-achchha han di hogi patr dookan men dal gaya hoga. main idhar kee dinon se dookan nahin gaya. ghar par sab kushal hai

gyan.-mata ji ka dehant ho gaya.

saty.-are ! kya bimar thin

gyan.-ji nahin. maloom nahin kya kha liya. idhar unhen unmad-sa ho gaya tha pita ji ne kuchh katuvachan kahe the shayad isi par kuchh kha liya.

saty.-pita ji to kushal se hain

gyan.-han abhi mare nahin hain.

saty.-are ! kya bahut bimar hain

gyan.-mata ne vish kha liya to ve unaka munh khol kar dava pila rahe the. mata ji ne zor se unaki do ungaliyan kat lin. vahi vish unake sharir men pahunch gaya. tab se sara sharir sooj aya hai. aspatal men pade hue hain kisi ko dekhate hain to katane daudate hain. bachane ki asha nahin hai.

saty.-tab to ghar hi chaupat ho gaya.

gyan.-aise ghar ko abase bahut pahale chaupat ho jana chahie tha.

tisare din donon bhaee pratahkal kalakatte se bida ho kar chal diye.

tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah