डिक्री के रुपये -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

neem aur kailas men itani sharirik, manasik, naitik aur samajik abhinnata thi, jitani do praniyon men ho sakati hai. neem dirghakay vishal vriksh tha, kailas bag ka komal paudha; neem ko kriket aur phutabal, sair aur shikar ka vyasan tha, kailas ko pustakavalokan ka; neem ek vinodashil, vakchatur, nirdvandv, hasyapriy, vilasi yuvak tha; use kal ki chinta kabhi n satati thi. vidyalay usake lie krida ka sthan tha; aur kabhi-kabhi bench par khade hone ka. isake pratikool kailas ek ekantapriy, alasi, vyayam se koson bhaganevala, amod-pramod se door rahanevala, chintashil, adarshavadi jiv tha. vah bhavishy ki kalpanaon se vikal rahata tha. neem ek sukhasampann, uchch padadhikari pita ka ekamatr putr tha. kailas ek sadharan vyavasayi ke kee putron men se ek. use pustakon ke lie kafi dhan n milata tha, mang-janchakar kam nikala karata tha. ek ke lie jivan annd ka svapn tha, aur doosare ke lie vipattiyon ka bojh. par itani vishamataon ke hote hue bhi un donon men ghanishth maitri aur niahsvarth vishuddh prem tha. kailas mar jata, par neem ka anugrah-patr n banata; aur neem mar jata, par kailas se beadabi n karata. neem ki khatir se kailas kabhi-kabhi svachchh nirmal vayu ka sukh utha liya karata. kailas ki khatir se neem bhi kabhi-kabhi bhavishy ke svapn dekh liya karata tha. neem ke lie rajyapad ka dvar khula hua tha, bhavishy koee apar sagar n tha. kailas ko apane hathon kuan khodakar pani pina tha; bhavishy ek bhishan sngram tha, jisake smaranamatr se usaka chitt ashant ho uthata tha.

2

kalej se nikalane ke bad neem ko shasan vibhag men ek uchch pad prapt ho gaya; yadyapi vah tisari shreni men pas hua tha. kailas pratham shreni men pas hua tha; kintu use barason ediyan ragadane, khak chhanane aur kuen jhankane par bhi koee kam n mila. yahan tak ki vivash hokar use apani kalam ka ashray lena pada. usane ek samachar-patr nikala. ek ne rajyadhikar ka rasta liya, jisaka lakshy dhan tha aur doosare ne seva-marg ka sahara liya jisaka parinam khyati aur kasht aur kabhi-kabhi karagar hota hai. neem ko usake daftar ke bahar koee n janata tha, kintu vah bngale men rahata, hava-gadi par hava khata, thietar dekhata aur garmiyon men nainital ki sair karata tha. kailas ko sara snsar janata tha, par usake rahane ka makan kachcha tha, savari ke lie apane panv. bachchon ke lie doodh bhi mushkil se milata. sag-bhaji men kat-kapat karana padata tha. neem ke lie sabase bade saubhagy ki bat yah thi ki usake keval ek putr tha; par kailas ke lie sabase bade durbhagy ki bat usaki sntan-vriddhi thi, jo use panapane n deti thi. donon mitron men patr-vyavahar hota rahata tha. kabhi-kabhi donon men mulakat bhi ho jati thi. neem kahata tha- yar, tumhin maje men ho desh aur jati ki kuchh seva to kar rahe ho. yahan to pet-pooja ke siva aur kisi kam ke n hue. par yah ‘pet-pooja’ usane kee dinon ki kathin tapasya se hridayngam kar payi thi, aur usake prayog ke lie avasar dhoondhata rahata tha.

kailas khoob samajhata tha ki yah keval neem ki vinayashilata hai. yah meri kudasha se duahkhi hokar mujhe is upay se santvana dena chahata hai. isalie yah apani vastavik sthiti ko usase chhipane ka viphal prayatn kiya karata tha.

vishnupur ki riyasat men hahakar macha hua tha. riyasat ka mainejar apane bngale men, thik dopahar ke samay saikadon adamiyon ke samane katl kar diya gaya tha. yadyapi khooni bhag gaya tha, par adhikariyon ko sndeh tha ki kunvar sahab ki dushprerana se hi yah hatyabhinay hua hai. kunvar sahab abhi balig n hue the. riyasat ka prabndh kort af vard dvara hota tha. mainejar par kunvar sahab ki dekh-rekh ka bhar bhi tha. vilasapriy kunvar ko mainejar ka hastakshep bahut hi bura maloom hota tha. donon men barason se manamutav tha. yahan tak ki kee bar pratyaksh katu vakyon ki naubat bhi a pahunchi thi. atev kunvar sahab par sndeh hona svabhavik hi tha. is ghatana ka anusndhan karane ke lie zile ke hakim ne miraz़a neem ko niyukt kiya. kisi pulis karmachari dvara tahakikat karane men kunvar sahab ke apaman ka bhay tha.

neem ko apane bhagy nirman ka svarn suyog prapt hua. vah n tyagi tha, n gyani. sabhi usake charitr ki durbalata se parichit the, agar koee n janata tha, to hukkam log. kunvar sahab ne munhamangi murad payi. neem jab vishnupur pahuncha, to usaka asamany adar-satkar hua. bhenten chadhane lagin; aradali se chaparasi, peshakar, saees, babarachi, khidamatagar tak, sabhi ke munh tar aur mutthiyan garam hone lagin. kunvar sahab ke havali-mavali rat-din ghere rahate, mano damad sasural aya ho.

ek din pratahkal kunvar sahab ki mata akar neem ke samane apana hath bandhakar khadi ho gayin. neem leta hua huqqa pi raha tha. tap, snyam aur vaidhavy ki yah tejasvi pratima dekhakar uth baitha.

rani usaki or vatsalyapoorn lochanon se dekhati huee bolin- huzoor; mere bete ka jivan apake hath men hai. ap hi usake bhagyavidhata hain. apaki usi mata ki saugndh hai, jisake ap suyogy putr hain; mere lal ki raksha kijiega. main tan, man, dhan apake charanon par arpan karati hoon.

svarth ne daya ke snyog se neem ko poorn riti se vashibhoot kar liya.

3

unhin dinon kailas neem se milane aya. donon mitr bade tapak se gale mile. neem ne baton-baton men yah sampoorn vrittant kah sunaya, aur kailas par apane krity ka auchity siddh karana chaha.

kailas ne kaha- mere vichar men pap sadaiv pap hai, chahe vah kisi avaran men mndit ho.

neem- aur mera vichar hai ki agar gunah se kisi ki jan bachati ho, to vah ain sabab hai. kunvar sahab abhi naujavan adami hain. bahut hi honahar, buddhiman, udar aur sahriday hain. ap unase milen, to khush ho jayn. unaka svabhav atyant vinamr hai. mainejar, jo yatharth men dusht prakriti ka manushy tha, barabas kunvar sahab ko dik kiya karata tha. yahan tak ki ek motar kar ke lie rupaye n svikar kiye, n sipharish ki. main yah nahin kahata ki kunvar sahab ka yah kary stuty hai, lekin bahas yah hai ki unako aparadhi siddh karake unhen kalepani ki hava khilaee jay, ya niraparadh siddh karake unaki pran-raksha ki jay. aur bhaee, tumase to koee parada nahin hai, poore 20 hazar ru. ki thaili hai. bas, mujhe apani riport men yah likh dena hoga ki vyaktigat vaimanasy ke karan yah durghatana huee hai, raja sahab ka isase koee sampark nahin. jo shahadaten mil sakin; unhen mainne gayab kar diya. mujhe is kary ke lie niyukt karane men adhikariyon ki ek masalahat thi. kunvar sahab hindoo hain isalie kisi hindoo karmachari ko niyukt n karake jiladhish ne yah bhar mere sir rakha. yah sampradayik virodh mujhe nisprih siddh karane ke lie kafi hai. mainne do-char avasaron par kuchh to hukkam ki prerana se aur kuchh svechchha se musalamanon ke sath pakshapat kiya, jisase yah mashahoor ho gaya hai ki main hinduon ka kattar dushman hoon. hindoo log to mujhe pakshapat ka putala samajhate hain. yah bhram mujhe akshepon se bachane ke lie kafi hai. bataon takadiravar hoon ki nahin ?

kailas- agar kahin bat khul gayi to ?

neem- to yah meri samajh ka pher, mere anusndhan ka dosh, manav prakriti ke ek atal niyam ka ujjval udaharan hoga. main koee sarvgy to hoon nahin. meri niyat par anch n ane payegi. mujh par rishvat lene ka sndeh n ho sakega. ap isase vyavaharik kon par n jaie, keval isake naitik kon par nigah rakhie. yah kary niti ke anukool hai ya nahin ? adhyatmik siddhanton ko n khinch laiega, keval niti ke siddhanton se isaki vivechana kijie.

kailas- isaka ek anivary phal yah hoga ki doosare reeson ko bhi aise dushkrityon ki uttejana milegi. dhan se bade-se-bade papon par parada pad sakata hai, is vichar ke phailane ka phal kitana bhaynkar hoga, isaka ap svayn anuman kar sakate hain.

neem- ji nahin, main yah anuman nahin kar sakata. rishvat ab bhi 90 phisadi abhiyogon par parada dalati hai. phir bhi pap ka bhay pratyek hriday men hai.

donon mitron men der tak is vishay par tark-vitark hota raha, lekin kailas ka nyay-vichar neem ke hasy aur vyngy se pesh n pa saka.

4

vishnupur ke hatyakand par samachar-patron men alochana hone lagi. sabhi patr ek svar se rayasahab ko hi lanchhit karate aur gavarnament ko raja sahab se anuchit pakshapat karane ka dosh lagate the; lekin isake sath yah bhi likh dete the ki abhi yah abhiyog vicharadhin hai, isalie is par tika nahin ki ja sakati.

miraza neem ne apani khoj ko saty ka roop dene ke lie poora ek mahina vyatit kiya. jab unaki riport prakashit huee, to rajanitik kshetr men viplav mach gaya. janata ke sndeh ki pushti ho gayi.

kailas ke samane ab ek jatil samasya upasthit huee. abhi tak usane is vishay par ekamatr maun dharan kar rakha tha. vah yah nishchay n kar sakata tha ki kya likhoon ? gavarnament ka paksh lena apani antaratma ko padadalit karana tha, atmasvatntry ka balidan karana tha. par maun rahana aur bhi apamanajanak tha. ant men jab sahayogiyon men do-char ne usake oopar sanketik roop se akshep karana shuroo kiya ki unaka maun nirarthak nahin hai, tab usake lie tatasth rahana asahy ho gaya. usake vaiyaktik tatha jatiy kartavy men ghor sngram hone laga. us maitri ko jisake ankur pachis varsh pahale hriday men ankurit hue the, aur ab jo ek saghan, vishal vriksh ka roop dharan kar chuki thi, hriday se nikalana, hriday ko chirana tha. vah mitr, jo usake duahkh men duahkhi aur sukh men sukhi hota tha, jisaka hriday nity usaki sahayata ke lie tatpar rahata tha, jisake ghar men jakar vah apani chintaon ko bhool jata tha, jisake darshanamatr hi se use ashvasan, dridhata tatha manobal prapt hota tha, usi mitr ki jad khodani padegi ! vah buri sayat thi jab mainne sampadakiy kshetr men padarpan kiya, nahin to aj is dharm-snkat men kyon padata ? kitana ghor vishvasaghat hoga. vishvas maitri ka mukhy ang hai. neem ne mujhe apana vishvasapatr banaya hai, mujhase kabhi parada nahin rakha. usake un gupt rahasyon ko prakash men lana usake prati ghor anyay hoga ! nahin, main maitri ko kalnkit n karoonga, usaki nirmal kirti par dhabba n lagaoonga, maitri par vajraghat n karoonga. eeshvar vah din n laye ki mere hathon neem ka ahit ho. mujhe poorn vishvas hai ki yadi mujh par koee snkat pade, to neem mere lie pran tak de dene ko taiyar ho jayaga, usi mitr ko main snsar ke samane apamanit karoon, usaki garadan par kuthar chalaoon. bhagavanh mujhe vah din n dikhana !

lekin jatiy kartavy ka paksh bhi nirastr n tha. patr ka sampadak paramparagat niyamon ke anusar jati ka sevak hai. vah jo kuchh dekhata hai, jati ki virath drishti se dekhata hai. vah jo kuchh vichar karata hai us par bhi jatiyata ki chhap lagi hoti hai. nity jati ke vistrit vichar-kshetr men vicharan karate rahane se vyakti ka mahattvadrishti men atyant snkirn ho jata hai; vah vyakti ko kshudr, tuchchh, nagany kahane lagata hai. vyakti ko jati par bali dena usaki niti ka pratham ang hai. yahan tak ki bahudha apane svarth ko bhi jati par var deta hai. usake jivan ka lakshy mahanh atmaon ka anugami hota hai jinhonne rashtron ka nirman kiya hai; unaki kirti amar ho gayi hai jo dalit rashtron ke uddharak ho gaye hain. vah yathashakti koee kam aisa nahin kar sakata, jisase usake poorvajon ki ujjval virudavali men kalima lagane ka bhay ho. kailas rajanitik kshetr men bahut kuchh yash aur gaurav prapt kar chuka tha. usaki sammati adar ki drishti se dekhi jati thi; usake nirbhik vicharon ne, usaki nishpaksh tikaon ne use sampadak-mndali ka pramukh neta bana diya tha. atev is avasar par maitri ka nirvah keval usaki niti aur adarsh hi ke viruddh nahin, usake manogat bhavon ke bhi viruddh tha. isamen usaka apaman tha, atmapatan tha, bhiruta thi. yah kartavyapath se vimukh hona aur rajanitik kshetr men sadaiv ke lie bahishkrit ho jana tha. ek vyakti ki, chahe vah mera kitana hi atmiy kyon n ho, rashtr ke samane kya hasti hai ! neem ke banane ya bigadane se rashtr par koee asar n padega. lekin shasan ki nirnkushata aur atyachar par parada dalana rashtr ke lie bhaynkar siddh ho sakata hai. use isaki parava n thi ki meri alochana ka pratyaksh koee asar hoga ya nahin. sampadak ki drishti men apani sammati sinhanad ke saman pratit hoti hai ki meri lekhani shasan ko kampayaman kar degi, vishv ko hila degi. shayad sara snsar meri kalam ki sarasarahat se tharra uthega, mere vichar prakat hote hi yugantar upasthit kar denge. neem mera mitr hai, kintu rashtr mera isht hai. mitr ke pad ki raksha ke lie kya apane isht par pran-ghatak aghat karoon ?

kee dinon tak kailas ke vyaktigat aur sampadak ke kartavyon men sngharsh hota raha. ant ko jati ne vyakti ko parast kar diya. usane nishchay kiya ki main is rahasy ka yatharth svaroop dikha doonga; shasan ke anuttaradayitv ko janata ke samane kholakar rakh doonga; shasan-vibhag ke karmachariyon ki svarth-lolupata ka namoona dikha doonga; duniya ko dikha doonga ki sarakar kinaki ankhon se dekhati hai, kinake kanon se sunati hai. usaki akshamata, usaki ayogyata aur usaki durbalata ko pramanit karane ka isase badhakar aur kaun-sa udaharan mil sakata hai ? neem mera mitr hai to ho, jati ke samane vah koee chiz nahin hai. usaki hani ke bhay se main rashtriy kartavy se kyon munh pheroon, apani atma ko kyon dooshit karoon, apani svadhinata ko kyon kalnkit karoon ? ah pranon se priy neem ! mujhe kshama karana, aj tum jaise mitraratn ko main apane kartavy ki vedi par bali chadhata hoon. magar tumhari jagah agar mera putr hota, to use bhi isi kartavy ki balivedi par bhent kar deta.

doosare din kailas ne is ghatana ki mimansa shuroo ki. jo kuchh usane neem se suna tha, vah sab ek lekhamala ke roop men prakashit karane laga. ghar ka bhedi lnka dhahe ! any sampadakon ko jahan anuman, tark aur yukti ke adhar par apana mat sthir karana padata tha aur isalie ve kitani hi anargal, apavadapoorn baten likh dalate the, vahan kailas ki tippaniyan pratyaksh pramanon se yukt hoti thin. vah pate-pate ki baten kahata tha aur us nirbhikata ke sath, jo divy anubhav ka nirdesh karati thin. usake lekhon men vistar kam, par sar adhik hota tha. usane neem ko bhi n chhoda, usaki svarth-lipsa ka khoob khaka udaya. yahan tak ki vah dhan ki snkhya bhi likh di jo is kutsit vyapar par parada dalane ke lie use di gayi thi. sabase maje ki bat yah thi ki usane neem se ek rashtriy guptachar ki mulakat ka bhi ullekh kiya, jisane neem ko rupaye lete hue dekha tha. ant men gavarnament ko bhi chailenj diya ki jo usamen sahas ho, to mere pramanon ko jhootha sabit kar de. itana hi nahin, usane vah vartalap bhi aksharashah prakashit kar diya jo usake aur neem ke bich hua tha. rani ka neem ke pas ana, usake pairon par girana, kunvar sahab ka neem ke pas nana prakar ke tohaphe lekar ana, in sabhi prasngon ne usake lekhon men ek jasoosi upanyas ka maja paida kar diya.

in lekhon ne rajanitik kshetr men halachal macha di. patr-sampadakon ko adhikariyon par nishane lagane ke aise avasar bade saubhagy se milate hain. jagah-jagah shasan ki is karatoot ki ninda karane ke lie sabhaen hone lagin. kee sadasyon ne vyavasthapak-sabha men is vishay par prashn karane ki ghoshana ki. shasakon ko kabhi aisi munh ki n khani padi thi. akhir unhen apani man-raksha ke lie isake siva aur koee upay n soojha ki ve miraza neem ko kailas par manahani ka abhiyog chalane ke lie vivash karen.

5

kailas par istagasa dayar hua. miraza neem ki or se sarakar pairavi karati thi. kailas svayn apani pairavi kar raha tha. nyay ke pramukh snrakshakon (vakil-bairistaron) ne kisi agyat karan se usaki pairavi karana asvikar kiya. nyayadhish ko harakar kailas ko, qanoon ki sanad n rakhate hue bhi, apane mukadame ki pairavi karane ki agya deni padi. mahinon abhiyog chalata raha. janata men sanasani phail gayi. roj hajaron adami adalat men ekatr hote the. bazaron men abhiyog ki riport padhane ke lie samachar-patron ki loot hoti thi. chatur pathak padhe hue patron se ghadi rat jate-jate dugune paise khade kar lete the; kyonki us samay tak patr-vikretaon ke pas koee patr n bachane pata tha. jin baton ka gyan pahale gine-ginaye patr-grahakon ko tha, un par ab janata ki tippaniyan hone lagin. neem ki mitti kabhi itani kharab n huee thi; gali-gali, ghar-ghar usi ki charcha thi. janata ka krodh usi par kendrit ho gaya tha. vah din bhi smaraniy rahega jab donon sachche, ek-doosare par pran denevale mitr adalat men amane-samane khade hue aur kailas ne miraza neem se jirah karani shuroo ki. kailas ko aisa manasik kasht ho raha tha, mano vah neem ki garadan par talavar chalane ja raha hai. aur neem ke lie to agni-pariksha thi. donon ke mukh udas the; ek ka atmaglani se, doosare ka bhay se. neem prasann banane ki cheshtakarata tha, kabhi-kabhi sookhi hnsi bhi hnsata tha, lekin kailas- ah, us garib ke dil par jo gujar rahi thi, use kaun jan sakata hai!

kailas ne poochha- ap aur main sath padhate the, ise ap svikar karate hain ?

neem- avashy svikar karata hoon.

kailas- ham donon men itani ghanishthata thi ki ham apas men koee parada n rakhate the, ise ap svikar karate hain ?

neem- avashy svikar karata hoon.

kailas- kya us samay apane mujhase yah nahin kaha tha ki kunvar sahab ki prerana se yah hatya huee hai ?

neem- kadapi nahin.

kailas- apake mukh se ye shabd nahin nikale the ki bis hazar ru. ki thaili hai ?

neem jara bhi n jhijhaka, jara bhi snkuchit n hua. usaki jaban men leshamatr bhi luqanat n huee, vani men jara bhi tharatharahat n ayi. usake mukh par ashanti, asthirata ya asamnjas ka koee bhi chihn n dikhaee diya. vah avichal khada raha. kailas ne bahut darate-darate yah prashn kiya tha. usako bhay tha ki neem isaka kuchh javab n de sakega. kadachith rone lagega. lekin neem ne nishshnk bhav se kaha- sambhav hai, apane svapn men mujhase ye baten suni hon.

kailas ek kshan ke lie dng ho gaya. phir usane vismay se neem ki or najar dalakar poochha- kya apane yah nahin pharamaya ki mainne do-char avasaron par musalamanon ke sath pakshapat kiya hai aur isalie mujhe hindoo-virodhi samajhakar is anusndhan ka bhar saunpa gaya hai.

neem jara bhi n jhijhaka. avichal, sthir aur shant bhav se bola- apaki kalpana-shakti vastav men ashcharyajanak hai. barason tak apake sath rahane par bhi mujhe yah vidit nahin hua tha ki ap men ghatanaon ka avishkar karane ki aisi chamatkarapoorn shakti hai.

kailas ne aur koee prashn nahin kiya. use apane parabhav ka duahkh n tha, duahkh tha neem ki atma ke patan ka. vah kalpana bhi n kar sakata tha ki koee manushy apane munh se nikali huee bat ko itani dhithaee se asvikar kar sakata hai; aur vah bhi us adami ke munh par, jisase vah bat kahi gayi ho. yah manavi durbalata ki parakashtha hai. vah neem, jisaka andar aur bahar ek tha, jisake vichar aur vyavahar men bhed n tha, jisaki vani antarik bhavon ka darpan thi, vah neem, vah saral, atmabhimani, satyabhakt neem, itana dhoort, aisa makkar ho sakata hai ! kya dasata ke sanche men dhalakar manushy apana manushyatv kho baithata hai ? kya yah divy gunon ka roopantar karane ka yntr hai.

adalat ne neem ko 20 hazar rupayon ki dikri de di. kailas par vajrapat ho gaya.

6

is nishchay par rajanitik snsar men phir kuharam macha. sarakari paksh ke patron ne kailas ko dhoort kaha; jan-pakshavalon ne neem ko shaitan bataya. neem ke dussahas ne nyay ki drishti men chahe use niraparadh siddh kar diya ho par janata ki drishti men to use aur bhi gira diya. kailas ke pas sahanubhooti ke patr aur tar ane lage. patron men usaki nirbhikata aur satyanishtha ki prashnsa hone lagi. jagah-jagah sabhaen aur jalase hue, aur nyayalay ke nishchay par asntosh prakat kiya gaya; kintu sookhe badalon se prithvi ki tripti to nahin hoti ? rupaye kahan se aven aur vah bhi ekadam se 20 hazar ! adarshapalan ka yahi mooly hai, rashtr-seva mahnga sauda hai. 20 hazar ! itane rupaye to kailash ne shayad svapn men bhi n dekhe hon aur jab dene padenge ! kahan se dega ? itane rupayon ke sood se hi vah jivika ki chinta se mukt ho sakata tha. use apane patr men apani vipatti ka rona rokar chnda ekatr karane se ghrina thi. mainne apane grahakon ki anumati lekar is sher se moracha nahin liya tha. mainejar ki vakalat karane ke lie kisi ne meri garadan nahin dabayi thi. mainne apana kartavy samajhakar hi shasakon ko chunauti di. jis kam ke lie main akela zimmedar hoon, usaka bhar apane grahakon par kyon daloon. yah anyay hai. sambhav hai, janata men andolan karane se do-char hazar rupaye hath a jayn; lekin yah sampadakiy adarsh ke viruddh hai. isase meri shan men batta lagata hai. doosaron ko yah kahane ka avasar doon ki aur ke matthe phulaudiyan khayin, to kya bada jag jit liya ! tab janate ki apane bal-boote par garajate ! nirbhik alochana ka sehara to mere sir bndha, usaka mooly doosaron se kyon vasool karoon ? mera patr bnd ho jay, main pakadakar kaid kiya jaoon, mera makan kurk kar liya jay, baratan-bhande nilam ho jayn, yah sab mujhe mnjoor hai. jo kuchh sir padegi bhugat loonga, par kisi ke samane hath n phailaoonga.

sooryoday ka samay tha. poorv disha men prakash ki chhata aise daudi chali ati thi, jaise ankh se ansuon ki dhara. thndi hava kaleje par yon lagati thi, jaise kisi ke karun-krndan ki dhvani. samane ka maidan duahkhi hriday ki bhanti jyoti ke banon se bindh raha tha. ghar men vah nistabdhata chhayi thi, jo grih-svami ke gupt rodan ki soochana deti hai. n balakon ka shoragul aur n mata ki shantiprasarini shabd-tadana. jab dipak bujh raha ho, to ghar men prakash kahan se aye ? yah asha ka prabhav nahin, shok ka prabhav tha; kyonki aj hi kurk-zamin kailas ki sampatti ko nilam karane ke lie anevala tha.

usane antarvedana se vikal hokar kaha- ah ! aj mere sarvajanik jivan ka ant ho jayaga. jis bhavan ka nirman karane men apane jivan ke 25 varsh laga diye vah aj nasht-bhrasht ho jayaga. patr ki garadan par chhuri phir jayagi, mere pairon men upahas aur apaman ki bediyan pad jayngi, mukh men kalima lag jayagi, yah shanti-kutir ujad jayaga, yah shokakul parivar kisi murajhaye hue phool ki pnkhadiyon ki bhanti bikhar jayaga. snsar men usake lie kahin ashray nahin hai. janata ki smriti chirasthayi nahin hoti; alpakal men meri sevaen vismriti ke andhakar men lin ho jayngi. kisi ko meri sudh bhi n rahegi, koee meri vipatti par ansoo bahanevala bhi n hoga.

sahasa use yad aya ki aj ke lie abhi agralekh likhana hai. aj apane suhridh pathakon ko soochana doon ki yah is patr ke jivan ka antim divas hai, use phir apaki seva men pahunchane ka saubhagy n prapt hoga. hamase anek bhoolen huee hongi, aj ham unake lie apase kshama mangate hain. apane hamare prati jo sahavedana aur suhridayata prakat ki hai, usake lie ham sadaiv apake kritgy rahenge. hamen kisi se koee shikayat nahin hai. hamen is akal mrityu ka duahkh nahin hai; kyonki vah saubhagy unhin ko prapt hota hai, jo apane kartavyapath par avichal rahate hain. duahkh yahi hai ki ham jati ke lie isase adhik balidan karane men samarth n hue. is lekh ko adi se ant tak soch kar vah kursi se utha hi tha ki kisi ke pairon ki ahat maloom huee. garadan uthakar dekha, to miraza neem tha. vahi hnsamukh chehara, vahi mridu muskan, vahi kridamay netr . ate hi kailas ke gale se lipat gaya.

kailas ne garadan chhudate hue kaha- kya mere ghav par namak chhidakane, meri lash ko thukarane aye ho ?

neem ne usaki garadan ko aur zor se dabakar kaha- aur kya, muhabbat ke yahi to maje hain !

kailas- mujhase dillagi n karo. bhara baitha hoon, mar baithoonga.

neem ki ankhen sajal ho gayin. bola- ah jalim; main teri jaban se yahi katu vaky sunane ke lie to vikal ho raha tha. jitana chahe koso, khoob galiyan do, mujhe isamen madhur sngit ka annd a raha hai.

kailas- aur, abhi jab adalat ka kurk-amin mera ghar-bar nilam karane ayega, to kya hoga ? bolo, apani jan bachakar to alag ho gaye !

neem- ham donon milakar khoob taliyan bajayenge, aur use bndar ki tarah nachayenge ?

kailas- tum ab pitoge mere hathon se jalim, tujhe mere bachchon par bhi daya n ayi?

neem- tum bhi chale mujhi se zor ajamane. koee samay tha, jab bazi tumhare hath rahati thi. ab meri bari hai. tumane mauka-mahal to dekha nahin, mujh par pil pade.

kailas- sarasar saty ki upeksha karana mere siddhant ke viruddh tha.

neem- aur saty ka gala ghontana mere siddhant ke anukool.

kailas- abhi ek poora parivar tumhare gale madh doonga, to apani kismat ko rooge. dekhane men tumhara adha bhi nahin hoon; lekin sntanotpatti men tum jaise tin par bhari hoon. poore sat hain, kam n besh !

neem- achchha lao, kuchh khilate-pilate ho ya takadir ka marasiya hi gaye jaoge ? tumhare sir ki kasam bahut bhookha hoon. ghar se bina khaye hi chal pada.

kailas- yahan aj solaho dnd ekadashi. sab-ke-sab shok men baithe usi adalat ke jallad ki rah dekh rahe hain. khane-pine ka kya zikr ? tumhari beg men kuchh ho, to nikalo; aj sath baithakar kha len, phir to zindagi bhar ka rona hai hi.

neem- phir to aisi shararat n karoge ?

kailas- vah, yah to apane rom-rom men vyapt ho gayi hai. jab tak sarakar pashubal se hamare oopar shasan karati rahegi, ham usaka virodh karate rahenge. khed yahi hai ki ab mujhe isaka avasar hi n milega. kintu tumhen 20,000 ru. men se 20 ru. bhi n milenge. yahan raddiyon ke dher ke siva aur kuchh nahin hai.

neem- aji, main tumase 20 hazar rupaye ki jagah usaka pnchaguna vasool kar loonga. tum ho kis pher men ?

kailas- munh dho rakhie !

neem- mujhe rupayon ki zaroorat hai. ao koee samajhauta kar lo.

kailas- kunvar sahab ke 20 hazar rupaye dakar gaye, phir bhi abhi sntosh nahin hua !

neem- sarakari karmachariyon dvara mamala karane men aur bhi jerabari hogi.

kailas- are to kya mamala kar loon ? yahan kagajon ke siva aur kuchh ho bhi to !

neem- mera rin chukane-bhar ko bahut hai. achchha, isi bat par samajhauta kar lo ki main jo chiz chahoon, le loon. phir rona mat.

kailas- aji, tum sara daftar sir par utha le jao, ghar utha le jao, mujhe pakad le jao, aur mithe tukade khilao. kasam le lo, jo jara bhi choon karoon.

neem- nahin, main sirph ek chiz chahata hoon, sirph ek chiz !

kailas ke kautoohal ki koee sima n rahi. sochane laga, mere pas aisi kaun-si bahumooly vastu hai ? kahin mujhase musalaman hone ko to n kahega. yahi ek dharm ek chiz hai, jisaka mooly ek se lekar asnkhy tak rakha ja sakata hai. jara dekhoon to hajarat kya kahate hain ?

usane poochha- kya chiz ?

neem- misej kailas se ek minat tak ekant men batachit karane ki agya.

kailas ne neem ke sir par ek chapat jamakar kaha- phir vahi shararat ! saikadon bar to dekh chuke ho, aisi kaun-si indr ki apsara hai !

neem- vah kuchh bhi ho, mamala karate ho, to karo; magar yad rakhana, ekant ki shart.

kailas- mnjoor hai. phir jo dikri ke rupaye mange gaye, to nonch hi khaoonga.

neem- han, mnjoor hai.

kailas- (dhire se) magar yar, najuk-mizaj stri hai, koee behooda majak n kar baithana.

neem- ji, in baton men mujhe apake upadesh ki zaroorat nahin. mujhe unake kamare men le to chalie !

kailas- sir niche kiye rahana.

neem- aji, ankhon men patti bandh do.

kailas ke ghar men parada n tha. uma chinta-magn baithi huee thi. sahasa neem aur kailas ko dekhakar chaunk padi. boli, aie mirazaji. abaki to bahut dinon men yad kiya.

kailas neem ko vahin chhodakar kamare se bahar nikal aya; lekin parade ki ad se chhipakar dekhane laga ki inamen kya baten hoti hain. use kuchh bura khayal n tha, keval kautoohal tha.

neem- ham sarakari adamiyon ko itani phurasat kahan ? dikri ke rupaye vasool karane the, isilie chala aya hoon.

uma kahan to muskara rahi thi, kahan rupaye ka nam sunate hi usaka chehara phak ho gaya. gambhir svar men boli- ham log svayn isi chinta men pade hue hain. kahin rupaye milane ki asha nahin hai; aur unhen janata se apil karate snkoch hota hai.

neem- aji, ap kahati kya hain ? mainne sab rupaye paee-paee vasool kar liye.

uma ne chakit hokar kaha- sach ! unake pas rupaye kahan the ?

neem- unaki hamesha se yahi adat hai. apase kah rakha hoga, mere pas kaudi nahin hai. lekin mainne chutakiyon men vasool kar liya ! ap uthie, khane ka intajam kijie.

uma- rupaye bhala kya diye honge. mujhe etabar nahin ata.

neem- ap saral hain aur vah ek hi kaiyan. use to main hi khoob janata hoon. apani daridrata ke dukhade ga-gakar apako chakama diya karata hoga.

kailas muskarate hue kamare men aye aur bole- achchha, ab nikalie bahar ! yahan bhi apani shaitani se baj n aye ?

neem- rupaye ki rasid to likh doon ?

uma- tumane rupaye de diye ? kahan mile ?

kailas- phir kabhi batala doonga. uthie hajarat !

uma- batate kyon nahin, kahan mile ? mirazaji se kaun parada hai ?

kailas- neem, tum uma ke samane meri tauhin karana chahate ho ?

neem- tumane sari duniya ke samane meri tauhin nahin ki ?

kailas- tumhari tauhin ki, to usake lie 20 hazar rupaye nahin dene pade.

neem- main bhi usi takasal ke rupaye de doonga. uma, main rupaye pa gaya. in bechare ka parada dhaka rahane do.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah