रियासत का दीवान -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

mahashay mehata un abhagon men the, jo apane svami ko prasann nahin rakh sakate the. vah dil se apana kam karate the aur chahate the ki unaki prashnsa ho. vah yah bhool jate the ki vah kam ke naukar to hain hi, apane svami ke sevak bhi hain. jab unake any sahakari svami ke darabar men hajiri dete the, to vah bechare daftar men baithe kagajon se sir mara karate the. isaka phal yah tha ki svami ke sevak to tarakkiyan pate the, puraskar aur paritoshik udate the. aur kam ke sevak mehata kisi-n-kisi aparadh men nikal diye jate the. aise katu anubhav unhen apane jivan men kee bar ho chuke the; isalie abaki jab raja sahab satiya ne unhen ek achchha pad pradan kiya, to unhonne pratigya ki ki ab vah bhi svami ka rukh dekhakar kam karenge. aur unake stuti-gan men hi bhagy ki pariksha karenge. aur is pratigya ko unhonne kuchh is tarah nibhaya ki do sal bhi n gujare the ki raja sahab ne unhen apana divan bana liya. ek svadhin rajy ki divani ka kya kahana !

vetan to 500) masik hi tha, magar akhtiyar bade lambe. raee ka parvat karo, ya parvat se raee, koee  chhanevala n tha. raja sahab bhog-vilas men pade rahate the, rajy-snchalan ka sara bhar mi. mehata par tha. riyasat ke sabhi amale aur karmachari dandavath karate, bade-bade rees najarane dete, yahan tak ki raniyan bhi unaki khushamad karatin. raja sahab ugr prakriti ke manushy the, jaise pray: raje hote hain. durbalon ke samane sher, sabalon ke samane bhigi billi. kabhi mi. mehata ko dant-phatakar bhi batate; par mehata ne apani saphaee men ek shabd bhi munh se nikalane ki kasam kha li thi. sir jhukakar sun lete. raja sahab ki krodhagni eendhan n pakar shant ho jati. garmiyon ke din the. politikal ejent ka daura tha. rajy men unake svagat ki taiyariyan ho rahi thin. raja sahab ne mehata ko bulakar kaha, main chahata hoon, sahab bahadur yahan se mera kalama padhate hue jayn. mehata ne sir jhukakar vinit bhav se kaha, ‘cheshta to aisi hi kar raha hoon, annadata  ! 'cheshta to sabhi karate hain; magar vah cheshta kabhi saphal nahin hoti. main chahata hoon, tum dridhata ke sath kaho aisa hi hoga.' 'aisa hi hoga.' 'rupaye ki paravah mat karo.' 'jo hukm.' 'koee shikayat n aye; varana tum janoge.' 'vah huzoor ko dhanyavad dete jayn to sahi.' 'han, main yahi chahata hoon.' 'jan lada doonga, dinabandhu !' 'ab mujhe sntosh hai !'

idhar to politikal ejent ka agaman tha, udhar mehata ka ladaka jayakrishn garmiyon ki chhuttiyan manane mata-pita ke pas aya. kisi vishvavidyalay men padhata tha. ek bar 1932 men koee ugr bhashan karane ke jurm men 6 mahine ki saza kat chuka tha. mi. mehata ki niyukti ke bad jab vah pahali bar aya tha to raja sahab ne use khas taur par bulaya tha aur usase ji kholakar baten ki thin, use apane sath shikar khelane le gaye the aur nity usake sath tenis khela karate the. jayakrishn par raja sahab ke samyavadi vicharon ka bada prabhav pada tha. use gyat hua ki raja sahab keval deshabhakt hi nahin, kranti ke samarthak bhi hain. roos aurarh auns ki kranti par donon men khoob bahas huee thi. lekin abaki yahan usane kuchh aur hi rng dekha. riyasat ke har ek kisan aur zamindar se jabaran chanda vasool kiya ja raha tha. pulis ganv-ganv chanda ugahati phirati thi. rakam divan sahab niyat karate the. vasool karana pulis ka kam tha. phariyad ki kahin sunavaee n thi. charon or trahi-trahi machi huee thi. hajaron mazadoor sarakari imaraton ki saphaee, sajavat aur sadakon ki marammat men begar kar rahe the. baniyon se dandon ke zor se rasad jama ki ja rahi thi.   jayakrishn ko ashchary ho raha tha ki yah kya ho raha hai. raja sahab ke vichar aur vyavahar men itana antar kaise ho gaya. kahin aisa to nahin hai ki maharaj ko in atyacharon ki khabar hi n ho, ya unhonne jin taiyariyon ka hukm diya ho, unaki tamil men karmachariyon ne apani karagujari ki dhun men yah anarth kar dala ho. rat bhar to usane kisi tarah jabt kiya. prat:kal usane mehataji se poochha, apane raja sahab ko in atyacharon ki soochana nahin di ? mehataji ko svayn is aniti se glani ho rahi thi. vah svabhavat: dayalu manushy the; lekin paristhitiyon ne unhen ashakt kar rakha tha. du:khit svar men bole, ‘raja sahab ka yahi hukm hai, to kya kiya jay ? 'to apako aisi dasha men alag ho jana chahie tha. ap janate hain, yah jo kuchh ho raha hai, usaki sari zimmedari apake sir ladi ja rahi hai, praja ap hi ko aparadhi samajhati hai.' 'main majaboor hoon. mainne karmachariyon se bar-bar snket kiya ki yathasadhy kisi par sakhti n ki jay : lekin harek sthan par main maujood to nahin rah sakata. agar pratyaksh roop se hastakshep karoon, to shayad karmachari log maharaj se meri shikayat kar den. ye log aise hi avasaron ki tak men to rahate hain. inhen to janata ko lootane ka koee bahana chahie. jitana sarakari kosh men jama karate hain, usase zyada apane ghar men rakh lete hain. main kuchh nahin kar sakata.' jayakrishn ne uttejit hokar kaha, ‘to ap istipha kyon nahin de dete ?’ mehata lajjit hokar bole, ‘beshak, mere lie munasib to yahi tha; lekin jivan men itane dhakke kha chuka hoon ki ab aur sahane ki shakti nahin rahi. yah nishchay hai ki naukari karake main apane ko bedag nahin rakh sakata. dharm aur adharm, seva aur paramarth ke jhamelon men padakar mainne bahut thokaren khayin. mainne dekh liya ki duniya duniyadaron ke lie hai, jo avasar aur kal dekhakar kam karate hain. siddhantavadiyon ke lie yah anukool sthan nahin hai.‘ jayakrishn ne tiraskar-bhare svar men poochha, ‘main raja sahab ke pas jaoon ?’ 'kya tum samajhate ho, raja sahab se ye baten chhipi hain ?' 'snbhav hai, praja ki du:kh-katha sunakar unhen kuchh daya aye.' mi. mehata ko isamen kya apatti ho sakati thi ? vah to khud chahate the kisi tarah anyay ka bojh unake sir se utar jay. han, yah bhay avashy tha ki kahin jayakrishn ki satprerana unake lie hanikar n ho aur kahin unhen is samman aur adhikar se hath n dhona pade. bole yah khayal rakhana ki tumhare munh se koee aisi bat n nikal jay, jo maharaj ko aprasann kar de.‘ jayakrishn ne unhen ashvasan diya ki vah aisi koee bat n karega. kya vah itana nadan hai ? magar use kya khabar thi ki aj ke maharaja sahab vah nahin hain, jo ek sal pahale the, ya sambhav hai, politikal ejent ke chale jane ke bad vah phir ho jayn. vah n janata tha ki unake lie kranti aur atnk ki charcha bhi usi tarah vinod ki vastu thi, jaise hatya, balatkar ya jal ki varadaten, ya roop ke bazar ke akarshak samachar. jab usane dayodhi par pahunchakar apani ittala karayi, to maloom hua ki maharaj is samay asvasth hain, lekin vah laut hi raha tha ki maharaj ne use bula bheja. shayad usase sinema-snsar ke taje samachar poochhana chahate the. usake salam par musakarakar bole tum khoob aye bhee, kaho em.sisi. ka maich dekha ya nahin ? main to in bakhedon men aisa phnsa ki jane ki naubat nahin ayi. ab to yahi dua kar raha hoon ki kisi tarah ejent sahab khush-khush rukhsat ho jayn. mainne jo bhashan likhavaya hai, vah jara tum bhi dekh lo. mainne in rashtriy andolanon ki khoob khabar li hai aur harijanoddhar par bhi chhinte uda diye hain. jayakrishn ne apane avesh ko dabakar kaha, rashtriy andolanon ki apane khabar li, yah achchha kiya; lekin harijanoddhar ko to sarakar bhi pasand karati hai, isilie usane mahatma gandhi ko riha kar diya aur jel men bhi unhen is andolan ke sambandh men likhane-padhane aur milane-julane ki poori svadhinata de rakhi thi. raja sahab ne tatvik muskan ke sath kaha, tum janate nahin ho, yah sab pradarshan-matra hai. dil men sarakar samajhati hai ki yah bhi rajanitik andolan hai. vah is rahasy ko bade dhyan se dekh rahi hai. laauyalati men jitana pradarshan karo, chahe vah auchity ki sima ke par hi kyon n ho jay, usaka rng chokha hi hota hai usi tarah jaise kaviyon ki virudavali se ham phool uthate hain, chahe vah hasyaspad hi kyon n ho. ham aise kavi ko khushamadi samajhen, ahamak bhi samajh sakate hain, par  sase aprasann nahin ho sakate. vah hamen jitana hi ooncha uthata hai, utana hi vah hamari drishti men ooncha uthata jata hai. raja sahab ne apane bhashan ki ek prati mej ki daraj se nikalakar jayakrishn ke samane rakh di, par jayakrishn ke lie is bhashan men ab koee akarshan n tha. agar vah sabha-chatur hota, to jahiradari ke lie hi is bhashan ko bade dhyan se padhata, unake shabd-vinyas aur bhavotkarsh ki prashnsa karata aur usaki tulana maharaja bikaner ya patiyala ke bhashanon se karata; par abhi darabari duniya ki riti-niti se anabhigy tha. jis chiz ko bura samajhata tha, use bura kahata tha aur jis chiz ko achchha samajhata tha, use achchha kahata tha. bure ko achchha aur achchhe ko bura kahana abhi use n aya tha. usane bhashan par sarasari najar dalakar use mej par rakh diya aur apani spashtavadita ka bigul phoonkata hua bola, main rajaniti ke rahasyon ko bhala kya samajh sakata hoon lekin mera khayal hai ki chanaky ke ye vnshaj in chalon ko khoob samajhate hain aur kritriam bhavon ka un par koee asar nahin hota balki isase adami unaki najaron men aur bhi gir jata hai. agar ejent ko maloom ho jay ki usake svagat ke lie praja par kitane julm dhaye ja rahe hain, to shayad vah yahan se prasann hokar n jay. phir, main to praja ki drishti dekhata hoon. ejent ki prasannata apake lie labhaprad ho sakati hai, praja ko to usase hani hi hogi.   raja sahab apane kisi kam ki alochana nahin sah sakate the. unaka krodh pahale jirahon ke roop men nikalata, phir tark ka akar dharan kar leta. aur ant men bhookamp ke avesh se ubal padata tha, jisase unaka sthool sharir, kursi, mej, divaren aur chhat sabhi men bhishan kampan hone lagata tha. tirachhi ankhon se dekhakar bole, ‘kya hani hogi, jara sunoon ?’ jayakrishn samajh gaya ki krodh ki mashinagan chakkar men hai aur ghatak visphot hone hi vala hai. snbhalakar bola, ise ap mujhase zyada samajh sakate hain. 'nahin, meri buddhi itani prakhar nahin hai.' 'ap bura man jaynge.' 'kya tum samajhate ho, main barood ka dher hoon ?' 'behatar hai, ap ise n poochhen.' 'tumhen batalana padega.' aur ap-hi-ap unaki mutthiyan bndh gayin. 'tumhen batalana padega, isi vakt !' jayakrishn yah dhauns kyon sahane laga ? kriket ke maidan men rajakumaron par rob jamaya karata tha, bade-bade hukkam ki chutakiyan leta tha. bola, abhi apake dil men politikal ejent ka kuchh bhay hai, ap praja par julm karate darate hain. jab vah apake ehasanon se dab jayaga, ap svachhand ho jaynge aur praja ki phariyad sunane vala koee n rahega. raja sahab prajjvalit netron se takate hue bole main ejent ka gulam nahin hoon ki usase daroon, koee karan nahin hai ki main usase daroon, bilakul karan nahin hai. main politikal ejent ki isalie khatir karata hoon ki vah hiz maijesti ka pratinidhi hai. mere aur hiz maijesti ke bich men bhaeechara hai, ejent keval unaka doot hai. main keval niti ka palan kar raha hoon. main vilayat jaoon to hiz maijesti bhi isi tarah mera satkar karenge ! main daroon kyon ? main apane rajy ka svatantr raja hoon. jise chahoon, phansi de sakata hoon. main kisi se kyon darane laga ? darana namardon ka kam hai, main eeshvar se bhi nahin darata. dar kya vastu hai, yah mainne aj tak nahin jana. main tumhari tarah kalej ka munhaphat chhatr nahin hoon ki kranti aur azadi ki hank lagata phiroon. tum kya jano, kranti kya chiz hai ? tumane keval usaka nam sun liya hai. usake lal drishy ankhon se nahin dekhe. bandook ki avaz sunakar tumhara dil kanp uthega. kya tum chahate ho, main ejent se kahoon praza bah hai, apake ane ki zaroorat nahin. main itana atithy-shoony nahin hoon. main andha nahin hoon, ahamak nahin hoon,praja ki dasha ka mujhe tumase kahin adhik gyan hai, tumane use bahar se dekha hai, main use nity bhitar se dekhata hoon. tum meri praja ko kranti ka svapn dikhakar use gumarah nahin kar sakate. tum mere rajy men vidroh aur asntosh ke bij nahin bo sakate. tumhen apane munh par tala lagana hoga, tum mere viruddh ek shabd bhi munh se nahin nikal sakate, choon bhi nahin kar sakate ... doobate hue sooraj ki kiranen maharabi divanakhane ke rngin shishon se hokar raja sahab ke krodhonmatt mukhamndal ko aur bhi rnjit kar rahi thin. unake bal nile ho gaye the, ankhen pili, chehara lal aur deh hari. maloom hota tha, pretalok ka koee pishach hai. jayakrishn ki sari uddandata hava ho gayi. raja sahab ko is unmad ki dasha men usane kabhi n dekha tha, lekin isakesath hi usaka atmagaurav is lalakar ka javab dene ke lie vyakul ho raha tha. jaise vinay ka javab vinay hai, vaise hi krodh ka javab krodh hai, jab vah atnk aur bhay, adab aur lihaz ke bandhanon ko todakar nikal padata hai. usane bhi raja sahab ko agney netron se dekhakar kaha, ‘main apani ankhon se yah atyachar dekhakar maun nahin rah sakata.‘  ‘tumhen yahan jaban kholane ka koee hak nahin hai.‘ raja sahab ne avesh se khade hokar, mano usaki garadan par savar hote hue kaha,  'pratyek vicharashil manushy ko anyay ke viruddh avaz uthane ka hak hai. ap vah hak mujhase nahin chhin sakate !' 'main sabakuchh kar sakata hoon.' 'ap kuchh nahin kar sakate.' 'main tumhen abhi jel men band kar sakata hoon.' 'ap mera bal bhi banka nahin kar sakate.' isi vakt mi. mehata badahavas-se kamare men aye aur jayakrishn ki or kop-bhari ankhen uthakar bole ‘qrishna, nikal ja yahan se, abhi meri ankhon se door ho ja aur khabaradar ! phir mujhe apani soorat n dikhana. main tujh-jaise kapoot ka munh nahin dekhana chahata. jis thal men khata hai, usi men chhed karata hai, beadab kahin ka ! ab agar jaban kholi, to main tera khoon pi jaoonga.‘ jayakrishn ne hinsa-vikshipt pita ko ghrina ki ankhon se dekha aur akadata hua, garv se sir uthaye, divanakhane ke bahar nikal gaya. raja sahab ne koch par letakar kaha, ‘badamash adami hai, palle sire ka badamash ! main nahin chahata ki aisa khataranak adami ek kshan bhi riyasat men rahe. tum usase jakar kaho, isi vakt yahan se chala jay varana usake hak men achchha n hoga. main keval apaki murauvat se gam kha gaya; nahin to isi vakt isaka maja chakha sakata tha. keval apaki murauvat ne hath pakad liya. apako turant nirnay karana padega, is riyasat ki divani ya ladaka.‘ ‘agar divani chahate ho, to turant use riyasat se nikal do aur kah do ki phir kabhi meri riyasat men panv n rakhe. ladake se prem hai, to aj hi riyasat se nikal jaie. ap yahan se koee chiz nahin le ja sakate, ek paee ki bhi chiz nahin. jo kuchh hai, vah riyasat ki hai. bolie, kya mnjoor hai ?’ mi. mehata ne krodh ke avesh men jayakrishn ko dant to batalayi thi, par yah n samajhe the ki mamala itana tool khinchega. ek kshan ke lie vah sannate men a gaye. sir jhukakar paristhiti par vichar karane lage raja unhen mitti men mila sakata hai. vah yahan bilakul bebas hain, koee unaka sathi nahin, koee unaki phariyad sunanevala nahin. raja unhen bhikhari banakar chhod dega. is apaman ke sath nikale jane ki kalpana karake vah kanp uthe. riyasat men unake bairiyon ki kami n thi. sab-ke-sab moosalon dhol bajayenge. jo aj unake samane bhigi billi bane hue hain, kal sheron ki tarah gurrayenge. phir is umar men ab unhen naukar hi kaun rakhega. nirdayi snsar ke samane kya phir unhen hath phailana padega ? nahin, isase to yah kahin achchha hai ki vah yahin pade rahen. kampit svar men bole main aj hi use ghar se nikal deta hoon, annadata !’ 'aj nahin, isi vakt !' 'isi vakt nikal doonga !' 'hamesha ke lie ?' 'hamesha ke lie.' 'achchhi bat hai, jaie aur adho ghnte ke andar mujhe soochana dijie.' mi. mehata ghar chale, to mare krodh ke unake panv kanp rahe the. deh men ag-si lagi huee thi. is launde ke karan aj unhen kitana apaman sahana pada. gadha chala hai yahan apane samyavad ka rag alapane. ab bachcha ko maloom hoga, jaban par lagam n rakhane ka kya natija hota hai. main kyon usake pichhe gali-gali thokaren khaoon. han, mujhe yah pad aur samman pyara hai. kyon n pyara ho ? isake lie barason ediyan ragadi hain, apana khoon aur pasina ek kiya hai. yah anyay bura zaroor lagata hai; lekin buri lagane ki ek yahi bat to nahin hai ! aur hajaron baten bhi to buri lagati hain. jab kisi bat ka upay mere pas nahin, to is muamale ke pichhe kyon apani zindagi kharab karoon ? unhonne ghar ate-hi-ate pukara –‘zayakrishn !’ sunita ne kaha, ‘zayakrishn to tumase pahale hi raja sahab ke pas gaya tha. tab se yahan kab aya ?’ 'ab tak yahan nahin aya ! vah to mujhase pahale hi chal chuka tha.' vah phir bahar aye aur naukaron se poochhana shooroo kiya. ab bhi usaka pata n tha. mare dar ke kahin chhip raha hoga aur raja ne adha ghnte men ittala dene ka hukm diya hai. yah launda n jane kya karane par laga hua hai. ap to jayaga hi mujhe bhi apane sath le doobega. sahasa ek sipahi ne ek puraja lakar unake hath men rakh diya. achchha, yah to jayakrishn ki likhavat hai. kya kahata hai is durdasha ke bad –‘main is riyasat men ek kshan bhi nahin rah sakata. main jata hoon. apako apana pad aur man apani atma se zyada priy hai, ap khushi se usaka upabhog kijie. main phir apako takaliph dene n aoonga. amman se mera pranam kahiega.‘ mehata ne puraja lakar sunita ko dikhaya aur khinn hokar bole, ‘ise n jane kab samajh ayegi, lekin bahut achchha hua. ab lala ko maloom hoga, duniya men kis tarah rahana chahie. bina thokaren khaye, adami ki ankhen nahin khulatin. main aise tamashe bahut khel chuka, ab is khuraphat ke pichheapana shesh jivan nahin barabad karana chahata aur turant raja sahab ko soochana dene chale. dam-se-dam men sari riyasat men yah samachar phail gaya. jayakrishn apane shil-svabhav ke karan janata men bada priy tha. log bazaron aur chauraston par khade ho-hokar is kand par alochana karane lage aji, vah adaminahin tha, bhaee, use kisi devata ka avatar samajho. maharaj ke pas jakar bedhadak bola, ‘abhi begar band kijie varana shahar men hngama ho jayaga. raja sahab ki to jaban band ho gayi. bagalen jhaaukane lage. sher-hai-sher ! umr to kuchh nahin; par aphat ka parakala hai. aur vah yah begar band karake rahata, hamesha ke lie. raja sahab ko bhagane ki rah n milati. suna, ghighiyane lage the. muda isi bich men divan sahab pahunch gaye aur use desh-nikale ka hukm de diya. yah hukm sunakar usaki ankhon men khoon utar aya tha, lekin bap ka apaman n kiya.‘ 'aise bap ko to goli mar deni chahie. bap hai ya dushman !' 'vah kuchh bhi ho, hai to bap hi.' sunita sare din baithi roti rahi. jaise koee usake kaleje men barchhiyan chubho raha tha. bechara n-jane kahan chala gaya. abhi jalapan tak n kiya tha. choolhe men jay aisa bhog-vilas, jisake pichhe use bete ko tyagana pade. hriday men aisa udveg utha ki isi dam pati aur ghar ko chhodakar riyasat se nikal jay, jahan aise nar-pishachon ka rajy hai. inhen apani divani pyari hai, use lekar rahen. vah apane putr ke sath upavas karegi, par use ankhon se dekhati to rahegi. ekaek vah uthakar maharani ke pas chali ! vah unase phariyad karegi, unhen bhi eeshvar ne balak diye hain. unhen kya ek abhagini mata par daya n avegi ? isake pahale bhi vah kee bar maharani ke darshan kar chuki thi. usaka murajhaya hua man asha se lahalaha utha. lekin ranivas men pahunchi to dekha ki maharani ke tevar bhi badale hue hain. use dekhate hi bolin, ‘tumhara ladaka bada ujadd hai. jara bhi adab nahin. kisase kis tarah bat karani chahie, isaka jara bhi salika nahin. n-jane vishvavidyalay men kya padha karata hai. aj maharaj se ulajh baitha. kahata tha ki begar band kar dijie aur ejent sahab ke svagat-satkar ki koee taiyari n kijie. itani samajh bhi use nahin hai ki is tarah koee raja kai ghnte gaddi par rah sakata hai. ejent bahut bada aphasar n sahi; lekin hai to badashah ka pratinidhi. usaka adar-satkar karana to hamara dharm hai. phir ye begar kis din kam ayenge. unhen riyasat se jagiren mili huee hain. kis din ke lie ? praja men vidroh ki ag bhadakana koee bhale adami ka kam hai ? jis pattal men khao, usi men chhed karo. maharaj ne divan sahab ka mulahaja kiya, nahin to use hirasat men dalava dete ! ab bachcha nahin hai. khasa panch hath ka javan hai. sabakuchh dekhata aur samajhata hai. ham hakimon se bair karen, to kai din nibah ho. usaka kya bigadata hai. kahin sau-pachas ki chakari pa jayaga. yahan to karodon ki riyasat barabad ho jayagi.‘ sunita ne anchal phailakar kaha, maharani bahut saty kahati hain; par ab to usaka aparadh kshama kijie. bechara lajja aur bhay ke mare ghar nahin gaya. n-jane kidhar chala gaya. hamare jivan ka yahi ek avalamb hai, maharani ! ham donon ro-rokar mar jaynge. anchal phailakar apase bhikh mangati hoon, usako kshama-dan dijie. mata ke hriday ko apase zyada aur kaun samajhega; ap maharaj se sipharish kar den ...’ maharani ne apani badi-badi ankhon se usaki or dekha mano vah koee badi anokhi bat kah rahi ho aur apane rnge hue honthon par angoothiyon se jagamagati huee ungali rakhakar bolin, ‘kya kahati ho, sunita devi ! us yuvak ki maharaj se sipharish karoon jo hamari jad khodane par tula hua hai ? astin men sanp paloon ? tum kis munh aisi bat kahati ho ? aur maharaj mujhe kya kahenge ? na, main isake bich men n panoongi. usane jo bij boye hain, unaka vah phal khaye. mera ladaka aisa nalayaq hota, to usaka munh n dekhati. aur tum aise bete ki sipharish karati ho ?’ sunita ne ankhon men ansoo bharakar kaha, ‘maharani, aisi baten apake munh se shobha nahin detin.‘ maharani masanad tekakar uth baithin aur tiraskar-bhare svar men bolin, ‘agar tumane socha tha ki main tumhare ansoo ponchhoongi, to tumane bhool ki. hamare drohi ki sipharish lekar hamare pas ana, isake siva aur kya hai ki tum usake aparadh ko bal-krida samajh rahi ho. agar tumane usake aparadh ki bhishanata ka thik anuman kiya hota, to mere pas kabhi n atin. jisane is riyasat ka namak khaya ho, vah riyasat ke drohi ki pith sahalaye ! vah svayn rajadrohi hai ! isake siva aur kya kahoon ?’ sunita bhi garm ho gayi. putr-sneh myan ke bahar nikal aya. boli, raja ka karttavy keval apane aphasaron ko prasann karana nahin hai. praja ko palane ki zimmedari isase kahin badhakar hai. usi samay maharaj ne kamare men qadam rakha ! rani ne uthakar svagat kiya aur sunita sir jhukaye nispnd khadi rah gayi. raja ne vyngyapoorn muskan ke sath poochha, ‘yah kaun mahila tumhen raja kekarttavy ka upadesh de rahi thi ? rani ne sunita ki or ankh marakar kaha, ‘yah divan sahab ki dharmapatni hain. raja sahab ki tyoriyan chadh gayin. oth chabakar bole, ‘zab man aisi paini chhuri hai, to ladaka kyon n zahar ka bujhaya hua ho. deviji, main tumase yah shiksha nahin lena chahata ki raja ka apani praja ke sath kya dharm hai. yah shiksha mujhe kee pidhiyon se milati chali ayi hai. behatar ho ki tum kisi se yah shiksha prapt kar lo ki svami ke prati usake sevak ka kya dharm hai aur jo namakaharam hai, usake sath svami ko kaisa vyavahar karana chahie.‘ yah kahate hue raja sahab usi unmad ki dasha men bahar chale gaye. mi. mehata ghar ja rahe the, raja sahab ne kathor svar men pukara sunie, ‘mi. mehata ! apake sapoot to vida ho gaye lekin mujhe abhi maloom hua ki apaki deviji rajadroh ke maidan men unase bhi do qadam age hain; balki main to kahoonga, vah keval rekard hai, jisamen deviji ki avaz hi bol rahi hai. main nahin chahata ki jo vyakti riyasat ka snchalak ho, usake saye men riyasat ke vidrohiyon ko ashray mile. ap khud is dosh se mukt nahin ho sakate. yah haragij mera anyay n hoga, yadi main yah anuman kar loon ki ap hi ne yah mantr phoonka hai. mi. mehata apani svamibhakti par yah akshep n sah sake. vyathit knth se bole, ‘yah to main kis jaban se kahoon ki dinabandhu is vishay men mere sath anyay kar rahe hain, lekin main sarvatha nirdosh hoon aur mujhe yah dekhakar du:kh hota hai ki meri vafadari par yon sndeh kiya ja raha hai.‘ 'vafadari keval shabdon se nahin hoti.' 'mera khayal hai ki main usaka praman de chuka.' 'nayi-nayi dalilon ke lie naye-naye pramanon ki zaroorat hai. apake putr ke lie jo dand-vidhan tha, vahi apaki stri ke lie bhi hai. main isamen kisi bhi tarah ka ujr nahin chahata. aur isi vakt is hukm ki tamil honi chahie.' 'lekin dinanath ... ' 'main ek shabd bhi nahin sunana chahata.' 'mujhe kuchh nivedan karane ki agya n milegi ?' 'bilakul nahin, yah mera akhiri hukm hai.' mi. mehata yahan se chale, to unhen sunita par behad gussa a raha tha. in sabhi ko n-jane kya sanak savar ho gayi hai. jayakrishn to khair balak hai, besamajh hai, is budhiya ko kya soojhi. n-jane rani sahab se jakar kya kah ayi. kisi ko mujhase hamadardi nahin, sab apani-apani dhun men mast hain. kis musibat se main apani zindagi ke din kat raha hoon, yah koee nahin samajhata. kitani nirasha aur vipattiyon ke bad yahan jara nishchint hua tha ki in sabhi ne yah naya toofan khada kar diya. nyay aur saty ka thika kya hamin ne liya hai ? yahan bhi vahi ho raha hai, jo sari duniya men ho raha hai ! koee nayi bat nahin hai. snsar men durbal aur daridr hona pap hai. isaki saza se koee bach nahin sakata. baj kabootar par kabhi daya nahin karata. saty aur nyay ka samarthan manushy ki sajjanata aur sabhyata ka ek ang hai. beshak isase koee inkar nahin kar sakata; lekin jis tarah aur sabhi prani keval mukh se isaka samarthan karate hain, kya usi tarah ham bhi nahin kar sakate. aur jin logon ka paksh liya jay, ve bhi to kuchh isaka mahattv samajhen. aj raja sahab inhin begaron se jara hnsakar baten karen, to ve apane sare dukhade bhool jaynge aur ulte hamare hi shatru ban jaynge. shayad sunita maharani ke pas jakar apane dil ka bukhar nikal ayi hai. gadhi yah nahin samajhati ki duniya men kisi tarah man-maryada ka nirvah karate hue zindagi kat lena hi hamara dharm hai. agar bhagy men yash aur kirti badi hoti, to is tarah doosaron ki gulami kyon karata ? lekin samasya yah hai ki ise bhejoon kahan ! maike men koee hai nahin, mere ghar men koee hai nahin. unh ! ab main is chinta men kahan tak maroon ? jahan ji chahe jay, jaisa kiya vaisa bhoge. vah isi kshobh aur glani ki dasha men ghar men gaye aur sunita se bole, ‘akhir tumhen bhi vahi pagalapan soojha, jo us launde ko soojha tha. main kahata hoon, akhir tumhen kabhi samajh ayegi ya nahin ? kya sare snsar ke sudhar ka bida hamin ne uthaya hai ? kaun raja aisa hai, jo apani praja par julm n karata ho, unake svatvon ka apaharan n karata ho. raja hi kyon,’ ham-tum sabhi to doosaron par anyay kar rahe hain. tumhen kya hak hai ki tum darjanon khidamatagar rakho aur unhen jara-jara-si bat par saza do ? nyay aur saty nirarthak shabd hain, jinaki upayogita isake siva aur kuchh nahin ki buddhuon ki gardan mari jay aur samajhadaron ki vah-vah ho. tum aur tumhara ladaka unhin buddhuon men hain. aur isaka dand tumhen bhogana padega. maharaj ka hukm hai ki tum tin ghnte ke andar riyasat se nikal jao nahin to pulis akar tumhen nikal degi. mainne to tay kar liya hai ki raja sahab ki ichchha ke viruddh ek shabd bhi munh se n nikaloonga. nyay ka paksh lekar dekh liya hai. hairani aur apaman ke siva aur kuchh hath n aya. jinaki himayat ki thi, ve aj bhi usi dasha men hain; balki usase bhi aur badatar. main saf kahata hoon ki main tumhari uddandataon ka tavan dene ke lie taiyar nahin. main gupt roop se tumhari sahayata karata rahoonga. isake siva main aur kuchh nahin kar sakata. sunita ne garv ke sath kaha, mujhe tumhari sahayata ki zaroorat nahin. kahin bhed khul jay, to dinabandhu tumhare oopar kop ka bajr gira den. tumhen apana pad aur samman pyara hai, usaka anand se upabhog karo. mera ladaka aur kuchh n kar sakega, to pav-bhar ata to kama hi layega. main bhi dekhoongi ki tumhari svamibhakti kab tak nibhati hai aur kab tak tum apani atma ki hatya karate ho. mehata ne tilamilakar kaha, kya tum chahati ho ki phir usi tarah charon taraph thokaren khata phiroon ? sunita ne ghav par namak chhidaka nahin, kadapi nahin. ab tak to main samajhati thi, tumhen thokaren khane men maja ata hai tatha pad aur adhikar se bhi moolyavanh koee vastu tumhare pas hai, jisaki raksha ke lie tum thokaren khana achchha samajhate ho. ab maloom hua; tumhen apana pad apani atma se bhi priy hai. phir kyon thokaren khao; magar kabhi-kabhi apana kushal-samachar to bhejate rahoge, ya raja sahab ki agya leni padegi ?’ 'raja sahab itane nyay-shoony hain ki mere patr-vyavahar men rok-tok karen ?' 'achchha ! raja sahab men itani adamiyat hai ? mujhe to vishvas nahin ata.' 'tum ab bhi apani galati par lajjit nahin ho ?' 'mainne koee galati nahin ki. main to eeshvar se chahati hoon ki jo mainne aj kiya, vah bar-bar karane ka mujhe avasar mile.' mehata ne aruchi ke sath poochha, tumane kahan jane ka irada kiya hai ?  'jahannum men !' 'galati ap karati ho, gussa mujh par utarati ho ?' 'main tumhen itana nirlajj n samajhati thi !' 'main bhi isi shabd ka tumhare lie prayog kar sakata hoon.' 'keval mukh se, man se nahin.' mi. mehata lajjit ho gaye. jab sunita ki vidaee ka samay aya, to stri-purush donon khoob roye aur ek tarah se sunita ne apani bhool svikar kar li. vastav men in bekari ke dinon men mehata ne jo kuchh kiya, vahi uchit tha, bechare kahan mare-mare phirate. politikal ejent sahab padhare aur kee dinon tak khoob davaten khayin aur khoob shikar khela. raja sahab ne unaki tariph ki. unhonne raja sahab ki tariph ki. raja sahab ne unhen apani layalati ka vishvas dilaya, unhonne satiya rajy ko adarsh kaha, aur raja sahab ko nyay aur seva ka avatar svikar kiya aur tin din men riyasat ko dhaee lakh ki chapat dekar vida ho gaye ! mi. mehata ka dimag asaman par tha. sabhi unaki karagujari ki prashnsa kar rahe the. ejent sahab to unaki dakshata par mugdha ho gaye. unhen 'ray sahab' ki upadhi mili aur unake adhikaron men bhi vriddhi huee. unhonne apani atma ko uthakar tak par rakh diya tha. unaki yah sadhana ki maharaj aur ejent donon unase prasann rahen, sampoorn riti se poori ho gayi. riyasat men aisa svamibhakt sevak doosara n tha. raja sahab ab kam-se-kam tin sal ke lie nishchint the. ejent khush hai, to phir kisaka bhay ! kamukata, lampatata aur bhanti-bhanti ke durvyasanon ki lahar prachand ho uthi. sundariyon ki toh lagane ke lie surag-rasanon ka ek vibhag khul gaya, jisaka sambandh sidhe raja sahab se tha. ek boodha khurrat, jisaka pesha himalay ki pariyon ko phnsakar rajaon ko lootana tha aur jo isi peshe ki badaulat rajadarabaron men pooja jata tha, is vibhag ka adhayaksh bana diya gaya. nayi-nayi chidiyan ane lagin. bhay, lobh aur samman sabhi astron se shikar khela jane laga; lekin ek aisa avasar bhi pada, jahan is tikadam ki sari samoohik aur vaiyaktik cheshtaen nishphal ho gayin aur gupt vibhag ne nishchay kiya ki is balika ko kisi tarah uda laya jay. aur is mahattvapoorn kary ke sampadan ka bhar mi. mehata par rakha gaya, jinase zyada svamibhakt sevak riyasat men doosara n tha. unake oopar maharaja sahab ko poora vishvas tha. doosaron ke vishay men sandeh tha ki kahin rishvat lekar shikar bahaka den, ya bhandaphod kar den, ya amanat men khayanat kar baithen. mehata ki or se kisi tarah ki un baton ki shnka n thi. rat ke nau baje unaki talabi huee annadata  ne huzoor ko yad kiya hai. mehata sahab dayodhi par pahunche, to raja sahab paeebag men tahal rahe the. mehata ko dekhate hi bole aie mi. mehata, apase ek khas bat men salah leni hai. yahan kuchh logon ki ray hai ki sinhadvar ke samane apaki ek pratima sthapit ki jay, jisase chirakal tak apaki yadagar qayam rahe. apako to shayad isamen koee apatti n hogi. aur yadi ho bhi to log is vishay men apaki avgya karane par bhi taiyar hain. satiya ki apane jo amooly seva ki hai, usaka puraskar to koee kya de sakata hai, lekin janata ke hriday men apase jo shraddha hai, use to vah kisi-n-kisi roop men prakat hi karegi. mehata ne badi namrata se kaha, yah annadata  ki gun grahakata hai, main to ek tuchchh sevak hoon. mainne jo kuchh kiya, yah itana hi hai ki namak ka hak ada karane ka sadaiv prayatn kiya, magar main is samman ke yogy nahin hoon. raja sahab ne kripalu bhav se hnsakar kaha, ap yogy hain ya nahin isaka nirnay apake hath men nahin hai mi. mehata, apaki divani yahan n chalegi. ham apaka samman nahin kar rahe hain; apani bhakti ka parichay de rahe hain. thode dinon men n ham rahenge, n ap rahenge, us vakt bhi yah pratima apani mook vani se kahati rahegi ki pichhale log apane uddharakon ka adar karana janate the. mainne logon se kah diya hai ki chanda jama karen. ejent ne abaki jo patr likha hai, usamen apako khas taur se salam likha hai.‘ mehata ne zamin men gadakar kaha, ‘yah unaki udarata hai, main to jaisa apaka sevak hoon, vaisa hi unaka bhi sevak hoon.‘ raja sahab kee minat tak phoolon ki bahar dekhate rahe. phir is tarah bole, mano koee bhooli huee bat yad a gee ho, ‘tahasil khas men ek ganv laganapur hai, ap kabhi vahan gaye hain ?’ 'han annadata  ! ek bar gaya hoon, vahan ek dhani sahookar hai. usi ke divanakhane men thahara tha. achchha adami hai.' 'han, oopar se bahut achchha adami hai; lekin andar se pakka pishach.‘ apako shayad maloom n ho, idhar kuchh dinon se maharani ka svasthy bahut bigad gaya hai aur main soch raha hoon ki unhen kisi sainetoriyam men bhej doon.‘ vahan sab tarah ki chintaon evn jhnjhaton se mukt hokar vah aram se rah sakengi, lekin ranivas men ek rani ka rahana lajimi hai ! aphasaron ke sath unaki lediyan bhi ati hain, aur bhi kitane angrez mitr apani lediyon ke sath mere mehaman hote rahate hain. kabhi raje-maharaje bhi raniyon ke sath a jate hain. rani ke bagair lediyon ka adar-satkar kaun karega ? mere lie yah vaiyaktik prashn nahin, rajanitik samasya hai, aur shayad ap bhi mujhase sahamat honge, isalie mainne doosari shadi karane ka irada kar liya hai. us sahookar ki ek ladaki hai, jo kuchh dinon ajamer men shiksha pa chuki hai. main ek bar us ganv se hokar nikala, to mainne use apane ghar ki chhat par khadi dekha. mere man men turant bhavana uthi ki agar yah ramani ranivas men a jay, to ranivas ki shobha badh jay. mainne maharani ki anumati lekar sahookar ke pas sandesha bheja, kintu mere drohiyon ne use kuchh aisi patti padha di ki usane mera sandesha svikar n kiya. kahata hai, kanya ka vivah ho chuka hai. mainne kahala bheja, isamen koee hani nahin, main tavan dene ko taiyar hoon, lekin vah dusht barabar inkar kiye jata hai. ap janate hain; prem asadhy rog hai. apako bhi shayad isaka kuchh-n-kuchh anubhav ho. bas, yah samajh lijie ki jivan niranand ho raha hai. nind aur aram haram hai. bhojan se aruchi ho gayi hai. agar kuchh din yahi hal raha, to samajh lijie ki meri jan par ban ayegi. sote-jagate vahi moorti ankhon ke samane nachati rahati hai. man ko samajhakar har gaya aur ab vivash hokar mainne kootaniti se kam lene ka nishchay kiya hai. prem aur samar men sabakuchh kshamy hai. main chahata hoon, ap thode-se matabar adamiyon ko lekar jayn aur us ramani ko kisi tarah le ayen. khushi se aye khushi se, bal se aye bal se, isaki chinta nahin. main apane rajy ka malik hoon. isamen jis vastu par meri ichchha ho, us par kisi doosare vyakti ka naitik ya samajik svatv nahin ho sakata. yah samajh lijie ki ap hi mere pranon ki raksha kar sakate hain. koee doosara aisa adami nahin hai, jo is kam ko itane sucharu roop se poora kar dikhaye. apane rajy ki badi-badi sevaen ki hain. yah us ygy ki poornahuti hogi aur ap janm-janmantar tak rajavnsh ke ishtadev samajhe jaynge.' mi. mehata ka mara hua atm-gaurav ekaek sachet ho gaya. jo rakt chirakal se pravah shoony ho gaya tha, usamen sahasa udrek ho utha. tyoriyan chadhakar bole to ap chahate hain, ‘main use kidanaip karoon ?’ raja sahab ne unake tevar dekhakar ag par pani dalate hue kaha, ‘qadapi nahin mi. mehata, ap mere sath ghor anyay kar rahe hain ! main apako apana pratinidhi banakar bhej raha hoon. kary-siddhi ke lie ap jis niti se chahen,kam le sakate hain. apako poora adhikar hai.‘ mi. mehata ne aur bhi uttejit hokar kaha, ‘mujhase aisa pajipan nahin ho sakata hai.‘ raja sahab ki ankhon se chinagariyan nikalane lagin. 'apane svami ki agya ka palan karana pajipan hai ?' 'jo agya niti aur dharm ke viruddh ho usaka palan karana beshak pajipan hai.' 'kisi stri se vivah ka prastav karana niti aur dharm ke viruddh hai ?' 'ise ap vivah kahakar 'vivah' shabd ko kalnkit karate hain. yah balatkar hai !' 'ap apane hosh men hain ?' 'khoob achchhi tarah ?' 'main apako dhool men mila sakata hoon !' 'to apaki gaddi bhi salamat n rahegi !' 'meri nekiyon ka yahi badala hai, namakaharam ?' 'ap ab shishtata ki sima se age badhe ja rahe hain, raja sahab ! mainne ab tak apani atma ki hatya ki hai aur apake har ek ja aur beja hukm ki tamil ki hai; lekin atmaseva ki bhi ek had hoti hai, jisake age koee bhala adami nahin ja sakata. apaka yah krity jaghany hai aur isamen jo vyakti apaka sahayak ho, vah isi yogy hai ki usaki gardan kat li jay. main aisi naukari par lanat bhejata hoon.' yah kahakar vah ghar aye aur raton-rat boriya-bakacha sametakar riyasat se nikal gaye; magar isake pahale sara vrittant likhakar unhonne ejent ke pas bhej diya.

tika tippani aur sndarbh


bahari kadiyan

snbndhit lekh


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah