दो कब्रें -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

ab n vah yauvan hai, n vah nasha, n vah unmad. vah mahaphil uth gee, vah dipak bujh gaya, jisase mahaphil ki raunak thi. vah premamoorti qabr ki god men so rahi hai. han, usake prem ki chhap ab bhi hriday par hai aur usaki amar smriti ankhon ke samane. viranganaon men aisi vapha, aisa prem, aisa vrat durlabh hai aur reeson men aisa vivah, aisa samarpan, aisi bhakti aur bhi durlabh. kunvar ranavirasinh roj bila naga sndhya samay juhara ki qabr ke darshan karane jate, use phoolon se sajate, ansuon se sinchate. pndrah sal gujar gaye, ek din bhi naga nahin hua. prem ki upasana hi unake jivan ka uddeshy tha, us prem ka jisamen unhonne jo kuchh dekha vahi paya aur jo kuchh anubhav kiya, usi ki yad ab bhi unhen mast kar deti hai. is upasana men sulochana bhi unake sath hoti, jo juhara ka prasad aur kunvar sahab ki sari abhilashaon ka kendr thi.

kunvar sahab ne do shadiyan ki thin, par donon striyon men se ek bhi sntan ka munh n dekh saki. kunvar sahab ne phir vivah n kiya. ek din ek mahaphil men unhen juhara ke darshan hue. us nirash pati aur atript yuvati men aisa mel, mano chirakal se bichhude hue do sathi phir mil gaye hon.

jivan ka basant vikas sngit aur saurabh se bhara hua aya magar afasos ! panch varshon ke alpakal men usaka bhi ant ho gaya. vah madhur svapn nirasha se bhari huee jagriti men lin ho gaya. vah seva aur vrat ki

devi tin sal ki sulochana ko unaki god men saunpakar sada ke lie sidhar gee. kunvar sahab ne is premadesh ka itane anurag se palan kiya ki dekhanevalon ko ashchary hota tha. kitane hi to unhen pagal samajhate the.

sulochana hi ki nind sote, usi ki nind jagate, khud padhate, usake sath sair karate itani ekagrata ke sath, jaise koee vidhava apane anath bachche ko pale.

jab se vah yoonivarsiti men dakhil huee, use khud motar men pahuncha ate aur sham ko khud jakar le ate. vah usake mathe par se vah kalnk dho dalana chahate the, jo mano vidhata ne kroor hathon se laga diya tha. dhan to

use n dho saka, shayad vidya dho dale. ek din sham ko kunvar sahab juhara ke majar ko phoolon se saja rahe

the aur sulochana kuchh door par khadi apane kutte ko gend khila rahi thi ki sahasa usane apane kalej ke prophesar daktar ramendr ko ate dekha. sakuchakar munh pher liya, mano unhen dekha nahin. shnka huee kahin ramendr is majar ke vishay men kuchh poochh n baithen.

yoonivarsiti men dakhil hue use ek sal hua. is ek sal men usane pranay ke vividha roopon ko dekh liya tha. kahin krida thi, kahin vinod tha, kahin kutsa thi, kahin lalasa thi, kahin uchchhrinkhalata thi, kintu kahin vah sahridayata n thi, jo prem ka mool hai. keval ramendr hi ek aise sajjan the, jinhen apani or takate dekhakar usake hriday men sanasani hone lagati thi; par unaki ankhon men kitani vivashata, kitani parajay, kitani vedana chhipi hoti thi ! ramendr ne kunvar sahab ki or dekhakar kaha, tumhare baba is qabr par kya kar rahe hain ?

sulochana ka chehara kanon tak lal ho gaya. boli, ‘yah inaki purani adat hai.‘

ramendr –‘qisi mahatma ki samadhi hai ?’

sulochana ne is saval ko uda dena chaha. ramendr yah to janate the ki sulochana kunvar sahab ki dashta aurat ki ladaki hai; par unhen yah n maloom tha ki yah usi ki qabr hai aur kunvar sahab atit-prem ke itane

upasak hain. magar yah prashn unhonne bahut dhime svar men n kiya tha. kunvar sahab joote pahan rahe the. yah prashn unake kan men pad gaya. jaldi se joota pahan liya aur samip jakar bole –‘snsar ki ankhon men to vah mahatma n thi; par meri ankhon men thi aur hai. yah mere prem ki samadhi hai.‘

sulochana ki ichchha hoti thi, yahan se bhag jaoon; lekin kunvar sahab ko juhara ke yashogan men atmik anand milata tha. ramendr ka vismay dekhakar bole isamen vah devi so rahi hai, jisane mere jivan ko svarg bana diya tha. yah sulochana usi ka prasad hai.‘

ramendr ne qabr ki taraph dekhakar ashchary se kaha, ‘achchha !’

kunvar sahab ne man men us prem ka anand uthate hue kaha, ‘vah jivan hi aur tha, prophesar sahab. aisi tapasya mainne aur kahin nahin dekhi. apako phurasat ho, to mere sath chalie. apako un yauvan-smritiyon ...

sulochana bol uthi, ‘ve sunane ki chiz nahin hain, dada !’

kunvar –‘main ramendr baboo ko gair nahin samajhata.‘

ramendr ko prem ka yah alaukik roop manovigyan ka ek ratn-sa maloom hua. vah kunvar sahab ke sath hi unake ghar aye aur kee ghnte tak un hasarat men doobi huee prem-smritiyon ko sunate rahe. jo varadan mangane ke lie unhen sal bhar se sahas n hota tha, dubidha men padakar rah jate the, vah aj unhonne mang liya.

lekin vivah ke bad ramendr ko naya anubhav hua. mahilaon ka ana-jana pray: bnd ho gaya. isake sath hi mard doston ki amadarapht badh gee. din bhar unaka tanta laga rahata tha. sulochana unake adar-satkar men lagi rahati. pahale ek-do mahine tak to ramendr ne idhar dhyan nahin diya; lekin jab kee mahine gujar gaye aur striyon ne bahishkar ka tyag n kiya to unhonne ek din sulochana se kaha, ‘yah log ajakal akele hi ate hain !’

sulochana ne dhire se kaha, ‘han, dekhati to hoon.‘

ramendr –‘inaki auraten to tumase parahej nahin karatin ?’

sulochana –‘shayad karati hon.‘

ramendr –‘magar ve log to vicharon ke bade svadhin hain. inaki auraten bhi shikshit hain, phir yah kya bat hai ?’

sulochana ne dabi jaban se kaha, ‘meri samajh men kuchh nahin ata.‘

ramendr ne kuchh der asamnjas men padakar kaha, ‘ham log kisi doosari jagah chale jayn, to kya harj ? vahan to koee hamen n janata hoga.‘

sulochana ne abaki tivr svar men kaha, ‘doosari jagah kyon jayen. hamane kisi ka kuchh bigada nahin hai, kisi se kuchh mangate nahin. jise ana ho aye, n ana ho n aye. munh kyon chhipayen.‘

dhire-dhire ramendr par ek aur rahasy khulane laga, jo mahilaon ke vyavahar se kahin adhik ghrinaspad aur apamanajanak tha. ramendr ko abamaloom hone laga ki ye mahashay jo ate hain aur ghnton baithe samajik aur rajanitik prashnon par bahasen kiya karate hain, vastav men vichar-vinimay ke lie nahin balki roop ki upasana ke lie ate hain. unaki ankhen sulochana ko khojati rahati hain. unake kan usi ki baton ki or lage rahate hain. usaki roop-madhuri ka annd uthana hi unaka abhisht hai. yahan unhen vah snkoch nahin hota, jo kisi bhale adami ki bahoo-beti ki or ankhen nahin uthane deta. shayad ve sochate hain, yahan unhen koee rok-tok nahin hai.

kabhi-kabhi jab ramendr ki anupasthiti men koee mahashay a jate, to sulochana ko badi kathin pariksha ka samana karana padata. apani chitavanon se, apane kutsit snketon se, apani rahasyapoorn baton se, apani lambi sanson se use dikhana chahate the, ki ham bhi tumhari kripa ke bhikhari hain. agar ramendr ka tum par solahon ana adhikar hai, to thodi-si dakshina ke adhikari ham bhi hain. sulochana us vakt zahar ka ghoont pikar rah jati. ab tak ramendr aur sulochana donon klab jaya karate the. vahan udar sajjanon ka achchha jamaghat rahata tha. jab tak ramendr ko kisi ki or sndeh n tha, vah use agrah karake apane sath le jate the. sulochana ke pahunchate hi yahan ek sphoorti-si utpann ho jati thi. jis mej par sulochana baithati, use log gher lete the. kabhi-kabhi sulochana gati thi. us vakt sab-ke-sab unmatt ho jate.

klab men mahilaon ki snkhya adhik n thi. mushkil se panch-chh: lediyan ati thin; magar ve bhi sulochana se door-door rahati thin, balki apani bhav-bhngimaon aur katakshon se ve use jata dena chahati thin ki tum purushon

ka dil khush karo, ham kul-vadhuon ke pas tum nahin a sakatin. lekin jab ramendr par is katu saty ka prakash hua, to unhonne klab jana chhod diya, mitron ke yahan ana-jana bhi kam kar diya aur apane

yahan anevalon ki bhi upeksha karane lage. vah chahate the ki mere ekantavas men koee vighn n dale. akhir unhonne bahar ana-jana chhod diya. apane charon or chhal-kapat ka jal-sa bichha hua maloom hota tha, kisi par vishvas n kar sakate the, kisi se sadvyavahar ki asha nahin. sochate aise dhoort, kapati, dosti ki ad men gala katanevale adamiyon se milen hi kyon ? ve svabhav se milanasar adami the. pakke yarabash. yah ekantavas jahan n koee sair thi, n vinod, n koee chahal-pahal, unake lie kathin karavas se kam n tha. yadyapi karm aur vachan se sulochana ki dilajoee karate rahate the; lekin sulochana ki sookshm aur sashnk ankhon se ab yah bat chhipi n thi ki yah avastha inake lie din-din asahy hoti jati thi. vah dil

men sochati inaki yah dasha mere hi karan to hai, main hi to inake jivan ka kanta ho gee !

ek din usane ramendr se kaha, ‘ajakal klab kyon nahin chalate ? kee saptah hue ghar se nikalate tak nahin.

ramendr ne bedili se kaha, mera ji kahin jane ko nahin chahata. apana ghar sabase achchha hai.‘

sulochana—‘zi to oobata hi hoga. mere karan yah tapasya kyon karate ho ? main to n jaoongi. un striyon se mujhe ghrina hoti hai. unamen ek bhi aisi nahin, jisake daman par kale dag n hon; lekin sab sita bani phirati

hain. mujhe to unaki soorat se chidh ho gee hai. magar tum kyon nahin jate ? kuchh dil hi bahal jayaga.‘

ramendr –‘dil nahin patthar bahalega. jab andar ag lagi huee ho, to bahar shanti kahan ?’

sulochana chaunk padi. aj pahali bar usane ramendr ke munh se aisi bat suni. vah apane hi ko bahishkrit samajhati thi. apana anadar jo kuchh tha, usaka tha. ramendr ke lie to ab bhi sab daravaze khule hue the. vah

jahan chahen ja sakate hain, jinase chahen, mil sakate hain, unake lie kaun-si rukavat hai. lekin nahin, agar unhonne kisi kulin stri se vivah kiya hota, to unaki yah dasha kyon hoti ? pratishthit gharanon ki auraten atin,

apas men maitri badhati, jivan sukh se katata; resham ka paiband lag jata. ab to usamen tat ka paiband lag gaya. mainne akar sare talab ko gnda kar diya. usake mukh par udasi chha gee. ramendr ko bhi turant maloom ho gaya ki unaki jaban se ek aisi bat nikal gee jisake do arth ho sakate hain.

unhonne phauran bat banaee –‘kya tum samajhati ho ki ham aur tum alag-alag hain. hamara aur tumhara jivan

ek hai. jahan tumhara adar nahin vahan main kaise ja sakata hoon. phir mujhe bhi samaj ke in rage siyaron se ghrina ho rahi hai. main in sabon ke kachche chitthe janata hoon. pad ya upadhi ya dhan se kisi ki atma shuddh nahin ho jati. jo ye log karate hain, vah agar koee niche daraje ka adami karata, use kahin munh dikhane ki himmat n hoti. magar yah log apani sari buraiyan udaratavad ke parde men chhipate hain. in logon se door rahana hi achchha.‘

sulochana ka chitt shant ho gaya.

doosare sal sulochana ki god men ek chand-si balika ka uday hua. usaka nam rakkha gaya shobha. kunvar sahab ka svasthy in dinon kuchh achchha n tha. mnsoori gaye the. yah khabar pate hi ramendr ko tar diya ki jachcha aur bachcha ko lekar yahan a jao. lekin ramendr is avasar par n jana chahate the. apane mitron ki

sajjanata aur udarata ki antim pariksha lene ka isase achchha aur kaun-sa avasar ho sakata tha. salah huee, ek shanadar davat di jay. program men sngit bhi shamil tha. kee achchhe-achchhe gavaiye bulaye gaye. angreji, hindustani, musalamani sabhi prakar ke bhojanon ka prabandh kiya gaya. kunvar sahab girate-padate mnsoori se aye. usi din davat thi. niyat samay par nimntrit log ek-ek karake ane lage. kunvar sahab svayn unaka svagat kar rahe the. khan sahab aye, mirja sahab aye, mir sahab aye; magar pnditaji aur babooji aur lala sahab aur chaudhari sahab aur kakkad, mehara aur chopada, kaul aur hukkoo, shrivastav aur khare kisi ka pata n tha. yah sabhi log hotalon men sabakuchh khate the, ande aur sharab udate the is vishay men kisi tarah ka vivek ya vichar n karate the. phir aj kyon tashariph nahin laye ? isalie nahin ki chhoot-chhat ka vichar tha; balki isalie ki vah apani upasthiti ko is vivah ke samarthan ki sanad samajhate the aur

vah sanad dene ki unaki ichchha n thi.

das baje rat tak kunvar sahab phatak par khade rahe. jab us vakt tak koee n aya, to kunvar sahab ne akar ramendr se kaha, ‘ab logon ka intajar phajool hai. musalamanon ko khila do aur baki saman garibon

ko dila do.‘ ramendr ek kursi par hatbudhdi-se baithe hue the.

kunthit svar men bole, ‘zi han, yahi to main soch raha hoon.‘

kunvar mainne to pahale hi samajh liya tha. hamari tauhin nahin huee. khud un logon ki kalee khul gee.‘

ramendr –‘khair, pariksha to ho gee. kahie to abhi jakar ek-ek ki khabar loon.‘

kunvar sahab ne vismit hokar kaha, ‘kya unake ghar jakar ?’

ramendr –‘zi han. poochhoon ki ap log jo samaj-sudhar ka rag alapate phirate hain, vah kis bal par ?’

kunvar –‘vyarth hai. jakar aram se leto. nek aur bad ki sabase badi pahachan apana dil hai. agar hamara dil gavahi de ki yah kam bura nahin to phir sari duniya munh pher le, hamen kisi ki paravah n karani chahie.‘

ramendr –‘lekin main in logon ko yon n chhodoonga ek-ek ki bakhiya udhodakar n rakh doon to nam nahin.‘

yah kahakar unhonne pattal aur sakore uthava-uthavakar kngalon ko dena shuroo kiya. ramendr sair karake laute hi the ki veshyaon ka ek dal sulochana ko badhaee dene ke lie a pahuncha. juhara ki ek sagi bhatiji thi, gulanar. sulochana ke yahan pahale barabar ati-jati thi. idhar do sal se n aee thi. yah usi ka badhava tha. daravaze par achchhi-khasi bhid ho gee thi. ramendr ne yah shoragul suna, gulanar ne age badhakar unhen salam kiya aur

boli, ‘babooji, beti mubarak, badhava laee hoon.‘

ramendr par mano lakava-sa gir gaya. sir jhuk gaya aur chehare par kalima-si put gee. n munh se bole, n kisi ko baithane ka ishara kiya, n vahan se hile. bas moortivath khade rah gaye. ek bazari aurat se nata

paida karane ka khyal itana lajjaspad tha, itana jaghany ki usake samane sajjanata bhi maun rah gee. itana shishtachar bhi n kar sake ki sabon ko kamare men le jakar bitha to dete. aj pahali hi bar unhen apane adh:patan ka anubhav hua. mitron ki kutilata aur mahilaon ki upeksha ko vah unaka anyay samajhate the, apana apaman nahin, lekin yah badhava unaki abadh udarata ke lie bhi bhari tha. sulochana ka jis vatavaran men palan-poshan hua tha, vah ek pratishthit hindoo kul ka vatavaran tha. yah sach hai ki ab bhi sulochana nity juhara ke majar ki parikrama karane jati thi; magar juhara ab ek pavitr smriti thi, duniya ki malinataon aur kalushataon se rahit. gulanar se natedari aur paraspar ka nibah doosari bat thi. jo log tasaviron ke samane sir jhukate hain, un par phool chadhate hain, ve bhi to moorti-pooja ki ninda karate hain. ek spasht hai, doosara sanketik. ek pratyaksh hai, doosara ankhon se chhipa hua.


sulochana apane kamare men chik ki ad men khadi ramendr ka asamnjas aur kshobh dekh rahi thi. jis samaj ko usane apana upasy banana chaha tha, jisake dvar par sijade karate use barason ho gaye the, usaki taraph se nirash hokar, usaka hriday is samay usase vidroh karane par tula hua tha. usake ji men ata tha gulanar ko bulakar gale laga loon ? jo log meri bat bhi nahin poochhate, unaki khushamad kyon karoon ? yah bechariyan itani door se aee hain mujhe apana hi samajhakar to. unake dil men prem to hai, yah mere du:kh-sukh men sharik hone ko taiyar to hain. akhir ramendr ne sir uthaya aur shushk muskan ke sath gulanar se

bole –‘aie, ap log andar chali aie. yah kahakar vah age-age rasta dikhate hue divanakhane ki or chale ki sahasa mahari nikali aur gulanar ke hath men ek purja dekar chali gayi. gulanar ne vah purja lekar dekha aur use ramendr ke hath men dekar vahin khadi ho gee. ramendr ne purja dekha, likha tha,--‘bahan gulanar, tum yahan nahak aee. ham log yon hi badanam ho rahe hain. ab aur badanam mat karo, badhava vapas le jao. kabhi milane ka ji chahe, rat ko ana aur akeli. mera ji tumase gale lipatakar rone ke lie tadap raha hai magar majaboor hoon.‘

ramendr ne purja phadakar phenk diya aur uddand hokar bole, ‘inhen likhane do. main kisi se nahin darata. andar ao.‘

gulanar ne ek qadam pichhe phirakar kaha, ‘nahin babooji, ab hamen agya dijie.‘

ramendr –‘ek minat to baitho.‘

gulanar –‘zi nahin. ek sekind bhi nahin.‘

gulanar ke chale jane ke bad ramendr apane kamare men ja baithe. jaisi parajay unhen aj huee, vaisi pahale kabhi nahin huee. vah atmabhiman, vah sachcha krodh, jo anyay ke gyan se paida hota hai, lupt ho gaya tha. usaki jagah lajja thi aur glani. ise badhave ki kyon soojh gee. yon to kabhi ati-jati n thi, aj n jane kahan se phat padi. kunvar sahab honge itane udar. unhonne juhara ke natedaron se bhaeechare ka nibah kiya hoga, main itana udar nahin hoon. kahin sulochana chhipakar isake pas ati-jati to nahin ! likha bhi to hai ki milane ka ji chahe, to rat ko ana aur akeli kyon n ho, khoon to vahi hai, manovritti vahi, vichar vahi, adarsh vahi. mana, kunvar sahab ke ghar men palan-poshan hua; magar rakt ka prabhav itani jaldi nahin mit sakata. achchha, donon bahanen milati hongi to unamen kya baten hoti hongi ? itihas ya niti ki charcha to ho nahin sakati. vahi nirlajjata ki baten hoti hongi. gulanar apana vrittant kahati hogi, us bazar ke kharidaron aur dookanadaron

ke gun-doshon par bahas hoti hogi. yah to ho hi nahin sakata ki gulanar isake pas ate hi apane ko bhool jay aur koee bhaddi, anargal aur kalushit baten n kare. ek kshan men unake vicharon ne palata khaya magar adami bina kisi se mile-jule rah bhi to nahin sakata, yah bhi to ek tarah ki bhookh hai. bhookh men agar shuddh bhojan n mile, to adami jootha khane se bhi parahej nahin karata. agar in logon ne sulochana ko apanaya hota, usaka yon bahishkar n karate, to use kyon aise praniyon se milane ki ichchha hoti. usaka koee dosh nahin, yah sara dosh paristhitiyon ka hai, jo hamare atit ki yad dilati rahati hain. ramendr inhin vicharon men pade hue the ki kunvar sahab a pahunche aur katu svar men bole, ‘mainne suna gulanar abhi badhava laee thi, tumane use lauta

diya.‘

ramendr ka virodh sajiv ho utha. bole –‘mainne to nahin lautaya, sulochana ne lautaya. par mere khyal men achchha kiya.‘

kunvar –‘to yah kaho tumhara ishara tha. tumane in patiton ko apani or khinchane ka kitana achchha avasar hath se kho diya hai ! sulochana ko dekhakar jo kuchh asar pada, vah tumane mita diya. bahut snbhav tha ki ek

pratishthit adami se nata rakhane ka abhiman usake jivan men ek naye yug ka arambh karata, magar tumane in baton par jara bhi dhyan n diya.‘

ramendr ne koee javab n diya. kunvar sahab jara uttejit hokar bole, ‘ap log yah kyon bhool jate hain ki harek buraee majaboori se hoti hai. chor isalie chori nahin karata ki chori men use vishesh anand ata hai; balki

keval isalie ki zaroorat use majaboor kar deti hai. han, vah zaroorat vastavik hai ya kalpanik isamen matabhed ho sakata hai. stri ke maike jate samay koee gahana banavana ek adami ke lie zaroori ho sakata hai. doosare ke lie bilakul gair zaroori. kshudha se vyathit hokar ek adami apana eeman kho sakata hai, doosara mar jayaga par kisi ke samane hath n phailayega, par prakriti ka yah niyam ap jaise vidvanon ko n bhoolana chahie ki jivan-lalasa pranimatr men vyapak hai. jinda rahane ke lie adami sabakuchh kar sakata hai. jinda rahana

jitana hi kathin hoga, buraiyan bhi usi matr men badhengi, jitana hi asan hoga utani hi buraiyan kam hongi. hamara yah pahala sidhdant hona chahie ki jinda rahana harek ke lie sulabh ho. ramendr baboo, apane is vakt in logon ke sath vahi vyavahar kiya jo doosare apake sath kar rahe hain aur jisase ap bahut du:khi hain.‘

ramendr ne is lnbe vyakhyan ko is tarah suna, jaise koee pagal bak raha ho. is tarah ki dalilon ka vah khud kitani hi bar samarthan kar chuke the; par dalilon se vyathit ang ki pida nahin shant hoti. patit striyon ka natedar ki haisiyat se dvar par ana itana apamanajanak tha ki ramendr kisi dalil se parabhoot hokar use bhool n sakate the.

bole –‘main aise praniyon se koee snbndh nahin rakhata. yah vish apane ghar men nahin phailana chahata !’

sahasa sulochana bhi kamare men a gee. prasavakal ka asar abhi baki tha; par uttejana ne chehare ko arakt kar rakha tha. ramendr sulochana ko dekhakar tej ho gaye. vah use jata dena chahate the ki is vishay men main ek rekha

tak ja sakata hoon, usake age kisi tarah nahin ja sakata.

bole, ‘main yah kabhi pasnd n karoonga ki koee bazari aurat kisi bhesh men mere ghar aye. rat ko akele ya soorat badalakar ane se is buraee ka asar nahin mit sakata. main samaj ke dnd se nahin darata, is naitik vish se darata hoon.‘

sulochana apane vichar men maryada-raksha ke lie kafi atmasamarpan kar chuki thi. usaki atma ne abhi tak use kshama n kiya tha. tivr svar men boli, ‘kya tum chahate ho ki main is kaid men akele jan de doon ! koee

to ho jisase adami hnse, bole !’

ramendr ne garm hokar kaha, ‘hnsane-bolane ka itana shauq tha, to mere sath vivah n karana chahie tha. vivah ka bndhan badi had tak tyag ka bndhan hai. jab tak snsar men is vidhan ka rajy hai aur stri kulamaryada

ki rakshak samajhi jati hai, us vakt tak koee mard yah svikar n karega ki usaki patni bure acharan ke praniyon se kisi prakar ka snsarg rakkhe.‘

kunvar sahab samajh gaye ki is vad-vivad se ramendr aur bhi zid pakad lenge aur mukhy vishay lupt ho jayaga, isalie namr svar men bole, ‘lekin beta, yah kyon khyal karate ho ki oonche daraje ki padhi-likhi stri doosaron ke prabhav men a jayagi, apana prabhav n dalegi ?’

ramendr, ‘is vishay men shiksha par mera vishvas nahin. shiksha aisi kitani baton ko manati hai, jo riti-niti aur parnpara ki drishti se tyajy hain. agar panv phisal jay to ham use katakar phenk nahin dete. par main is ke samane sir jhukane ko taiyar nahin hoon. main spasht kah dena chahata hoon ki mere sath rahakar purane snbndhon ka tyag karana padega ! itana hi nahin, man ko aisa bana lena padega ki aise logon se use khud ghrina ho. hamen is tarah

apana snskar karana padega ki samaj apane anyay par lajjit ho, n yah ki hamare acharan aise bhrasht ho jayn ki doosaron ki nigah men yah tiraskar auchity ka sthan pa jay.

sulochana ne uddhat hokar kaha, stri isake lie majaboor nahin hai ki vah apaki ankhon se dekhe aur apake kanon se sune. use yah nishchay karane ka adhikar hai ki kaun-si chiz usake hit ki hai, kaun-si nahin.‘

kunvar sahab bhayabhit hokar bole, ‘sillo, tum bhooli jati ho ki batachit men hamesha mulayam shabdon ka vyavahar karana chahie. ham jhagada nahin kar rahe hain, keval ek prashn par apane-apane vichar prakat kar rahe hain.

sulochana ne nirbhikata se kaha, ‘zi nahin, mere lie bediyan taiyar ki ja rahi hain. main in bediyon ko nahin pahan sakati. main apani atma ko utana hi svadhin samajhati hoon, jitana koee mard samajhata hai.‘

ramendr ne apani kathorata par kuchh lajjit hokar kaha, ‘mainne tumhari atma ki svadhinata ko chhinane ki kabhi ichchha nahin ki. aur n main itana vicharahin hoon. shayad tum bhi isaka samarthan karogi. lekin kya tumhen viparit marg par chalate dekhoon to main tumhen samajha bhi nahin sakata ?’

sulochana –‘usi tarah jaise main tumhen samajha sakati hoon. tum mujhe majaboor nahin kar sakate.‘

ramendr –‘main ise nahin man sakata.‘

sulochana –‘agar main apane kisi natedar se milane jaoon, to apaki ijjat men batta lagata hai. kya isi tarah ap yah svikar karenge ki apaka vyabhichariyon se milana-julana meri ijjat men dag lagata hai ?’

ramendr –‘han, main manata hoon.‘

sulochana –‘apaka koee vyabhichari bhaee a jay, to ap use daravaze se bhaga denge ?’

ramendr –‘tum mujhe isake lie majaboor nahin kar sakatin.‘

sulochana –‘aur ap mujhe majaboor kar sakate hain ?’

'beshak.'

'kyon ?'

'isilie ki main purush hoon, is chhote-se parivar ka mukhy ang hoon. isilie ki tumhare hi karan mujhe ...' ramendr kahate-kahate ruk gaye. par sulochana unake munh se nikalanevale shabdon ko tad gee. usaka chehara tamatama utha, mano chhati men barachhi-si lag gee. man men aisa udveg utha ki isi kshan ghar chhodakar, sari duniya se nata todakar chali jaoon aur phir inhen kabhi munh n dikhaoon. agar isi ka nam vivah hai ki kisi ki marji ki gulam hokar rahoon, apaman sahan karoon, to aise vivah ko door hi se salam hai. vah taish men akar kamare se nikalana chahati thi ki kunvar sahab ne lapakakar use pakad liya aur bole, ‘kya karati ho beti, ghar men jao, kyon roti ho ? abhi to main jita hoon, tumhen kya gam hai ? ramendr baboo ne koee

aisi bat nahin kahi aur n kahana chahate the. phir apas ki baton ka kya bura manana. kisi avasar par tum bhi jo ji men aye kah lena.‘ yon samajhate hue kunvar sahab use andar le gaye. vastav men sulochana

kabhi gulanar se milane ki ichchhuk n thi. vah usase svayn bhagati thi. ek kshanik avesh men usane gulanar ko vah puraja likh diya tha. man men svayn samajhati thi, in logon se mel-jol rakhana munasib nahin, lekin ramendr ne yah virodh kiya, yahi usake lie asahy tha. yah mujhe mana kyon karen ?

‘kya main itana bhi nahin samajhati ? kya inhen meri or se itani shnka hai !’

‘isilie to, ki main kulin nahin hoon !’

‘main abhi-abhi gulanar se milane jaoongi, jiddan jaoongi; dekhoon mera kya karate hain.‘

lad-pyar men pali huee sulochana ko kabhi kisi ne tikhi ankhon se n dekha tha. kunvar sahab usaki marji ke gulam the. ramendr bhi itane dinon usaka munh johate rahe. aj akasmath yah tiraskar aur phatakar pakar

usaki svechchha prem aur atmiyata ke sare naton ko pairon se kuchal dalane ke lie vikal ho uthi. vah sabakuchh sah legi par yah dhauns, yah anyay, yah apaman usase n saha jayaga.

usane khidaki se sir nikalakar kochavan ko pukara aur boli, ‘gadi lao, mujhe chauk jana hai, abhi lao.‘

kunvar sahab ne chumakarakar kaha, ‘beti sillo, kya kar rahi ho, mere oopar daya karo. is vakt kahin mat jao, nahin hamesha ke lie pachhatana padega. ramendr baboo bhi bade gussevar adami hain. phir tumase bade hain, zyada

vicharavan hain, unhin ka kahana man jao. main tumase sach kahata hoon. tumhari man jab thin, to kee bar aisi naubat aee ki mainne unase kaha, ghar se nikal jao, par us prem ki devi ne kabhi dayodhi ke bahar panv nahin nikala. is vakt dhairy se kam lo ! mujhe vishvas hai, jara der men ramendr baboo khud lajjit hokar tumhare pas aparadh kshama karane ayenge.‘

sahasa ramendr ne akar poochha, ‘gadi kyon mngavaee ? kahan ja rahi ho ?’

ramendr ka chehara itana krodhonmatt ho raha tha, ki sulochana saham uthi. donon ankhon se jvala-si nikal rahi thi. nathane phadak rahe the, pindaliyan kanp rahi thin. yah kahane ki himmat n padi ki gulanar ke ghar jati hoon. gulanar ka nam sunate hi shayad yah meri gardan par savar ho jayenge is bhay se vah kanp uthi. atmaraksha ka bhav prabal ho gaya. boli, ‘zara amman ke majar tak jaoongi.‘

ramendr ne daautakar kaha, ‘qoee zaroorat nahin vahan jane ki.‘

sulochana ne katar svar men kaha, ‘kyon amman ke majar tak jane ki bhi rok hai ?’

ramendr ne usi dhvani men kaha, ‘han.‘

sulochana –‘to phir apana ghar samhalo, main jati hoon.‘

ramendr –‘zao, tumhare lie kya, yah n sahi doosara ghar sahi !’

abhi tak tasma baki tha, vah kat gaya. yon shayad sulochana vahan se kunvar sahab ke bngale par jati, do-char din roothi rahati, phir ramendr use mana late aur mamala tay ho jata, lekin is chot ne samajhaute aur sndhi

ki jad kat di. sulochana daravaze tak pahunchi thi, vahin chitralikhit-si khadi rah gee. mano kisi rishi ke shap ne usake pran khinch liye hon. vahin baith gee. n kuchh bol saki, n kuchh soch saki. jisake sir par bijali gir padi ho, vah kya soche, kya roye, kya bole. ramendr ke ve shabd bijali se kahin adhik ghatak the.

sulochana kab tak vahan baithi rahi, use kuchh khabar n thi. jab use kuchh hosh aya to ghar men sannata chhaya hua tha. ghadi ki taraph ankh uthi, ek baj raha tha. samane aramakursi par kunvar sahab navajat shishu

ko god men liye so gaye the. sulochana ne uthakar baramade men jhanka, ramendr apane palng par lete hue the. usake ji men aya, isi vakt inhin ke samane jakar kaleje men chhuri mar loon aur inhin ke samane tadap-tadapakar mar jaoon. vah ghatak shabd yad a gaye. inake munh se aise shabd nikale kyonkar. itane chatur, itane udar aur itane vicharashil hokar bhi yah juban par aise shabd kyonkar la sake. usaka sara satitv, bharatiy adarshon ki god men pali huee bhoomi par asakt padi huee apani dinata par ro raha tha. vah soch rahi thi, agar mere nam par yah dag n hota, main bhi kulin hoti, to kya yah shabd inake munh se nikal sakate the ? lekin main badanam hoon, dalit hoon, tyajy hoon, mujhe sabakuchh kaha, ja sakata hai. uph, itana kathor hriday. kya vah kisi dasha men bhi

ramendr par itana kathor prahar kar sakati thi ? baramade men bijali ki roshani thi. ramendr ke mukh par kshobh ya glani ka nam bhi n tha. krodh ki kathorata ab tak usake mukh ko vikrit kie hue thi. shayad in ankhon men ansoo dekhakar ab bhi sulochana ke ahat hriday ko tasakin hoti; lekin vahan to abhi tak talavar khinchi huee thi. usaki ankhon men sara snsar soona ho gaya.

sulochana phir apane kamare men aee. kunvar sahab ki ankhen ab bhi band thin. in chand ghnton hi men unaka tejasvi mukh kantihin ho gaya tha. galon par ansuon ki rekhaen sookh gee thin. sulochana ne unake pairon ke pas

baithakar sachchi bhakt ike ansoo bahaye. hay ! mujh abhagini ke lie inhonne kaun-kaun se kasht nahin jhele, kaun-kaun se apaman nahin sahe, apana sara jivan hi mujh par arpan kar diya aur usaka yah hriday-vidarak ant. sulochana ne phir bachchi ko dekha; magar usaka gulab ka-sa vikasit munh dekhakar bhi usake hriday men mamata ki tarng n uthi. usane usaki taraph se munh pher liya. yahi vah apaman ki moortiman vedana hai, jo itane dinon mujhe bhogani padi. main isake lie kyon apane pran snkat men daloon. agar usake nirdayi pita ko usase prem hai, to usako pale. aur ek din vah bhi usi tarah roye, jis tarah aj mere pita ko rona pad raha hai. eeshvar abaki agar janm dena, to kisi bhale adami ke ghar janm dena ...

jahan juhara ka mazar tha usi ke bagal men ek doosara mazar bana hua hai. juhara ke mazar par ghas jam aee hai; jagah-jagah se choona gir gaya hai, lekin doosara mazar bahut saph-suthara aur saja hua hai. usake charon

taraph gamale rakhe hue hain aur mazar tak jane ke lie gulab ke belon ki ravishen bani huee hain ?

sham ho gee hai. soory ki kshin, udas, pili kiranen mano us mazar par ansoo baha rahi hain. ek adami ek tin-char sal ki balika ko god men liye hue aya aur us mazar ko apane roomal se saf karane laga.

ravishon men jo pattiyan padi thin unhen chunakar saf kiya aur mazar par sugndh chhidakane laga. balika daud-daudakar titaliyon ko pakadane lagi. yah sulochana ka mazar hai. usaki akhiri nasihat thi, ki meri lash

jalaee n jay, meri man ki bagal men mujhe sula diya jay. kunvar sahab to sulochana ke bad chh: mahine se zyada n chal sake. han, ramendr apane anyay ka pashchattap kar rahe hain. shobha ab tin sal ki ho gee hai aur use vishvas hai ki ek din usaki man isi mazar se nikalegi !

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah