पंच-परमेश्‍वर -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

jumman shekh aur alagoo chaudhari men gadhi mitrata thi. sajhe men kheti hoti thi. kuchh len-den men bhi sajha tha. ek ko doosare par atal vishvas tha. jumman jab haj karane gaye the, tab apana ghar alagoo ko saunp gaye the, aur alagoo jab kabhi bahar jate, to jumman par apana ghar chhod dete the. unamen n khan-pan ka vyavahar tha, n dharm ka nata; keval vichar milate the. mitrata ka moolamntr bhi yahi hai.

is mitrata ka janm usi samay hua, jab donon mitr balak hi the; aur jumman ke poojy pita, jumarati, unhen shiksha pradan karate the. alagoo ne guru ji ki bahut seva ki thi, khoob rakabiyan manji, khoob pyale dhoye. unaka huqqa ek kshan ke lie bhi vishram n lene pata tha; kyonki pratyek chilam alagoo ko adh ghnte tak kitabon se alag kar deti thi. alagoo ke pita purane vicharon ke manushy the. unhen shiksha ki apeksha guru ki seva-shushroosha par adhik vishvas tha. vah kahate the ki vidya padhane se nahin ati; jo kuchh hota hai, guru ke ashirvad se. bas, guru ji ki kripa-drishti chahie. atev yadi alagoo par jumarati shekh ke ashirvad athava satsng ka kuchh phal n hua, to yah manakar sntosh kar lega ki vidyoparjan men usane yathashakti koee bat utha nahin rakhi, vidya usake bhagy hi men n thi, to kaise ati ?

magar jumarati shekh svayn ashirvad ke kayal n the. unhen apane sote par adhik bharosa tha, aur usi sote ke pratap se aj as-pas ke ganvon men jumman ki pooja hoti thi. unake likhe hue rehananame ya bainame par kachahari ka muharrir bhi kalam n utha sakata tha. halake ka dakiya, kanstebil aur tahasil ka chaparasi-sab unaki kripa ki akanksha rakhate the. atev alagoo ka man unake dhan ke karan tha, to jumman shekh apani anamol vidya se hi sabake adarapatr bane the.

jumman shekh ki ek boodhi khala (mausi) thi. usake pas kuchh thodi-si milakiyat thi; parantu usake nikat snbndhiyon men koee n tha. jumman ne lambe-chaude vade karake vah milakiyat apane nam likhava li thi. jab tak danapatr ki rajistri n huee thi, tab tak khalajan ka khoob adar-satkar kiya gaya. unhen khoob svadisht padarth khilaye gaye. halave-pulav ki varsha-si ki gayi; par rajistri ki mohar ne in khatiradariyon par bhi mano muhar laga di. jumman ki patni kariman rotiyon ke sath kadavi baton ke kuchh tej, tikhe salan bhi dene lagi. jumman shekh bhi nithur ho gaye. ab bechari khalajan ko prayah nity hi aisi baten sunani padati thin.

budhiya n jane kab tak jiyegi. do-tin bighe oosar kya de diya, mano mol le liya hai ! baghari dal ke bina rotiyan nahin utaratin ! jitana rupaya isake pet men jhonk chuke, utane se to ab tak ganv mol le lete.

kuchh din khalajan ne suna aur saha; par jab n saha gaya tab jumman se shikayat ki. jumman ne sthaniy karmachari-grihasvami-ke prabndh men dakhal dena uchit n samajha. kuchh din tak aur yon hi ro-dhokar kam chalata raha. ant men ek din khala ne jumman se kaha-beta ! tumhare sath mera nirvah n hoga. tum mujhe rupaye de diya karo, main apana paka-kha loongi.

jumman ne dhrishtata ke sath uttar diya-rupaye kya yahan phalate hain ?

khala ne namrata se kaha-mujhe kuchh rookha-sookha chahie bhi ki nahin ?

jumman ne gambhir svar se javab diya-to koee yah thode hi samajha tha ki tum maut se ladakar ayi ho ?

khala bigad gayin, unhonne pnchayat karane ki dhamaki di. jumman hnse, jis tarah koee shikari hiran ko jal ki taraph jate dekh kar man hi man hnsata hai. vah bole-han, zaroor pnchayat karo. phaisala ho jay. mujhe bhi yah rat-din ki khatakhat pasnd nahin.

pnchayat men kisaki jit hogi, is vishay men jumman ko kuchh bhi sndeh n tha. as-pas ke ganvon men aisa kaun tha, jo usake anugrahon ka rini n ho; aisa kaun tha, jo usako shatru banane ka sahas kar sake ? kisamen itana bal tha, jo usaka samana kar sake ? asaman ke pharishte to pnchayat karane avenge nahin.

2

isake bad kee din tak boodhi khala hath men ek lakadi liye as-pas ke ganvon men daudati rahin. kamar jhuk kar kaman ho gayi thi. ek-ek pag chalana doobhar tha; magar bat a padi thi. usaka nirnay karana zaroori tha.

birala hi koee bhala adami hoga, jisake samane budhiya ne duahkh ke ansoo n bahaye han. kisi ne to yon hi oopari man se hoon-han karake tal diya, aur kisi ne is anyay par jamane ko galiyan din ! kaha-qabr men panv latake hue hain, aj mare kal doosara din; par havas nahin manati. ab tumhen kya chahie ? roti khao aur allah ka nam lo. tumhen ab kheti-bari se kya kam hai ? kuchh aise sajjan bhi the, jinhen hasy-ras ke rasasvadan ka achchha avasar mila. jhuki huee kamar, popala munh, san ke-se bal-itani samagri ekatr hon, tab hnsi kyon n ave ? aise nyayapriy, dayalu, din-vatsal purush bahut kam the, jinhonne us abala ke dukhade ko gaur se suna ho aur usako santvana di ho. charon or se ghoom-gham kar bechari alagoo chaudhari ke pas ayi. lathi patak di aur dam le kar boli-beta, tum bhi dam bhar ke lie meri pnchayat men chale ana.

alagoo-mujhe bula kar kya karogi ? kee ganv ke adami to avenge hi.

khala-apani vipad to sabake age ro ayi. ab ane-n-ane ka akhtiyar unako hai.

alagoo-yon ane ko a jaoonga; magar pnchayat men munh n kholoonga.

khala-kyon beta ?

alagoo-ab isaka kya javab doon ? apani khushi. jumman mera purana mitr hai. usase bigad nahin kar sakata.

khala-beta, kya bigad ke dar se eeman ki bat n kahoge ?

hamare soye hue dharm-gyan ki sari sampatti lut jay, to use khabar nahin hoti, parantu lalakar sun kar vah sachet ho jata hai. phir use koee jit nahin sakata. alagoo is saval ka koee uttar n de saka, par usake hriday men ye shabd goonj rahe the-kya bigad ke dar se eeman ki bat n kahoge ?

3

sndhya samay ek ped ke niche pnchayat baithi. shekh jumman ne pahale se hi pharsh bichha rakha tha. unhonne pan, ilayachi, hukke-tambakoo adi ka prabandh bhi kiya tha. han, vah svayn alabatta alagoo chaudhari ke sath jara door par baithe hue the. jab pnchayat men koee a jata tha, tab dabe hue salam se usaka svagat karate the. jab soory ast ho gaya aur chidiyon ki kalaravayukt pnchayat pedon par baithi, tab yahan bhi pnchayat shuroo huee. pharsh ki ek-ek angul zamin bhar gayi; par adhikansh darshak hi the. nimntrit mahashayon men se keval ve hi log padhare the, jinhen jumman se apani kuchh kasar nikalani thi. ek kone men ag sulag rahi thi. naee tabadatod chilam bhar raha tha. yah nirnay karana asambhav tha ki sulagate hue upalon se adhik dhuan nikalata tha ya chilam ke damon se. ladake idhar-udhar daud rahe the. koee apas men gali-galauj karate aur koee rote the. charon taraph kolahal mach raha tha. ganv ke kutte is jamav ko bhoj samajh kar jhund ke jhund jama ho gaye the.

pnch log baith gaye, to boodhi khala ne unase vinati ki-

‘pncho, aj tin sal hue, mainne apani sari jayadad apane bhanaje jumman ke nam likh di thi. ise ap log janate hi honge. jumman ne mujhe ta-hayat roti-kapada dena kabool kiya. sal bhar to mainne isake sath ro-dhokar kata. par ab rat-din ka rona nahin saha jata. mujhe n pet ki roti milati hai n tan ka kapada. bekas beva hoon. kachahari-darabar nahin kar sakati. tumhare siva aur kisako apana duahkh sunaoon ? tum log jo rah nikal do, usi rah par chaloon. agar mujhamen koee aib dekho, to mere munh par thappad maro. jumman men buraee dekho, to use samajhao, kyon ek bekas ki ah leta hai ! main pnchon ka hukm sir-mathe par chadhaoongi.’

ramadhan mishr, jinake kee asamiyon ko jumman ne apane ganv men basa liya tha, bole-jumman miyan, kise pnch badate ho ? abhi se isaka nipatara kar lo. phir jo kuchh pnch kahenge, vahi manana pade़ga.

jumman ko is samay sadasyon men visheshakar ve hi log dikh pade, jinase kisi n kisi karan unaka vaimanasy tha. jumman bole-pnchon ka hukm allah ka hukm hai. khalajan jise chahen, use baden. mujhe koee ujr nahin.

khala ne chilla kar kaha-are allah ke bande ! pnchon ka nam kyon nahin bata deta ? kuchh mujhe bhi to maloom ho.

jumman ne krodh se kaha-ab is vakt mera munh n khulavao. tumhari ban padi hai, jise chaho, pnch bado.

khalajan jumman ke akshep ko samajh gayin, vah bolin-beta, khuda se daro, pnch n kisi ke dost hote hain, n kisi ke dushman. kaisi bat kahate ho ! aur tumhara kisi par vishvas n ho, to jane do; alagoo chaudhari ko to manate ho ? lo, main unhin ko sarapnch badati hoon.

jumman shekh annd se phool uthe, parntu bhavon ko chhipa kar bole-alagoo hi sahi, mere lie jaise ramadhan vaise alagoo.

alagoo is jhamele men phnsana nahin chahate the. ve kanni katane lage. bole-khala, tum janati ho ki meri jumman se gadhi dosti hai.

khala ne gambhir svar men kaha-beta, dosti ke lie koee apana eeman nahin bechata. pnch ke dil men khuda basata hai. pnchon ke munh se jo bat nikalati hai, vah khuda ki taraph se nikalati hai.

alagoo chaudhari sarapnch hue. ramadhan mishr aur jumman ke doosare virodhiyon ne budhiya ko man men bahut kosa.

alagoo chaudhari bole-shekh jumman ! ham aur tum purane dost hain ! jab kam pada, tumane hamari madad ki hai aur ham bhi jo kuchh ban pada, tumhari seva karate rahe hain; magar is samay tum aur boodhi khala, donon hamari nigah men barabar ho. tumako pnchon se jo kuchh arj karani ho, karo.

jumman ko poora vishvas tha ki ab bazi meri hai. alagoo yah sab dikhave ki baten kar raha hai. atev shant-chitt ho kar bole-pncho, tin sal hue khalajan ne apani jayadad mere nam hibba kar di thi. mainne unhen ta-hayat khana-kapada dena kabool kiya tha. khuda gavah hai, aj tak mainne khalajan ko koee takaliph nahin di. main unhen apani man ke saman samajhata hoon. unaki khidamat karana mera pharj hai; magar auraton men jara anaban rahati hai, usamen mera kya bas hai ? khalajan mujhase mahavar kharch alag mangati hain. jayadad jitani hai, vah pnchon se chhipi nahin. usase itana munapha nahin hota hai ki mahavar kharch de sakoon. isake alava hibbaname men mahavar kharch ka koee zikr nahin. nahin to main bhool kar bhi is jhamele men n padata. bas, mujhe yahi kahana hai. ainda pnchon ka akhtiyar hai, jo phaisala chahen, karen.

alagoo chaudhari ko hamesha kachahari se kam padata tha. atev vah poora qanooni adami tha. usane jumman se jirah shuroo ki. ek-ek prashn jumman ke hriday par hathaude ki chot ki tarah padata tha. ramadhan mishr in prashnon par mugdh hue jate the. jumman chakit the ki alagoo ko kya ho gaya. abhi yah alagoo mere sath baitha hua kaisi-kaisi baten kar raha tha ! itani hi der men aisi kayapalat ho gayi ki meri jad khodane par tula hua hai. n maloom kab ki kasar yah nikal raha hai ? kya itane dinon ki dosti kuchh bhi kam n avegi ?

jumman shekh to isi snkalp-vikalp men pade hue the ki itane men alagoo ne phaisala sunaya-

jumman shekh ! pncho ne is mamale par vichar kiya. unhen yah niti- sngat maloom hota hai ki khalajan ko mahavar kharch diya jay. hamara vichar hai ki khala ki jayadad se itana munapha avashy hota hai ki mahavar kharch diya ja sake. bas, yahi hamara phaisala hai, agar jumman ko kharch dena mnjoor n ho, to hibbanama radd samajha jay.

yah phaisala sunate hi jumman sannate men a gaye. jo apana mitr ho, vah shatru ka vyavahar kare aur gale par chhuri phere, ise samay ke her-pher ke siva aur kya kahen ? jis par poora bharosa tha, usane samay padane par dhokha diya. aise hi avasaron par jhoothe-sachche mitron ki pariksha ki jati hai. yahi kaliyug ki dosti hai. agar log aise kapati-dhokhebaj n hote, to desh men apattiyon ka prakop kyon hota ? yah haija-pleg adi vyadhiyan dushkarmon ke hi dnd hain.

magar ramadhan mishr aur any pnch alagoo chaudhari ki is niti-parayanata ki prashnsa ji kholakar kar rahe the. ve kahate the-isaka nam pnchayat hai ! doodh ka doodh aur pani ka pani kar diya. dosti, dosti ki jagah hai, kintu dharm ka palan karana mukhy hai. aise hi satyavadiyon ke bal par prithvi thahari hai, nahin to vah kab ki rasatal ko chali jati .

is phaisale ne alagoo aur jumman ki dosti ki jad hila di. ab ve sath-sath baten karate nahin dikhayi dete. itana purana mitrata-roopi vriksh saty ka ek jhonka bhi n sah saka. sachamuch vah baloo ki hi zamin par khada tha.

unamen ab shishtachar ka adhik vyavahar hone laga. ek doosare ki avabhagat zyada karane laga. ve milate-julate the, magar usi tarah, jaise talavar se dhal milati hai.

jumman ke chitt men mitr ki kutilata athon pahar khataka karati thi. use har ghadi yahi chinta rahati thi ki kisi tarah badala lene ka avasar mile.

4

achchhe kamon ki siddhi men badi der lagati hai; par bure kamon ki siddhi men yah bat nahin hoti. jumman ko bhi badala lene ka avasar jald hi mil gaya. pichhale sal alagoo chaudhari batesar se bailon ki ek bahut achchhi goee mol laye the. bail pachhahin jati ke sundar, bade-bade singonvale the. mahinon tak as-pas ke ganv ke log darshan karate rahe. daivayog se jumman ki pnchayat ke ek mahine ke bad is jodi ka ek bail mar gaya. jumman ne doston se kaha-yah dagabaji ki saza hai. insan sabr bhale hi kar jay, par khuda nek-bad sab dekhata hai. alagoo ko sndeh hua ki jumman ne bail ko vish dila diya hai. chaudharain ne bhi jumman par hi is durghatana ka dosharopan kiya. usane kaha-jumman ne kuchh kar-kara diya hai. chaudharain aur kariman men is vishay par ek din khoob hi vad-vivad hua. donon deviyon ne shabd-bahuly ki nadi baha di. vyngy, vakrokti, anyokti aur upama adi alnkaron men baten hueen. jumman ne kisi tarah shanti sthapit ki. unhonne apani patni ko dant-dapat kar samajha diya. vah use us ranabhoomi se hata bhi le gaye. udhar alagoo chaudhari ne samajhane-bujhane ka kam apane tark-poorn sonte se liya.

ab akela bail kis kam ka ? usaka jod bahut dhoondha gaya, par n mila. nidan yah salah thahari ki ise bech dalana chahie. ganv men ek samajhoo sahu the, vah ikka-gadi hankate the. ganv ke gud-ghi lad kar mndi le jate, mndi se tel, namak bhar late, aur ganv men bechate. is bail par unaka man laharaya. unhonne socha, yah bail hath lage to din-bhar men bekhatake tin khep hon. ajakal to ek hi khep men lale pade rahate hain. bail dekha, gadi men daudaya, bal-bhaunri ki pahachan karayi, mol-tol kiya aur use la kar dvar par bandh hi diya. ek mahine men dam chukane ka vada thahara. chaudhari ko bhi garaj thi hi, ghate ki parava n ki.

samajhoo sahu ne naya bail paya, to lage use ragedane. vah din men tin-tin, char-char khepen karane lage. n chare ki fikr thi, n pani ki, bas khepon se kam tha. mndi le gaye, vahan kuchh sookha bhoosa samane dal diya. bechara janavar abhi dam bhi n lene paya tha ki phir jot diya. alagoo chaudhari ke ghar tha to chain ki bnshi bajati thi. bailaram chhathe-chhamahe kabhi bahali men jote jate the. khoob uchhalate-koodate aur koson tak daudate chale jate the. vahan bailaram ka ratib tha-saph pani, dali huee arahar ki dal aur bhoose ke sath khali, aur yahi nahin, kabhi-kabhi ghi ka svad bhi chakhane ko mil jata tha. sham-sabere ek adami kharahare karata, ponchhata aur sahalata tha. kahan vah sukh-chain, kahan yah athon pahar ki khapat ! mahine bhar hi men vah pis-sa gaya. ikke ka jua dekhate hi usaka lahoo sookh jata tha. ek-ek pag chalana doobhar tha. haddiyan nikal ayi thin; par tha vah panidar, mar ki baradasht n thi.

ek din chauthi khep men sahu ji ne doona bojh lada. din-bhar ka thaka janavar, pair n uthate the. par sahu ji kode phatakarane lage. bas, phir kya tha, bail kaleja tod kar chala. kuchh door dauda aur chaha ki jara dam le loon; par sahu ji ko jald pahunchane ki fikr thi; atev unhonne kee kode़ badi nirdayata se phatakare. bail ne ek bar phir zor lagaya; par abaki bar shakti ne javab de diya. vah dharati par gir pada, aur aisa gira ki phir n utha. sahu ji ne bahut pita, tang pakad kar khincha, nathanon men lakadi thoons di; par kahin mritak bhi uth sakata hai ? tab sahu ji ko kuchh shak hua. unhonne bail ko gaur se dekha, khol kar alag kiya; aur sochane lage ki gadi kaise ghar pahunche. bahut chikhe-chillaye; par dehat ka rasta bachchon ki ankh ki tarah sanjh hote hi bnd ho jata hai. koee najar n aya. as-pas koee ganv bhi n tha. mare krodh ke unhonne mare hue bail par aur durre lagaye aur kosane lage-abhage. tujhe marana hi tha, to ghar pahunch kar marata ! sasura bich raste hi men mar raha ! ab gadi kaun khinche ? is tarah sahu ji khoob jale-bhune. kee bore gud aur kee pipe ghi unhonne beche the, do-dhaee sau rupaye kamar men bndhe the. isake siva gadi par kee bore namak ke the; atev chhod kar ja bhi n sakate the. lachar bechare gadi par hi let gaye. vahin ratajaga karane ki than li. chilam pi, gaya. phir huqqa piya. is tarah sahu ji adhi rat tak nind ko bahalate rahe. apani jan men to vah jagate hi rahe; par pau phatate hi jo nind tooti aur kamar par hath rakha, to thaili gayab ! ghabara kar idhar-udhar dekha, to kee kanastar tel bhi nadarat ! afasos men bechare ne sir pit liya aur pachhad khane laga. pratahkal rote-bilakhate ghar pahunche. sahuain ne jab yah buri sunavani suni, tab pahale to royi, phir alagoo chaudhari ko galiyan dene lagi-nigode़ ne aisa kulachchhani bail diya ki janm bhar ki kamaee lut gayi.

is ghatana ko hue kee mahine bit gaye. alagoo jab apane bail ke dam mangate tab sahu aur sahuain, donon hi jhallaye hue kutte ki tarah chadh baithate aur and-bnd bakane lagate-vah ! yahan to sare janm ki kamaee lut gayi, satyanash ho gaya, inhen damon ki padi hai. murda bail diya tha, us par dam mangane chale hain ! ankhon men dhool jhonk di, satyanashi bail gale bandh diya, hamen nira ponga hi samajh liya hai ! ham bhi baniye ke bachche hain, aise buddhoo kahin aur honge. pahale ja kar kisi gadahe men munh dho ao, tab dam lena. n ji manata ho, to hamara bail khol le jao. mahina bhar ke badale do mahina jot lo. aur kya loge ?

chaudhari ke ashubhachintakon ki kami n thi. aise avasaron par ve bhi ekatr ho jate aur sahu ji ke barrane ki pushti karate. parantu dedh sau rupaye se is tarah hath dho lena asan n tha. ek bar vah bhi garam pade . sahu ji bigad kar lathi dhoondhane ghar men chale gaye. ab sahuain ne maidan liya. prashnottar hote-hote hathapaee ki naubat a pahunchi. sahuain ne ghar men ghus kar kivad bnd kar liye. shoragul sun kar ganv ke bhalemanas jama ho gaye. unhonne donon ko samajhaya. sahu ji ko dilasa de kar ghar se nikala. vah paramarsh dene lage ki is tarah se kam n chalega. pnchayat kar lo. jo kuchh tay ho jay, use svikar kar lo. sahu ji raji ho gaye. alagoo ne bhi hami bhar li.

5

pnchayat ki taiyariyan hone lagin. donon pakshon ne apane-apane dal banane shuroo kiye. isake bad tisare din usi vriksh ke niche pnchayat baithi. vahi sndhya ka samay tha. kheton men kaue pnchayat kar rahe the. vivadagrast vishay tha yah ki matar ki phaliyon par unaka koee svatv hai ya nahin; aur jab tak yah prashn hal n ho jay, tab tak ve rakhavale ki pukar par apani aprasannata prakat karana avashyak samajhate the. ped ki daliyon par baithi shuk-mndali men yah prashn chhida hua tha ki manushyon ko unhen bemurauvat kahane ka kya adhikar hai, jab unhen svayn apane mitron se daga karane men bhi snkoch nahin hota.

pnchayat baith gayi, to ramadhan mishr ne kaha-ab deri kya hai ? pnchon ka chunav ho jana chahie. bolo chaudhari; kis-kis ko pnch badate ho.

alagoo ne din bhav se kaha-samajhoo sahu hi chun len.

samajhoo khade hue aur kadak kar bole-meri or se jumman shekh.

jumman ka nam sunate hi alagoo chaudhari ka kaleja dhakh-dhakh karane laga, mano kisi ne achanak thappad mar diya ho. ramadhan alagoo ke mitr the. vah bat ko tad gaye. poochha-kyon chaudhari tumhen koee ujr to nahin.

chaudhari ne nirash ho kar kaha-nahin, mujhe kya ujr hoga ?

6

apane uttaradayitv ka gyan bahudha hamare snkuchit vyavaharon ka sudharak hota hai. jab ham rah bhool kar bhatakane lagate hain tab yahi gyan hamara vishvasaniy path-pradarshak ban jata hai.

patr-snpadak apani shanti kuti men baitha hua kitani dhrishtata aur svatntrata ke sath apani prabal lekhani se mntrimndal par akraman karata hai; parntu aise avasar ate hain, jab vah svayn mntrimndal men sammilit hota hai. mndal ke bhavan men pag dharate hi usaki lekhani kitani marmgy, kitani vicharashil, kitani nyayaparayan ho jati hai. isaka karan uttaradayitv ka gyan hai. navayuvak yuvavastha men kitana uddnd rahata hai. mata-pita usaki or se kitane chintit rahate hain ! ve use kul-kalnk samajhate hain; parantu thode़ hi samay men parivar ka bojh sir par padate hi vah avyavasthit-chitt unmatt yuvak kitana dhairyashil, kaisa shantachitt ho jata hai, yah bhi uttaradayitv ke gyan ka phal hai.

jumman shekh ke man men bhi sarapnch ka uchch sthan grahan karate hi apani zimmedari ka bhav paida hua . usane socha, main is vakt nyay aur dharm ke sarvochch asan par baitha hoon. mere munh se is samay jo kuchh nikalega, vah devavani ke sadrish hai-aur devavani men mere manovikaron ka kadapi samavesh n hona chahie. mujhe saty se jau bhar bhi talana uchit nahin !

pnchon ne donon pakshon se saval-javab karane shuroo kiye. bahut der tak donon dal apane-apane paksh ka samarthan karate rahe. is vishay men to sab sahamat the ki samajhoo ko bail ka mooly dena chahie. parntu do mahashay is karan riyayat karana chahate the ki bail ke mar jane se samajhoo ko hani huee. isake pratikool do sabhy mool ke atirikt samajhoo ko dnd bhi dena chahate the, jisase phir kisi ko pashuon ke sath aisi nirdayata karane ka sahas n ho. ant men jumman ne phaisala sunaya-

alagoo chaudhari aur samajhoo sahu ! pnchon ne tumhare mamale par achchhi tarah vichar kiya. samajhoo ko uchit hai ki bail ka poora dam den. jis vakt unhonne bail liya, use koee bimari n thi. agar usi samay dam de diye jate, to aj samajhoo use pher lene ka agrah n karate . bail ki mrityu keval is karan huee ki usase bada kathin parishram liya gaya aur usake dane-chare ka koee achchha prabndh n kiya gaya.

ramadhan mishr bole-samajhoo ne bail ko jan-boojh kar mara hai, atev usase dnd lena chahie.

jumman bole-yah doosara saval hai ! hamako isase koee matalab nahin !

jhagadoo sahu ne kaha-samajhoo ke sath kuchh riyayat honi chahie.

jumman bole-yah alagoo chaudhari ki ichchha par nirbhar hai. yah riyayat karen, to unaki bhalamanasi.

alagoo chaudhari phoole n samaye. uth khade hue aur zor se bole-pnch-parameshvar ki jay !

isake sath hi charon or se pratidhvani huee-pnch-parameshvar ki jay !

pratyek manushy jumman ki niti ko sarahata tha-ise kahate hain nyay ! yah manushy ka kam nahin, pnch men parameshvar vas karate hain, yah unhin ki mahima hai. pnch ke samane khote ko kaun khara kah sakata hai ?

thodi der bad jumman alagoo ke pas aye aur unake gale lipat kar bole-bhaiya, jab se tumane meri pnchayat ki tab se main tumhara pran-ghatak shatru ban gaya tha; par aj mujhe gyat hua ki pnch ke pad par baith kar n koee kisi ka dost hota hai, n dushman. nyay ke siva use aur kuchh nahin soojhata. aj mujhe vishvas ho gaya ki pnch ki jaban se khuda bolata hai. alagoo rone lage. is pani se donon ke dilon ka mail dhul gaya. mitrata ki murajhayi huee lata phir hari ho gayi.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah