अनुभव -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

priyatam ko ek varsh ki saza ho gayi. aur aparadh keval itana tha, ki tin din pahale jeth ki tapati dopahari men unhonne rashtr ke kee sevakon ka sharbat-pan se satkar kiya tha. main us vakt adalat men khadi thi. kamare ke bahar sare nagar ki rajanitik chetana kisi bndi pashu ki bhanti khadi chitkar kar rahi thi. mere pranadhan hathakadiyon se jakade hue laye gaye. charon or sannata chha gaya. mere bhitar hahakar macha hua tha, mano pran pighala ja raha ho. avesh ki laharen-si uth-uthakar samast sharir ko romanchit kiye deti thin. oh itana garv mujhe kabhi nahin hua tha. vah adalat, kurasi par baitha hua angrez aphasar, lal jaridar pagadiyan bandhe hue pulis ke karmachari sab meri ankho men tuchchh jan padate the. bar-bar ji men ata tha, daudakar jivan-dhan ke charanon men lipat jaoon aur usi dasha men pran tyag doon. kitani shant, avichalit, tej aur svabhiman se pradipt moorti thi. glani, vishad ya shok ki chhaya bhi n thi. nahin, un othon par ek sphoorti se bhari huee manoharini, ojasvi muskan thi. is aparadh ke lie ek varsh ka kathin karavas! vah re nyay! teri balihari hai! main aise hazar aparadh karane ko taiyar thi. prananath ne chalate samay ek bar meri or dekha, kuchh muskaraye, phir unaki mudra kathor ho gayi. adalat se lautakar mainne panch rupaye ki mithaee mngavayi aur svaynsevakon ko bulakar khilaya. aur sndhya samay main pahali bar kangres ke jalase men sharik huee- sharik hi nahin huee, mnch par jakar boli, aur satyagrah ki pratigya le li. meri atma men itani shakti kahan se a gayi, nahin kah sakati. sarvasv lut jane ke bad phir kisaki shnka aur kisaka dar. vidhata ka kathor-se-kathor aghat bhi ab mera kya ahit kar sakata tha?

2

doosare din mainne do tar diye. ek pitaji ko, doosara sasuraji ko. sasuraji penshan pate the. pitaji jngal ke mahakame men achchhe pad par the; par sara din gujar gaya, tar ka javab nadarad! doosare din bhi koee javab nahin. tisare din donon mahashayon ke patr aye. donon jame se bahar the. sasuraji ne likha - asha thi, tum log budhape men mera palan karoge. tumane us asha par pani pher diya. kya ab chahati ho, main bhiksha mangoon. main sarakar se penshan pata hoon. tumhen ashray dekar main apani penshan se hath nahin dho sakata. pitaji ke shabd itane kathor n the, par bhav lagabhag aisa hi tha. isi sal unhen gred milanevala tha. vah mujhe bulayenge, to snbhav hai, gred se vnchit hona pade. han, vah meri sahayata maukhik roop se karane ko taiyar the. mainne donon patr phadakar phenk diye aur unhen koee patr n likha. ha svarth! teri maya kitani prabal hai! apana hi pita, keval svarth men badha padane ke bhay se, ladaki ki taraph se itana nirday ho jay. apana sasur apani bahoo ki or se itana udasin ho jay! magar abhi meri umr hi kya hai! abhi to sari duniya dekhane ko padi hai.

ab tak main apane vishay men nishchint thi; lekin ab yah nayi chinta savar huee. is nirjan ghar men, niradhar, nirashray kaise rahoongi. magar jaoongi kahan? agar koee mard hoti, to kangres ke ashram men chali jati, ya koee majoori kar leti. mere pairon men naritv ki bediyan padi huee thin. apani raksha ki itani chinta n thi, jitani apane naritv ki raksha ki. apani jan ki fikr n thi; par naritv ki or kisi ki ankh bhi n uthani chahie.

kisi ki ahat pakar mainne niche dekha. do adami khade the. ji men aya, poochhoon tum kaun ho. yahan kyon khade ho? magar phir khayal aya, mujhe yah poochhane ka kya hak? am rasta hai. jisaka ji chahe khada ho.

par mujhe khataka ho gaya. us shnka ko kisi tarah dil se n nikal sakati thi. vah ek chinagari ki bhanti hriday ke andar sama gayi thi.

garami se deh phunki jati thi; par mainne kamare ka dvar bhitar se bnd kar liya. ghar men ek bada-sa chakoo tha. use nikalakar sirahane rakh liya. vah shnka samane baithi ghoorati huee maloom hoti thi.

kisi ne pukara. mere royen khade ho gaye. mainne dvar se kan lagaya. koee meri kundi khatakhata raha tha. kaleja dhakh-dhakh karane laga. vahi donon badamash honge. kyon kundi khatakhata rahe hain? mujhase kya kam hai? mujhe jhunjhalahat a gayi. mainne dvar khola aur chhajje par khadi hokar zor se boli, kaun kundi khadakhada raha hai? avaz sunakar meri shnka shant ho gayi. kitana dhadhas ho gaya! yah baboo gyanachnd the. mere pati ke mitron men inase zyada sajjan doosara nahin hai. mainne niche jakar dvar khol diya. dekha to ek stri bhi thi. vah misej gyanachnd thin. yah mujhase badi thin. pahale-pahal mere ghar ayi thin. mainne unake charan sparsh kiye. hamare vahan mitrata mardon hi tak rahati hai. auraton tak nahin jane pati.

donon jane oopar aye! gyan baboo ek skool men mastar hain. bade hi udar, vidvan, nishkapat, par aj mujhe maloom hua ki unaki path-pradarshika unaki stri hain. vah dohare badan ki, pratibhashali mahila thin. chehare par aisa rob tha, mano koee rani hon. sir se panv tak gahanon se ladi huee. mukh sundar n hone par bhi akarshak tha. shayad main unhen kahin aur dekhati; to munh pher leti. garv ki sajiv pratima thin; vah bahar jitani kathor, bhitar utani hi dayalu.

'ghar koee patr likha?' yah prashn unhonne kuchh hichakate hue kiya.

mainne kaha- han, likha tha.

'koee lene a raha hai?'

'ji nahin. n pitaji apane pas rakhana chahate hain, n sasuraji.'

'to phir?'

'phir kya, abhi to yahin padi hoon.'

'to mere ghar kyon nahin chalatin? akele to is ghar men main n rahane doongi.'

'khuphiya ke do adami is vakt bhi date hue hain.'

'main pahale hi samajh gayi thi, donon khuphiya ke adami honge.'

gyan baboo ne patni ki or dekhakar, mano usaki agya se kaha- to main jakar tanga laoon?

deviji ne is tarah dekha, mano kah rahi hon, kya abhi tum yahin khade ho?

mastar sahab chupake se dvar ki or chale.

'thaharo'- deviji bolin- kai tange laoge?

'kai!' mastar sahab ghabada gaye.

'han kai! ek tange par tin savariyan hi baithengi. sndook, bichhavan, baratan-bhande kya mere sir par jayenge?'

'to do leta aoonga.'- mastar sahab darate-darate bole.

'ek tange men kitana saman bhar doge?'

'to tin leta aoon?'

'are to jaoge bhi. jara-si bat ke lie ghnta bhar laga diya.'

main kuchh kahane n payi thi, ki gyan baboo chal diye. mainne sakuchate hue kaha- bahan, tumhen mere jane se kasht hoga aur...

deviji ne tikshn svar men kaha- han, hoga to avashy. tum donon joon men do-tin pav bhar ata khaogi, kamare ke ek kone men adda jama logi, sir men ane ka tel dalogi. yah kya thoda kasht hai!'

mainne jhenpate hue kaha- ap to bana rahi hain.'

deviji ne sahriday bhav se mera kndha pakadakar kaha- jab tumhare babooji, laut aven; to mujhe bhi apane ghar mehaman rakh lena. mera ghata poora ho jayaga. ab to raji huee. chalo asabab bandho. khat-vat kal mngava lenge.'

3

mainne aisi sahriday, udar, mithi baten karane vali stri nahin dekhi. main unaki chhoti bahan hoti, to bhi shayad isase achchhi tarah n rakhatin. chinta ya krodh ko to jaise unhonne jit liya ho. sadaiv unake mukh par madhur vinod khela karata tha. koee ladaka-bala n tha, par mainne unhen kabhi dukhi nahin dekha. oopar ke kam ke lie launda rakh liya tha. bhitar ka sara kam khud karatin. itana kam khakar aur itani mehanat karake vah kaise itani hrasht-pusht thin, main nahin kah sakati. vishram to jaise unake bhagy men hi nahin likha tha. jeth ki dupahari men bhi n letati thin! han, mujhe kuchh n karane detin, us par jab dekho kuchh khilane ko sir par savar. mujhe yahan bas yahi ek takaliph thi.

magar ath hi din gujare the ki ek din mainne unhin donon khuphiyon ko niche baitha dekha. mera matha thanaka. yah abhage yahan bhi mere pichhe pade hain. mainne turnt bahanaji se kaha- ve donon badamash yahan bhi mndara rahe hain.

unhonne hikarat se kaha- kutte hain. phirane do.

main chintit hokar boli- koee svang n khada karen.

usi beparavahi se bolin- bhoonkane ke siva aur kya kar sakate hain?

mainne kaha- kat bhi to sakate hain.

hnsakar bolin- isake dar se koee bhag to nahin jata n!'

magar meri dal men makkhi pad gayi. bar-bar chhajje par jakar unhen tahalate dekh ati. yah sab mere pichhe pade hue hain! akhir main naukarashahi ka kya bigad sakati hoon. meri samarthy hi kya hai? kya yah sab is tarah se mujhe yahan se bhagane par tule hain. isase unhen kya milega? yahi to ki main mari-mari phiroon! kitani nichi tabiyat hai?

ek haphta aur gujar gaya. khuphiya ne pind n chhoda. mere pran sookhate jate the. aisi dasha men yahan rahana mujhe anuchit maloom hota tha; par deviji se kuchh kah n sakati thi.

ek din sham ko gyan baboo aye, to ghabadaye hue the. main baramade men thi. paraval chhil rahi thi. gyan baboo ne kamare men jakar deviji ko ishare se bulaya.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah