स्वर्ग की देवी -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

bhagy ki bat! shadi-vivah men adami ka kya akhtiyar! jisase eeshvar ne, ya unake nayabon- brahmanon ne tay kar di, usase ho gayi. baboo bharatadas ne lila ke lie suyogy var khojane men koee bat utha nahin rakhi. lekin jaisa ghar-var chahate the, vaisa n pa sake. vah ladaki ko sukhi dekhana chahate the, jaisa har ek pita ka dharm hai; kintu isake lie unaki samajh men sampatti hi sabase zaroori chiz thi. charitr ya shiksha ka sthan gaun tha. charitr to kisi ke mathe par likha nahin rahata aur shiksha ka ajakal ke jamane men mooly hi kya? han, sampatti ke sath shiksha bhi ho to kya poochhana! aisa ghar unhonne bahut dhoondha, par n mila. aise ghar hain hi kitane jahan donon padarth milen? do-char mile bhi to apani biradari ke n the. biradari bhi mili, to zayaja n mila; jayaja bhi mila to sharten tay n ho sakin. is tarah majaboor hokar bharatadas ko lila ka vivah lala santasaran ke ladake sitasaran se karana pada. apane bap ka ikalauta beta tha, thodi-bahut shiksha bhi payi thi, batachit salike se karata tha, mamale-mukadame samajhata tha aur jara dil ka rngila bhi tha. sabase badi bat yah thi ki roopavan, balishth, prasann-mukh, sahasi adami tha; magar vichar vahi baba adam ke jamane ke the. purani jitani baten hain, sab achchhi; nayi jitani baten hain, sab kharab. jayadad ke vishay men zamindar sahab naye-naye daphon ka vyavahar karate the, vahan apana koee akhtiyar n tha; lekin samajik prathaon ke kattar pakshapati the. sitasaran apane bap ko jo karate ya kahate dekhata vahi khud bhi kahata aur karata tha. usamen khud sochane ki shakti hi n thi. budhdi ki mndata bahudha samajik anudarata ke roop men prakat hoti hai.

2

lila ne jis din ghar men panv rakha usi din usaki pariksha shuroo huee. ve sabhi kam, jinaki usake ghar men tariph hoti thi yahan varjit the. use bachapan se taji hava par jan dena sikhaya gaya tha, yahan usake samane munh kholana bhi pap tha. bachapan se sikhaya gaya tha roshani hi jivan hai, yahan roshani ke darshan bhi durlabh the. ghar par ahinsa, kshama aur daya eeshvariy gun bataye gaye the, yahan isaka nam lene ki bhi svadhinata n thi. sntasaran bade tikhe, gussevar adami the, nak par makkhi n baithane dete. dhoortata aur chhal-kapat se hi unhonne jayadad paida ki thi aur usi ko saphal jivan ka mntr samajhate the. unaki patni unase bhi do angul oonchi thi. majal kya ki bahoo apani andheri kothari ke dvar par khadi ho jay, ya kabhi chhat par tahal sake. pralay a jata, asaman sir par utha letin. unhen bakane ka marj tha. dal men namak ka jara tej ho jana unhen din-bhar bakane ke lie kafi bahana tha. moti-taji mahila thin, chhint ka ghagharedar lahnga pahane, panadan bagal men rakhe, gahanon se ladi huee, sare din barothe men machi par baithi rahati thin. kya majal ki ghar men unaki ichchha ke virudhd ek patta bhi hil jay! bahoo ki nayi-nayi adaten dekh-dekh jala karati thin. ab kahe ko abaroo rahegi. munder par khadi hokar jhankati hai. meri ladaki aisi dida-diler hoti to gala ghont deti. n-jane isake desh men kaun log basate hain! gahane nahin pahanati. jab dekho nngi-buchchi bani baithi rahati hai. yah bhi koee achchhe lachchhan hain. lila ke pichhe sitasaran par bhi phatakar padati. tujhe bhi chandani men sona achchha lagata hai, kyon? too bhi apane ko mard kahega? vah mard kaisa ki aurat usake kahane men n rahe. din-bhar ghar men ghusa rahata hai. munh men jaban nahin hai? samajhata kyon nahin?

sitasaran kahata- amman, jab koee mere samajhane se mane tab to?

man- manegi kyon nahin, too mard hai ki nahin? mard vah chahie ki kadi nigah se dekhe to aurat kanp uthe.

sitasaran- tum to samajhati hi rahati ho.

man- meri use kya parava? samajhati hogi, budhiya char din men mar jayagi, tab main malakin ho hi jaoongi.

sitasaran- to main bhi to usaki baton ka javab nahin de pata. dekhati nahin ho kitani durbal ho gayi hai. vah rng hi nahin raha. us kothari men pade-pade usaki dasha bigadati jati hai. bete ke munh se aisi baten sun mata ag ho jati aur sare din jalati; kabhi bhagy ko kosati, kabhi samay ko.

sitasaran mata ke samane to aisi baten karata; lekin lila ke samane jate hi usaki mati badal jati thi. vah vahi baten karata jo lila ko achchhi lagatin. yahan tak ki donon vridhda ki hnsi udate. lila ko isamen aur koee sukh n tha. vah sare din kudhati rahati. kabhi choolhe ke samane n baithi thi; par yahan paseriyon ata thopana padata, majooron aur tahaluon ke lie bhi rotiyan pakani padatin. kabhi-kabhi vah choolhe ke samane baithi ghnton roti. yah bat n thi ki yah log koee maharaj-rasoiya n rakh sakate hon; par ghar ki purani pratha yahi thi ki bahoo khana pakaye aur us pratha ko nibhana zaroori tha. sitasaran ko dekhakar lila ka sntapt hriday ek kshan ke lie shant ho jatatha.

garmi ke din the aur sndhya ka samay. bahar hava chalati, bhitar deh phukati thi. lila kothari men baithi ek kitab dekh rahi thi ki sitasaran ne akar kaha- yahan to badi garmi hai, bahar baitho.

lila- yah garmi un tanon se achchhi hai jo abhi sunane padenge.

sitasaran- aj agar bolin to main bhi bigad jaoonga.

lila- tab to mera ghar men rahana bhi mushkil ho jayaga.

sitasaran- bala se alag hi rahenge!

lila- main to mar bhi jaoon to bhi alag n rahoon. vah jo kuchh kahati-sunati hain, apani samajh se mere bhale hi ke lie kahati-sunati hain. unhen mujhase kuchh dushmani thode hi hai. han, hamen unaki baten achchhi n lagen, yah doosari bat hai. unhonne khud vah sab kasht jhele hain, jo vah mujhe jhelavana chahati hain. unake svasthy par un kashton ka jara bhi asar nahin pada. vah is 65 varsh ki umr men mujhase kahin tanthi hain. phir unhen kaise maloom ho ki in kashton se svasthy bigad sakata hai?

sitasaran ne usake murajhaye hue mukh ki or karun netron se dekhakar kaha- tumhen is ghar men akar bahut du:kh sahana pada. yah ghar tumhare yogy n tha. tumane poorv-janm men zaroor koee pap kiya hoga.

lila ne pati ke hathon se khelate hue kaha- yahan n ati to tumhara prem kaise pati?

3

panch sal gujar gaye. lila do bachchon ki man ho gayi. ek ladaka tha, doosari ladaki. ladake ka nam janakisaran rakha gaya aur ladaki ka nam kamini. donon bachche ghar ko gulazar kiye rahate the. ladaki dada se hili thi, ladaka dadi se. donon shokh aur sharir the. gali de baithana, munh chidha dena to unake lie mamooli bat thi. din-bhar khate aur aye-din bimar pade rahate. lila ne khud sabhi kasht sah liye the par bachchon men buri adaton ka padana use bahut bura maloom hota tha; kintu usaki kaun sunata tha. bachchon ki mata hokar usaki ab ganana hi n rahi thi. jo kuchh the bachche the, vah kuchh n thi. use kisi bachche ko dantane ka bhi adhikar n tha, sas phad khati thi.

sabase badi apatti yah thi ki usaka svasthy ab aur bhi kharab ho gaya tha. prasav-kal men use ve bhi atyachar sahane pade jo agyan, moorkhata aur andhavishvas ne saur ki raksha ke lie gadh rakhe hain. us kal-kothari men, jahan hava ka guzar tha n prakash ka, n saphaee ka, charon or durgandha aur sil aur gandagi bhari huee thi. usaka komal sharir sookh gaya. ek bar jo kasar rah gayi thi, vah doosari bar poori ho gayi. chehara pila pad gaya, ankhen dhans gayin. aisa maloom hota, badan men khoon hi nahin raha. soorat hi badal gayi. garmiyon ke din the. ek taraph am pake, doosari taraph kharabooze. in donon phalon ki aisi achchhi phasal pahale kabhi n huee thi. abaki inamen itani mithas n-jane kahan se a gayi thi ki kitana hi khao man n bhare. sntasaran ke ilake se am aur kharabooze ke tokare bhare chale ate the. sara ghar khoob uchhal-uchhal khata tha. baboo sahab purani haddi ke adami the. sabere ek saikade amon ka nashta karate, phir paseri-bhar kharabooze chat kar jate. malakin unase pichhe rahanevali n thin. unhonne to ek vakt ka bhojan hi bnd kar diya. anaj sadanevali chiz nahin. aj nahin kal kharch ho jayaga. am aur kharabooze to ek din bhi nahin thahar sakate? shudani thi aur kya. yon hi har sal donon chijon ki rel-pel hoti thi; par kisi ko kabhi koee shikayat n hoti thi. kabhi pet men girani maloom huee to had ki phnki mar li. ek din baboo sntasaran ke pet men mitha-mitha dard hone laga. apane usaki parava n ki. am khane baith gaye. saikada poora karake uthe hi the ki kai huee. gir pade. phir to til-til par kai aur dast hone lage. haija ho gaya. shahar ke daktar bulaye gaye, lekin unake ane ke pahale hi baboo sahab chal base the. rona-pitana mach gaya. sndhya hote-hote lash ghar se nikali. log dah-kriya karake adhi rat ko laute to malakin ko bhi kai aur dast ho rahe the. phir daud-dhoop shuroo huee; lekin soory nikalate-nikalate vah bhi sidhar gayin. stri-purush jivanaparynt ek din ke lie bhi alag n hue the. snsar se bhi sath hi sath gaye, sooryast ke samay pati ne prasthan kiya, sooryoday ke samay patni ne.

lekin musibat ka abhi ant n hua tha. lila to snskar ki taiyariyon men lagi thi; makan ki saphaee ki taraph kisi ne dhyan n diya. tisare din donon bachche dada-dadi ke lie rote-rote baithake men ja pahunche. vahan ek ale par kharabooza kata hua pada tha; do-tin kalami am bhi rakhe the. in par makkhiyan bhinak rahi thin. janaki ne ek tipaee par chadhakar donon chizen utar lin aur donon ne milakar khayin. sham hote-hote donon ko haija ho gaya aur donon man-bap ko rota chhod chal base. ghar men andhera ho gaya. tin din pahale jahan charon taraph chahal-pahal thi, vahan ab sannata chhaya hua tha, kisi ke rone ki avaz bhi sunayi n deti thi. rota hi kaun? le-de ke kul do prani rah gaye the. aur unhen rone ki sudhi n thi.

4

lila ka svasthy pahale bhi kuchh achchha n tha, ab to vah aur bhi bejan ho gayi. uthane-baithane ki shakti bhi n rahi. haradam khoyi-si rahati, n kapade-latto ki sudhi thi, n khane-pine ki. use n ghar se vasta tha, n bahar se. jahan baithati, vahin baithi rah jati. mahinon kapade n badalati, sir men tel n dalati. bachche hi usake pranon ke adhar the. jab vahi n rahe to marana aur jina barabar tha. rat-din yahi manaya karati ki bhagavanh yahan se le chalo. sukh-du:kh sab bhugat chuki. ab sukh ki lalasa nahin hai; lekin bulane se maut kisi ko ayi hai?

sitasaran bhi pahale to bahut roya-dhoya; yahan tak ki ghar chhodakar bhag jata tha; lekin jyon-jyon din gujarate the bachchon ka shok usake dil se mitata jata tha; sntan ka du:kh to kuchh mata hi ko hota hai. dhire-dhire usaka ji snbhal gaya. pahile ki bhanti mitron ke sath-hnsi-dillagi hone lagi. yaron ne aur bhi chng par chadhaya. ab ghar ka malik tha, jo chahe kar sakata tha. koee usaka hath rokane vala n tha. sair-sapate karane laga. kahan to lila ko rote dekh usaki ankhen sajal ho jati thin, kahan ab use udas aur shok-magn dekhakar jhunjhala uthata. zindagi rone hi ke lie to nahin hai. eeshvar ne ladake diye the, eeshvar hi ne chhin liye. kya ladakon ke pichhe pran de dena hoga? lila yah baten sunakar bhaunchak rah jati. pita ke munh se aise shabd nikal sakate hain! snsar men aise prani bhi hain!

holi ke din the. mardane men gana-bajana ho raha tha. mitron ki davat ka bhi saman kiya gaya tha. andar lila zamin par padi huee ro rahi thi. tyoharon ke din use rote hi katate the. aj bachche hote to achchhe-achchhe kapade pahane kaise uchhalate-phirate! vahi n rahe to kahan ki tij aur kahan ka tyohar.

sahasa sitasaran ne akar kaha- kya din-bhar roti hi rahogi? jara kapade to badal dalo, adami ban jao. yah kya tumane apani gat bana rakhi hai?

lila- tum jao apani mahaphil men baitho, tumhen meri kya fikr padi hai?

sitasaran- kya duniya men aur kisi ke ladake nahin marate? tumhare hi sir yah musibat ayi hai?

lila- yah bat kaun nahin janata. apana-apana dil hi to hai. us par kisi ka bas hai?

sitasaran- mere sath bhi to tumhara kuchharh kattavy hai?

lila ne kutoohal se pati ko dekha, mano usaka ashay nahin samajhi. phir munh pherakar rone lagi.

sitasaran- main ab is manahoosat ka ant kar dena chahata hoon. agar tumhara apane dil par kaboo nahin hai to mera bhi apane dil par kaboo nahin hai. main ab zindagi-bhar matam nahin mana sakata.

lila- tum rag-rng manate ho, main tumhen mana to nahin karati! main roti hoon to kyon rone nahin dete.

sitasaran- mera ghar rone ke lie nahin hai.

lila- achchhi bat hai, tumhare ghar men n rooongi.

5

lila ne dekha, mere svami mere hathon se nikale ja rahe hain. un par vishay ka bhoot savar ho gaya hai aur koee samajhanevala nahin. vah apane hosh men nahin hain. main kya karoon, agar main chali jati hoon to thode hi dinon men sara ghar mitti men mil jayaga aur inaka vahi hal hoga jo svarthi mitron ke chngul men phnse hue naujavan reeson ka hota hai. koee kulata ghar men a jayagi aur inaka sarvanash kar degi. eeshvar! main kya karoon? agar inhen koee bimari ho jati to kya main us dasha men inhen chhodakar chali jati? kabhi nahin. main tan-man se inaki seva-sushroosha karati, eeshvar se prarthana karati, devataon ki manautiyan karati. mana inhen sharirik rog nahin hai, lekin manasik rog avashy hai. adami rone ki jagah hnse aur hnsane ki jagah roye, usake divana hone men kya sndeh hai! mere chale jane se inaka sarvanash ho jayaga. inhen bachana mera dharm hai.

han, mujhe apana shok bhool jana hoga. rooongi, rona to takadir men likha hi hai- rooongi, lekin hns-hnsakar. apane bhagy se ladoongi. jo jate rahe unake nam ko rone ke siva aur kar hi kya sakati hoon, lekin jo hai use n jane doongi. a, ai toote hue hriday! aj tere tukadon ko jama karake ek samadhi banaoon aur apane shok ko usake havale kar doon. o ronevali ankhen, ao mere ansuon ko apani vihnsit chhata men chhipa lo. ao mere abhooshano, mainne bahut dinon tak tumhara apaman kiya, mera aparadh kshama karo. tum mere bhale dinon ke sathi ho, tumane mere sath bahut vihar kiye hain, ab is snkat men mera sath do; magar daga n karana; mere bhedon ko chhipaye rakhana!

lila sari rat baithi apane man se yahi baten karati rahi. udhar mardane men dhama-chaukadi machi huee thi. sitasaran nashe men choor kabhi gata tha, kabhi taliyan bajata tha. usake mitr log bhi usi rng men rnge hue the. maloom hota tha inake lie bhog-vilas ke siva aur koee kam nahin hai.

pichhale pahar ko mahaphil men sannata ho gaya. hoo-ha ki avajen band ho gayin. lila ne socha, kya log kahin chale ge, ya so gaye? ekaek sannata kyon chha gaya. jakar dehalij men khadi ho gayi aur baithak men jhank kar dekha, sari deh men ek jvala-si daud gayi. mitr log vida ho gaye the. samajiyon ka pata n tha. keval ek ramani masanad par leti huee thi aur sitasaran usake samane jhuka hua usase bahut dhire-dhire baten kar raha tha. donon ke cheharon aur ankhon se unake man ke bhav saf jhalak rahe the. ek ki ankhon men anurag tha, doosari ki ankhon men kataksh! ek bhola-bhala hriday ek mayavini ramani ke hathon luta jata tha. lila ki sampatti ko usaki ankhon ke samane ek chhalini churaye liye jati thi. lila ko aisa krodh aya ki isi samay chalakar is kulata ko ade hathon loon, aisa dutkaroon ki vah bhi yad kare, khade-khade nikal doon. vah patni-bhav jo bahut dinon se so raha tha, jag utha aur use vikal karane laga. par usane jabt kiya. veg se daudati huee trishnaen akasmath n roki ja sakati thin. vah ulate panv bhitar laut ayi aur man ko shant karake sochane lagi- vah roop-rng men, hav-bhav men, nakhe-tille men us dushta ki barabari nahin kar sakati. bilakul chand ka tukada hai, ang-ang men sphoorti bhari huee hai, por-por men mad jhalak raha hai. usaki ankhon men kitani trishna hai, trishna nahin, balki jvala! lila usi vakt aine ke samane gayi. aj kee mahinon ke bad usane aine men apani soorat dekhi. usake mukh se ek ah nikal gayi. shok ne usaki kayapalat kar di thi. us ramani ke samane vah aisi lagati thi jaise gulab ke samane joohi ka phool! sitasaran ka khumar sham ko toota. ankhen khulin to samane lila ko khadi muskarate dekha. usaki anokhi chhavi ankhon men sama gayi. aise khush hue mano bahut dinon ke viyog ke bad usase bhent huee ho. use kya maloom tha ki yah roop bharane ke lie lila ne kitane ansoo bahaye hain; keshon men yah phool goonthane ke pahale ankhon se kitane moti piroye hain. unhonne ek navin premotsah se uthakar use gale laga liya aur muskarakar bole- aj to tumane bade-bade shastras saja rakhe hain, kahan bhagoon?

lila ne apane hriday ki or ungali dikhakar kaha- yahan a baitho. bahut bhage phirate ho, ab tumhen bandhakar rakhoongi. bag ki bahar ka annd to utha chuke, ab is andheri kothari ko bhi dekh lo.

sitasaran ne lajjit hokar kaha- use andheri kothari mat kaho lila! vah prem ka manasarovar hai!

itane men bahar se kisi mitr ke ane ki khabar ayi. sitasaran chalane lage to lila ne unaka hath pakadakar kaha- main n jane doongi.

sitasaran- abhi ata hoon.

lila- mujhe dar lagata hai kahin tum chale n jao.

sitasaran bahar aye to mitr mahashay bole- aj din-bhar sote hi rahe kya? bahut khush najar ate ho. is vakt to vahan chalane ki thahari thi n? tumhari rah dekh rahi hain.

sitasaran- chalane ko to taiyar hoon, lekin lila jane nahin deti.

mitr- nire gaudi hi rahe. a gaye phir bivi ke pnje men! phir kis birate par garamaye the?

sitasaran- lila ne ghar se nikal diya tha, tab ashray dhoondhata phirata tha. ab usane dvar khol diye aur khadi buli rahi hai.

mitr- aji, yahan vah annd kahan? ghar ko lakh sajao to kya bag ho jayaga?

sitasaran- bhee, ghar bag nahin ho sakata, par svarg ho sakata hai. mujhe is vakt apani kshudrata par jitani lajja a rahi hai, vah main hi janata hoon. jis sntanashok men usane apane sharir ko ghula dala aur apane roopalavany ko mita diya usi shok ko keval mera ek ishara pakar usane bhula diya. aisa bhula diya mano kabhi shok hua hi nahin! main janata hoon ki vah bade se bade kasht sah sakati hai. meri raksha usake lie avashyak hai. jab apani udasinata ke karan usane meri dasha bigadati dekhi to apana sara shok bhool gayi. aj mainne use apane abhooshan pahanakar muskarate hue dekha to meri atma pulakit ho uthi. mujhe aisa maloom ho raha hai ki vah svarg ki devi hai aur keval mujh-jaise durbal prani ki raksha karane ke lie bheji gayi hai. mainne use jo kathor shabd kahe, ve agar apani sari sampatti bechakar bhi mil sakate, to lauta leta. lila vastav men svarg ki devi hai!

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah