लांछन -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

agar snsar men aisa prani hota, jisaki ankhen logon ke hridayon ke bhitar ghus sakatin, to aise bahut kam stri-purush honge, jo usake samane sidhi ankhen karake tak sakate ! mahila-ashram ki juganoobaee ke vishay men logon ki dharana kuchh aisi hi ho gayi thi. vah bepadhi-likhi, garib, boodhi aurat thi, dekhane men badi saral, badi hnsamukh; lekin jaise kisi chatur proopharidar ki nigah galatiyon hi par ja padati hai; usi tarah usaki ankhen bhi buraiyon hi par pahunch jati thin. shahar men aisi koee mahila n thi; jisake vishay men do-char luki-chhipi baten use n maloom hon. usaka thigana sthool sharir, sir ke khichadi bal, gol munh, phoole-phoole gal, chhoti-chhoti ankhen usake svabhav ki prakharata aur teji par parada-sa dale rahati thin; lekin jab vah kisi ki kutsa karane lagati, to usaki akriti kathor ho jati, ankhen phail jatin aur knth-svar karkash ho jata. usaki chal men billiyon ka-sa snyam tha; dabe panv dhire-dhire chalati, par shikar ki ahat pate hi, jast marane ko taiyar ho jati thi. usaka kam tha, mahila-ashram men mahilaon ki seva-tahal karana; par mahilaen usaki soorat se kanpati thin. usaka atnk tha, ki jyon hi vah kamare men qadam rakhati, othon par khelati huee hnsi jaise ro padati thi. chahakane vali avajen jaise bujh jati thin, mano unake mukh par logon ko apane pichhale rahasy ankit najar ate hon. pichhale rahasy ! kaun hai, jo apane atit ko kisi bhaynkar jntu ke saman katagharon men bnd karake n rakhana chahata ho. dhaniyon ko choron ke bhay se nidra nahin ati, maniyon ko usi bhanti man ki raksha karani padati hai. vah jntu, jo pahale kit ke saman alpakar raha hoga, dinon ke sath dirgh aur sabal hota jata hai, yahan tak ham usaki yad hi se kanp uthate hain; aur apane hi karanamon ki bat hoti, to adhikansh deviyan juganoo ko dutkaratin; par yahan to maike aur sasural, naniyal, dadiyal, phuphiyal aur mausiyal, charon or ki raksha karani thi aur jis kile men itane dvar hon, usaki raksha kaun kar sakata hai. vahan to hamala karane vale ke samane mastak jhukane men hi kushal hai. juganoo ke dil men hajaron murade gade pade the aur vah zaroorat padane par unhen ukhad diya karati thi. jahan kisi mahila ne doon ki li, ya shan dikhayi, vahan juganoo ki tyoriyan badalin. usaki ek kadi nigah achchhe- achchhe ko dahala deti thi; magar yah bat n thi ki striyan usase ghrina karati hon. nahin, sabhi bade chav se usase milatin aur usaka adar-satkar karatin. apane padosiyon ki ninda sanatan se manushy ke lie manornjan ka vishay rahi hai aur juganoo ke pas isaka kafi saman tha.

2

nagar men indumati-mahila-pathashala nam ka ek ladakiyon ka haeeskool tha. hal men mis khurashed usaki hed mistres hokar ayi thin. shahar men mahilaon ka doosara klab n tha. mis khurashed ek din ashram men ayin. aisi oonche darje ki shiksha payi huee ashram men koee devi n thi. unaki badi avabhagat huee. pahale hi din maloom ho gaya, mis khurashed ke ane se ashram men ek naye jivan ka snchar hoga. kuchh is tarah dil kholakar harek se milin, kuchh aisi dilachasp baten kin, ki sabhi deviyan mugdh ho gayin. gane men chatur thin. vyakhyan bhi khoob deti thin aur abhinay-kala men to unhonne lndan men nam kama liya tha. aisi sarvagun-snpann devi ka ana ashram ka saubhagy tha. gulabi gora rng, komal gal, madabhari ankhen, naye phaishan ke kate hue kesh, ek-ek ang sanche men dhala hua; madakata ki isase achchhi pratima n ban sakati thi.

chalate samay mis khurashed ne misej tndan ko, jo ashram ki pradhan thin, ekant men bulakar poochha- vah budhiya kaun hai?

juganoo kee bar kamare men akar mis khurashed ko anveshan ki ankhon se dekh chuki thi, mano koee shahasavar kisi nayi ghodi ko dekh raha ho.

misej tndan ne muskarakar kaha- yahan oopar ka kam karane ke lie naukar hai. koee kam ho, to bulaoon?

mis khurashed ne dhanyavad dekar kaha- ji nahin, koee vishesh kam nahin hai. mujhe chalabaj maloom hoti hai. yah bhi dekh rahi hoon, ki vah sevika nahin svamini hai. misej tndan to juganoo se jali baithi hi thin, inake vaidhavy ko lanchhit karane ke lie, vah unhen sada-sohagin kaha karati thi. mis khurashed se usaki jitani buraee ho saki, vah ki aur usase sachet rahane ka adesh diya.

mis khurashed ne gnbhir hokar kaha- tab to bhaynkar stri hai. tabhi sab deviyan isase kanpati hain. ap ise nikal kyon nahin detin? aisi chudail ko ek din n rakhana chahie.

misej tndan ne apani majaboori bataee- nikal kaise doon; jinda rahana mushkil ho jay. hamara bhagy usaki mutthi men hai. apako do-char din men usake jauhar khulenge. main to darati hoon, kahin ap bhi usake pnje men n phns jayen ! usake samane bhoolakar bhi kisi purush se baten n kijiega. isake goynde n jane kahan-kahan lage hue hain. naukar se milakar bhed yah le, dakiye se milakar chitthiyan yah dekhe, ladakon ko phusalakar ghar ka hal yah poochhe. is rand ko khuphiya pulis men jana chahie tha. yahan n jane kyon a mari.

mis khurashed chintit ho gayin, mano is samasya ko hal karane ki fikr men hon. ek kshan bad bolin- achchha main ise thik karoongi; agar n nikal doon, to kahana.

misej tndan- nikal dene hi se kya hoga. usaki jaban to n bnd hogi. tab to vah aur bhi nidar hokar kichad phenkegi.

mis khurashed ne nishchint svar men kaha- main usaki jaban bhi bnd kar doongi bahan. ap dekh lijiega. take ki aurat, yahan badashahat kar rahi hai. main yah bardasht nahin kar sakati.

vah chali gayi, to misej tndan ne juganoo ko bulakar kaha- is nayi mis sahab ko dekh. yahan prinsipal hain.

juganoo ne dvesh bhare hue svar men kaha- ap dekhen. main aisi saikadon chhokariyan dekh chuki hoon. ankho ka pani jaise mar gaya ho.

misej tndan dhire se bolin- tumhen kachcha hi kha jayengi. unase darati rahana. kah gayi hain, main ise thik karake chhodoongi. mainne socha, tumhen cheta doon. aisa n ho, usake samane kuchh aisi-vaisi baten kah baitho.

juganoo ne mano talavar khinchakar kaha- mujhe chetane ka kam nahin, unhen cheta dijiega. yahan ka ana n bnd kar doon, to apane bap ki nahin. vah ghoomakar duniya dekh ayi hain, to yahan ghar baithe duniya dekh chuki hoon.

misej tndan ne pith thonki- mainne samajha diya bhaee, age tum jano tumhara kam jane.

juganoo- ap chupachap dekhati jaie. kaisa tigani ka nach nachati hoon. isane ab tak byah kyon nahin kiya? umir to tis ke lagabhag hogi?

misej tndan ne radda jamaya- kahati hai, main shadi karana hi nahin chahati. kisi purush ke hath kyon apani azadi bechoon?

juganoo ne ankhen nachakar kaha- koee poochhata hi n hoga. aisi bahut-si kvanriyan dekh chuki hoon. sattar choohe khakar, billi chali hajj ko !

aur kee laundiyan a gayin aur bat ka silasila bnd ho gaya.

3

doosare din sabere juganoo mis khurashed ke bngale par pahunchi. mis khurashed hava khane gayi huee thin. khanasama ne poochha - kahan se ati ho?

juganoo- yahin rahati hoon beta. mem sahab kahan se ayi hain, tum to inake purane naukar honge?

khanasama- nagapur se ayi hain ! mera ghar bhi vahin hai. das sal se inake sath hoon.

juganoo- kisi oonche khanadan ki hongi? vah to rng-dhng se hi maloom hota hai.

khanasama- khanadan to kuchh aisa ooncha nahin, han takadir ki achchhi hain. inaki man abhi tak mishan men 30/- pati hain. yah padhane men tej thin vajipha mil gaya, vilayat chali gayin, bas takadir khul gayi. ab to apani man ko bulanevali hain, lekin vah budhiya shayad hi aye. yah giraje-viraje nahin jatin, isase donon men patati nahin.

juganoo- mizaj ki tej maloom hoti hain.

khanasama- nahin; yon to bahut nek hain, giraje nahin jatin. tum kya naukari ki talash men ho? karana chaho, to kar lo, ek aya rakhana chahati hain.

juganoo- nahin beta, main ab kya naukari karoongi. is bngale men pahale jo mem sahab rahati thin, vah mujh par badi nigah rakhati thin. mainne samajha, chaloon nayi mem sahab ko asirabad de aoon.

khanasama- yah asirabad lenevali mem sahab nahin hain. aison se bahut chidhati hain. koee mngata aya aur use dant bataee. kahati hain, bina kam kiye kisi ko jinda rahane ka hak nahin hai. bhala chahati ho, to chupake se rah lo.

juganoo- to yah kaho, inaka koee dharam-karam nahin. phir bhala garibon par kyon daya karane lagin.

juganoo ko apani divar khadi karane ke lie kafi saman mil gaya- nich khanadan ki hai, man se nahin patati; dharm se vimukh hai. pahale dhave men itani saphalata kuchh kam n thi. chalate-chalate khanasama se itana aur poochha- inake sahab kya karate hain?

khanasama ne muskarakar kaha- inaki to abhi shadi hi nahin huee. sahab kahan se honge.

juganoo ne banavati ashchary se kaha- are, ab tak byah hi nahin hua. hamare yahan to duniya hnsane lage.

khanasama- apana-apana rivaj hai. inake yahan to kitani hi auraten umr bhar byah nahin karatin !

juganoo ne marmik bhav se kaha- aisi kvanriyon ko main bahut dekh chuki. hamari biradari men koee is tano rahe, to thudi-thudi ho jay. muda inake yahan jo ji men ave karo, koee nahin poochhata.

itane men mis khurashed a pahunchin. gulabi jada padane laga tha. mis sahab sadi ke oopar ovarakot pahane hue thin. ek hath men chhatari thi, doosare men chhote kutte ki jnjir. prabhat ki shital vayu men vyayam ne kapolon ko taja aur surkh kar diya tha. juganoo ne jhukakar salam kiya, par unhonne use dekhakar bhi n dekha. andar jate hi khanasama ko bulakar poochha- yah aurat kya karane ayi hai.

khanasama ne joote ka phita kholate hue kaha- bhikharin hai huzoor ! par aurat samajhadar hai. mainne kaha, yahan naukari karegi, to raji nahin huee. poochhane lagi, inake sahab kya karate hain. jab mainne bata diya, to ise bada tajjub hua aur hona hi chahe. hinduon men to dudhamunhe balakon tak ka vivah ho jata hai.

khurashed ne janch ki- aur kya kahati thi?

'aur to koee bat nahin huzoor !'

'achchha, use mere pas bhej do !'

4

juganoo ne jyon hi kamare men qadam rakkha, mis khurashed ne kurasi se uthakar svagat kiya- aie manji ! main jara sair karane chali gee thi. apake ashram men to sab kushal hai?

juganoo ek kurasi ka takiya pakadakar khadi-khadi boli- kushal hai mis sahab ! mainne kaha, apako asirabad de aoon. main apaki cheri hoon. jab koee kam pade mujhe yad kijiega. yahan akele to huzoor ko achchha n lagata hoga.

mis khurashed- mujhe apane skool ki ladakiyon ke sath bada annd milata hai, vah sab meri hi ladakiyan hain.

juganoo ne matri-bhav se sir hilakar kaha- yah thik hai mis sahab, par apana, apana hi hai. doosara apana ho jay, to apanon ke lie koee kyon roye !

sahasa ek sundar sajila yuvak reshami soot dharan kiye joote charamar karata hua andar aya. mis khurashed ne is tarah daudakar prem se usaka abhivadan kiya, mano jame men phooli n samati hon. juganoo use dekhakar kone men dubak gayi !

khurashed ne yuvak se gale milakar kaha- pyare ! main kab se tumhari rah dekh rahi hoon. (juganoo se) manji, ap jayen phir kabhi ana. yah hamare param mitr viliyam king hain. ham aur yah bahut dinon tak sath-sath padhe hain.

juganoo chupake se nikalakar bahar aee. khanasama khada tha. poochha- yah launda kaun hai?

khanasama ne sir hilaya- mainne ise aj hi dekha hai. shayad ab kvanrapan se ji ooba ! achchha tarahadar javan hai.

juganoo- donon is tarah tootakar gale mile hain ki main to laj ke mare gad gayi. aisa chooma-chati to joroo-khasam men nahin hoti. donon lipat gaye. launda to mujhe dekhakar kuchh jhijhakata tha; par tumhari mis sahab to jaise matavali ho gee thin.

khanasama ne mano amngal ke abhas se kaha- mujhe to kuchh bedhab muamala najar ata hai.

juganoo to yahan se sidhe misej tndan ke ghar pahunchi. idhar mis khurashed aur yuvak men baten hone lagin.

mis khurashed ne kahakaha marakar kaha- tumane apana part khoob khela lila, budhiya sachamuch chaundhiya gayi !

lila- main to dar rahi thi, ki kahin budhiya bhanp n jay.

mis khurashed- mujhe vishvas tha, vah aj zaroor ayegi. mainne door hi se use baramade men dekha aur tumhen soochana di. aj ashram men bade maje rahenge. ji chahata hai, mahilaon ki kanaphusakiyan sunati ! dekh lena, sabhi usaki baton par vishvas karengi.

lila- tum bhi to jan-boojhakar daladal men panv rakh rahi ho.

mis khurashed- mujhe abhinay men maja ata hai. dillagi rahegi. budhiya ne bada julm kar rakha hai. jara use sabak dena chahati hoon. kal tum isi vakt isi that se phir a jana. budhiya kal phir ayegi. usake pet men pani n hajam hoga. nahin, aisa kyon? jis vakt vah ayegi, main tumhen khabar doongi. bas, tum chhaila bani huee pahunch jana.

5

ashram men us din juganoo ko dam marane ki phursat n mili. usane sara vrittant misej tndan se kaha. misej tndan daudi huee ashram pahunchin aur any mahilaon ko khabar sunayi. juganoo usaki tasadik karane ke lie bulayi gayi. jo mahila ati, vah juganoo ke munh se yah katha sunati. har ek riharsal men kuchh-kuchh rng aur chadh jata. yahan tak ki dopahar hote-hote sare shahar ke sabhy samaj men vah khabar goonj uthi.

ek devi ne poochha- yah yuvak hai kaun !

misej tndan- suna to, unake sath ka padha hua hai. donon men pahale se kuchh batachit rahi hogi. vahi to main kahati thi ki itani umr ho gayi, yah kvanri kaise baithi hai? ab kalee khuli.

juganoo- aur kuchh ho ya n ho, javan to banka hai.

tndan- yah hamari vidvan bahanon ka hal hai.

juganoo- main to usaki soorat dekhate hi tad gayi thi. dhoop men bal nahin suphed kiye hain.

tndan- kal phir jana.

juganoo- kal nahin, main aj rat hi ko jaoongi. lekin rat ko jane ke lie koee bahana zaroori tha. misej tndan ne ashram ke lie ek kitab mngava bheji. rat ko nau baje juganoo mis khurashed ke bngale par ja pahunchi. snyog se lilavati us vakt maujood thi; boli, budhiya to betarah pichhe pad gayi.

mis khurashed- mainne tumase kaha, tha, usake pet men pani n pachega. tum jakar roop bhar jao. tab tak main baton men lagati hoon. sharabiyon ki tarah ant-snt bakana shuroo karana. mujhe bhaga le jane ke prastav bhi karana, bas yon ban jana jaise apane hosh men nahin ho.

lila mishan men daktar thi. usaka bngala bhi pas hi tha. vah chali gayi, to mis khurashed ne juganoo ko bulaya.

juganoo ne ek puraja usako dekar kaha- misej tndan ne yah kitab mangi hai. mujhe ane men der ho gayi. main is vakt apako kasht n deti; par sabere hi vah mujhase mangengi. hajaron rupaye mahine ki amadani hai mis sahab, magar ek-ek kaudi dant se pakadati hain. inake dvare par bhikhari ko bhikh tak nahin milati.

mis khurashed ne puraja dekhakar kaha- is vakt to yah kitab nahin mil sakati, subah le jana. tumase kuchh baten karani hain. baitho, main abhi ati hoon.

vah parada uthakar pichhe ke kamare men chali gayi aur vahan se koee pndrah minat men ek sundar reshami sadi pahane, itr men basi huee, munh par paudar lagaye nikali. juganoo ne use ankhen phadakar dekha. o ho ! yah ringar ! shayad is samay vah launda anevala hoga. tabhi yah taiyariyan hain. nahin, sone ke samay kvanriyon ko banav-snvar ki kya zaroorat? juganoo ki niti men striyon ke ringar ka keval ek uddeshy tha, pati ko lubhana. isalie sohaginon ke siva ringar aur sabhi ke lie varjit tha ! abhi khurashed kurasi par baithane bhi n payi thi ki jooton ka charamar sunaee diya aur ek kshan men viliyam king ne kamare men qadam rakkha. usaki ankhen chadhi huee maloom hoti thin, aur kapadon se sharab ki gandh a rahi thi. usane bedhadak mis khurashed ko chhati se laga liya aur bar-bar usake kapolon ke chunban lene laga.

mis khurashed ne apane ko usake kar-pash se chhudane ki cheshta karake kaha- chalo hato, sharab pikar aye ho.

king ne use aur chimatakar kaha- aj tumhen bhi pilaoonga priye! tumako pina hoga. phir ham donon lipatakar sovenge. nashe men prem kitana sajiv ho jata hai, isaki pariksha kar lo.

mis khurashed ne is tarah juganoo ki upasthiti ka use snket kiya ki juganoo par najar pad jay. par king nashe men mast tha, juganoo ki taraph dekha hi nahin.

mis khurashed ne rosh ke sath apane ko alag karake kaha- tum is vakt ape men nahin ho. itane utavale kyon hue jate ho? kya main kahin bhagi ja rahi hoon?

king- itane dinon se choron ki tarah aya hoon, aj se main khule khazane aoonga.

khurashed- tum to pagal ho rahe ho. dekhate nahin ho, kamare men kaun baitha hua hai?

king ne hakabakakar juganoo ki taraph dekha aur jhijhakakar bola- yah budhiya yahan kab ayi? too yahan kyon ayi buddhi ! shaitan ki bachchi ! yahan bhed lene ati hai? hamako badanam karana chahati hai? main tera gala ghont doonga. thahar bhagati kahan hai? main tujhe jinda n chhodoonga !

juganoo billi ki tarah kamare se nikali aur sir par panv rakhakar bhagi. udhar kamare se kahakahe uth-uthakar chhat ko hilane lage.

juganoo usi vakt misej tndan ke ghar pahunchi, usake pet men bulabule uth rahe the; par misej tndan so gayi thin. vahan se nirash hokar usane kee doosare gharon ki kundi khatakhataee; par koee dvar n khula aur dukhiya ko sari rat isi tarah katani padi, mano koee rota hua bachcha god men ho. prat:kal vah ashram men ja koodi.

koee adha ghnte men misej tndan bhi ayin. unhen dekhakar usane munh pher liya.

misej tndan ne poochha- rat kya tum mere ghar ayi thin? is vakt mujhase maharaj ne kaha.

juganoo ne virakt bhav se kaha- pyasa hi to kuen ke pas jata hai. kuan thode hi pyase ke pas ata hai. mujhe ag men jhonkakar ap door hat gayin. bhagavan ne meri raksha ki, nahin kal jan hi gayi thi.

misej tndan ne utsukata se kaha- kya, hua kya, kuchh kaho to? mujhe tumane jaga kyon n liya? tum to janati ho, meri adat sabere so jane ki hai.

'maharaj ne ghar men ghusane hi n diya. jaga kaise leti? apako itana to sochana chahie tha, ki vah vahan gayi hai, to ati hogi? ghadi bhar bad hi sotin, to kya bigad jata; par apako kisi ki kya paravah !'

'to kya hua, mis khurashed marane daudin?'

'vah nahin marane daudin, unaka vah khasam hai, vah marane dauda. lal ankhen nikale aya aur mujhase kaha, nikal ja. jab tak main nikaloon, tab tak hntar khinchakar daud hi to pada. main sir par panv rakhakar n bhagati to chamada udhod dalata. aur vah rand baithi tamasha dekhati rahi. donon men pahale se sadhi-badi thi. aisi kulataon ka munh dekhana pap hai. besava bhi itani nirlajj n hogi.'

jara der men aur deviyan a pahunchin. yah vrittant sunane ke lie sabhi utsuk ho rahi thin. juganoo ki kainchi avishrant roop se chalati rahi. mahilaon ko is vrittant men itana annd a raha tha ki kuchh n poochho. ek-ek bat ko khod-khodakar poochhati thin. ghar ke kam-dhndhe bhool gaye, khane-pine ki sudhi bhi n rahi; aur ek bar sunakar unaki tripti n hoti thi, bar-bar vahi katha naye annd se sunati thin.

misej tndan ne ant men kaha- hamen ashram men aisi mahilaon ko lana anuchit hai. ap log is prashn par vichar karen.

misej pandaya ne samarthan kiya- ham ashram ko adarsh se girana nahin chahate. main to kahati hoon, aisi aurat kisi snstha ki prinsipal banane ke yogy nahin.

misej bangada ne pharamaya- juganoobaee ne thik kaha tha, aisi aurat ka munh dekhana bhi pap hai. usase saf kah dena chahie, ap yahan tashariph n laven.

abhi yah khichadi pak rahi thi ki ashram ke samane ek motar akar ruki. mahilaon ne sir utha-uthakar dekha, gadi men mis khurashed aur viliyam king baithe hue the.

juganoo ne munh phailakar hath se ishara kiya, vahi launda hai. mahilaon ka snpoorn samooh chik ke samane ane ke lie vikal ho gaya.

mis khurashed ne motar se utarakar hud bnd kar diya aur ashram ke dvar ki or chalin. mahilaen bhag-bhagakar apani-apani jagah a baithin.

mis khurashed ne kamare men qadam rakkha. kisi ne svagat n kiya. mis khurashed ne juganoo ki or ni:snkoch ankhon se dekhakar muskarate hue kaha- kahie baeeji, rat apako chot to nahin ayi?

juganoo ne bahuteri dida-diler striyan dekhi thin; par is dhithaee ne use chakit kar diya. chor hath men chori ka mal liye, sah ko lalakar raha tha.

juganoo ne ainthakar kaha- ji n bhara ho, to ab pitava do. samane hi to hai.

khurashed- vah is vakt tumase apana aparadh kshama karane aye hain. rat vah nashe men the.

juganoo ne misej tndan ki or dekhakar kaha- aur ap bhi to kuchh kam nashe men nahin thin.

khurashed ne vyngy samajhakar kaha- mainne aj tak kabhi nahin pi, mujh par jhootha ilajam mat lagao.

juganoo ne lathi mari- sharab se bhi badi nashe ki chiz hai koee; vah usi ka nasha hoga. un mahashay ko parade men kyon dhak diya. deviyan bhi to unaki soorat dekhatin.

mis khurashed ne shararat ki- soorat to unaki lakh-do-lakh men ek hai.

misej tndan ne ashnkit hokar kaha- nahin, unhen yahan lane ki zaroorat nahin ! ashram ko ham badanam nahin karana chahate.

mis khurashed ne agrah kiya- muamale ko saf karane ke lie unaka ap logon ke samane ana zaroori hai. ekatarapha phaisala ap kyon karati hain?

misej tndan ne talane ke lie kaha- yahan koee mukadama thode hi pesh hai !

mis khurashed- vah ! meri ijjat men batta laga ja raha hai, aur ap kahati hain, koee mukadama nahin hai? mistar king ayenge aur apako unaka bayan sunana hoga.

misej tndan ko chhodakar aur sabhi mahilaen king ko dekhane ke lie utsuk thin. kisi ne virodh n kiya.

khurashed ne dvar par akar oonchi avaz se kaha- tum jara yahan chale ao !

hud khula aur mis lilavati reshami sadi pahane muskarati huee nikal aeen.

ashram men sannata chha gaya. deviyan vismit ankho se lilavati ko dekhane lagin.

juganoo ne ankhen chamakakar kaha- unhen kahan chhipa diya apane?

khurashed- chhoomntar se ud gaye. jakar gadi dekh lo.

juganoo lapakakar gadi ke pas gayi aur khoob dekh-bhalakar munh latakaye hue lauti.

mis khurashed ne poochha- kya hua, mila koee?

juganoo- main yah tiriya-charittar kya janoon. (lilavati ko gaur se dekhakar) aur maradon ko sadi pahanakar ankho men dhool jhonk rahi ho. yahi to hain, vah rat vale sahab !

khurashed- khoob pahachanati ho?

juganoo- han-han, kya andhi hoon?

misej tndan- kya pagalon-si baten karati ho juganoo, yah to daktar lilavati hain.

juganoo- (ungali chamakakar) chalie-chalie, lilavati hain. sadi pahanakar aurat banate laj bhi nahin ati ! tum rat ko inake ghar nahin the?

lilavati ne vinod-bhav se kaha- main kab inakar kar rahi hoon. is vakt lilavati hoon. rat ko viliyam king ban jati hoon. isamen bat hi kya hai !

deviyon ko ab yatharth ki lalima dikhaee di. charon taraph kahakahe padane lage. koee taliyan bajati thin, koee daktar lilavati ki garadan se lipat jati thin; koee mis khurashed ki pith par thapakiyan deti thin. kee minat tak hoo-hak machata raha. juganoo ka munh us lalima men bilakul jara-sa nikal aya. jaban bnd ho gayi. aisa charaka usane kabhi n khaya tha. itani jalil kabhi n huee thi.

misej mehara ne dant bataee- ab bolo daee, lagi munh men kalikh ki nahin?

misej bangada- isi tarah sabako badanam karati hai.

lilavati- ap log bhi to jo yah kahati hai, us par vishvas kar leti hain.

is harabong men juganoo ko kisi ne jate n dekha. apane sir par yah toofan uthate dekhakar use chupake se sarak jane men hi apani kushal maloom huee. pichhe ke dvar se nikali aur galiyon-galiyon bhagi.

mis khurashed ne kaha- jara usase poochho; mere pichhe kyon pad gayi thi?

misej tndan ne pukara, par juganoo kahan ! talash hone lagi. juganoo gayab !

us din se shahar men phir kisi ne juganoo ki soorat nahin dekhi. ashram ke itihas men yah muamala aj bhi ullekh aur manornjan ka vishay bana hua hai.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah