आभूषण- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

abhooshanon ki ninda karana hamara uddeshy nahin hai. ham asahayog ka utpidan sah sakate hain par lalanaon ke nirday ghatak vakbanon ko nahin odh sakate. to bhi itana avashy kahenge ki is trishna ki poorti ke lie jitana tyag kiya jata hai usaka sadupayog karane se mahanh pad prapt ho sakata hai.

yadyapi hamane kisi roop-hina mahila ko abhooshanon ki sajavat se roopavati hote nahin dekha tathapi ham yah bhi man lete hain ki roop ke lie abhooshanon ki utani hi zaroorat hai jitani ghar ke lie dipak ki. kintu sharirik shobha ke lie ham tan ko kitana malin chitt ko kitana ashant aur atma ko kitana kalushit bana lete hain isaka hamen kadachith gyan hi nahin hota. is dipak ki jyoti men ankhen dhundhali ho jati hain. yah chamak-damak kitani eershya kitane dvesh kitani pratispardha kitani dushchinta aur kitani durasha ka karan hai isaki keval kalpana se hi rongate khade ho jate hain. inhen bhooshan nahin dooshan kahana adhik upayukt hai. nahin to yah kab ho sakata tha ki koee navavadhoo pati ke ghar ane ke tisare din apane pati se kahati ki mere pita ne tumhare palle bandh kar mujhe to kuen men dhakel diya. shitala aj apane ganv ke tallukedar kunvar sureshasinh ki navavivahita vadhoo ko dekhane gayi thi. usake samane hi vah mntramugdh-si ho gayi. bahoo ke roop-lavany par nahin usake abhooshanon ki jagamagahat par usaki takataki lagi rahi. aur vah jab se laut kar ghar ayi usaki chhati par sanp lotata raha. ant ko jyon hi usaka pati aya vah us par baras padi aur dil men bhara hua gubar poorvokt shabdon men nikal pada. shitala ke pati ka nam vimalasinh tha. unake purakhe kisi jamane men ilakedar the. is ganv par bhi unhin ka solahon ane adhikar tha. lekin ab is ghar ki dasha hin ho gayi hai. sureshasinh ke pita jamindari ke kam men daksh the. vimalasinh ka sab ilaka kisi n kisi prakar se unake hath a gaya. vimal ke pas savari ka tattoo bhi n tha use din men do bar bhojan bhi mushkil se milata tha. udhar suresh ke pas hathi motar aur kee ghode the das-panch bahar ke adami nity dvar par pade rahate the. par itani vishamata hone par bhi donon men bhaeechara nibhaya jata tha. shadi-byah men mundan-chhedan men paraspar ana-jana hota rahata tha. suresh vidya-premi the. hindustan men oonchi shiksha samapt karake vah yoorop chale gaye aur sab logon ki shnkaon ke viparit vahan se ary-sabhyata ke param bhakt ban kar laute. vahan ke jadavad kritrim bhogalipsa aur amanushik madandhata ne unaki ankhen khol di thin. pahale vah gharavalon ke bahut zor dene par bhi vivah karane ko raji nahin hue the. ladaki se poorv-parichay hue bina pranay nahin kar sakate the. par yoorop se lautane par unake vaivahik vicharon men bahut bada parivartan ho gaya. unhonne usi pahale ki kanya se bina usake achar-vichar jane hue vivah kar liya. ab vah vivah ko prem ka bndhan nahin dharm ka bndhan samajhate the. usi saubhagyavati vadhoo ko dekhane ke lie aj shitala apani sas ke sath suresh ke ghar gayi thi. usi ke abhooshanon ki chhata dekh kar vah marmahat-si ho gayi hai. vimal ne vyathit ho kar kaha-to mata-pita se kaha hota suresh se byah kar dete. vah tumhen gahanon se lad sakate the.

shitala-to gali kyon dete ho

vimal-gali nahin deta bat kahata hoon. tum jaisi sundari ko unhonne nahak mere sath byaha.

shitala-lajate to ho nahin ulate aur tane dete ho.

vimal-bhagy mere vash men nahin hai. itana padha bhi nahin hoon ki koee badi naukari karake rupaye kamaoon.

shitala-yah kyon nahin kahate ki prem hi nahin hai. prem ho to knchan barasane lage.

vimal-tumhen gahanon se bahut prem hai

shitala-sabhi ko hota hai. mujhe bhi hai.

vimal-apane ko abhagini samajhati ho

shitala-hoon hi samajhana kaisa nahin to kya doosare ko dekh kar tarasana padata

vimal-gahane banava doon to apane ko bhagyavati samajhane lagogi

shitala-(chidh kar) tum to is tarah poochh rahe ho jaise sunar daravaze par baitha hai !

vimal-nahin sach kahata hoon banava doonga. han kuchh din sabar karana padega.

2

samarth purushon ko bat lag jati hai to pran le lete hain. samarthyahin purush apani hi jan par khel jata hai. vimalasinh ne ghar se nikal jane ki thani. nishchay kiya ya to ise gahanon se hi lad doonga ya vaidhavy-shok se. ya to abhooshan hi pahanegi ya sendur ko bhi tarasegi.

din bhar vah chinta men dooba pada raha. shitala ko usane prem se sntusht karana chaha tha. aj anubhav hua ki nari ka hriday premapash se nahin bndhata knchan ke pash hi se bndh sakata hai. pahar rat jate-jate vah ghar se chal khada hua. pichhe phir kar kabhi n dekha. gyan se jage hue virag men chahe moh ka snskar ho par nairashy se jaga hua virag achal hota hai. prakash men idhar ki vastuon ko dekh kar man vichalit ho sakata hai. par andhakar men kisaka sahas hai jo lik se jau bhar hat sake.

vimal ke pas vidya n thi kala-kaushal bhi n tha. use keval apane kathin parishram aur kathin atm-tyag hi ka adhar tha. vah pahale kalakatte gaya. vahan kuchh din tak ek seth ki agavani karata raha. vahan jo sun paya ki rngoon men mazadoori achchhi milati hai to vah rngoon ja pahuncha aur bndar par mal chadhane-utarane ka kam karane laga.

kuchh to kathin shram kuchh khane-pine ke asnyam aur kuchh jalavayu ki kharabi ke karan vah bimar ho gaya. sharir durbal ho gaya mukh ki kanti jati rahi phir bhi usase zyada mehanati mazadoor bndar par doosara n tha. aur mazadoor the par yah mazadoor tapasvi tha. man men jo kuchh than liya tha use poora karana usake jivan ka ekamatr uddeshy tha.

usane ghar ko apana koee samachar n bheja. apane man se tark kiya ghar men mera kaun hitoo hai gahanon ke samane mujhe kaun poochhata hai usaki buddhi yah rahasy samajhane men asamarth thi ki abhooshanon ki lalasa rahane par bhi pranay ka palan kiya ja sakata hai. aur mazadoor pratahkal seron mithaee kha kar jalapan karate the. din bhar dam-dam bhar par ganje-charas aur tamakhoo ke dam lagate the. avakash pate to bazar ki sair karate the. kitanon hi ko sharab ka bhi shauq tha. paison ke badale rupaye kamate the to paison ki jagah rupaye kharch bhi kar dalate the. kisi ki deh par sabut kapade n the par vimal un ginati ke do-char mazadooron men tha jo snyam se rahate the jinake jivan ka uddeshy kha-pi kar mar jane ke siva kuchh aur bhi tha. thode hi dinon men usake pas thodi-si snpatti ho gayi. dhan ke sath aur mazadooron par dabav bhi badhane laga. yah prayah sabhi janate the ki vimal jati ka kulin thakur hai. sab thakur hi kah kar use pukarate the. snyam aur achar samman-siddhi ke mntr hain. vimal mazadooron ka neta aur mahajan ho gaya.

vimal ko rngoon men kam karate hue tin varsh ho chuke the. sndhya ho gayi thi. vah kee mazadooron ke sath samudr ke kinare baitha baten kar raha tha.

ek mazadoor ne kaha-yahan ki sabhi striyan nithur hoti hain. bechara jhingur 10 baras se usi barmi stri ke sath rahata tha. koee apani byahi joroo se bhi itana prem n karata hoga. us par itana vishvas karata tha ki jo kuchh kamata so usake hath men rakh deta tha. tin ladake the. abhi kal tak donon sath-sath kha kar lete the. n koee ladaee n bat n chit. rat ko aurat n jane kahan chali gayi. ladakon ko chhod gayi. bechara jhingur ro raha hai. sabase badi mushkil to chhote bachche ki hai. abhi kul chhah mahine ka hai. kaise jiyega bhagavanh hi janen.

vimalasinh ne gnbhir bhav se kaha-gahane banavata tha ki nahin

mazadoor-rupaye-paise to aurat hi ke hath men the. gahane banavati usaka hath kaun pakadata

doosare mazadoor ne kaha-gahanon se to ladi huee thi. jidhar se nikal jati thi chhamh-chhamh ki avaz se kan bhar jate the.

vimal-jab gahane banavane par bhi nithuraee ki to yahi kahana padega ki yah jati hi bevapha hoti hai.

itane men ek adami a kar vimalasinh se bola-chaudhari abhi mujhe ek sipahi mila tha. vah tumhara nam ganv aur bap ka nam poochh raha tha. koee baboo sureshasinh hain.

vimal ne sashnk ho kar kaha-han hain to. mere ganv ke ilakedar aur biradari ke bhaee hain.

adami-unhonne thane men koee notis chhapavaya hai ki jo vimalasinh ka pata lagavega use 1000 rupaye ka inam milega.

vimal-to tumane sipahi ko sab thik-thik bata diya

adami-chaudhari main koee gnvar hoon kya samajh gaya kuchh dal men kala hai nahin to koee itane rupaye kyon kharach karata. mainne kah diya ki unaka nam vimalasinh nahin jasoda pande hai. bap ka nam sukkhoo bataya aur ghar zila jhansi men. poochhane laga yahan kitane din se rahata hai mainne kaha koee das sal se. tab kuchh soch kar chala gaya. suresh baboo se tumase koee adavat hai kya chaudhari

vimal-adavat to nahin thi magar kaun jane unaki niyat bigad gayi ho. mujh par koee aparadh laga kar meri jagah-jamin par hath badhana chahate hon. tumane bada achchha kiya ki sipahi ko udanajhaneen batayi.

adami-mujhase kahata tha ki thik-thik bata do to 50 ru. tumhen bhi dila doon. mainne socha-ap to hazar ki gathari marega aur mujhe 50 ru. dilane ko kahata hai. phatakar bata di.

ek mazadoor-magar jo 200 ru. dene ko kahata to tum sab thik-thik nam-thikana bata dete. (kyon dhath tere lalachi ki !)

adami-(lajjit hokar) 200 ru. nahin 2000 ru. bhi deta to n batata. mujhe aisa vishvasaghat karane vala mat samajho. jab ji chahe parakh lo.

mazadooron men yon vad-vivad hota hi raha vimal akar apani kothari men let gaya. vah sochane laga-ab kya karoon jab suresh-jaise sajjan ki niyat badal gayi to ab kisaka bharosa karoon ! nahin ab bina ghar gaye kam nahin chalega. kuchh din aur n gaya to phir kahin ka n hoonga. do sal aur rah jata to pas men poore 5000 ru. ho jate. shitala ki ichchha kuchh poori ho jati. abhi to sab milakar 3000 ru. hi honge. itane men usaki abhilasha n poori hogi. khair abhi chaloon chhah mahine men phir laut aoonga. apani jayadad to bach jayagi. nahin chhah mahine tak rahane ka kya hai. jane-ane ka ek mahina lag jayaga. ghar men 15 din se zyada n rahoonga. vahan kaun poochhata hai aoon ya rahoon maroon ya jioon vahan to gahanon se prem hai.

is tarah man men nishchay karake vah doosare din rngoon se chal pada.

snsar kahata hai ki gun ke samane roop ki koee hasti nahin. hamare nitishastra ke acharyon ka bhi yahi kathan hai par vastav men yah kitana bhramamoolak hai ! kunvar sureshasinh ki navavadhoo mngalakumari grih-kary men nipun pati ke ishare par pran denevali atynt vicharashila madhurabhashini aur dharm-bhiru stri thi par saundaryavihin hone ke karan pati ki ankhon men kante ke saman khatakati thi. sureshasinh bat-bat par us par jhunjhalate par ghadi bhar men pashchattap ke vashibhoot ho kar usase kshama mangate kintu doosare hi din vahi kutsit vyapar shuroo ho jata. vipatti yah thi ki unake acharan any reeson ki bhanti bhrasht n the. vah dampaty jivan hi men annd sukh shanti vishvas prayah sabhi aihik aur paramarthik uddeshy poora karana chahate the. aur dampaty sukh se vnchit ho kar unhen apana samast jivan niras svad-hin aur kunthit jan padata tha. phal yah hua ki mngala ko apane oopar vishvas n raha. vah apane man se koee kam karate hue darati ki svami naraz honge. svami ko khush rakhane ke lie apani bhoolon ko chhipati bahane karati jhooth bolati. naukaron ko aparadh laga kar atmaraksha karana chahati. pati ko prasann rakhane ke lie usane apane gunon ki apani atma ki avahelana ki par uthane ke badale vah pati ki najaron se girati hi gayi. nity naye shrringar karati par lakshy se door hoti jati thi. pati ki ek madhur muskan ke lie unake adharon ke ek mithe shabd ke lie usaka pyasa hriday tadap-tadap kar rah jata tha. lavany-vihin stri vah bhikshuk nahin hai jo chngul bhar ate se sntusht ho jay. vah bhi pati ka sampoorn akhnd prem chahati hai aur kadachith sundariyon se adhik kyonki vah isake lie asadharan prayatn aur anushthan karati hai. mngala is prayatn men nishphal ho kar aur bhi sntapt hoti thi.

dhire-dhire pati par se usaki shraddha uthane lagi. usane tark kiya ki aise kroor hriday-shoony kalpanahin manushy se main bhi usi ka-sa vyavahar karoongi. jo purush roop ka bhakt hai vah prem-bhakti ke yogy nahin. is pratyaghat ne samasya aur bhi jatil kar di.

magar mngala ki keval apani roopahinata hi ka rona n tha. shitala ka anupam roopalality bhi usaki kamanaon ka badhak tha balki yah usaki ashalataon par padanevala tushar tha. mngala sundari n sahi par pati par jan deti thi. jo apane ko chahe usase ham vimukh nahin ho sakate. prem ki shakti apar hai par shitala ki moorti suresh ke hriday-dvar par baithi huee mngala ko andar n jane deti thi chahe vah kitana hi vesh badal kar ave. suresh is moorti ko hatane ki cheshta karate the use balath nikal dena chahate the kintu saundary ka adhipaty dhan ke adhipaty se kam durnivar nahin hota. jis din shitala is ghar men mngala ka mukh dekhane ayi thi usi din suresh ki ankhon ne usaki manohar chhavi ki ek jhalak dekh li thi. vah ek jhalak mano ek kshanik kriya thi jisane ek hi dhave men samast hriday-rajy ko jit liya us par apana adhipaty jama liya.

suresh ekant men baithe hue shitala ke chitr ko mngala se milate yah nishchay karane ke lie ki unamen kya antar hai ek kyon man ko khinchati hai doosari kyon use hatati hai par usake man ka yah khinchav keval ek chitrakar ya kavi ka rasasvadan-matr tha. vah pavitr aur vasanaon se rahit tha. vah moorti keval usake manornjan ki samagri-matr thi. yah apane man ko bahut samajhate snkalp karate ki ab mngala ko prasann rakhoonga. yadi vah sundar nahin hai to usaka kya dosh par unaka yah sab prayas mngala ke sammukh jate hi viphal ho jata tha. vah badi sookshm drishti se mngala ke man ke badalate hue bhavon ko dekhate the par ek pakshaghat-pidit manushy ki bhanti ghi ke ghade ko ludhakate dekh kar bhi rokane ka koee upay n kar sakate the. parinam kya hoga yah sochane ka unhen sahas hi n hota tha. par jab mngala ne ant ko bat-bat men unaki tivr alochana karana shuroo kar diya vah unase uchchhrinkhalata ka vyavahar karane lagi to usake prati unaka vah utana sauhard bhi vilupt ho gaya ghar men ana-jana chhod diya.

ek din sndhya ke samay badi garami thi. pnkha jhalane se ag aur bhi dahakati thi. koee sair karane bagichon men bhi n jata tha. pasine ki bhanti sharir se sari sphoorti bah gayi thi jo jahan tha vahin murda-sa pada tha. ag se senke hue mridng ki bhanti logon ke svar karkash ho gaye the. sadharan batachit men bhi log uttejit ho jate the jaise sadharan sngharshan se van ke vriksh jal uthate hain. sureshasinh kabhi char qadam tahalate the phir hanph kar baith jate the. naukaron par jhunjhala rahe the ki jald-jald chhidakav kyon nahin karate. sahasa unhen andar se gane ki avaz sunayi di. chaunke phir krodh aya. madhur gan kanon ko apriy jan pada. yah kya bevakt ki shahanaee hai ! yahan garami ke mare dam nikal raha hai aur in sabako gane ki soojhi hai ! mngala ne bulaya hoga aur kya. log nahak kahate hain ki striyon ka jivan ka adhar prem hai. unake jivan ka adhar vahi bhojan-nidra rag-rng amod-pramod hai jo samast praniyon ka hai. ghnte bhar to sun chuka. yah git kabhi bnd bhi hoga ya nahin. sab vyarth men gala phad-phad kar chilla rahi hain.

ant ko n raha gaya. jananakhane men a kar bole-yah tum logon ne kya kanv-kanv macha rakhi hai yah gane-bajane ka kaun-sa samay hai bahar baithana mushkil ho gaya !

sannata chha gaya. jaise shoragul machanevale balakon men mastar pahunch jay. sabhi ne sir jhuka liye aur simat gayin.

mngala turnt uthakar samane vale kamare men chali gayi. pati ko bulaya aur ahiste se boli-kyon itana bigad rahe ho

main is vakt gana nahin sunana chahata.

tumhen sunata hi kaun hai kya mere kanon par bhi tumhara adhikar hai

phajool ki bamachakh...

tumase matalab

main apane ghar men yah kolahal n machane doonga

to mera ghar kahin aur hai

sureshasinh isaka uttar n dekar bole-in sabase kah do phir kisi vakt ayen.

mngala-isalie ki tumhen inaka ana achchha nahin lagata

han isilie.

tum kya sada vahi karate ho jo mujhe achchha lage tumhare yahan mitr ate hai hnsi-thatthe ki avaz andar sunayi deti hai. main kabhi nahin kahati ki in logon ka ana bnd kar do. tum mere kamon men dastndaji kyon karate ho

suresh ne tej ho kar kaha-isalie ki main ghar ka svami hoon.

mngala-tum bahar ke svami ho yahan mera adhikar hai.

suresh-kyon vyarth ki bak-bak karati ho mujhe chidhane se kya milega

mngala jara der chupachap khadi rahi. vah pati ke manogat bhavon ki mimansa kar rahi thi. phir boli-achchhi bat hai. jab is ghar men mera koee adhikar nahin to n rahoongi. ab tak bhram men thi. aj tumane vah bhram mita diya. mera is ghar par adhikar kabhi nahin tha. jis stri ka pati ke hriday par adhikar nahin usaka usaki sampatti par bhi koee adhikar nahin ho sakata.

suresh ne lajjit hokar kaha-bat ka batngad kyon banati ho ! mera yah matalab n tha. kuchh ka kuchh samajh gayi.

mngala-man ki bat adami ke munh se anayas hi nikal jati hai. savadhan ho kar ham apane bhavon ko chhipa lete hain !

suresh ko apani asajjanata par duahkh to hua par is bhay se ki main ise jitana hi manaoonga utana hi yah aur jali-kati sunayegi use vahin chhod kar bahar chale aye.

pratahkal thndi hava chal rahi thi. suresh khumari men pade hue svapn dekh rahe the ki mngala samane se chali ja rahi hai. chaunk pade. dekha dvar par sachamuch mngala khadi hai. ghar ki naukaraniyan anchal se ankhen ponchh rahi hain. kee naukar as-pas khade hain. sabhi ki ankhen sajal aur mukh udas hain. mano bahoo vida ho rahi hai.

suresh samajh gaye ki mngala ko kal ki bat lag gayi. par unhonne uth kar kuchh poochhane ki manane ki ya samajhane ki cheshta nahin ki. yah mera apaman kar rahi hai mera sir nicha kar rahi hai. jahan chahe jay. mujhase koee matalab nahin. yon bina kuchh poochhe-gachhe chale jane ka arth yah hai ki main isaka koee nahin. phir main ise rokanevala kaun !

vah yon hi jadavath pade rahe aur mngala chali gayi. unaki taraph munh utha kar bhi n taka.

3

mngala panv-paidal chali ja rahi thi. ek bade tallukedar ki aurat ke lie yah mamooli bat n thi. har kisi ko himmat n padati thi ki usase kuchh kahe. purush usaki rah chhod kar kinare khade ho jate the. nariyan dvar par khadi karun-kautoohal se dekhati thin aur ankhon se kahati thin-ha nirdayi purush ! itana bhi n ho saka ki ek dola par to baitha deta !

is ganv se nikal kar us ganv men pahunchi jahan shitala rahati thi. shitala sunate hi dvar par a kar khadi ho gayi aur mngala se boli-bahan jara a kar dam le lo.

mngala ne andar ja kar dekha to makan jagah-jagah se gira hua tha. dalan men ek vriddha khat par padi thi. charon or daridrata ke chihn dikhayi dete the.

shitala ne poochha-yah kya hua

mngala-jo bhagy men likha tha.

shitala-kunvar ji ne kuchh kaha-suna tha

mngala-munh se kuchh n kahane par bhi to man ki bat chhipi nahin rahati.

shitala-are to kya ab yahan tak naubat a gayi

duahkh ki antim dasha snkochahin hoti hai. mngala ne kaha-chahati to ab bhi padi rahati. usi ghar men jivan kat jata. par jahan prem nahin poochh nahin man nahin vahan ab nahin rah sakati.

shitala-tumhara maika kahan hai

mngala-maike kaun munh le kar jaoongi

shitala-tab kahan jaogi

mngala-eeshvar ke darabar men. poochhoongi ki tumane mujhe sundarata kyon nahin di badasoorat kyon banaya bahan stri ke lie isase adhik durbhagy ki bat nahin ki vah roopahin ho. shayad pahale janam ki pishachiniyan hi badasoorat auraten hoti hain. roop se prem milata hai aur prem se durlabh koee vastu nahin hai.

yah kah kar mngala uth khadi huee. shitala ne use roka nahin. socha-ise kya khilaoongi. aj to choolha jalane ki bhi koee asha nahin.

usake jane ke bad vah der tak baithi sochati rahi main kaisi abhagin hoon. jis prem ko n pa kar yah bechari jivan ko tyag rahi hai usi prem ko mainne panv se thukara diya. ise jevar ki kya kami thi kya ye sare jadaoo jevar ise sukhi rakh sake isane unhen panv se thukara diya. unhin abhooshanon ke lie mainne apana sarvasv kho diya. ha ! n jane vah (vimalasinh) kahan hain kis dasha men hain !

apani lalasa ko trishna ko vah kitani hi bar dhikkar chuki thi. mngala ki dasha dekh kar aj use abhooshanon se ghrina ho gayi.

vimal ko ghar chhode do sal ho gaye the. shitala ko ab unake bare men bhanti-bhanti ki shnkaen hone lagi thin. athon pahar usake chitt men glani aur kshobh ki ag sulaga karati thi.

dehat ke chhote-mote jamindaron ka kam dant-dapat chhin-jhapat hi se chala karata hai. vimal ki kheti begar men hoti thi. usake jane ke bad sare khet parati rah gaye. koee jotanevala n mila. is khayal se sajhe par bhi kisi ne n jota ki bich men kahin vimalasinh a gaye to sajhedar ko angootha dikha denge. asamiyon ne lagan n diya. shitala ne mahajan se rupaye udhar le kar kam chalaya. doosare varsh bhi yahi kaiphiyat rahi. abaki mahajan ne rupaye nahin diye. shitala ke gahanon ke sir gayi. doosara sal samapt hote-hote ghar ki sab leee-poonji nikal gayi. phake hone lage. boodhi sas chhota devar nanad aur ap-char praniyon ka kharch tha. nat-hit bhi ate hi rahate the. us par yah aur musibat huee ki maike men ek faujadari ho gayi. pita aur bade bhaee usamen phns gaye. do chhote bhaee ek bahan aur mata char prani aur sar par a date. gadi pahale mushkil se chalati thi jab zamin men dhns gayi.

pratahkal se kalah arnbh ho jata. samadhin samadhin se sale bahanoee se guth jate. kabhi to ann ke abhav se bhojan hi n banata kabhi bhojan banane par bhi gali-galauj ke karan khane ki naubat n ati. ladake doosaron ke kheton men ja kar ganne aur matar khate budhiya doosaron ke ghar ja kar apana dukhada roti aur thakurasohati karati purush ki anupasthiti men stri ke maikevalon ka pradhany ho jata hai. is sngram men prayah vijay-pataka maikevalon hi ke hath men rahati hai. kisi bhanti ghar anaj a jata to use pise kaun shitala ki man kahati char din ke lie ayi hoon to kya chakki chalaoon sas kahati khane ki ber to billi ki tarah lapakengi pisate kyon jan nikalati hai vivash ho kar shitala ko akele pisana padata. bhojan ke samay vah mahabharat machata ki padosavale tng a jate. shitala kabhi man ke pairon padati kabhi sas ke charan pakadati lekin donon hi use jhidak detin. man kahati toone yahan bulakar hamara pani utar liya. sas kahati meri chhati par saut la kar baitha di ab baten banati hai is ghor vivad men shitala apana virah-shok bhool gayi. sari amngal shnkaen is virodhagni men shant ho gayin. bas ab yahi chinta thi ki is dasha se chhutakara kaise ho man aur sas donon hi ka yamaraj ke siva aur koee thikana n tha par yamaraj unaka svagat karane ke lie bahut utsuk nahin jan padate the. saikadon upay sochati par us pathik ki bhanti jo din bhar chal kar bhi apane dvar hi par khada ho usaki sochane ki shakti nishchal ho gayi thi. charon taraph nigahen daudati ki kahin koee sharan ka sthan hai par kahin nigah n jamati.

ek din vah isi nairashy ki avastha men dvar par khadi thi. musibat men chitt ki udvignata men intazar men dvar se hamen prem ho jata hai. sahasa usane baboo sureshasinh ko samane se ghode par jate dekha. unaki ankhen usaki or phirin. ankhen mil gayin. vah jhijhak kar pichhe hat gayi. kivaden bnd kar liye. kunvar sahab age badh gaye. shitala ko khed hua ki unhonne mujhe dekh liya. mere sir par sadi phati huee thi charon taraph usamen paibnd lage hue the. vah apane man men n jane kya kahate honge

kunvar sahab ko ganvavalon se vimalasinh ke parivar ke kashton ki khabar mili thi. vah gupt roop se unaki kuchh sahayata karana chahate the. par shitala ko dekhate hi snkoch ne unhen aisa dabaya ki dvar par ek kshan bhi n ruk sake. mngala ke grih-tyag ke tin mahine pichhe aj vah pahali bar ghar se nikale the. mare sharm ke bahar baithana chhod diya tha.

isamen sndeh nahin ki kunvar sahab man men shitala ke roop-ras ka asvadan karate the. mngala ke jane ke bad unake hriday men ek vichitr dushkamana jag uthi. kya kisi upay se yah sundari meri nahin ho sakati vimal ka muddat se pata nahin. bahut sambhav hai ki vah ab snsar men n ho. kintu vah is dushkalpana ko vichar se dabate rahate the. shitala ki vipatti ki katha sun kar bhi vah usaki sahayata karate hue darate the. kaun jane vasana yahi vesh dhar kar mere vichar aur vivek par kutharaghat karana chahati ho. ant ko lalasa ki kapat-lila unhen bhulava de hi gayi. vah shitala ke ghar usaka halachal poochhane gaye. man men tark kiya-yah kitana ghor anyay hai ki ek abala aise snkat men ho aur main usaki bat bhi n poochhoon par vahan se laute to buddhi aur vivek ki rassiyan toot gayi thin aur nauka moh-vasana ke apar sagar men dubakiyan kha rahi thi. ah ! yah manohar chhavi ! yah anupam saundary !

ek kshan men unmatton ki bhanti bakane lage-yah pran aur yah sharir teri bhent karata hoon. snsar hnsega hnse. mahapap hai ho. koee chinta nahin. is svargiy annd se main apane ko vnchit nahin kar sakata vah mujhase bhag nahin sakati. is hriday ko chhati se nikal kar usake pairon par rakh doonga. vimal mar gaya. nahin mara to ab marega pap kya hai pata nahin. kamal kitana komal kitana praphull kitana lalit hai kya usake adharon-

akasmath vah thithak gaye jaise koee bhooli huee bat yad a jay. manushy men buddhi ke antargat ek agyat buddhi hoti hai. jaise ranakshetr men himmat har kar bhaganevale sainikon ko kisi gupt sthan se anevali kumak snbhal leti hai vaise hi is agyat buddhi ne suresh ko sachet kar diya. vah snbhal gaye. glani se unaki ankhen bhar ayin. vah kee minat tak kisi dndit kaidi ki bhanti kshubdh khade sochate rahe. phir vijay-dhvani se kah uthe-kitana saral hai. is vikar ke hathi ko sinh se nahin chinuti se maroonga. shitala ko ek bar bahan kah dene se hi yah sab vikar shant ho jayaga. shitala ! bahan ! main tera bhaee hoon !

usi kshan unhonne shitala ko patr likha-bahan tumane itane kasht jhele par mujhe khabar tak n di ! main koee gair n tha. mujhe isaka duahkh hai. khair ab eeshvar ne chaha to tumhen kasht n hoga. is patr ke sath unhonne anaj aur rupaye bheje.

shitala ne uttar diya-bhaiya kshama karo jab tak jioongi tumhara yash gaoongi. tumane meri doobati nav par laga di.

4

kee mahine bit gaye. sndhya ka samay tha. shitala apani maina ko chara chuga rahi thi. use suresh naipal se usi ke vaste laye the. itane men suresh a kar angan men baith gaye.

shitala ne poochha-kahan se ate ho bhaiya

suresh-gaya tha jara thane. kuchh pata nahin chala. rngoon men pahale kuchh pata mila tha. bad ko maloom hua ki vah koee aur adami hai. kya karoon inam aur badha doon

shitala-tumhare pas rupaye badhe hain phoonko. unaki ichchha hogi to ap hi avenge.

suresh-ek bat poochhoon bataogi kis bat par tumase roothe the

shitala-kuchh nahin mainne yahi kaha ki mujhe gahane banava do. kahane lage mere pas hai kya mainne kaha (laja kar) to byah kyon kiya bas baton hi baton men takarar ho gayi.

itane men shitala ki sas a gayi. suresh ne shitala ki man aur bhaiyon ko unake ghar pahuncha diya tha isalie yahan ab shanti thi. sas ne bahoo ki bat sun li thi. karkash svar se boli-beta tumase kya parada hai. yah maharani dekhane hi ko gulab ki phool hai andar sab kante hain. yah apane banav-singar ke age vimal ki bat hi n poochhati thi. bechara is par jan deta tha par isaka munh hi n sidha hota tha. prem to ise chhoo nahin gaya. ant ko use desh se nikal kar isane dam liya.

shitala ne rusht ho kar kaha-kya vahi anokhe dhan kamane ghar se nikale hain desh-videsh jana maradon ka kam hi hai.

suresh-yoorop men to dhanabhog ke siva stri-purush men koee sambandh hi nahin hota. bahan ne yoorop men janm liya hota to hire-javahir se jagamagati hoti. shitala ab tum eeshvar se yahi kahana ki sundarata dete ho to yoorop men janm do.

shitala ne vyathit ho kar kaha-jinake bhagy men likha hai ve yahin sone se ladi huee hain. meri bhanti sabhi ke karam thode hi phoot gaye hain !

sureshasinh ko aisa jan pada ki shitala ki mukhakanti malin ho gayi hai. pativiyog men bhi gahanon ke lie itani lalayit hai ! bole-achchha main tumhen gahane banava doonga.

yah vaky kuchh apamanasoochak svar men kaha gaya tha par shitala ki ankhen anand se sajal ho ayin knth gadgad ho gaya. usake hriday-netron ke samane mngala ke ratn-jatit abhooshanon ka chitr khinch gaya. usane kritgytapoorn drishti se suresh ko dekha. munh se kuchh n boli par usaka pratyek ang kah raha tha-main tumhari hoon !

5 koyal am ki daliyon par baith kar machhali shital nirmal jal men krida karake aur mrig-shavak vistrit hariyaliyon men chhalangen bhar kar itane prasann nahin hote jitana mngala ke abhooshanon ko pahan kar shitala prasann ho rahi hai. usake pair zamin par nahin padate. vah din bhar aine ke samane khadi rahati hai kabhi keshon ko snvarati hai kabhi surama lagati hai. kuhara phat gaya hai aur nirmal svachchh chandani nikal ayi hai. vah ghar ka ek tinaka bhi nahin uthati. usake svabhav men ek vichitr garv ka snchar ho gaya hai.

lekin shrringar kya hai soyi huee kam-vasana ko jagane ka ghor nad uddipan ka mntr. shitala jab nakh-shikh se saj kar baithati hai to use prabal ichchha hoti hai ki mujhe koee dekhe. vah dvar par a kar khadi ho jati hai. ganv ki striyon ki prashnsa se use sntosh nahin hota. ganv ke purushon ko vah shrringararas-vihin samajhati hai. isalie sureshasinh ko bulati hai. pahale vah din men ek bar a jate the ab shitala ke bahut anunay-vinay karane par bhi nahin ate.

pahar rat gayi thi. gharon ke dipak bujh chuke the. shitala ke ghar men dipak jal raha tha. usane kunvar sahab ke bagiche se bele ke phool mngavaye the aur baithi har goonth rahi thi-apane lie nahin suresh ke lie. prem ke siva ehasan ka badala dene ke lie usake pas aur tha hi kya

ekaek kutton ke bhoonkane ki avaz sunayi di aur dam bhar men vimalasinh ne makan ke andar qadam rakha. unake ek hath men sndook tha doosare hath men ek gathari. sharir durbal kapade maile dadhi ke bal badhe hue mukh pila jaise koee kaidi jel se nikal kar aya ho. dipak ka prakash dekhakar vah shitala ke kamare ki taraph chale. maina pinjare men tadaphadane lagi. shitala ne chaunk kar sir uthaya. ghabara kar boli kaun phir pahachan gayi. turnt phoolon ko ek kapade se chhipa diya. uth khadi huee aur sir jhuka kar poochha-itani jaldi sudh li

vimal ne kuchh javab n diya. vismit ho-ho kar kabhi shitala ko dekhata aur kabhi ghar ko mano kisi naye snsar men pahunch gaya hai. yah vah adh-khila phool n tha jisaki pnkhudiyan anukool jalavayu n pa kar simat gayi thin. yah poorn vikasit kusum tha-os ke jal-kanon se jagamagata aur vayu ke jhonkon se laharata hua. vimal usaki sundarata par pahale bhi mugdh tha par yah jyoti vah agnijvala thi jisase hriday men tap aur ankhon men jalan hoti thi. ye abhooshan ye vastr yah sajavat ! usake sir men ek chakkar-sa a gaya. zamin par baith gaya. is sooryamukhi ke samane baithate hue use lajja ati thi. shitala abhi tak stnbhit khadi thi. vah pani lane nahin daudi usane pati ke charan nahin dhoye usako pnkha tak nahin jhala. hatabuddhi-si ho gayi thi. usane kalpanaon ki kaisi suramy vatika lagaee thi ! us par tushar pad gaya. vastav men is malinavadan ardh-nagn purush se use ghrina ho rahi thi. yah ghar ka zamindar vimal n tha. vah mazadoor ho gaya tha. mota kam mukhakriti par asar dale bina nahin rahata. mazadoor sundar vastron men bhi mazadoor hi rahata hai.

sahasa vimal ki man chaunki. shitala ke kamare men ayi to vimal ko dekhate hi matri-sneh se vihval ho kar use chhati se laga liya. vimal ne usake charanon par sir rakha. usaki ankhon se ansuon ki garam-garam boonden nikal rahi thin. man pulakit ho rahi thi. mukh se bat n nikalati thi !

ek kshan men vimal ne kaha-amman !

knth-dhvani ne usaka ashay prakat kar diya.

man ne prashn samajh kar kaha-nahin beta yah bat nahin hai.

vimal-yah dekhata kya hoon

man-svabhav hi aisa hai to koee kya kare

vimal-suresh ne mera huliya kyon likhaya tha

man-tumhari khoj lene ke lie. unhonne daya n ki hoti to aj ghar men kisi ko jita n pate.

vimal-bahut achchha hota.

shitala ne tane se kaha-apani or se tumane sabako mar hi dala tha. phoolon ki sej nahin bichha gaye the !

vimal-ab to phoolon ki sej hi bichhi huee dekhata hoon.

shitala-tum kisi ke bhagy ke vidhata ho

vimalasinh uthakar krodh se kanpata hua bola-amman mujhe yahan se le chalo. main is pishachini ka munh nahin dekhana chahata. meri ankhon men khoon utarata chala ata hai. mainne is kul-kalnkini ke lie tin sal tak jo kathin tapasya ki hai usase eeshvar mil jata par ise n pa saka !

yah kah kar vah kamare se nikal aya aur man ke kamare men let raha. man ne turnt usaka munh aur hath-pair dhulaye. vah choolha jala kar pooriyan pakane lagi. sath-sath ghar ki vipatti-katha bhi kahati jati thi. vimal ke hriday men suresh ke prati jo virodhagni prajvalit ho rahi thi vah shant ho gayi lekin hriday-dah ne rakt-dah ka roop dharan kiya. zor ka bukhar chadh aya. lnbi yatr ki thakan aur kasht to tha hi barason ke kathin shram aur tap ke bad yah manasik sntap aur bhi dussah ho gaya.

sari rat vah achet pada raha. man baithi pnkha jhalati aur roti thi. doosare din bhi vah behosh pada raha. shitala usake pas ek kshan ke lie bhi n ayi. inhonne mujhe kaun-se sone ke kaur khila diye hain jo inaki dhauns sahoon yahan to jaise knta ghar rahe vaise rahe videsh. kisi ki phooti kaudi nahin janati. bahut tav dikha kar to gaye the kya lad laye !

sndhya ke samay suresh ko khabar mili. turnt daude hue aye. aj do mahine ke bad unhonne us ghar men qadam rakha. vimal ne ankhen kholin pahachan gaya. ankhon se ansoo bahane lage. suresh ke mukharavind par daya ki jyoti jhalak rahi thi. vimal ne usake bare men jo anuchit sndeh kiya tha usake lie vah apane ko dhikkar raha tha.

shitala ne jyon hi suna ki sureshasinh aye hain turnt shishe ke samane gayi. kesh chhitaka liye aur bipat ki moorti bani huee vimal ke kamare men ayi. kahan to vimal ki ankhen bnd thin moorchchhit-sa pada tha kahan shitala ke ate hi ankhen khul gayin. agnimay netron se usaki or dekh kar bola-abhi ayi hai aj ke tisare din ana. kunvar sahab se us din phir bhent ho jayagi.

shitala ulate panv chali gayi. suresh par ghadon pani pad gaya. man men socha kitana roop-lavany hai par kitana vishakt ! hriday ki jagah keval shrringar-lalasa !

atnk badhata gaya. suresh ne daktar bulavaye par mrityu-dev ne kisi ki n mani. unaka hriday pashan hai. kisi bhanti nahin pasijata. koee apana hriday nikal kar rakh de ansuon ki nadi baha de par unhen daya nahin ati. base hue ghar ko ujadana laharati huee kheti ko sukhana unaka kam hai. aur unaki nirdayata kitani vinodamay hai ! yah nity naye roop badalate rahate hain. kabhi damini ban jate hain to kabhi puny-mala. kabhi sinh ban jate hain to kabhi siyar. kabhi agni ke roop men dikhayi dete hain to kabhi jal ke roop men.

tisare din pichhali rat ko vimal ki manasik pida aur hriday-tap ka ant ho gaya. chor din ko kabhi chori nahin karata. yam ke doot prayah rat hi ko sabaki najar bacha kar ate hain aur pran-ratn ko chura le jate hain. akash ke phool murajhaye hue the. vrikshasamooh sthir the par shok men magn sir jhukaye hue. rat shok ka bahy roop hai. rat mrityu ka krida-kshetr hai. usi samay vimal ke ghar se artanad sunayi diya-vah nad jise sunane ke lie mrityu-dev vikal rahate hain.

shitala chaunk padi aur ghabarayi huee maran-shayya ki or chali. usane mritadeh par nigah dali aur bhayabhit ho kar ek pag pichhe hat gayi. use jan pada vimalasinh usaki or atynt tivr drishti se dekh rahe hain. bujhe hue dipak men use bhaynkar jyoti dikhayi padi. vah mare bhay ke vahan thahar n saki. dvar se nikal hi rahi thi ki sureshasinh se bhent ho gayi. katar svar men boli-mujhe yahan dar lagata hai. usane chaha ki roti huee inake pairon par gir padoon par vah alag hat gaye.

6

jab kisi pathik ko chalate-chalate gyat hota hai ki main rasta bhool gaya hoon to vah sidhe raste par ane ke lie bade veg se chalata hai ! jhunjhalata hai ki main itana asavadhan kyon ho gaya suresh bhi ab shanti-marg par ane ke lie vikal ho gaye. mngala ki snehamayi sevaen yad ane lagin. hriday men vastavik saundaryopasana ka bhav uday hua. usamen kitana prem kitana tyag kitani kshama thi ! usaki atul pati-bhakti ko yad karake kabhi-kabhi vah tadap jate. ah ! mainne ghor atyachar kiya. aise ujjval ratn ka adar n kiya. main yon hi jadavath pada raha aur mere samane hi lakshmi ghar se nikal gayi ! mngala ne chalate-chalate shitala se jo baten kahin ve unhen maloom thin par un baton par vishvas n hota tha. mngala shant prakriti ki thi. vah itani uddndata nahin kar sakati. usamen kshama thi vah itana vidvesh nahin kar sakati. unaka man kahata tha ki vah jiti hai aur kushal se hai. usake maikevalon ko kee patr likhe par vahan vyngy aur katuvakyon ke siva aur kya rakha tha ant ko unhonne likha-ab us ratn ki khoj men svayn jata hoon. ya to le kar hi aoonga ya kahin munh men kalikh laga kar doob maroonga.

is patr ka uttar aya-achchhi bat hai jaie par yahan se hote hue jaiega. yahan se bhi koee apake sath chala jayaga.

sureshasinh ko in shabdon men asha ki jhalak dikhayi di. usi din prasthan kar diya. kisi ko sath nahin liya.

sasural men kisi ne unaka premamay svagat nahin kiya. sabhi ke munh phoole hue the. sasur ji ne to unhen pati-dharm par ek lamba upadesh diya.

rat ko jab vah bhojan karake lete to chhoti sali a kar baith gayi aur muskara kar boli-jija ji koee sundari apane roopahin purush ko chhod de usaka apaman kare to ap use kya kahenge

suresh-(gnbhir svar se) kutila !

sali-aur aise purush ko jo apani roopahin stri ko tyag de

suresh-pashu !

sali-aur jo purush vidvanh ho

suresh-pishach !

sali-(hns kar) to main bhagati hoon. mujhe apase dar lagata hai.

suresh-pishachon ka prayashchitt bhi to svikar ho jata hai.

sali-shart yah hai ki prayashchitt sachcha ho.

suresh-yah to vah antaryami hi jan sakate hain.

sali-sachcha hoga to usaka phal bhi avashy milega. magar didi ko le kar idhar hi se lautiega.

suresh ki asha-nauka phir dagamagayi. gidagida kar bole-prabha eeshvar ke lie mujh par daya karo. main bahut duahkhi hoon. sal bhar se aisa koee din nahin gaya ki main ro kar n soya hoon.

prabha ne uth kar kaha-apane kiye ka kya ilaj jati hoon aram kijie.

ek kshan men mngala ki mata akar baith gayi aur boli-beta tumane to bahut padha-likha hai desh-videsh ghoom aye ho sundar banane ki koee dava kahin nahin dekhi

suresh ne vinayapoorvak kaha-mata ji ab eeshvar ke lie aur lajjit n kijie.

mata-tumane to meri pyari beti ke pran le liye ! main kya tumhen lajjit karane se bhi gayi ji men to tha ki aisi-aisi sunaoongi ki tum bhi yad karoge par mehaman ho kya jalaoon aram karo.

suresh asha aur bhay ki dasha men pade karavaten badal rahe the ki ekaek dvar par kisi ne dhire se kaha-jati kyon nahin jagate to hain kisi ne javab diya-laj ati hai.

suresh ne avaz pahachani. pyase ko pani mil gaya. ek kshan men mngala unake sammukh ayi aur sir jhuka kar khadi ho gayi. suresh ko usake mukh par ek anoothi chhavi dikhayi di jaise koee rogi svasthy-labh kar chuka ho.

roop vahi tha par ankhen aur thin.

tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah