सज्जनता का दंड -प्रेमचंद  हिन्दी देवनागरी में पढ़ें।

sadharan manushy ki tarah shahajahanpur ke distrikt injiniyar saradar shivasinh men bhi bhalaiyan aur buraiyan donon hi vidyaman thin. bhalaee yah thi ki unake yahan nyay aur daya men koee antar n tha. buraee yah thi ki ve sarvatha nirlobh aur niahsvarth the. bhalaee ne matahaton ko nidar aur alasi bana diya tha, buraee ke karan us vibhag ke sabhi adhikari unaki jan ke dushman ban gaye the.

pratahkal ka samay tha. ve kisi pul ki nigarani ke lie taiyar khade the. magar saees abhi tak mithi nind le raha tha. rat ko use achchhi tarah sahej diya tha ki pau phatane ke pahale gadi taiyar kar lena. lekin subah bhi huee, soory bhagavanh ne darshan bhi diye, shital kiranon men garami bhi ayi, par saees ki nind abhi tak nahin tooti.

saradar sahab khade-khade thak kar ek kursi par baith gaye. saees to kisi tarah jaga, parntu ardali ke chaparasiyon ka pata nahin. jo mahashay dak lene gaye the ve ek thakur dvara men khade charanamrit ki pariksha kar rahe the. jo thekedar ko bulane gaye the ve baba ramadas ki seva men baithe ganje ka dam laga rahe the.

dhoop tej hoti jati thi. saradar sahab jhunjhala kar makan men chale gaye aur apani patni se bole, itana din chadh aya, abhi tak ek chaparasi ka bhi pata nahin. inake mare to mere nak men dam a gaya hai.

patni ne divar ki or dekh kar divar se kaha, yah sab unhen sir chadhane ka phal hai.

saradar sahab chidh kar bole, kya karoon, unhen phansi de doon ?

saradar sahab ke pas motar kar ka to kahana hi kya, koee phitan bhi n thi. ve apane ikke se hi prasann the, jise unake naukar-chakar apani bhasha men udanakhatola kahate the. shahar ke log use itana adar-soochak nam n dekar chhakada kahana hi uchit samajhate the. is tarah saradar sahab any vyavaharon men bhi bade mitavyayi the. unake do bhaee ilahabad men padhate the. vidhava mata banaras men rahati thin. ek vidhava bahin bhi unhin par avalambit thi. inake siva kee garib ladakon ko chhatravrittiyan bhi dete the. inhin karanon se ve sada khali hath rahate ! yahan tak ki unake kapadon par bhi is arthik dasha ke chihn dikhayi dete the ! lekin yah sab kasht sah kar bhi ve lobh ko apane pas phatakane n dete the ! jin logon par unaka sneh tha ve unaki sajjanata ko sarahate the aur unhen devata samajhate the. unaki sajjanata se unhen koee hani n hoti thi, lekin jin logon se unake vyavasayik sambandh the ve unake sadbhavon ke grahak n the, kyonki unhen hani hoti thi. yahan tak ki unhen apani sahadharmini se bhi kabhi-kabhi apriy baten sunani padati thin.

ek din ve daftar se aye to unaki patni ne snehapoorn dhng se kaha, tumhari yah sajjanata kis kam ki, jab sara snsar tumako bura kah raha hai.

saradar sahab ne dridhata se javab diya, snsar jo chahe kahe paramatma to dekhata hai.

rama ne yah javab pahale hi soch liya. vah boli, main tumase vivad to karati nahin, magar jara apane dil men vichar karake dekho ki tumhari is sachaee ka doosaron par kya asar padata hai ? tum to achchha vetan pate ho. tum agar hath n badhao to tumhara nirvah ho sakata hai ? rookhi rotiyan mil hi jayngi, magar ye das-das panch-panch rupaye ke chaparasi, muharrir, daftari bechare kaise gujar karen. unake bhi bal-bachche hain. unake bhi kutumb-parivar hain. shadi-gami, tithi-tyohar yah sab unake pas lage hue hain. bhalamanasi ka bhesh banaye kam nahin chalata. batao unaka gujar kaise ho ? abhi ramadin chaparasi ki gharavali ayi thi. rote-rote anchal bhigata tha. ladaki sayani ho gayi hai. ab usaka byah karana padega. brahman ki jati hajaron ka kharch. batao usake ansoo kisake sir padenge ?

ye sab baten sach thin. inase saradar sahab ko inakar nahin ho sakata tha. unhonne svayn is vishay men bahut kuchh vichar kiya tha. yahi karan tha ki vah apane matahaton ke sath badi narami ka vyavahar karate the. lekin saralata aur shalinata ka atmik gaurav chahe jo ho, unaka arthik mol bahut kam hai. ve bole, tumhari baten sab yatharth hain, kintu main vivash hoon. apane niyamon ko kaise todoon ? yadi mera vash chale to main un logon ka vetan badha doon. lekin yah nahin ho sakata ki main khud loot machaoon aur unhen lootane doon.

rama ne vyngyapoorn shabdon men kaha, to yah hatya kis par padegi ?

saradar sahab ne tivr ho kar uttar diya, yah un logon par padegi jo apani haisiyat aur amadani se adhik kharch karana chahate hain. aradali banakar kyon vakil ke ladake se ladaki byahane ko thanate hain. daftari ko yadi tahaluve ki zaroorat ho to yah kisi pap kary se kam nahin. mere saees ki stri agar chandi ki sil gale men dalana chahe to yah usaki moorkhata hai. is jhoothi badaee ka uttaradata main nahin ho sakata.

injiniyaron ka thekedaron se kuchh aisa hi sambandh hai jaise madhu-makkhiyon ka phoolon se. agar ve apane niyat bhag se adhik pane ki cheshta n karen to unase kisi ko shikayat nahin ho sakati. yah madhu-ras kamishan kahalata hai. rishvat lok aur paralok donon ka hi sarvanash kar deti hai. usamen bhay hai, chori hai, badamashi hai. magar kamishan ek manohar vatika hai, jahan n manushy ka dar hai, n paramatma ka bhay, yahan tak ki vahan atma ki chhipi huee chutakiyon ka bhi gujar nahin hai. aur kahan tak kahen usaki or badanami ankh bhi nahin utha sakati. yah vah balidan hai jo hatya hote hue bhi dharm ka ek ansh hai. aisi avastha men yadi saradar shivasinh apane ujjval charitr ko is dhabbe se saf rakhate the aur us par abhiman karate the to kshama ke patr the.

march ka mahina bit raha tha. chiph injiniyar sahab zile men muayana karane a rahe the. magar abhi tak imaraton ka kam apoorn tha. sadaken kharab ho rahi thin, thekedaron ne mitti aur knkad bhi nahin jama kiye the.

saradar sahab roj thekedaron ko takid karate the, magar isaka kuchh phal n hota tha.

ek din unhonne sabako bulaya. ve kahane lage, tum log kya yahi chahate ho ki main is zile se badanam hokar jaoon. mainne tumhare sath koee bura salook nahin kiya. main chahata to apase kam chhin kar khud kara leta, magar mainne apako hani pahunchana uchit n samajha. usaki mujhe yah saza mil rahi hai. khair !

thekedar log yahan se chale to baten hone lagin. mistar gopaladas bole, ab ate-dal ka bhav maloom ho jayaga.

shahabaz khan ne kaha, kisi tarah isaka janaja nikale to yahan se ...

seth chunnilal ne pharamaya, injiniyar se meri jan-pahachan hai. main usake sath kam kar chuka hoon. vah unhen khoob lathedega.

is par boodhe haridas ne upadesh diya, yaro, svarth ki bat hai. nahin to sach yah hai ki yah manushy nahin, devata hai. bhala aur nahin to sal bhar men kamishan ke 10 hazar to hote honge. itane rupayon ko thikare ki tarah tuchchh samajhana kya koee sahaj bat hai ? ek ham hain ki kaudiyon ke pichhe eeman bechate phirate hain. jo sajjan purush hamase ek paee ka ravadar n ho, sab prakar ke kasht utha kar bhi jisaki niyat danvandol n ho, usake sath aisa nich aur kutil baratav karana padata hai. ise apane abhagy ke siva aur kya samajhen.

shahabaz khan ne pharamaya han; isamen to koee shak nahin ki yah shakhs neki ka pharishta hai.

seth chunnilal ne gambhirata se kaha, khan sahab ! bat to vahi hai, jo tum kahate ho. lekin kiya kya jay ? nekaniyati se to kam nahin chalata. yah duniya to chhal-kapat ki hai.

mistar gopaladas bi. e. pas the. ve garv ke sath bole, inhen jab is tarah rahana tha to naukari karane ki kya zaroorat thi ? yah kaun nahin janata ki niyat ko saf rakhana achchhi bat hai. magar yah bhi to dekhana chahie ki isaka doosaron par kya asar padata hai. hamako to aisa adami chahie jo khud khaye aur hamen bhi khilave. khud haluva khay, hamen rookhi rotiyan hi khilave. vah agar ek rupaya kamishan lega to usaki jagah panch ka fayada kar dega. in mahashay ke yahan kya hai ? isilie ap jo chahen kahen, meri to kabhi inase nibh nahin sakati.

shahabaz khan bole, han, nek aur pak-saph rahana zaroor achchhi chiz hai, magar aisi neki hi se kya jo doosaron ki jan le le.

boodhe haridas ki baton ki jin logon ne pushti ki thi ve sab gopaladas ki han men han milane lage ! nirbal atmaon men sachaee ka prakash juganoo ki chamak hai.

saradar sahab ke ek putri thi. usaka vivah merath ke ek vakil ke ladake se thahara tha. ladaka honahar tha. jati-kul ka ooncha tha. saradar sahab ne kee mahine ki daud-dhoop men is vivah ko tai kiya tha. aur sab baten tai ho chuki thin, keval dahej ka nirnay nahin hua tha. aj vakil sahab ka ek patr aya. usane is bat ka bhi nishchay kar diya, magar vishvas, asha aur vachan ke bilakul pratikool. pahale vakil sahab ne ek zile ke injiniyar ke sath kisi prakar ka thaharav vyarth samajha. badi sasti udarata prakat ki. is lajjit aur ghrinit vyavahar par khoob ansoo bahaye. magar jab zyada poochhatachh karane par saradar sahab ke dhan-vaibhav ka bhed khul gaya tab dahej ka thaharana avashyak ho gaya. saradar sahab ne ashnkit hathon se patr khola, panch hazar rupaye se kam par vivah nahin ho sakata. vakil sahab ko bahut khed aur lajja thi ki ve is vishay men spasht hone par majaboor kiye gaye. magar ve apane khanadan ke kee boodhe khurrat, vicharahin, svarthandh mahatmaon ke hathon bahut tng the. unaka koee vnsh n tha. injiniyar sahab ne ek lambi sans khinchi sari ashaen mitti men mil gayin. kya sochate the, kya ho gaya. vikal ho kar kamare men tahalane lage.

unhonne jara der pichhe patr ko utha liya aur andar chale gaye. vichara ki yah patr rama ko sunaven, magar phir khayal aya ki yahan sahanubhooti ki koee asha nahin. kyon apani nirbalata dikhaoon ? kyon moorkh banoon ? vah bina baton ke bat n karegi. yah soch kar ve angan se laut gaye.

saradar sahab svabhav ke bade dayalu the aur komal hriday apattiyon men sthir nahin rah sakata. ve duahkh aur glani se bhare hue soch rahe the ki mainne aise kaun se bure kam kiye hain jinaka mujhe yah phal mil raha hai. barason ki daud-dhoop ke bad jo kary siddh hua tha vah kshan matr men nasht ho gaya. ab vah meri samarthy se bahar hai. main use nahin samhal sakata. charon or andhakar hai. kahin asha ka prakash nahin. koee mera sahayak nahin. unake netr sajal ho gaye.

samane mej par thekedaron ke bil rakhe hue the. ve kee saptahon se yon hi pade the. saradar ne unhen khol kar bhi n dekha tha. aj is atmik glani aur nairashy ki avastha men unhonne in bilon ko satrishn ankhon se dekha. jara se ishare par ye sari kathinaiyan door ho sakati hain. chaparasi aur klark keval meri sammati ke sahare sab kuchh kar lenge. mujhe jaban hilane ki bhi zaroorat nahin. n mujhe lajjit hi hona padega. in vicharon ka itana prabaly hua ki ve vastav men bilon ko utha kar gaur se dekhane aur hisab lagane lage ki unamen kitani nikasi ho sakati hai.

magar shighr hi atma ne unhen jaga diya ah ! main kis bhram men pada hua hoon ? kya us atmik pavitrata ko, jo meri janm-bhar ki kamaee hai, keval thode se dhan par arpan kar doon ? jo main apane sahakariyon ke samane garv se sir uthaye chalata tha, jisase motarakar vale bhratrigan ankhen nahin mila sakate the, vahi main aj apane us sare gaurav aur man ko, apani sampoorn atmik sampatti ko das-panch hazar rupayon par tyag doon. aisa kadapi nahin ho sakata.

ab us kuvichar ko parast karane ke lie, jisane kshanamatr ke lie un par vijay pa li thi, ve us sunasan kamare men zor se thatha kar hnse. chahe yah hnsi un bilon ne aur kamare ki divaron ne n suni ho, magar unaki atma ne avashy suni. us atma ko ek kathin pariksha men par pane par param annd hua.

saradar sahab ne un bilon ko utha kar mej ke niche dal diya. phir unhen pairon se kuchala. tab is vijay par muskarate hue ve andar gaye.

bade injiniyar sahab niyat samay par shahajahanpur aye. usake sath saradar sahab ka durbhagy bhi aya. zile ke sare kam adhoore pade hue the. unake khanasama ne kaha huzoor ! kam kaise poora ho ? saradar sahab thekedaron ko bahut tng karate hain. hedaklark ne daftar ke hisab ko bhram aur bhoolon se bhara hua paya. unhen saradar sahab ki taraph se n koee davat di gayi n koee bhent. to kya ve saradar sahab ke natedar the jo galatiyan n nikalate.

jile ke thekedaron ne ek bahumooly dali sajayi aur use bade injiniyar sahab ki seva men le kar hajir hue. ve bole, huzoor ! chahe gulamon ko goli mar den, magar saradar sahab ka anyay ab nahin saha jata. kahane ko to kamishan nahin lete magar sach poochhie to jan le lete hain.

chiph injiniyar sahab ne muaine ki kitab men likha, ‘saradar shivasinh bahut eemanadar adami hain. unaka charitr ujjval hai, magar ve itane bade zile ke kary ka bhar nahin sambhal sakate.’

parinam yah hua ki ve ek chhote-se zile men bhej diye gaye aur unaka daraja bhi ghata diya gaya.

saradar sahab ke mitron aur snehiyon ne bade samaroh se ek jalasa kiya. usamen unaki dharmanishtha aur svatntrata ki prashnsa ki. sabhapati ne sajalanetr ho kar kampit svar men kaha, saradar sahab ke viyog ka duahkh hamare dil men sada khatakata rahega. yah ghav kabhi n bharega.

magar ‘pheyaravel dinar’ men yah bat siddh ho gayi ki svadisht padarthon ke samane viyog ka duahkh dussah nahin.

yatra ke saman taiyar the. saradar sahab jalase se aye to rama ne unhen bahut udas aur malinamukh dekha. usane bar-bar kaha tha ki bade injiniyar ke khanasama ko inam do, hed klark ki davat karo; magar saradar sahab ne usaki bat n mani thi. isalie jab usane suna ki unaka daraja ghata aur badali bhi huee tab usane badi nirdayata se apane vyngy-ban chalaye. magar is vakt unhen udas dekh kar usase n raha gaya. boli, kyon itane udas ho ? saradar sahab ne uttar diya, kya karoon hnsoon ? rama ne gambhir svar se kaha, hnsana hi chahie. roye to vah jisane kaudiyon par apani atma bhrasht ki ho jisane rupayon par apana dharm becha ho. vah buraee ka dnd nahin hai. yah bhalaee aur sajjanata ka dnd hai, ise sanand jhelana chahie.

yah kah usane pati ki or dekha to netron men sachcha anurag bhara hua dikhayi diya. saradar sahab ne bhi usaki or snehapoorn drishti se dekha. unaki hridayeshvari ka mukharavind sachche amod se vikasit tha. use gale laga kar ve bole, rama ! mujhe tumhari hi sahanubhooti ki zaroorat thi, ab main is dnd ko saharsh sahoonga.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah