मूठ -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

daauktar jayapal ne pratham shreni ki sanad payi thi, par ise bhagy hi kahie ya vyavasayik siddhanton ka agyan ki unhen apane vyavasay men kabhi unnat avastha n mili. unaka ghar snkari gali men tha; par unake ji men khuli jagah men ghar lene ka vichar tak n utha. aushadhalay ki alamariyan, shishiyan aur daktari yntr adi bhi saph-suthare n the. mitavyayita ke siddhant ka vah apani ghareloo baton men bhi bahut dhyan rakhate the.

ladaka javan ho gaya tha, par abhi usaki shiksha ka prashn samane n aya tha. sochate the ki itane dinon tak pustakon se sar mar kar mainne aisi kaun-si badi sampatti pa li, jo usake padhane-likhane men hajaron rupaye barbad karoon. unaki patni ahalya dhairyavan mahila thi, par daauktar sahab ne usake in gunon par itana bojh rakh diya tha ki usaki kamar bhi jhuk gayi thi. man bhi jivit thi, par gngasnan ke lie taras-taras kar rah jati thi; doosare pavitr sthanon ki yatr ki charcha hi kya ! is kroor mitavyayita ka parinam yah tha ki is ghar men sukh aur shanti ka nam n tha. agar koee mad phutakal thi to vah budhiya mahari jagiya thi. usane daauktar sahab ko god men khilaya tha aur use is ghar se aisa prem ho gaya tha ki sab prakar ki kathinaiyan jhelati thi, par talane ka nam n leti thi.

daauktar sahab daktari ay ki kami ko kapade aur shakkar ke karakhanon men hisse lekar poora karate the. aj snyogavash bambee ke karakhane ne unake pas varshik labh ke sadhe sat sau rupaye bheje. daauktar sahab ne bima khola, not gine, dakiye ko vida kiya, par dakiye ke pas rupaye adhik the, bojh se daba jata tha. bola huzoor rupaye le len aur mujhe not de den to bada ahasan ho, bojh halaka ho jay. daauktar sahab dakiyon ko prasann rakha karate the, unhen muft davaiyan diya karate the. socha ki han, mujhe baink jane ke lie tanga mngana hi padega, kyon n bin kaudi ke upakar vale siddhant se kam loon. rupaye gin kar ek thaili men rakh diye aur soch hi rahe the ki chaloon unhen baink men rakhata aoon ki ek rogi ne bula bheja. aise avasar yahan kadachith hi ate the. yadyapi daauktar sahab ko baks par bharosa n tha, par vivash ho kar thaili baks men rakhi aur rogi ko dekhane chale gaye. vahan se laute to tin baj chuke the, baink bnd ho chuka tha. aj rupaye kisi tarah jama n ho sakate the. pratidin ki bhanti aushadhalay men baith gaye. ath baje rat ko jab ghar ke bhitar jane lage, to thaili ko ghar le jane ke lie baks se nikala, thaili kuchh halaki jan padi, tatkal use davaiyon ke tarajoo par taula, hosh ud gaye. poore panch sau rupaye kam the. vishvas n hua. thaili khol kar rupaye gine. panch sau rupaye kam nikale. vikshipt adhirata ke sath baks ke doosare khanon ko tatola parntu vyarth. nirash hokar ek kurasi par baith gaye aur smaran-shakti ko ekatr karane ke lie ankhen bnd kar din aur sochane lage, mainne rupaye kahin alag to nahin rakhe, dakiye ne rupaye kam to nahin diye, mainne ginane men bhool to nahin ki, mainne pachis-pachis rupaye ki gaddiyan lagayi thin, poori tis gaddiyan thin, khoob yad hai. mainne ek-ek gaddi gin kar thaili men rakhi, smaran-shakti mujhe dhokha nahin de rahi hai. sab mujhe thik-thik yad hai. baks ka tala bhi bnd kar diya tha, kintu oh, ab samajh men a gaya, kunji mej par hi chhod di, jaldi ke mare use jeb men rakhana bhool gaya, vah abhi tak mej par padi hai. bas yahi bat hai, kunji jeb men dalane ki yad nahin rahi, parntu le kaun gaya, bahar daravaze bnd the. ghar men dhare rupaye-paise koee chhoota nahin, aj tak kabhi aisa avasar nahin aya. avashy yah kisi bahari adami ka kam hai. ho sakata hai ki koee daravaza khula rah gaya ho, koee dava lene aya ho, kunji mej par padi dekhi ho aur baks khol kar rupaye nikal liye hon.

isi se main rupaye nahin liya karata, kaun thikana dakiye ki hi karatoot ho, bahut sambhav hai, usane mujhe baks men thaili rakhate dekha tha. rupaye jama ho jate to mere pas poore ... hazar rupaye ho jate, byaj jodane men saralata hoti. kya karoon. pulis ko khabar doon ? vyarth baithe-bithaye ulajhan mol leni hai. tole bhar ke adamiyon ki daravaze par bhid hogi. das-panch adamiyon ko galiyan khani padengi aur phal kuchh nahin ! to kya dhiraj dhar kar baith rahoon ? kaise dhiraj dharoon ! yah koee sentament mila dhan to tha nahin, haram ki kaudi hoti to samajhata ki jaise ayi, vaise gayi. yahan ek-ek paisa apane pasine ka hai. main jo itani mitavyayita se rahata hoon, itane kasht se rahata hoon, knjoos prasiddh hoon, ghar ke avashyak vyay men bhi kat-chhant karata hoon, kya isilie ki kisi uchakke ke lie manornjan ka saman jutaoon ? mujhe resham se ghrina nahin, n meve hi aruchikar hain, n ajirn ka rog hai ki malaee khaoon aur apach ho jay, n ankhon men drishti kam hai ki thiyetar aur sinema ka anand n utha sakoon. main sab or se apane man ko mare rahata hoon, isilie to ki mere pas char paise ho jayn, kam padane par kisi ke age hath phailana n pade. kuchh jayadad le sakoon, aur nahin to achchha ghar hi banava loon. par is man marane ka yah phal ! gadhe parishram ke rupaye lut jayn. anyay hai ki main yon dinadahade lut jaoon aur us dusht ka bal bhi tedha n ho. usake ghar divali ho rahi hogi, annd manaya ja raha hoga, sab-ke-sab bagalen baja rahe honge.

daauktar sahab badala lene ke lie vyakul ho gaye. mainne kabhi kisi fakir ko, kisi sadhu ko, daravaze par khada hone nahin diya. anek bar chahane par bhi mainne kabhi mitron ko apane yahan nimntrit nahin kiya, kutumbiyon aur snbndhiyon se sada bachata raha, kya isilie ? usaka pata lag jata to main ek vishaili suee se usake jivan ka ant kar deta.

kintu koee upay nahin hai. julahe ka gussa dadhi par. gupt pulisavale bhi bas nam hi ke hain, pata lagane ki yogyata nahin. inaki sari akl rajanitik vyakhyanon aur jhoothi riporton ke likhane men samapt ho jati hai. kisi mesmerijam janane vale ke pas chaloon, vah is ulajhan ko sulajha sakata hai. sunata hoon, yoorop aur amerika men bahudha choriyon ka pata isi upay se lag jata hai. par yahan aisa mesmerijam ka pndit kaun hai aur phir mesmerijam ke uttar sada vishvasaniy nahin hote. jyotishiyon ke saman ve bhi anuman aur atakal ke annt sagar men dubakiyan lagane lagate hain. kuchh log nam bhi to nikalate hain. mainne kabhi un kahaniyon par vishvas nahin kiya, parantu kuchh n kuchh isamen tattv hai avashy, nahin to is prakriti-upasana ke yug men inaka astitv hi n rahata. ajakal ke vidvanh bhi to atmik bal ka loha manate jate hain, par man lo kisi ne nam batala hi diya to mere hath men badala chukane ka kaun-sa upay hai, antarhgyan sakshi ka kam nahin de sakata. ek kshan ke lie mere ji ko shanti mil jane ke sivay aur inase kya labh hai ?

han, khoob yad aya. nadi ki or jate hue vah jo ek ojha baithata hai, usake karatab ki kahaniyan prayah sunane men ati hain. sunata hoon, gaye hue dhan ka pata batala deta hai, rogiyon ko bat ki bat men chnga kar deta hai, chori ke mal ka pata laga deta hai, mooth chalata hai. mooth ki badi badaee suni hai, mooth chali aur chor ke munh se rakt jari hua, jab tak vah mal n lauta de rakt band nahin hota. yah nishana baith jay to meri hardik ichchha poori ho jay ! munhamanga phal paoonga. rupaye bhi mil jayn, chor ko shiksha bhi mil jay ! usake yahan sada logon ki bhid lagi rahati hai. isamen kuchh karatab n hota to itane log kyon jama hote ? usaki mukhakriti se ek pratibha barasati hai. ajakal ke shikshit logon ko to in baton par vishvas nahin hai, par nich aur moorkh-mndali men usaki bahut charcha hai. bhoot-pret adi ki kahaniyan pratidin hi suna karata hoon. kyon n usi ojhe ke pas chaloon ? man lo koee labh n hua to hani hi kya ho jayagi. jahan panch sau gaye hain, do-char rupaye ka khoon aur sahi. yah samay bhi achchha hai. bhid kam hogi, chalana chahie.

ji men yah nishchay karake daauktar sahab us ojhe ke ghar ki or chale, jade ki rat thi. nau baj gaye the. rasta lagabhag band ho gaya tha. kabhi-kabhi gharon se ramayan ki dhvani kanon men a jati thi. kuchh der ke bad bilakul sannata ho gaya. raste ke donon or hare-bhare khet the. siyaron ka hunana sun padane laga. jan padata hai inaka dal kahin pas hi hai. daauktar sahab ko prayah door se inaka surila svar sunane ka saubhagy hua tha. pas se sunane ka nahin. is samay is sannate men aur itane pas se unaka chikhana sun kar unhen dar laga. kee bar apani chhadi dharati par pataki, pair dhamadhamaye. siyar bade darapok hote hain, adami ke pas nahin ate; par phir sndeh hua, kahin inamen koee pagal ho to usaka kata to bachata hi nahin. yah sndeh hote hi kitanu, baiktiriya, pastayar instichyoot aur kasauli ki yad unake mastishk men chakkar katane lagi. vah jaldi-jaldi pair badhaye chale jate the. ekaek ji men vichar utha kahin mere hi ghar men kisi ne rupaye utha liye hon to. ve tatkal thithak gaye, par ek hi kshan men unhonne isaka bhi nirnay kar liya, kya harj hai gharavalon ko to aur bhi kada dnd milana chahie. chor ki mere sath sahanubhooti nahin ho sakati, par gharavalon ki sahanubhooti ka main adhikari hoon. unhen janana chahie ki main jo kuchh karata hoon unhin ke lie karata hoon. rat-din marata hoon to unhin ke lie marata hoon. yadi is par bhi ve mujhe yon dhokha dene ke lie taiyar hon to unase adhik kritaghn, unase adhik akritgy, unase adhik nirday aur kaun hoga ? unhen aur bhi kada dnd milana chahie. itana kada, itana shikshaprad ki phir kabhi kisi ko aisa karane ka sahas n ho.

ant men ve ojhe ke ghar ke pas ja pahunche. logon ki bhid n thi. unhen bada sntosh hua. han, unaki chal kuchh dhimi pad gayi. phir ji men socha, kahin yah sab dhakosala hi dhakosala ho to vyarth lajjit hona pade. jo sune, moorkh banaye. kadachith ojha hi mujhe tuchchhabuddhi samajhe. par ab to a gaya, yah tajaraba bhi ho jay. aur kuchh n hoga to janch hi sahi. ojha ka nam buddhoo tha. log chaudhari kahate the. jati ka chamar tha. chhota-sa ghar aur vah bhi ganda. chhappar itani nichi thi ki jhukane par bhi sir men takkar lagane ka dar lagata tha. daravaze par ek nim ka ped tha. usake niche ek chaura. nim ke ped par ek jhndi laharati thi. chaura par mitti ke saikadon hathi sindoor se rnge hue khade the. kee lohe ke nokadar trishool bhi gade the, jo mano in mndagati hathiyon ke lie ankush ka kam de rahe the. das baje the. buddhoo chaudhari jo ek kale rng ka tondila aur robadar adami tha, ek phate hue tat par baitha nariyal pi raha tha. botal aur gilas bhi samane rakhe hue.

buddhoo ne daauktar sahab ko dekh kar turnt botal chhipa di aur niche utar kar salam kiya. ghar se ek budhiya ne modha la kar unake lie rakh diya. daauktar sahab ne kuchh jhenpate hue sari ghatana kah sunayi. buddhoo ne kaha huzoor, yah kaun bada kam hai. abhi isi itavar ko darogaji ki ghadi chori gayi thi, bahut kuchh tahakikat ki, pata n chala. mujhe bulaya. mainne bat ki bat men pata laga diya. panch rupaye inam diye. kal ki bat hai, jamadar sahab ki ghodi kho gayi thi. charon taraph daudate phirate the. mainne aisa pata bata diya ki ghodi charati huee mil gayi. isi vidya ki badaulat huzoor hukkam sabhi manate hain.

daauktar ko daroga aur jamadar ki charcha n ruchi. in sab gnvaron ki ankhon men jo kuchh hai, vah daroga aur jamadar hi hain. bole main keval chori ka pata lagana nahin chahata, main chor ko saza dena chahata hoon.

buddhoo ne ek kshan ke lie ankhen bnd kin, jamuhaiyan lin, chutakiyan bajayin aur phir kaha yah ghar hi ke kisi adami ka kam hai.

daauktar kuchh paravah nahin, koee ho.

budhiya pichhe se koee bat bane ya bigadegi to hajoor hamin ko bura kahenge.

daauktar isaki tum kuchh chinta n karo, mainne khoob soch-vichar liya hai ! balki agar ghar ke kisi adami ki shararat hai to main usake sath aur bhi kadaee karana chahata hoon. bahar ka adami mere sath chhal kare to kshama ke yogy hai, par ghar ke adami ko main kisi prakar kshama nahin kar sakata.

buddhoo to huzoor kya chahate hain ?

daauktar bas yahi ki mere rupaye mil jayn aur chor kisi bade kasht men pad jay.

buddhoo mooth chala doon ?

budhiya na beta, mooth ke pas n jana. n jane kaisi pade, kaisi n pade.

daauktar tum mooth chala do, isaka jo kuchh mehanatana aur inam ho, main dene ko taiyar hoon.

budhiya beta, main phir kahati hoon, mooth ke pher men mat pad. koee jokham ki bat a padegi to vahi babooji phir tere sir honge aur tere banaye kuchh n banegi. kya janata nahin, mooth ka utar kitana kathin hai ?

buddhoo han baboo ji ! phir ek bar achchhi tarah soch lijie. mooth to main chala doonga, lekin usako utarane ka jimma main nahin le sakata.

daauktar abhi kah to diya, main tumase utarane ko n kahoonga, chalao bhi to.

buddhoo ne avashyak saman ki ek lambi talika banayi. daauktar sahab ne saman ki apeksha rupaye dena adhik uchit samajha. buddhoo raji ho gaya. daauktar sahab chalate-chalate bole aisa mntar chalao ke sabera hote-hote chor mere samane mal liye hue a jay.

buddhoo ne kaha ap nisakhatir rahen.

daauktar sahab vahan se chale to gyarah baje the. jade ki rat, kadake ki thnd thi. unaki man aur stri donon baithi huee unaki rah dekh rahi thin. unhonne ji ko bahalane ke lie bich men ek angithi rakh li thi, jisaka prabhav sharir ki apeksha vichar par adhik padata tha. yahan koyala vilasy padarth samajha jata tha. budhiya mahari jagiya vahin phata tat ka tukada odhe padi thi. vah bar-bar uth kar apani andheri kothari men jati, ale par kuchh tatol kar dekhati aur phir apani jagah par a kar pad rahati. bar-bar poochhati, kitani rat gayi hogi. jara bhi khataka hota to chaunk padati aur chintit drishti se idhar-udhar dekhane lagati. aj daauktar sahab ne niyam ke pratikool kyon itani der lagayi, isaka sabako ashchary tha. aise avasar bahut kam ate the ki unhen rogiyon ko dekhane ke lie rat ko jana padata ho. yadi kuchh log unaki daktari ke kayal bhi the, to ve rat ko us gali men ane ka sahas n karate the. sabha-sosaitiyon men jane ko unhen ruchi n thi. mitron se bhi unaka mel-jol n tha. man ne kaha jane kahan chala gaya, khana bilakul pani ho gaya.

ahalya adami jata hai to kah kar jata hai, adhi rat se oopar ho gayi.

man koee aisi hi atak ho gayi hogi, nahin to vah kab ghar se bahar nikalata hai ?

ahalya main to ab sone jati hoon, unaka jab ji chahe ayen. koee sari rat baitha pahara dega.

yahi baten ho rahi thin ki daauktar sahab ghar a pahunche. ahalya snbhal baithi; jagiya uthakar khadi ho gayi aur unaki or sahami huee ankhon se takane lagi. man ne poochha aj kahan itani der laga di ?

daauktar tum log to sukh se baithi ho n ! hamen der ho gayi, isaki tumhen kya chinta ! jao, sukh se soo, in oopari dikhavati baton se main dhokhe men nahin ata. avasar pao to gala kat lo, is par chali ho bat banane !

man ne duahkhi ho kar kaha beta ! aisi ji dukhane vali baten kyon karate ho ? ghar men tumhara kaun bairi hai jo tumhara bura chetega ?

daauktar main kisi ko apana mitr nahin samajhata, sabhi mere bairi hain, mere pranon ke grahak hain ! nahin to kya ankh ojhal hote hi meri mej se panch sau rupaye ud jayn, daravaze bahar se bnd the, koee gair aya nahin, rupaye rakhate hi ud gaye. jo log is tarah mera gala katane par utaroo hon, unhen kyonkar apana samajhoon. mainne khoob pata laga liya hai, abhi ek ojhe ke pas se chala a raha hoon. usane saf kah diya ki ghar ke hi kisi adami ka kam hai. achchhi bat hai, jaisi karani vaisi bharani. main bhi bata doonga ki main apane bairiyon ka shubhachintak nahin hoon. yadi bahar ka adami hota to kadachith main jane bhi deta. par jab ghar ke adami jinake lie rat-din chakki pisata hoon, mere sath aisa chhal karen to ve isi yogy hain ki unake sath jara bhi riayat n ki jay. dekhana sabere tak chor ki kya dasha hoti hai. mainne ojhe se mooth chalane ko kah diya hai. mooth chali aur udhar chor ke pran snkat men pade.

jagiya ghabada kar boli bhiya, mooth men jan jokham hai.

daauktar chor ki yahi saza hai.

jagiya kis ojhe ne chalaya hai ?

daauktar buddhoo chaudhari ne.

jagiya are ram, usaki mooth ka to utar hi nahin.

daauktar apane kamare men chale gaye, to man ne kaha soom ka dhan shaitan khata hai. panch sau rupaya koee munh mar kar le gaya. itane men to mere saton dham ho jate.

ahalya boli kngan ke lie barason se jhink rahi hoon, achchha hua, meri ah padi hai.

man bhala ghar men usake rupaye kaun lega ?

ahilya kivad khule honge, koee bahari adami uda le gaya hoga.

man usako vishvas kyonkar a gaya ki ghar hi ke kisi adami ne rupaye churaye hain.

ahalya rupaye ka lobh adami ko shakki bana deta hai.

rat ko ek baja tha. daauktar jayapal bhayanak svapn dekh rahe the. ekaek ahalya ne a kar kaha jara chal kar dekhie, jagiya ka kya hal ho raha hai. jan padata hai, jibh ainth gayi. kuchh bolati hi nahin, ankhen pathara gayi hain.

daauktar chaunk kar uth baithe. ek kshan tak idhar-udhar takate rahe; mano soch rahe the, yah bhi svapn to nahin hai. tab bole kya kaha ! jagiya ko kya ho gaya ?

ahalya ne phir jagiya ka hal kaha. daauktar ke mukh par halaki-si muskarahat daud gayi. bole chor pakada gaya ! mooth ne apana kam kiya.

ahalya aur jo ghar hi ke kisi adami ne le liye hote ?

daauktar to usaki bhi yahi dasha hoti, sada ke lie sikh jata.

ahalya panch sau rupaye ke pichhe pran le lete ?

daauktar panch sau rupaye ke lie nahin, avashyakata pade to panch hazar kharch kar sakata hoon, keval chhal-kapat ka dnd dene ke lie.

ahalya bade nirdayi ho.

daauktar tumhen sir se pair tak sone se lad doon to mujhe bhalaee ka putala samajhane lago, kyon ? khed hai ki main tumase yah sanad nahin le sakata.

yah kahate hue vah jagiya ki kothari men gaye. unaki halat usase kahin adhik kharab thi jo ahalya ne batayi thi. mukh par murdani chhayi huee thi, hath-pair akad gaye the, nadi ka pata n tha. usaki man use hosh men lane ke lie bar-bar usake munh par pani ke chhinte de rahi thi. daauktar ne yah halat dekhi to hosh ud gaye. unhen apane upay ki saphalata par prasann hona chahie tha. jagiya ne rupaye churaye isake lie ab adhik praman ki avashyakata n thi; parntu mooth itani jaldi prabhav dalane vali aur ghatak vastu hai, isaka unhen anuman bhi n tha. ve chor ko ediyan ragadate, pida se karahate aur tadapate dekhana chahate the. badala lene ki ichchha ashatit saphal ho rahi thi; parntu vahan namak ki adhikata thi, jo kaur ko munh ke bhitar dhnsane nahin deti. yah duahkhamay drishy dekh kar prasann hone ke badale unake hriday par chot lagi. rob men ham apani nirdayata aur kathorata ka bhramamoolak anuman kar liya karate hain. pratyaksh ghatana vichar se kahin adhik prabhavashalini hoti hai. ranasthal ka vichar kitana kavitvamay hai. yuddhavesh ka kavy kitani garmi utpann karane vala hai. parntu kuchale hue shav ke kate hue ang-pratyng dekh kar kaun manushy hai, jise romanch n ho ave. daya manushy ka svabhavik gun hai.

isake atirikt isaka unhen anuman n tha ki jagiya jaisi durbal atma mere rosh par balidan hogi. vah samajhate the, mere badale ka var kisi sajiv manushy par hoga; yahan tak ki ve apani stri aur ladake ko bhi is var ke yogy samajhate the. par mare ko marana, kuchale ko kuchalana, unhen apana pratighat maryada ke viparit jan pada. jagiya ka yah kam kshama ke yogy tha. jise rotiyon ke lale hon, kapadon ko tarase, jisaki akanksha ka bhavan sada andhakaramay raha ho, jisaki ichchhaen kabhi poori n huee hon, usaki niyat bigad jay to ashchary ki bat nahin. ve tatkal aushadhalay men gaye, hosh men lane ki jo achchhi-achchhi aushadhiyan thin, unako mila kar ek mishrit nayi aushadhi bana laye, jagiya ke gale men utar di. kuchh labh n hua. tab vidyut yntr le aye aur usaki sahayata se jagiya ko hosh men lane ka yatn karane lage. thodi hi der men jagiya ki ankhen khul gayin. usane sahami huee drishti se daauktar ko dekha, jaise ladaka apane adhyapak ki chhadi ki or dekhata hai, aur ukhade hue svar men boli hay ram, kaleja phunka jata hai, apane rupaye le le, ale par ek handi hai, usi men rakhe hue hain. mujhe angaron se mat jala. mainne to yah rupaye tirath karane ke lie churaye the. kya tujhe taras nahin ata, mutthi bhar rupayon ke lie mujhe ag men jala raha hai, main tujhe aisa kala n samajhati thi, hay ram !

yah kahate-kahate vah phir moorchhit ho gayi, nadi bnd ho gayi, oth nile pad gaye, sharir ke angon men khinchav hone laga. daauktar ne din bhav se ahalya ki or dekha aur bole main to apane sare upay kar chuka, ab ise hosh men lana meri samarthy ke bahar hai. main kya janata tha ki yah abhagi mooth itani ghatak hoti hai. kahin isaki jan par ban gayi to jivan bhar pachhatana padega. atma ki thokaron se kabhi chhutakara n milega. kya karoon, buddhi kuchh kam nahin karati.

ahalya sivil sarjan ko bulao, kadachith vah koee achchhi dava de de. kisi ko jan-boojh kar ag men dhakelana n chahie.

daauktar sivil sarjan isase adhik aur kuchh nahin kar sakata, jo main kar chuka. har ghadi isaki dasha aur girati jati hai, n jane hatyare ne kaun-sa mntr chala diya. usaki man mujhe bahut samajhati rahi, par mainne krodh men usaki baton ki jara bhi paravah n ki.

man beta, tum usi ko bulao jisane mntr chalaya hai; par kya kiya jayaga. kahin mar gayi to hatya sir par padegi. kutumb ko sada satayegi.

do baj rahe the, thndi hava haddiyon men chubhi jati thi. daauktar lambe panvon buddhoo chaudhari ke ghar ki or chale jate the. idhar-udhar vyarth ankhen daudate the ki koee ikka ya tanga mil jay. unhen maloom hota tha ki buddhoo ka ghar bahut door ho gaya. kee bar dhokha hua, kahin rasta to nahin bhool gaya. kee bar idhar aya hoon, yah bag to kabhi nahin mila, letar-baks bhi sadak par kabhi nahin dekha, yah pul to kadapi n tha, avashy rah bhool gaya. kisase poochhoon. ve apani smaran-shakti par jhunjhalaye aur usi or thodi door tak daude. pata nahin, dusht is samay milega bhi ya nahin, sharab men mast pada hoga. kahin idhar bechari chal n basi ho. kee bar idhar-udhar ghoom jane ka vichar hua par antahprerana ne sidhi rah se hatane n diya. yahan tak ki buddhoo ka ghar dikhaee pada. daauktar jayapal ki jan men jan ayi. buddhoo ke daravaze par ja kar zor se kundi khatakhatayi. bhitar se kutte ne asabhyatapoorn uttar diya, par kisi adami ka shabd n sunayi diya. phir zor-zor se kivad khatakhataye, kutta aur bhi tej pada, budhiya ki nind tooti. boli yah kaun itani rat gaye kivad tode dalata hai ?

daauktar main hoon, jo kuchh der huee tumhare pas aya tha.

budhiya ne boli pahachani, samajh gayi inake ghar ke kisi adami par bipat padi, nahin to itani rat gaye kyon ate; par abhi to buddhoo ne mooth chalaee nahin. usaka asar kyonkar hua, samajhati thi tab n mane. khoob phnse. uthakar kuppi jalayi aur use liye bahar nikali. daauktar sahab ne poochha buddhoo chaudhari so rahe hain. jara unhen jaga do.

budhiya n baboo ji, is bakhat main n jagaoongi, mujhe kachcha hi kha jayaga, rat ko lat sahab bhi aven to nahin uthata.

daauktar sahab ne thode shabdon men poori ghatana kah sunayi aur badi namrata ke sath kaha ki buddhoo ko jaga de. itane men buddhoo apane hi ap bahar nikal aya aur ankhen malata hua bola kahie baboo ji, kya hukum hai.

budhiya ne chidh kar kaha teri nind aj kaise khul gayi, main jagane gayi hoti to marane uthata.

daauktar mainne sab majara budhiya se kah diya hai, isi se poochho.

budhiya kuchh nahin, toone mooth chalayi thi, rupaye inake ghar ki mahari ne liye hain, ab usaka ab-tab ho raha hai.

daauktar bechari mar rahi hai, kuchh aisa upay karo ki usake pran bach jayn !

buddhoo yah to apane buri sunayi, mooth ko pherana sahaj nahin hai.

budhiya beta, jan jokhim hai, kya too janata nahin. kahin ulte pheranevale par hi pade to jan bachana hi kathin ho jay.

daauktar ab usaki jan tumhare hi bachaye bachegi, itana dharm karo.

budhiya doosare ki jan ki khatir koee apani jan gadhe men dalega ?

daauktar tum rat-din yahi kam karate ho, tum usake danv-ghat sab janate ho. mar bhi sakate ho, zila bhi sakate ho. mera to in baton par bilakul vishvas hi n tha, lekin tumhara kamal dekh kar dng rah gaya. tumhare hathon kitane hi adamiyon ka bhala hota hai, us garib budhiya par daya karo.

buddhoo kuchh pasija, par usaki man mamaledari men usase kahin adhik chatur thi. dari, kahin yah naram ho kar mamala bigad n de. usane buddhoo ko kuchh kahane ka avasar n diya. boli yah to sab thik hai, par hamare bhi bal-bachche hain ! n jane kaisi pade kaisi n pade. vah hamare sir avegi n ? ap to apana kam nikal kar alag ho jayenge. mooth pherana hnsi nahin hai.

buddhoo han baboo ji, kam bade jokhim ka hai.

daauktar kam jokhim ka hai jo muft to nahin karavana chahata.

budhiya ap bahut denge, sau-pachas rupaye denge. itane men ham kai din tak khayenge. mooth pherana sanp ke bil men hath dalana hai, ag men koodana hai. bhagavanh ki aisi hi nigah ho to jan bachati hai.

daauktar to mata ji, main tumase bahar to nahin hota hoon. jo kuchh tumhari maraji ho vah kaho. mujhe to us garib ki jan bachani hai. yahan baton men der ho rahi hai, vahan maloom nahin, usaka kya hal hoga.

budhiya der to ap hi kar rahe hain, ap bat pakki kar den to yah apake sath chala jay. apaki khatir yah jokhim apane sir le rahi hoon doosara hota to jhat inakar kar jati. apake mulahaje men pad kar jan-boojh kar zahar pi rahi hoon.

daauktar sahab ko ek kshan ek varsh jan pad raha tha. buddhoo ko usi samay apane sath le jana chahate the. kahin usaka dam nikal gaya to yah ja kar kya banayega. us samay unaki ankhon men rupaye ka koee mooly n tha. keval yahi chinta thi ki jagiya maut ke munh se nikal aye. jis rupaye par vah apani avashyakataen aur gharavalon ki akankshaen nichhavar karate use daya ke avesh ne bilakul tuchchh bana diya tha. bole tumhin batalao, ab main kya kahoon, par jo kuchh kahana ho jhatapat kah do.

budhiya achchha to panch sau rupaye dijie, isase kam men kam n hoga.

buddhoo ne man ki or ashchary se dekha, aur daauktar sahab moorchhit se ho gaye, nirasha se bole itana mere boote ke bahar hai, jan padata hai usake bhagy men marana hi bada hai.

budhiya to jane dijie, hamen apani jan bhar thode hi hai. hamane to apake mulahije se is kam ka bida uthaya tha. jao buddhoo, soo.

daauktar boodhi mata, itani nirdayata n karo, adami ka kam adami se nikalata hai.

buddhoo nahin babooji, main har tarah se apaka kam karane ko taiyar hoon, isane panch sau kahe, ap kuchh kam kar dijie. han, jokhim ka dhyan rakhiega.

budhiya too ja ke sota kyon nahin ? inhen rupaye pyare hain to kya tujhe apani jan pyari nahin hai. kal ko lahoo thookane lagega to kuchh banaye n banegi, bal-bachchon ko kis par chhodega ? hai ghar men kuchh ?

daauktar sahab ne snkoch karate hue dhaee sau rupaye kahe. buddhoo raji ho gaya, mamala tay hua, daauktar sahab use sath lekar ghar ki or chale. unhen aisi atmik prasannata kabhi n mili thi. hara hua mukadama jit kar adalat se lautane vala mukadamebaj bhi itana prasann n hoga. lapake chale jate the. buddhoo se bar-bar tej chalane ko kahate. ghar pahunche to jagiya ko bilakul marane ke nikat paya. jan padata tha yahi sans antim sans hai. unaki man aur stri donon ansoo bhare nirash baithi thin. buddhoo ko donon ne vinamr drishti se dekha. daauktar sahab ke ansoo bhi n ruk sake. jagiya ki or jhuke to ansoo ki boonden usake murajhaye hue pile munh par tapak padin. sthiti ne buddhoo ko sajag kar diya, budhiya ke deh par hath rakhate hue bola baboo ji, ab mera kiya kuchh nahin ho sakata, yah dam tod rahi hai.

daauktar sahab ne gidagida kar kaha nahin chaudhari, eeshvar ke nam par apana mntr chalao, isaki jan bach gayi to sada ke lie main tumhara gulam bana rahoonga.

buddhoo ap mujhe jan-boojh kar zahar khane ko kahate hain. mujhe maloom n tha ki mooth ke devata is bakhat itane garam hain. vah mere man men baithe kah rahe hain, tumane hamara shikar chhina to ham tumhen nigal jayenge.

daauktar devata ko kisi tarah raji kar lo.

buddhoo raji karana bada kathin hai, panch sau rupaye dijie to isaki jan bache. utarane ke lie bade-bade jatan karane padenge.

daauktar panch sau rupaye de doon to isaki jan bacha doge ?

buddhoo han, shart bad kar.

daauktar sahab bijali ki tarah lapak kar apane kamare men a gaye aur panch sau rupayon ki thaili lakar buddhoo ke samane rakh di. buddhoo ne vijay ki drishti se thaili ko dekha. phir jagiya ka sar apani god men rakhakar us par hath pherane laga. kuchh budabuda kar chhoo-chhoo karata jata tha. ek kshan men usaki soorat daravani ho gayi, lapaten-si nikalane lagin. bar-bar angadaiyan lene laga. isi dasha men ek besura gana arambh kiya, par hath jagiya ke sar par hi tha. ant men koee adh ghnta bitane par jagiya ne ankhen khol din, jaise bujhate hue diye men tel pad jay. dhire-dhire usaki avastha sudharane lagi. udhar kauve ki boli sunaee di, jagiya ek angadaee le kar uth baithi.

sat baje the jagiya mithi nind so rahi thi; usaki akriti nirog thi, buddhoo rupayon ki thaili le kar abhi gaya tha. daauktar sahab ki man ne kaha bat-ki-bat men panch sau rupaye mar le gaya.

daauktar yah kyon nahin kahati ki ek murade ko zila gaya. kya usake pran ka mooly itana bhi nahin hai.

man dekho, ale par panch sau rupaye hain ya nahin ?

daauktar nahin, un rupayon men hath mat lagana, unhen vahin pade rahane do. usane tirath karane ke vaste liye the, vah usi kam men lagenge.

man yah sab rupaye usi ke bhag ke the.

daauktar usake bhag ke to panch sau hi the, baki mere bhag ke the. unaki badaulat mujhe aisi shiksha mili, jo umr bhar n bhoolegi. tum mujhe ab avashyak kamon men mutthi bnd karate hue n paogi.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah