आत्माराम -प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

vedon-gram men mahadev sonar ek suvikhyat adami tha. vah apane sayaban men pratah se sndhya tak angithi ke samane baitha hua khatakhat kiya karata tha. yah lagatar dhvani sunane ke log itane abhyast ho gaye the ki jab kisi karan se vah bnd ho jati, to jan padata tha, koee chiz gayab ho gayi. vah nity-prati ek bar pratahkal apane tote ka pinjada lie koee bhajan gata hua talab ki or jata tha. us dhundhale prakash men usaka jarjar sharir, popala munh aur jhuki huee kamar dekh kar kisi aparichit manushy ko usake pishach hone ka bhram ho sakata tha. jyon hi logon ke kanon men avaz ati-‘satt gurudatt shivadatt data’, log samajh jate ki bhor ho gayi.

mahadev ka parivarik jivan sukhamay n tha. usake tin putr the, tin bahuen thin, darjanon nati-pote the, lekin usake bojh ko halaka karane vala koee n tha. ladake kahate-‘jab tak dada jite hain, ham jivan ka annd bhog len, phir to yah dhol gale padegi hi.’ bechare mahadev ko kabhi-kabhi nirahar hi rahana padata. bhojan ke samay usake ghar men samyavad ka aisa gaganabhedi nirghosh hota ki vah bhookha hi uth jata, aur nariyal ka huqqa pita hua so jata. usaka vyavasayik jivan aur bhi ashantikarak tha. yadyapi vah apane kam men nipun tha, usaki khataee auron se kahin zyada shuddhikarak aur usaki rasayanik kriyaen kahin zyada kashtasadhy thin, tathapi use aye din shakki aur dhairy-shoony praniyon ke apashabd sunane padate the. par mahadev avichalit gambhiry se sir jhukaye sab kuchh suna karata tha. jyon hi yah kalah shant hota, vah apane tote ki or dekh kar pukar uthata-‘satt gurudatt shivadatt data.’ is mntr ko japate hi usake chitt ko poorn shanti prapt ho jati thi.

2

ek din snyogavash kisi ladake ne pinjade ka dvar khol diya. tota ud gaya. mahadev ne sir uthakar jo pinjade ki or dekha, to usaka kaleja sann-se ho gaya. tota kahan gaya. usane phir pinjade ko dekha, tota gayab tha ! mahadev ghabada kar utha aur idhar-udhar khaparailon par nigah daudane laga. use snsar men koee vastu agar pyari thi, to vah yahi tota. ladake-balon, nati-poton se usaka ji bhar gaya tha. ladakon ki chulabul se usake kam men vighn padata tha. beton se use prem n tha; isalie nahin ki ve nikamme the, balki isalie ki unake karan vah apane anndadayi kulhadon ki niyamit snkhya se vnchit rah jata tha. padosiyon se use chidh thi, isalie ki ve angithi se ag nikal le jate the. in samast vighn-badhaon se usake lie koee panah thi, to vah yahi tota tha. isase use kisi prakar ka kasht n hota tha. vah ab us avastha men tha jab manushy ko shanti bhog ke siva aur koee ichchha nahin rahati.

tota ek khaparail par baitha tha. mahadev ne pinjara utar liya aur use dikha kar kahane laga-‘a-a’ ‘satt gurudatt shivadatt data.’ lekin ganv aur ghar ke ladake ekatr ho kar chillane aur taliyan bajane lage. oopar se kauon ne kanv-kanv ki rat lagayi ? tota uda aur ganv se bahar nikal kar ek ped par ja baitha. mahadev khali pinjada liye usake pichhe dauda, so dauda. logon ko usaki duhratagamita par achambha ho raha tha. moh ki isase sundar, isase sajiv, isase bhavamay kalpana nahin ki ja sakati.

dopahar ho gayi thi. kisan log kheton se chale a rahe the. unhen vinod ka achchha avasar mila. mahadev ko chidhane men sabhi ko maja ata tha. kisi ne knkad phenke, kisi ne taliyan bajayin. tota phir uda aur vahan se door am ke bag men ek ped ki phunagi par ja baitha. mahadev phir khali pinjada liye mendhak ki bhanti uchakata chala. bag men pahuncha to pair ke taluon se ag nikal rahi thi; sir chakkar kha raha tha. jab jara savadhan hua, to phir pinjada utha kar kahane laga-‘satt gurudatt shivadatt data.’ tota phunagi se utar kar niche ki ek dal par a baitha, kintu mahadev ki or sashnk netron se tak raha tha. mahadev ne samajha, dar raha hai. vah pinjade ko chhod kar ap ek doosare ped ki ad men chhip gaya. tote ne charon or gaur se dekha, nishshnk ho gaya, utara aur a kar pinjade ke oopar baith gaya. mahadev ka hriday uchhalane laga. ‘satt gurudatt shivadatt data’ ka mntr japata hua dhire-dhire tote ke samip aya aur lapaka ki tote ko pakad le; kintu tota hath n aya, phir ped par ja baitha.

sham tak yahi hal raha. tota kabhi is dal par jata, kabhi us dal par. kabhi pinjade par a baithata, kabhi pinjade ke dvar par baith apane dana-pani ki pyaliyon ko dekhata, aur phir ud jata. buddha agar moortiman moh tha, to tota moortimayi maya. yahan tak ki sham ho gayi. maya aur moh ka yah sngram andhakar men vilin ho gaya.

3

rat ho gayi ! charon or nivid andhakar chha gaya. tota n jane patton men kahan chhipa baitha tha. mahadev janata tha ki rat ko tota kahin ud kar nahin ja sakata. aur n pinjade hi men a sakata hai, phir bhi vah us jagah se hilane ka nam n leta tha. aj usane din bhar kuchh nahin khaya. rat ke bhojan ka samay bhi nikal gaya, pani ki boond bhi usake knth men n gayi; lekin use n bhookh thi, n pyas ! tote ke bina use apana jivan nissar, shushk aur soona jan padata tha. vah din-rat kam karata tha; isalie ki yah usaki antahprerana thi; jivan ke aur kam isalie karata tha ki adat thi. in kamon men use apani sajivata ka lesh-matr bhi gyan n hota tha. tota hi vah vastu tha, jo use chetana ki yad dilata tha. usaka hath se jana jiv ka deh-tyag karana tha.

mahadev din bhar ka bhookha-pyasa, thaka-manda, rah-rah kar jhapakiyan le leta tha; kintu ek kshan men phir chaunk kar ankhen khol deta aur us vistrit andhakar men usaki avaz sunayi deti-‘satt gurudatt shivadatt data’.

adhi rat gujar gayi thi. sahasa vah koee ahat pa kar chaunka. dekha, ek doosare vriksh ke niche ek dhundhala dipak jal raha hai, aur kee adami baithe hue apas men kuchh baten kar rahe hain. ve sab chilam pi rahe the. tamakhoo ki mahak ne use adhir kar diya. uchch svar se bola-‘satt gurudatt shivadatt data’ aur un adamiyon ki or chilam pine chala gaya; kintu jis prakar bndook ki avaz sunate hi hiran bhag jate hain usi prakar use ate dekh sab-ke-sab uth kar bhage. koee idhar gaya, koee udhar. mahadev chillane laga-‘thaharo-thaharo’ ekaek use dhyan a gaya, ye sab chor hain. vah zor se chilla utha-‘chor-chor, pakado-pakado.’ choron ne pichhe phir kar n dekha.

mahadev dipak ke pas gaya, to use ek kalasa rakha hua mila jo morche se kala ho raha tha. mahadev ka hriday uchhalane laga. usane kalase men hath dala, to moharen thin. usane ek mohar bahar nikali aur dipak ke ujale men dekha. han, mohar thi. usane turnt kalasa utha liya, aur dipak bujha diya aur ped ke niche chhip kar baith raha. sah se chor ban gaya.

use phir shnka huee, aisa n ho, chor laut aven, aur mujhe akela dekh kar moharen chhin len. usane kuchh mohar kamar men bandhin, phir ek sookhi lakadi se zamin ki mitti hata kar kee gaddhe banaye, unhen moharon se bhar kar mitti se dhnk diya.

4

mahadev ke antarnetron ke samane ab ek doosara jagath tha, chintaon aur kalpana se paripoorn. yadyapi abhi kosh ke hath se nikal jane ka bhay tha, par abhilashaon ne apana kam shuroo kar diya. ek pakka makan ban gaya, saraphe ki ek bhari dookan khul gayi, nij sambandhiyon se phir nata jud gaya, vilas ki samagriyan ekatrit ho gayin. tab tirth-yatra karane chale, aur vahan se laut kar bade samaroh se ygy, brahmabhoj hua. isake pashchath ek shivalay aur kuan ban gaya, ek bag bhi lag gaya aur vah nityaprati katha-puran sunane laga. sadhu-santon ka adar-satkar hone laga.

akasmath use dhyan aya. kahin chor a jayn, to main bhagoonga kyonkar ? usane pariksha karane ke lie kalasa uthaya. aur do sau pag tak betahasha bhaga hua chala gaya. jan padata tha, usake pairon men par lag gaye hain. chinta shant ho gayi. inhin kalpanaon men rat vyatit ho gayi. usha ka agaman hua, hava jagi, chidiyan gane lagin. sahasa mahadev ke kanon men avaz ayi-

satt gurudatt shivadatt data,

ram ke charan men chitt laga.

yah bol sadaiv mahadev ki jihva par rahata tha. din men sahastro hi bar ye shabd usake munh se nikalate the, par unaka dharmik bhav kabhi bhi usake antahkaran ko sparsh n karata tha. jaise kisi baje se rag nikalata hai, usi prakar usake munh se yah bol nikalata tha. nirarthak aur prabhav-shoony. tab usaka hriday-roopi vriksh patr-pallav vihin tha. yah nirmal vayu use gunjarit n kar sakati thi; par ab us vriksh men kopalen aur shakhaen nikal ayi thin. is vayu-pravah se jhoom utha, gunjit ho gaya.

arunoday ka samay tha. prakriti ek anuragamay prakash men doobi huee thi. usi samay tota pairon ko jode hue oonchi dal se utara, jaise akash se koee tara toote aur a kar pinjade men baith gaya. mahadev praphullit ho kar dauda aur pinjade ko utha kar bola-‘ao atmaram, tumane kasht to bahut diya, par mera jivan bhi saphal kar diya. ab tumhen chandi ke pinjade men rakhoonga aur sone se madh doonga.’ usake rom-rom se paramatma ke gunanuvad ki dhvani nikalane lagi. prabhu tum kitane dayavanh ho ! yah tumhara asim vatsaly hai, nahin to mujh papi, patit prani kab is kripa ke yogy tha ! in pavitr bhavon se usaki atma vihval ho gayi ! vah anurakt ho kar kah utha-

‘satt gurudatt shivadatt data,

ram ke charan men chitt laga.’

usane ek hath men pinjada latakaya, bagal men kalasa dabaya aur ghar chala.

5

mahadev ghar pahuncha, to abhi kuchh andhera tha. raste men ek kutte ke siva aur kisi se bhent n huee, aur kutte ko moharon se vishesh prem nahin hota. usane kalase ko ek nad men chhipa diya, aur use koyale se achchhi tarah dhnk kar apani kothari men rakh aya. jab din nikal aya to vah sidhe purohit ke ghar pahuncha. purohit pooja par baithe soch rahe the-kal hi mukadame ki peshi hai aur abhi tak hath men kaudi bhi nahin-yajamanon men koee sans bhi nahin leta. itane men mahadev ne palagan ki. pndit ji ne munh pher liya. yah anmagalamoorti kahan se a pahunchi, maloom nahin, dana bhi mayassar hoga ya nahin. rusht ho kar poochha-kya hai ji, kya kahate ho. janate nahin, ham is samay pooja par rahate hain.

mahadev ne kaha-maharaj, aj mere yahan satyanarayan ki katha hai.

purohit ji vismit ho gaye. kanon par vishvas n hua. mahadev ke ghar katha ka hona utani hi asadharan ghatana thi, jitani apane ghar se kisi bhikhari ke lie bhikh nikalana. poochha-aj kya hai ?

mahadev bola-kuchh nahin, aisi ichchha huee ki aj bhagavanh ki katha sun loon.

prabhat hi se taiyari hone lagi. vedon ke nikatavarti ganvon men supari phiri. katha ke uparant bhoj ka bhi nevata tha. jo sunata ashchary karata. aj ret men doob kaise jami.

sndhya samay jab sab log jama hue, aur pndit ji apane sinhasan par virajaman hue, to mahadev khada hokar uchch svar men bola-bhaiyo, meri sari umr chhal-kapat men kat gayi. mainne n jane kitane adamiyon ko daga di, kitane khare ko khota kiya; par ab bhagavanh ne mujh par daya ki hai, vah mere munh ki kalikh ko mitana chahate hain. main ap sab bhaiyon se lalakar kar kahata hoon ki jisaka mere jimme jo kuchh nikalata ho, jisaki jama mainne mar li ho, jisake chokhe mal ko khota kar diya ho, vah a kar apani ek-ek kaudi chuka le, agar koee yahan n a saka ho, to ap log usase ja kar kah dijie, kal se ek mahine tak, jab ji chahe, aye aur apana hisab chukata kar le. gavahi-sakhi ka kam nahin.

sab log sannate men a gaye. koee marmik bhav se sir hila kar bola-ham kahate n the. kisi ne avishvas se kaha-kya kha kar bharega, hajaron ka total ho jayega.

ek thakur ne thatholi ki-aur jo log suradham chale gaye.

mahadev ne uttar diya-usake ghar vale to honge.

kintu is samay logon ko vasooli ki itani ichchha n thi, jitani yah janane ki ki ise itana dhan mil kahan se gaya. kisi ko mahadev ke pas ane ka sahas n hua. dehat ke adami the, gade murde ukhadana kya janen. phir prayah logon ko yad bhi n tha ki unhen mahadev se kya pana hai, aur aise pavitr avasar par bhool-chook ho jane ka bhay unaka munh band kiye hue tha. sabase badi bat yah thi ki mahadev ki sadhuta ne unhen vashibhoot kar liya tha.

achanak purohit ji bole-tumhen yad hai, mainne ek kntha banane ke lie sona diya tha, tumane kee mashe taul men uda diye the.

mahadev-han, yad hai, apaka kitana nukasan hua hoga ?

purohit-pachas rupaye se kam n hoga.

mahadev ne kamar se do moharen nikalin aur purohit ji ke samane rakh din.

purohit ji ki lolupata par tikaen hone lagin. yah beeemani hai, bahut ho, to do-char rupaye ka nukasan hua hoga. bechare se pachas rupaye ainth liye. narayan ka bhi dar nahin. banane ko pndit, par niyat aisi kharab ! ram-ram !!

logon ko mahadev par ek shraddha-si ho gayi. ek ghnta bit gaya par un sahònon manushyon men se ek bhi khada n hua. tab mahadev ne phir kaha-maloom hota hai, ap leag apana-apana hisab bhool gaye hain, isalie aj katha hone dijie. main ek mahine tak apaki rah dekhoonga. isake pichhe tirth-yatra karane chala jaoonga. ap sab bhaiyon se meri vinati hai ki ap mera uddhar karen.

ek mahine tak mahadev lenadaron ki rah dekhata raha. rat ko choron ke bhay se nind n ati. ab vah koee kam n karata. sharab ka chasaka bhi chhoota. sadhu-abhyagat jo dvar par a jate, unaka yathayogy satkar karata. door-door usaka suyash phail gaya. yahan tak ki mahina poora ho gaya, aur ek adami bhi hisab lene n aya. ab mahadev ko gyan hua ki snsar men kitana dharm, kitana sadvyavahar hai. ab use maloom hua ki snsar buron ke lie bura hai aur achchhon ke lie achchha.

6

is ghatana ko hue pachas varsh bit chuke hain. ap vedon jaiye, to door hi se ek sunahala kalash dikhayi deta hai. vah thakuradvare ka kalash hai. usase mila hua ek pakka talab hai, jisamen khoob kamal khile rahate hain. usaki machhaliyan koee nahin pakadata, talab ke kinare ek vishal samadhi hai. yahi atmaram ka smriti-chihn hai, usake sambandh men vibhinn kinvadntiyan prachalit hain. koee kahata hai, vah ratnajadit pinjada svarg ko chala gaya, koee kahata, vah ‘satt gurudatt’ kahata hua antardhan ho gaya, par yatharth yah hai ki us pakshi-roopi chndr ko kisi billi-roopi rahu ne gras liya. log kahate hain, adhi rat ko abhi tak talab ke kinare avaz ati hai-

‘satt gurudatt shivadatt data,

ram ke charan men chitt laga.’

mahadev ke vishay men bhi kitani hi jan-shrutiyan hain. unamen sabase many yah hai ki atmaram ke samadhisth hone ke bad vah kee sannyasiyon ke sath himalay chala gaya, aur vahan se laut kar n aya. usaka nam atmaram prasiddh ho gaya.

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah