अमावस्या की रात्रि- प्रेमचंद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

divali ki sndhya thi. shrinagar ke ghooron aur khndaharon ke bhi bhagy chamak uthe the. kasbe ke ladake aur ladakiyan shvet thaliyon men dipak liye mndir ki or ja rahi thin. dipon se unake mukharavind prakashaman the. pratyek grih roshani se jagamaga raha tha. keval pndit devadatt ka satadhara bhavan kali ghata ke andhakar men gnbhir aur bhaynkar roop men khada tha. gnbhir isalie ki use apani unnati ke din bhoole n the bhaynkar isalie ki yah jagamagahat mano use chidha rahi thi. ek samay vah tha jabaki eershya bhi use dekh-dekhakar hath malati thi aur ek samay yah hai jabaki ghrina bhi us par kataksh karati hai. dvar par dvarapal ki jagah ab madar aur ernd ke vriksh khade the. divanakhane men ek matng sand akadata tha. oopar ke gharon men jahan sundar ramaniyan manohar sngit gati thin vahan aj jngali kabootaron ke madhur svar sunayi dete the. kisi angreji madarase ke vidyarthi ke acharan ki bhanti usaki jaden hil gayi thin aur usaki divaren kisi vidhava stri ke hriday ki bhanti vidirn ho rahi thin par samay ko ham kuchh nahin kah sakate. samay ki ninda vyarth aur bhool hai yah moorkhata aur adooradarshita ka phal tha.

amavasya ki ratri thi. prakash se parajit ho kar mano andhakar ne usi vishal bhavan men sharan li thi. pndit devadatt apane arddh andhakaravale kamare men maun parntu chinta men nimagn the. aj ek mahine se unaki patni girija ki zindagi ko nirday kal ne khilavad bana liya hai. pndit ji daridrata aur duahkh ko bhugatane ke lie taiyar the. bhagy ka bharosa unhen dhairy bndhata tha kintu yah nayi vipatti sahan-shakti se bahar thi. bechare din ke din girija ke sirahane baithe hue usake murajhaye hue mukh ko dekh kar kudhate aur rote the. girija jab apane jivan se nirash ho kar roti to vah use samajhate-girija roo mat shighr hi achchhi ho jaogi.

pndit devadatt ke poorvajon ka karobar bahut vistrit tha. ve len-den kiya karate the. adhikatar unake vyavahar bade-bade chakaledaron aur rajavadon ke sath the. us samay eeman itana sasta nahin bikata tha. sade patron par lakhon ki baten ho jati thin. magar sanh 57 eesvi ke balave ne kitani hi riyasaton aur rajyon ko mita diya aur unake sath tivariyon ka yah ann-dhan-poorn parivar bhi mitti men mil gaya. khazana lut gaya bahi-khate pnsariyon ke kam aye. jab kuchh shanti huee riyasaten phir snbhalin to samay palat chuka tha. vachan lekh ke adhin ho raha tha tatha lekh men bhi sade aur rngin ka bhed hone laga tha.

jab devadatt ne hosh snbhala tab unake pas is khndahar ke atirikt aur koee sampatti n thi. ab nirvah ke lie koee upay n tha. krishi men parishram aur kasht tha. vanijy ke lie dhan aur buddhi ki avashyakata thi. vidya bhi aisi nahin thi ki kahin naukari karate parivar ki pratishtha dan lene men badhak thi. astu sal men do-tin bar apane purane vyavahariyon ke ghar bina bulaye pahunon ki bhanti jate aur kuchh vidaee tatha marg-vyay pate usi par gujara karate. paitrik pratishtha ka chihn yadi kuchh shesh tha to vah purani chitthi-patriyon ka dher tatha hundiyon ka pulinda jinaki syahi bhi unake mnd bhagy ki bhanti phiki pad gayi thi. pndit devadatt unhen pranon se bhi adhik priy samajhate. dvitiya ke din jab ghar-ghar lakshmi ki pooja hoti hai pndit ji that-bat se in pulindon ki pooja karate. lakshmi n sahi lakshmi ka smarak-chihn hi sahi. dooj ka din pndit ji ke pratishtha ke shraddha ka din tha. ise chahe vidnbana kaho chahe moorkhata parntu shrimanh pndit mahashay ko un patron par bada abhiman tha. jab ganv men koee vivad chhid jata to yah sade-gale kagajon ki sena hi bahut kam kar jati aur prativadi shatru ko har manani padati. yadi sattar pidhiyon se shastr ki soorat n dekhane par bhi log kshatriy hone ka abhiman karate hain to pndit devadatt ka un lekhon par abhiman karana anuchit nahin kaha ja sakata jisamen sattar lakh rupayon ki rakam chhipi huee thi.

2

vahi amavasya ki ratri thi. kintu dipamalika apani alp jivani samapt kar chuki thi. charon or juariyon ke lie yah shakun ki ratri thi kyonki aj ki har sal bhar ki har hoti hai. lakshmi ke agaman ki dhoom thi. kaudiyon par asharphiyan lut rahi thin. bhatthiyon men sharab ke badale pani bik raha tha. pndit devadatt ke atirikt kasbe men koee aisa manushy nahin tha jo ki doosaron ki kamaee sametane ki dhun men n ho. aj bhor se hi girija ki avastha shochaniy thi. visham jvar use ek-ek kshan men moorchchhit kar raha tha. ekaek usane chaunk kar ankhen kholin aur atynt kshin svar men kaha-aj to divali hai.

devadatt aisa nirash ho raha tha ki girija ko chaitany dekh kar bhi use annd nahin hua. bola-han aj divali hai.

girija ne ansoo-bhari drishti se idhar-udhar dekh kar kaha-hamare ghar men kya dipak n jalenge

devadatt phoot-phoot kar rone laga. girija ne phir usi svar men kaha-dekho aj baras-bhar ke din bhi ghar andhera rah gaya. mujhe utha do main bhi apane ghar diye jalaoongi.

ye baten devadatt ke hriday men chubhi jati thin. manushy ki antim ghadi lalasaon aur bhavanaon men vyatit hoti hai.

is nagar men lala shnkaradas achchhe prasiddh vaidy the. apane pranasnjivan aushadhalay men davaon ke sthan par chhapane ka pres rakhe hue the. davaiyan kam banati thin ishtahar adhik prakashit hote the.

ve kaha karate the ki bimari keval reeson ka dhakosala hai aur politikal ekanomi ke (rajanitik arthashastr ke) anusar is vilas-padarth se jitana adhik sambhav ho taiks lena chahie. yadi koee nirdhan hai to ho. yadi koee marata hai to mare. use kya adhikar hai ki bimar pade aur muft men dava karaye bharatavarsh ki yah dasha adhikatar muft dava karane se huee hai. isane manushyon ko asavadhan aur balahin bana diya hai. devadatt mahine bhar nity unake nikat dava lene ata tha parntu vaidy ji kabhi usaki or itana dhyan nahin dete the ki vah apani shochaniy dasha prakat kar sake. vaidy ji ke hriday ke komal bhag tak pahunchane ke lie devadatt ne bahut kuchh hath-pair chalaye. vah ankhon men ansoo bhare ata kintu vaidy ji ka hriday thos tha usamen komal bhav tha hi nahin.

vahi amavasya ki daravani rat thi. gagan-mndal men tare adhi rat ke bitane par aur bhi adhik prakashit ho rahe the mano shrinagar ki bujhi huee divali par katakshayukt annd ke sath muskara rahe the. devadatt bechaini ki dasha men girija ke sirahane se uthe aur vaidy ji ke makan ki or chale. ve janate the ki lala ji bina phis liye kadapi nahin ayenge kintu hatash hone par bhi asha pichha nahin chhodati. devadatt qadam age badhate chale jate the.

3

hakim ji us samay apane ramaban bidu ka vigyapan likhane men vyast the. us vigyapan ki bhavaprad bhasha tatha akarshan-shakti dekh kar kah nahin sakate ki ve vaidy-shiromani the ya sulekhak vidyavaridhi.

pathak ap unake urdoo vigyapan ka sakshath darshan kar len-

najarin ap janate hain ki main kaun hoon apaka jard chehara apaka tane lagir apaka jara-si mehanat men bedam ho jana apaka lajjat duniya men maharoom rahana apaka khana tariki yah sab is saval ka naphi men javab dete hain. sunie main kaun hoon main vah shakhs hoon jisane imaraj insani ko parde duniya se gayab kar dene ka bida uthaya hai jisane ishtiharabaj ja pharosh gndumanuma bane hue hakimon ko bekhabar v bun se khod kar duniya ko pak kar dene ka ajm vilh jajm kar liya hai. main vah hairatangej inasan jeeph-ul- bayan hoon jo nashad ko dilashad namurad ko bamurad bhagode ko diler gidad ko sher banata hai. aur yah kisi jadoo se nahin mntr se nahin vah meri eejad karada amritabindu ke adana karishme hain. amritabindu kya hai ise kuchh main hi janata hoon. maharshi agast ne dhanvantari ke kanon men isaka nuskha batalaya tha. jis vakt ap vi. pi. parsal kholenge ap par usaki hakikat raushan ho jayagi. yah abehayat hai. yah mardanagi ka jauhar pharajanagi ka aksir akl ka murabba aur jehan ka sakil hai. agar varshon ki mushayarabaji ne bhi apako shayar nahin banaya agar shabe roj ke ratnt par bhi ap imtahan men kamayab nahin ho sake agar dallalon ki khushamad aur muvakkilon ki najabardari ke bavajood bhi ap ahate-adalat men bhookhe kutte ki tarah chakkar lagate phirate hain agar ap gala phad-phad chikhane mej par hath-pair patakane par bhi apani takarir se koee asar paida nahin kar sakate to ap amritabindu ka istemal kijie. isaka sabase bada fayada jo pahale hi din maloom ho jayaga yah hai ki apaki ankhen khul jayngi aur ap phir kabhi ishtaharabaj hakimon ke dam phareb men n phnsenge.

vaidy ji is vigyapan ko samapt kar uchch svar se padh rahe the unake netron men uchit abhiman aur asha jhalak rahi thi ki itane men devadatt ne bahar se avaz di. vaidy ji bahut khush hue. rat ke samay unaki phis duguni thi. lalaten liye bahar nikale to devadatt rota hua unake pairon se lipat gaya aur bola-vaidy ji is samay mujh par daya kijie. girija ab koee sayat ki pahuni hai. ab ap hi use bacha sakate hain. yon to mere bhagy men jo likha hai vahi hoga kintu is samay tanik chal kar ap dekh len to mere dil ka dah mit jayaga. mujhe dhairy ho jayaga ki usake lie mujhase jo kuchh ho sakata tha mainne kiya. paramatma janata hai ki main is yogy nahin hoon ki apaki kuchh seva kar sakoon kintu jab tak jioonga apaka yash gaoonga aur apake isharon ka gulam bana rahoonga !

hakim ji ko pahale kuchh taras aya kintu vah jugunoo ki chamak thi jo shighr svarth ke vishal andhakar men vilin ho gayi.

4

vahi amavasya ki ratri thi. vrikshon par sannata chha gaya tha. jitanevale apane bachchon ko nind se jaga kar inam dete the. haranevale apani rusht aur krodhit striyon se kshama ke lie prarthana kar rahe the. itane men ghnti ke lagatar shabd vayu aur andhakar ko chirate hue kan men ane lage. unaki suhavani dhvani is nistabdh avastha men atynt bhali pratit hoti thi. yah shabd samip ho gaye aur ant men pndit devadatt ke samip a kar us khndahar men doob gaye. pndit ji us samay nirasha ke athah samudr men gote kha rahe the. shok men is yogy bhi nahin the ki pranon se bhi adhik pyari girija ka dava-darapan kar saken. kya karen is nishthur vaidy ko yahan kaise layen jalim main sari umar teri gulami karata. tere ishtihar chhapata. teri davaiyan kootata. aj pndit ji ko yah gyat hua hai ki sattar lakh ki chitthi-patriyan itani kaudiyon ke mol bhi nahin. paitrik pratishtha ka ahnkar ab ankhon se door ho gaya. unhonne us makhamali thaile ko sndook se bahar nikala aur un chitthi-patriyon ko jo bap-dadon ki kamaee ka sheshansh thin aur pratishtha ki bhanti jinaki raksha ki jati thi ek-ek karake diya ko arpan karane lage. jis tarah sukh aur annd se palit sharir chita ki bhent ho jati hai usi prakar vah kagaji putaliyan bhi us prajvalit diya ke dhadhakate hue munh ka gras banati thin. itane men kisi ne bahar se pndit ji ko pukara. unhonne chaunk kar sir uthaya. ve nind se andhere men tatolate hue daravaze tak aye. dekha ki kee adami hath men mashal liye hue khade hain aur ek hathi apane soond se un ernd ke vrikshon ko ukhad raha hai jo dvar par dvarapalon ki bhanti khade the. hathi par ek sundar yuvak baitha hai jisake sir par kesariya rng ki reshami pag hai. mathe par ardhachndrakar chndan bhale ki tarah tani huee nokadar moonchhen mukharavind se prabhav aur prakash tapakata hua koee saradar maloom padata tha. usaka kalidar angarakha aur chunavadar paijama kamar men latakati huee talavar aur gardan men sunahare knthe aur jnjir usake sajile sharir par atynt shobha pa rahe the. pndit ji ko dekhate hi usane rakab par pair rakha aur niche utar kar unaki vndana ki. usake is vinit bhav se kuchh lajjit ho kar pndit ji bole-apaka agaman kahan se hua

navayuvak ne bade namr shabdon men javab diya. usake chehare se bhalamanasahat barasati thi-main apaka purana sevak hoon. das ka ghar rajanagar hai. main vahan ka jagiradar hoon. mere poorvajon par apake poorvajon ne bade anugrah kiye hain. meri is samay jo kuchh pratishtha tatha sampada hai sab apake poorvajon ki kripa aur daya ka parinam hai. mainne apane anek svajanon se apaka nam suna tha aur mujhe bahut dinon se apake darshanon ki akanksha thi. aj vah suavasar bhi mil gaya. ab mera janm saphal hua.

pndit devadatt ki ankhon men ansoo bhar aye. paitrik pratishtha ka abhiman unake hriday ka komal bhag tha.

vah dinata jo unake mukh par chhayi huee thi thodi der ke lie vida ho gayi. ve gambhir bhav dharan karake bole-yah apaka anugrah hai jo aisa kahate hain. nahin to mujh jaise kapoot men to itani bhi yogyata nahin hai jo apane ko un logon ki sntati kah sakoon. itane men naukaron ne angan men pharsh bichha diya. donon adami us par baithe aur baten hone lagin ve baten jinaka pratyek shabd pndit ji ke mukh ko is tarah praphullit kar raha tha jis tarah pratahkal ki vayu phoolon ko khila deti hai. pndit ji ke pitamah ne navayuvak thakur ke pitamah ko pachchis sahò rupaye karz diye the. thakur ab gaya men ja kar apane poorvajon ka shraddh karana chahata tha isalie zaroori tha ki usake jimme jo kuchh rin ho usaki ek-ek kaudi chuka di jay. thakur ko purane bahikhate men yah rin dikhayi diya. pachchis ke ab pachahattar hazar ho chuke. vahi rin chuka dene ke lie thakur aya tha. dharm hi vah shakti hai jo antahkaran men ojasvi vicharon ko paida karati hai. han is vichar ko kary men lane ke lie pavitr aur balavanh atma ki avashyakata hai. nahin to ve hi vichar kroor aur papamay ho jate hain. ant men thakur ne kaha-apake pas to ve chitthiyan hongi

devadatt ka dil baith gaya. ve snbhal kar bole-sambhavatah hon. kuchh kah nahin sakate.

thakur ne laparavahi se kaha-dhoondhie yadi mil jayn to ham lete jaynge.

pndit devadatt uthe lekin hriday thnda ho raha tha. shnka hone lagi ki kahin bhagy hare bag n dikha raha ho. kaun jane vah purja jal kar rakh ho gaya ya nahin. yadi n mila to rupaye kaun deta hai. shok ki doodh ka pyala samane a kar hath se chhoot jata hai ! -he bhagavanh ! vah patri mil jay. hamane anek kasht paye hain ab ham par daya karo. is prakar asha aur nirasha ki dasha men devadatt bhitar gaye aur diya ke timatimate hue prakash men bache hue patron ko ulat-pulat kar dekhane lage. ve uchhal pade aur umng men bhare hue pagalon ki bhanti annd ki avastha men do-tin bar koode. tab daud kar girija ko gale se laga liya aur bole-pyari yadi eeshvar ne chaha to too ab bach jayagi. unmattata men unhen ekadam yah nahin jan pada ki girija ab nahin hai keval usaki loth hai.

devadatt ne patri ko utha liya aur dvar tak ve isi teji se aye mano panvon men par lag gaye. parntu yahan unhonne apane ko roka aur hriday men annd ki umadati huee tarng ko rok kar kaha-yah lijie vah patri mil gayi. snyog ki bat hai nahin to sattar lakh ke kagaz dimakon ke ahar ban gaye.

akasmik saphalata men kabhi-kabhi sndeh badha dalata hai. jab thakur ne us patri ko lene ko hath badhaya to devadatt ko sndeh hua ki kahin vah use phad kar phenk n de. yadyapi yah sndeh nirarthak tha kintu manushy kamazoriyon ka putala hai. thakur ne unake man ke bhav ko tad liya. usane beparavahi se patri ko liya aur mashal ke prakash men dekh kar kaha-ab mujhe vishvas hua. yah lijie apaka rupaya apake samaksh hai ashirvad dijie ki mere poorvajon ki mukti ho jay.

yah kah kar usane apani kamar se ek thaila nikala aur usamen se ek-ek hazar ke pachahattar not nikal kar devadatt ko de diye. pndit ji ka hriday bade veg se dhadak raha tha. nadi tivr-gati se kood rahi thi. unhonne charon or chaukanni drishti se dekha ki kahin koee doosara to nahin khada hai aur tab kanpate hue hathon se noton ko le liya. apani uchchata prakat karane ki vyarth cheshta men unhonne noton ki ganana bhi nahin ki. keval udati huee drishti se dekh kar unhen sameta aur jeb men dal liya.

vahi amavasya ki ratri thi. svargiy dipak bhi dhundhale ho chuke the. unaki yatr sooryanarayan ke ane ki soochana de rahi thi. udayachal firoji bana pahan chuka tha. astachal men bhi halake shvet rng ki abha dikhayi de rahi thi. pndit devadatt thakur ko vida karake ghar chale. us samay unaka hriday udarata ke nirmal prakash se prakashit ho raha tha. koee prarthi us samay unake ghar se nirash nahin ja sakata tha. satyanarayan ki katha dhoomadham se sunane ka nishchay ho chuka tha. girija ke lie kapade aur gahane ke vichar thik ho gaye. antahpur men hi unhonne shaligram ke sammukh manasa-vacha-karmana sir jhukaya aur tab shesh chitthi-patriyon ko samet kar usi makhamali thaile men rakh diya. kintu ab unaka yah vichar nahin tha ki snbhavatah un murdon men bhi koee jivit ho uthe. varanh jivika se nishchint ho ab ve paitrik pratishtha par abhiman kar sakate the. us samay ve dhairy aur utsah ke nashe men mast the. bas ab mujhe zindagi men adhik sampada ki zaroorat nahin. eeshvar ne mujhe itana de diya hai. isamen meri aur girija ki zindagi annd se kat jayagi. unhen kya khabar thi ki girija ki zindagi pahale kat chuki hai. unake dil men yah vichar gudaguda raha tha ki jis samay girija is annd-samachar ko sunegi us samay avashy uth baithegi. chinta aur kasht ne hi usaki aisi durgati bana di hai. jise bharapet kabhi roti nasib n huee jo kabhi nairashyamay dhairy aur nirdhanata ke hriday-vidarak bndhan se mukt n huee usaki dasha isake siva aur ho hi kya sakati hai yah sochate hue ve girija ke pas gaye aur ahista se hila kar bole-girija ankhen kholo. dekho eeshvar ne tumhari vinati sun li aur hamare oopar daya ki. kaisi tabiyat hai

kintu jab girija tanik bhi n minaki tab unhonne chadar utha di aur usake munh ki or dekha. hriday se ek karunatmak thndi ah nikali. ve vahin sir tham kar baith gaye. ankhon se shonit ki boonden-si tapak padin. ah kya yah sampada itane mahnge mooly par mili hai kya paramatma ke darabar se mujhe is pyari jan ka mooly diya gaya hai eeshvar tum khoob nyay karate ho. mujhe girija ki avashyakata hai rupayon ki avashyakata nahin. yah sauda bada mahnga hai.

5

amavasya ki andheri rat girija ke andhakaramay jivan ki bhanti samapt ho chuki thi. kheton men hal chalane vale kisan oonche aur suhavane svar se ga rahe the. sardi se kanpate hue bachche soory devata se bahar nikalane ki prarthana kar rahe the. panaghat par ganv ki alabeli striyan jama ho gayi thin. pani bharane ke lie nahin hnsane ke lie. koee ghade ko kuen men dale hue apani popali sas ki nakal kar rahi thi koee khambhon se chipati huee apani saheli se muskara kar premarahasy ki baten karati thi. boodhi striyan poton ko god men liye apani bahuon ko kos rahi thin ki ghnte bhar hue ab tak kuen se nahin lautin. kintu rajavaidy lala shnkaradas abhi tak mithi nind le rahe the. khansate hue bachche aur karahate hue boodhe unake aushadhalay ke dvar par jama ho chale the. is bhid-bhabhbhad se kuchh door par do-tin sundar kintu murajhaye hue navayuvak tahal rahe the aur vaidy ji se ekant men kuchh baten kiya chahate the. itane men pndit devadatt nnge sir nnge badan lal ankhen daravani soorat kagaz ka ek pulinda liye daudate hue aye aur aushadhalay ke dvar par itane zor se hank lagane lage ki vaidy ji chaunk pade aur kahar ko pukar kar bole ki daravaza khol de. kahar mahatma badi rat gaye kisi biradari ki pnchayat se laute the. unhen dirgh-nidra ka rog tha jo vaidy ji ke lagatar bhashan aur phatakar ki aushadhiyon se bhi kam n hota tha. ap ainthate hue uthe aur kivad khol kar hukka-chilam ki chinta men ag dhoondhane chale gaye. hakim ji uthane ki cheshta kar rahe the ki sahasa devadatt unake sammukh ja kar khade ho gaye aur noton ka pulinda unake age patak kar bole-vaidy ji ye pachahattar hazar ke not hain. yah apaka puraskar aur apaki phis hai. ap chal kar girija ko dekh lijie aur aisa kuchh kijie ki vah keval ek bar ankhen khol de. yah usaki ek drishti par nyochhavar hai-keval ek drishti par. apako rupaye manushy ki jan se pyare hain. ve apake samaksh hain. mujhe girija ki ek chitavan in rupayon se kee guni pyari hai.

vaidy ji ne lajjamay sahanubhooti se devadatt ki or dekha aur keval itana kaha-mujhe atynt shok hai sadaiv ke lie tumhara aparadhi hoon. kintu tumane mujhe shiksha de di. eeshvar ne chaha to aisi bhool kadapi n hogi. mujhe shok hai. sachamuch hai !

ye baten vaidy ji ke antahkaran se nikali thin.


tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah