गोदान उपन्यास भाग-28

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

mistar khanna ko majooroan ki yah h datal bilakul beja maloom hoti thi. unhoanne hamesha janata ke sath mile rahane ki koshish ki thi. vah apane ko janata ka hi adami samajhate the. pichhale kaumi aandolan mean unhoanne b da josh dikhaya tha. zile ke pramukh neta rahe the, do bar jel ge the aur kee hazar ka nukasan uthaya tha. ab bhi vah majooroan ki shikayatean sunane ko taiyar rahate the, lekin yah to nahian ho sakata ki vah shakkar mil ke hissedaroan ke hit ka vichar n karean. apana svarth tyagane ko vah taiyar ho sakate the, agar unaki ooanchi manovrittiyoan ko sparsh kiya jata, lekin hissedaroan ke svarth ki raksha n karana, yah to adharm tha. yah to vyapar hai, koee sadavrat nahian ki sab kuchh majooroan ko hi baant diya jae. hissedaroan ko yah vishvas dila kar rupe lie ge the ki is kam mean pandrah-bis saik de ka labh hai. agar unhean das saik da bhi n mile, to ve dayarektaroan ko aur visheshakar mistar khanna ko dhokhebaj hi to samajheange aur phir apana vetan vah kaise kam kar sakate the? aur kanpaniyoan ko dekhate unhoanne apana vetan kam rakha tha. keval ek hazar rupaya mahina lete the. kuchh kamishan bhi mil jata tha, magar vah itana lete the, to mil ka sanchalan bhi karate the. majoor keval hath se kam karate haian. dayarektar apani buddhi se, vidya se, pratibha se, prabhav se kam karata hai. donoan shaktiyoan ka mol barabar to nahian ho sakata. majooroan ko yah santosh kyoan nahian hota ki mandi ka samay hai aur charoan taraph bekari phaili rahane ke karan adami saste ho ge haian. unhean to ek ki jagah paun bhi mile, to santusht rahana chahie tha. aur sach poochho to ve santusht haian. unaka koee kasoor nahian. ve to moorkh haian, bachhiya ke taoo! shararat to oankaranath aur mirja khurshed ki hai. yahi log un becharoan ko kathaputali ki tarah nacha rahe haian, keval tho de-se paise aur yash ke lobh mean p d kar. yah nahian sochate ki unaki dillagi se kitane ghar tabah ho jaeange. oankaranath ka patr nahian chalata to bechare khanna kya karean! aur aj unake patr ke ek lakh grahak ho jayan, aur usase unhean paanch lakh ka labh hone lage, to kya vah keval apane gujare-bhar ko le kar shesh karyakartaoan mean baant deange? kahaan ki bat! aur vah tyagi mirja khurshed bhi to ek din lakhapati the. hajaroan majoor unake naukar the. to kya vah apane gujare-bhar ko le kar sab kuchh majooroan mean baant dete the? vah usi gujare ki rakam mean yooropiyan chhokariyoan ke sath vihar karate the. b de-b de aphasaroan ke sath davatean u date the, hajaroan rupe mahine ki sharab pi jate the aur har sal phraans aur svitajaralaiand ki sair karate the. aj majooroan ki dasha par unaka kaleja phatata hai.

in donoan netaoean ki to khanna ko paravah n thi. unaki niyat ki saphaee mean poora sandeh tha. n rayasahab ki hi unhean paravah thi, jo hamesha khanna ki haan-mean-haan milaya karate the aur unake har ek qadam ka samarthan kar diya karate the. apane parichitoan mean keval ek hi aisa vyakti tha, jisake nishpaksh vichar par khanna ji ko poora bharosa tha aur vah daktar mehata the. jab se unhoanne malati se ghanishthata badhani shuroo ki thi, khanna ki najaroan mean unaki ijjat bahut kam ho gee thi. malati barasoan khanna ki hridayeshvari rah chuki thi, par use unhoanne sadaiv khilauna samajha tha. isamean sandeh nahian ki vah khilauna unhean bahut priy tha. usake kho jane, ya toot jane, ya chhin jane par vah khoob rote aur vah roe the, lekin thi vah khilauna hi. unhean kabhi malati par vishvas n hua. vah kabhi unake oopari vilas-avaran ko chhed kar unake aant:karan tak n pahuanch saki thi. vah agar khud khanna se vivah ka prastav karati, to vah svikar n karate. koee bahana karake tal dete. any kitane hi praniyoan ki bhaanti khanna ka jivan bhi dohara ya do-rukhi tha. ek or vah tyag aur jan-seva aur upakar ke bhakt the, to doosari or svarth aur vilas aur prabhuta ke. kaun unaka asali rukh tha, yah kahana kathin hai. kadachit unaki atma ka uttam adha seva aur sahridayata se bana hua tha, maddhim adha svarth aur vilas se. par is uttam aur maddhim mean barabar sangharsh hota rahata tha. aur maddhim hi apane uddandata aur hath ke karan saumy aur shaant uttam par galib ata tha. use maddhim malati ki or jhukata tha, uttam mehata ki or, lekin vah uttam ab maddhim ke sath ek ho gaya tha. unaki samajh mean n ata tha ki mehata-jaisa adarshavadi vyakti malati-jaisi chanchal, vilasini ramani par kaise asakt ho gaya! vah bahut prayas karane par bhi mehata ko vasanaoan ka shikar n sthir kar sakate the aur kabhi-kabhi unhean yah sandeh bhi hone lagata tha ki malati ka koee doosara roop bhi hai, jise vah n dekh sake ya jise dekhane ki unamean kshamata n thi.

paksh aur vipaksh ke sabhi pahaluoan par vichar karake unhoanne yahi natija nikala ki is paristhiti mean mehata hi se unhean prakash mil sakata hai.

daktar mehata ko kam karane ka nasha tha. adhi rat ko sote the aur gh di rat rahe uth jate the. kaisa bhi kam ho, usake lie vah kahian-n-kahian se samay nikal lete the. haki khelana ho ya yoonivarsiti dibet, gramy sangathan ho ya kisi shadi ka naved, sabhi kamoan ke lie unake pas lagan thi aur samay tha. vah patroan mean lekh bhi likhate the aur kee sal se ek vrihd darshan-granth likh rahe the, jo ab samapt hone vala tha. is vakt bhi vah ek vaijnanik khel hi khel rahe the. apane bagiche mean baithe hue paudhoan par vidyut-sanchar kriya ki pariksha kar rahe the. unhoanne hal mean ek vidvan-parishad mean yah siddh kiya tha ki phasalean bijali ke zor se bahut tho de samay mean paida ki ja sakati haian, unaki paidavar badhaee ja sakati hai aur bephasal ki chizean bhi upajaee ja sakati haian. ajakal sabere ke do-tin ghante vah inhian parikshaoan mean lagaya karate the.

mistar khanna ki katha sun kar unhoanne kathor mudra se unaki or dekh kar kaha - kya yah zaroori tha ki dayooti lag jane se majooroan ka vetan ghata diya jay? apako sarakar se shikayat karani chahie thi. agar sarakar ne nahian suna, to usaka dand majooroan ko kyoan diya jay? kya apaka vichar hai ki majooroan ko itani majoori di jati hai ki usamean chauthaee kam kar dene se majooroan ko kasht nahian hoga? apake majoor biloan mean rahate haian - gande badaboodar biloan mean - jahaan ap ek minat bhi rah jayan, to apako kai ho jae. kap de jo pahanate haian, unase ap apane joote bhi n pochheange. khana jo vah khate haian, vah apaka kutta bhi n khaega. maianne unake jivan mean bhag liya hai. ap unaki rotiyaan chhin kar apane hissedaroan ka pet bharana chahate haian?

khanna ne adhir ho kar kaha - lekin hamare sabhi hissedar to dhani nahian haian. kitanoan hi ne apana sarvasv isi mil ki bheant kar diya hai aur isake naphe ke siva unake jivan ka koee adhar nahian hai.

mehata ne is bhav se javab diya, jaise is dalil ka unaki najaroan mean koee mooly nahian hai - jo adami kisi vyapar mean hissa leta hai, vah itana daridr nahian hota ki usake naphe hi ko jivan ka adhar samajhe. ho sakata hai ki napha kam milane par use apana ek naukar kam kar dena p de ya usake makkhan aur phaloan ka bil kam ho jay, lekin vah nanga ya bhookha n rahega. jo apani jan khapate haian, unaka hak un logoan se zyada hai, jo keval rupaya lagate haian.

yahi bat pandit oankaranath ne kahi thi. mirja khurshed ne bhi yahi salah di thi. yahaan tak ki goviandi ne bhi majooroan hi ka paksh liya tha, par khanna ji ne un logoan ki parava n ki thi, lekin mehata ke muanh se vahi bat sun kar vah prabhavit ho ge. oankaranath ko vah svarthi samajhate the, mirja khurshed ko gairajimmedar aur goviandi ko ayogy. mehata ki bat mean charitr, adhayayan aur sadbhav ki shakti thi.

sahasa mehata ne poochha - apane apani devi ji se bhi is vishay mean ray li?

khanna ne sakuchate hue kaha - haan poochha tha.

'unaki kya ray thi?'

'vahi jo apaki hai.'

'mujhe yahi asha thi. aur ap us vidushi ko ayogy samajhate haian.'

usi vakt malati a pahuanchi aur khanna ko dekh kar boli - achchha, ap viraj rahe haian - maianne mehata ji ki aj davat ki hai. sabhi chizean apane hath se pakaee haian. apako bhi nevata deti hooan. goviandi devi se apaka yah aparadh kshama kara dooangi.

khanna ko kautoohal hua. ab malati apane hathoan se khana pakane lagi hai? malati, vahi malati, jo khud kabhi apane joote n pahanati thi, jo khud kabhi bijali ka batan tak n dabati thi, vilas aur vinod hi jisaka jivan tha!

muskarakar kaha - agar apane pakaya hai to zaroor aooanga. maian to kabhi soch hi n sakata tha ki ap pak-kala mean bhi nipun haian.

malati ni:sankoch bhav se boli - inhoanne mar-mar kar vaidy bana diya. inaka hukm kaise tal deti? purush devata thahare!

khanna ne is vyangy ka anand le kar mehata ki or aankhean marate hue kaha - purush to apake lie itane samman ki vastu n thi.

malati jheanpi nahian. is sanket ka ashay samajh kar josh-bhare svar mean boli - lekin ab ho gee hooan, isalie ki maianne purush ka jo roop apane parichitoan ki paridhi mean dekha tha, usase yah kahian suandar hai. purush itana suandar, itana komal hriday....

mehata ne malati ki or din-bhav se dekha aur bole - nahian malati, mujh par daya karo, nahian maian yahaan se bhag jaooanga.

in dinoan jo koee malati se milata vah usase mehata ki taripho ke pul baandh deti, jaise koee navadikshit apane ne vishvasoan ka dhiandhora pitata phire. suruchi ka dhyan bhi use n rahata. aur bechare mehata dil mean kat kar rah jate the. vah k di aur k davi alochana to b de shauq se sunate the, lekin apani tariph sun kar jaise bevakooph ban jate the, muanh jara-sa nikal ata tha, jaise koee phabati kasi gee ho. aur malati un auratoan mean n thi, jo bhitar rah sake. vah bahar hi rah sakati thi, pahale bhi aur ab bhi, vyavahar mean bhi, vichar mean bhi. man mean kuchh rakhana vah n janati thi. jaise ek achchhi sa di pa kar vah use pahanane ke lie adhir ho jati thi, usi tarah man mean koee suandar bhav ae, to vah use prakat kie bina chain n pati thi.

malati ne aur samip a kar unaki pith par hath rakh kar mano unaki raksha karate hue kaha - achchha bhago nahian, ab kuchh n kahooangi. maloom hota hai, tumhean apane nianda zyada pasand hai. to nianda hi suno - khanna ji, yah mahashay mujh par apane prem ka jal......

shakkar-mil ki chimani yahaan se saf najar ati thi. khanna ne usaki taraph dekha. vah chimani khanna ke kirti stanbh ki bhaanti akash mean sir uthae kh di thi. khanna ki aankhoan mean abhiman chamak utha. isi vakt unhean mil ke daftar mean jana hai. vahaan dayarektaroan ki ek arjeant mitiang karani hogi aur is paristhiti ko unhean samajhana hoga aur is samasya ko hal karane ka upay bhi batalana hoga.

magar chimani ke pas yah dhuaan kahaan se uth raha hai? dekhate-dekhate sara akash bailoon ki bhaanti dhuean se bhar gaya. saboan ne sashank ho kar udhar dekha. kahian ag to nahian lag gee? ag hi maloom hoti hai.

sahasa samane s dak par hajaroan adami mil ki taraph dau de jate najar ae. khanna ne kh de ho kar zor se poochha - tum log kahaan dau de ja rahe ho?

ek adami ne rook kar kaha - aji, shakkar-mil mean ag lag gee. ap dekh nahian rahe haian?

khanna ne mehata ki or dekha aur mehata ne khanna ki or. malati dau di huee bangale mean gee aur apane joote pahan aee. afasos aur shikayat karane ka avasar n tha. kisi ke muanh se ek bat n nikali. khatare mean hamari chetana aantarmukhi ho jati hai. khanna ki kar kh di hi thi. tinoan adami ghabarae hue a kar baithe aur mil ki taraph bhage. chauraste par pahuanche to dekha, sara shahar mil ki or um da chala a raha hai. ag mean adamiyoan ko khianchane ka jadoo hai, kar age n badh saki.

mehata ne poochha - ag-bima to kara liya tha n!

khanna ne lanbi saans khianch kar kaha - kahaan bhaee, abhi to likha-padhi ho rahi thi. kya janata tha, yah aphat ane vali hai.

kar vahian ram-asare chho d di gee aur tinoan adami bhi d chirate hue mil ke samane ja pahuanche. dekha to agni ka ek sagar akash mean um d raha tha. agni ki unmatt laharean ek-par-ek, daant pisati thian, jibh lapalapati thian, jaise akash ko bhi nigal jaeangi. us agni samudr ke niche aisa dhuaan chhaya tha, mano savan ki ghata kalikh mean naha kar niche utar aee ho. usake oopar jaise ag ka tharatharata hua, ubalata hua himachal kh da tha. hate mean lakhoan adamiyoan ki bhi d thi, pulis bhi thi, phayar briged bhi, seva samitiyoan ke sevak bhi, par sab-ke-sab ag ki bhishanata se mano shithil ho ge hoan. phayar briged ke chhiante us agni-saphar mean ja kar jaise bujh jate the. eeantean jal rahi thian, lohe ke gardar jal rahe the aur pighali huee shakkar ke paranale charoan taraph bah rahe the. aur to aur, zamin se bhi jvala nikal rahi thi.

door se to mehata aur khanna ko yah ashchary ho raha tha ki itane adami kh de tamasha kyoan dekh rahe haian, ag bujhane mean madad kyoan nahian karate, magar ab inhean bhi jnat hua ki tamasha dekhane ke siva aur kuchh karana apane vash se bahar hai. mil ki divaroan se pachas gaj ke aandar jana jan-jokhim tha. eeant aur patthar ke tuk de chatak-chatak toot kar uchhal rahe the. kabhi-kabhi hava ka rukh idhar ho jata tha, to bhagad d p d jati thi.

ye tinoan adami bhi d ke pichhe kh de the. kuchh samajh mean n ata tha, kya karean. akhir ag lagi kaise! aur itani jald phail kaise gee? kya pahale kisi ne dekha hi nahian? ya dekh kar bhi bujhane ka prayas n kiya? is tarah ke prashn sabhi ke man mean uth rahe the, magar vahaan poochhe kisase, mil ke karmachari hoange to zaroor, lekin us bhi d mean unaka pata milana kathin tha.

sahasa hava ka itana tej jhoanka aya ki ag ki lapatean nichi ho kar idhar lapakian, jaise samudr mean jvar a gaya ho. log sir par paanv rakh kar bhage. ek-doosare par girate, relate, jaise koee sher jhapata ata ho. agni-jvalaean jaise sajiv ho gee thian, sachesht bhi, jaise koee sheshanag apane sahasr mukh se ag phuankar raha ho. kitane hi adami to is rele mean kuchal ge. khanna muanh ke bal gir p de, malati ko mehata ji donoan hathoan se pak de hue the, nahian zaroor kuchal gee hoti? tinoan adami hate ki divar ke pas ek imali ke pe d ke niche a kar rooke. khanna ek prakar ki chetana-shoony tanmayata se mil ki chimani ki or takataki lagae kh de the.

mehata ne poochha - apako zyada chot to nahian aee?

khanna ne koee javab n diya. usi taraph takate rahe. unaki aankhoan mean vah shoonyata thi, jo vikshiptata ka lakshan hai.

mehata ne unaka hath pak d kar phir poochha - ham log yahaan vyarth kh de haian. mujhe bhay hota hai, apako chot zyada a gee hai. aie, laut chalean.

khanna ne unaki taraph dekha aur jaise sanak kar bole - jinaki yah harakat hai, unhean maian khoob janata hooan. agar unhean isi mean santosh milata hai, to bhagavan unaka bhala karean. mujhe kuchh parava nahian, kuchh parava nahian, kuchh parava nahian! maian aj chahooan, to aisi nee mil kh di kar sakata hooan. ji haan, bilakul nee mil kh di kar sakata hooan. ye log mujhe kya samajhate haian? mil ne mujhe nahian banaya, maianne mil ko banaya. aur maian phir bana sakata hooan, magar jinaki yah harakat hai, unhean maian khak mean mila dooanga. mujhe sab maloom hai, ratti-ratti maloom hai.

mehata ne unaka chehara aur unaki cheshta dekhi aur ghabara kar bole - chalie, apako ghar pahuancha dooan. apaki tabiyat achchhi nahian hai.

khanna ne kahakaha mar kar kaha - meri tabiyat achchhi nahian hai. isalie ki mil jal gee. aisi milean maian chutakiyoan mean khol sakata hooan. mera nam khanna hai, chandraprakash khanna! maianne apana sab kuchh is mil mean laga diya. pahali mil mean hamane bis pratishat napha diya. maianne protsahit ho kar yah mil kholi. isamean adhe rupe mere haian. maianne baiank ke do lakh is mil mean laga die. maian ek ghanta nahian, adha ghanta pahale das lakh ka adami tha. ji haan, das, magar is vakt phakemast hooan - nahian divaliya hooan! mujhe baiank ko do lakh dena hai. jis makan mean rahata hooan, vah ab mera nahian hai. jis bartan mean khata hooan, vah bhi ab mera nahian! baiank se maian nikal diya jaooanga. jis khanna ko dekh kar log jalate the, vah khanna ab dhool mean mil gaya hai. samaj mean ab mera koee sthan nahian hai, mere mitr mujhe apane vishvas ka patr nahian, daya ka patr samajheange. mere shatru mujhase jaleange nahian, mujh par hanseange. ap nahian janate mistar mehata, maianne apane siddhaantoan ki kitani hatya ki hai. kitani rishvatean di haian, kitani rishvatean li haian. kisanoan ki ookh taulane ke lie kaise adami rakhe, kaise nakali bat rakhe. kya kijiega, yah sab sun kar, lekin khanna apani yah durdasha karane ke lie kyoan jianda rahe? jo kuchh hona hai ho, duniya jitana chahe hanse, mitr log jitana chahean afasos karean, log jitani galiyaan dena chahean, dean. khanna apani aankhoan se dekhane aur apane kanoan se sunane ke lie jita n rahega. vah behaya nahian hai, begairat nahian hai!

yah kahate-kahate khanna donoan hathoan se sir pit kar jor-jor se rone lage.

mehata ne unhean chhati se laga kar dukhit svar mean kaha - khanna ji, jara dhiraj se kam lijie. ap samajhadar ho kar dil itana chhota karate haian. daulat se adami ko jo samman milata hai, vah usaka samman nahian, usaki daulat ka samman hai. ap nirdhan rah kar bhi mitroan ke vishvasapatr rah sakate haian aur shatruoan ke bhi, balki tab koee apaka shatru rahega hi nahian. aie, ghar chalean. jara aram kar lene se apaka chitt shaant ho jayaga.

khanna ne koee javab n diya. tinoan adami chauraste par ae. kar kh di thi. das minat mean khanna ki kothi par pahuanch ge.

khanna ne utar kar shaant svar mean kaha - kar ap le jayan. ab mujhe isaki zaroorat nahian hai.

malati aur mehata bhi utar p de. malati ne kaha - tum chal kar aram se leto, ham baithe gap-shap kareange. ghar jane ki to aisi koee jaldi nahian hai.

khanna ne kritajnata se usaki or dekha aur karun-kanth se bole - mujhase jo aparadh, hue haian, unhean kshama kar dena malati! tum aur mehata, bas tumhare siva sansar mean mera koee nahian hai. mujhe asha hai, tum mujhe apani najaroan se n giraogi. shayad das-paanch din mean yah kothi bhi chho dani pade. kismat ne kaisa dhokha diya!

mehata ne kaha - maian apase sach kahata hooan khanna ji, aj meri najaroan mean apaki jo ijjat hai, vah kabhi n thi.

tinoan adami kamare mean dakhil hue. dvar khulane ki ahat pate hi goviandi bhitar se a kar boli - kya ap log vahian se a rahe haian? maharaj to b di buri khabar laya hai.

khanna ke man mean aisa prabal, n rukane vala, toofani aveg utha ki goviandi ke charanoan par gir p dean aur unhean aansuoan se dho dean. bhari gale se bole - haan prie, ham tabah ho ge.

unaki nirjiv, nirash ahat atma saantvana ke lie vikal ho rahi thi, sachchi sneh mean doobi huee saantvana ke lie - us rogi ki bhaanti, jo jivan-sootr kshin ho jane par bhi vaidy ke mukh ki or asha-bhari aankhoan se tak raha ho. vahi goviandi jis par unhoanne hamesha julm kiya, jisaka hamesha apaman kiya, jisase hamesha bevaphaee ki, jise sadaiv jivan ka bhar samajha, jisaki mrityu ki sadaiv kamana karate rahe, vahi is samay jaise aanchal mean ashirvad aur mangal aur abhay lie un par var rahi thi, jaise un charanoan mean hi usake jivan ka svarg ho, jaise vah unake abhage mastak par hath rakh kar hi unaki pranahin dhamaniyoan mean phir rakt ka sanchar kar degi. man ki is durbal dasha mean, ghor vipatti mean, mano vah unhean kanth se laga lene ke lie kh di thi. nauka par baithe hue jal-vihar karate samay ham jin chattanoan ko ghatak samajhate haian, aur chahate haian ki koee inhean khod kar pheank deta, unhian se, nauka toot jane par, ham chimat jate haian.

goviandi ne unhean ek sofa par baitha diya aur sneh-komal svar mean boli - to tum itana dil chhota kyoan karate ho? dhan ke lie, jo sare papoan ki j d hai! us dhan se hamean kya sukh tha? sabere se adhi rat tak ek-n-ek jhanjhat-atma ka sarvanash! l dake tumase bat karane ko taras jate the, tumhean sanbandhiyoan ko patr likhane tak ki phursat n milati thi. kya b di ijjat thi? haan, thi, kyoanki duniya ajakal dhan ki pooja karati hai aur hamesha karati chali aee hai. use tumase koee prayojan nahian. jab tak tumhare pas lakshmi hai, tumhare samane pooanchh hilaegi. kal utani hi bhakti se doosaroan ke dvar par sijade karegi. tumhari taraph takegi bhi nahian. satpurush dhan ke age sir nahian jhukate. vah dekhate haian, tum kya ho, agar tumamean sachchaee hai, nyay hai, tyag hai, purusharth hai, to ve tumhari pooja kareange. nahian tumhean samaj ka lutera samajh kar muanh pher leange, balki tumhare dushman ho jaeange. maian galat to nahian kahati mehata ji?

mehata ne manoan svarg-svapn se chauank kar kaha - galat? ap vahi kah rahi haian, jo sansar ke mahanh purushoan ne jivan ka tatvik anubhav karane ke bad kaha hai. jivan ka sachcha adhar yahi hai.

goviandi ne mehata ko sanbodhit karake kaha - dhani kaun hota hai, isaka koee vichar nahian karata. vahi jo apane kaushal se doosaroan ko bevakooph bana sakata hai?

khanna ne bat kat kar kaha - nahian goviandi, dhan kamane ke lie apane mean sanskar chahie. keval kaushal se dhan nahian milata. isake lie bhi tyag aur tapasya karani p dati hai. shayad itani sadhana mean eeshvar bhi mil jae. hamari sari atmik aur bauddhik aur sharirik shaktiyoan ke samanjasy ka nam dhan hai.

goviandi ne vipakshi n ban kar madhayasth bhav se kaha - maian manati hooan ki dhan ke lie tho di tapasya nahian karani p dati, lekin phir bhi hamane use jivan mean jitane mahatv ki vastu samajh rakha hai, utana mahatv usamean nahian hai. maian to khush hooan ki tumhare sir se yah bojh tala. ab tumhare l dake adami hoange, svarth aur abhiman ke putale nahian. jivan ka sukh doosaroan ko sukhi karane mean haian, unako lootane mean nahian. bura n manana, ab tak tumhare jivan ka arth tha atmaseva, bhog aur vilas. daiv ne tumhean us sadhan se vanchit karake tumhare zyada ooanche aur pavitr jivan ka rasta khol diya hai. yah siddhi prapt karane mean agar kuchh kasht bhi ho, to usaka svagat karo. tum ise vipatti samajhate hi kyoan ho? kyoan nahian samajhate, tumhean anyay se l dane ka avasar mila hai. mere vichar mean to pi dak hone se pi dit hona kahian shreshth hai. dhan kho kar agar ham apane atma ko pa sakean, to yah koee mahanga sauda nahian hai. nyay ke sainik ban kar l dane mean jo gaurav, jo ullas hai, kya use itani jald bhool ge?

'goviandi ke pile, sookhe mukh par tej ki aisi chamak thi, mano usamean koee vilakshan shakti a gee ho, mano usaki sari mook sadhana pragalbh ho uthi ho.

mehata usaki or bhaktipoorn netroan se tak rahe the, khanna sir jhukae ise daivi prerana samajhane ki cheshta kar rahe the aur malati man mean lajjit thi. goviandi ke vichar itane ooanche, usaka hriday itana vishal aur usaka jivan itana ujjval hai.